رواية قساة اضعفهم الحب -35
البارت الثالث والاربعين,,,,
قفل الباب ووقف وراه وهو بعيونه اكبر ابتسامة نصر...
كانت مرتبكة حييل وخايفة من ها الموقف اللي بتنجمع فيه مع ها الانسان اللي تكرهه بس مالازم تبين ضعفها ولا خوفها قدامه...
للحين هي مو عارفة الامور لوين بتوصل وكل اللي قاله كلام وبس!!!
جاسر ونشوة النصر باينة بصوته ليش واقفة مكانك كذا!!
ليالي وهي مسوية انها طبيعية وش تبيني اسوي يعني!!!
جاسر استريحي....شيلي عبايتك واستريحي,,,
ليالي ...............
تقرب منها وبدت يده تفتح بعبايتها وخنقتها انفاسه وقربه منها بها الشكل ,,
ليالي بهمس جاسر...
رفع عيونه لها بدون مايتكلم,,,
ليالي مابتردني بيت عمتي؟
جاسر لا...
ليالي ليه؟
جاسر لانك زوجتي!!!وابسط حق من حقوقي انك تكونين معي بنفس البيت ونفس الغرفة؟
ليالي .........
جاسر ولا حضرتك يعني ناوية تخالفين الشرع يابنت الاصول وتظلين معندة طول العمر وتمنعين نفسك عني!!
ليالي بكبرياء أي بس انا مااقدر...
جاسر وقفت يده بعد مافتح كل العباية...
جاسر شنو يعني ماتقدرين مافهمت؟
ليالي بنفس الكبرياء اذا كنت تتكلم عن حقوقك فانا عندي عذر شرعي ومقدر اعطيك؟
رانت لحظة صمت بينهم وحس جاسر ان اماله كلها تكسرت على صخرة الامل وكل شي تبدد بس ماحاول يبين ضعفه ابدا وقال بكبرياء...
جاسر لاحقين على الحقوق يكفي نومتك هنا؟
ليالي ...........
جاسر ولاهاذي بعد فيها عذر؟
ليالي طيب معليش اخلي عبايتي انا مو متعودة عليك؟
مسكت يده عبايتها بقوةوشالها من عليها بدون تفاهم..
كانت عيونها تناظره باستفسار..
جاسر اذا ماتعودتي تشيلينها من اللحين ماراح تتعودين تشيلينها اصلا قدامي!!!
هذا انتي يااصايل رجعتي لنفس البيت اللي طلعتي منه؟؟؟
وش اللي رجع معك غير الذل والاهانة!!!
لا مستحيل اذا ضاري ذلني مرة برفضه لي فمايعني انه ذلني واهاني يوم كلم ابوي!!!
هو ماكلم ابوي الا لانه حس بالمهانة لانه هو اللي انرفض؟؟
أي هو اللي انذل ها المرة مو انتي...بس خليك قوية واعطي نفسك امل....
لاتخليني أي احد يزحزح ثقتك وشعورك...
ضاري كان ماضي ولازم ينمحى من كل ذاكرتك يااصايل....
شيليه ولاتبقين له أي اثر ,,,,
رفعت الجوال اللي جنبها ومسحت منه كل الرسايل اللي بينهم ورقمه,,,
وهاذي اللي بينا انتهت ياضاري...خلاص انت بالنسبة لي شي مو موجود بحياتي ابدا,,
وبعيش وبكمل الدنيا بدونك وبدون اهانتك واصبر علي ّوشوف,,,
تنهدت يوم شالت الملزمة من شنطتها وتذكرت المعهد وبداية الامل اللي كان بينفتح لها وتسكر....
رفعت جوالها وهي تغالب دموعها وفتحته ودقت لتهاني,,,,
تهاني بلهفة اهلين..وينك فيه عجزنا ندق لك من الصبح؟
اصايل وهي تداري نفسها شلونك..
تهاني انتي طمنيني وش صار؟
اصايل ماصار شي..انا عايشة؟
تهاني شلون ..يعني..
قاطعتها اصايل شلون ابوي اخذني؟؟ضاري كلمه....
تهاني الحقير وعسى بس ماجاب كلمة من هنا ولامن هنا..
اصايل لامااظن لو كان بيتكلم تكلم وابوي ماقال شي...بس كل اللي قاله ان البنت ماتنحفظ غير في بيت ابوها ياعمي ولاتترك بنتك تطلع وتدخل على كيفها؟
تهاني بقهر مالت عليه ثم مالت عليه انا كنت بدق واتهاوش معه بس مو عارفة شسالفته؟
اصايل ولاتدقين ولاتعطينه اكبر من حجمه واهميته هذا مايسوى ابدا تحرقين دمك عليه؟
تهاني انتي بخير ..متاْكدة؟
اصايل بثقة طبعا بخير..ولا ضاري ولا ستين الف من ضاري بيقهرني ولا بيغير فيني شي...هو ماكلم ابوي الا من حرقة دمه وفشلته....
تهاني يعني جبتي نتيجة؟
اصايل شلون اجل؟؟انا اصايل قدها وقدود يالغلا...
تهاني وهي تبكي اصايلوا انا مااتخيل انك ماتكونين موجودة معي..تعودت عليك؟
اصايل وهي تضحك شتبيني اسوي اهرب من ها البيت يعني؟المشكلة ماادل الطريق حتى لو هربت....
تهاني لاتسخرين مني!!
اصايل وليش اسخر منك..اصلا لو مامعزتك مادقيت لك قبل ليالي ومتعب..
تهاني أي متعب كان هنا وسال عنكم وعرف انك رجعتي!!
اصايل لا...
تهاني والحبيبة مع ولد العم شكلها مبيتة هناك ومابترجع؟
اصايل وهي تضحك شوف ذيك الملعونة تركناها براحتها وقامت تخور؟؟؟حطي بالك عليها زين لاتنحرف مع ولد عمها؟
تهاني هههههههه
اصايل كيف بتروحين المعهد بكرة بدوني ها؟
تهاني لاتذكريني ماراح اطبه وانتي مو معي!!!
كان قاعد بغرفته بالفندق وهو متضايق....
اصايل رجعت بيت ابوها؟
وش ها الحظ اللي ملازمها...احنا ماصدقنا تطلع منه وتجي هنا...ترجع ترد له من جديد؟
بس وش اللي صار ؟؟وش اللي خلا ابوها يجي بها الوقت وياخذها؟
اكيد فيه شي ولا هو عاطي اخته كلمة مو معقولة بيغيرها بها السرعة...بعدين لو هو مايبيها تقعد ماخلاها تقعد الفترة اللي راحت...بس في شي صار شنو الله اعلم!!!!
المسكينة يوم بدت تخطط حياتها وبتدرس وبتسوي وبتسوي...تبخرت امالها وطموحاتها كلها؟؟
اه يااصايل اه..صدقيني ماراح اتخلى عنك وبسوي المستحيل علشانك وعلشان سعادتك انتي وليال ياغلى شي عندي بها العالم,,,
رفع جوالها بيدق على رقم اصايل يمكن انها فتحته وصادفه رقم هتون وتنهد بقوة وهو يذكر الكلام اللي صار بينهم....
هتون مبروك ..
متعب على شنو؟
هتون على الخطبة؟
متعب الخطبة؟؟؟
هتون أي ليالي قالت لي....وحبيت اكون اول من يبارك...
قالتها وانتظرت منه رد بس هو مارد وظل ساكت,,,
مايدري ليش ماحب يعطيها أي امل ولايعلقها ولاحتى ينفي الموضوع بس مادرى ان سكوته اكد لها ها الشي وسكرت التلفون..
ياترى وش صاير بين ليالي وهتون؟وليه ليالي قالت ها الشي لها؟.وهل فعلا ليالي قالت ها الكلام ولاهتون تبي تختبرني اذا كنت لسه احبها وابيها ولاارتبطت بغيرها؟؟
طيب يامتعب انت ليه ماجاوبتها ونفيت الخبر؟؟ليه ظليت ساكت وكاْنك تاْكد كلامها؟؟؟
رجع دق على رقم اصايل علشان يشيل هتون من باله ولقاه مشغول..
اعتدل بقعدته بما انها فتحت جوالها بيعرف اخبارها....وبيعرف وش اللي صاير لها؟
كان قاعد بالصالة وقلبه محترق على اللي داخل الغرفة وسكرت على نفسها الباب؟؟
كل مايتذكر انه ضربها يتنهد بقوة وقهر,,,
ماكان لازم يضربها بس ها الشي صار وماله منه بد..كان لازم تتاْدب وتفهم غلطتها وان اللي سوته مو بسيط؟
بس مو بالضرب يانايف!!!وانت عارف ان ها الشي ياءلمك قبل لايالْمها,,,وكل مرة تقول ها الحكي بس منت تاركه عنك....
تنهد بحرقة وهو يتذكرها قبل ثلاث ليالي وكيف كانت قاعدة بحضنه وهي تعترف له بحبها وتهمس له بكلمات الغرام!!
وش اللي صار لك يانايف...معقولة نسيت كلامها...ونسيت ذيك الليلة وكل ليلة ؟؟معقولة نسيت تعلقك انت فيها وحب...
لالا...انا لازم اقوم قبل لااعترف لنفسي بها الشي؟
وقف على طوله وتقدم من غرفة النوم وفتحها وسط ربكته اللي ماحاول يبينها...
اول ماناظرت عيونه بالفراش الكبير ومالقاها فيه..
تجولت عيونه بالغرفة بنظرة سريعة ولقاها عند الزاوية بين الجدار والدولاب قاعدة وهي ضامة نفسها وعيونها غرقانة دموع...
حس ان قلبه يتقطع ووده ياخذها بحضنه ويعتذر لها وبلحظة وحدة كان فعلا بيعتذر بس تغير رايه باخر ثواني...
تقدم منها بثبات ومسحت دموعها يوم شافته..
صبا بهدوء اسوي لك شي تاكله؟
غمض عيونه بقوة...ها البنت لامحال تبي تجننه...يعني معقولة توه ذابحها وشوي يموتها وهي تبي تخدمه؟
نايف بقوة صبا...
نزلت عيونها بالارض وقالت باعتذار اسفة..والله اسفة,,,عارفة ان اللي سويته شي كبير بس صدقني انا ماكان قصدي اشوشر جوك ..انا خوفي عليك كان اكبر من أي شي ولو حسبت حساب ان ها الشي بيضايقك ماكنت جيت؟؟
نايف قومي غسلي وتعالي ابيك؟
حاولت توقف وماقدرت تسندت على الجدار اللي جنبها شوي شوي ووقفت بتمايل...
كان نايف يكلمها وهي موسامعة منه أي حرف لان الدنيا كانت تدور حولها وماهي شايفة ولاسامعة شي وبالاخير طاحت مكانها وسط صرخة الفزع اللي طلعت من نايف باسمها.....
اليوم الثاني,,,,
رانيا يمه شفيك؟
ام ضاري بتنهيدة مدري..
رانيا جلست جنبها شلون ماتدرين يعني؟
ام ضاري ضاري..
رانيا شفيه؟
ام ضاري ماهو بطبعه...فيه شي صاير له؟
رانيا شي مثل شنو؟
ام ضاري شي يخص دانة؟
رانيا يمكن متهاوشين؟عادي تصير....
ام ضاري تنهدت كان يبيها اللحين من اجيب له طاريها يقلب حاله وتقولين جايب سيرة عدو مو سيرة حبيبة؟
رانيا ؟؟؟؟؟؟؟؟؟؟
ام ضاري احسه تعبان..مهمو..متضايق منها...بس ماهو راضي يتكلم؟
رانيا اذا عنده شي بيقوله؟
ام ضاري وانا مو منتظرته لين يختنق واساله..انا لازم اليوم اعرف منه كل شي وبالتفصيل بعد!!!
قعد من النوم وهو حاضنها ..فتح عيونه ولقاها تناظره بشكل مباشر...
جاسر بهدوء صباح الخير؟
ليالي لفت عنه صباح النور...
جاسر صار لك زمان قاعدة؟
ليالي وهي تقوم عنه فيك تقول مانمت اصلا!!
تنهد بقوة واضحة وقال لها ليه!!!
ليالي وش اللي بيخليني انام وكل شي متغير حولي!!
جاسر بس لازم تعودين حالك انك..
ليالي بها البيت مستحيل اعود نفسي اني اكون موجودة؟
جاسر يعني انتي مشكلتك البيت؟طيب هاذي محلولة قلت لك اختاري المكان اللي تبينه ومايصير خاطرك الاطيب؟
ليالي وانا قلت لك بغير بيت خالي متعب ماراح اقعد؟
جاسر طيب انا اكلم متعب واعرض عليه الموضوع ونشوف وش رايه؟؟بس لو قال لا...شبتسوين؟
ليالي ............
جاسر يتراواللي لحظتها ماعندك خيار غير الرضوخ ؟
ليالي وهي تقوم تلبس عبايتها بنشوف؟
جاسر على وين مستعجلة؟
ليالي بيتكم يخنقني؟
جاسر أي بس انا بقوم وبتحمم ولاناسية ان وراي دوام؟
ليالي اذا خلصت بتلاقيني عند جدي واذا ماكان موجود بكون ملحقي؟
قالتها وطلعت وسكرت وراها الباب وماتركت له مجال يتكلم وقام وهو يتاْفف من تصرفها....
كان يناظرها وهو محتار...
البارحة طاحت عليه وجاب لها دكتورة وقالت انه لازم ينقلها المستشفى علشان ياخذون منها تحاليل لانه يمكن يكون عندها سوء تغذية لانه مبين من وجهها الاصفرار وانها ماتاْكل زين....
وعطتها كم مهدى...
ومن البارحة وهي نايمة وماقامت..
كان الشحوب مبين عليها والذبول اللي حول عيونها واضح...
تنهد بقوة....
يعني مافي خيار غير اني اخذك على المستشفى؟
والله ماودي اطلعك من ها المكان على أي مكان ثاني,,,,بس تعبك جابرني يابنت الناس...
دق على السايق يشوفه اذا وصل ولا لسه ويوم قال له انه قرب قام يصحيها...
نايف وهو يلمس خدها بيده صبا...صبا..
صبا كانت بسابع نومة...
نايف وهو يتنهد صبا...يالله قومي بنروح المستشفى...
صبا بعد مافتحت عيونها قالت بخوف ليه؟
نايف عشانك تعبانة.؟
صبا أي بس انا بخير اللحين خليني اكمل نومي واذا قعدت بكون احسن..
نايف علشان ترجعين تطيحين عليّ مرة ثانية؟يالله قومي السايق وصل اللحين لبسي عبايتك؟
صبا بروح مع السايق..؟
نايف وهو يقوم بكون وراكم؟؟؟قالها وطلع...
تنهدت بقوة وشالت الغطاء من عليها وقامت تلبس وتغسل....
وصل السايق ونزلت له ووراها نايف ويوم ركبت السيارة ومشت ركب سيارته هو بعد بس بذيك اللحظة وقفت سيارة امه جنب العمارة ونزلت منها...
نزل من السيارة يشوف امه...
نايف يمه؟
ام نايف هلا وغلا..حمد الله على السلامة؟
نايف الله يسلمك؟
ام نايف ليه ماجيت البيت يوم طلعت المستشفى وجيت الشقة؟
نايف بارتباك ها...
ام نايف مين بيداريك هنا ماتقولي؟
نايف بعصبية خفيفة مو محتاج احد يداريني ؟اصلا انا مافيني شي؟
ام نايف مابتدخلني شقتك ولابظل واقفة بالشارع؟
نايف يمه مو وقته وبعدين الشقة مكركبة شوي ويبيلي اجيب الشغالة ترتبها؟
ام نايف بحدة ولافيها احد؟
نايف بصراخ شتقصدين يعني؟
ام نايف احنا بالشارع لاتصارخ؟
قالتها ودخلت لباب العمارة وسبقها نايف بخطوات سريعة وفتح شقته وشغل الانوار...
قال بعصبية وهي تدخل هاذي الشقة قدامك شوفي منو فيها بالله!!
ام نايف وعيونها تدور اثر لااحد وليش تصارخ؟
نايف لان ها الكلمة ماهي حلوة يمه؟
ام نايف باستسلام يمه ..انا ها البنت اللي جت بالمستشفى شككتني بحالي!!يعني ليه بتقول انها زوجتك؟
نايف مسوي انه زعلان كاهم الغرف قدامك كلهم دخلي وفتشي يمكن اني مخبيها بواحد من الدوالايب؟
ام نايف يمه لاتزعل مني..بس انت عارف وش معنى..
قاطعها نايف وهو يرفع جواله يوم دق له السايق يمه انا عندي اجتماع مطولة ولا.؟
ها...وينكم فيه...طيب انا جاي.....
ابو عبدالرحمان تريقتي؟
ليالي بهدوء لا...
مد لها صينيته اللي ماكان ماكل منها شي...
ناظرته بهدوء...وقالت عليك بالعافية انا بدبر حالي؟
ابو عبدالرحمان انا مابعد اكلت فيك تاكلين معي؟
ليالي ناظرته وحست بالحسرة..
ابو عبدالرحمان واختك شمسوية؟ليش اخذها ابوك؟
ليالي باندهاش اخذها ابوي؟؟؟متى اخذها؟
ابو عبدالرحمان ليه انتي ماتدرين انه بالامس مر اخذها؟
ليالي بانفعال لا طبعا؟
ابو عبدالرحمان ليش وينك فيه يوم يجي ياخذها من على باب بيت عمتك؟
ليالي وهي تبكي انا كنت مع جاسر؟؟؟؟؟ابوي اخذ اصايل؟كذا وبدون مقدمات؟ليه؟
ابو عبدالرحمان بدون اهتمام بنته يعني ليش بياخذها؟
ليالي وهي تبكي بس هو كان راضي انها تبقى مع عمتي؟
ابو عبدالرحمان زين اكتشف انه مالازم يتركها؟
ليالي ماردت عليه وقامت تمسح دموعها ودخل جاسر بها اللحظة...
ابو عبدالرحمان حياك يبى تعال افطر؟
كانت عيونه على ليالي اللي تبكي وهي تستفهم عن بكيها..
جاسر ليالي...
ليالي وهي تمسح دموعها بتفطر؟
جاسر لا..بس انتي شفيك؟
وقفت وحبت راس جدها وقالت له مع السلامة....
طلعت وبعدها دموعها تنزل ويوم ركبوا السيارة لف لها جاسر..
جاسر بحنان ليالي شفيك؟
ليالي انفجرت بالبكي اصايل؟
جاسر شفيها؟
ليالي ابوي اخذها امس؟
جاسر ...................
ام ضاري باصرار ابي اعرف شفيك؟
ضاري بنرفزة مافيني شي؟
ام ضاري شلون يعني مافيك شي؟
ضاري بصراخ يعني مافيني شي؟
ام ضاري انا مو مصدقتك؟
ضاري مو لازم تصدقيني...؟
رانيا ضاري..امي ضايق خلقها عليك؟
ضاري بصراخ وانا صغير علشان يضيق خلقها عليّ!!!
ام ضاري قلت ولاماقلت ابي اعرف شفيك يعني بعرف شفيك؟ان شاءالله لو نقعد للعصر؟
ضاري قعد مكانه ومارد عليها....
ام ضاري قول شفيك يمه...وش اللي مضايقك؟
تنهد ضاري بقوة وغمض عيونه وام ضاري ورانيا يطالعون في بعض...
ام ضاري احد مضايقك يمه؟احد مزعلك؟
ضاري بكبرياء مجروح دانة؟؟؟تدرين منهي دانة يمه؟
ام ضاري منهي دانة ياضاري؟
ضاري دانة هي نفسها ....... تنهد ووقف عن كلامه؟
ام ضاري باهتمام منهي دانة ياضاري...قول انا اسمعك يمه؟
ضاري بحرقة اصايل بنت عمي؟؟؟هي نفسها دانة؟
طاح الكاس من يد رانيا وتكسر وقالت بصوت عالي مستحيل؟؟؟؟؟
ام احمد خلاص يمه....تهاني دقت لها البراح وكلمناها وهي بخير؟
ليالي وهي تبكي عند عمتها طيب ليش اخذها؟
اثنين بس اللي كانوا عارفين وماقووا يتكلمون بها الموقف..جاسر وتهاني ..التزموا السكوت بها الوقت؟
ام احمد بتنهيدة والله مدري... بس صدقيني كلمناها وكانت مرتاحة وصوتها طبيعي وسلمت عليك وقالت هي بتدق علينا لانها مابتخلي جوالها مفتوح لاتسمعه ام عبدالله ويتصادر منها؟
ليالي ابي اروح لها ياعمتي؟
جاسر شنو يعني تروحين لها؟
ليالي باصرار ابي اشوف اختي؟روحتها بها الطريقة ,,,
ام احمد هي بتكلمك اليوم وبس تكلمينها شوفي اذا تروحين ولالا؟
ليالي بس ياعمتي؟
ام احمد انتي عارفة ابوك ولو تروحين لها اليوم بيتضايق...اتركيها تقولك هي وش الظروف وبعدين قرري...وبعدين متعب قال ماهو ساكت السبت هو عندها وبيشوف ابوك اذا قدر يقنعه؟
ليالي متعب انا نسيته وصل البارح؟
ام احمد أي يمه وقال بيمرك اليوم؟
جاسر هنا؟
ام احمد أي..
ليالي طلعت جوالها تهاني فيك تشحنينه بدق على متعب؟
اخذت تهاني الجوال وطلعت وام احمد استاءذنت عنهم وقامت وظلوا بروحهم..
جاسر تقرب منها وقال بهمس انتي عارفة بسالفتها مع ضاري؟
ليالي بنفس الهمس أي...
جاسر معناته لازم تعرفين انه هو اللي خلاها تروح؟
ليالي بنرفزة وهو ليش يسوي ها الحقارة بالله!!!
جاسر شي راجع لهم؟
ليالي برجاء جاسر انا لازم اشوف اختي الله يخليك؟انت مو داري وش اللي ممكن يصير لها هناك؟
مرت اكثر من ساعتين وهم بالمستشفى وهو قاعد بالصالة ينتظر...ماقدر يروح وراهم لانه امه جت بالوقت الفاشل؟؟
لايانايف امك جت بالوقت المناسب...تصور انها قدمت جيتها دقايق وشافت صبا؟شكان بيصير؟
بعدين احمد ربك انها مادخلت الغرفة وشافت ثياب صبا بالدولاب؟؟؟؟
تنهد بقوة ورفع جواله يشوف السايق وش يبي...
نايف ها....خلصتوا..اي خليها تركب انا فوق انتظرها؟
ظلت عيونه على الباب اللي بتجي منه صبا وتذكر للحظة انها مامعها مفتاح كيف بتدخل؟
قام وفتحه وشافها تركب الدرج بتعب.....
دخلت وكانت انسانة ثانية؟
نايف بنرفزة وهو اللي انقلب مزاجه من دخلت امه الصبح..
نايف سلامات؟
ماردت عليه وظلت مكانها...
نايف وهو يقفل باب الشقة وش قالت لك الدكتورة.
صبا .........
نايف بصراخ وانا اكلم الجدار يعني!!!
صبا بخوف ها...
نايف بصراخ سالتك وش قالت لك الدكتورة؟
صبا وهي بتموت من الخوف نايف....انا...انا حامل صار لي ثلاثة اسابيع؟
الله الله بتوقعاتكم لبارت بكرة وموقف نايف من حمل صبا؟وموقف جاسر من ليالي وروحتها بيت ابوها؟وام ضاري وش بتسوي اذا عرفت ان اصايل هي نفسها دانة؟
اشوفكم بكرة ان شاءالله...
مرحبا فيكم من جديد وصباحكم صباح الانوار يالغوالي.....
نجي لبارت اليوم ونشوف وش صار فيه,,,,
البارت الرابع والاربعين,,,,
,, ,, ,,,,,,
ام ضاري بذهول شنو يعني ها الحكي؟
ضاري بضيق اللي سمعتيه يعني شبيكون؟
رانيا انا مو مصدقة؟
ضاري ..........
ام ضاري بصراخ انت شعرفك انها هي نفسها؟
ضاري بانفعال هي قالت لي!!
ام ضاري يمكن انها تكذب عليك؟
ضاري بصراخ يمه انا تاْكدت بنفسي....
ام ضاري وش سويت؟وش قلت لها؟
ضاري ولاشي...دقيت على ابوها يجي ياخذها..
رانيا بصدمة ليه؟؟؟؟
ضاري بقهر لاني مااتحمل وجودها بقربي بعد!!!مو كفاية اهانتها لي!!!
ام ضاري اهانتها لك؟؟؟ليه هي تقدر تهينك بعد!!!
ضاري الموضوع بالنسبة لي انتهى خلاص ماابي اتكلم فيه....
ام ضاري أي اللحين فهمت وجودها في بيت عمك ذاك اليوم ويوم اني سالت ليش مشت بسرعة استغربت عمتك عبير من سؤالي!!!!الا تعال عمتك عبير تدري عن السالفة؟
ضاري لايمه السالفة بيني وبينها بس محد يدري عنها!!!
ام ضاري معقول هاذي هي بنت البدو القروية؟؟والله ماصدقت يوم شفتها...معقولة تكون بها الجمال؟؟؟انا للحين مو مستوعبة السالفة؟
رانيا لضاري مو قلت لك قبل بس انت ماسمعتني!!شوف سبحان الله طلعت البنت اللي في بالي وبالك وحدة يعني انت لو شايفها من اول كان وفرت على نفسك ها الصدمة...
ام ضاري واللحين شبتسوي ياضاري يوم عرفتها؟
ضاري يبيلي شوية وقت علشان اقرر....
نايف بذهول شنو؟؟؟انا ماسمعت؟؟؟
صبا بخوف اكبر ويدها على بطنها انا حامل!!!
تقرب منها وعيونه تلمع من الصدمة ,,
وكل ماتقرب خطوة رجعت هي خطوة لورى علشان تبعد المسافة بينهم,,,,
نايف بصراخ حامل؟؟؟حامل يا المجنونة؟؟؟؟منو قال لك احملي اصلا!!!منو قال لك اني ابي منك عيال؟؟؟؟
صبا ببكي انا مالي شغل؟
نايف بصراخ وانا اللي لي شغل؟؟؟
صبا انت عمرك ماجبت ها الطاري...وانا ماافهم بها السوالف,,,
مسكتها يده بقوة وجرتها لعنده وقال لها بصراخ شلون يعني ماتفهمين؟؟؟انا اللي بقولك سوي ولاتسوين؟
صبا فكني نايف واللي يعافيك بروحي تعبانة من البارحة؟
فكها صحيح بس بقوة اكبر وطاحت تحت رجله وداس عليها برجلهوقال بصراخ اكبر من قبل تنزلينه يعني تنزلينه فاهمة؟
صبا ماكان عندها غير دموعها بذيك اللحظة وماقدرت تقول غير كلمة حرام...
نزل لمستواها وقال لها وهو يصفعها على خدها حرام!!!ومو حرام انك تخدعيني وتحملين من وراي!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك