رواية قساة اضعفهم الحب -34
ليالي قلت له اني ابي الطلاق وهو رفض وعماتي سالوه عن اللي يبي يسويه,,,
اصايل أي وش يبي يسوي؟
ليالي يقول انه يبي يردني وبيسويلي عرس بعد واختاري مكان سكنك وين تبينه!!!
اصايل وش قلتي له؟
ليالي خيرته بين اثنين..يايطلقني ولااسكن مع متعب وغيرهم ماراح اقبل أي حل؟وبشوف وش يسوي ؟
في غرفة نايف بالمستشفى...باليوم الثاني,,
جاسر تبيني اختار بين طلاقها ولااني اسكن معها في بيت خالها؟
نايف بضيق اخر شي توقعته منها ها الشي؟كيف جتها الشجاعة تجي هنا برجلها وتقول ابي اتطمن عليك؟؟؟قهرتني مووت ورفعت ضغطي ماعرفت شسوي قدام امي؟؟؟
ضاري بقهر تدرون من طلعت؟
لفوا له اثنينهم وقالوا بصوت واحد دانة؟؟؟
ضاري بضيق أي...
نايف منهي؟
ضاري ناظر بجاسر وماتكلم,,
جاسر باستفهام منهي؟
ضاري بحدة اصايل؟
نايف أي اصايل؟
جاسر بنت عمي ماغيرها؟؟؟اخت ليالي؟؟؟
ضاري أي...
جاسر ...........انت كيف عرفت؟
نايف انتوا وش سالفتكم مع بنات عمكم؟؟ماتبونهم وماتبونهم وبالاخير كل واحد يموت لي على اللي كان رافضها ومايبيها؟
ضاري بحقد انا بموت عليها؟؟مين يقول؟
نايف مين يقول؟وين اللي قال انه اوشك على الزواج خلاص؟؟؟
جاسر وين اللي يبي يتعرف على اهلها علشان يرتبط فيها؟؟
ضاري بتنهيدة ضيق هاذي مو كفو زواج هاذي يبيها تاْديب؟
نايف وش بتسوي لها يعني؟
ضاري وش بسوي؟؟؟قصدك وش سويت؟
جاسر بخوف ليش انت شسويت؟؟
ضاري بثقة جايتها العلوم تعرفها قدرها شنو ووين مكانها الصح؟
جاسر بانفعال ضاري..لاتتهور ترى حركاتك محسوبة عليّ نا بعد وبتخرب اللي انا قاعد احاول ابنيه؟
ضاري لاتطمن اصايل شي واختها شي ثاني؟؟وبعدين انت ليالي زوجتك ومحد له فيك اصلا؟؟؟
جاسر أي بس..انت تعرف انها معندة معي!!
نايف وانت منت رجال تتركها على عنادها براحتها؟؟يبى كسر راسها تجيك تبوس رجلك؟بتترك لها المجال بتشوف حالها عليك!!
جاسر شلون يعني؟
ضاري يعني هي مرتك ولاماهي مرتك؟
جاسر مرتي طبعا!!
نايف خلاص..لمتى بتتركها قاعدة في بيت عمتها وشغلتك رايح جاي تشوف طلباتها؟؟
جاسر أي شسوي يعني؟اذا طلعت معها ..
ضاري خذها عندك لاتردها بيت عمتي حتى وقت النوم؟
جاسر يوم اخذتها ورحنا البيت ذاك اليوم حقرتني وقفلت على روحها الباب ونامت وانا اللي قعدت بناري؟
نايف ومنو قال لك روح مكان هي لها فيه؟روح مكان تدخله اول مرة وتكون انت المسيطر فيه؟؟؟
سكت نايف شوي وبعدها طلع جواله ودق لليالي,,, هلا...سمعي بعد ساعة انا جايك خلك جاهزة في شي بنتكلم فيه مع بعض بعيدا عن بيت عمتي!!!
عاد بكرة بنشوف ردود الافعال اللي بتطلع من ضاري ونايف وجاسر وبنشوف كل واحد وش راح يسوي,,
يعني بكرة يوم مثلث برمودا الشر على قولتكم,,,
اشوفكم على اتم عافية وخير,,,
مرحبتين يالغلا فيكم كلكم وفي كل اللي انضموا لنا...
كنت ناوية اعلق على الاخت ياغرام السجن والسجان غالي وكتبت الرد بس بالاخير مسحته لااسباب شخصية فيني..
لاني ماابي كل ماجت وحدة وقرت كلمتين بدون ماتشوف مجتمعها اللي عايشة فيه شنو وتقول انتي تخربين وانتي تبالغين!!!
انا اقول كلنا ربونا اهلنا صح بس بعد مانطلع عن قوقعة الاهل ونشوف العالم من برى كيف صاير ونسمع بالسوالف نتاْكد ان المجتمع ماهو للصالحين بس وماهو خالي من ها الفئات اللي انا حاطتها بالرواية...وماابي اتكلم اكثر بالسالفة لان الكل عارف وش قاعد يشوف بالاسواق والمجمعات والمطاعم والاماكن العامة,,,
عموما مابنطول السالفة بس بقولكم بارت اليوم مدموج مع بارت بكرة وبيكون جزء منه مع بارت يوم السبت يعني حقكم مايضيع معي ان شاءالله,,,,
البارت الواحد والاربعين والثاني والاربعين,,,,
بعد ماطلعوا جاسر وضاري من المستشفى كان كل واحد في باله شي يبي يسويه ويرد فيه اعتباره لنفسه قدام بنت عمه..وكل واحد توجه للمكان اللي بيقصده..
وظل نايف قاعد وهو شارد بها الصبا...كيف سوت له ها الاحراج قدام امه واللي اكيد وصل لاابوه اللحين؟
وش يسوي فيها....يردها بيت اهلها ويرتاح منها ومن مشاكلها!!!!ولايحقرها ومايزورها ابدا لين تهداْ الامور وتهداْ السالفة شوي وبعدها يمرها؟
اوووف منك يابنت الفقر مايجي منك ومن اهلك غير المشاكل ووجع الراس بس,,,,
اخذ التلفون يكلم ويضبط اموره....
ليالي فتحت باب السيارة وجلست...
لف لها بعصبية تعالي قعدي هنا؟؟مو كل مرة بتركبين بتسوين لي ها السالفة؟انا زوجك ؟
ليالي بهدوء على الورق بس!!!
جاسر بصراخ تعالي قعدي قدام وتركي عنك ها الخرابيط؟
ليالي بنفس الهدوء لاتصارخ لي حاجة بااذني اذا مالك حاجة ابحبالك الصوتية؟
جاسر بنرفزة خلصيني تعالي قعدي...
ليالي هي ماتفرق جلست هنا ولاجنبك...مابتغير من الكلام اللي بتقوله شي...
جاسر انتي ليه تحبين العناد؟
ليالي .......
جاسر يالله قومي لايطلع احد اللحين ويشوفنا مامشينا...
ليالي تنفست بقوة وبعدها نزلت وجلست جنبه..
يوم سكرت الباب ومشى بسيارته قال بعصبية كل مرة لازم تسوين ها السالفة؟
ليالي تطمن هاذي اخر مرة تصير فيها؟
جاسر زين بعد حسيتي على دمك؟
هي كانت تقصد شي في بالها وهو يقصد شي ثاني بس محد وضح اللي يبيه.....
جاسر تغذيتي؟
ليالي لا...فطرت متاءخرة ومالي نفس؟
جاسر ولا لانك معي ماتبين تاكلين؟
ليالي ماابي اتاْخر ياليت تدخل بسالفتك بسرعة؟
جاسر بنرفزة ياسلااااام!!وش يعني ادخل بسالفتي بسرعة؟
ليالي يعني ادخل بالموضوع مباشرة اللحين وقول اللي عندك,,,,قبل يضيع الوقت؟
جاسر بعناد بكيفي اتكلم وقت ماابي...محد يسيرني على هواه..
ليالي أي طيب....
قالتها وحقرته وماردت عليه.....
جاسر في بالك مكان معين تبين نقعد فيه؟
ليالي قلت لك ماابي اتاْخر؟
جاسر ليه؟مو زوجك اللي طالعة معه خايفة تتاْخرين؟
ليالي تنهدت علامك انت!!!يعني ماابي اتاْخر لان..
جاسر قاطعها خلاص خلاص فهمناها.....سالتك ودك تروحين مكان معين نتكلم فيه ونتفاهم فيه؟
سكتت فترة طويلة بعدها قالت أي....
جاسر وين؟
ليالي بثبات بيتكم!!!!
على بالك انك ذليتني وكسرتي راسي يابنت العم!!!!
زين لكن زين..اوريك الذل وتكسيرة الراس كيف تصير عدل؟؟؟
انتي بس تعالي ولاتتاْخرين اليوم ...
كان قاعد بسيارته قبل بيت عمته ام احمد وينتظرها تشرف لانها ماباقي لجيتها من المعهد وقت طويل وفي باله لها الف نية ونية وماهو عارف شيسوي ولاشيقول من كثر ماهو مقهور منها؟؟؟
مرت الدقايق بطيئة حييل على ضاري وهو ينتظرها تجي وحس انها ماراح تجي ابدا....
لين بانت له انوار الفرج وشاف سيارة السايق توقف وينزلون منه بنتين وابتسم يوم شاف شي ثاني بعد وطلع من سيارته....
اصيل؟؟؟
جمدت مكانها وهي رايحة بتدخل بيت عمتها....هذا الصوت المعصب اللي يناديها تعرفه زين.....
بس وش يجيبه هنا واللحين وبها الوقت؟
لفت ولقت ابوها واقف قبالها...
تهاني خالي!!!!!
ابو عبدالله وهو معصب وين كنتي؟؟
ضاري من وراه الله بالخير ياعمي..احد يترك بنته بروحها تدخل وتطلع محد يدري عنها بعدها يسالها وين كانت؟
اصايل رفعت راسها وشافت ضاري يناظرها بنظرات شر وحقد وعرفت انه هو اللي داق على ابوها..
تهاني بسرعة كنا بالمعهد ياخالي ندرس؟
ابو عبدالله بعصبية انا ماعندي دراسة ماخرابيط؟؟؟؟قاعدة علشان تطلعين وتدخلين براحتك يللي ماتربيتي؟
ضاري انا اقول تاخذ بنتك وتردها معك من مكان ماجيت ياعمي قبل لاتفضحك اكثر؟؟ترى قعدت البنت بدون محرم ماهي زينة تخليها تفلت بسرعة ؟؟وانت ادرى بمصلحة بنتك عاد؟؟؟
تهاني بعصبية ضاري شها الكلام؟
ضاري انتي دخلي البيت مالك شغل؟
ابو عبدالله قدامي على السيارة يالله ولاتقولين مو رايحة لانك بتروحين لو كانت جنازتك محمولة؟
اصايل بثبات ومن قال لك اني ابي اقعد اصلا!!!
ناظرها ضاري وتلاقت عيونهم ببعض من ورى غطاها الشفاف....
اصايل بنفس القوة وهي توجه كلامها لضاري كان عندي شي لازم اسويه وسويته ونجحت فيه...بعد قعدتي مالها داعي اللحين..يكفي اني ربحت جولتي!!!!
كان ضاري يناظرها وهو فاهم اللي تبي توصله له وماتكلم لان خالها فتح باب السيارة لها وهو يسب ويشتم وتهاني دخلت البيت تنادي على امها بسرعة قبل لايمشون علشان تكلم خالها يغير رايه....
ضاري من جنب النافذة اللي فيها اصايل بالسلامة يابنت عمي...
ابو عبدالله ضاري...ما..
ضاري قاطعه افا عليك ياعمي بس...تطمن كل شي مثل ماانت تبيه...
تنهد ابو عبدالله وهو يناظر باصايل...
ضاري عمي....ترى البنت مايحفظها غير ابوها لااحد يقولك اترك بنتك عندنا وتتركها؟
مشت سيارة ابو عبدالله وبعدها ضحك ضاري باستخفاف وركب سيارته ومشى وطلعت ام احمد بها اللحظة...
ام احمد وينهم؟
تهاني يمه اكيد مشوا..دقي عليه بسرعة مامداهم ابتعدوا؟
كانت ام احمد تدق على اخوها بس بدون ماتلاقي أي جواب؟؟؟
شمايل شفتي؟
هتون رفعت راسها وش اللي شفته؟
شمايل بنرفزة جايبها البيت عيني عينك؟
هتون ليه؟؟؟
شمايل وانا وش يعرفني ليه؟روحي ساليه كاهو مقعدها وقاعد قبالها بالمجلس...
هتون شالت دفترها وراحت المجلس وحمدت ربها ان جاسر بذيك اللحظات ماكان موجود....
هتون باحتقار انتي شتبين؟
ليالي وهي تناظرها خير..
هتون باحتقار سالتك وش تبين؟
ليالي من منو بالضبط؟من خالي متعب؟؟؟؟
بلعت هتون ريقها وسكتت...
ليالي حسافة والله مادريت انك انتي الاختيار الفاشل اللي اختاره بالبداية؟
هتون احترمي نفسك...
ليالي ولاكانها تسمع بس الحمد الله انه فتح عيونه بالنهاية قبل لايتورط؟
هتون بصدمة يتورط؟؟؟انتي تهينين انا؟؟؟؟كان بيتورط لو انه اخذني؟
ليالي ليه منتي دارية انك كنتي بتكونين مصيبة على راسه؟
هتون بصراخ انتي يالقروية احترمي ملافظك زين واعرفي انتي من تكلمين؟
ليالي يعني منو اكلم؟؟وحدة كذابة بكل شي حتى بمشاعرها؟
هتون ...........
ليالي بس وين اللي اختارناها له اللحين ووينك انتي!!فرق السماء والارض؟
هتون بصدمة اخترتوها؟انتوا فرضتوا عليه ينساني ويختار غيري؟؟؟ليالي ليه بيظل على ذكرى خداعة طول عمره يابنت عمي!!!
جاسر هتون..
لفت له بدون ماتقول شي وهي معصبة حيل ودموعها بتنزل منها لولا كبرياءها...
ليالي جاية تسلم عليّ!!!
ناظرتها هتون نظرة اخيرة وطلعت بدون ماتقول شي...
اسر جلس جنب ليالي وسال صار شي بينكم؟
ليالي سالفة قديمة لاتشيل همها....
جاسر من متى وانتوا عندكم سوالف مع بعض؟
ليالي جاسر مو هذا موضوعنا ولاتضيع الوقت؟
كانت قاعدة بالسيارة جنب ابوها اللي ماتدري وش يقول بس اللي فهمته انه قاعد يشتم فيها ويلعنها من لهجته المعصبة مووت...
تفكيرها كله رايح لضاري,,,
هذا اللي قدرت تسويه ياضاري....انك تدق على ابوي ويشيلني من طريقك ومن قدامك؟؟؟
ماتوقعتها ابدا ولامرت على بالي ولاحتى حسبت حسابها....بس ماعليه
انا مو شايلة هم ..اللي في بالي سويته ومو مهم اني ارد مع ابوي...
مسحت دمعة نزلت منها وهي تكابر لازم اكون اقوى من كل شي...
مالازم رجعتي لبيتنا تخليني اضعف وانهار وضاري...بيجيه يوم وبيندم اكيد!!!!
عبير استغفر الله....
ام احمد بنرفزة وهي ماسكة جوالها تدق لااخوها هذا مو تصرف....ادخل البيت وسلم واقعد وقول ابي بنتي!!مو تروح تاخذها من على باب البيت كذا!!
تهاني يعني شلون خلاص مابترجع؟
عبير مدام اخذها كذا مابيردها...وانتي لاتتعبين نفسك وتدقين لو يبي يرد عليك كان رد؟
ام احمد بقهر اوووف..الا تعالي اصايل معها جوالها؟
تهاني أي معها..شلون طافتنا ندق عليه؟
عبير لا...
ام احمد شنو اللي لا؟
عبير لاتدقين على جوالها...لو سمعه ابوها اللحين عندها بياخذه منها هي اكيد اذا وصلت بتدق علينا منه خليه عندها بدون مايحس فيه علشان نتواصل معها فيه....
ام احمد انا بس ابي افهم وش اللي خلاه يفكر يجي ياخذها اللحين بالذات!!!
تهاني سكتتت وهي تتنهد وتفكيرها بضاري....
عبير الله يهداه اخوك بس....
ام احمد واعلي عليها ليال المسكينة شقول لها اذا رجعت؟
عبير قصدك متعب اذا نزل وش نقوله؟
دخلت غرفتها وقفلت عليها الباب وقامت تبكي...
أي هنا مسموح لدموعها تنزل وبعيدا عن كل الناس.....
متعب خلاص نساها وبيرتبط؟؟؟لا مستحيل..انا رفضت الكل لان قلبي متعلق فيه....كيف ياخذ غيري بس!!!
انا اللي حبيتك يامتعب انا....تبيع حبي وتاخذ غيري...
بس كله منها هي واختها..هم اللي دخلوا في بالك ها الشي؟
اعرفها تكرهني مووت وماتتمنى لي السعادة؟؟ولاليش بتشور عليك ها الشورة؟
انا لازم اكلمه...لازم ادق عليه....
مسحت دموعها وحاولت تستجمع ثقتها بنفسها ودقت عليه بس صوتها ماكان طبيعي لو مهما حاولت؟
متعب الو..
هتون بارتجاف متعب..
متعب بتنهيدة نعم...
هتون بارتباك متعب..
متعب تبين شي؟
هتون بلعت ريقها كنت بقولك مبروك؟
متعب الله يبارك فيك....
هتون بصدمة الله يبارك فيك!!!مالقيت كلمة افضل؟
متعب باستفهام ليه شفيها ها الكلمة؟
هتون بتنهيدة حارة ولاشي...
متعب اخوك اللي قال لك؟
هتون اخوي؟؟؟ليش هو شيخصه فيك؟
متعب اجل ليش قال لك؟هو ماراح يسكن مع ليالي فيه ولاغير رايه؟؟؟
هتون ليالي؟؟ويسكن فيه؟؟شسالفتك انت؟
متعب انتي ليه داقة تباركين اذا ماكنتي تتكلمين عن البيت اللي شريناه؟
هتون بيت؟؟؟؟أي بيت؟؟؟
كانت قاعدة بزاوية من زوايا البيت وهي ضامة ركبها لصدرها وراسها بين رجلينها وهي تبكي....
انا مجنونة يانايف؟؟؟؟ليه قلت كذا!!
انا عارفة اني غلطت وغلطتي كبيرة...بس كلمتك اللي انقالت اكبر من غلطتي!!!!
كل اللي خلاني اجيك هو خوفي عليك واني ابي اتطمن عليك يالغالي...يكون هذا جزاي!!!
الله مجنونة وتخلي السايق يجرني مثل ال....ويحبسني هنا من جديد ؟؟
ليه يانايف ليه؟؟ماهي غلطتي من البداية انك ماقلت لااهلك عني؟؟؟ولاهي غلطتي اني خفت عليك لاني حبيتك واغليتك رغم كل اللي سويته فيني!!!
الله يعينك ياصبا على اللي جاي لك من نايف....انتي لو ماخذة نفسك وهربانة منه ماكان اخير لك وانتي عايشة برعب لين يطلع من المستشفى ويجيك؟
كم بقعد هنا بروحي يانايف؟؟؟؟تعال اذبحني وهاوشني بس تعال خلني اشوف طيفك معي وجنبي قبل لااجن بروحي؟؟؟
ام عبدالله حمد الله على السلامة....شرفتي يابنت الاصول؟
اكتفت اصايل انها تناظرها من فوقها لتحتها بدون ماتتكلم...
ام عبدالله وش ها العباية بعد!!رحتي يومين وقلبتي كل شي؟
اصايل انتي لسانك لايجي بلساني وانتي عارفة ليه؟
ام عبدالله وانا شكو؟ولد عمك وماعجبتيه بعد انا شذنبي؟
اصايل ولد عمي وماعجبته مو؟؟؟اجل وينه اللي بيموت ومو قادر يصبر؟
ام عبدالله انا مالي شغل بشي...
اصايل انتي كنتي عارفة بس كنتي تكذبين !!
ام عبدالله اصايل؟؟وش فيك انتي!!!!
اصايل بعدي بس خلني بروح غرفتي ارتاح؟
ام عبدالله أي غرفة؟؟؟سويتها مقلط حريم بدل ذاك المقلط؟
اصايل ياسلاااام!!ومقلط الحريم الاصلي وش سويتي فيه؟
ام عبدالله وسعت على بنياتي وعطيت كل وحدة غرفة بروحها خبرك كبروا...
اصايل أي...واغراضي!!!
ام عبدالله قلت ماشكلك بترجعين؟
اصايل ورميتيهم؟؟؟؟زين ياام عبدالله انا اوريك.....مقلط مامقلط انا مايهمني سامعتني!!!ولاتحطين نقرك من نقري وانا توني راجعة ترى مالي خلقك ابدا!!!
ليالي تاءخر الوقت ياجاسر؟
جاسر بعناد لا ماتاْخر؟
ليالي أي بس متعب بيجي الليلة ..
جاسر وانا شسوي فيه يعني!!
ليالي بنرفزة يعني من الضهر قاعدين قبال بعض وماشفت ان انت قلت شي ولاتكلمت بشي؟
جاسر انتي اللي لازم تقولين مو انا؟
ليالي انت اللي داق وقايل تبي تسولف؟
جاسر أي صح..
ليالي طيب وش تبيني اقول؟
جاسر أي شي وصلتي له؟
ليالي فكرت بموضوع السكن؟
جاسر أي....
ليالي باهتمام أي وش قررت؟
جاسر اني اشارك متعب بالبيت اشتري انا نصه وهو يشتري النص الثاني؟
ليالي ...........
جاسر وش قلتي؟
ليالي وليه يعني ها الحركة؟
جاسر وليه.. كنتي تبيني اسكن عند خالك؟اقعد عنده ضيف بلاكرامة!!!
ليالي ...............
جاسر هذا اللي عندي....
ليالي ..............بروح البيت؟
جاسر في موضوع ثاني لازم نتكلم فيه؟
ليالي اسمعك؟
جاسر وقف ومد يدهلها..
ليالي وهي تناظره شا السالفة؟
جاسر مو هنا..لازم نتكلم فيه بمكان ثاني....
ناظرته بدون ماتتكلم ومشت وراه.....
دخل غرفته ودخلت وراه لانها ماتدري عنه...
بعد مادخلت وقفل الباب قال بثقة اعتقد اني زوجك ومالازم كل واحد ينام بمكان وفي بيت ولاانا غلطان فيها بعد!!!
دق قلبها بقوة ووقع تحت رجلينها!!!
في شقة صبا....
سمعت صوت الباب ودق قلبها بقوة..
معقولة السايق!!!اي هو اللي قفل عليها الباب وشال الجوال والمفتاح؟؟؟
اه ياربي شسوي....لازم اقوم اتخبى بالغرفة...
وقفت على طولها بتركض للغرفة ووقف قلبها يوم شافت نايف واقف قبالها...
صبا بدهشة نايف!!
ركضت صوبه وقالت حمد الله على سلامتك حبيبي...
اول شي جاها كف ماتوقعته....
حطت يدها على خدها وهي حاسة انها قاعدة تحترق من قوة الكف اللي جاها....يمكن كان اقوى كف عطاها اياه نايف بحياتها...
صبا بشهقات انا..
مسكها من شعرها وهو يجرها بقوة ويصارخ من طلب منك تجين ماتقولين لي!!!انتي عارفة وش سويتي يالمجنونة؟؟عارفة؟؟؟
صبا ببكي نايف انا ماسويت شي...كنت خايفة عليك؟
نايف رماها على الارض وطاحت وتكسرت عظامها انا ماقلت لك خافي عليّ!! انا مو طلبت منك ماتعتبين ها الباب مهما كان ومهما صار؟؟ولاانتي ماتسمعين الحكي يعني؟
ماقدرت تتكلم وهي مخنوقة بدموعها والامها ذابحها....
نايف بصراخ وهو يرفس فيها انتي تبين توديني بداهية وتفضحيني مو؟؟؟هاذي نيتك انا عارفها من زمان؟لكن انا الغبي اللي نسيت المفتاح ولاالمفروض اني اقفل الباب قبل لاانزل علشان اسد عليك أي طريق؟؟؟؟ووين رحتي غير المستشفى بعد؟
صبا بدموع وصوت ضعيف انا مارحت مكان صدقني؟
نايف ياسلااام وتبيني اصدقك بعد!!!قومي انقلعي عن وجهي الله!!!
حاولت تشد نفسها وتوقف بس ماقدرت قامت تزحف على الارض لين وصلت للغرفة ودخلت وسكرت وراها البا ب ووقف مكانه وهو يتنهد بقوة ونرفزة,,,,
في بيت ام احمد...
متعب شلون يعني اخذها؟
ام احمد هذا اللي صار يايمه؟
متعب انا دقيت لها مرتين كان مقفل بس ماحسبت انها مابتكون هنا؟
ام احمد والله مو عرفة وش اسوي حاسة اني منحرجة منها؟
متعب وانتي وش سويتي ياعمتي الله يهداك بس!!
ام احمد يعني انا اللي كنت ماْخذتها وبالاخير تروح من عند باب بيتي وانا مدري عنها؟
متعب طيب هو ليش مادخل ولاقال انه بياخذها معه؟
ام احمد والله مدري..هو خاف اني مااوافق ولا شنو بالضبط ماادري؟
تنهد متعب وسكت...
ام احمد .............
متعب طيب ليالي وينها؟
ام احمد مع جاسر ...من الضهر وهي طالعة معه وللحين مارجعت دقيت لها مرتين هي وجاسر جوالاتهم مقفلة؟
متعب اممم....
ام احمد الظاهر انهم طالعين ولاقاعدين بمكان مافيه شبكة؟
متعب معناته انا بكلمهم ولابمرهم بكرة الصبح؟
ام احمد اقعد يمه البيت بيتك..
متعب ماعليه ياعمتي انا جاي من مشوار وكنت بسلم عليهم وبروح انام....اشوفك بكرة ان شاءالله...
اشوفكم على خير انتوا وتوقعاتكم يوم السبت بااذن الله
مرحبا فيكم يالغلا,,,,
وحشتوني مووت...
كيفكم وشعلومكم وكل عام وامهاتكم بالف خير...نجي لبارت اليوم...
لبارت الثالث والاربعين,,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك