رواية ولد الترف والدلال -23
هيثم يمد المفاتيح لفهد :خذها وادخل ما أحب أشوف سجى وهي متفاجأة
وبعد ساعة بأرجع
فهد :ليش لهدرجة عطوف
هيثم : بنت أختي وراحمها
فهد :اوكي على راحتك .....وخذ المفاتيح من يد هيثم وهيثم راح .....
فتح فهد الباب بهدوء وسحب شنطته ودخلها ثم رجع ودخل الثانية
والشقة ما فيها أي صوت .......................
دار فهد في الصالة :سجى سجى حبيبي سجى وينك ؟؟؟؟؟؟؟؟
وراح لغرفتها اللي حافظ مكانها وفتح الباب بشويش وولع اللمبة لقاها جالسة على السرير ومنزلة عيونها للأرض وفي حضنها دبدوب أحمر .........
فهد يطالعها بشوق لهالطفلة البريئة اللي ما انتبهت لدخولة ولا رفعت راسها حتى .....................
فهد يقرب للسرير :سجى
سجى رفعت عيونها واتسعت لم شافت فهد :
فااااااااــــهـــد
وطبت في حضنة وهي تضحك ...........
فهد ضمها شوي ثم وخرها وحبها على خدها :كيفك يا حلوة ؟؟؟؟؟
سجى استحت: طيبه
فهد يطالع ملامحها الناعمه ببشرتها البرونزية ولون عيونها البني
وشعرها الأسود اللي يوصل لنص ظهرها ........
لكنها نحيفة مره وكأنه من المجاعة ,,,,,,,,,,
فهد : سجى أنتي ما تاكلين ؟؟؟؟؟؟؟
سجى سكتت ما عرفت تجاوب ,,,,,,,
فهد يمسح على شعرها :من اليوم ورايح لازم تاكلين زين عشان تسمنين
اوكي
هزت سجى راسها بالموافقة ...........
ورجع فهد حبها على راسها : يله حبيبي قومي لبسي عشان تطلع نتمشى
سجى :بابا أنا ما أبي أطلع
هزت هالكلمة فهد وبصدمة :بابا ؟؟؟؟؟؟
سجى ما عرفت ليش تغيرت ملامح فهد ورجعت تقول : فهد أنا ما أبي أطلع
فهد ابتسم لها وعلى برائتها تحسب أنه زعل لم قالت بابا ...:
ليه ما نطلع ؟؟؟؟؟؟؟؟؟؟؟؟
سجى : لا ما نطلع ما نطلع
فهد : اوكي ما نطلع كيفك بس يله قومي وريني غرفتي اللي بأنوم فيها
سجى : لا أنت هنا بتنوم
فهد : ههه اوكي أنام اليوم معك بس ممكن أتسبح لأني تعبان وأبي أرش جسمي
سجى سكتت
وقام عنها فهد بعد ماحاس لها شعرها بيده ..........
وراح يأخذ ملابسة ودخل الحمام يتسبح .............................
.........................الساعة 11 المساء ,.,,,,,,
هيثم وفهد وسجى جالسين على طاولة الأكل وياكلون بيتزا اللي جابها هيثم معه........
فهد وهو يرجع كاس الببسي : أنا تعبان وين بأرقد فيه؟؟؟؟؟؟؟؟
سجى بسرعة :أنت تقول بتنام معي
فهد ابتسم لها :ما يكفينا السرير
سجى بأصرار:إلا يكفي
هيثم : لا فهد أنت بترقد معي في غرفتي
سجى : بس فهد قال أنه بينام معي
هيثم رفع صوته: بس سجى خلاص فهد بينام معي سكري الموضوع
تجمعت الدموع في عيون سجى وقامت عن الأكل ودخلت غرفتها وقفلت الباب
هيثم : اللحين بتبدأ المناحة
فهد : وشفيك عليها فهمها شوي شوي
هيثم :خلها تتعود أنك بعيد عنها لو تتعود عليك في هالأسبوعين
بترجع حالتها لم تروح .........
فهد يتنهد : كيفك ..............
إلا صح وش صار على الدكتور النفسي اللي تعالجون عنده
هيثم : يقول خلوها تواجهه الحياة بطريقتها وهي بتتعدل
فهد : ما فهمت
هيثم : يعني اللي نسوية انا وانت اللحين غلط احنا جالسين ندلعها بزيادة وهذا يضرها أكثر ما ينفعها.........................
أنا خلاص قررت أني أخليها غصب تندمج في المجتمع
فهد :وش بتسوي ؟؟؟؟؟؟
هيثم : هي من أسبوعين تداوم في المدرسة وماشية مع الناس رغم أنهم كم مرة دقوا علي يشتكون من عدم مشاركتها في الدروس .......
وسكوتها الدايم وعزلتها وصياحها الكثير .........
لكن مع الايام بتتعود على المدرسة ...........
فهد : بس أشوف ان جسمها نحيف مرة لهدرجة ما تاكل
هيثم : لا جاعت بتاكل خلها
فهد : وش هالقساوة اللي فيك توك قبل شوي رايح عشان ما تشوف سجى وهي متفاجأة بوجودي ..........
هيثم : انا مو قاسي يا استاذ فهد بس انا جالس أقوي عظمها في هالدنيا لا متى تكون رخوة اللحين عمرها 11 سنة و9 شهور خلاص كبرت
فهد :فهمت عليك ما يحتاج توضح أكثر
هيثم : بترقد اللحين ولا نطلع نتمشى
فهد / لا والله مافيني حيل بارقد ......
هيثم يشيل صحنة وكاسة : لا خلصت غسل صحنك وكاسك
فهد :ههههه بدينا بالحركات توني واصل
هيثم : القوانين ما تختلف اللي ياكل معي يغسل مواعينه
فهد : اوكي لا تخاف بأغسلهم .........
راح هيثم المطبخ ولحقة فهد وغسلو مواعينهم وضفو اللي على الطاولة ......
ثم راح فهد يرقد وهيثم جالس على النت
يتواصل مع اصدقائة في جميع أنحاء العالم
اليوم التالي:
في دبي ..........
جواهر ونايف جالسين في الصالة يتابعون مسلسل في التلفزيون
جت رتاج وجلست معه ....................
رتاج : جواهر أنا بأترك الدراسة
جواهر لفت عليها :وششوووووو؟؟؟
رتاج : اللي سمعتي
جواهر تطفي التلفزيون بالرموت :على كيفك تتركينها
نايف :مما ممممما وللللللللعي
جواهر تولع التلفزيون لنايف :من جدك؟؟؟؟؟؟؟؟؟؟؟؟؟؟؟؟
رتاج : ايه على كيفي ومن جدي أنا خلاص ما بكمل
جواهر :وتجلسين في البيت وش تسوين ؟؟؟؟؟؟؟؟؟
رتاج : ما أسوي شي
جواهر :اللحين ما صدقنا أن ماجد قرر يكمل دراسته تجين أنتي
تركينها؟؟؟؟؟؟؟
رتاج :وليه ماجد بيدرس؟؟؟؟؟؟؟؟
جواهر : ايه صح نسيت أنك ما تعرفين ...ماجد طال عمرك
بيكمل دراسته بياخذ دبلوم سنتين أدارة اعمال في أمريكا
رتاج :ههه متخلف
جواهر: والله مدري من المتخلف
رتاج :وش قصــــــدك ؟؟؟؟؟؟؟؟؟
جواهر :قصدي اللي قصدي
رتاج :أشوفك يا جواهر كثير صاير ترمين كلام صدق أنك سفرتيني وعالجتيني
لكن مو تمنين علي وتتهزين
جواهر :احمدي ربك أني سويت لك كل هذا ولا اللحين أنتي في القبر ذابحك مشاري ولا سلطان ...................................
رتاج عصبت: ياليتني مت ولا تمنين علي
جواهر : عشان تفضحينا لا يا حبيبتي أنا سويت كل هذا عشان بس سمعتنا ولا انتي ما تهميني لو تدمنين مية سنة ............
رتاج انقهرت بقوة وقامت لغرفتها ................
.......................................
بعد 4 أيام ....................
الساعة10 ليلا دخل أبولافي على وعد في الغرفة هو مسؤول عنها بما أن أبوه وأمه متوفين من سنين طويلة وسأل عن مشعل والكل يمدح فيه وفي أخلاقة
وأخوانه ما عارضو أن أختهم تكون زوجة ثانية لمشعل
وما يبون يوقفون نصيب أختهم :
وعد : هلا تفضل أدخل واقف عند الباب
دخل أبو لافي وجلس على سرير وعد وهي قباله .....
أبو لافي : اسمعي ياوعد واعتبريني أبوك ...........
وعد : الله يرحمة
أبو لافي :اللحين أنتي كبيرة وسبق انخطبتي من ولد خالتي وانفصلتوا وما كان بينكم نصيب ...الموضوع ومافيه أن في واحد متقدم لك
وعد اللي عارفة الموضوع :وش اسمه ؟؟؟؟؟؟؟؟؟؟؟؟؟؟
أبو لافي ابتسم : ما عليك من اسمه اللحين لكن الاهم أنه متزوج وعنده 3 عيال وهو رجال موب كبير عمره 30 سنة والرجال يبي عيال ومرته
ماتبي والشرع محلل اربع وأنا ما جيت أقولك ألا عقب ما سألت عنه
وهو رجال طيب وما سمعنا عنه شي ...........................
وعد انصدمت وكأنها عرفته وأشرت بيدها على نفسها:يبيني
زوجة ثانية ؟؟؟؟؟؟؟؟؟؟
وعمره 30 ..............وعنده 3 عيال .......لايكون الدكتور مشعل ؟؟؟؟؟؟؟؟
هز راسه أبو لافي بـ(ايه),,,,,,,,,,,,
وعد هزت راسها بالمعارضة :مستحـــيل أتزوجه الدكتور مشعل لا ما يصير
ما يصير ...................
أبو لافي : اسمعي يا وعد أنا ماراح اغصبك عليه بس أحسنه أحسن واحد لك وأنتي اللحين عمرك 25 وقريب داخلة 26 لا ما تزوجتي اللحين متى بتتزوجين؟؟؟
وعد :قصدك أني عانـــس ؟؟؟؟؟؟؟
أبو لافي : لا يا وعد لا يروح تفكيرك بعيد أنا أقصد متى بتتزوجين ومتى بتجبين عيال ما فكرتي هالموضوع ........
وبعدين أنتي لا أول ولا أخر وحدة تكون زوجة ثانية .........
أنتي بس استخيري وعيني الله وأن شاء الله أذا لك نصيب معه بتاخذينة وأذا مثل غيرة ((يقصد ولد خالتها)) فا الشكوى لله ......
قام من عنده وقبل لا يطلع : لك يومين تفكرين لأننا طولنا على الرجال
وأن كنتي تستحين تداومين روحي بكرة وخذي أجازة .........
وعد : ليه من متى مشعل خطبني ؟؟؟؟؟؟؟ ((جردتها من الدكتور))
أبو لافي : من أخر مره جانا ........
وعد : من خمس أيام .......
أبو لافي :ايه يله تمسين على خير .........
وعد :وأنت من اهله ,,,,,,,,,,
طلع أبو لافي وسكر الباب وجلست وعد تفكر في الموضوع .......
بتاخذ أجازة ولا تداوم ..........
مع أنه ما تظن اا بتاخذ أجازة .....كثرة أجازاتها ......
مسحت وعد على شعرها : يا ربي يا مشعل ما لقيت ألا أنا .....
انسدحت على السرير تفكر .........
.........................
حص : بعد أسبوعين بنرجع ؟؟؟؟؟؟؟؟؟؟؟؟؟؟؟؟؟ وليش؟؟؟؟؟؟؟؟؟
سلطان :خلاص بعد أسبوع قرر الدكتور يسوي لي عملية التجميل وخلاص ما أبي أكمل هالدورة وأنا حجزت خلاص .........
حصه : ما تهنينا في هالسفرة
سلطان : بعدين أنا وراي أشغال كثيرة هناك ومعطلها عشان هالدورة
حصه :وليش وش عندك ؟؟؟؟؟؟
سلطان : ممم تأثيث البيت اللي بتسكنينة ويبي لي شهر عشان أخلصة ...
و حجز قاعة ما حجزت للعرس وشغلات ثانية ما تذكر
حصه راحت تطل من الشباك وفي قلبها قهر من سلطان بيقطع دورته
ويرجع للرياض عشان يتزوج ...........جد تافــــه
جلس سلطان على الكنبة وولع زقارة وجلس يدخن ,,,,,,,,
لفت عليه حصه :أنا ما قلت لا تدخن هنا ؟؟؟؟؟؟؟؟؟
سلطان ما يرد عليها ويشك على جواله ........
حصه تضايقت من الريحة اللي انتشرت :اففففف وش هالقرف .........
اطلع برى الشقة خيســـــــــــــتنا
سلطان :مو أنا اللي تطرديني ,,,,,,,,,,,
حصه تمشي وتخليه في تخلفه وتدخل الغرفة وتسكر الباب عشان ما تدخل الريحة وفتحت الشبابيك .......................
وطالعت الشوارع الجميلة اللي بتودعها بعد أسبوعين ......
.............................................
في صباح جميل في عاصمة المملكة الرياض .......
قامت شوق بسرعة وصلت الفجر وتسبحت ولبست مريولها وخذت شنطتها وطلعت تقوم أختها ربى عشان يشوفون السيارة اللي تقول عنها .......
دخلت على ربى لقتها تمشط شعرها عند التسريحة ...
شوق : يله خلصينا خلينا نروح..........
ربى تربط شعرها فرس : طيب شوي بنلحق عليه لا تخافين
شوق :حتى ولو خلصي بسرعة ............
ربى :اوكي اطلعي بس وأنا بأجيك ,,,,,,
شوق :طيب
طلعت شوق من عند ربى ونزلت تحت مالقت
أمها لأنها صارت ما تقوم مبكر ..
لبست شوق عبايتها ولفت طرحتها وطلعت وركبت مع ساجد اللي مجهز السيارة ويحتريهم ..............
دقايق ألا جتها ربى وركبت : يله ساجد حرك
تحرك ساجد وخذ دقيقة ونصف حتى طلع من سور القصر ,,,,,,,,
ربى تهز شوق :هذا هو هذاااا هو
شوق تتلفت : ووووينننه ؟؟؟؟؟؟؟
ربى : الكامري اللي ورانا لفي ..
شوق لفت تطالع ورا : يمه هذا هو؟؟؟؟؟؟؟؟؟؟؟؟
ربى : ايه شوفي لوحته ونقليني
شوق :ما أشوووف مرة مضللة
ربى تفتح شنطتها وتطلع دفتر وقلم وتتلثم :أنا بأنقلة ......
وفتحت الشباك ,,,,
ولم شافها راعي الكامري تقدم لم صار مساوي لهم ومتقدم شوي
ربى عينها على اللوحة وتكتبه وتسكر الشباك بسرعة ,,,,,,,
وساجد مستغرب من تصرف ربى ........
شوق مصدومة :ربى
ربى تفك لثمتها وتتنهد أن المهمه خلصت:هااا
شوق بخوف:ماجد شافك ............
ربى انصدمت:وشووووووووو؟؟؟؟؟؟؟؟؟
شوق :والله شافك تعرفين ان هذا وقتة يرجع من ربعه وشافك قبل شوي
ربى قلبها تسارع في نبضاته :لا تخوفيني أخاف يفهم غلط
شوق :والله لو يفهم غلط لا تروحين وطي يا ربى
ربى خايفة: متأكدة أنه شافني
شوق :والللللله شافك ما أكذب
ربى تورطت: طيب لا سألني وش أقوله
شوق :مدري ما أعرف
ربى :بأقولة السالفة من أول بس لا يفهمني غلط
شوق :كيفك مشكلتك
ربى :أشوفك تبريتي مو كنك اللي قلتي لي اخذ رقم لسيارة
شوق : بس مو بهذي الطريقة
ربى : لا والله
وجلسو يتطاقون لحد ما نزلت شوق مدرستها وراحت ربى مدرستها وراعي السيارة لا زال وراهم ,,,,,,,,
وماجد كان دايخ مرة وواصلة معاه ويالله يشوف الطريق لكنه شاف سيارة أهلة بس ما شاف ربى وهي فاتحة الشباك ومتلثمة وتطالع الكامري اللي شوي وتلزق في سيارتهم .....................وصل البيت وعلى طول راح يرقد
..............................
الساعة 11 الظهر .....في المستشفى
وعد ما قدروا يعطونها أجازة لمدة يومين ......
ومشعل فهم من حركات وعد ونظراتها له أن الموضوع وصلها
وخلال أيام بيعرف هل هو بيتزوجها ولا لا ؟؟؟؟؟؟؟؟؟
........................
الساعة 1 الظهر .......في المطار
رائد واقف ينتظر قدوم زوجته وولده مشتاق لهم حيل......
رن جواله ورد عليه وكان واحد من العمل بعد رائد عن الازعاج
وجلس يتكلم معه ........
ولم سكر جواله رن من جواهر ورفع نظرة يدورهم وأشر عليهم
وهو على طول توجهوا له ........
نايف ركض لأبوه اللي شالة : هلا حبيبي ....وباسه على خدة
ومد يده يسلم على جواهر وسلم من بعيد على رتاج اللي سرحانه تطالع الناس .
بعدها ركبو سيارة رائد...
ووصلو رتاج ثم راحو لبيتهم ........................
رتاج تدخل البيت وما تلقى أحد في الصالة .........
راحت تدور في البيت وما لقت أحد ,,,
راحت للطبخ لقت رويدا :رويدا قولي لوحدة من الخدامات تشيل شناطي وترقيها لغرفتي
رويدا تفاجأة: أهللين رتاج شو أخبارك ؟؟؟ الحمد لله على سلامتك حبيبتي
رتاج : الله يسلمك ......لا تنسين تقولين لهم .
رويدا :أي تكرم عينك ولا يهمك
وطلعت رتاج من المطبخ وتوجت للمصعد
ورقت فوق أول ما طلعت لقت في وجهها شوق :
شوق : بسم الله الرحمن الرحيم ...من وين طلعتي
رتاج طالعتها من فوق وتحت ومشت رايحة لغرفتها
أول ما دخلت سكرت الباب ورمت عبايتها على الكبنة
وفتحت شنطتها وخذت جوالها وفتحته وكانت البطارية ضعيفة دورت على الشاحن وشبكته ,,,,,,,,,,
وخلته وراحت تتسبح .,,,,,,,,,,,
بعد ما طلعت ولبست اتجهت لجوالها اللي مسكر من أول ما سافرو
تفأجأة بالرسايل اللي جتها ...................
ولا زال الجوال يستقبل رسايل دليل أنه باقي رسايل للحين ما وصلت .......
تركت الجوال وفتحت الباب اللي انطق ولقت الشغالة جايبة الشناط دخلتها الغرفة وطلعت ورجعت رتاج تسكر الباب ..............
فكت جوالها من الشاحن وجلست على سريرها تشوف الرسايل
نصها من بنات الجامعه .............
والأخرى من رقم غريب :::::::::
((والله لا أخيك تندمين على اليوم اللي فكرتي فيه تبلغين ))
(( أنا عارف أنك مسافرة لكن لي حل معك ))
(( تفضحينا وتطلعين نفسك من الموضوع ولا كانك سويتي شي
يا ,,,,,,,,,,))
ورسايل ثانية كلها تهديد فيها وفي أهلها .........
نست رتاج تسأل رائد وش صار مع راشد أذا مسكوه ولا لا؟؟؟؟
إذا ما مسكوه بتكون مصيبة ........
دقت على جواهر تسألها وقالت بتسأل رجلها وبتدق ...........
جلست رتاج تنتظر جواهر تدق وطولت ..........
دق جوالها من نفس رقم الغريب وترددت ترد ولا لا لكن خافت وعطته بزي
لكن رجع دق ...........وردت : الو
..........:هلا رتاج ....الحمد لله على السلامة
رتاج انفضت على صوت الرجال جهوري ووخرت الجوال
تطالع الشاشة وجواهر على الخط تنتظر رجعت ترد عليه :مينننن أنت ؟؟؟؟؟؟
لكن الرجال سكر في وجهها تاركها في حيرة ........
ردت رتاج على جواهر : هلا جواهر
جواهر : تاركتني انتظر كان رديتي
رتاج :أسفة ...ها وش صار ؟؟؟؟؟
جواهر : راشد له أسبوع ونص ماسكينة ,,
رتاج بأرتياح :شكرا
وسكرت الجوال في وجه جواهر اللي استغربت من رتاج ........
رتاج رجعت الجوال في الشاحن وحطته على السايلنت ,.......
طق طق طق ,,,,,,,,,,,,
رتاج :نع،ـــــــــــــم
انفتح الباب وكانت ربى :هلا رتاج
رتاج نفسها خايسة:نعم وش تبين اطلعي برى ؟؟؟؟؟!!!!!!!!!
ربى : هذا جزاتي جايه اسلم عليك
رتاج : خلاص سلمتي اطلعي برى
ربى : مالت عليك
وطلعت ربى بعد ما صفقت بالباب عشان تقهر رتاج,,,,,,,,,,,
وراحت تمشي للدرج لكن تجمدت اطرافها لم شافت ماجد
يرقى...........
رجعت لغرفتها بسرعة تهربا من الموقف اللي بتنحط فيه
وماجد استغرب من ربى اللي انحاشت وقال في نفسه :
يمكن فيها حمام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بعد وقت ماهو كثير .....
كانت العائلة مجتمعه على الغدا ألا رتاج ................
وربى كل شوي تطالع شوق وشوق تطالع ماجد تدور أي ردت فعل على وجهه على اللي صار اليوم لكن ما كان فيه أي أثر للغضب أو الشك .....................
جتهم رتاج واكتفت بكلمة ((هلا))
وحبت راس أبوها وسلمت على امها وجلست في مكانها المعتاد ..
ماجد : وش أخبار دبي؟؟؟؟؟؟؟؟؟؟؟؟؟
رتاج بعدم اهتمام : تسلم عليك ..................
ماحب ماجد يقول لها شي وعلى الغدا
رجعو يكملون أكلهم ........................
..........بعد الغدا طلع أبو مشاري من البيت ...
وماجد راح نام ...............
ورتاج راحت لغرفتها .......أول ما دخلت سكرت الباب ...
وراحت تشوف جوالها لقت رسالة :
((تبين تعرفيني أطلعي من البيت الساعة 9 العصر )))))))))
استغربت رتاج 9 العصر .......!!!
شكلة غلطان أو يبي يخليها تحتار ....
لكن بتطلع العصر تشوف ...............
راحت تفتح الشناط وتشوف وش جواهر شارية
لها ...ملابس ومكياجات وووإلخ
نثرتهم في الأرض ......
وفي بالها : (( لازم أرجع زي قبل بشموخي ))))))))))))
أختارت لها برمودا أبيض وتشيرت جوبنيز أسود .......
طلعت لها جزمة سودا ..
واتجهت للتسريحة طالعت شعرها اللي تقصف مع الحالة اللي مرت فيها ......ولازم تقصة ....ربطته فرس ورسمت عيونها بالكحل الأسود وحطت ماسكار
وشدو أسود.......وحطت روج أحمر صارخ ........
دورت في دروجها على عدساتها العسلية ولقتها ولبستها ...
ثم جلست على كرسي التسريحة وانشغلت في أظافيرها
تبردها على السريع ولم خلصت حطت مناكير لونها أحمر
وانتظرت لم تنشف ............ولبست ساعتها....
ثم لبست عبيايتها المفصلة على جسمها ولفت
طرحتها اللي ارتفعت بسبب شعرها..
لم خلصت خذت شنطتها البيضا وحطت بوكها وجوالها وعطر
ومراية ومكيجات خفيفة مثل الحكل والمسكرة ووإلخ....................
ولم حست أنها خلصت اتجهت للمبات وطفتها وطلعت وسكرت الباب وراها..
كل هذا في حدود ساعة .........
نزلت من الدرج ومشت رايحة للباب الرئيسي بتطلع .......
أم مشاري :على ويـــن ؟؟؟؟؟؟؟
رتاج تلف عليها وبدلعها السابق :مام سديم داقة علي تبيني أروح معها
المملكة ....................
أم مشاري :بس أنتي اليوم واصلة ارتاحي وبكرة اطلعي
رتاج :يعني بعد ما تجهزت ,,,لا خلاص أنا بأروح اللحين
يله بااااي وأشرت بيدها وطلعت ...........
وأم مشاري توجهت للتلفون اللي يرن وترد عليه
وتسولف مع وحدة من صديقاتها ...................
رتاج أول ما طلعت شافت ساجد طالع من غرفة فاهم ونادت عليه :
ساجــــــــــــد .............ولف عليها
رتاج تلبس نظارتها الشمسية الشفافة: تعال شغل سيارة ..........
توجهه ساجد للسيارة وركب وشغلها .....
وركبت رتاج .....:امش
ساجد :وين روح ؟؟؟؟؟؟؟
رتاج :الملكة
هز راسه ساجد ومشى بالسيارة وطلع للشارع ..........
وعلى طول رن جوال رتاج من الرقم الغريب
وردت :الوو
..........:هلا وغلا
رتاج :من أنــــــت
أنت راشد ؟؟؟؟؟؟؟؟؟؟؟؟؟
.......: لو أني راشد ما خليتك اللحين حية ؟؟؟؟؟؟؟؟
رتاج بخوف :أنــ,,ت مينـــــــــ ؟؟؟؟؟؟؟
أنت مين "؟؟؟؟؟؟؟؟؟؟؟
لكن الرجال سكر في وجهها وما انتبهت رتاج للسيارة اللي تمشي وراها
...................................
ربى :شوووق ماجد ما قال لي شي
شوق :والله أخاف أنه شاف وساكت
ربى :ياليته يهاوشني ولا أقعد أنتظر كذا
شوق :اسمعي بدق على جواهر وبسألها متى بتجي
ربى : يا ذكية ليش تدقين اللحين اليوم ماراح تجي توها واصلة من السفر وتعبانه لا جى بكرة دقي عليها ................
شوق : كيفك أنتي الخسرانه.......
.......................................
رتاج تتمشى في المملكة والعباية مفتوحة ........
كانت تعتقد أن بالطريقة هذي بتثبت وجودها وتستعيد كل اللي راح ...........رجع جوالها يرن للمرة العاشر من الرقم الغريب وكل مرة تعطية بزي........جلست رتاج على أحد الكراسي وطلعت مرايتها تتأكد أن وجهها مافيه أي غلط
جتها رسالة وفتحها : ((الحلو حلو ؟؟؟؟؟؟؟؟؟؟ ))
انصدمت وتلفتت حولها تدور الرجال الغريب وشافت وجهه مؤلوف عليها
لابس ثوب وحاط الشماغ على كتفه ويطالعها بحقد مع رفعة الحاجب الأيمن ........من الصدمة طاح الجوال من يدها وتناثرت القطع وقامت مرتبكة وجمعته وركبتهم شغلته ودقت على السواق يقرب من البوابه .........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك