رواية قساة اضعفهم الحب -25
التلفون بس!!!
تهاني دقي بس وشوفي لك فرصة معه خلنا نشوف النار بتحرق منو فيكم بالنهاية؟
اصايل طبعا هو!!!
تهاني يالله ادعيلي...
اصايل اللي يسمعك يقول قاصرة احد يدعيلك؟
بمجمع سوق شرق بالكويت....
كان نايف يمشي مع امه جماعتها وعيونه على اللي تتمشى جنبهم واللي عاطيها الف وصية انها ماتروح ولاتجي الا بالدرب اللي هم ماشين فيه....
ام نايف اقول يمه علامك منت معنا؟
نايف بارتباك انا!!!!
ام نايف أي انت!!صار لي ساعة اكلمك وانت ماغير مبحلق لي بها البنات ولاماعندنا بنات بالسعودية؟؟؟؟؟
نايف لايمه مو كذا!!!
خالته قايلين لك زوجيه لمتى بعد عزابي ومو شايل هم شي؟
نايف خالتي لاتشيلينها عليّ!!!
ام نايف انا مو ناقصة احد يشيلني عليك...اصلا ابوك موصيني اول مانرد من الكويت اني اخطب لك..يقول سهراتك زايدة وماتجي الشركة الا متاْخر وحط وشال عليك؟
نايف هذا وانا شايل عنه كل الشغل ابو نايف يذم فيني من وراي على ها الكم يوم اللي تاْخرنا فيهم!!!!
ام نايف خلونا ندخل ها المحل قبل لاننزل السوبرماركت؟
نايف اجل انا بنتظركم هنا مو واجع حالي معكم...
دخلوا كلهم وراح وقف ورى صبا وقال بهمس دخلي معهم....
صبا بعناد مو داخلة المكان اصلا يفشل؟
نايف نعم!!!!
صبا مو داخلة؟
نايف صبا لاتعصبيني ودخلي....
صبا نايف...منهي فيهم امك؟
نايف وش تبين انتي باامي؟
صبا هاذي اللي شنطتها كحلية؟
نايف مالك شغل؟
صبا وش رايك اروح اشتكي عليك عندها وافضحك ونخلص من ها السالفة؟
نايف وهو يرفع جواله عادي لان بتلفون واحد بعد مني برمي اخوك بالسجن وبشلع اهلك من البيت وانتي بتبقين على حالك لابتطاليهم ولابيدرون عنك بشي؟
رمت عليه نظرة غضب...
نايف علشان تتاءدبين وتثمنين كلام ...يالله دخلي قدامي بسرعة؟
صبا بتاْْفف زين لكن بتشوف.....اذا ماشيبتك وتبت انك اخذتني؟
نايف وش دعوة انا مااعلنت توبتي للحين؟
بملحق ليالي...
عبير يعني سوتها وراحت المدرسة مع تهانيوا؟
ليالي ها البنت ماتقعد بالبيت دقيقة وحدة ياعبير...اللي يشوفها يقول انها كانت ملكة بديرة ابوها؟
عبير هههههه خليها يابنت الناس تتونس لاحقة على الهم وضيقة الخلق؟
ليالي بس اصايل بزيادة السالفة عندها...
عبير متى بتبدي دراستها؟
ليالي يوم السبت الجاي....
عبير طيب كيف بتدرس صباح ولاعصر...
ليالي لا بتدرس العصر تقول مالها خلق تقوم من الصبح....
عبير شسويتي بفلوسك انتي وياها؟
ليالي على حطة يدك قاعدين....
عبير شغليهم...
ليالي انا ماافهم بها السوالف...
عبير طيب انتي ماتبين تدرسين مثل اختك؟
ليالي ..................
عبير شنو؟
ليالي انا ابي ارجع عند اهلي ...ابي ارجع بيت ابوي ياعبير ماابي اكمل هنا؟
عبير طيب ليه؟
ليالي ..............
عبير ام عادل ولاام جاسر؟
ليالي لا.....
عبير ليالي صارحيني....من متعرض لك؟
ليالي محد بس ابي ارد خلاص....الرجال بيتزوج وانا ماابي اضل طول عمري قاعدة بها الملحق ياعبير؟خلني اخدم ابوي بقية عمري اسمه فيه ابوي.....
عبير شها الحكي بس ياليالي؟
ليالي انا حاسة اني قاعدة اختنق كل ساعة بها البيت ياعبير...
عبير انا ادري انهم ماقصروا معك بس صدقيني
قاطعتها ليالي عبير....ليش جدي يكره ابوي؟
عبير .............اخوي الله يهداه...
ليالي ادري ان ابوي هو السبب بس وش سوى؟
عبير هو اللي طالب ان جدك يقسم حلاله بينا وهو عايش....
ليالي وجدي ليش طاعه؟
عبير مو لانه قوم الدنيا وقعدها وقال انه محتاج وظروفه صعبة ومابيقبل أي مساعدة غير ورثه ..حتى البيت اللي كان لجدك باعه ابوك وقال انه جدك بيضل بينهم هم الثلاثة وبعدها عطى اخوانه حصة اكثر من حصته علشان يتحملون هم ابوهم وهو يرفع ايده من السالفة...تتوقعين انه بيحبه؟
ليالي اه يبى اه....تصدقين ماعمري حسيت ان ابوي عنده فلوس ولاخير...ماهو متغير من حاله شي ابدا!!!
عبير مدري لمنو قاعد يجمع بها الفلوس اللي ماراح تروح معه بااخرته....يابنت كل الناس فاهمين وهو فاهم بس الضمير ومايسوي ,,,تعالي روعة وينها؟
ليالي أي صدق مالها صوت...خل نشوفها لاتسوي فيني شي مو قاصرينها بعد ها الصغيرونة؟
ضاري نعم...
اصايل وقلبها واقف الو...
ضاري دقق بالصوت وعرفهاوقال بلهفة هلا,,
اصايل بتردد مشغول؟
ضاري كنت انتظرك تتصلين من زمان؟
اصايل ليه!!!
ضاري ها.....لا بس انتي قلتي بتكلمين...
اصايل وهي تبتسم أي....مثل منت عارف على التلفون وقت مايتواجد معي!!
ضاري هذا تلفون منو؟
اصايل صاحبتي...
ضاري طيب انا ماخذ لك تلفون علشان نكلم بعض فيه....
اصايل أي....
ضاري يعني وين بشوفك علشان اعطيك اياه؟
اصايل ومن قال لك اني بقبل اخذه منك ياضاري؟
ضاري وليش ماتاخذينه؟
اصايل احبك أي...بس اني اخذ منك أي شي لاوالف لا..
ضاري بنرفزة وكيف بقدر اكلمك بالله اذا ماعندك تلفون نتواصل من خلاله؟
اصايل شسوي بعد بظروفي؟
ضاري يوم ان ظروفك كذا خلاص وافقي وخذيه...محد بيشوفه معك خبيه زين؟
اصايل ماهي مسالة احد يشوفه ولالا؟انا قادرة اطلع لي واحد واخبيه ومحد يدري عنه بس المسالة نفسية....انا ماابي اسوي ها الشي ...
ضاري وكيف بالله تبينا نسولف مع بعض؟
اصايل كل ماصارت لنا ظروف وقدرنا نكلم بعض؟
ضاري بتشكيك انتي متاْكدة تحبيني؟؟
اصايل باندفاع ودفاع وانت شاك ياضاري ياعمري...
ضاري مدري....بس خبري اللي يحب يموت على ما يسمع صوت حبيبه؟؟
اصايل وانت طبعا شاك اني ابي اسمع صوتك؟
ضاري ظليت افكر فيك من يوم اللي رحتي الراشد ورحت هناك بس مالقيتك يادانة؟يعني حتى الليل لمى تطرين على بالي مدري شسوي...فاهمتني؟
اصايل بتمثيل انها فرحانة يعني افهم من كلامك انك بديت تحطني في بالك؟
ضاري ..........
اصايل تصدق حتى سكوتك ريحني؟
ضاري متى بشوفك مرة ثانية؟
اصايل انا اللحين مقدر لاني باخذ لي دورة كمبيوتر ودورة لغة انتظر عليّ شوي...
ضاري حلو ,,ووين بتاخذينها؟
اصايل يهمك تعرف؟
ضاري طبعا....
ام عادل يعطيك العافية يمه...
جاسر الله يعافيك ياخالتي...
ام جاسر احط لك الغذى يمه...
ام عادل بكرة يتزوح وترتاحين منه ومن خدمته
ابتسم لها جاسر قالت لك امي..
ام عادل وش دعوة ياجاسر يمه....صدقني لو هي ذبيحة ماعشتك...انت بس لو قلت لي سحبتها وعطيتك اياها بدون ماتكمل كلمتك؟
جاسر تسلمين ياخالتي...
ام جاسر عاد احنا وين بنلاقي احلى من حنان؟
جاسر على قولتك يمه...
ام عادل أي تراها غالية ومدللة...
جاسر وبعد!!
ام عادل وحساسة مرة...
جاسر أي يبين عليها...
ام عادل دير بالك عليها ولاتزعلها ياجاسر؟
جاسر بعيوني ياخالتي مايحتاج توصيني....
ام جاسر لا يمه..لازم تسمع كلام خالتك هي ادرىببنتها منك واسمع اللي يضايقها ولاتقربه.....
جاسر وانا اقوى اضايقها عاد ياام جاسر؟
جت من وراه وهو يناظر بالبضاعة اللي قدامه
صبا بهمس عادي اشتريلي اكل واغراض ابيها؟
قال لها بدون مايلف وانا ليش عاطيك فلوس بالله!!!
صبا بدلع مدري..اخاف اسوي شي انت مو راضي عنه بعدين تزعل عليّ وانا مااتحمل زعلك لحظة؟
غمض عيونه وقال بهمس صبا....
صبا بنفس الهمس أي حبيبي...
نايف بذبحك,,,,
صبا حلالك......
لف لها...وغمزت له بعيونها....وناظر بحوالينه وحمد ربه ان ماحد من جماعته قريب منهم...
نايف بتاءنيب لشنو ها الحكي اللحين بالله ماتقولين لي!!!
صبا بنفس الدلع يعني مايصير اقول لك ها الحكي ياعمري؟
نايف وهو ماسك نفسه عندك الفندق بنشوف اذا رجعنا ولاالسالفة بس عناد؟
صبا لا بالفندق انا استحي!!مقدر اكون معك بروحنا!!!
نايف ياسلاااااام!!ولسانك مايقطر عسل الا وسط الناس..؟
صبا خلاص مو قايلة لك شي...
مسك ذراعها قبل لاتمشي من وراه...
نايف بهمس بنشوف الليلة بالفندق وش تقولين؟
صبا بلامبالاة خلاص انت مابغيت مني شي هنا!!!تحطمت نفسيتي ومقدر اقول أي شي؟؟؟؟
نايف شوف بنت ال..
صبا اششششششش خلاص يالله امشي من هنا في وحدة يمكن انها امك جاية صوبنا؟
نايف وهو يفتح عيونه على وسعها وانا اللي امشي مو انتي!!!
صبا طبعا!!يالله الحق على نفسك وامشي لاتمشكل نفسك....
ابو عبدالله هقوتك البنات يشوفون بعض؟
ام عبدالله مايبيلها كلام!!!اصلا عماتها ماخلوها عندهم الا علشان اختها المقرودة؟
ابو عبدالله .............
ام عبدالله ..............
ابو عبدالله يعني تتوقعين جاسر راضي يشوفون بعض ولا غصبا عليه؟
ام عبدالله والله عاد مدام خواتك بالسالفة محد يقدر عليهم...
ابو عبدالله ..............
ام عبدالله خلنا بعيدين عنهم وصفي لنا الجو كم يوم من سيرتهم...بناتك ينخاف منهم ماينخاف عليهم؟
ابو عبدالله يمكن اصايل بس ليالي مااعتقد....
ام عبدالله هذا لانك ماتعرفها النسرة ولاتشوف سوالفها معي!!
ابو عبدالله ليالي؟
ا م عبدالله أي ومن غيرها....انا بس كنت اداري عنك سوالفها لاتضايق نفسك ولاهي يمه منها ...
ابو عبدالله الله يستر منها اجل...لاتفشلني قدام ولد اخوي ويردها لي من جديد؟
ام عبدالله مانبيها حتى اذا ردها ياعيوني؟بضاعته وشراها ويصطفل وياها وش ماسوت احنا مالنا شغل؟
ثامر انتي شتسوين هنا؟
شمايل مالك شغل؟
ثامر مسوية حراسة على ليالي؟
شمايل أي.....كانت الصباح عندها عمتي عبير ...بس اختها مابينت....ابي اشوف وش يسوون ووين يروحون؟
ثامر اممم
شمايل انت ماشفتها مرة طالعة ولاداخلة ولا...
ثامر انا مااشوف الا عماتي يجونها وبس!!!!
شمايل زين انقلع عني خلني اراقب بهدوء....
ثامر مالت على الاخلاق الشينة بس!!!
شمايل روح لاادفنك قال مدري شنو؟
*****
بالمطبخ,,,,
كانوا جاسر وهتون بس واقفين مع بعض....
هي فكرها الشارد بمتعب اللي بيجي لليالي باي لحظة وبصده لها ....
وجاسر بتفكيره بليالي اللي مو داري انها مرته وحلاله وخاطب غيرها.....
جاسر اقول هتون...البنت من درت اني خاطبها ماهي مبينة؟
هتون بلامبالاة وش تبي فيها عاد بتشبع منها بعدين؟
جاسر بنرفزة انتي ليش كذا اخلاقك شينة؟
هتون طالعة على اهلي !!يعني لمنو بكون طالعة ؟
جاسر فينا نقعد مع بعض صح؟
هتون فيكم...
جاسر طيب روحي ناديها قولي لها جاسر يبي يكلمك؟
هتون قول لشمايل انا مالي خلقها كثير...
جاسر بصرامة حطيها على بالك زين تراها مرتي واحترامها مثل احترامي!!!
هتون ترى انا للحين شاكة في سالفة حنان ياجاسر؟احسها بتجيب لك مصيبة؟
جاسر اوووف منك...تدرين انك تمللين؟
دخلت شمايل المطبخ وهي تشاهق وشكلها جاية ركض...
جاسر جيتي بوقتك...روحي..
قاطعته وهي تلهث الحق....
جاسر على شنو؟
شمايل على مرتك اللي مسوية روحها شريف مكة؟
جاسر بنرفزة شمسوية بعدّّ
شمايل شرفك ياجاسر شرفك؟؟؟تصور انها مدخلة رجال غريب عندها وبنص النهار!!!هاذي عدمها الحيا ياخوي؟
طاح الكاس من يدها وطلع الشرار من عيونه وقال بعصبية انتي متاْكدة؟؟؟
شمايل شفتها بعيوني وهي فاتحة باب الملحق له وبعدها دخل وراها وجايب لها اغراض بعد!!!
ماانتظر يسمع اكثر اخذ بعضه وراح لملحق ليالي وهو مايشوف اللي قدامه....
وحدها كانت بمكانها وتوها بتستوعب السالفة,,
ليالي ورجال غريب وجايب لها اغراض؟؟؟مستحيل؟؟ظ
لحظة....الرجال الغريب....هو ماغيره.....لاياربي لاتتهور ياجاسر هذا متعب اكيد...وين عبايتي خل اروح الحق الموقف.....
وصل لباب الملحق واللي كان بعده مو مقفل بس مسكر على خفيف واي شي بيفتحه....
فتحه مثل الاعصار وكانت هي ومتعب واقفين قبال بعض ويضحكون وماانتبهوا لدخلته الشرانية...
مسكها من ذراعها بدون مايلفها لعنده ورماها على الارض وطاحت على وجهها....
جاسر وهو بركان انا يانذلة تخونيني!!!انا ياكلبة يللي ماتربيتي!!!!انا تدخلين رجال في بيتي وبعز النهار بعد!!!الا اربيك الا اربيك يابنت الكلب...
كان يرفسها برجله ذيك اللحظات وهي مرمية تحته وهو مو شايف اللي قدامه لين مسكه متعب وصاروا يتعاركون مع بعض...متعب بعصبية احترم نفسك ياخسيس..ليالي اشرف منك ومن كل اهلك بعد؟؟
جاسر بانفعال أي بعد دافع عنها...مو مدخلتك بيتها وموفرة لك اللي تبيه وش بتقول عنها يعني؟؟؟؟وش بتقول غير ان عندها زوج مغفل مايدري بللي حوالينه؟؟؟
ليالي وهي تبكي جاسر لا...انا ماسويت شي...
جاسر وهو يشيلها من شعرها وش اللي ماسويتي شي ياكلبة؟وهذا منو؟؟هذا اللي مدخلته بيتي وش يطلع؟
رفعت راسها بعد ماعطاها كف على وجهها والتقت العيون ببعض...وجمدت يده مكانها...وجمدت عيونه مكانها...وجمد كل شي فيه كان قبل شوي مشتعل...
ليالي وهي تبكي جاسر...لا....حرام عليك لاتفكر فيني الشينة؟
متعب بنرفزة لبسي عبايتك مالك قعدة في بيت ها الواطي الحقير....
قامت تلبس عبايتها ووحده قعد على الارض مثل الحيران وهو يحاول يربط بين شكلها واسمها لين دخلت هتون...
ومتعب ماسك جاسر من ثوبه وبدو يتعاركون من جديد...
متعب انا مااسمح لك تهينها ولاتلمس منها شعرة وحدة فاهمني؟؟؟
جاسر انت واحد حقير ونذل بس وين..لاتفكر انك بتطلع من ها المكان الا وهم شايلين جثتك وراك؟
هتون بصراخ جاسر لا...هذا متعب خال ليالي؟
جمدت اليدين على بعض للصوت اللي جاي....
متعب لاشعوريا لف ولقاها واقفة قباله هي بكل مافيها...ولاشي تغير فيها من اربع سنين
وجاسر بعده بحيرته ....هاذي ليالي مرته وهذا خالها؟؟؟وش اللي قاعد يصير؟
طلعت ليالي بعد مالبست عبايتها وهي تبكي وتناظر بجاسر اللي كان يناظرها بنظرات غريبة مافهمتها
ومتعب اللي كان هو وهتون يناظرون في بعض بعد بنظرات مافهمتها....
طلعوا متعب وليالي وتركوت روح جاسر الحيرانة ودموع هتون وبس!!!
جاسر بصدمة هتون....هاذي ليالي؟
هتون وهي تمسح دموعها وهذا خالها متعب...انت ليش تسرعت وحطيتنا بها الموقف؟
جاسر بنفس الصدمة أي بس هاذي البنت اللي انا فاكرها حنان وابيها ياهتون؟
هتون شنو؟
وهذا جاسر عرف ان ليالي مرته هههههه ها وش رايكم كم وحدة بتكفخني وكم وحدة عجبها اللقاء...كل شي حطوه بتعليقاتكم للي جاي لكم بكرة ان شاءالله
مشكورين ياعسل على ردودكم الحلوة....
الله لايحرمني متابعتكم ومساندتكم ابدا.....
البارت الرابع والثلاثين ,,
,,,
في السيارة,,,,
متعب نروح المستشفى؟
ليالي وهي تمسح دموعها وتضم يدينها لبعض قالت بصوت مبحوح لاماله داعي...
متعب اكيد...
ليالي عوار وبيزول مايستدعي المستشفى.....
متعب ليالي...
ليالي بتنهيدة بلا سين وجيم ومسالات عن الاسباب...قلت لك السالفة بسيطة...الجرح مو بالجسد يامتعب ...الجرح داخل...بوسط القلب؟؟؟
متعب تنهد الحقير.......
ليالي .................
متعب انا بعمري ماشفت تخلف مثله بصراحة؟
ليالي لاتلومه يامتعب...
متعب وبتدافعين عنه بعد!!
ليالي لازم ادافع لاني عارفة بللي صار...رجال وهو داخل بيته لقى رجال ثاني يدخل لمرته وهو مايعرفه تتوقع يجي ياخذهم اثنينهم بالاحضان!!!اكيد بتثور ثورته؟؟
متعب ليالي بلاش اعذار قبيحة للي مايتسمى؟؟؟في شي اسمه سؤال؟؟؟يعني اللي سواه ماينغفر ابدا!!
ليالي بالم ومن قال لك اني بغفر له بحياتي يامتعب؟؟؟؟
الكرامة اذا انداست مافي شي يردها مكانها لو شيصير؟
**************هذا انت عرفت كل شي اللحين يامتعب؟؟؟؟
عرفت اني بنت عم ليالي واصايل وعرفت اني اكرههم ومااوطنهم بعيشة الله...
والاهم ...عرفت اني لاانخطبت ولاارتبطت ولاصار أي شي من الكذبة اللي كذبتها عليك....
وتوك عارف ان بقلبي مكانك ماتغير وابيك؟؟؟
وش ها الذل ياربي وش ها المهانة؟؟؟
انا انحط بها الموقف......
كله منك ياجاسر ياليتك ماتسرعت ورحت لهم....كان لاعرفني ولاشافني.....
ولاالذنب ماهو ذنبك ياخوي ذنب الساحرة اللي معك!!
ولا ليالي كفو ان جاسر يكون يفكر فيها؟؟؟؟
ولاانك انت يامتعب تشغل بالك عليها؟؟؟
ليه وش عندها وشنو تملك بالاساس ومااملكه انا؟؟؟؟
اه ياقلبي اه...شبيصير اللحين ياقلبي.....
ماراح يصير شي ياهتون قومي مسحي دموعك ودوسي على قلبك مالازم ها البدو يشوفون ضعفك وتمسكك بخالهم علشان لاتصيرين شماتتهم ويكونون اقوى منك...بتضلين الاقوى والافضل منهم ..لاتخلينهم يمسكون عليك أي ممسك ,,
**************كرهوني في غرامه....كرهوني بسيرته...
حاولوا يشوهون اسمه....في عيوني وصورته..
ليتني غمضت عيني قبل عيني شافته...
ليتني غمضت عيني قبل عيني شافته...
دخل ضاري السيارة وجلس جنب جاسر اللي كان سرحان مع الاغنية لبعيد وطفى المسجل اللي كان شغال على ها الاغنية...
ضاري شالسالفة؟؟؟
تنهد جاسر....
ضاري جاسر شصاير ترى اقلقتني؟
جاسر بتنهيدة ليتني فتحت عيني قبل عيني حبته!!!
ضاري حنان؟
جاسر غمض عيونه وهو يستعرض صورة ليالي وقال بحسرة ياليتها كانت حنان ياضاري ياليت؟؟؟كان انا وين والعذاب وين؟؟؟
ضاري يعني السالفة مالها شغل بحنان؟
جاسر تمنيتها تكون حنان بس ماكانت؟
ضاري اجل من طلعت؟؟؟جاسر تراني مو فاهم شي؟
جاسر طلعت اخر انسانة ممكن يتصورها عقلي بالوجود؟
ضاري ؟؟؟؟؟؟؟؟؟؟؟؟؟؟
جاسر اه...
ضاري ومن تكون؟
جاسر بحسرة انسانة ماراح اصدق انها هي ياضاري...اكيد في غلط بالموضوع.....مستحيل....بحياتي معها ماصار بينا موقف زين...مو معقولة تطلع هي؟
ضاري جاسر واللي يعافيك تكلم بدون مقدمات وقولي وش صاير ومنهي هاذي؟
جاسر ليالي ياضاري ليالي؟
ضاري أي ليالي؟
جاسر بتنهيدة اكبر ليالي البدوية...زوجتي ياضاري زوجتي؟؟؟
ضاري انت تمزح انت!!!كيف ممكن يوصل ذوقك ان تعجبك وحدة بدوية مثل بنت عمك كيف؟؟؟؟
جاسر بتعب هذا اللي صار ياضاري...ولاحتى بحياتي توقعت انها بتكون هي....وانا اللي كل مامريت عند بابها غسلت شراعها بسبب وبدون سبب.....اللحين بس فهمت كلامها بالامس ...اللحين ليش فهمت يوم قالت لي اني كل ساعة معها بحال؟؟؟انا ماكنت اشوفها اذا رحت لها واللحين مالي وجه اشوفها اصلا!!!
ضاري وانت وش عرفك انها ليالي...هي قالت لك؟
جاسر قصدك يوم موتها بين يديني عرفت انها ليالي مرتي!!!
ضاري كيف؟؟؟
جاسر اسمع اللي صار....ولاتلومني بللي سويته ياضاري....
اصايل تهانيوا خلاص وصليني عند ليالي؟
تهاني مابعد فرفشنا..
اصايل الضاهر ان شي كبير صاير بالبيت؟
تهاني ليش؟
اصايل مدري بس دقت علي وقالت انها طلعت من البيت وهي مع متعب..
تهاني يمكن طالعين يتمشون ويتونسون؟
اصايل لا....صوتها ماكان طبيعي وبعدين هم قاعدين بالفندق اللي متعب نازل فيه..
تهاني وش تتوقعين يكون صاير يعني؟
اصايل مدري بس بعد اللي صار بحفلة شمايل انا متوقعة أي شي من أي شخص؟
تهاني لا مو لهدرجة عاد؟
اصايل بتنهيدة ليالي تعبانة ياتهاني....جاسر بروحه مسبب لها قلق...
تهاني ليش هو تعرض لها بشي؟
اصايل بضحكة شماتة تتصورين انه مايدري انها زوجته؟؟؟
تهاني ؟؟؟؟؟؟؟؟؟؟
اصايل كملت بنفس الشماتة على باله وحدة ثانية يمكن بنت خالته ومقرر يرتبط معها ..
تهاني بصدمة انتي من صدقك تتكلمين؟
اصايل طبعا...هو بنفسه قايل ها الكلام؟
تهاني لا السالفة اكيد فيها شي غلط؟؟طيب هو صادق بكلمته ولايتشمت؟
اصايل هي تقول انه كان صريح معها وفعلا مايدري هي من تكون.....
تهاني أي بس انا سمعت انه تقدم لبنت خالته حنان وخطبها؟
ام احمد علامك يبى؟
ابو عبدالرحمان بتنهيدة ولاشي....
ام احمد اللحين انت مقابل صحن العصيد لااكلته ولاعزمتنا ناكله معك..شسالفته؟
ابو عبدالرحمان غريبة..
ام احمد منهي؟
ابو عبدالرحمان بنت اخوك ليالي...
ام احمد وش فيها ليالي الله يحفظها مافيها شي؟
ابو عبدالرحمان مدري كل ماطردتها رجعت وقفت قبالي من جديد وكانها مو فاهمة وش معنى الطرد؟
ام احمد ليالي طيوبة يبى ومابقلبها أي شي....
ابو عبدالرحمان ماخذت شي من صفات ابوها ابدا!!!!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك