رواية قساة اضعفهم الحب -27
جاسر بعصبية وينها اللحين؟
متعب ماتبي تعرف وش تبي منك؟
جاسر ماابيك تكون بينا...انا ومرتي ونقدر نتكلم مع بعض؟
متعب أي بس هي دازتني لك...
جاسر معليش لو سمحت في كلام لازم يكون بينا....بروحنا!!!احنا بالاول وبالتالي عيال عم وازواج..ومانبي احد يتدخل بينا...لو سمحت؟
متعب خلني ادق لها اسالها عن رايها؟
جاسر بنفس العصبية غصبا عنها تقعد معي تسمع اللي عندي مو بكيفها؟
متعب وهو يناظره وحاط سماعة الجوال باذنه مااعتقد ان في شي يصير بالغصب؟؟؟؟
جاسر ....................
متعب ...هلا ليال......جاسر يبي يتكلم معك على انفراد...شقلتي؟
ضاري عندي اختين بس...
اصايل تمام...وكيف علاقتك باهلك؟
ضاري ممتازة...
اصايل احسدك...احلى شي الواحد يكونون عنده اهل يحبهم ويحبونا...
ضاري بيحبونك مثل مايحبوني لاتخافين؟
اصايل شنو...؟
ضاري طالما انهم يحبوني اكيد بيوم من الايام بيحبونك اذا عرفوا اني احبك......وبتشوفين عندك اهل غير عن اهلك وبتحسين بجو العائلة؟
اصايل ليش تقول هاا الحكي؟
ضاري تضايقتي؟
اصايل ماكملت سالفة نايف وصبا؟
ضاري هذا اكبر مجنون؟بذمتك واحد يتزوج وحدة علشان يكسر راسها وياْدبها؟
اصايل اخاف بس يحبها وطالع لكم بها الحجة؟
ضاري ومن قال لك اني مصدقه؟؟؟ادري انه غرقان فيها للنهاية بس مو قادر يعترف وقاعد يكابر على حاله....
اصايل انتوا غريبين فعلا.....
ضاري هم غريبين انا مو غريب.....
اصايل أي صح...انت غير عنهم حبيبي...
ضاري ومتى بنشوفك ياحلوة؟
اصايل مدري بس اكيد ها اليومين طالعة السوق علشان اخذ لي شوية ثياب علشان الكورس....
ضاري بعدين عاد مالك حجة بشوفك كل يوم وانتي طالعة من الكورس؟
اصايل ضاري انا بدوية ...ولاناسي ها الشي...يعني مو مثل بنات الشرقية عادي عندهم يطلعون ويلتقون؟يبى انا التقي فيك قدام كل الناس واحس ان ابوي بيطلع لي من بين الصفوف ويذبحني؟
ضاري هههههه ياحلو البداوة والله؟
اصايل ..........
ضاري اقول دانة.....ورى مااوصلك كل يوم الكورس واردك انا؟؟؟
انتي مو تقولين ماعندكم سايق بالبيت...اكيد بتتفقين مع سايق يوديك ويجيبك...خلاص انا اوديك وارجعك كل يوم..ها شقلتي!!!!
بفندق شيراتون الكويت...
نايف أي هنا مكانك الصحيح؟
صبا ...............
نايف انا طالع تبيني شي؟
صبا بذهول وبتتركني بروحي هنا؟
نايف وان شاءالله تبيني اقعد معك؟
صبا وان شاءالله تبي تروح لااهلك؟
نايف وانتي وش يخصك يابابا؟صبا لاتعطين نفسك اكبر من حجمك يابابا....
صبا باعتراض أي بس هم ماراح يضيعون..يعني مشاءالله جايبين معهم السواويق والشغالات بس انا بروحي؟
نايف لانك مو وجه نعمة؟
صبا ..................
نايف أي صح...اذا رديت خلك لابسة الفستان الوردي؟
صبا بصراخ بس هذا اللي شاطر فيه؟لبسي الثوب الاسود ولبسي الفستان الوردي...
نايف بعد رفعي صوتك؟
صبا ابي ارد لااهلي؟
نايف نامي واحلمي..
صبا طيب انا جوعانة ابي اكل شي...
نايف اذا رديت جبت لك شي تاكلينه؟
صبا ومتى بترد؟اذا عليهم هم مابتنتهي مشاويرهم؟
حقرها وطلع بعد ماشال معه بطاقة الباب..ولف لها أي صدق..ترى انا حاط لك واحد عند الباب علشان ماتطلعين...ومكلمهم مايعطونك خط لو بغيتي؟
صبا ............
نايف باحتقار حبيت اعطيك خبر علشان لاتتعبين نفسك وتسوين أي حركة من اللي في بالك؟
.
بفندق التوليب ان بالخبر....
وتحديدا بالكافي.....
كان جاسر قاعد على نار ينتظرها تنزل وعيونه على الباب....
لين دخلت هي ومتعب...
كانت كاشفة وجهها ومكحلة عيونها وصايرة اجمل من كل مرة يشوفها فيها...
اول ماشافتها عينه وقف.....
يوم شافته لفت لمتعب تاخذ منه كم نظرة تشجيع وبعدها تقدمت لطاولة جاسر ومتعب جلس بعيد عنهم.....
جاسر تفضلي...
جلست بدون ماترد عليه؟
ليالي قلت لمتعب يوصلك كلام و
قاطعها جاسر ممكن تهدين شوي ...شتشربين؟
ليالي انا مو جاية اشرب...جاية انهي اللي بينا؟
جاسر بخوف وش تقصدين بكلمة انهي يعني؟؟؟
ليالي ليش هو ماقال لك اللي ابيه شنو؟
جاسر لا...انا كنت ابي اتكلم معك بروحنا؟
ليالي طيب....يعني تبيني انا اقولك لك وش ابي؟
جاسر وهو يناظرها كان حاس بالارتباك....
ليالي بدون مقدمات ياجاسر...ابي الطلاق...ابي حريتي!!!
جاسر بصدمة شنو؟؟؟
ليالي تدل بيت ابوي وتعرف عنوانه...ماتفرق عندي وش تبي تسوي من خطوات...بتطلقني هنا ولا بتردني وبتطلقني بوسط بيت ابوي...انا مرتبة اموري على أي حالة ماتفرق السالفة عندي باي شي...
جاسر وهو بعده مصدوم لحظة لحظو...انتي وش تقولين؟
ليالي وهي توقف سمعتني......ابي حريتي......طلقني ياولد عمي ومابنسى لك ها الجميل طول عمري؟
بنتظار توقعاتكم وتعليقكم,,,,
البارت الخامس والثلاثين,,,,
جاسر انتظري شوي...مابعد خلصنا؟
ليالي ليه شباقي بعد ياجاسر؟
جاسر اعتقد من حقي اتكلم وادافع عن نفسي عن اللي صار ومن حقي تسمعيني!!
ليالي انت ماتكلمت ياجاسر وانا قلت لك لا؟
جاسر طيب اجلسي كيف بتسمعيني وانتي واقفة؟
رجعت جلست بكرسيها قباله والتقت العيون في بعض ...
جاسر بتلعثم يعني...مالك حق تلوميني بللي صار؟
ليالي ...................
جاسر تنهد انا رجال شرقي ...كيف تبيني ادخل بيتي والاقي رجال مااعرفه معك وانتي مرتي!!!!
ليالي ...............
جاسر بنفاذ صبر قولي شي؟
ليالي بلا مبالاة باي خصوص؟
جاسر بخصوص السالفة طبعا!!!
ليالي حقك ومحد يلومك ...بس البشر قبل لاتتخذ أي خطوة تسال...عموما شرفك ومحد يلومك فيه؟
تنهد بارتياح وقال يعني مصدقتني اني ماكنت قاصد او متعمد...
ليالي أي طبعا....بس هذا مايعني اني غيرت راي بسالفة الطلاق انا بنتظره منك ياجاسر؟؟؟؟؟
اصايل بارتباك لاياضاري....
ضاري ليه لا....
اصايل يعني مقدر.....وبعدين اهلي هم اللي بيجيبون لي سايق على كيفهم كيف انا اروح واعرض عليهم سايق بنفسي تبينهم يذبحوني!!!
ضاري ........مع اني توقعتك تفرحين اذا صرت انا اخذك واردك؟
اصايل باستهزاء مافهمه ضاري منى عيني ياضاري توديني وتجيبني بنفسك واكون معك بكل اللحظات بس الظروف؟؟؟
ضاري قوليها ثاني..
اصايل وش اللي اقولها؟
ضاري الكلمة اللي قلتيها من كل قلبك......
اصايل بتنهيدة سخرية بعد مافهمها ضاري اكيد قلتها من قلبي ومن اعماقي ليش انت للحين شاك بصدقها!!
ضاري باستسلام لا....
اصايل حلو...
ضاري شلون يعني...
اصايل لا...بس اقول مدام انك مصدق اني احبك من كل قلبي يعني في امل علاقتنا تتطور اكثر...
ضاري لاتخافين علاقتنا بتوصل العلالي.....دانة انا بديت اميل لك صراحة؟
اصايل بفرح صدق!!!
ضاري شكلها حتى هاذي طالعة من قلب؟؟؟
اصايل بارتباك أي مو لاني ماتوقعتك تلتفت ناحيتي ابدا!!!!
ضاري ليش ماكنتي واثقة بانك قادرة توصلين مشاعرك؟
اصايل المشكلة ماكانت بمشاعري...المشكلة فيك ياضاري!!!يعني انت مغرور لدرجة ماممكن تتقبل فيها حبي اذا عرضته عليك؟
ابو جاسر علامك ياحرمة قالبة وجهك وقاعدة؟
ام جاسر ولدك؟
ابو جاسر أي ولد فيهم؟
ام جاسر بنرفزة يعني أي ولد بيكون؟اكيد جاسر؟
ابو جاسر باهتمام شفيه؟
ام جاسر يعني منت شايف حالته كيف صايرة بها اليومين؟
ابو جاسر يابنت الحلال قال لك عنده ضغوط شغل ...تبينه قاعد ومرتاح طول الوقت؟
ام جاسر انا اقصد سالفة العرس؟
ابو جاسر شفيها سالفة العرس قال لك اصبري شوي...
ام جاسر مو هذا اللي ذابحني اول ماقال لي السالفة كان بيطير من الفرحة والوناسة ومو عارف شيسوي وكل شوي ونط لي روحي كلمي خالتي وروحي كلمي خالتي واذا هو برى البيت يتصل يشوف وش قلنا...وها اليومين يامبرده....ويوم كلمته قال لي اوقفي شوي عن السالفة....
ابو جاسر طيب....
ام جاسر جاسر فيه شي ماهو خالي....حتى خالته سالتني عنه وانا ماعرفت شقول لها؟
ابو جاسر ياام جاسر الله يهداك كل اللي صار وانقال كلام بس مابعد صار شي رسمي لحد اللحين وهو وقف علشان تعورين راسك بالهذرة هاذي...
ام جاسر اقولك اختي وولدي تقولي لاتعوري راسك؟
ابو جاسر أي بس بعد جاسر ماوقف سالفة الخطوبة علشان تشيلين هم....قال انتظري شوي يمكن ظروف عمله ولاعنده سالفة مضايقته بعد احنا ماندري عنه نروح نظلمه....
ام جاسر والله ماادري يابو جاسر بس انا قلبي مو مطمني ابدا مدري ليه؟؟؟؟
في بيت ام احمد...
ام احمد عاد انت ترضاها يامتعب يايمه تخليهم بالفندق وبيتي مفتوح...
متعب ياعمتي الله يخليك لاتزعلين نفسك ترى السالفة ماتسوى..
ام احمد بلى تسوى يامتعب......
ليالي عمتي خلاص هذا احنا جينا لك وبنغثك يعني وين بنروح؟
ام احمد انا زعلانة عليك يامتعب يايمه يعني معقولة تروحون وتطلعون ولاتعطوني خبر؟
متعب ماعليه ياعمتي بس صارت السالفة بسرعة وليال كانت متضايقة ...
ام احمد ليال يمه شصار بينكم؟
ليالي تنهدت سوء فهم ....
متعب انا ماشي اللحين وبترككم على راحتكم....
ام احمد يمه اقعد شفيك..
متعب لا ياام احمد انا رايح الرياض بخلص باقي اشغالي علشان النقل....
ام احمد ولقيت لك مكان ولاناوي تقعد لي بها الفنادق؟
متعب والله انا موصي واحد يشوف لي بيت صغيرون على قدنا...
ام احمد على قدنا!!!من تقصد بها الكلمة؟
متعب تفاهموا انتوا وعمتكم وانا ماشي...
ام احمد يامتعب يايمه ترى البيت بيتك ومفتوح لك بكل وقت لاتعد نفسك غريب...
متعب ماتقصرين ياعمتي......مع السلامة
ام احمد تعالي هنا وقولي لي شسالفة؟
ليالي ابتسمت أي سالفة ياعمتي؟
ام احمد وش سالفة بيت ...من يقصد؟
ليال يقصد ان احنا بنكون وياه؟
ام احمد لو قلتي اصايل قلت ماعليه بس انتي ليه طلعتي من البيت؟وتقولينها وكاْنك مالك نية تردين؟
ليالي عمتي...انا قعدت مع جاسر وتكلمنا...الطريق اللي بينا مسدود ولايمكن ينفتح...الخيار الافضل والانسب ان احنا نفترق....وبعدين هو بيتزوج وبيكون اسرة عمى قريب وانا طلبت منه الطلاق...
ام احمد لايايمه لا...ليه تعجلتي كذا!!وش سوى علشان تطلبين منه ها الشي؟
ليالي قلت لك انا ماهمني اللي سواه....هذي حصيلة تراكم المواقف بيني وبين جاسر ياعمتي.....
ام احمد الله يخزيك ياشيطان.....
ليالي عمتي انا مو زعلانة بالعكس مرتاحة حييل حاسة اني بعيش من جديد بعيدا عن ذاك البيت...
تهاني هذي الوناسة والله بتقعدون عندنا....
اصايل أي لاتفرحين كثير ترى اسبوع وبيرد متعب...
تهاني أي بس مابعد اشترى البيت ولااثثه يعني قاعدين قاعدين...ياسلااااام..
اصايل يعني اللي يسمعك يقول مانشوف بعض ابدا؟
تهاني نسيت اقولك ترى سجلت معك بنفس الكورس؟
اصايل قولي والله!!!
تهاني بخبث اخاف منك وش تسوين مع ضويري...
اصايل شوف اللي ماتستحي...انا وضويري عاد!!!ماشفتي غيره؟
تهاني انا ادري...مسوية روحك منتي طايقته؟
اصايل ليه..ان شاءالله مفكرتني بموت فيه؟
تهاني انتي قولي الصدق...
اصايل يابنت الناس انا ماكرهت احد بالعالم كثر كرهي له....بس الله يصبرني للنهاية...
تهاني مو تقولين تعلق...
اصايل تعلق بس باقي ابيه يمشي ويحلف باسمي!!
تهاني واااااو ياخطير!!!
اصايل بقهر ماسمعتي كلامه ليلة البارح وش قال عني وكيف اهاني!!رجع لي حقدي عليه بقوة اكبر ياتهاني؟
تهاني ..............
اصايل ابتسمت بس تصدقين اليوم حسيت بشعور من الرضا...يوم عرض عليّ ياخذني للكورس ويردني منه ولو مامسكت لساني كان قلت له انت ماتسوى عندي سايق ياضاري...
تهاني زين انك مااستعجلتي؟
اصايل ههه وش ها الدنيا هاذي....صدق غريبة...
تهاني اصايل...
اصايل خير...
تهاني في وحدة تبي تشوفك...عازمتني انا وانتي وليالي عندها بالبيت؟
اصايل منهي؟
تهاني من تتوقعين؟
اصايل مدري ولافيني اتوقع حتى....
تهاني رانيا بنت خالي...
اصايل اخت ضاري!!!!!
رفع جواله اكثر من عشرين الف مرة بذيك الساعة....
ماهو قاوي يكلمها ,,,ولاهو عارف اذا كلمها شيقول لها,,,,
ولاهو قادر يسمع صوتها من الاساس ويسمع منها أي عذر؟؟؟
معقولة ياتون كنتي تكذبين عليّ!!!!
طيب ليه ؟؟وش اللي خلاك تكذبين عليّ ,,ابي افهم بس وش اللي كان يدور حولي.....وليه خدعتيني؟
تنهد بقوة وضغط على نفسه ورفع جواله ودق عليها...
لازم يعرف الاسباب...مايبي يظلمها ولايظلم نفسه...لازم يعطيها فرصة تتكلم لو كانت تبي تقول شي قبل لايعلن كرهه النهائي لها؟
ردت بصوت راجف الو...
متعب بهدوء مرحبا...
هتون هلا....
متعب عندك وقت نتكلم؟
هتون .............
متعب سالتك عندك وقت نتكلم؟
هتون يعتمد على الكلام اللي بنتكلم فيه؟
متعب انتي عارفة؟
هتون بكبرياء لاماني عارفة؟
متعب لاتطولينها معي وهي قصيرة ياهتون؟
هتون أي بس انا صدق مو عارفة شقول لك لاني مدري انت تبي تتكلم عن شنو؟
متعب هتون...انتي عارفة وانا عارف...
هتون بلامبالاة جاسر مايعرفك وطبيعية ردة فعله الا اذا انت كنت بترد البيت وبتلاقي مرتك مع واحد ثاني ومابتحرك ساكن ولابتجي تسال فهذا شي ثاني؟
متعب بنرفزة يصطفل جاسر باي نار انشاءالله تحرقه انا مايهمني!!!انتي عارفة انا وش ابي اعرف؟
هتون .......................
متعب بحرقة ليه كذبتي عليّ!!!
هتون انا ماكذبت عليك,,
متعب بعصبية ومصرة بعد!!!
هتون بشنو كذبت عليك بالله!!!ولا الاخت متضايقة ليش انها طلعت برى البيت وقامت تاْلف قصص من بالها؟
متعب بصدمة ليالي!!!
هتون ليه في غيرها ممكن يقول لك شي ماصار وتصدقه؟
متعب ...................
هتون قلت لك ماكذبت عليك واللي بينا لازال موجود بقلبي...انا مدري وش قالت لك ليالي بس انت عارف اكيد.....
معليش انا مشغولة اللحين بدق لك بالليل علشان نتفاهم؟
باخر الليل...
نايف وانت شسويت؟
جاسر بتنهيدة ولاشي...ماعطتني فرصة اتكلم قالت اللي تبيه ومشت؟
نايف وانت بتطلقها؟
جاسر جنيت انت اطلقها؟؟؟؟
نايف أي بس هاذي القروية اللي ماهي عاجبتك ياجاسر ولاتقدر تسمع طاريها؟
جاسر بتنهيدة وحسرة كذبوا بوصفها يانايف وانا صدقتهم!!!مو معقولة....والله ماهو معقول...قلبي من شافها تعلق فيها....بالنهاية تطلع مرتي وانا مو داري عنها؟؟أي قدر هذا اللي يتلاعب فيني أي قدر؟
نايف انت مو تقول مرتك؟
جاسر شتقصد؟
نايف يعني ترجع البيت غصبا عنها؟
جاسر مافي شي جابرها حتى ابوها هي بنفسها قالت لي انت تدل عنوانها واذا ماتدله انا بدليك فيه ووين ماتبي ترمي عليّ الطلاق انا جاهزة؟يعني لاعمي ولاغير عمي ماْثر فيها؟
نايف معناته لازم نمسك لها طرف ثاني...
جاسر نايف انا ماابي اعقد الامور معها اكثر...ابيها تصفى ليال ماشكلها تجي بالعناد وقوة الباس مثل اللي عندك؟الا صدق شخبارها؟
نايف منهي؟
جاسر ليش في غيرها ها الايام!!!اقصد صبا؟
نايف وقف عن المشي وقال بذهول صبا!!!!
جاسر شفيك؟
نايف ذكرتني فيها انا من الصباح راميها بالفندق ولاادري عنها؟؟؟؟
جاسر ليه ماخذها معك اذا بترميها من الصباح الى الفجر ومابتسال فيها؟؟؟اسلوب تعذيبي جديد؟
نايف شوف انا بروح اخذ لها شي تاكله وبروح لها الفندق بعدين ادق لك ,,,
تهاني افرح ياعم بلاش الكشرة دي كلها؟
ليالي ومن قال لك اني مكشرة..انا فرحانة..
تهاني اجل قعدتي مع جويسر وتكلمتوا؟
ليالي أي...
تهاني ايوه...وانطباعتك عنه شنو؟
ليالي أي انطباعات أي خرابيط؟
تهاني لاتكذبين...جويسر شخصية اعرفه انا!!
ليالي أي بس انا مااشوفه شخصية؟
تهاني بصدمة ول؟؟؟
ليالي يعني لازم اكذب واقولك انه شخصية ؟انا اشوفه عادي واقل من عادي؟
تهاني ليش هذا كله؟
ليالي تنهدت لانه بداخلي شي كبير متحامل عليه...فبيظل بعيوني مجرد شخص عادي ومايميزه أي شي؟
تهاني ستي يصطفل هو واهله وخواته وخالته وبناتها زين؟
ليالي ان شاءالله؟كلهم بيوم واحد؟
تهاني هههه عجبتيني...
ليالي وهي تضحك تبين تضحكين اكثر...معهم خالتي ام عبدالله ان شاءالله؟
تهاني ههههههههه
ليالي هههههه
تهاني ليش تسمونها خالتي؟
ليالي يابعدي...هذا اذا سوت روحها قدام ابوي هي الحنونة ماترضى اذا ماتنادوني خالتي ازعل منكم بعدين؟وجرت بلسنتنا مانناديها الاخالتي وتعودنا على ها الكلمة....
تهاني اشتقتي لذاك البيت والى خواتك الصغار؟
ليالي تبين الصدق لا....ماكانت تربطنا بيهم أي علاقة رغم ان احنا ساكنين مع بعض كنا دايم نشتغل بالبيت ونجهز الاكل ومانشوفهم الا وقت الوجبة وبعدها مانشوفهم لانهم يكونون بحمياة امهم اللي ماترضى يخالطونا.....
تهاني يابنت الناس هم الخسرانين......وبعد سوالفك؟
ليالي في بالي مشروع اذا صاب......
تهاني بلقافة شنو؟
ليالي لا مقدر اقولك انا بعدني ادرسه بيني وبين نفسي.....
تهاني تكفين تكفين قولي لي....
ليالي لاتحاولين...
تهاني لو اصايل قلتي لها؟
ليالي لااصايل ولامتعب ماقلت لااحد فيهم صدقيني..توها الفكرة واردة براسي وقاعدة ادرسها,,,,
ريم وليش عزمتيهم؟
رانيا علامك انتي!!
ريم انتي تعرفين لو امي تدري بتاخذ روحك بعد ليش ها الحركات؟
رانيا عزمتهم بيوم الجمعة امي ماتكون موجودة تكون في بيت جدي من الصبح لليل...
ريم وانتي حضرتك مابتروحين بيت جدي؟
رانيا اذا اسبوع اعتذرت مافيها شي؟
ريم أي بس امي مابترضى؟
رانيا اذا قلت لها ان في بنات بيمروني وبس يطلعون بخلي السايق يجيبني مابتقول شي..
ريم اصطفلي...بس اذا درت من هم انا مالي شغل؟
رانيا مو هذا اللي شاغل بالي اللحين؟
ريم وش اللي شاغلك بالله؟
رانيا ضاري..
ريم ضاري؟؟؟ليه؟؟
رانيا كيف اخليه يجي البيت وقت اللي بتكون اصايل موجودة؟
ريم انتي من صدقك تبين تعرفينهم على بعض؟
رانيا بحماس أي...وخل دانته تولي...بنت عمي اولى منها؟
ريم لاتعليق؟؟؟
رانيا بصدمة وانكسار ولو اني مو ضامنة جيتها لبيتنا ابدا!!!
ريم هههه والله حالة اجل وش له قاعدة تخططين يابنت العالم وانتي مو ضامنة الطرفين؟
رانيا أي شسوي...على الاقل احاول بلا مااتندم بعدين؟
ريم اقول نامي واحلمي على قدك يابابا....
رانيا لاتحبطيني انتي بعد؟؟؟
دخل الفندق باخر الليل وبالتحديد غرفتهم....جالت عيونه بالغرفة بارتباك تدورها ...
وطاحت عيونه على عيونها اللي كانت تناظر فيه بنظرات غضب قوية...
تقدم بخطوات مرتبكة وقال بدون مايناظرها وهو يحط العشى اللي جابه لها على الطاولة جبت لك شي تاكلينه...
وقفت وقالت بعصبية انا ماني كلبة عندك يانايف تتفضل عليّ؟؟؟يتراواللي الساعة اللحين داخلة على الثنتين ونص وانا هنا مرمية من الصبح؟؟؟
نايف ................
صبا تخصرت وقالت بصوت اعلى وش اللي ذكرك فيني عاد!!
ناايف مسوي انه لامبالي تعالي اكلي وخلي هواشك لبعيدن...يالله عن الهذرة الزايدة...
صبا بعصبية ماابي..اكله بروحك...انا شبعت ...شبعت قهر منك....انت فعلا انسان بلا ضمير؟
نايف صبا...
صبا ماردت عليه وراحت الفراش ودخلت فيه وهي تمسح موعها...وبعد ثواني كان نايف جنبها....
نايف بهمس قومي كلي لك شي يالله بلادلع؟؟؟
صبا باستنكار وهي تلف ناحيته دلع؟؟؟؟هذا اللي طلع معك؟؟
نايف وهو يحاول يمسك ذراعها اللي مباعدتها عنه صبا...يالله قومي
صبا وهي ترفع عليها الغطاء مو رايحة الا لجهنم اذا قمت عجبك عجبك ماعجبك بكيفك تراك ماتعنيلي أي شي؟
نايف وهو ماسك نفسه قومي ياصبا لاتخليني اجي ااكلك غصبا عنك بيدي؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك