رواية ولد الترف والدلال -19
خلني لحالي
الدكتور مبارك :اوكي بخليج براحتج لحد ما تهدين وبأرجع لج بعدين
رتاج :لا تجي أبدا
قام الدكتور مبارك وطلع من عند رتاج ........
رتاج :اااااااف من أولها كذا لقافه ..............
فسخت عبايتها وطلعت لها ملابس ودخلت الحمام تسبحت ولبست وطلعت
سكرت اللمبات وانسدحت على السرير ونامت
.,,,,,,,,,,,,,,
حصه خلصت من طبختها ...........
وجلست تنتظر سلطان اللي تأخر عن 12 .........
راحت تتسبح لأنها خاست من ريحة الطبخ ........
لم طلعت من الحمام لقت سلطان وصل .............
حصه : أحط الغدا
سلطان :بأتسبح ثم حطيه
حصه :وش تشرب عصير ولا ببسي
سلطان :أي شي
طلعت حصه راحت تجهز الغدا ..........
طلع سلطان ولقى حصه مجهزة كل شي جلس ياكل ........
حصه متحمسة :وش سويت اليوم ..........
سلطان بلع لقمته :من متى تسالين
حصه : من اليوم بسأل
سلطان :ما أحب الكلام على الأكل .........
حصه سكتت ............محاولة فاشلة في خلق حوار بينهم يقتل
السكوت الدائم .....
خلص سلطان صحنة وقام :طبق فاشل
تحطيــــــــم
حصه بدفاع عن نفسها:ايه عشانك ما تعودت على طبخي متعود على رويدا طباختكم
بعدين لم تخلص قل الحمد لله غيرك يتمنى هاللقمة
طبعا نص كلامها ماسمعه سلطان لأنه طلع يغسل ...
انقهرت حصه مررررره وودها لو تقوم تصفقة
ياليته كمل سكوته وقام ولا قال هالكلامه.......
خلصت هي وانشغلت بالتنظيف ..........
سلطان وهو متكي في الصالة وماد رجوله على الطاولة اللي قدامه .......
وبيده الريموت ويقلب في القنوات ..........
وفي المطبخ قباله منشغلة حصه في التنظيف ..........
مسك جواله ودق على قمر :الو
قمر استحت من الأتصال المفاجأة :سلطان
سلطان :ايه ...وش أخبارك ؟؟؟
قمر :الحمد لله أنت كيفك ؟؟؟؟؟؟؟؟
سلطان :أنا بخير ....
سكتت سلطان ما تعود يكثر بالكلام
قمر :من ردت علي ذاك اليوم
سلطان :اها ...هذي حصة ........مايبي يقول أنا أسف ما تعود
حصه من سمعت اسمها غسلت يدها من المواعين وراحت تجلس جمب سلطان
قمر :وليش تكلمني باهالطريقة أنا ما سويت لها شي هذا جزاتي أني
ما خليتك تطلقها ..................
سلطان يطالع حصه :وليش مانه علي أنك ما طلبتي هالطلب
سكتت قمر ما عرفت وش تقول ..............
سلطان : سلمي على الوالدة والأخوان
قمر :يوصل
سلطان : وأنتبهي لنفسك ...
قمر :متى بتدق مره ثانية
سلطان :ممم متى ما بغيت
قمر:على راحتك
سلطان :مع السلامة
قمر : مع السلامة ,,,
سلطان سكر ونزل الجوال وحطه جمبه ولف على حصه اللي عيونها مليانه فضول مع مسحة حزن :كملي شغلك وعن اللقافة
حصه :وش قالت لك
سلطان : تسلم عليك
حصه :لا تلعب علي وش قالت لك خلاك تقول ليه انتي مانه علي أنك ما طلبتي هالطلب
سلطان : وأنتي بصفتك مين تسألين
حصه : بصفتي زوجتك
سلطان :طيب ما ودك يا زوجتي تنظفين المطبخ
وتخلصين لأني ما أحب ريحة أكل وأنا شبعان
قامت حصه مقهورة :عمرك ما حكيت
راحت للمطبخ تكمل تنظيفها والعبرة خانقتها من سلطان ...........
خلصت تنظيفها .......
شافت سلطان يروح للغرفة ......
بشجاعه وحدة مقهوره : بتروح تنوم
سلطان ": عندك مانع
حصه :أيه عندي مانع أبي أطلع من الشقة طفشت من الصبح وأنا جالسه لحالي واللحين بتكملها وبترقد
سلطان كمل طريقة للغرفة ولحقته حصة لكن تفاجأة لسلطان يرمي عليها مفتاح ومسكته بسرعه ........
سلطان :أطلعي ولا طلع اللي في راسك تعالي
حصه متفاجاة:اطلع لحالي
سلطان :مو أنتي تبين تطلعين اطلعي محد ماسكك
حصه :ايه بس مو لحالي
سلطان :كيفك ولا تنسين تسكرين باب الشقة ...........
حصه :طيب عندك واحد ثاني أخاف تحتاج تطلع
سلطان بعصبيه :عندي ولا ما عندي أطلعي وسكري باب الشقة
انسدح على السرير وتغطى بالبطانية ..........
حصه فكرت ..ليش ما اطلع وش بيصير يعني ..............
لبست ولبست عبايتها وتحجبت مثل العادة .........
طلعت من العمارة وصارت تمشي .........
مرت من جنبها بنتين شقر يطالعونها باستغراب
تقربت وحدة منهم : hello
حصه خافت وردت : hello
البنت بتسال : what are you wearing?
حصه : This is Abaiah
البنت : why?
حصه : I am Muslim
ضحكو البنات وراحو .........
حصه خافت ورجعت الشقة هي ما تعرف شي بلندن وش هاللقافة تروح تدور....
دخلت الشقة وجلست في الصالة ...........
ثم تنهدت وقالت : بأطلع وش بيصير يعني
راحت للغرفة ودورت على كميرة سلطان وخذتها....
ورجعت تطلع وسكرت باب الشقة وراها ...............
حصه :ليش ما أقطع الشارع السيارات شوية
وخاطرت وقطعت الشارع ,,,,
وصارت تمشي وهي مستانسه من الحياة الجديدة اللي هنا
دخلت في حارة حلوة كانت صوت حفيف الشجر يغريك أنك تدخلها ...
مشت وهي تتجول بنظرها للأطفال اللي يلعبون ........
طاح نظرها على شي حلو ...:الله حديقة
مشت بسرعه لجهتها ودخلتها وانعجبت بالخضار اللي فيها
كانت الحديقة نوعا ما فاضية .....
جلست حصه على أحد الكراسي المقابلة للبحيرة الاصناعية الصغيرة ..
فتحت الكميرا لكن ما تعرف تشغلها حاولت تتذكر كيف سلطان يشغلها وتجرب لم أشتغلت.....
وجلست تصور كل شي حولها حتى لو كان المنظر مو حلو أو مو حق تصوير
قامت من مكانها وجلست تدور الاطفال اللي يلعبون ..
حاولت تصورهم لكن ما تكون واضحة بسبب حركتهم .....
أنتبه لها ولد أنها تصورهم ووقف يطالعها وهي على طول خذت له صورة
الولد رجع يكمل لعبه وكأنه قاصد أنها تصورة ....
مشت حصه وراحت تكتشف الحارات ,,,,,,,
,,,بعد ساعة ونصف ........في الشقة
قام سلطان من النوم وتسبح ولبس بنطلون وتشيرت وطلع من الغرفة دور على حصه مالقاها تذكر انه عطاها المفتاح ...لكن للحين ماجت ....
راح للمطبخ وحط البريق على النار حتى تغلى الموية
جلس في الصالة يطالع التلفزيون لم حس البريق غلى..
راح المطبخ وجاب كاس وحط فيه سكر وطلع له حبة لبتون شاهي أحمر....
جاب البريق وصب في كاسه وخبط بيده من دون مايدري كرتون اللبتون وطاح في الأرض حط البريق على الطرف ونزل يجيب الكرتون .........
ورفع عمره عشان بيقوم
لكن صرخ صرخة عمرها ما طلعها ..................!!!!!!!!!!!!
................................................
يوم جديد على رتاج في المستشفى ..............
قامت من النوم وراسها بينفجر من الصداع وألم في جميع انحاء جسمها
نادت بصوتها الضعيف من التعب :دكتور دكتور ...........
لكن لفت وضغطت جرس الممرضة اللي جمبها ........
دقيقة إلا داخلة الممرضة من الجنسية الفلبينية :
what happing?
رتاج : please call the doctor quickly
طلعت الممرضة ثواني إلا الدكتور مبارك داخل : شوووووووووياج..؟؟؟
رتاج خانقتها العبرة:راسي مصدع أبي مسكن أي شي تكففففىىىى
الدكتور مبارك :خلاص اللحين بتدقج الممرضة أبرة مسكنة وراح ترتاحين
رتاج :وينها هالممرضة بسرررعه
جت الممرضة وكلمها الدكتور وعطت رتاج أبرة مسكنة ...
وقاست لها الحرارة وكانت معتدلة .....
طلع الدكتور من عندها ولقى رائد في وجهه ....
رائد يسلم على الدكتور : هلا وش أخبارك
الدكتور مبارك : بخير الله يسلمك ومن صوبك؟ عساك الا بخير.
رائد : بخير الحمد لله ..وش أخبار رتاج اليوم
الدكتور مبارك : شكلها بدت تفقد تأثير المخدر
رائد : يعني راح تبدأ في العلاج من اليوم
الدكتور مبارك :أن شاء الله
رائد : أنا جاي أسأل عن وقت الزيارات متى نجي يعني
الدكتور رائد : هالأسبوع جيتكم مالها فايدة أبدا
رائد :ليش دكتور ؟؟؟؟
الدكتور مبارك :لأن كل ما حست بألم بأعطيها مسكن وتهدا وتنوم
وعلى هالحال لمدة اسبوع تقريبا ..................
رائد : طيب مشكور والله يعافيك
الدكتور مبارك : العفو الله يخليك
رائد :فمان الله
الدكتور مبارك : مع السلامة
...................................
جواهر :هلا يمه .....الحمد لله بخير ........
رتاج ,,نايمه ,,,أن شاء أول ماتصحى أخليها تدق عليك
يله مع السلامه.........وسكرت
رائد : تسأل عن رتاج
جواهر :أووه الحمد لله ما أصرت علي
رائد :امك هذي ترى بتشك على طول
جواهر : لا أن شاء الله لم تتحسن رتاج بأخليها تكلمها
رائد : أن شاء الله تتحسن بسرعه
جواهر :ما ودك نتمشى مسكين نايف مل من الشقة
رائد : يله قومو ما عندي مانع.........
.................................................. ......
منيرة : لطيفة لو سمحتي ذاكري مو عشان
أمي راحت ما تذاكرين
لطيفة :اوووف مليت وليش أذاكر بأدخل الجامعه أنا
منيرة : المشكلة مافي شي شغلك لا تلفزيون ولا كمبيوتر
لطيفة :ما أبي أذاكر وبس
منيرة : كيفك أنا قلت لك وأنتي سوي اللي تبينه
دخلت منيرة الغرفة وجلست تذاكر ...
وطفشت من كثر ما تنصح لطيفة أنها تذاكر لكن هي الخسرانه
................................................
أنصبت الموية على صدر سلطان وجزء من وجهه وكأنها نار من كثرماهي حاره
لف بسرعه وأبعد البريق بيدة ورجع طاح على صدرة............... ثم أبعده مره ثاني وطاح بعيد عنه .............
كان كل هذا في ثانيتين ............لكن الأضرار تفوق الخيال ...............
سلطان قام بسرعه وتحمل الألم دخل الحمام وودخل البانيو وولع الموية البارد
فسخ التشيرت حقة بسرعه وانقشع معه جزء من جلدة وزاد الألم
طفى الموية وطلع من الحمام ما يدري وش يسوي والباب مسكر ومافي إلا مفتاح وأحد ومع حصه ..................((هذا جزاته يوم يعصب على حصه))
ما قدر يتحمل الألم فطاح مغشي عليه ......................................
...........................
حصة توترت فجأة وكأنه أنذار لها .......
مشت راجعه للشقة .........
وجلست دقيقـتين لم قطعت الشارع لأن السيارات كثرت قبل غروب الشمس ...
وصلت للعماره ورقت فوق ........فتحت باب الشقة ودخلت ........
راحت للغرفة وانصعقت من اللي شافته
شهقت وحطت يدها على فمها :سلــــــــــــــــــــــــــطان
تقربت منه بخوف وقلبته على ظهره وانصدمت أكثر لم شافته
حصه : وش هـــــــــذا سلطان قوم
وتهزه : قوم سلطان الله يخليك قوووم ............
عطته كف :سلطان قوم تكفىىىىى ......بدت الدموع تنزل .......
ما عرفت وش تتصرف طلعت من الشقة راحت الشقة اللي قبالهم ضربت الجرس...
طلع لها واحد كبير في السن وبأستغراب : hello
حصه ما عرفت وش تقول له لكن تذكرت وردت :
...help me >> my husband is burning
الرجال خاف : where?
حصه ما عرفت وش تقول وصارت تأشر وهو دخل معها للشقة لم وصلو الغرفة
الرجال شاف المنظر وأرتاع .........
حصه تمسح دموعها:
I found him and I didn’t know what to do
الرجال:
Ok I will call the ministration don’t be afraid
قام الرجال وعدل سلطان وطلع يكلم الاسعاف ...
وحصه ميتة الخوف .................
خمس دقايق وكان الأسعاف عند الباب وشالو سلطان وراحو للمستشفى ومعها الرجال ..........
حصه في سيارة الأسعاف : ياربي ياربي
الرجال لهجة مكسرة :أنتي عربيه
حصه تفأجأة باللي تو يتكلم E وقلب عربي :أيه عربيه
الرجال : توقعتك أجنبيه مسلمة .....
حصه :أنا سعودية
الرجال :تقربين لماجد ؟؟؟؟؟؟؟؟
حصة :أخو زوجي وأشرت على سلطان ....
الرجال :اوووه هذا جاري من مدة توقعته باع شقته
حصه : أنت من أي جنسية ؟؟؟
الرجال : انا فلسطيني مهاجر من زمان
حصه :اها ..........
ورجعت تطالع سلطان بسكوت ودموعها في عينها تلمع .............
وصلو للمستشفى ودخلو قسم الطوارئ وطلعو سلطان من السيارة واختفى من نظر حصه ...............
الرجال :أنا أسمي محمد راح أتطمن على حالته وأخبرك أنتي اجلسي هون لا تتحركي أبدا ....................
هزت حصه راسه وجلست على الكرسي .........
وجسمها هلكان من الصدمة .................
سندت راسها على الجدار وغمضت عيونها ............
مالها إلا غيرة وشلون بتتصرف في بلد غريب بدونه ............
...................................
مشعل : والله الخميس حلو
وعد : تبي وصف بيتنا
مشعل :لا جى وقتها خذته منك
وعد :ترى أخواني متحمسين يبون يعرفونك
مشعل : أكيد تتكلمين عني عندهم
وعد : الصراحة والله أني أمدح فيك وفي جديتك في العمل
مشعل :هه ما تقصرين وأنتي بعد ممشية شغلك بالتمام
وعد : هذا واجب
مشعل : يله لا تاخذنا السوالف دخلي الحالة اللي بعدها
وعد :اوكي
.................................................. ........
ربى : وش بتلبسين يوم الخميس
شوق :ممم مدري محتارة
ربى : انا بألبس فستان قصير وتحته بنطلون جنز
شوق :موديله كذا ولا مركبة
ربى : لا شاريته كذا تعالي شوفيه
شق :لا بعدين ... ممدري وش ألبس
ربى : أحس محد بيعطي عمي ناصر وجهه
شوق :والله أحس أن الكل بيجي
ربى : تقول أمي أن أبوي سافر لجدة
شوق :يووه مو اول مره وأتحدى أصلا يقعد أسبوعين على بعضهم في الرياض
ربي :طيب ما دق سلطان اليوم
شوق :لا مادق بس جواهر اللي كلمت أمي وهم في دبي اللحين
ربى : يا حظ رتاج رايحة معهم
شوق :وحنا هنا في الرياض والزهق
ربى : الللللللللللللله يعينا
.................................................. .............
حصه انتبهت لمحمد الي يحاكيها
محمد : بدك تشوفي سلطان
حصه : ياليت .........وقفت ........وينه هو اللحين ......
محمد : في الغرفة بس هالحين هو تحت تأثير المسكن اللي عطوه
حصه : طيب وش قال الدكتور عنه
محمد : الحروق بتاخذ وقت لحتى يشفى الجلد اللي انشال
حصه : يعني كم بيقعد في المستشفى
محمد : أسبوع تقريبا
حصه :اوف لهدرجة ...........
محمد : وأنا راح أخلي مرتي تجيك على البيت
حصه:مشكور ما تقصر تعبتك معاي
محمد :أنا رايح مشوار ساعة ساعتين وبأجي على ما أظن ما تعرفي شي هون
حصه : أول مره أجي لندن
محمد :اوكي راح أروح وأرجع أخدك بسيارتي مع مرتي
حصه :اوكي
محمد :مع السلامة
حصه :مع السلامة ......
راح محمد وحمدت ربها حصه أنه عربي ولا كان جد تورطت ..
دخلت الغرفة اللي فيها سلطان .........
دمعت عيونها لم شافته ملفف بالشاش ................
قربت من عنده تتامل ........
باسته على جبينه
وهو نايم بهدوء قربت الكرسي لم السرير وجلست تطالعه ....
((ياليتني ما رحت وخليتك .............أستغفر الله وش قاعدة أخربط ....
هذا قضاء وقدر ........ يالله ما جى في بالي أنه بيجي يوم أشوفك على هالحالة يا سلطان .........صدق خرعتني لم شفته طايح عند باب الغرفة
آآآآآآآه ياربي وشلون بأقدر أروح وأرجع له ..........
ومحمد يقول أنه صديق ماجد والله وش عرفني باخلاقهم لكن واضح أنه طيب
بس فشلة كل يوم أجي واروح بيملون ................................
ممم بأدق على ماجد وبأقول له لازم يعرفون وأحد يجي لهنا
ما أعرف أتصرف بشي ....................
جوال سلطان في الشقة لم أرجع بأكلمه .....
يا حبيبي يا سلطان .....................))ورجعت تصيح .................
...................................
رتاج تقوم من المسكن ...وبطنها عصافير من الجوع ...........
لفت لقت الممرضة جديدة من الجنسية المصرية
تدخل الغرفة : مساء الخير يا عسل
رتاج مفهية :ها ...صباح الخير
الممرضة : يا حبيبتي أحنا لسه الليل
رتاج : ليه كم الساعة ؟؟؟
الممرضة تحط الأكل على الطاولة :الساعة 8 العشا ....
يله يا شاطرة أومي غسلي عشان تلحأي الصلوات اللي راحت
رتاج : أها ...صلاة ....؟؟؟........طيب وين مبارك
..........الممرضة :مبارك أيه أولي الدكتور مبارك فين
هو دارس طول عمرو عشان تقي أنتي وتأوليها كدا حاف ..........
((مبارك وش قولي الدكتور مبارك هو دارس طول عمره
عشان تجين أنتي وتقولين كذا حاف ))
رتاج أعصابها ما تستحمل أحد يقول لها شي : أقول ببببببببببببببببببببرررررررررررررررررررىىىىىى
اطلعي برررررررى
الممرضة خافت وطلعت بسرعه .................
رتاج تقوم وتدخل الحمام وتغسل وتطلع ..........
طالعت الأكل .........
مكرونه مسلوقة وشوربة وحليب ......
أنسدت نفسها ............................
رجعت للسرير وهي معصبه مررره
ما تدري وش السبب ...........
دخل الدكتور مبارك ...........:السلام عليكم ...
رتاج طالعته ورجعت تطالع الأرض :وأنت ليل ونهار تشتغل .....
ضحك الدكتور :لا انا مرابط اليوم ولا بالعادة اطلع العصر
رتاج :بعدين وش هالأكل المخيس أنسدت نفسي
الدكتور مبارك:أفا ليش ما عيبج
رتاج : ما أكل هالأشياء
الدكتور : عشانها مسلوقة يعني
رتاج : ما أبيييييها خلاص سكر الموضوع وخلهم يجيبون لي أكل ثاني
الدكتور مبارك :اوكي راح نيب لج اللي تبين بس أول ما ودج
ترمسين شوي وياي
رتاج :نتكلم في أيش
الدكتور مبارك : عن أي شي ..
رتاج عصبت :أذا أنت يا دكتور فاضي واعصابك رايقة أنا وحدة مو على مزاجي
وأعصابي تلفانة ......تغير صوتها وخنقتها العبرة ..........
((تصرفات غير أرادية )))
الدكتور مبارك:طيب ممكن أعرف أنتي ليه معصبه جذي
رتاج :ما أبي أتعالج طلعوني من هنا
الدكتور مبارك :تحسين بألالآم
رتاج :أحس كل عظامي هلكانه تعبانه أنا تعبانه
وري تعبانه حرام عليكم .......والله حراااام
وحطت راسه بين كفوفها وجلست تصيح ...........
الدكتور مبارك :يا رتاج لو انتي كذا يائسة من البداية ما راح ترتاحين
خليج قوية من البداية حتى تساعدينا ونطلعج بأسرع وقت ممكن
رتاج رفعت راسه وصوت مخنوق:طيب ممكن تعطيني
مسكن بندول أي زفت عندك
الدكتور مبارك :انا بأعطيج مسكن بس مو قوي زي اللي عطيتج الصبح يعني
تحملي الألام شوي
رتاج :عطني أي شششششي
طلع الدكتور من عندها وأرسل لها الممرضة المصرية وعطتها حبة مسكن
وشربتها موية ......وطلعت ....
لكن الالام كل مالها تزيد عند رتاج ..........
وتحس أنها بردانه ..........
تحلفت بالبطانية واندست في السرير ودموعها على خدها
وزيادة عليها الجوع.........
تحملت نص ساعة لكن ما قدرت صارت تون((آآآه)) من شدة ألم
وتعض على طرف المخدة بقوة ...............
رتاج :الله يلعنك يا ررررررررررررررررررراشد ...وصرخت بأسمه...
الله يلعنك الله يلعنــــــك
مدة يدها وضغظت الجرس وجت لها الممرضة : فيك ايه
رتاج تشد بيدها على البطانية والعرق يتتصبب من جبينها :
نادي مباررك بسسرعه ناديييييييييييه .............
راحت الممرضة شوي ألا الدكتور مبارك جاي :شوو ياج
رتاج :تكفى مبارك الله يخليك عطني أي شي
عظامي جسمي كل شي يعووووورني دخليك عطنييييييي
دخيـــــــــــــــــلك
الدكتور مبارك :اسف مقدر أعطيج شي ألا بعد ساعتين
رتاج : الله يخليك ما أقدر أصبر أكثر من كذا ماااااا أقدر ما أقدر ...وشدت شعرها بيدها....
الدكتور مبارك تركها وطلع وقال للمرضة تسكر الباب عليها بس تكون تحت مراقبتها أي كل شوي تطل عليها من الزجاج اللي على الباب ...
لأنها راح تعيش فترة هستيرية وأحتمال تكسر اللي حولها ........
رتاج انسدحت على ظهرها وجلست تصيح بشكل هستيري
جلست ربع ساعة ثم قامت بتطلع من الغرفة لقت الباب مسكر .........
وجلست تخبط :أفففففففففتحووووو لي أفتحو لللللللللللللللي
طلت الممرضة من القزازة وألتقت بوجهه رتاج .........
ثم نزلت جلست على الكرسي ......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك