رواية قساة اضعفهم الحب -29
متعب ممكن نتكلم؟
هتون ها.....
متعب اقول فينا نخلص؟
هتون نخلص من شنو؟
متعب من سالفتنا اللي متعلقين فيها؟
هتون أي سالفة؟
متعب لاتلفين وتدورين عليّ!! انتي عارفة موضوعنا شنو؟
هتون ..............
متعب عطيني بس الاسباب اللي خلتك تكذبين عليّ من البداية؟
هتون انا ماكذبت؟
متعب سالتك جاوبيني بدون لف ولادوران...
هتون باصرار قلت لك انا ماكذبت؟
متعب بنفاذ صبر طيب عطيني اسبابك!!وش اللي منعك من الارتباط فيني وخلاك تقولين انك مرتبطة؟
هتون لاني كنت مرتبطة؟
متعب بدون علم عماتك؟
هتون بتلعثم ها...عماتي!!
متعب يعني ارتبطتي بدون مايدرون عماتك عنك؟
هتون انت وش سالفتك مع عماتي بعد!!!
متعب انا طول عمري اعرف عماتك ياهتون مو من امس واليوم؟
هتون وانت سالتهم ها السؤال يامتعب؟
متعب انا ابي افهم بس ليش؟
هتون .............
متعب ماكنتي تحبيني؟ولاماكنت اشرفك واناسبك؟
هتون متعب...لاتقلب ها الجروح بقلبي ..انا قاعدة احاول انساهم؟
متعب وانا ابي استقر وانساك كلك؟
هتون ماتقدر تنساني يامتعب..انت تحبني!!
متعب في حالة انك تكونين صريحة معي!!!بس اذا بتظلين تلفين وتدورين مالك لزمة عندي ياهتون؟
هتون وش تقصد؟
متعب كل اللي ابي اعرفه هو ليش انتي تركتيني وقلتي انك بترتبطين وانتي ماارتبطتي من الاساس؟؟؟
في بيت ام احمد وتحديدا بغرفة تهاني اللي كانوا ليالي وتهاني قاعدين فيها دخلت اصايل وهي تركض...
تهاني خير ان شاءالله؟
اصايل وهي تسترد انفاسها من تتوقعون جاي؟
تهاني الشبح الازرق؟
اصايل وهي تناظر بليالي جاسر؟
ليالي جاسر؟؟؟؟وش يبي؟؟
اصايل يبي يشوفك ويقعد معك؟
تهاني لحظة لحظة...البيت بيتي انا كيف انتي تعرفين الخبر قبلي!!
اصايل انتي قلبي وجهك عني...
ليالي وعمتي شقالت؟
اصايل مدري جيتك اركض اقول لك.....
تهاني بتشوفينه؟
ليالي بتنهيدة اذا مافيه مفر أي....
تهاني لامافيه تشوفينه بعد اللي سواه؟
اصايل بللا شوفيه وغسلي شراعه وفهميه قدره زين؟
ليالي علامكم انتي وهي؟؟؟خل بالاول اعرف هو وش يبي؟يمكن انه جاي يطلق مثل ماطلبت منه؟
اصايل.................
تهاني ...............
بسمة دخلت ليالي..
ليالي نعم....
بسمة تقول لك امي تعالي المجلس جاسر هناك ويبي يتكلم معك ..يعني لبسي عبايتك لانه يبي يطلع معك؟
ام ضاري باهتمام شنو يعني؟
ضاري يعني هو مايبي بنت خالته؟
ام ضاري ليش مو هو اللي اختارها بنفسه؟
ضاري كان فاكر انها البنت اللي بيبيها وماطلعت هي؟
ام ضاري شلون يعني ماطلعت هي؟
ضاري يعني كان مفكرها وحدة ثانية...وخطبها وبعدين تفاجاْ ان الوحدة اللي هو يبيها ماهي هي نفسها؟
ام ضاري بشماتة ياسلااااام...وش صار اللحين؟
ضاري للحين ولاشي؟
ام ضاري وخالته درت؟
ضاري مااعتقد؟
ام ضاري أي مسيرها بتدري يعني لمتى مابتدري؟
ضاري ..........
ام ضاري وامه شقالت؟
ضاري امه انصدمت طبعا...
ام ضاري ياهي فشلة قدام اهلك ياام جاسر؟
ضاري الموقف صعب...بس انا اقوله احمد ربك انت ماارتبطت رسمي ولاكلمت ابوها حتى!!يعني كل اللي صار بينك وبين خالتك بس!!
ام ضاري ولو تضل السالفة انفتحت ياضاري...
ضاري ...........
ام ضاري الا اذا ماهي بنت خالته اللي يبيها من هي؟
في مطعم ميس الغانم كانوا قاعدين بهدوء والجو شبه صافي بينهم....
صبا جرب هذا بيعجبك؟
نايف لاتكفين انا مااحب اغير اكلي كثير...
صبا بدلع صدقني حلوة وماراح تندم انك اكلتها؟
نايف انتي جربي هذا بالاول وعطيني رايك.....
صبا انا خلاص انتفتخت...اليوم اكلت عن عشر ايام!!
نايف ماشاءالله!!!
صبا ههههههه
مدت يدها بتحط لها مويه بالكاس وكانت المويه جنب يده ويوم قربت يدها تلامسوا اياديهم مع بعض وهو حط يده عليها وظلوا يناظرون في بعض فترة طويلة وهم ساكيتين....
نايف بهمس صبا...
صبا نعم....
نايف .............
صبا .............
نايف بتنهيدة وش تبين تحلين فيه؟
صبا بتنهيدة وهي تناظر بيده وتقول بهمس ابي تترك يدي!!
نايف وهو يضغط على يدها بقوة ليه!!!
رفعت راسها واكتفت بانها تناظره بدون ماتقول أي شي...
نايف بهمس سالتك ليه تبيني اتركها؟
صبا نايف ابي اقوم اصلح شكلي!!
نايف وهو يبتسم لها شكلك حلو مافيه شي؟
صباب احراج بس لازم اقوم؟
نايف ماراح اتركك تقومين؟؟
في المطعم الهندي بالدمام,,,
جاسر وش تاكلين؟
ليالي انت قلت بنسولف ماقلت بناكل؟
جاسر وش اللي يمنع ان احنا نتغذى مع بعض وبعدها نسولف؟
ليالي اختصر ياجاسر؟وش تبي مني!!
جاسر اعتقد انك مرتي ومن حقنا نتكلم مع بعض براحتنا!!!
ليالي مااقلنا شي بس بعد كل اللي بينا ورقة وبس!!لاتنساها ياجاسر؟
جاسر ليش دايم تجيبين ها الورقة بنص جلستنا ياليالي؟
ليالي ابي اذكرك فيها لاتنساها؟
جاسر تنهد ليالي..ز
ليالي وهي تناظره بقوة خير.....وصلت لقرار للموضوع اللي كلمتك عنه؟
جاسر أي....
ليالي باهتما شنو؟
جاسر بثبات انا مو مطلق ياليالي؟
ليالي ....................
جاسر ............
ليالي ممكن اعرف ليش؟
جاسر بتنهيدة لانك زوجتي ولاني ابيك؟
ليالي بعصبية صار لي اكثر من شهرين وانا زوجتك ياجاسر ماني زوجتك من امس واليوم؟
جاسر اعتبرينا مالتقينا قبل؟
ليالي بس احنا التقينا؟
جاسرباصرار لامالتقينا ياليالي..كل المرات اللي شفتك فيها كنت مخدوع؟
ليالي مخدوع!!!ومن اللي خدعك ان شاءالله!!!
جاسر يعني ياتكونين مغطية وجهك ومااعرفك ولاتكونين ...
ليالي ولااكون شنو؟
جاسر ولاتسكتين وماتقولين انك مرتي وانا حاط في بالي انك وحدة ثانية؟
ليالي هذا ماهو ذنبي؟
جاسر ولاهو ذنبي بعد!!!
ليالي محد جبرك توقع على ورقة زواجك من وحدة انت ماتعرف شكلها؟؟؟؟
تهاني انا لو منها ماطلعت معه؟
اصايل بالعكس انا اطلع واكسر راسه وراس اهله؟؟
عبير ههههههههه
لفوا لها وهم يبتسمون...
اصايل متى جيتي ماحسينا لك,,
عبير توني....
تهاني انتي شتقولين ياخالتي؟
عبير اقول اذا نيته صافية ليش ماتعطيه فرصة وتسمع اللي يبي يقوله؟
اصايل حلو وبعدها تذله مثل ماذلها؟
عبير انتي نيتك دايم شر؟
اصايل يعني شنو تسامحه وتنسى وتسكت!!!تطلع خبلة؟
تهاني انا اقول ماتسمعه اصلا!!!
عبير ليالي قادرة تقرر هي وش تبي؟
اصايل بالعكس هي عايشة فترة تخبط وماتدري وش تسوي؟
تهاني علشان كذا ماالمفروض تسمع له أي كلمة هي طيوبة وبترضى وتقتنع؟
عبير انتوا خليكم بعيدين عنها وهي بتكون بسلاااام!!
اصايل اوووف..يعني احنا اساس المشاكل اللي هي فيها ياعبير؟
تهاني زعلتينا منك؟
عبير بدت الافلام الهندية؟
اصايل اقول عبير وين ناوية تودينا اليوم؟
تهاني ترانا مخنوقين؟
عبير وانا من اقابلكم قلتوا تبون تطلعون؟
اصايل وش نقعد نسوي بالبيت؟بعدين انا وحدة طول عمري عابدة البيت ومااطلع منه؟ابي استغل فرصتي قبل لاتنتهي المدة؟
تهاني وانا لازم اودع الشرقية طالما اني بروح امريكا؟
عبير يعني كل وحدة فيكم اجن من الثانية؟
اصايل اللحين على وين نتجهز؟
عبير مابنطلع غير لمى تجي ليالي ونشوف وش صار معها؟
حنان يمه لاتدقين فشلة؟
ام عادل وش فشلته انتي الثانية؟
حنان يمه هاذي خامس مرة تدقين له من الصبح ومايرد عليك....
ام عادل ابي اعرف وينه فيه؟
حنان انا اللي المفروض اعرف مو انتي!!
ام عادل اللحين انا اللي لازم اعرف؟
حنان يمه انتي حاسة ان خالتي فيها شي مو طبيعي اليوم؟
ام عادل مو علشان كذا انا ابي جاسر يرجع.....ابي احط النقاط فوق الحروف وننتهي؟
حنان شلون يعني؟
ام عادل يعني لازم نملك الليلة؟
حنان ومايتقدم لاابوي رسمي؟
ام عادل مو لازم انا خالته واكلم ابوك باي وقت اقوله تعال ملكة بنتك بس جاسر مانعطيه فرصة لااي لف ودوران؟
حنان وليش يلف ويدور مو هو اللي قال يبي؟الا اذا خالتي اقنعته وهو مو مقتنع هذا شي ثاني؟
ام عادل سكتي وخليني افكر شسوي؟
حنان شبتسوين يعني!!بتطلعين تدورينه بالشوارع؟؟؟انتظري لين يفرجها ربك؟
ام عادل انا مو متطمنة لالسكوت خالتك وصفنتها؟؟ولا الى جاسر اللي مو شايفة وجهه من يومين؟في شي صاير لازم اعرفه؟
عبير هلا ضاري...غريبة ذاكر رقم عمتك؟
اصايل وتهاني ناظروا في بعض....
ضاري شدعوة عمتي...بس تعرفين انشغالات....انتي شلونك والامورة شلونها؟
عبير نسال عنك يالغالي...
ضاري الله يسلمك...
عبير يالله ادخل بالمفيد وش عندك؟
ضاري ههه ليش كذا عاد؟
عبير لاني عارفة انك تبي شي متصل فيني علشانه؟
ضاري بتنهيدة بصراحة هو موضوع حساس شوي....
عبير أي....
ضاري انا تعرفت على بنت....ودخلت قلبي..
عبير بدون نفس أي..
ضاري وابيك تتعرفين عليها؟
عبير وليش انا يعني!!
لاني اثق فيك كثير وعارف انك بتعطيني كل شي تعرفينه بدقة...انا ماابي اتسرع....يعني تعرفين انا مالي الا الضاهر من البنت بس انتي بتعرفينها اكثر مني وبتقدرين تزورينها وتحددين لي كل شي؟
عبير كل شي مثل شنو؟
ضاري عمتي انا مايهمني لااهلها ولامستواها الاجتماعي!!كل اللي ابي اعرفه البنت وبس؟
عبير أي....
ضاري كل شي يخصها ياعمتي!!!
ليالي والمطلوب مني!!
جاسر بثق تردين البيت...ولانقعد بفندق ها اليومين لين نقرر انتي وين تبين تقعدين فيه؟
ليالي أي بس انا ماقلت لك اني ابي ارد بيتك ولامعك ياجاسر؟
جاسر بثقة بتردين ومالك خيار ثاني!!
ليالي ..............
جاسر ........
ليالي جاسر انت موخطبت بنت خالتك؟
تغيرت ملامحه وبان عليه الضيق...
ليالي يعني كيف بيكون الوضع؟
جاسر ليالي بقول لك شي وابيك تصدقيني؟
انا خطبتها وانا فاكرها انتي!!ويوم شفتك حسيت اني ارتبكت اكبر خطا بحياتي؟
ليالي أي...
جاسر القرار لك..وش ماتبين بيصير؟
ليالي يعني انت ملكت ولالسه؟
جاسر لامابعد!!
ليالي واذا قلت لك لاتملك ماراح تملك عليها ياجاسر؟؟؟؟؟
***************** *****
اشوفكم يوم السبت ان شاءالله على خير بعد ماتتركون بصمتكم وتعليقكم ياحلوين
مرحبتين فيكم يالغلا...
شلونكم واخبار الاجازة معكم ان شاءالله انبسطتوا فيها....
ماعلينا وقفنا باخر شي عند ليالي وجاسر خلونا نشوف وش صار معهم,,,,
البارت السادس والثلاثين,,,,
ليالي يعني اذا قلت لك لاتملك على بنت خالتك ماراح تملك؟
سكت ثواني وناظر بالارض بعدها رفع راسه وقال اذا ماكنتي تبين ها الموضوع يصير فتاْكدي انه ماراح يصير!!!
مد يده على الطاولة علشان يمسك يدها بس هي سحبتها بسرعة قبل لايلمسها..
تنهد بقوة وقال لها بحسرة كنت اظنك انتي ياليالي!!!!لو كنت عارف انها بتكون غير وماراح تكون انتي ماتكلمت بالموضوع اساسا!! ابيك تصدقيني بها الشي...
ليالي ببرود وليش تبيني اصدقك!!!
جاسر بنرفزة لاني مااكذب عليك!!!هذا الصدق,,,انا فعلا يوم شفتك حسبتك وحدة من بنات خالتي لاني من زمان عنهم وماشفتهم ويوم شفت وحدة فيهم حطيت في بالي انها الثانية اكيد...
ليالي بسخرية أي وبعدين؟
جاسر بنرفزة اكبر انتي ليه مو مصدقتني!!!
ليالي وليه اصدقك اصلا!!!
جاسر وليه اكذب عليك؟
ليالي مدري...بس ليه تقولي الصدق بعد!!!تتوقع لك مصلحة؟
جاسر بكبرياء انا قلت لك اللي عندي وسواء كنتي بتصدقين ولالا فهذا الشي راجع لك؟
رجع الصمت يخيم عليهم من جديد وماقطعها الا صوت الجوال وهو يدق,,,,
ليالي هاذي عبير...
جاسر ...............
ليالي فيني ارد؟
جاسر أي اكيد.....
ليالي هلا عبير....اي....مدري بشوف جاسر وش يقول وبعدين بعطيكم خبر....
على كورنيش الدمام,,,
كانوا عبير وضاري يتمشون,,,,
عبير مشاءالله اذا لكم مصلحة وبغيتوا شي نشوفكم بسرعة؟
ضاري لاهاذي مو صحيحة عاد ياعبير...
عبير بلى...يعني لو ماكنت تبيني بها السالفة ماكنت شفتك؟
ضاري شدعوة انا اشوفك كل اسبوع...
عبير ضاري!!اقول ورى ماتسكت افضل لنا....متى تشوفني كل اسبوع وانا مااشوفك...
ضاري المهم اللحين هذا مو وقت عتاب.....شقلتي؟
عبير انت من وين تعرفها....
ضاري يمكن تكون طريقة تعارفنا غريبة شوي.....
عبير أي...
ضاري بس بالنهاية قلبي مال لها ياعبير....
عبير كل الشباب يقولون ها الكلام ياضاري؟
ضاري أي بس انتي تعرفيني مو مثل أي احد!!!انا ضاري واللي مايمشي مايمشي عندي لو شيصير؟
عبير كم عمرها؟
ضاري توها داخلة العشرين...
عبير من بنته...
ضاري وانا ليش مفاتحك بالسالفة ياعبير...علشان تعرفين ها الاشياء,,,
عبير طيب يعني انت ماتعرف عنها شي...
ضاري كل اللي اعرفه ماله دخل بالارتباط الرسمي...يعني سوالف من هنا وهنا.....
عبير طيب لنشوف وش سالفتها بعد ها الدانة؟
ضاري خذي رقمها عندك علشان تكلمينها..
عبير لا..
ضاري وقف مكانه ليش لا...
عبير مو حلوة تعطيني رقمها وانت مابعد قلت لها اني بكلمها..
ضاري أي بس...
عبير انت مو تقول ان الرقم لصاحبتها ياضاري....لازم تعطيها خبر بالاول وبعدها ادق عليها واكلمها....
محمد خلاص شلنا الشيلة ماباقي شي...
متعب بشرود أي...
محمد متعب..خير صاير معك شي...
متعب بتنهيدة لا..
محمد الاهل فيهم شي؟
متعب ان شاءاللله مايكون فيهم شي...للحين الامور مستقرة....
محمد اجل انت وش فيك؟منت على بعضك؟
متعب سكت ثواني بعدها قال شفتها يامحمد شفتها وعرفتها؟
محمد منهي؟
متعب ..................
محمد بذهول لاتقول البنت اللي تزوجت وتركتك؟
متعب بتنهيدة أي هي نفسها؟
محمد وين شفتها؟
متعب هناك بالشرقية؟
محمد صار بينكم كلام.....
متعب أي...
محمد أي...متعب انت بتتكلم بالقطارة؟قول شسالفتك؟
متعب ماتزوجت؟
محمد شلون يعني ماتزوجت؟
متعب يعني كذبت عليّ...ماكان في احد اصلا موجود؟
محمد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في محمع مارينا مول بالدمام,,,,
كانوا ام احمد وعبير وبسمة وتهاني واصايل هناك ودقوا على ليالي وجاسر اللي كانوا جايينهم بالطريق,,,,
اصايل وين نروح بالاول؟
ام احمد السواني...
تهاني باعتراض لا..
عبير وانتي دايما خالف تعرف مع امك؟
بسمة ماعمرهم اتفقوا على شي؟
اصايل انا لو منك ياعمتي كان اسوي الشي اللي هي ماتبيه!!
تهاني ههههه ظريفة..
اصايل أي ادري..منتي اول وحدة تقولين لي!!
ام احمد يالله اللحين بيبدون بمعاركهم اللي ماتنتهي...
عبير والله محد مرتاح من قعدة اصايل الا انتي ي اختي؟؟على الاقل خففت عنك كثير من حنة بنتك وتحملتها هي؟
اصايل أي والله انا ابتلشت وانتي ارتحتي ياعمتي؟
تهاني وش قصدكم بالله!!اني علة؟
ام احمد لامنتي علة بس تشيبين الراس....
بسمة ها ام احمد لاتغلطين على اختي علشان بنت اخوك؟
تهاني تعيش اختي القمر اللي تفهم مو مثل باقي الناس؟
عبير ها تهاني...مين باقي الناس اللي مايفهمون؟
تهاني انا ماحددت اسماء...بس في ناس انا زعلانة منهم ليش ان ضاري دق عليهم يبيهم بسالفة وبعدها طلعوه معه ورجعوا وماقالوا شنهي السالفة؟
ام احمد يامشين اللقافة يابنيتي!!!
تهاني تدرون فيني مااتحمل ماادري عن شي...لازم اعرف كل اللي قاعد يدور حولي!!!
اصايل ههههههههه
بالليل وبفندق شيراتوان الكويت,,,,
دخلوا بعد يوم طويل عاشوه مع بعض بروحهم وبدون أي منغصات من احد ..حتى هم نفسهم كانوا متصافين مع بعض والجو بينهم رايق ومافيه أي مشاحنات,,,,
نايف رمى نفسه على السرير بتعب وتسند على المخدات..وصبا راحت تبدل ثيابها وتغسل وتجي .....
غمض عيونه لثواني بعدها حس بحركة جنبه كانت بدلت ودخلت تنام بقربه...
مد يده وسحبها لحضنه ومااعترضت...
صار راسها على صدره...
نايف انبسطتي اليوم؟
صبا كثير...ياليت ها اليوم ينعاد يانايف؟
نايف بينعاد ياصبا..اكيد بينعاد...
صبا ......
نايف علامك ساكتة؟
صبا ماعندي شي اقوله؟
نايف بهمس باذنها قولي احبك....
صبا ...................
نايف بنفس الهمس قوليها.....
صبا بتلعثم نايف...سكر النور..
نايف ليه؟
صبا بربكة سكره...مو حلو الجو صاير لو تسكر النور بيكون افضل...
نايف مد يده وسكر النور مثل ماطلبت....
نايف وهو يلعب بشعرها ها...كذا الجو احلى؟
صبا بهمس أي....
نايف معناته بتقولينها؟
صبا تنهدت بقوة وبالها رايح لبعيد.....يعني مافي غير ها السياسة ياصبا بتمشي معها؟؟انتي بنفسك شفتي كيف لان وتغير....وانتي اللي جربتيه تحقرينه وتصدينه وتراددينه وتعاندينه.....قوليها له وخليه يخف عنك شوي من بلاه وعناده وقسوته...
نايف صعبة؟؟
صبا بعد ماانتبهت من سرحانها ها...شنو؟
نايف اقول صعبة مو قادرة تنطقينها؟
صبا مو عارفة اقولها؟
نايف حاولي...
صبا وش تبي فيها انت؟
نايف ابي اسمعها ولاانتي ناسية اني زوجك ولي حق اسمع اللي ابيه منك؟
صبا أي بس...يعني مااعرف اقولها شلون؟
نايف انا ابيها مثل ماهي ..قوليها وبس...
تنهدت صبا وقالت بهمس ماينسمع احبك...
بس الاكيد انه سمعها لانه قربها من حضنه اكثر وضمها بقوة اكبر....
عند طاولات المطاعم كانوا قاعدين تهاني واصايل وليالي مع بعض...
تهاني بسرعة قولي وش صار بينكم؟
اصايل شقلتوا؟
ليالي كم تدفعون؟
اصايل وتهاني ناظروا في بعض,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك