رواية قساة اضعفهم الحب -36
صبا فكني نايف واللي يعافيك بروحي تعبانة من البارحة؟
فكها صحيح بس بقوة اكبر وطاحت تحت رجله وداس عليها برجلهوقال بصراخ اكبر من قبل تنزلينه يعني تنزلينه فاهمة؟
صبا ماكان عندها غير دموعها بذيك اللحظة وماقدرت تقول غير كلمة حرام...
نزل لمستواها وقال لها وهو يصفعها على خدها حرام!!!ومو حرام انك تخدعيني وتحملين من وراي!!!
صبا ببكي انا مالي شغل؟
نايف بانفعال مو حرام انك تحطيني بها الموقف قدام نفسي وقدام اهلي؟؟شسوي انا اللحين؟يعني فوق فضيحة المستشفى كملتيها بها المهزلة؟
كان بين كل كلمة والثانية يرفسها رفسة برجله ولايجر شعرها وهو يتكلم بانفعال...
صبا نايف..
وقف على طوله وقال بتهديد انا طالع ومابرجع الليل الا اذا فكرتي كيف بتنزلينه وتعطيني التفاصيل سامعة؟
جاسر ليالي..
ليالي نعم...
جاسر خلينا نطلع شوي..
ليالي باعتراض متعب جاي اللحين؟
جاسر أي بس....
ليالي انا مو طالعة قبل لااشوف وش بيسوي متعب مع اصيل؟
جاسر انا راح اخذك لها...
ليالي .........انت...ليه؟
جاسر ليه يعني؟مو زوجتي؟
ليالي ليش صرت زوجتك بيوم وليلة ياجاسر؟
جاسر اكتفى بانه يتنهد....
ليالي ممكن اعرف وش النهاية اللي بتكون بينا ياجاسر؟
جاسر أي نهاية؟
ليالي نهاية ها الزواج؟لوين بنوصل يعني؟
جاسر وش ها السؤال الغريب؟
ليالي غريب!!!ليه صار غريب يعني....انت ناسي اذا مريت بباب ملحقي وش كنت تقولي ياجاسر؟من دخلت بيتكم كم كلمة جرحتني فيها؟ولاهذولا نسيتهم يعني؟تراني لسه ذاكرتهم..وابي اربط بينهم وبين مواقفك اللحين معي بس مولاقية شي يجمع مابينهما....فينا نتكلم بصراحة اذا تبي؟
جاسر ..............
ليالي يعني بالمختصر ليه انت قلبت فجاْة ؟وش اللي ناوي عليه؟
جاسر بنرفزة انتي زوجتي..وانا ماكنت شايفك قبل؟
ليالي بسخرية وبس شفتني غيرت رايك يعني؟
جاسر فيك تغيرين المو ضوع؟
ليالي موقبل ماافهم وضعي وش بيكون عليه؟
جاسر قلت لك انتي زوجتي
ليالي هاذي فهمتها..وغيرها؟
جاسر بنرفزة وش تبين انتي!!!
ليالي بداخلها ابيك تعترف باحساسك هو صدق ولاانا يتراواللي؟؟؟اعترف وريحني علشان انا اريحك بعد؟
ليالي جاسر انا من حقي اعرف انا لااي جهة بقعد بعدين....لازم اعرف مصيري هنا وش بيصير معك؟بالاول قلت على ورق ومالي شغل فيها...وتغير الحال اللحين وتبينا نقعد في بيت واحد!!يعني لو كنت مكاني ماكنت بتسال ابدا!!!
جاسر ليالي..انتي....يعني. انا يوم شفتك...يوم شفتك اول مرة ..حسيت....
ليالي انا مو فاهمة لك شي؟ليه تتكلم كذا وكلامك مقطع؟
جاسربنرفزة خلاص سكري الموضوع نتكلم فيه بغير وقت مبين ان متعب وصل؟
ابتسمت بداخلها وصارت تناظر صوب الباب....
كانت قاعدة بهدوء بينها وبين نفسها....
وانفتح الباب بقوة...
تنهدت بقوة ورفعت راسها....
ام عبدالله ان شاءالله لمتى ها النوم فيك؟
اصايل محد له شغل فيني؟
ام عبدالله قومي يالله بدلي ها الثياب لايشوفهم ابوك ويسويلنا سالفة؟
اصايل بلا اهتمام اولا هاذي بيجاما وش له بعد يسوي سالفة من العدم؟ثانيا اغراضي كلها انزمت مدري توزعت مدري وش صار فيها؟يعني وش تبيني اسوي ولاالبس؟
ام عبدالله قومي اللحين انتي المطبخ وانا بجيب لك شي من عندي تلبسينه؟
اصايل انا مو داخلة مطابخ؟
ام عبدالله نعم!!!
اصايل انا مو جوعانة؟؟والجوعان يخدم نفسه بها البيت؟
ام عبدالله لا؟؟؟من متى عاد؟؟؟
اصايل من اليوم يا.....ياخالتي ؟
ام عبدالله زين يا اصايل زين؟اذا مافتنت عليك عند ابوك؟
اصايل فتني منتي ضارة غير نفسك؟
ام عبدالله وش تقصدين؟
اصايل كلها كم يوم وفي ناس جايينا هنا....وخيرك كله انا اعرف كيف اقطعه عنك؟
ام عبدالله باهتمام منوهذولا؟
اصايل رجعت انسدخت من جديد ماابي اقول.....
ام عبدالله تكذبين يابنت؟
اصايل اذا طلعتي سكري وراك الباب تراني طول الليل مو نايمة وابي اريح؟
ام عبدالله ............
اصايل ..............
ام عبدالله اخذت نفسها وطلعت بقهر وسكرت الباب...
في ستار بكس بالشاطى مول,,,
متعب مافهمت!!
جاسر يعني البيت يكون بالنص انت تدفع نص وانا ادفع نص...
متعب أي.....وينكتب نص باسمك ونص باسمي؟
جاسر لا..
متعب وليالي ناظروا في بعض..
متعب شلون يعني؟
جاسر ينكتب نص باسمك ونص باسم ليالي...
ليالي باعتراض ليه؟
جاسر لاني ابي اكتبه باسمك؟
ليالي وانا ماابيك تكتبه باسمي؟
جاسر انت شقلت؟
متعب على شنو؟
جاسر على العرض؟
متعب انا اقول انت اقعد يومين ثلاثة قبل لاتتسرع يمكن الوضع مايعجبك معي...
جاسر انا ابي شي يريح ليالي ومدام هي تبي هناك خلاص انا مااقدر اعترض؟
ليالي ............
متعب اذا معزم...انا ماعندي مانع...بس مثل ماقلت لك...جرب الموضوع قبل لاتتسرع هذا استقرار ياولد الرميحي ومو سهلة الواحد يسكن مع ناس مايعرفهم؟
جاسر ماعليه انا حاليا مرتاح ولو في المستقبل تزوجت نقدر نفصل البيت ماهي صعبة؟
ليالي متعب فيك تطلب لي فرابشينو؟
فهمها متعب انها تبيه يقوم وتتكلم مع جاسر بروحها..
جاسر انا اطلب لك؟
متعب وقف لاانا قايم اصلا!!!
ليالي اول ماابتعد متعب انت ليه تبي تكتب البيت باسمي!!
جاسر سمعتيني,,,لانك زوجتي؟
ليالي ومنت خايف؟
جاسر من شنو؟
ليالي من أي شي؟
جاسر لا
ليالي ولاحتى من زعل اهلك عليك لو عرفوا؟
جاسر بحدة انا مو صغير يسيرني زعل اهلي عليّ!!!انا اسوي اللي ابيه؟
ليالي طيب....بس حط في بالك اني ماراح انتظر منك ولامنهم أي اهانة بالمستقبل ياجاسر؟
جاسر انتي ليه مفكرة اني بهينك؟
ليالي لاني هذا اللي شفته منك؟
جاسر تنهد وسكت.....
كان قاعد بسيارته قبال البحر طوال اليوم ..من طلع من شقته الضهر لين المغرب اللحين,,,
كل افكاره رايحة لعند صبا....
جيتها المستشفى...امه والنرفزة والربكة اللي سببتها له بجيتها الشقة الصباح وخلته بمزاج سيء للغاية,,,,صبا وها الحمل اللي مايدري من وين جت سالفته بعد!!!
انت الحق معك يانايف...انت عارف ان صبا صغيرة ومالها بها السوالف وبعدين انت قاطع العالم كله عنها كيف بتعرف وبتتعلم وش تسوي؟
توها البنت منفتحة على العالم وانت جيتها على غفلة؟؟؟
بدت اعصابه تروق وتهداْ شوي شوي وهو يتخيل يجيه من صبا ولد يحمل اسمه ويشبهه ولا بنت تشبه امها...
أي بنت لازم تكون بنت وتشبه صبا بكل شي..علشان ..
علشان شنو يانايف...
اعتدل بقعدته بالسيارة وشغلها ومشى...
انا لازم اروح لصبا واقولها تشيل فكرة تنزيل البيبي خلاص..ولازم تجيب لي بنت تشبهها...
بس يانايف انت ذابحها قبل لاتطلع روح خذ لها ورد ولاشي تراضيها فيه وتطيب خاطرها كفاية عليها من امس لليوم ضرب ومذلة ومهانة,,,,
طيب واهلك يانايف مافكرت فيهم؟
اهلي اذا ولدت صبا بقولهم اني متزوج رضوا رضوا مارضوا بكيفهم...بتضل صبا معي بها الشقة وبعيش معها باقي اوقاتي حتى لو اصروا اتزوج غيرها,,,
أي هذا التفكير يانايف مو تذبح البنت من الضرب وبعدين مدري وش تقول؟؟؟
انتظريني شوي ياصبا انا جايك..واللي في بطنك بيربط بينا اكثر صدقيني...
يمكن رب العالمين جابه لنا علشان ياْكد لي اني مااقدر اتخلى عنك ابدا!!!!
ضاري بلؤوم ياليتني شفتها يوم تقولين لي!!
رانيا انت اللي رفضت ياضاري؟
ضاري ماتدري شقد صدمتي صارت يوم عرفت...
رانيا .............
ضاري بتنهد حسيت الدنيا كلها تدور فيني وحواليني....معقولة تكون هي؟
رانيا ليه قالت لك ان اسمها دانة؟
ضاري اكتفى انه يناظرها...
رانيا باصرار اكيد لها غرض من ها الشي؟
ضاري باحراج علشان ترد لي كلمتي اللي قلتها؟
رانيا باهتمام أي كلمة؟
ضاري انها ماتسوى عندي خادمة؟؟؟
رانيا وشنو قالت لك؟
ضاري بتنهيدة قالت لي انت ماتسوى عندي سايق؟؟؟؟
رانيا شفت الزمن شلون يدور ياضاري؟
ضاري .............
رانيا ويوم عرفتها صدق ماتسوى عندك خادمة؟
ضاري بحرقة تسوى تكون اميرة قلبي وملكة حياتي يارانيا...
رانيا طيب ليه دقيت على عمي ياخذها؟
ضاري لاني مالازم ابين ضعفي قدامها يارانيا؟
رانيا بعتاب الحب مافيه ضعف وخسارة؟الحب ماهو معركة ياضاري....الحب تضحية,,,شوف شقد انت متالم لفراقها؟؟؟
ضاري كان لازم ااْدبها يارانيا..
رانيا بها الطريقة؟وهي بعيدة عنك وصوتها ماتسمعه؟
ضاري بس كم يوم..
رانيا ليه؟وش ناوي تسوي؟
ضاري بطلبها من عمي وهو اكيد مابيرفض؟
رانيا بفرح صدق!!!
ضاري أي...
رانيا وبعدين تبتدون اكشن جديد؟
ضاري يعني في البداية لازم تتاْدب شوي وتندم على تصرفها وبعدين بتعيش اميرة؟
رانيا لاضاري لاتخربها.....يوم انك متعلق فيها بلاش ها الحركات؟
ضاري باصرار لا..لازم تتاءدب؟
رانيا اوووف منك؟طيب وامي بترضى انك تاْخذها؟
ضاري وانا وش عليّ من امي اصلا!!!انا اللي بتزوج مو هي!!
رانيا أي...بنشوف وش يصير بعدين...ومني لذاك الوقت تصبح على خير انا رايحة انام؟
بعد مااخذ له بوكيه ورد كبير وكله باللون الاحمر ومر اخذ شوية شوكلاته وحلويات علشان يحتفل معها ..راح للشقة...
كان قلبه يدق بقوة...
حاس باحساس غريب..وبنشوة ماهي طبيعية,,,,
يمكن من كثر الوناسة للقرار اللي هو وصل له يعترف لها بحبه الليلة بعد من يدري!!!
فتح الباب ودخل الاغراض شوي شوي...وبقت سلة الورد في يده وقفل الباب ولف بيحطها على الطاولة بس طاحت من يده على الارض يوم شاف صبا مرمية بمكانها اللي طاحت فيه الضهر؟؟؟
معقولة ماتحركت من ها المكان من اكثر من ثمان ساعات من تركتها!!!
صبا..صًبا..قالها بهمس بينه وبين نفسه وهو يتمنى انها تكون سمعته...
مايدري ليش خاف يتقرب منها...معقولة ماتت!!!
لايانايف انت وش قاعد تقول..اذكر الله...
تقرب منها وخوفه يزداد لحظة بعد الثانية وحط يده على قلبها...الحمد الله تتنفس يعني للحين عايشة,,,,غمض عيونه وتنفس بارتياح ....
نايف بهمس صبا...صبا..قومي وش فيك؟
مافتحت عيونها....
حاول انه يحركها من مكانها علشان يصحيها وبمجرد مامالت شوي...بانت له اثار دم من تحتها...
نايف بصدمة صبا...شنو هذا؟ صبا قومي ردي عليّ!!صبا انتي تنزفين؟صب...قولي أي شي؟؟؟
في بيت الرميحي..
ابو جاسر اللحين وش بتسوي؟
جاسر باخذ لي بيت مع خالها متعب؟
ام جاسر بنرفزة ياسلاااام؟؟؟
جاسر هو بيدفع النص وانا بدفع النص وبنقعد فيه اثنينا...
ام جاسر وطبعا هاذي فكرتها الساحرة؟
جاسر لا..هاذي فكرتي انا....انتي ماتبينها هنا ولاهي تبي تقعد هنا؟
هتون بحقد كنت تشوف أي شقة وتحطها فيها ليش بعد البيت؟
جاسر والله خالها شاري البيت شاريه قلت اشاركه ولي نص وله نص؟
ابو جاسر وخالها ماهو متزوج؟
جاسر اذا تزوج قسمنا البيت مايبيلها شي...
هتون أي بس هو خاطب على ماسمعنا؟
جاسر لا...هو ماهو مرتبط اصلا!!!
تغيرت ملامح هتون وشردت بتفكيرها لبعيد...ماهو مرتبط؟؟؟وليش ليالي قالت انه.......طيب ليش يوم قلت له ماانكر ولاقال شي؟
ام جاسر وكيف وضع خالها المادي؟
جاسر ممتاز....عنده محل سيارات يبيع ويشتري فيهم نقله من الرياض لهنا....
بالاضافة الى بعض الشغلات العقارية ,,
ابو جاسر ومتى بتنتقلون؟
جاسر خلال ها الاسبوع ان شاءالله...
دق جواله وكانت ليالي هي المتصلة واعتذر منهم بسرعة وقام لانها اول مرة تدق له...
جاسر مرحبا...
ليالي عسى بس مو نايم واتصلت فيك ضايقتك؟
جاسر بتنهيدة مو كان المفروض تكونين جنبي وتعرفين اذا كنت قاعد ولانايم؟
ليالي المهم..
جاسر قاطعها لاتتهربين مني!!!انا سكت عنك لان البيت خلاص يعني بعد كم يوم بتشوفين؟
ليالي جاسر بغيت اقولك عن شي؟
جاسر اسمعك...قولي....
ليالي انا بدرس,,,
جاسر بتدرسين؟وش بتدرسين؟
ليالي باخذ مكان اختي بالمعهد...هي ماراحت غير يومين بس....وانا بكمل عنها....
تاركة لكم التعليقات والتوقعات....
اشوفكم بكرة على خير ان شاءالله
البارت الخامس والاربعين,,,,
جاسر يعني شنو؟
ليالي يعني بدرس.....مااعتقد فيها اعتراض؟
جاسر أي بس ياليالي....
ليالي باصرار من غير بس ياجاسر...هي دورة لغة والثانية دورة كمبيوتر وش فيها بالله؟
جاسر انا اقصد التوقيت؟
ليالي انت بتكون بالدوام وبعد ماترجع البيت بساعة بكون انا رجعت...
جاسر وكم مدتها؟
ليالي شهر...
جاسر اممم.....والبيت وتاْثيثه؟
ليالي يتخلص......
جاسر يعني انا الوضع كذا مو عاجبني اصلا ياليالي....كل واحد في بيت وكل اللي بينا تلفوناته وبس؟ماتحسينها شوي مو حلوة؟
ليالي بتعمد عادي....وضعنا كان اردى من كذا وحتى تلفونات مابينا وكل مابغيت تغسل شراعي وقفت ورى الباب وقلت اللي عندك ومشيت؟؟؟
جاسربنرفزة انتي متى بتنسين ها السالفة؟
ليالي امممممم مدري...يعتمد على اللي جاي لي....
جاسر شي ثاني نبي غرفة نوم مثل الاوادم مو مثل اللي انتي حاطتها بالملحق لك انتي بروحك؟
ليالي البيت كبير وكل واحد بياخذ له غرفة وبيسويها على كيفه لاتشغل بالك؟
جاسربصرامة ليالي انا اتكلم جد؟
ليالي متى باروح عند اختي؟
جاسرتنهد ليه غيرتي الموضوع؟
ليالي لان في مواضيع اهم منه لازم نخلصها؟
جاسر اهم من حياتنا؟؟؟
ليالي سالتك متى بتوديني عند اختي؟
جاسر خلال ها الاسبوع؟
ليالي متى يعني؟
جاسر بشوف وضعي ومتى بقدر اخذ اجازة وبرد عليك...
ليالي يعني وعد بتوديني؟
جاسر اكيد....
ليالي طيب...اتركك تنام تصبح على خير...
جاسربتنهيدة ومافي شي بعد تصبح على خير؟
ليالي بتجاهل شي مثل شنو يعني؟
جاسر بتنهيدة وحسرة ولاشي,,,,
كان واقف بنص المستشفى محتار وماهو عارف شيسوي ,,
ضاري ها شصار؟
لف له نايف باسى محد طلع قال لي أي شي؟
ضاري وانت بذمتك جايبها مستشفى الدمام؟ليه ماوديتها مستشفى خاص؟
نايف تنهد هذا المكان الوحيد اللي بضمن ان محد من معارفنا بيكون فيه,,
ضاري ياسلاااام....خل معارفك واهلك على جنب واقعد انتظر اللحين من يطمنك ولايقولك شي...لا وازيدك من الشعر بيت ماراح تشوفها الا بكرة العصر بعد بوقت الزيارة؟
نايف بغضب على كيفهم هي؟
ضاري هذا مستشفى حكومي...
نايف لو يقولونها بس اطلعها من عندهم ال...
مرت ممرضة واشر له ضاري يسالها...
نايف لو سمحتي...
الممرضة نعم اخوي؟
نايف يعني وش صار على اختي صبا؟
ضاري باهتمام بس بينه وبين نفسه اختك صبا؟؟؟ياحبيبي...
الممرضة اعتقد انها طلعت من غرفة العمليات وموجودة تحت الملاحظة يمكن بعد ساعة يطلعونها فوق لغرفتها...
نايف باسى يعني.....يعني الحمل نزل؟
الممرضة أي...كل اللي سوته مجرد تنظيف..
نايف امم...
ضاري طيب متى نقدر نشوفها؟
الممرضة اللحين مافي زيارة بكرة الزيارة تبتدي من الساعة اربع لين الساعة..
نايف بعصبية وش اللي مالااقدر اشوفها؟وش ها المسخرة اللي عندكم؟
الممرضة لو سمحت تكلم باحترام انت بمكان عمل وهذا قانون المستشفى...
ضاري نايف هدي شوي...
الممرضة انت شتقرب لها...
نايف انا اخوها زيد؟
الممرضة مااعتقد انك بتقدر روح كلم الامن وشوف بس مابيخلونك؟
مشت عنهم..
ضاري باحتقار يعني انا ماشفت غبية مثلها توني اقولك نايف وتسالك منو انت تقولها زيد وتصدق!!!!وش ها العالم!!!!
نايف شلون مااشوفها؟
ضاري انت ليش ماقلت لهم انها زوجتك وقلت انها اختك؟
نايف بتنهيدة للاحتياط....
ضاري قلت لي.....
تسند نايف على اقرب جدار وكان يداري زعله بقوة..
ضاري نايف شفيك؟
نايف بحرقة الصباح كانت تحمل ببطنها ولدي....كانت بتخليني اصير ابو...واللحين طاح اللي ببطنها والسبب انا!!!انا ماكنت بطيحه ياضاري صدقني...بالعكس انا كان ودي يجي وبقوة....كل الانفعال اللي جاني بالبداية كان من صدمتي بالخبر ويوم رجعت لها ابارك لها ونحتفل طاح الولد؟
ضاري هدي...هدي...مو مكتوب له اكيد انه يجي بها الظروف اللي بينكم ..على الاقل مو قبل لاتنصلح عيشتكم!!!
ابو ضاري علامك ياحرمة منتي على بعضك؟
ام ضاري وليش تبيني اصير على بعضي ان شاءالله؟
ابو ضاري ها....يعني انتي فيك شي هذا اللي كنت بقوله؟
ام ضاري انا ابي افهم...كيف قدرت عليه وفرت راسه؟
ابو ضاري منهي؟
ام ضاري بنرفزة ومنهي غيرها يعني؟؟؟اصايل بنت اخوك؟
ابو ضاري بتعجب اصايل ليش وينها اصايل؟وفرت عقل منو؟
ام ضاري باحتقار انا نسيت انك مو معنا بالدنيا وقاعدة اكلمك بعد!!!
ابو ضاري ............
ام ضاري بنت اخوك ياحظي كانت هنا وصار بينها وبين ولدك علاقة وتعرفوا على بعض ويوم تعلق فيها ونوى يخطبها وخطبها مباشرة رفضته؟؟؟وقالت له انها اصايل وانها مايشرفها تاخذه لانه مايسوى عندها شي...
ابو ضاري ابوها اكيد مايدري؟
ام ضاري اكيد ابوها مايدري ليش بيكون ابوها يدري يعني؟
ابو ضاري علشان كذا انتي متضايقة؟
ام ضاري بتنهيدة ولدك يبيها....وذلته وذلتنه معاه بها الطريقة انت فاهم يعني شنو؟
ابو ضاري لا....
ام ضاري بعد يقولي لا؟
ابو ضاري طيب انتي شتفكرين فيه..خلاص الموقف صار وعدى؟
ام ضاري ياسلااام..موقف وعدى؟ونسكت لها ولانترك ضاري يفكر فيها وهو مسك قلبه ومايتكلم لنا بشي؟
ابو ضاري اخطبيله وحدة ثانية؟
ام ضاري ماهو حل صحيح علشان ينساها...بيعذب نفسه وبيعذب بنت الناس معاه لو ماقدر يتخطى مشاعره ناحية اصايل؟
ابو ضاري وش تبين انتي؟
ام ضاري انا اقول بعد كم يوم تكلم اخوك يجيب بنته ونملكهم على بعض..ونعرفها قدرها زين ومنهو ضاري ومن ولده....
ابو ضاري يعني تبينه يتزوجها؟
ام ضاري طبعا علشان يذلها ويفهمها انها هي اللي ماتسوى شي....انا صحيح للحين عاجبتني وماتوقعتها كذا وبها الجمال بصراحة...يعني رسمت لها صورة ثانية...بس خل ولدي يذلها اول وبعدين نسوي لهم عرس يليق بمستوى ضاري وبجمالها؟
اصايل ياسلاااام....
ليالي هههههه
اصايل حتى اسمي سرقتيه وبتدرسين فيه ؟
ليالي شسوي بعد...قلت حرام يضيعون الفلوس كذا؟
اصايل على قولتك...وجاسر رضى؟
ليالي الا رضى وحتى اذا مارضى بيرضى غصبا عنه لاني بروح ومابهتم لكلامه؟
اصايل ياعيني ياعيني,,وش قوة ها الباس ياحلوة؟
ليالي سلامتك...
اصايل وين اللي زمان ماترضى تطلع لانها ماشاورت جاسر ولا جاسر مايرضى ولا بقعد في بيت جاسر لين اموت؟
ليالي هو اللي غيرني.....احساسه عطاني قوة علشان اتغير؟
اصايل قال شي...
ليالي بتنهيدة مو بعد...
اصايل بخبث ومارجعتي معه البيت مرة ثانية وكذبتي عليه من جديد؟
ليالي لا....قلت له ماراح نجتمع الا بالبيت الجديد؟
اصايل ومتى بتنتقلون؟متعب يقول بكرة الصباح بتوقعون العقد وبتستلمونه...
ليالي أي..جاسر يقول العصر لمى يرجع من الدوام بنطلع نختار لنا فرش واثاث,,,,
اصايل الله الله بغرفتي...
ليالي متعب قال بيتركها لك انتي تختارينها بنفسك؟
اصايل تنهدت...
ليالي باصرار بتجين...صدقيني بتجين؟
اصايل لاتعطيني امل وتعلقيني وبعدين مالااقي الا ام عبد الله بوجهي؟
ليالي متعب ماراح يسكت قال انه بيجي يكلم ابوي ويترجاه...وانا بجيك جاسر وعدني يجيبني لك خلال ها الاسبوع....وعماتي بعد بيجون....
اصايل بس ابوي يضل ابوي وضاري عساه البلى اكيد دخل براس ابوي كلام عني....
ليالي ولايهمك......
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك