رواية لا جيت بعقل يضحك الطيش بدري -11
دخلنا وانا خلاص ميته من الخوف والاحراج والتوتر
جدي :الحمد الله على السلامه
جدتي:خطاك السووء ياوليدي
مرام:يمه اخوي بغى يروح مني اسم الله عليك ماتشووف شر يالغالي
يوسف بتعب:الله يسلمكم جميع وناظرني وابتسم
وقال:هلا بالقناصه
آنا بااحراج:هلا الحمد الله على السلامه اسفه والله ماكان قصدي
يوسف:تبين اقبل اعتذارس
انا:ايه اكييد
يوسف:بشرط
آنا:وشو؟!
يوسف مسك على ايده وبتعب قال:بعدين الحين ماقدر آآه
خالتي بخوف:وش فيك يمه يدك توجعك
يوسف يتالم من يده:لا بس االم خفيف لاتخافين يالغاليه
خالي:خلاص اجل إنا نستاذن وانت ارتاح
جدي:الا متى بيظهرونه ماقالوا لكم
امي:الا بعد يومين او 3 ايام بالكثير
انا حبيت راس خالتي وقلت:اسفه خالتي والله ماكنت اقصد
خالتي:مسموحه حبيبتي لاتشيلين هم
انا ناظرت ابو يوسف وقبل ماتكلم قال:ماعليه بس المره الثانيه انتبهي وانا عمس
انا بأحراج:ان شاء الله
دخل علينا ابوي وهو خايف ومرتبك وقرب علطول عند يوسف وقال:
سلامتك سلامتك ماتشوف شر وش اخبارك الحين وش قآلك الدكتور
باسم:يبه وش فيك هدي بسم الله عليك مافيه الا العافيه
يوسف :انا بخير يالغالي لاتحاتي
ابوباسم انتبه لنا وقال باحراج وعيونه بالارض علشان خالتي وبناتها فيه:معليش اعذروني مانتبهت لكم
ابو يوسف وجدي وجدتي وخالي وباسم وإنا كل عايلة ابو باسم قربنا وسلمنا عليه
بعدها دخل علينا الدكتور وطردنا برا علشان يرتاح يوسف هههههههههه
بعد يومين طلع يوسف من المستشفى ويده وصحته تحسنوا احسن عن اول
وجدي صمم الا نسوي الملكه يوم الخميس رغم محاولاتنا كلنا إنا نأجلها علشان اللي صار ليوسف لكن جدي وجدتي ويوسف الدب اللي كنا نبي نأجلها علشآنه كان هو و جدي وجدتي مصممين الا غصب الملكه تصير يوم الخميس
ورضينا وبدينا نجهز انفسنا للملكه
مرت الايام علينا سريعه مثل البرق
لاننا كنا مشغولين في الاسواق والتجهيز
:يوم الملكه:
السآعه 6 ونص مساء
كلنا البنات متجمعين في غرفتنا وكل وحده ماسكه لها شغله
اللي تستشور واللي تشيل واللي تشوف فستانها واللي تشوف مكياجها وحالتنا حاله
غاده:انتي وش تحترين قومي تروشي وتجهيزي الحين
بتجي الكوفيره
انآ:تونا وش مستعجله عليه
مرام:وش توس قومي يلا بلى هبال
انا:طيب ياازعاج انتي وياها . الا الحين البس الفستان ولا متى؟؟
منيره:لاتونا على الفستان لين حطيت المكياج والتسريحه آحسن
انا:طيب يله بررررررب
الكل:هههههههههههه
شيخه:مسن على غفله ههههههه
انا بثقل دم :لا نت هه هه ههاآآآي
انا:ادري اقول بنآت ياحلوات لبسوا ريماس وامل فساتينهم وكشخوهم
منيره:هييه وين تونا ذولي مب ملبسينهم الا لين نشوف البيت مليان من الناس
شيخه:صادقه والله لو لبسناهم الحين وصخوها في دقيقه
انا:طيب يلا عاد بنات بروح اتسبح تآخرت
مرام:طيب يلا قلبي وجهس
انا:على أي صفحه ولالا اقولس خلنا نغير خلص الدفتر للاسف
غاده:مضاوي وش ثقل الدم اللي جآيس اليوم
منيره:من الحياء هههههههه
انا انحرجت وقلت:ماتضحك ابدا وآنحشت *_^
شيخه:بنات من اللي فاضيه منكم
منيره:انا وش تبين
شيخه:ابيس تستشورين شعري مافيني حيل استشوره والله
منيره:طيب تآآمرين
شخه:تسلمين مايامر عليس عدو ولا ظالم
نترك البنات بحوستهم ونروح للمعرس
جدي وجدتي وامي وخالتي وخالي ويوسف وباسم كلهم كانوا مجتمعين
في مجلس الرجال جالسين يجهزون ويرتبون الاوضاع
وابوي وابو يوسف ومعاذ وطارق وريماس وامل رايحين
يجهزون الذبايح
<<حشى عرس مب ملكه ههههههههه
يوسف:يمه جهزتوا ثوبي وبشتي وشغلي كله
خالتي:ايه يمه مجهزين كلش لاتشغل بالك
يوسف:اروح البسهم الحين
خالي:ههههههههه اركد ياولد تونا الساعه مآجت ثمآآآن
يوسف:مستعجل ماقدر اصبر
جدي:ههههههه الله يهديك ياوليدي وين ابويوسف وابو باسم ماآشوفهم
باسم:راحو لللمصلخ يشوفون الذبايح
امي:هاوو مابعد جو من العصر وهم رايحين وش يحترون
خالي:تلقينه زحمه اليوم خميس تعرفين
خالتي:وهالمهبل رايحاتن معهم متى بيمدينا نسبحهم ونجهزهم جعلهم الصلاح
جدي:الامر هين بيجون الحين وبتسون كل شغلكم ان شاءالله بس وسعوا صدوركم
بدأ صوت اذان العشاء يتردد في كل انحاء القريه ^_<
جدي:يله يله قوموا اجهزوا ياام محمد وجهزوا كلش ماعاد بقى كثير
وانتو يله قوموا صلاة يله وراح يتوضاء وخالي معه
جدتي:زين ان شاء الله وقاموا الحريم
يوسف بشوق: مابقى إلا ساعتين واشوفها ياني مشتاق لها كبر الدنيآ
باسم:اعقل انت وهالخشه قم بس صل يله لايجينا الحين جدي بالعصا وخل الشوق بعدين
يوسف بخوف:طيب امش يله يله
جت الكوفيره الساعه 7 ونص وبدت تجهزني
انا:لاتسوين في شعري شي خليه سايح
الكوفيره (سمر):ماتبين تسريحه
انا:لا بس مكياج
سمر:اللي تشوفينه ياعروسه
شيخه: انتي تستهبلين خليها تسوي لك تسريحه
انا:ماحب التسريحات والزحمه خليها لين يجي العرس لاحقه
شيخه:براحتس
منيره:يله بنات خلصتوا
غاده:لا لحظه باقي اخر لمسات المكياج
مرام:وش اخر لمسات بعد شي جديد خلاص وش زينس تهبلين
يله خلنا نطلع قبل مايذبحونا
شيخه:بسرعه امشوا ترى جدتي شابه نار تبينا الا غصب نستقبل المعآزيم
منيره بنرفزه:يآربيه بس يلا امشوا
بعد ساعه كامله مرت جهزت انا وخلصت ودقيت على البنات يجوني علشان اطلع معهم للحريم
واسلم عليهم واروح للمجلس اللي بنجلس فيه انا ويوسف وكلها عشر دقايق وهم داخلين علي
منيره:هاآآآآآآآآه خلصتي ؟!
انا:ايه خلصت اجل ليه داقه عليكم هاه شرايكم فيني ؟
البنات:قمر ياعروووووسه
انا:تسلمووون هاه مايبي شكلي تعديل منا منا
شيخه:لا يلا اطلعي سلمي على الخلق اللي برا زحمة ناس
انا:هههههه ليه اجل مليانه الناس برا
غاده:مليانه وبس زحمه مشآء الله عليهم جدي وجدتي عازمين
كل الديره يحسبونه عرس مب ملكه
انا:عادي هذي عادات اهل القرى
مرام:طيب يله اطلعي سلمي علشان تروحين للمطيور((المستعجل))
انا بحياء:يوسف قصدس
مرام :ايه يوسف من غيره
انا :اها طيب يلا امشوا معي
منيره:يله الا وين الكوفيره
انا:راحت وش بعد تحتري
شيخه:آها اجل يلا امشوا بسرعه
طلعنا للحريم وسلموا علي وبعدها رحت للمجلس اللي بنجلس
فيه انا وزوج المستقبل عريس الغفله ههههههه
شيخه:يله اجلسي لين يجيس الدفتر
انا:وش دفترهـ ؟!
غاده: الدفتر اللي بتوقعين فيه وتصيرين بعدها زوجة يوسف على سنة الله ورسوله
<<شرح مفصل هههههههه
انا :آها أيه طيب خلاص
منيره:وش فيس قولي كلمه وحده ترى والله نفهم هههههههه
انا بااحراج:منيراتوه انقلعي
منيره:طيب هههههههههه
جاء معاذ بالدفتر وقرب لعندي وقال:يلا وقعي يامدام يوسف
انا:مانيب راده عليك لاني عروسه وخذيت القلم و وقعت
معاذ:اللي يتغطى يتغطى بسرعه الحين بيدخل يوسف وباسم
منيره:بـ هالسرعه
معاذ:هذي اوامر زوج هذي وياشر علي
انا:ماعليكم من زوجي خلوه يدخل
غاده:شف البنت ماتستحي عيب عيب
مرام:وش عليكم من البنت يالله خلوها بكيفها يلا قل لهم يدخلون
معاذ:ان شاء الله عمتي اوامر ثانيه
مرام تمثل العصبيه:كومار انا كم مره اقولك لاتقولي عمتي
عمت عينك ان شاء الله قولي مدام انسه مو عمتي
معاذ يقلد الهنود ويهز راسه:حاظر مدام
انا:هههههههههه ظابطين الدور
معاذ :مستانسه مع هالخشه
آنا:ايه ياكومار هههههههه
منيره:خلاص اعقلي اليوم ملكتس
انا:ان شاء الله حاظر
طلع معاذ ودخلوا امي وخالتي علينا
امي تناظرني باابتسامه:وقعتي يمه
آنا :ايه وقعت
خالتي وامي:مبروووووووووك
انا:الله يبارك فيكم
خالتي:يله بنات طلعوا يوسف وباسم بيدخلون
منيره:ليه نطلع مافيه بنتغطى لازم نتفرج
مرام:ايه صح صادقه علشان نتعلم
انا:ليه فاتحين دوووره للمراهقين امثالكم
غاده:بنقعد يعني بنقعد
آنا:طيب إن ماطردتكم اصبروا علي بس
شيخه:يمه تسوينها قول وفعل
خالتي وامي يسمعونا ويضحكون
طارق جاء عندنا وقال:يوسف وباسم عند الباب تغطوا انتو وجع
مرام:كل تبن بس وتغطوا شلتي المصونه خخخخخخخ
دخلوا علينا الثلاثي خالي وباسم ويوسف و كان بينهم ملاك طالع شكله بالبشت رزه وه فديته <خربتها ههههههه
انا من شفته يقرب لـــ نآحيتي نزلت عيوني للارض من الحياء
يوسف والفرح مغطي ملامحه:مبروووووك
انا بخجل:الله يبارك فيك
يوسف جلس جنبي وقرب لي وقال:وحشتيني
انا انحرجت و تنرفزت من قربه ماتعودت على هالاشياء
<<من جنبها في الرومنسيه هههههه
وقلت بصوت واطي وغير مسموع تقريبا غير لي:طيب لاتقرب
يوسف سمعني بسم الله مدري شلون وقال:صبرس علي خلهم يطلعون بس ههههههههههه
انا استحيت وقلت بنفسي:يمه الله يستر وسكت
خالتي :خذ لبس زوجتك الشبكه خلف الله عليك وش تحتري يله
مرام:شكل ماوده شاريها علشان ينآظرها الاخ ههههههه
يوسف: اسكتي انتِ يمه عطيني الشبكه
خالتي وهي تعطيه الشبكه:تفضل
يوسف:لازم البسها يعني وانتو فيه
امي:هههه ياولد وش فيك من الصبح تتطرد فينا
خالي:هههههههههههه يبي ياخذ راحته مع عروس المستقبل لكن يحلم لو يمووت
باسم: مستقعدين لكم هنا اليوم ههههههه
انا بقهرهم:طيب الله يحييكم
الكل:هههههههههههه
غاده:من وراء قلبس اكيييد ههههههه
خالتي تبي تجنن في ولدها جلست على الارض وتربعت وقالت:وهذي جلسسه
يوسف:يآآآآآآآآربييه يعني ماناخذ راحتنا
انا بصوت واطي اكلم يوسف:احسن علشان مره ثانيه ماتقعد تحرج فيني
يوسف بنفس درجة صوتي :لاحقين في بيتنا هههههههه
انا خلاص انصبغ وجهي الوان وانطميت من الاحراج
منيره:ههههههه يوسف شوي شوي على البنت شف وجهها شلون صار
امي:خلاص اطلعوا يله خلوهم
شيخه:يمه لحظه مابعد خلص الدرس كيف تتصرفين في يوم ملكتس هههههه
أنا بااستهزاء:قولي والله
الكل:والله ههههههههه
جت جدتي وقالت وهي مصعبه:مشاء الله عليكم كلكم فيذا وآنا برى جالسه عند الضيوف بلحالي وش بيقولون الناس عنكم هاه
امي وخالتي والبنات طلعوا كلهم خوف من جدتي هههههه
وبقى النشبات خالي وباسم
يوسف:هاه ادلكم الباب ؟
خالي:ايه للاسف ظيعته انا هههههه
انا:خلاص عاد اطلعوا بقول لزوجي سر
باسم: سر وين بزارين هههههههههه
يوسف:يالليل النشبات
خالي:هههههههههههههه يله رحمتكم بخليكم دقيقتين مع بعض مافيه غيرهم
باسم:لا ياخالي دقيقتين كثيره دقيقه تكفي
يوسف:لاآآ اقول يله عطوني مقفاكم بسرعه
باسم:حاظر بس تراها دقيقه يعني خلصوا شغلكم بسرعه ههههههه
خالي:ايه وترى إنا واقفين عند الباب اذا احتجتووا شي ولا شي لاتترددون نادونا
يوسف: مانبي منكم شي بس يلا الباب
خالي وباسم :هههههههههه
خالي:يلا باسم مشينا
يوسف:اووف مابغيتوا
باسم:يوسف ترى بهووون
آنا:ياربييه خلاص عاد لاترفعون ظغطه يكفي اللي فيه
خالي:طيب يلا سلام وطلعوا اخيرا
يوسف:اووووووف مآبغوا نشبه
انا:ههههههههههه
يوسف لبسني الشبكه وقال باآستهبال:مبروك انا عليس
انا:هههههه ومبروك انا عليك
يوسف:هههههه شخبارس ؟ّّ!
انا:الحمد الله انت شخبارك واخبار جرحك
يوسف مسك على كتفه وقال:احسن عن اول
انا بحيرهـ :سامحتني يوسف
يوسف:لا انا قآيلس بشرط هع
انا:ايه صح ماقلت شرطك يله وش هو ؟
يوسف:عرسنا يصير بالعطله اللي بين النصفيين((الترمين)) هاه وش قلتي
انا:لازم يعني طيب كلها النصف الثاني وتجي العطله الكبيره خلاص مره وحدهـ
يوسف:لا مالس الا العطلة اللي بين النصفين
انا بااستسلام:طيب اللي تشوفه
يوسف ماصدق:صدق موافقه ؟!!
انا:ايه صدق
يوسف:اجل بقولس شي تراني مسامحس من زمان ياعيوني
انا بجننه:اجل خلاص مافيه عرس الا بعد سنه
يوسف:ههههه لا خلاص وعدتيني
انا ضحكت وقلت:متى وعدتك بلى فقش بس
يوسف:مافيه يابنت قلت لك في عطلة النصفين يعني في عطلة النصفين
آنا:طيب لاتعصب اسم الله عليك خلاص اللي تامر فيه
يوسف:فديت قلبك وباسني مع خدي<<خربها ههههه
انا وجهي صار الوان قوس قزح
يوسف:تدرين ماتوقعت انس تستحين ابدا
انا:هههههه ليه مو بنت انا
يوسف:الا بنت وشيختهم كلهم
انا:تسلم يوسف وانت بعد شيخ كل هالرجاجيل
يوسف بحب:تسلمييين حبيبتي
انفتح الباب علينا ودخلوا خالي وباسم والابتسامه الخبيثه شاقه وجيهم
خالي:انتهت المده يله برا
يوسف:خيير حتى ماجلست معها نص ثانيه
باسم:ههههههه ايه بلاك مب حاس بالـوقت
خالي: وشلون بيحس وهو جالس مع الحبيبه هههههههههه
يوسف:ومن هو اللي يجلس مع مضاوي ويحس بالوقت ولا بعمرهـ ولا باللي حوله
باسم:اكششششخ والله طلع الولد رومنسي هههههههه
خالي بخبث:حتى الثانيه رومنسيه فاتك يايوسف وش سوت يوم انك بالمستشفى
يوسف بلهفه :وش سوت خالي بسرعه قول
خالي:مب قايل مت حره ههههههههه
انا:ايه احسن لو تقوله بتتسطر
خالي:اجل بقول وقال له كل شي من - الى
يوسف:يلومني فيك والله
انا انحرجت وطلعت وانحشت للغرفه
باسم:زين كذا احرجتوا اختي ههههههههههه
يوسف:مسوي طالع منها انت وهالخشه
خالي:هاه وش سويتوا انت وياها اعترف
يوسف: ليش انتو خليتونا نجلس اصلا بس هيييييين اوريك انت وهو في عروسكم هيين
خالي:هههههههه ماتقدر ياابو الشباب
يوسف:ايه نشووووووف اللي مايقدر صبركم علي انت وهو
خالي وباسم:هههههههههههه
يوسف:امشوا قدامي عند الشياب يله
خالي:هههههه طيب يالشباب
عند الحريم
ام سعد:ساره يمه وش رايس بغاده و شيخه؟
ساره:بسم الله عليهم يهبلون لييه ؟
ام سعد:ودي اخطب لاخوانس ومشاء الله عليهم بنات ام باسم مافيه مثلهم
ساره:طيب خلاص توكلنا على الله نخطبهم بكره قبل مايروحون
ام سعد:لا يمه خليني اشوف اخوانس اول وابوس
ساره:زين اللي تشوفينه يالغاليه
عند امي وخالتي
امي:ياوخيتي بغيتس بسالفه
خالتي:امرييني
امي:ودي اخطب منيره لوليدي باسم
خالتي:الساعه المباركه وانا اختس
امي:اجل بشووف باسم وابوه وبرد لس ان شاء الله
خالتي:ان شاء الله على خير وين بلقى مثل باسم الله يحفظه ويخليه ان شاء الله
امي:تسلميين ياآم يوسف
تم البارت العآآآآآآآشر
توقعاتكم
* غاده وشيخه تتوقعون بواففقون على عيال ابو سعد ؟ّّ!
*ومنيره بتوافق على باسم ؟؟ّ!
*وهل سالفه راكان ومرام بتنهي الى هالنهايه اللي شفتوها او لا ؟!
*وريماس وامل وطارق ومعاذ وش ينتظر مستقبلهم ؟!
الـبـــــــآآآرـــــــــــــــ الحادي عشر والاخيرـــــــــــــــــــــــت
((الجـــــــــ آلــآولـــ ــــــزء))
الساعه 12 ونص
راحو كل للي معزومين وبقى بيت ابو سعد
كنا جالسين في الصاله الحريم والبنات لكن البنات في جهه والحريم بجهه
عندنا إنا البنات
أنا:سآرونه متى عرسس على خالي العزيز طق عمره الثلاثين وهو للحين ماحدد عرسه
ساره:مدري عنه كل يوم له رأي
مرام:طيب عاجبس الوضع كذا
ساره:لا والله بس وش تبوني اسوي
منيره:طيب هو وش يحتري هو وجهه الفلوس موجوده والبيت بعد موجود
ساره بضيق:مدري عنه هبلبي
غاده:لا تضيقين عمرس انا بخليه يتزوجس قريب قريب
انا:وش ناويه تسوين
غاده:صبروا علي بس وشوفوا وش بسوي
شيخه:بنشوووف ياختي الحبيبه
ام سعد:ساره يمه دقي على حدى اخوانس شوفي متى ناوين يودنا البيت حظرتهم
ساره:ان شاء الله
ساره توها بتطلع جوالها بتدق الا يرن في يدها
ساره ترد:هلا سعد
سعد:اطلعوا يله ولا ماودكم
ساره:الا امي تو تقول دقي عليهم
سعد:اجل يله إنا عند الباب
ساره: بنجيكم الحين مع السلامه
سعد:زين مع السلامه
ام سعد:هاه نطلع
ساره:ايه يمه
لبسوا عبايتهم وطلعوا
انا:ياحليلها ساره مرت خالي عسل
جدتي تمزح:ايه ولدي مايختار الا السنعات
كلنا:هههههههههههه
شيخه:احلى ياجدتي
جدتي وهي مبتسمه:يلا عاد انا بروح ارقد تمسوا على خير
امي:زين يمه تصبحين على خير
جدتي:وانتو من اهله
وراحو الحريم كلهم ينومون وبقى إنا البنات
انا:يوه واخيرا راحو الناس بروح اغير هالزحمه اللي علي واغسل خشتي احس كأن الكوفيره حاطه في وجهي جبس
منيره:هههههه وش جبسه يالخبله بس تدرين طالع اليوم شكلس شي عجيب
غاده:ايه هي العروسه لازم تتطلع كشخه
انا بثقه:اكيد اكيد
شيخه:لاتتقطعين علينا بس ههههههه
مرام:الا شخبار يوسف هاه؟ وتتبسم بخبث
انا:الحمد الله تمام ورحت
منيره:ههههههه ياحليلها
غاده:ياربييييييه فيني النوم مافيني حيل اقوم اغير ملابسي حتى
مرام تستهبل:اغير لس يمه
شيخه ومنيره:هههههههههه
شيخه:يؤء يؤء جلست اتخيل شكلس وانتي تغيرين لها ههههههههه
غاده بنرفزه:قليلات ادب كش عليكم وراحت تبدل
مرام+منيره+شيخه:هههههههههههه
وكلهم قاموا يبدلون ملابسهم ويفرشون فرشهم علشان يخمدون ((ينامون))
في غرفتنا وكل وحده منسدحه في مرقدها
أنا: بنات مافيني نوم ولا ابي انوم مشتهيه اسهر بما ان اليوم اخر يوم لنا هنا
منيره: وش بتسوين في هالليول نومي احسن
آنا:ماآشتهيت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك