رواية ولد الترف والدلال -22
وما يهزهها شي لكن اللي ورطها في هالمصيبة خل الصور اللي راسمتها أختج لنفسها تنكسر وهذا سبب حالتها اللحين ,,,,,,,
لكن صراحة جسمها تقبل العلاج بشكل جيد وخلال أيام أن شاء الله تكون شفيت تماما لكن نفسيتها بتكون أصعب بكثير ...
فانا أقدر اطلعها من المستشفى وتعالجونها في السعودية معاكم يمكن ترتاح نفسيتها لكانت بين اهلكم لكن هذا كيفكم أذا أنتم ما تبون أنها تكمل هني ....جواهر :أنا بأقرر وأقولك ...
الدكتور مبارك تنهد : براحتكم اترخص وراي مرضى
ومشى من قدام جواهر اللي راحت مع رائد يشوفون حل لهالرتاج
...........................
المحطة الثالثة عشر :
حصه جالسه مع سلطان يتابعون الأخبار ........
حصه :حبيبي سلطان ممكن أعرف شي
سلطان : وش؟؟؟؟
حصه تلف عليه بأهتمام : أنا راضية أنك تتزوج علي بس بشرط ؟؟؟؟؟؟
سلطان مبتسم : بس أنا تزوجت خلاص ماله داعي كلامك
حصه :لا بس أول اسمع شرطي
سلطان :أنتي مو راضية وأنا عارف بس أخلصي وش عندك
حصه : سلطان أنا ابي أسكن لحالي
سلطان : وليه أن شاء الله من تكونين ؟؟؟؟؟؟؟؟!!!!
حصه ما اهتمت للي قاله وكملت بأصرار :لم أولد وين باحط ولدي
معنا في الغرفة وأنت ما تحب الأزعاج وليش أخوانك عندهم بيوت وأنت لا ؟؟؟
بعدين قمر وين بتسكنها بعد معنا في الغرفة .............
سلطان : تتهزين أنتي ولا جاده؟؟؟؟؟؟؟
حصه : لا جادة وين بأسكن أنا وولدي بعدين
سلطان : انا عندي فلة في الروضة بأسكنك فيها أنت وولدك
وقمر معي في البيت
حصه وثارت غيرتها :وليش قمر تعيش في قصر وأنا في فلة
سلطان :مو أنتي تبين كذا ؟؟؟؟؟؟؟؟؟؟؟؟؟؟؟؟؟؟؟
بعدين أنتي ما تعودتي على العز يعني الفلة عندك قصر
وقمر متعودة تبيني أسكنها في فلة بسيطة
حصه تعودت على كلامه: يعني الفلة مو زينة
سلطان يبتسم :لا حلوه لا تخافين ما اشتري شي شين بعدين ما فيها أثاث
حصه بفرحة :وأنا اللي بأثاثها ؟؟؟؟؟؟؟؟؟؟
سلطان : لا أنا ...........أنتي ما عندك ذوق
حصه اختفت الفرحة اللي في وجهها ورجعت تطالع التلفزيون
سلطان :من اللحين أقولك الشهر الأول كله عندها وأنتي تبين تقعدين عند أبوك ولا في الفلة بعد ما أثثها طبعا لم نرجع
حصه بحزن : بتسفرها شهر عسل؟؟؟؟؟؟؟؟؟
سلطان : أكيد قمر وما تسافر ؟؟؟؟؟؟؟
حصه :وليش ما سفرتي أول ما تزوجتني ؟؟؟؟؟؟؟؟؟؟
سلطان : فيه فرق بين حصه ((قالها بسخرية ))
وبين قمر حتى الاسم يختلف
حصه خلاص ما تحملت أكثر من التجريح رجعت تتابع الأخبار وبالها مشغول بالمستقبل البعيد القريب ......
ودموعها على وشك تنزل اللي يقولة سلطان اللحين دليل على أنه واحد
ما راح يعدل بينهم .........
نزلت دمعة وحيدة على خدها الأيسر
ومسحتها بسرعة حتى ما تبين لسلطان ضعفها وقامت ومشت من قدامه
سلطان : تبين تطلعين من الشقة اطلعي ترى عادي
حصه واللي تبي ترد على اللي قبل : عشان تحترق مره ثانية .....
ومشت ودخلت الغرفة تنشغل بأي شي.............
بس تكون بعيده عن سلطان ...
.................................................. ....
مشعل خلص دوامه ومشى طالع من مكتبه تلاقى مع وعد
ووقفها :وعد
وعد : نعم دكتور ؟؟
مشعل : فكرتي باللي قلت لك
وعد:لو سمحت دكتور أذا عندك أحد يبيني يطق باب اهلي
ومشت رايحة عنه ............
ابتسم مشعل على اسلوبها ومشى بضيق راجع للبيت
اللي فيه صيته .............................
.................................................. ................
ماجد جالس مع أبوه اللي رجع من جدة ,,,,,
ماجد :يبه أنا قررت أشتغل ........
أبو مشاري :ما بغيت ؟؟؟؟
ماجد:أيه وبس قبل ما اشتغل أبي أخذ دورات
أبو مشاري :في أيِش ؟؟؟؟؟؟؟
ماجد : في اللي بأشتغل فيه
أبو مشاري : أكيد بأخليك في الأدارة مثل أخوانك
ماجد :بس أنا ما أعرف شي في الأدارة أبدا
أبو مشاري : خلاص أنت بس داوم وأنا بأخلي أحد يعلمك على شغلك
ماجد ابتسم : وكم الراتب ؟؟؟؟؟؟؟؟؟؟
أبو مشاري : الحلال كله لك
ماجد : الله يسلمك بس أنا أبي أقضب مرتب مثلي مثل الموظفين\
أبو مشاري :يعني تبيني أعاملك كموظف
ماجد بإصرار: ايه
أبو مشاري :ما نوظف واحد معه شهادات ثانوية
ماجد تحطم : لا مو قصدي كذا
أبو مشاري : خلاص أنت قلت عاملني كموظف وأنا أقولك ما راح أوظف إلا بشهادات جامعية بعدين أخوانك كلهم كملوا دراستهم وتخرجوا ودكاترة
ليش أنت بالذات ماتبي تكمل .........
ماجد بتردد على اللي قرره : خلاص بأخذ دبلوم سنتين في أدارة الأعمال
أبو مشاري :بما أنك ولدي وما منك رجا!!
فابأخليك تكمل دراستك وتاخذ دبلوم ادارة أعمال من أمريكا
ماجد : أمريكا مرة وحدة وسنتين والله قوية
أبو مشاري بعصبيه:أنت جاد ولا تستهبل
ماجد : لا والله جاد وأمريكا امريكا وش ورانا ؟؟؟؟؟؟؟
أبو مشاري : أجل خلاص أعتبر نفسك خلال شهر أنت هناك وجهز عمرك
ماجد بقوم من مكانه : شهر قليل
أبو مشاري : قلت شهر وأنت هناك كلمتي وحدة
ماجد خاف من أبوه لا يقوم يكفخة اللحين : خلاص موافق
وطلع من مكتب أبوه اللي في بيتهم..................
وهو مبتسم على نفسه أنه بيكمل دراسته .........
لبس ملابسه وطلع من البيت رايح يشتري طقم شناط سفر
استعداد لهذه السفرة الدراسية السريعة لكن هو فكر كثير وقرر.......
.................................................
شوق : يمه رتاج ما كلمت لا شي؟؟؟؟؟؟؟؟؟
أم مشاري : لا والله كل ما أقول لجواهر وين رتاج تقول طالعه ولا نايمه ومن هالكلام وبعدين أظاهر عجبهم الجو هناك وبيرجع رائد لهنا وبيخليهم هناك
شوق : غريبه ترضى جواهر تجلس في بلد ورائد مو معها
أم مشاري:رائد عنده دوام بعدين وين جواهر فيه في دبي مو
بلد غريب كنها في السعودية
شوق :أها بس مستغربه
بعد أسبوع أهم شي صار فيه أن رائد رجع للرياض وخلى زوجته وولده في دبي
وصيته ومشعل علاقتهم مع بعض سيئة جدا
رتاج تخطت مرحلة العلاج وباقي التهيئ النفسي
وهذا أصعب...........
,,,,,,,,,,,,,,,,,,,,,,,,,,,,,,,,,,,,,,,,,
ماجد جالس في غرفته وناثر ملابسه الجديدة على سريرة وفي الأرض كراتين الجزم ..................................
دخلت عليه ربى :مجوود وش تسوي؟؟؟؟؟؟؟؟؟؟؟
ماجد : مجود في عينك أصغر عيالك أنا
ربى : لا ندلعك قبل ما تروح عنا سنتين
ماجد :ليه بتشتاقون لي؟؟؟؟؟؟؟؟؟
ربى :مدري ما أظن ؟!!!
ماجد : مالت عليك أجل وشوله جايه أطلعي برى
ربى : لابس جيت بأشوف وش شريت
ماجد :موب لازم تشوفين اطلعي وخليني مشغول
ربى :واضح مشغول خلني بس اطلع أحسن من قاله الوالد بيسفره ويدرسه نفخة روحة علينا كنه وحدة بتعرس وتجهز جهازها
وطلعت من عنده ............
ماجد جلس على السرير يرتب ملابسه في الشنطة ....
هذي ثالث شنطة يرتبها خلال أسبوع .......
من كثر الملابس اللي بياخذها معه
كل يوم يطلع ويشتري ومو مصدق نفسه أن بيروح ويدرس
.......................................
رتاج : دكتور أنا أبي اطلع الحمد لله خلاص أنا زينة
الدكتور مبارك : ما أقدر أطلعج من هنا حتى أتأكد أنج سليمة 100 %
رتاج : طيب أنا أبي أشوف أختي
الدكتور مبارك :اكيد بتزورج بكرة
رتاج :بس أنا أبيها اللحين
الدكتور مبارك : خلاص تعالي مكتبي وكلميها خليها تييج
رتاج :اوكي
ومشت مع الدكتور لغرفته وكلمت أختها وقالت أنها بتجي بعد ساعه .....
.......................بعد ساعة في غرفة رتاج
جواهر :اسمعي الأسبوع الجاي أحنا بنرجع للرياض
اوكي وأنا خلاص حجزت لي ولك بس أبيك ما تبين لأحد أنك كنتي مريضة
خليك مثل قبل مايتغير فيك شي ......
وأنا شريت لك ملابس جديدة وعطورات ومكياجات عشان لاسألتك أمي قولي أنك تمشيتي وطلعتي اللي في خاطرك لأنها كل مادقيت عليهم تسأل عنك
وأقول أنها طالعه فهمتي وش أبغى ؟؟؟؟؟؟؟؟؟؟؟؟؟؟؟
هزت رتاج بالموافقة : بس أنا أبي أطلع خلاص انا مافيني شي واختنقت من المستشفى ...........أبي أطلع .......
جواهر :بأشوف الدكتور أذا سمح لك تطلعين طلعتك
رتاج :اوكي روحي شوفيه وأنا بأرتب ملابس ...................
طلعت جواهر راحت للدكتور وقال تقدر تطلعها من بكرة الصباح ......
وبلغت رتاج بهالشي واستانست...................
.................................................. ..................
ساره : سعد خلاص قلت لك أول ما يتزوج سلطان رحنا نخطب لك رتاج
سعد : وليش مو اللحين ؟؟؟؟؟؟؟؟؟؟؟؟؟؟؟؟؟؟؟؟
ساره :مشاري يقول كذا وبعدين رتاج في دبي بتخطبها وهي مسافرة ؟؟؟
سعد :وهذ مهيتينها أهلها على راحتها تجي وتروح
ساره :ااف منك ومن أسلوبك اللي ما يتغير أسمع خطبة اللحين مافي إلا لم يتزوج سلطان
سعد\ : قلعتك أنتي ورتاج هاللي ما خذناها ...............
.وقام من عندها وهو متنرفز مره وطلع من البيت
وساره حطت صقر في سريرة وقامت تجهز شناطها لأنها بترجع بكرة لبيتها مو لازم تكمل 40 يوم عند اهلها ,,,,,,,وهو ثالث ولد
............................................
منيرة : أشتقت للحصة ما عاد تدق
لطيفة :أيه والله من 3 أيام ما دقت
منيرة : يا حليها كملت 3 شهور من حملها
لطيفة :يوووه باقي 6 شهور اففف متى بتمر
منيرة : بتمر بسرعة وبتشوفين
لطيلفة :أتحدا
............................................
في صباح اليوم التالي.....
اليوم راح تطلع رتاج من المستشفى وسارة بترجع لبيتها .....
وأشياء راح تصير ........
.........................
عند رتاج طلعت من المستشفى الكئيب وركبت التكسي مع جواهر وولدها نايف
ووصلو للشقة ..........
بعد ما دخلو............
جواهر : بطلعين معنا
رتاج : لا باطلع لحالي بس عطيني فلوس ما معي
جواهر : لا ما راح أخليك تطلعين لحالك
رتاج : بأطلع لحالي مالي شغل فيك
جواهر :ما راح أعطيك فلوس
رتاج : بأروح رجلية وماعلي منك
جواهر : مفتاح الشقة معي
رتاج :تبين تحجرين علي أني قلت لك أبي أطلع لحالي ترزين وجهك ليش؟؟؟؟؟؟؟
جواهر : ما راح تطلعين الا معي
رتاج :اففففففففففففففف
وراحت لغرفتها ....................
وطلعت جواهر تتمشى مع ولدها نايف ...................
لكن مسكرة باب الشقة وراها ,,,,,,,,,,
.......................................
حصه طالعه مع سلطان يتمشون .........
طبعا سلطان ساكت وحصه تتكلم ..........
حصه : سلطان شوف أنا قررت أول ما ارجع للرياض أدخل سوق الأسهم
سلطان :هههههههه
حصه :وشفيك تضحك ما قلت شي يضحك ............
سلطان حاط يدينه في جيب بنطلونه :وأنتي تفهمين في الأسهم عشان تدخلين
حصه : ايه أفهم وأول ما ينزل اكتتاب شركة جديدة بأساهم فيها
سلطان مبتسم :اوكي يا حصه بأعطيك فرصة تتطورين من عمرك
أنا راح أحط لك في حسابك مبلغ محترم وأنتي ادخلي سوق الأسهم
وأذا خسرتي فأعتبرك فاشلة في كل شي
حصه مبتسمه وفي عيونها تحدي :تشوف أنا قدها
ووو قررت شي ثاني
سلطان :وش بعد
حصه : ولا أقولك مو لازم اللحين
سلطان:كيفك ؟؟؟؟؟؟؟؟؟؟
حصه وقفت من المشي : سلطان تعبت خلنا نرجع
سلطان : اوكي
حصه تطالع العمارة اللي شقتهم فيها : الشارع زحمة كيف بنقطع
سلطان مسكها من كتوفها : امشي قدامي
استانست حصه من اهتمامه وقطعو الشارع وراحو للشقتهم .....
................
في الصالة بعد ما دخلو وبدلو ملابسهم .........
جلس سلطان يتابع مباراة في التلفزيون ........
جت حصه ووقفت قباله وتطالعه :سكر التلفزيون شوي
سلطان :وخري متابع المباراة
حصه :توك شايفها سكره شوي أبيك في موضووووع
سلطان :افففف ............سكر التلفزيون :وش عندك ؟؟؟؟؟؟؟؟؟
حصه :كبر بطني ولا نفسه؟؟؟؟؟؟؟؟؟؟؟
سلطان : اللحين قاطعه على المباراة عشان تسألين هالسؤال البايخ
حصه:سلـــطان جد بطني كبر ولا لا ؟؟؟؟؟؟؟
سلطان :شوي
حصه :ممم طيب الحين خلاص بأشيل الشاش عنك ما راح تستعمله مره ثانية
سلطان اللي تذكر :جيبي معك المرهم في الغرفة
راحت حصه وجابت المرهم وجلست جمب سلطان بعد ما فسخ قميصة
حصة وهي تشيل الشاش وتحس بألم :يعورك ؟؟؟؟؟؟؟؟
أذا يعورك قول عشان أوقف
سلطان : لا ما يعور كملي
حصه بعد ما شالته .....:خف كثير
سلطان ابتسم : الحمد لله
حصه تفتح المرهم وتحط على القطنه وتدهن لسلطان اللي غمض عينة من الألم
بعد ما خلصت حصه ..باسته على خدة .....
ورجعت مكانها جمبه : سلطان أبي أقولك شي بس ما تزعل
سلطان مغمض عيونه :قولي
حصه :انا في هالأربع شهور ونص اكتشفت شي ؟؟؟؟؟؟؟
سلطان :وش ؟؟؟؟؟؟
حصه : أول شي أنك عصبي معي أنا بس ......
امااهلك ما تعصب عليهم ............
وأكتشفت أنك ما تحب تبين للطرف الثاني خضوعك .......
وأي شي تسويه لي حلو في نفس الوقت تنسيني حلاوته
لأنك ما تحب أن الزين يكمل .....
زي لم طلقتني ورجعتني وأنت قايل لي أن طلعتي مع هالباب مالك رجعة
لكن في نفس اليوم قلت لي أنك بتملك ...........
وجرحتني ساعتها وتمنيت أنك ما رجعتني
لكن نسيت السالفة لم قلت بتاخذني معك للندن ,,,,,
فرحت فرحة ما تتصورها ولا أقدر أعبر عنها.......
ولم دخلت المستشفى حسيت بقيمتك رغم عيوبك
حسيت أني ضايعه ما عندي أحد ولولا الله ثم جارنا كان ضعت وما عرفت أتصرف فعلا أكتشفت أني أحبك ولا أقدر أعيش بدونك ومتحملتك وبأتحملك للأخير وبتحمل كلام اهلك بعد ................
تنهدت لم خلصت من كلامها ...........
وفتح سلطان عيونه ولف عليها :خلصتي ؟؟؟؟؟
حصه :ايه
سلطان:صلحي العشا الساعة 8 اللحين متى بتصلحينه ؟؟؟؟؟
حصه تقوم وتروح المطبخ تسوي أي شي يسد بطن هالبارد
,,,,,,,,,,,,,,,,,,.................,,,,,
فهد :خلاص هيثم أنا بعد بكرة عندكم قدرت أدبر عمري وأخذ أجازة لمدة أسبوعين عشان سجى بس أحسب حسابي بسكن معكم ما حجزت في فندق
هيثم :اوكي أهم شي أنك حجزت وخلصت وبتجي لا تشيل هم السكن
فهد : بشر سجى أني بأجي
هيثم : ولا يهمك خلاص فهد ما اقدر أطول بس أنتظرك في المطار الساعة كم.؟؟؟
فهد :الساعة 9 الليل أتوقع أني راح أوصل أن شاء الله
هيثم : يله أجل نشوفك على خير مع السلامة
فهد : مع السلامة
سكر فهد من هيثم ونزل يجلس مع اهله لأنه مسافر بعد بكرة
..................................
في يوم التالي:::::::::::
دخلت ربى بعصبية لبيت ووراها شوق اللي ما تدري
وش في ربى من طلعت من المدرسة وهي معصبة ......
رقت ربى الدرج بصعوبة لكن بتعاند نفسها ووصلت للغرفتها ورمت شنطتها وعبايتها في الأرض وسكرت الباب بقوة,,,,,,,,,,,,
جلست على السرير وعيونها على الأرض بهم وتفكير
الحركات اللي تشوفها غير طبيعية أبدا ..........
كل يوم موقف عند باب المدرسة وكل يوم تلقاه عند باب البيت
والبنت اللي جتها اليوم ................
أمور تحتاج لتفسير ................
ودها تقول لماجد بس تخاف ينشغل وهو وراه سفر بعد أسبوعين
وما صدقوا أنه يكمل دراسته .......
لازم تعرف وتقول لشوق قبل ,,,,,,,,,,,
.................................................. .....
سارة :يبي يخطبها ازعجنننني
مشاري :لا إله ألا الله أخوك ما يفهم؟؟؟؟؟؟؟؟؟؟؟
ساره :مشاري وش هالكلام الرجال ويبي يعرس
مشاري : يصبر كلنا صبرنا على العرس
ساره :طيب سلطان بيجي بعد 3 شهور ليش ما نخطب اللحين
وبعد زواج سلطان زواج رتاج ما أظن فيها شي .........
مشاري : بأفكر وأشوف بس أنتي لا تزعجيني .....
ساره : طيب قوم جب من الصيدلية حفايظ لصقر بتخلص اللي عندي
مشاري : والسواق وينه ؟؟؟؟؟؟
ساره :أبيك أنت تروح تجيب
مشاري :وليه ؟؟؟؟؟؟؟؟
ساره : بس حس بالمسؤولية لو ليوم واحد وقوم جب أغراض ولدك
مشاري :اوووه يا ساره والله عليك مزاج أرسلي السواق وخلصنا
ساره ابتسمت:مالت عليك من أبووو........................
.................................................. .......
الساعة 8 ونص ليلا في لندن .............
حصه جالسة قدام التلفزيون وسلطان طالع عنها من ساعة ......
سمعت صوت المفاتيح في الباب ......ودخل سلطان وهو لابس بنطلون جنز وتشيرت أصفر وبيده اليسار جواله والمفاتيح وبيده اليمين زقارة ...........
حصه انصدمت:سلطــــــان من متى تدخن ؟؟؟؟؟؟؟؟؟؟؟؟؟؟؟
سلطان يدخل المطبخ ويرمي الزقارة في المجلى وطفت ......
وبصوت هادي : من أمس ؟؟؟؟؟؟؟؟
حصه تقوم وتمشي له : وليش وش اللي حادك عليها ؟؟؟؟؟؟؟؟؟؟
سلطان :محد ..........مزاج
حصه :الله يهديك ما تعرف وش أضرارها ؟؟؟؟؟؟
سطان : عارف لكن مالك دخل فيني
حصه : لا لي دخل وما أبي أشوفك مرة ثانية تدخن
أول شي ريحته مقرفة وثاني شي مضرة على صحتك وثالث شي أنا حامل ويأثر علي ,,,,,,,,,,
سلطان :اوكي ما راح أدخن إلا برى البيت
حصه : لاااااااااااا برا ولا هنا أتركها للأبد
ابتسم سلطان على ((للأبد)) : أنا مزاجي يقول أبي أدخن تجين تعكرين علي ليه؟؟ خليك في حالك يكون أحسن ............
زعلت حصة ورجعت تكمل متابعتها للتلفزيون ......
.............................................
اليوم التالي المغرب ...
في بيت وعد ............
بعد السلام والترحيب وشرب القهوة دخل مشعل في الموضوع
مشعل وهو منحرج :والله يابو لافي جايك اليوم أطلب يد وعد لي
اتسعت عيون أبو لافي من المفاجأة :أنت ؟؟؟؟؟؟
مشعل بثقل :أيه نعم جاي اطلب يد أختك لي بتقول ما جبت أهلك ومن هالمواضيع لكن أن شاء الله أني أكفي
أبو لافي : بس اللي أعرفة أنك متزوج؟؟؟؟؟؟؟؟؟؟؟؟
مشعل : الشرع محلل أربع وأنا عندي أسبابي الخاصة اللي يخليني أتزوج ثانية
أبو لافي :والله يا مشعل أنك فاجأتني بهالطلب وأنت رجال ما شفنا منك إلا كل خير لكن تعرف لازم أشاور الأخوان ونسأل ومن حقنا وبعدها نقول للوعد عشان تعرف أنه مو أول مرة تنخطب........
مشعل : من حقكم طبعا .........
ثم دخلو في سواليف سطحية وكل واحد تفكيرة في وادي
مشعل يبي يعرف هل هو موفق في هالزواج أو لا
وأبو لافي مشغول في متى بيقول لأخوانه ويسألون عن الرجال.......
ومافيه أي عيب أنها تكون زوجة ثانية ..................
بعد نص ساعة أستأذن مشعل من أبو لافي وطلع من عنده ..
,,,,,,,,,,,,,,,,,,,,,,,,,,,,,,,,,,,,,
دخلت ربى غرفة شوق لقتها جالسة على مكتبها الوردي المتناسق مع الغرفة ..
ربى تجلس على مكتبها
ربى :شووق أنا بأقولك شي بس أبيك تكونين كاتمة السر....
شوق تسكر كتاب الأحياء وتحطة على جمب :وش عندك؟؟؟؟
ربى : أول شي أحلفي أنك ماراح تقولين لأحد
شوق :والله ما أقول لأحد قولي وش عندك
ربى :تذكرين قبل أمس لم كنت معصبة
شوق :وكنتي سخيفة أيوه
ربى:شوق ترى أنا جاد لا تتريقين
شوق :ما قلت شي كملي وش السالفة
ربى : ما تلاحظين كامري ذهبية توقف قبال بيتنا يوميا من أسبوع
شوق : لا ما لاحظت
ربى : كل يوم توقف ولم نمشي تمشي ورانا وعشان مدرستك قريبه ما تلاحظين لكن أنا مدرستي البعيدة ألاحظ أن يمشي وراي
شوق : أخاف واحد من الشباب يبيك
ربى :وش يبيني وش شايفتني
شوق :أقصد يغازل مثلا
ربى : لا ماظنتي لو بيغازل بيرقمني من زمان مو كل يوم يلاحقني
وبعدين صار شي ثاني خلاني أشك قبل أمس في الطلعة وأنا ألبس عبايتي باطلع للسواق جتني بنت متنقبه قالت :بتندمين أنتي وأهلك على اللي سويتوه فينا
وراحت وأنا ما أدري من هي بسم الله والله العظيم أني خايفة
شوق بخوف : يمه خوفتيني ..طيب خذتي رقم لوحة السيارة
ربى : لا ماخذتها
شوق : يمه شكل ذا الرجال ناوي نية شينة فينا
ربى : أكيد والله أني خايفة ومدري وشأسوي أخاف أقول لماجد ويأجل سفرة وحنا ما صدقنا أنه يكمل دراسته وأخاف أقول لمشاري ويسويها سالفة
شوق : خلاص أول ما تجي جواهر نقول لها هي أكبر منا وتعرف تتصرف
وبكرة بشوف معك هالسيارة وناخذ رقمها ,,,,,,,,,,,
ربى : اوكي أخليك تذاكرين
نزلت ربى من المكتب وطلعت من غرفة شوق وراحت لغرفتها
وبالها مشغول بأفكار غريبه
.................................................. ............
فهد توه واصل ويدور هيثم بعيونه ولم شافه توجه له هو يدف عربة الشنط
ابتسم هيثم لم شافة مقبل عليه وراح سلم عليه وحضنة بشوق
هيثم :والله لك وحشة يا شيخ
فهد :وأنا أكثر ..وين سجى ؟؟؟؟؟؟
هيثم :تركتها في الشقة عشان أجيك وتسويها لها سبرايز
فهد : لا حرام ليش ما علمتها ؟؟؟؟؟؟؟؟
هيثم : أحسن ..يله نمشي
فهد يدف العربيه :يله
وراحو لسيارة هيثم وركبو الشناط ثم أنطلقوا .....
وعند باب شقة هيثم
هيثم يمد المفاتيح لفهد :خذها وادخل ما أحب أشوف سجى وهي متفاجأة
وبعد ساعة بأرجع
فهد :ليش لهدرجة عطوف
هيثم : بنت أختي وراحمها
فهد :اوكي على راحتك .....وخذ المفاتيح من يد هيثم وهيثم راح .....
فتح فهد الباب بهدوء وسحب شنطته ودخلها ثم رجع ودخل الثانية
والشقة ما فيها أي صوت .......................
دار فهد في الصالة :سجى سجى حبيبي سجى وينك ؟؟؟؟؟؟؟؟
وراح لغرفتها اللي حافظ مكانها وفتح الباب بشويش وولع اللمبة لقاها جالسة على السرير ومنزلة عيونها للأرض وفي حضنها دبدوب أحمر .........
فهد يطالعها بشوق لهالطفلة البريئة اللي ما انتبهت لدخولة ولا رفعت راسها حتى .....................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك