رواية لا جيت بعقل يضحك الطيش بدري -13
امي:خذو صبوا خلاص كبرتوا صرتوا حريم
انا:ههههههه الله يعينا
امي:ابو باسم
ابوي:سمي
امي:قررت اخطب لباسم
انا وغاده وشيخه :ياهووووووووووووه
ابوي:الساعه المباركه ومن نويتي تخطبين له
امي:منيره بنت اختي
انا:ياحركات مب لاقين احسن من مناير
ابوي:وبنيتي صادقه بنت اختس بنتن مشاء الله عليها الله يحفظها ويخليلها لـ أهلها
امي:يعني موافق
ابوي:شوفي ولدس وانا ماعندي مانع
غاده:ونآآآآآآسه منيره بتصير مرت اخوي والله كشخه
ريماس:يمه ليه ماتخطبون امل لمعاذ
كلنا:هههههههههههههههههههههههههههههه
امي:ههههههه ياحبي لس يابنيتي
شيخه:يمه تدرين كلامها صح اخطبوها لمعاذ لين يكبرون وهم يخطبون ريماس لطارق
ونخلص من هالرباعي
ابوي:وهم على كيفكم خلوهم بيكفهم لين كبروا يحدوون مستقبلهم بنفسهم
انا:صح كلامك يبه "وقلت بصوت عالي" يمآآآآآآآآآآآه
امي:انا هنا جنبس وشوله تصارخين
انا:يعني علشان تتحمسين هههههه
امي:اخلصي وش عندس
انا:شسمه بكره بغيب مالي نفس اروح المدرسه
امي:براحتس
ريماس:ابوي متى بروح اشتري لي مريول وشنطه
ابوي:بكره اليوم مافيني حيل تعيبان
امي:سلامتك وش فيك
ابوي:تعرفين علشان الطريق
غاده:احسن بعد علشان نروق اليوم النفسيات زفـــت
امي:وانتو بعد بتغيبون
شيخه وغاده:يس يس
ريماس:يمه انا بروح
امي:وش تروحين لا عندس لا مريول ولا شنطه ولاش (ولاشي)
انا:بتروح بقميصها ههههههههه
ريماس بدلع البزارين:انتي مالس دخل ابوي ابوي خلنا نروح نشتري لي مريول
الله يخليك وبدت تصيح !!
امي:تو يقولون في الاخبار ان بكره مافيه دراسه!!
انا وخواتي :هههههههههههههه
امي تناظرنا وتقول بصوت واطي :انطموا انتو
ريماس:مابي تلعبون علي امل بكره بتروح
امي:يالله لاتعاقبنا زين اصبري خلني اشوف اخوس باسم كانه وافق يجي يودينا نشتري لي لس مريول زين على زين ماوافق اقعدي في بيتكم
انا:مشكله هالبزارين
ابوي يمسح على راس ريماس ويقول:مشاء الله على بنيتي لحد يقولها شي اذا ماوداها باسم بوديها انا
ريماس تطلع لسانها وتقول:احسن انقهروا
امي:عيب وش ذا اللسان
شيخه:هههههههه احسن
انا:ابوي ابي اطلب من المطعم
امي:الغداء في المطبخ وشوله الخساير
انا:يمه ماشتهيت رز
غاده:ولا انا
شيخه:ايه نبي نطلب من المطعم
ابوي:زين اطلبوا اللي تبون
كلنا:مشكووووور يالغالي
بيت ابو سعد
ام سعد:هاه ياعيالي وش رايكم نتوكل على الله ونروح نخطبهم
سعد:البنات توهم صغار
ساره:مب صغار الا عقل وثقل مشاء الله
ناصر:انا عن نفسي موافق عادي لو تبون اتزوج اليوم تزوجت
ابوسعد:ههههههه وش فيك ياولد اركد اركد وانا ابوك
سعد:انا عن نفسي لا تخطبون لي البنات صغار علي اذا بتخطبون لي شوفوا لي بنت في العشرين وفوق
ابوسعد:البنت اللي نبي نخطبها لك كبيره كلها كم سنه وتدخل العشرين وافق وانا ابوك خلنا نفرح فيكم جميع
سعد:لا مانيب ماخذ وحده الا في العشرين واكبر
ام سعد:براحتك ياوليدي خلاص اجل بنخطب لك ياناصر شيخه الكبيره
ناصر بحماس:توكلنا ع الله
ابوسعد:ودي اقول لاخوي ابو محمد وش رايكم مب احسن
ام سعد:الا شورك وهداية الله
ابوسعد:اجل بمره العشاء وبقوله
ناصرربحماس:ومتى نروح نخطب اليوم ولا بكره هاه متى متى؟؟
ساره:انت وش فيك هههههههه الاربعاء او الخميس الناس عندهم دراسه وتوهم راجعين للرياض
ناصر:يووووه خاف تروح البنت مني
ساره:اللي يسمعك الحين يقول أنك تحبها ولا تعرفها من زمان
ناصر:حبيتها من كلامكم عنها وعن اهلها
ام سعد:بدق على ام باسم بكره وبقولها بشكل مبدئي واحجزها لك ولا يهمك ياوليدي
ناصر:مانحرم منس يالغاليه
"في بيت خالتي"
يوسف:ماتبون تروحون تشترون اغراض المدرسه
منيره:الا نبي تودينا بس مو اليوم بكره
يوسف:ايه تامرون امر واذا بعد تبونا نمر بنات خالتي مرينا عادي
مرام: ايه علشان مضاوي ههههههههههه
يوسف:ايه علشانها يله دقوا عليهم شوفوا
منيره:لاتتعب نفسك البنت تقول منتب شايفها الا يوم العرس
يوسف:الله يوم العرس عاد
مرام:بعد لازم تتحمل هذي طلبات العروس
منيره:الله يعينك ياخوي
يوسف:معليه خل يجي بكره ويصير خير
..بيت جدي..
جدي: اروح معكم واخطب لوليدي ناصر هذي الساعه المباركه
ابو سعد:ساعتك ابرك اجل ان شاء الله يوم الاربعاء نتوكل ع الله ونروح للرياض
جدي:ان شاء الله الاربعاء الا ربعاء
خالي:ابوي عمي
ابو سعد وجدي:هلا
خالي:خلاص قررت احط عرسي مع عرس يوسف ومضاوي
جدي:بس عرسهم بعد سنه وبنت عمك صبرت عليك كثير
خالي:لايبه يوسف ومضاوي قرروا يصير عرسهم بالعطله اللي بين الترمين
ابوسعد:اجل على البركه توكلنا على الله الله يووفقكم ان شاء الله ويسعدكم اجل انآ استاذن بروح ابشرهم
جدي:زين وان شاء الله على موعدنا يوم الاربعاء
ابو سعد:انشاء الله فمان الله
جدي وخالي:فمان الكريم الله حافظك
خالي:بروح ابشر امي
جدي:زين وخذني معك
قالوا لجدتي وانتشر الخبر ان عرس خالي بيكون مع عرسي انا ويوسف
..
من بكرهـ العصر
شيخه:ريمآس قومي خلاص بكره وراس مدرسه مب تقعدين تنومين لين الليل وتسهرينا
ريماس وهي تسحب اللحآف وتتلحف فيه:توني نايمه وخري عني
شيخه تسحب اللحاف وتقول:بتقومين ولا اكـب عليس مويه
ريماس قامت وهي تتأفف:آوووووووف خلاص قمت قمت
انا وغاده دخلنا لغرفة شيخه وريماس
انا:وش فيها ذي مطنقره (معصبه او متنرفزهـ)
شيخه:ماتبي تقوم وقومتها غصب
غاده:صح هي راحت المدرسه اليوم؟!!
شيخه:أيه راحت سبحان الله عنآآآآآآد
انا:شلون راحــــــت وهي ما عندها مريول
ريماس وهي قايمه بتروح للحمام:ابوي وداني الله يخليله لي وراحت
انا:آها ابوي ياحبي له بس ابوي معطيها وجهه
شيخه:ماصار مثل باسم امس يوم امي قالت له قال والله انا مب فاضي اوح السوق علشان مريول وشنطه
غاده:بعد اخوكم هذا مايستحي مفروض يحترم امي داقه عليه ومفروض يقول ابوي تعبان
انا:ا قليلة الحياء ريماسوهـ مفروض شافت ابوي تعبان قالت خلاص مب رايحه ماتستحي هالبنت
شيخه:توها بزر ماتعلمت
انا:بنات تسمعون جوال يرن
غاده:جوالس ياحظي
انا:من ذا اللي بيدق العصر غريبه صديقاتي اكيد خامدات الحين
شيخه:يمكن هم بيسالونس ليه غايبه ولا شي
انا:يمكن واتجهت للباب
غاده وشيخه:لحظه بنجي معس
انا:خير وش تبون
غاده:بنجي معس علشان لين خلصتي ننزل لــ آمي ونقولها نبي نروح السوق
وش نحتري بعد
شيخه:بكرهـ بنداوم خلاص
انا:طيب يله
رحنا لغرفتنا انا وغاده وتوني داخله الا ينقطع الاتصال
انا:متعبيني على الفاضي وخذيت جوالي وشفت المكالمه وصارت من يوسف
غاده:هاه من للي داق عليس؟!
انا:يوسف
شيخه:غريبه وش يبي
اننا:مدري عنه
غاده:يمكن علشان مأمل انه بيودينا نشتري اغراض المدارس
انا:يمكن خلني ادق عليه واشوف
شيخه+غاده:طـــــــــــيب
دقيت ورد علطول
يوس:هلا والله هلا وغلا بقلبي هلا بزوجتي وحبيبتي
انا:ههههه وش فيك هلا بك اكثر
يوسف:شخبارس؟
انا:الحمد الله تمام وانت اخبارك؟
يوسف:تمام ياقلب يوسف
انا:الحمد الله دووم
يوسف:انا الحين بودي خواتي للسوق نمــركم
انا اصرف:لا ابوي بيودينا
يوسف:ليه تتعبوونهـ وانا موجود
انا:مانبي نكلف عليكم
يوسف:لا كلافه ولا شي وبعدين قولي مابي اروح معك ترى خواتي وصلوا كل كلامس
انا:زين انك عرفت خلاص اجل افهمها يازوجي العزيز
يوسف:بس مايصير كذا
انا:معليه يوسف افهمني
يوسف بضيق: طيب براحتس يله مع السلامه
انا:اوك مع السلامه
شيخه:زعل صح
انا:شكله كذا
غاده:خلاص خلنا نروح معهم مب ضار ولا تخافين مب مخلينه يكلمس ابدا
انا:مابي مابي مابي
شيخه ابتسمت بخبث وقالت:غآآآآآآآآآآده تذكرين يوم اقولس بوريس ذاك اليوم طبخه في النت
غاده بااستغراب: وش طبخته؟!!
شيخه:يووه نسيتي ومسكت يد غاده وسحبتها وقالت :تعالي بوريس وراحوا
غاده:هيه فكي يدي وش طبخته
شيخه:اسمعيني انتي الحين
غاده:طيب قولي
.ٍ تم الجزء الاول من البارت الاخير.َ
الـبـــــــآآآرـــــــــــــــ الحادي عشر والاخيرـــــــــــــــــــــــت
آلجـــــــــ آلثــآني ــــــزء
شيخه:اسمعيني انتي الحين
غاده: قوووولي
شيخه:مآتبين تسوين مقلب في مضآوي
غاده بحماس:الا اكييد اكيييد
شيخه:طيب اسمعيني عندي لها مقلب يجنن
غاده:وشو بسرعه قولي حمستييني
شيخه:اسمعي
نخليهم و نرجع لي ^_^
انا كنت جالسه بغرفتي بهدوء وطمأنيه الا شوي ينفتح الباب علي بآقوى شي وشيخه وغاده داخلين علي وآشكالهم مرتبكه وخاآيفين
آنا نطيت من مكاني وقربت لهم وقلت بخوف:وش فيكم بسم الله وش صاير
شيخه:مضآوي مصيبه مصيبه
آنا بخوف :وشو انطقي بسرعه
غاده بتوتر:يوسف يوسف
انا خلاص وشوي بنجن:وش فيه خلصوووني
شيخه بربكه:يوسف سوى حادث والحين هو بالمستشفى
انا :هآآآآآآآآآآآآآآآآآآآآآآآآآآآآآآآآآآآآآآآه يوووووسف بالمستشفى
غاده وشيخه وماسكين الضحكه:ايه
غاده:كله منس انتي السبب
انا بااستغراب:آنآآآآآآآآآآآ
شيخه:ايه انتي انتي اللي زعلتيه وشوفي وش صار
انا خذت عبايتي ورحت اركض تحت وخواتي وراي يضحكوون الا فاطسين ضحك
انا:انتو هييه شايفين هالوقت مناسب للضحك
غاده وشيخه:ههههههههههههههههههههههههههآآآآآآآآآآآآآآآآآآ ي
انا عصبت وقلت بصراخ:خيييييييييييييييييييييييييييييييييييييييير قلة آدب
غاده:هههههههههه واآآآآآآآآآآآآآآآآآآآآآو ونااااااااااسه شكلس وانتي معصبه كذا ومتنرفزه
شيخه:ولا وكلتي المقلب بعد ههههههههههههه
آنا مافهمت للحين :مقـــــــــــــــــــــــــــــلب مقلب وشو ؟!!
غاده:هههههههههههه يعني كل اللي قلناه لس نصب × نصب
انا:يعني يوسف لاسوى حادث ولا شي
شيخه:أيه وانحاشت هي وغاده
وآنا ألحقهم وانا خلاص موصله من العصبيه
غاده وقفت وقالت :خيييير لييه معصبه يعني انتي تسوين فينا مقالب وساكتين لس وعادي
ماعصبنا كل هالعصبيه وانتي الحين شوي وتذبحينا
شيخه:حلال عليس وحرام علينا
انا:يمه يمه كلووووووووني الواحد لو يبي يسوي مقلب يسوي شي خفيف مب كذا عاد
غاده:لا والله يعني الحين انتي مشاء الله عليس كل مقالبس خفيفه اقول بس انقلعي
انا سكت فجاءه يعني جالسه استوعب اللي صار وبعدها انفجرت ضحك :ههههههههههههههههههههههههههههههه
غاده وشيخه يناظروني بااستغراب
انا:هههههههههه توني استوعب اللي صار
شيخه:هههههههه الحمد الله والشكر بدري
غادهـ:البنت هذي من انخطبت وهي مدري وش صاير لها
انا:والله حتى انا ملاحظه على نفسي يله معليه لازم الواحد يتغير
شيخه:طيب يله امشوا نروح تحت نشوف من بيودينا
انا:اوك يله بناآآآآآآت بنات
غاده:نعم
شيخه:خييير
انا:ابي اتسآبق من زمان ماتسابقنا في الدرج
شيخه:اوك يله حطوا رجليكم واحد ثنين ثلاث انطلقوا
وصرنا نتراكض في هالدرج لين الصاله اللي امي وابوي وباسم فيها
امي:وجع من اللي لاحقكم شوي شوي
باسم:مهبببل انتو ؟!
شيخه:وانت وش جايبك من دوامكم مبكر
غاده:لا هذا وقته بس إنا نسيناه
انا:اقول ماعليكم منه سوى اللي تبون
باسم:اقوم انتف شعرس
ابوي:خل بناتي ماعليك منهم
انا وغاده وشيخه:الله لايخليييييييييينا
امي:باسم ماتبي تتزوج
باسم بصدمه:اتزوج ؟ّ!!!
ابوي:ايه تتزوج وش فيك ماودك تكمل نص دينك
باسم:بدري
انا:لا بدري ولا شي وافق بس
باسم:وش رايس تحددين مستقبلي
انا:عطني ورقه وقلم طيب هههههههه
غاده وشيخه:ههههههههههههههههه
امي:بس انت وياها هاه ياباسم وش رايك
باسم وهو يستعد للوقفه:افكر في الموضوع
ابوي:خذ راحتك
باسم:يله انا بروح اخذ لي غفوه لين اذن المغرب ومابي آزعاج انتو يالبقرات االثلاث
انا:هيييييه يالثور احترم نفسك
باسم:انا ماقت الا الصدق بقر
غاده:لا والله
شيخه:خلوه مقهور منا
باسم قرب لنا وقال بصوت واطي:هين خل ابوي يروح وارويكم وراح
انا بصوت عالي:ماتقدر تسوي شي
ابوي:خلوه عنكم ولا يهمكم ابدا دامني موجود
شيخه:ماننحرم منك يالغالي
رن التلفون وردت امي
ام سعد:هلا بيت ابو باسم الـــ ....
امي:ايه نعم من معي
ام سعد:انا ام سعد
امي:ايه هلا والله وغلا شخبارس وش اخبار العيال؟
ام سعد:الحمد الله بخير وشلونكم انتو ؟
امي:اللهم لك الحمد بخير وصحه وسلامه
ام سعد:والله ياام باسم انا داقتن عليس ابيس بسالفه
امي:تفضلي ياآم سعد قولي
ام سعد:ابي اخطب بنتس شيخه لولدي ناصر
امي:الساعه المباركه ياوخيتي
ام سعد:اجل ان شاء الله انا وابو سعد بنجي عندكم الاربعاء ونخطبها من ابوها
امي:حياكم الله
ام سعد:الله يحيس ويسلمس يله اخليس الحين مع السلامه
امي:فمان الله مع السلامه وقفلت السماعه
ابوي:من ذا؟
امي:ام سعد تسال عن اخبارنا وتقول بنجي يوم الاربعاء
ابوي:حياهم الله
انا:يمه مب كانها غريبه جيتهم
امي:لا غريبه ولا شي عادي زياره عاديه
شيخه:اكيد يمه وجهس يقول غير كذا هههههه
امي:اعقلوا بس
غاده:يبه من بيودينا نشتري اغراض المدرسه
ابوي:اخوكم باسم
امي:قله انت انا هبلبي امس
ابوي:زين وانتو العشاء اجهزوا خلاص
شيخه:طيب
بيت خالتي
منيره:قلت لك لاتدق وتتعب نفسك بس عاندت وشفت النتيجة
يوسف:هين بشوفها يعني بشوفها
مرآم:ان شاء الله المهم الحين نروح نركب السيارة ولا لا
يوسف:الا يله مشينا
منيره+مرام:آووك
العشاء
نزلنا بعبياتنا تحت وشفنا باسم معصب موصل لاخر درجه
باسم:امشوا قدامي بسرعه
انا:ترى مب لازم تودينا
باسم وصلت معه:امشي قدامي لاذبحس هنا الحين وطلع
شيخه:امشوا امشوا قبل لاياكلنا يمآآإآآأآآآإآآه
غاده:استغفر الله عاد الحين هو وش عنده يعني
انا:بعد وش عنده يا بيروح لربعه يا بيجلس لي على النت بنعطله ياعمري عن اشغاله
شيخه بتريقه:شكله رجل اعمال ياعمري بس يالاشغال
ريمااس بنرفزه:انتو امشوا
انا:اوووف ترى محد رايق
شيخه:طيب امشوا يله الحين بيسوي لنا محاظرهـ
غاده:طيب يله خلصونا
عدلنا العبايات ورحنا نركب السياره وعلطول مامدانا نركب الا قال لنا بعصبيه:بدري
كان طوولتوا شوي تونا
إنا كلنا ساكتين وسافهينه ومخلينه يبربر على راحته وبعدها انطم وهجد من
نفسه
<<اللي اخوانها كذا تسووي مثلنا
أنا :هجدت خلاص
باسم ناظرني بدون نفس ورجع ناظر طريقه
انا:جاوبني هديت و لا لا
باسم :وش تبين خلصيني
انا:اولا ليه معصب ؟؟!! وش فيها يعني اذا وديتنا السوق؟!
باسم:يعني مايبي لها لاني منيب فاضي صاير لكم سواق انا
غاده تتهزاء:مشاء الله ياكثر ماتوددينا وتجيبنا
باسم تنرفز وقال:بتسكتون ولا شلون ؟؟
شيخه بعصبيه:بنسكت بنسكت اوووف
ريماس:الله يعين منيره عليك
انا مسكت فم ريماس وقلت بصوت واطي:اسكتي وجع
باسم استغرب وقال:وش فيكم وش فيها منيره وش صاير
غاده تصرف:لا مافيه شي سلامتك
ريماس:وليه ماتقولون له عادي وش فيها
شيخه طقتها مع راسها وقالت بصوت واطي:امي بتقوله جعلس المصع لا تتلقفين بسواليف الكبار وجع ان شاء الله
باسم:قولوا وتبببببن
انا بقلة صبر:اوووووف امي تبي تخطب لك منيره بنت خالتي خلاص فهمت الحين
ارتحت
باسم:ههههههههه وبس هذا !؟ صدق ماعندكم سالفه وليه ماقلتوا لي من الاول
شيخه:لان امي بتقول لك كل شي ماله داعي نتلقف
باسم:زين يعني الحين امي بتخطب لي منيره
غاده:لا اختها وش قاعدين نقول من ساعه
باسم:حلو اجل موافق
انا:وليه غيرت رايك
باسم:وانتي وش دخلس
انا:الباب
باسم:اطلعي منه !
انا:طيب وقف السياره خلني انزل
كلهم:هههههههههههههههه
غاده:خبله انتي
انا:لا اتخيييبل ههههههههوع
باسم:انتو الحين تبون السوق ولا ابو ريالين ولا المكتبه
شيخه:اول شي السوق وثاني شي ياابو ريالين يالمكتبه
باسم:طيب يله هذا السوق وصلناه انزلوا وخذوا شغلكم كله فاهميين
ريماس:مب نازل معنا
انا وخواتي دزينا ريماس مع كتفها
باسم:لا بنزل معكم تدزون ولا تقعدون تبوني اخليكم تهيتون في السوق بلحالكم
في الاحلام
انا:بنضيع يعني الحين
باسم:اقول انزلوا وبلى كثرة بربره
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك