رواية قساة اضعفهم الحب -33
مرت الساعتين وهو ماركب وهي مافيها ولاقطرة دم تسري...باب الشقة مفتوح على اساس انه بيجيب الطلبية وبيرجع وجواله على الطاولة بس هو ماهو هنا...
شسالفة ياصبا ووينه نايف؟؟؟؟
على كورنيش الدمام,,,,
كانوا قاعدين قبال البحر....
اصايل اللي توها جاية قالت وهي تتنفس بقوة تاءخرت عليك؟
ضاري وهو يناظرها ويناظر بالبنت الثانية اللي معها لا...انا بس جيت شوي بدري؟؟
اصايل ......
ضاري شلونك؟
اصايل بخير؟
ضاري شلون الدراسة؟
اصايل ماشي......
ضاري تغذيتي ولالسه؟
اصايل لاتونا طالعين من المعهد قلنا بنروح فرايديز ناكل لنا شي هناك...
ضاري حركات...
اصايل حياك معنا؟
ضاري وهو يبتسم يصير اجي؟
اصايل طبعا لا؟
ضاري بحب بعد تقولينها بوجهي وماتخافين على مشاعري!!!
اصايل وش بغيت تعرف وليش؟
ضاري علامك مستعجلة كذا!!
اصايل ماابي يضيع الوقت وانت ماعرفت اللي تبيه؟
ضاري شوفي انا مايهمني أي شي وانتي عارفة هاذي كلها مجرد شكليات ليس الا..
اصايل بتنهيدة شكليات لشنو؟
ضاري تعرفين الاهل وسوالف الارتباط ومن بنته ومن قبيلتها؟
اصايل أي ارتباط؟
ضاري علامك يادانة ارتباطنا انا وانتي!!
اصايل انا وانت؟
ضاري أي...قررت ان احنا لازم نكمل حياتنا مع بعض...
اصايل أي بس..
ضاري بس شنو؟
اصايل انت ماخذت راي؟
ضاري بشوية خوف رايك بشنو؟
اصايل بثقة بسالفة الارتباط؟
ضاري مجنونة انتي؟؟انا احبك وش تتوقعين تكون نهاية وبداية حبي لك غير ان احنا نعيش تحت سقف واحد؟
اصايل أي بس انا ماابيك ياضاري؟
ضاري بذهول نعم!!!
اصايل بتحدي يعني اللي قصدت اقوله انك ماتسوى عندي سايق علشان تكون زوجي؟
ضاري بجدية هاذي مزحة ولاتبين تلعبين باعصابي ولاشسالفتك اليوم بالضبط؟
وقفت قباله وقالت بتحدي واحتقار لاماهي مزحة...بس انت فعلا ماتسوى عندي سايق ياضاري؟؟؟مثلك بالضبط مو انا بالنسبة لك مااسوى عندك خادمة؟
ضاري بذهول ماتسوين خادمة!!!
اصايل مو انت قلت ها الكلمة؟؟؟؟؟ردت لك بنفس المعنى يا...ضاري؟
ضاري دانة شفيك؟
اصايل منهي دانة ياضاري؟انا اقولك...دانة هي نفسها اصايل بنت عمك اللي انت قلت لها بوجهها انا ماابيك وانتي ماتسوين عندي خادمة؟؟؟هاذي هي دانة اللي قبل شوي تبي تعرف اهلها علشان تناسبهم وترتبط فيها؟
وش رايكم بكرة اصير نذلة وماانزل بارت ههههههه
مرحبتين فيكم كلكم وبللي انضموا معنا....
منوريني كعادتكم ومدري شقول بصراحة دايما كلامكم وتشجيعكم يخجلوني و مااعرف حتى ارد ولاشقول(لاتخربطين واختصري)
بس وش ذا...مقعديني من نومتي علشان بارت مايسوى,,بدل ماتقولون تنيذلي براحتك ولاتنزلين اسبوع اذا ماودك كلكم مسوين حزب الا تبون البارت(اجل يبون وجهك)
المهم هذا البارت وبروح اكمل نومتي ,,
البارت الاربعين ,,
كل دقيقية غياب خلت الدم يجمد بعروقها من الخوف,,,,
وش سالفتك يانايف,,,ماصارت ذي بيتزا بتنزل تستلمها وبترد!!
بس لايكون صاير له شي؟؟؟لاياربي لا....
وقفت على طولها مرة وحدة من الخوف والتفكير بانه يكون شي صاير له؟؟أي ياصبا اكيد صاير له شي..الدنيا ماهي امان اللحين ولااربع ساعات غياب ماتعني لك أي شي؟
ياربي لا...لا....
وقفت عند باب الشقة بتردد..وراح تفكيرها لجهة ثانية....
معقولة يكون نايف مافيه أي شي وقاعد يختبرها؟
يختبرها؟؟؟أي يبي يشوفها تطلع ولاتقعد اذا تمهد لها الطرق؟؟
مستحيل يانايف انا ماقلت لك احبك علشان اخون ثقتك يالغالي؟
ناظرت بالجوال اربع ساعات من اتصل المطعم وقال انه تحت؟؟؟وهو يقول انه نعسان وجوعان؟
انا قلبي مو مريحني ابدا لها السالفة ولازم اتصرف؟؟؟
لبست عبايتها بشويش...ونزلت الدرج بهدوء...كانت تتلفت يمين وشمال تبي تشوف له اثر..بس مافي...نادت باسمه مرة ومرتين قبل لاتنزل لاتحت بس ماسمعت جواب,,,,
وصلت باب العمارة من تحت وتلفتت يمين وشمال بعد...بس مالقته..بس سيارته موجودة ومركونة بمكانها...راحت لها تركض تناظر اذا كان بداخلها بس ماكان موجود....
رجعت عند باب العمارة ولقت بيتزا موجودة عند الباب مع وصل استلام ودفع..يعني استلمها؟؟؟
طيب وين راح؟؟؟
تنهدت بقوة وزاد خوفها عليه....
مالقت قبالها غير البقالة الصغيرة اللي جنب العمارة ودخلت فيها...
صبا بتردد السلام عليكم..
وعليكم السلام...
صبا بنفس التردد والخوف من نايف لو طلع فجاْة وذبحها بمكانها ماشفت واحد نازل من ها العمارة يستلم البيتزا؟
بلى شفته؟
صبا طيب وينه فيه ؟؟وين راح؟؟؟
كانت لحظات صعبة بالمرة على ضاري...
ماكان عارف اذا كان الكلام اللي تقوله اصايل صدق ولاهو قاعد يتوهم ها الشي ولا شللي صاير بالضبط؟
كل اللي عرفه انه سحب منها الملزمة اللي كانت بيدها علشان يقراء الاسم اللي موجود عليها..
اصايل باحتقار يعني تبي تتاْكد مو مصدقني؟
دارت فيه الدنيا وماعرف شيقول...اسمها موجود..اصايل عبدالرحمان الرميحي؟هاذي هي مو غيرها؟؟؟وش اللي سوته فيك ياضاري؟؟
اصايل سحبت ملزمتها تبي اثباتات ثانية ولااكتفيت ياولد عمي؟
رفع راسه يناظرها وبعدها الصدمة ملجمتنا عن الكلام وماهو عارف شيقول لها...
اصايل وهي متخصرة اجل انا اللي مااناسبك ياضاري ومااسوى عندك خادمة؟؟؟عسى بس عرفت انك ماتسوى عندي سايق؟؟؟
وحدة بوحدة ياولد عمي والبادي اظلم؟؟؟
مو معقول ياضاري مو معقول......في شي غلط بالسالفة؟؟؟
أي غلط؟؟كاهو اسمها؟؟كاهي نظرات الاحتقار اللي بصوتها وعيونها؟؟؟
وين حبك ؟وين كلمة احبك؟
يوم قال ها الكلمتين وقدر ينطقهم كانت اصايل مشت عنه وراحت مع تهاني وابتعدوا...
ضاري انا يااصايل تتلاعبين بمشاعري!!!انا؟؟؟
طيب يابنت البدو طيب؟
اردها لك ومن قال اني بعديها؟جاية تعشقيني وتتمعشقين علشان تقولين بالنهاية ابي ارد لك كلتك؟؟خادمة وستين الف خادمة؟
مايدري ليش طرت على باله رانيا اخته بها اللحظة يوم اصرت انه يشوف اصايل ولعب بحسبتها وغسل شراعها..اللحين ذكر كلماتها...تراها غير مو مثل مااحنا متصورين؟.انا تفاجاْت يوم شفتها وانت بعد اكيد بتتفاجاْ؟
تنهد بقوة وغمض عيونه...معقولة اللي قاعد يصير معقول؟
وحدة مثلها تتلاعب بمشاعري وتقولي احبك وتخليني اصدقها واتعلق فيها وبعدها تدوسني؟؟؟
في بيت ام احمد....
عبير علامك واقفة تعالي قعدي؟
ليالي لاخليني بعيد احسن؟
عبير أي بس عمتك مكلمته يجي علشانك ..لازم تقعدين وتشوفين وش بيصير؟
ليالي قصدك اني اسمع لي كم اهانة؟
عبير لو كان بيهينك ماكان برجله لهنا؟يالله بلا خرابيط وتعالي..
ليالي انتظري بس البس عبايتي؟
عبير وليه تلبسين عبايتك بعد!!!يبى هذا زوجك لمتى بتقعدين معه بعباية وبتقومين بعباية؟تعالي بس تعالي....
ليالي مشت ورى عبير ودخلوا داخل للمجلس اللي كان فيه جاسر يسولف مع عمته وسافط جده اللي كان قاعد بالنص؟
كانت لابسة بنطلون جينز ازرق وبلوزة بيضاء ربع كم وسلمت وقعدت جنب جدها...
هي عارفة انه مايحبها وعارفة ان جاسر مايعمل له أي حساب وملاحظة ها الشي..بس بداخلها شي يقول لها قعدي جنبه يمكن قعدتك جنبه تعطيك من هيبته وجبروته اللي باقي منهم شي مااندثر؟
جاسر شلونك ليالي؟قالها وهو يتفحصها من فوقها لتحتها..
ليالي بدون نفس بخير..
جاسر بتردد يعني ..انا اعتذر عن موقف امي بالامس...
ام احمد ماعليه يمه....موقف وعدى؟
عبير عارفين ان امك مصدومة بس بعد ليالي مالها شغل بزواجك من بنت خالتك ولاعدمه؟
جاسر فهمتها ها الشي بس تعرفينها اذا ثارت محد يقدر عليها؟
ابو عبدالرحمان وانت شبتسوي اللحين؟
جاسر شبسوي يعني؟ماباخذها؟
ام احمد طيب ليه علقت البنت يوم انك مابتاخذها يعني هاذي فيها كسر خواطر يايمه؟
جاسر عمتي فهميني؟انا ماسالتهم عنها هي ...بس هم قالوا انها حنان؟وماعرفت شسوي غير اني اقول ابيها لاتروح مني؟
عبير شلون يعني؟
جاسر وهو يناظر بليالي يعني انا شفت ليالي وكانت اول مرة اشوفها فيها وسالتهم عنها وعطيتهم مواصفاتها وقالوا انها فلانة؟طيب انا شذنبي..يعني اخذها غصب وانا ماابيها؟
ابو عبدالرحمان وليالي؟
جاسر شفيها؟
ابو عبدالرحمان شبيصير على بنت عمك اللحين؟مبين امك ماتبيها؟
جاسر بنرفزة وانا وش يخصني باامي عاد!!1انا الرجال واللي اقرر مو امي؟
عبير يعني شبيصير...
جاسر بنشوف لنا مكان يضمنا وبناءثثه وبنسوي لنا عرس وانتهت السالفة؟
ام احمد هاذي تفاهم فيها مع اهلك...ترى بنتنا مالازم تدخل مع اهلك بمشاكل بعد ياجاسر؟
جاسر هاذي مرتي ياعمتي ومو معقولة اني ارضى لها بالاهانة؟
سادت لحظة صمت.....
ابو عبدالرحمان يعني بتطلعون من الملحق؟
جاسر بثقة اكيد ماابيها تقعد هناك يعني مو مقامها ها الملحق هي بس تختار المكان اللي يناسبها وانا حاضر بس لازم تستعجل شوي؟
عبير قولي شي ياليالي؟
ليالي ممكن نتكلم مع بعض على انفراد؟
شمايل شتتوقعين يصير اللحين؟
هتون بحقد بتاخذ اخوك ها الحقيرة؟
شمايل وحنان؟
هتون أي حنان انتي بعد!!!من صدقك جاسر يبيها؟
شمايل ليش قال انه يبيها اجل؟
هتون لانه ماكان عارف منهي ليالي فيهم وعلى باله انها حنان؟
شمايل يعني انتي كنتي عارفة انها ليالي ماقلتي له؟
هتون شفته مرة واقف معها بالكورنيش يوم نروح وعرفت ان اللي يقصدها هي نفسها زوجته ماهي حنان؟
شمايل طيب كان قلتي له وفكيتينا من السالفة هاذي كلها؟
هتون لي اسبابي الخاصة اللي ماخلتني اكلمه بذاك الوقت؟وبعدين حنان وخالتي كانوا محتاجين ها الشي يصير؟
شمايل ؟؟؟؟؟؟؟؟
هتون بلامبالاة خالتي من زمان وهي تناظر بجاسر وتبيه ياخذ وحدة من بناتها وزين ان الوقت جا علشان تقفل الموضوع نهائيا؟؟
شميل أي بس مااعتقد امي ترضى بها الوضع لانها ماتبي تخسر خالتي؟
هتون أي بس مو قبل لاتروح ليالي بيت اهلها؟
شمايل كيف بتروح اذا هو يبيها؟
هتون بتروح يعني بتروح؟بالطيب ولابالغصب؟بيت اهلها راجعة له راجعة له وانتظري وشوفي؟
شمايل انتي شناوية تسوين لها؟
هتون باخذ حقي منها ومن اختها؟
شمايل ليش هم سووا لك شي احنا ماندري عنه؟
هتون بنرفزة صايرة مثل العجايز تسالين كثير وعن كل شي؟
شمايل لانك تتكلمين بالالغاز؟
هتون في اشياء مالازم احد يعرفها قبل لاتصير...بس صدقيني بترجع بيت اهلها واذا جتنا بتجينا هنا خادمة تخدمنا ومابتنطق بحرف واحد وبتشوفين؟
شمايل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في السيارة...
تهاني والله ان قلبي طاح يااصايل؟
اصايل تنهدت وهي تمسح دموعها..
تهاني اللحين وش اللي يبكيك بعد!!!مو هذا اللي تبينه انك تقولين له انتي منو؟
اصايل أي...
تهاني خلاص اجل...امتحان وعدى على خير..احمدي ربك مادفن رقبتي ورقبتك بالرمل ولااحد درى عنا؟
اصايل .............
تهاني علامك؟
اصايل حاسة بضيق ياتهاني..حاسة نفسي مخنوقة؟
تهاني أي بس هذا كان هدفك؟
اصايل انا مبسوطة من نفسي لاني وصلت لها المرحلة وقدرت اتواجه معه واقوله ها الكلمة...بس مدري ليش حاسة ان في شي داخلي مو متطمن..
تهاني لشنو بالضبط؟
اصايل مدري...بس حاسة قلبي يدق بسرعة ..
تهاني ردة فعل طبيعية يعني الموقف فيه شوية صعوبة ومخاطرة وللحين تحسين انك عايشة رهبته؟
اصايل يمكن...
تهاني ها..نروح فرايديز نتغذى ونحتفل بالمرة؟
اصايل انا مالي نفس شي يابنت العالم..ابي السرير وبس!!!
تهاني شدعوة واحنا نقول الليلة طاح راس ضويري وفيها احتفال خاص؟
اصايل أي احتفاله انتي بعد؟؟
تهاني مو ذليتيه واهنتيه على قولتك؟خلاص نبي الحلاوة والعصير ونبي نرقص للصبح؟
اصايل صاير الطريق طويل وانتي هذارة؟
تهاني مسوية انها مصدومة انا؟؟؟
اصايل لاخالتي ام عبدالله؟
ام جاسر يعني شنو؟
ابو جاسر شتبيني اسوي؟بنفسك سمعتي ولدك وش قال؟
ام جاسر اذا ولدي صار لعقله شي من سابيب بنت اخوك فهذا مايعني اني بمشي وراه بللي يقوله؟
ابو جاسر أي بس هو قال انه يبي بنت عمه؟
ام جاسر وطبعا انت فرحان انه يبي بنت اخوك؟
ابو جاسر انا لافرحان ومتضايق..انا اللي هو يشوفه مناسب له ويختاره ماراح اعترض عليه؟
ام جاسر أي بس انا ماراح اسكت له؟انا هاذي تصير زوجة ولدي!!!
ابو جاسر وش فيها ليالي ماهي عاجبتك؟
ام جاسر بانفعال وش فيها اصلا يعجبني!!!!
ابو جاسر ....................
ام جاسر مو كفاية طلعت اختي وبنتها من البيت زعلانين!!!حتى ماتبي ترد لي تلفوناتي وتحاكيني؟ماتقولي شسوي انا بليالي وبشنو بتنفعني؟
ابو جاسر أي بس هو اختارها ومحد جبره عليها ياام جاسر؟
ام جاسر هي فرضت حالها عليه؟
ابو جاسر هي؟؟؟شلون؟
ام جاسر وش معنى مابينت بحياته من اول مادخلت ها البيت!!ليه اللحين يوم بغى ياخذ بنت خالته حلى بعينها ومالت له وميلته صوبها؟
ابو جاسر ................
ام جاسر انا اقولك ليش لانها مثل ماقالت هتون اليوم حقودة وتكرهنا وتكره لنا الخير وماتحب اختي وبناتها وتبي تفشلهمهم وتهينهم واذا اهانتهم يعني اهانتني؟يعني بالمختصر قاصدتني انا لنفسي؟
ابو جاسر هتون قالت كذا!!
ام جاسر زين انها فتحت عقلي على ها الشي اللي غايب عني....فعلا ليش ماالتقت بزوجها من تزوجت ليش اللحين بالذات ؟
جاسر شطلباتك؟
ليالي واحد من الاثنين... ياانك تسكن معي في بيت خالي متعب ولاانك تطلق وانت اختار؟
تنهد جاسر بقوة وقال لها وليه نسكن عند متعب عاد!!!!
ليالي لاني ابي كذا..
جاسر انتي اختاري المكان اللي تبينه وانا بسكنك فيه وانا مغمض...بس اني اسكن مع خالك فهذا شي لايمكن اني ارضاه؟
ليالي بلامبالاة هذا مو ذنبي,,,معناته طلق؟
جاسر بعصبية الطلاق ماهو لعبة يابنت عمي؟
ليالي بس الزواج يصير لعبة ياولد عمي!!
جاسر انتي شتبين تقولين؟
ليالي ولاشي....
جاسر انا مدري وش اللي يحكونه لك عني...بس..
ليالي مايهمني وش يحكون...يهمني تعطيني حريتي؟
جاسر ليه تبين تتطلقين؟تبين ترجعين لاابوك من جديد؟
ليالي أي...
جاسر ..........
ليالي كنت متوقع اقولك لا؟
جاسر وش اللي موجود في بيت ابوك ومالقيتيه هنا ياليالي؟
ليالي الاحترام؟؟وبينها وبين نفسها تقول شلون طلعت معي هاذي!!!بس مدامها طلعت خليني اكمل؟
جاسر اذا تقصدين موقف امس فاانا اعتذرت لك عنه انا مدري ان الوالدة بتجي وبتغلط عليك؟
ليالي اولا هي ماغلطت عليّ بروحي غلطت على الكل,,على جدي وعمتي بعد!!ثانيا ماهو موقف امس اللي تغلغل فيني وخلاني اكره عيشتكم..من اول يوم دخلت بيتكم فيه وانا عايشة قلة الاحترام بين اهله...
جاسر اللي مضى مابيرد ياليالي..وبالنهاية انتي بتعيشين بوسطهم اميرة معززة مكرمة؟
ليالي انا لاابي بوسطهم ولابقربهم حتى؟بعدهم اخير لي ولعيشتي؟انا مدري ليش كلهم يكرهوني؟رغم اني ماللتقيت فيهم قبل؟
جاسر مايعرفونك لاتلومينهم....
مد يده وحطها فوق يدها وسحبت يدها بسرعة وتنهد...
جاسر بهمس فينا نطلع شوي بروحنا؟
ليالي لا....عندك شي قوله؟
جاسر بنرفزة انتي ليه عنيدة؟
ليالي وانت قلت تبي نتكلم براحتنا وهذا احنا قعدنا بوحنا,,,ليه بعد نطلع.؟
اكتفى انه يناظرها ويكتم بقلبه كلام كان يبي يقوله لها؟؟؟
بمستشفى سعد التخصصي,,,
طول العصر وهي متحاملة على نفسها وتشوفهم داخلين طالعين عليه..اكيد ذولا اهله وجماعته....
ماتقدر تصبر اكثر لازم هي بعد تدخل تشوفه...يوم حست ان الزحمة راحت ومابقى غير امه...لانها الوحيدة اللي بقت وكانت شايفتها بالكويت بس ماكانت تعرفها منهي....
تقدمت بخطوات بطيئة صوب الباب....
لازم تشوفه هي جاية علشان شوفته اصلا مو معقولة ترجع بدون ماتشوفه لانها بتكون ماسوت شي...
صحيح الدكتور يقول مافيه شي مجرد صدمة بسيطة وماتعور منها بس هذولا اهل الخير يحبون يبقون ويدللون نفسهم بالمستشفيات,,,,
يوم تقربت من الباب سمعت صوت ضحكته وفكرت تتراجع بس قلبها ماطاعها,,,
فتحت الباب بشويش ودخلت..
كان السايق اللي يوصلها المدرسة موجود جنب الباب وجنبه واحد ثاني وشغالتين واقفين...
وناظروها يوم دخلت...
حست انها بتجمد من الخوف...
تقربت شوي شوي لين وصلت لعنده واول ماشافها لمعت عيونه بغضب..
نايف بصراخ انتي!!
لفت امه لها وقالت باستفسار من هاذي يانايف.؟؟
صبا بتلعثم انا جيت اشوفك...خفت عليك يوم عرفت؟
نايف طلعها من هنا ياسامي هاذي مجنونة وبتبلشنا معها؟
صبا من بين دموعها مجنونة لاني جيت اتطمن عليك؟
ام نايف انت تعرفها يانايف؟
نايف بقهر ونرفزة وهو يبي يقوم من فراشه ويوصل عندها هاذي وحدة مجنونة يمه؟
صبا بانفعال انا زوجتك يانايف؟ماني مجنونة؟غلطت يوم جيت اشوفك؟
ام نايف زوجتك؟
نايف وهو يصارخ طلعها من هنا ياسامي قبل لااطلع روحك؟
جرها السايق من يدها وسط بكيها ووسط صراخ نايف..
ام نايف وش السالفة يانايف؟
نايف قلت لك يمه هاذي وحدة مجنونة؟
ام نايف وليش تقول انها زوجتك؟
نايف لانها تنام وتصحى على ها الحلم؟تبيني اكون لها؟مالت عليها وعلى اللي يناظرها؟
ام نايف وانت ليش مضايق نفسك؟خلها تولي عنك يمه سلامتك ابدى ماعندي..وهي بيتصرف معها السايق واذا طولتها مرة ثانية دق على ثلاث تسعات يشيلونها من وجهك؟
نايف بتمتمة وشرود وهو مقهور شكلي مالي غير ها الحل يمه؟
وفي داخل نفسه..وش سويتي ياكلبة؟؟كيف تجين هنا بدون شوري وعلمي؟؟زين ياصبا زين؟؟
ام ضاري بحيرة انت اللحين وش فيك؟
كان قاعد وشارد لبعيد...
ام ضاري بس ابي اعرف وش اللي صاير لك؟
ضاري بضيق يمه تركيني بروحي الله يخليك؟
ام ضاري باصرار لامااتتركك الا لين عرفت وش فيك؟
ضاري بنرفزة يمه واللي يعافيك مو طايق نفسي تركيني بحالي!!
ام ضاري اسم الله عليك يمه؟وش فيك؟؟
ضاري .....................
ام ضاري متزاعل مع دانة؟بكرة تتراضون بس لاتضيق خلقك؟
ضاري بصراخ هاذي بالذات لاتطرين اسمها قدامي!!!
ام ضاري بتعجب علامك؟؟اكيد هوشتكم كبيرة؟قولي شصاير؟
ضاري ..............
ام ضاري طالع قبل ساعتين بتشوفها وبتقعد معها شزينك وشحليلك والفرحة باينة بعيونك,,ترجع كذا متضايق ومهموم؟قولي وش قالت لك بالضبط وكدرت خاطرك؟
ضاري صدمتني صدمة عمري اللي ماتوقعتها يايمه؟
ام ضاري صدمة عمرك؟ليه وش قالت لك ها الدانة؟
ضاري بتعب اتركيني اللحين يمه..انا مافيني اتكلم ولااقول ولاشي....
ليالي باهتمام وش سوى فيك يوم عرف؟
اصايل بشرود ولاشي...
ليالي شلون يعني ولاشي؟
اصايل هذا اللي محيرني يابنت الناس؟؟؟توقعته يهاوشني ولايغسل شراعي ولاحتى يكفخني؟؟؟بس ماصار ولاشي من هذا كله...
ليالي وماقال لك ولاشي؟
اصايل ابدا!!ولاكلمة وحدة...انا قلت اللي عندي ويوم حسيت الصدمة باينة عليه تركته ومشيت بعدها؟
ليالي والله اني خايفة عليك....
اصايل انا مو خايفة ياليالي....حقي واخذته منه؟مثل ماقال لي بيوم من الايام ماابيك انا بعد قلت له نفس الحكي ماابيك!!!
ليالي أي بس وضعك غير عن وضعه ياقلبي ولاانتي ناسية ها الشي؟
اصايل انا مايهمني أي شي بيسويه؟ماتفرق عندي أي شي؟
ليالي الله يكون بعونك.....
اصايل كانت تبكي بصمت بها اللحظة...
ليالي اصايل..وش فيك؟
اصايل بشهقة ولاشي بس ذكرت كلمته اللي موقادرة انساها؟
ليالي خلاص عاد..مو رديتي له كلمته بالمثل..انسيها وارميها ورى ضهرك؟
اصايل ماهي بسيطة ان واحد يجي بوجهك ويقولك انتي ماتسوين عندي خادمة؟
ليالي اذا كان ها الانسان بمستوى تفاهة ضاري فمالازم تشغلين بالك لانه مو مهم؟
اصايل المهم خليه يولي عنك...انتي شسويتي؟
ليالي اول مسحي دموعك وقولي انك نسيتي السالفة علشان نتكلم برواق؟
اصايل لايهمك دموعي هي بتوقف بروحها..قولي شصار اليوم؟
ليالي حضرته شرف وماكان ودي اقابله بس عبير اصرت..
اصايل أي طبعا لازم تقعدين ليش هم يقررون وانتي تنفذين يعني!!!
ليالي أي بس انا مو طايقته؟
اصايل اختصري وش قلتوا؟
ليالي قلت له اني ابي الطلاق وهو رفض وعماتي سالوه عن اللي يبي يسويه,,,
اصايل أي وش يبي يسوي؟
ليالي يقول انه يبي يردني وبيسويلي عرس بعد واختاري مكان سكنك وين تبينه!!!
اصايل وش قلتي له؟
ليالي خيرته بين اثنين..يايطلقني ولااسكن مع متعب وغيرهم ماراح اقبل أي حل؟وبشوف وش يسوي ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك