رواية قساة اضعفهم الحب -22
رانيا وش المناسبة طيب....
ريم تقول لمة اصحاب؟؟؟من بعد الامتحانات ماعدنا التقينا...
رانيا أي بس شمايل ماتحب الجمعات ابدا!!!وتتهرب منهم في معظم الاحيان وش اللي خلاها تفكر هي بنفسها تسوي حفلة؟
ريم ...............
رانيا وش فيك ساكتة؟
ريم بتنهيدة مدري يوم كلمتني كانت مع بنات خالتها وضحكهم على يوم قالت لي عن الحفلة وها الشي خلاني افكر ان السالفة فيها شي....
رانيا شنو يعني!!!
ريم هذا اللي ماوصلت له بعد....
رانيا غريبة....
,, ,,
يوم ثاني الصبح....
فتحت اصايل عيونها على صوت الباب اللي يندق وقامت وهي متضايقة من اللي بيكون جاي بها الوقت..
فتحت الباب قبل حتى ماتغسل وجهها ولقت قبالها خدامة بيت بو جاسر....
اصايل خير...
مدت لها الخادمة بكيس وقالت لها هذا من عند ماما شمايل ويقول انتي لازم تلبسي وتجي الحديقة الساعة سبع ونص علشان هي فيه حفلة مع صديقات!!!
عطتها الكيس ومشت ودخلت اصايل وهي ترفع حاجب وتنزل الثاني من العجب...
الكيس اكيد لليالي...وبس طرى اسم اختها في بالها رمت الكيس بسرعة في الصالة وراحت لها الغرفة تشوفها لان ليالي من البارحة كانت تعبانة وماقدرت تكمل التمشية معهم فرجعوا علشانها...
دخلت ولقتها نايمة ...تقربت منها وتحسست جبينها ولقت حرارتها نزلت شوي....
تنهدت وطلعت علشان لاتصحيها من نومها وراحت الصالة...
فتحت الكيس وتخرعت يوم شافت اللي فيه؟؟؟؟لبس مثل لبس الخدامة اللي جابته بالضبط؟؟؟؟
تبي ليالي تلبس مثل الخدم وتروح حفلتها؟؟؟؟؟وش ها الذل والمهانة بس!!!
طيب ياشمايل هانم طيب...طيب يابنت اهلك يللي ماتربيتي بتشوفي منهي ليالي اللي تبيها تخدمك وتخدم ربعك بحفلتكم ياجعلك ماتتوفقين لاانتي ولاهم!!!
رمت كل شي في يدها وتسندت على الكنبة وغمضت عيونها تتذكر احداث اليوم اللي فات...
بعد ماطلعوا من الواحة راحوا الراشد مثل ماكانوا مخططين وتغذوا وقاموا يتمشون وهناك لمحته من بعيد....
كان موجود وجايب جاسر معه بعد يخاويه!!!
طيب ليش ثيقل نفسه عليها وقال بيشوف وضعه؟
لكن زين ياضاري بتشوف....كانت تناظر بعينه اللي اكيد كانت تدورها بين البنات ومالقتها؟؟؟وحتى ماشاف منها نظرة لو بالغلط؟؟؟
كانت تتصدد عنه كل ماناظر بجهتها علشان تعلمه يكابر ها المرة عدل!!!
اصلا هي ماكانت تبي تقعد معه وتحاكيه لو شافته ,,كانت بتمر تسلم عليه وتمشي بس حتى السلام هو اللي خسره؟؟؟
بعدها ليالي حست بتعب وتكنسلت روحتنا للكورنيش مع عماتي وجدي اللي متعب قال لعمتي عبير تعزمه معنا ورغم ان ليالي اصرت ان احنا نكمل وهي بتريح شوي وبتصير بخير بس احنا رفضنا وقعدنا معها ومتعب اصر يوديها المستشفى وهي رفضت قالت ماله داعي واذا ماصارت بخير بعدين بتشوف...
هذا كل اللي صار امس يااصايل مافيه شي مميز بس اليوم وشمايل هانم وسالفتها واللي تبيه من ليالي...............لازم تقومين ياليالي لازم...
مالازم تتعبين اليوم وتستكتين عن حقك وماتردينه!!!!
,,,,,,
نايف علامك ساكتة ومتضايقة من البارحة ومالك خلق شي؟
صبا تنهدت وقالت ولاشي...بس احس نفسي تعبانة؟
نايف هههه اول مرة ادري ان في ناس تتعب من كثر الراحة اللي هي عايشة فيها؟
ماردت عليه وهي مقررة من البارح تختصر معه كل كلمة يقولها اتقاء لااي شي....
نايف طيب قومي خذي لك حمام واسترخي فيه وبعدها قومي افطري مثل العالم والناس....
كملت عنه بشماتة وبعدها ارجعي نامي!!!!!خوش والله...يكون تغير البرنامج عن كل يوم؟
نايف انا بسالك انتي أي هو افضل لك تخدمين طول اليوم في بيت اهلك الملكي!!!!ولاتقعدين اميرة مدللة ومرتاحة؟
صبا وهي تتمتم بينها وبين نفسها اميرة بس عايشة بروحها؟
نايف لان الاميرة بالعادة تقعد على العرش بروحها وماتبي احد يشاركها فيه؟
صبا ..............
نايف مااشوف رديتي يعني؟
صبا ماعندي شي اقوله؟
نايف .............
صبا ...........
نايف بتاْفف طيب انا ماشي مابتسلمين عليّ!!
صبا بخوف ليش منت راد هنا مرة ثانية؟؟؟
,, ,, ,,,
الكل كان مستعد للحفلة اللي مسويتها شمايل ويبون يشوفون ليالي ويذلونها...
حتى جاسر كان قاعد بالصالة وينتظر أي احد يمر ولايدخل وماهو قادر يعطي مبرر لقعدته!!!
ام عادل بتوتر وينها ياشمايل مابينت؟
شمايل مدري..
حنان كان المفروض انتي تروحين لها بنفسك علشان تاخذ الموضوع بجدية اكبر؟
هتون لاتتعبون حالكم ماراح تجي؟
ام جاسر وليش بالله!!!
هتون احساسي يقول كذا...
شمايل بنرفزة واللي يعافيك لاتعطينا احاسيسك واحنا مو ناقصينهم ؟
ام جاسر روحي شوفيها اللحين؟
شمايل ماابي اروح عندها ابيها هي تجي بنفسها؟
ريم هااااي...
لفت لها شمايل هلا وغلا.....وين رانيا؟
ريم اشرت لطاولة اللي قاعدين فيها شلة بنات كاهي مع بنات الكورس...انا بعد بروح اقعد معهم لين يجون منال ونورة...
شمايل جايتكم يالله ...
ام عادل بعد مامشت ريم ماتروحين لهم الا اذا مريتي بنت البدو وشفتي وش سالفتها؟
هتون في بالها...متعب ..قاعدة مع متعب حمايتها الخاصة؟؟؟اللي مابيرضى لها اكيد انها تجي هنا؟
ياحظها ويابختها...انا احسدها على قربها منه....
جنان وااااااو شمايلوا مني هاذي انا اول مرة اشوفها بمناسباتكم؟وحدة من قرايبينك؟
لفوا ثلاثهم للبنت اللي جاية عندهم تتمختر وهي لابسة ثوب قصير سماوي مع سلاسل لولو طوال حييل وبوت ابيض عالي وقصة شعرها مبينة حلاوته وشقارته..غير الميك اب الهادى اللي مبين تفاصيلها الجذابة وبيدها عبايتها ويدها الثانية كانت بيد تهاني بنت عمتهم اللي بعد كانت كاشخة...
جنان منهي هاذي؟
سكتت شمايل وماردت لانها بحياتها ماشافتها ولاتعرفها..
وام جاسر وام عادل ناظروا في بعض باستغراب وحتى هتون بعد!!
وحدها رانيا دفت ريم اختها بالقوة ..
ريم وجع ان شاءالله كسرتي ضلوعي!!
رانيا بانبهار شوفي من اللي جاي...
ريم منهي هاذي اللي مع تهاني تعرفينها؟
رانيا بحماس هاذي اصايل ياريم اصايل؟؟؟اخت ليالي....
اصايل كانت تمشي وتبتسم بوجوه الكل وكانها معزومة حقيقية لين تقربت من طاولة شمايل واهلها اللي قاعدين عليها وتهاني سلمت عليهم بابتسامة من بعيد....
جنان لفت لها وقالت باعجاب هلا والله...
اصايل اهلين...
جنان ماتشرفنا...
اصايل وهي تناظر فيهم كلهم لانها مو عارفة احد منهم وبالخصوص شمايل وام جاسر وام عادل وقالت بقوة ناعمة انا ليالي زوجة جاسر!!!!
****************
يالله اول شي بتقولونه البارت قصير مرة مالحقنا ندخل جو فيه الا لقيناه انتهى هههههه كاالعادة!!!
ادري قصير بس علشان الاحداث اللي بتصير في بارت بكرة مايصير اطول هذا اكثر من كذا...
ماعلينا وش تتوقعون يصير بكرة ودور كل واحد فيهم ,,,,
تعليقاتكم وبس هي اللي ابيها
هلا وغلا فيكم كلكم ومشكورين على تفاعلكم معي اللي اكثر من رائع.....
البارت الثلاثين,,,,
**************
اصايل بثقة انا ليالي زوجة جاسر...
شمايل بذهول مستحيل!!!!!!!
جنان وهي تناظر بااصيل وتكلم شمايل جاسر تزوج ؟؟؟من متى وليه ماقلتي لنا ولاعزمتينا على العرس؟؟؟
ام عادل بعصبية انتي من وين طالعة انتي!!!!
مسكتها ام جاسر من يدها وقعدتها وهي تهديها وتناظر بعيونها لهتون علشان تصرف اصايل من المكان....
اصايل بثقة اكبر ليه مادريتوا ان جاسر متزوج!!!!صار له اكثر من شهرين ونص اللحين؟
ريم بتعجب هاذي اصايل اللي رفضها ضاري؟
رانيا باعجاب أي.....
ريم ليه رفضها؟؟؟والله مافيها شي ينعاب؟
بنفس البيت بس بمكان ثاني وتحديدا بالصالة.....
ليالي وهي التعب ذابحها ثامر.....وين القى.....
لحظة ياجاسر لحظة....هذا الصوت اللي انت قاعد علشان تسمعه قوم الحق قبل لاتطلع شوفها شتبي....
راح طيران لعند باب الصالة اللي كانت واقفة فيه معه ثامر...
ثامر كلهم هناك ....تبين اقول لها شي؟
ليالي باسى لا خلاص.....
ظل يناظرها مثل التمثال وبدون مايتحرك من مكانه حتى...
فيها شي حزين ومتعبها...
وقبل لاتمشي قال بصوت محتار في شي؟
لفت له بسرعة وبانت نظرة الخوف بعيونها وقالت بتلعثم سلامتك.....
ومشت ...تركته يناظر طيفها وبس!!!!
صبا بخوف قول أي شي ليش ساكت؟
نايف ماعندي شي اقوله؟
صبا انت تقول سلمي عليّ!! وش معناتها هاذي بالله!!!
نايف معناته انك لازم تتعودين تسلمين عليّ اذا جيت واذا طلعت؟
صبا بتشكيك بس كذا السالفة؟
نايف ليش شتبين بعد!!!
صبا انا ماابي شي بس بعد كلمتك خوفتني...حسيت انك بتتركني اموت بروحي هنا ومحد يدري عني وعن مكاني!!!
نايف .............
صبا ..............
نايف صبا....
صبا نعم...
نايف .........
صبا شنو؟
نايف ها..ولاشي....
صبا ماتحس انك تتصرف بغرابة ها اليومين.؟
نايف وهو يوقف لا طبعا!!!
صبا ............
نايف تبين شي....
صبا ها السؤال يحيرني يانايف كل ماسالته؟يعني هو انت تسال من أي باب بالضبط؟الرفق بالمساجين ولا جبر خواطرهم ولاشنو بالضبط؟
نايف صبا يبيلك قص لسان!!!اذا سمعتك تلفين وتدورين بكلامك مرة ثانية فتاْكدي اني بقصه لك ..طيب..
**************اصايل بهمس يالله قمنا..
تهاني وهي تناظر بريم ورانيا اللي جايين صوبهم ليه..استني شوي...
اصايل مني هاذي اللي قاعدة تغمز فينا طول الوقت؟
تهاني بلااهتمام هاذي هتون...ماعليك منها خلها تولي انا مااناظر بصوبها علشان لاتعطي نفسها اكثر من اهميتها...
اصايل حاسة ان بركان على وشك الانفجار؟
تهاني سامعة الهمس اللي قاعد يدور بالمكان....سبحان الله ربي سخر لنا جنان اسرع وكالة انباء بالعالم...اللحين كل اهل جدة والرياض دروا عن زواج جاسر؟
رانيا وريم هااااي.....
اصايل ناظرتهم بس بدون ماترد عليهم...
تهاني هلا وغلا....
قبل لايتكلمون أي كلمة كانوا نورة ومنال صاحبات شمايل وجاراتهم بنفس الوقت وصلوا عند طاولة تهاني واصايل..
منال مرحبا....
تهاني مرحبتين..
نورة وهي تناظر بااصايل انتي منو؟
اصايل غريبة....انا ماسالتك انتي منو؟
نورة سمعت يقولون انك زوجة جاسر الرميحي صدق ها الحكي؟
اصايل لامو صدق...
منال ونورة وريم ورانيا ناظروا في بعض...
اصايل بثقة جاسر ولد عمي وزوج اختي ليالي ...
منال انتي موقلتي انك زوجته...
اصايل لا انا قلت اني اخت زوجته بس يمكن ماسمعوها عدل لقطوها ونشروها بدون مايدرون هم وش يقولون؟
نورة يعني جاسر متزوج؟
اصايل أي..
منال ووينها زوجته؟
تهاني زوجته تعبانة الليلة وماقدرت تحضر ....
نورة ووين ساكنة؟
اصايل بنفس ها البيت حياك الله باي وقت.....يالله تهاني مشينا....
رانيا انتظروا شوي ليه بتمشون؟
تهاني مقدر اقعد اكثر انا ماخلصت اختباراتي وامي قايلة لي لااطول اذا جيت؟
عبير انتي اللحين ليه تبكين؟
ليالي رفعت راسها شبيصير اللحين؟
عبير اللي بيصير يصير....انتي ليه غاثة نفسك؟
ليالي انا لو دريت عن ها السالفة ماتركتهم يروحون...
عبير لو انتي ماكنتي تعبانة كنت انا بنفسي اصريت عليك تلبسين وتروحين وتعلمينهم ان الله حق؟؟؟؟ليالي حبيبتي انتي بكبرك تعبانة فلاتزيدينها على نفسك الله يوفقك....بعدين مافي شي يسوى...لو كان صاير شي كان من راحوا رجعوا...بس شوفي كاهم قاعدين ومستانسين...
ليالي جيت بدخل بس ترددت وخفت كثير علشان كذا رجعت....ياربي احس الليلة مابتعدي ابدا!!!
عبير انتي ليه متشائمة كذا!!!
ليالي جاسر اذا عرف شبيسوي فيني وفيها؟
عبير ماراح يسوي شي انا اضمنه لك...اذا خوفك منه تطمني ماراح يسوي أي شي....واذا كان احد بيسوي فهو انتي ياليالي؟ماالمفروض ابدا تسكتين عن حركتها؟انا ماراح اسكت لها بس اني ماابي احرجها اللحين قدام ضيوفها بس مابعديها لها صدقيني ...
ليالي انا ماابي شي...حقي متنازلة عنه ياعبير ابي بس اعيش بسلام...
عبير بسك سلبية وتنازلات ياليالي.....لاتسكتين عن حقك في بيت الرميحي لاتضيعين؟
دخلوا اصايل وتهاني بذيك اللحظة وقفلوا الباب...
تهاني لقد شرفنا وجينا....
عبير يعني ماندري انكم وصلتوا؟؟؟
اصايل اووووووووووووف....عجيبين ها الناس؟
ليالي بخوف وش صار؟
اصايل انتي شلون صرتي؟
ليالي اصايل عسى بس ماقلبتي الدنيا فوق روؤسنا؟
اصايل لاتطمني قلبتها فوق روؤسهم هم احنا مالنا شغل؟
ليالي شلون يعني!!!
تهاني ولاشي لاتخافين....
نايف فيك شي...
ضاري لا..
نايف بلى...مبين عليك اصلا؟
ضاري تعتقد بشوفها مرة ثانية؟
نايف تشوفها ولاتسمع صوتها ؟حدد ايهي فيهم بالضبط؟
ضاري أي وحدة مو مهم...
نايف اشوف راقت لك السالفة حييل وكل يوم وقلت ابي اشوفها واسمع صوتها؟
ضاري بثقل لامو كذا السالفة...بس فيها شي مميز جذبني لها....شي غير عن الباقيين اللي التقيت فيهم؟
نايف يعني هاذي اللي ممكن تبتدي معها قصة حب تكملها بالزواج؟
ضاري ...............
نايف ...............
ضاري ليش لا....
نايف يعني وقعت ومحد سمى عليك؟
ضاري دبرني كيف بقدر اشوفها مرة ثانية؟
نايف صعبة...حييل صعبة..هي ماتركت لك ولاخيط ممكن توصل من خلاله لها....
ضاري طيب وانا شسوي بالله يانايف اقعد مكتف يديني لحد ماتجيها فرصة ثانية تكلمني!!
نايف بسخرية هذا في حالة قررت تتنازل وتكلمك؟ولاانت ناس انك رفضت شوفتها ورفضت مكالماتها قبل؟
ضاري بهلع شلون يعني مافي أي امل....
نايف مافي غير ننتظر ونشوف نهايتنا معها....
ضاري وانا شسوي بالله؟
نايف تعال خاويني بكرة في الكويت؟
**************اخر الليل في ملحق ليالي ,,,,
كان الباب يندق بقوة...
عبير قايلة انا بيخلونها لااخر الحفلة؟
ليالي بخوف ياربي سترك؟
تهاني ياسلاااام بيصير الاكشن اللحين؟
اصايل الاكشن على قولتك دوري ودورك يالله تجهزي...
عبير ليالي روحي ارتاحي بغرفتك...
ليالي لا مو قايمة...
عبير انتي عنيدة...قومي يابنت الناس ترى هذولا باسهم قوي وانتي تعبانة ومحتاجة راحة...
اصايل قامت تفتح الباب.....
ام عادل هذا انتي لاباركت فيك ولافي اليوم اللي جيتي فيه ها البيت؟
اصايل لحظة لحظة لحظة...انتي اصلا منو علشان تدعين عليّ!!!
حنان هذي امي يابدوية؟
اصايل عارفة انها امك...بس يعني باي حق تقول لاباركت فيني يوم ادخل ها البيت؟
ام عادل بصراخ هذا بيت اختي وانتي يالشيطان قاعدة وشاربة وماكلة واخر شي تقومين ترفسين النعمة....
اصايل لتصحيح المعلومات هذا بيت عمي يعني انا بنته وقعدتي بالبيت ماهي ضارته اكيد بس انتي جيتي ولارحتي تظلين الغريبة؟
ام جاسر انتي ماتستحين على وجهك؟؟؟وش ها الكلام الماصخ؟؟؟مالومك محد رباك زين؟
اصايل بقوة انا متربيبة احسن من اللي بها البيت كلهم!!!
ام عادل لا كذا طالت وشمخت يابنت البدو..
عبير من وراها وش صاير يااصايل منو جاينا بها الحزة؟
سكتوا يوم شافوا عبير...
عبير ام جاسر...ياهلا والله...خلصت حفلتكم....اشوف شمايل ماعزمتي عماتك على حفلتك رغم انك عازمة العالم كله؟؟ولاماهم من مقامك؟
شمايل ...................
عبير في شي..
ام جاسر بانفعال انتي عارفة ان موضوع زواج جاسر كان بينا وبس وبنت اخوك اليوم فضحتنا؟شقول للناس اذا سالوني بكرة؟
عبير بنت اخوي ماكذبت هو فعلا متزوج....انتي عاد اللي عليك تشرحين لهم وضعية الزواج شلون؟
ام عادل بهمجية لاعيوني مو شارحين شي وبنكذب الخبر اصلا وبنظردها من البيت؟
ام جاسر هدي يام عادل..
عبير وهي تناظر باام عادل انا اولا كلامي مع صاحبة البيت مو ضيوفها؟؟؟؟ثانيا اعتقد الموضوع عائلي ومايتحمل يتناقش من أي طرف جانبي ماله علاقة؟
ام عادل وش تقصدين يعني؟
حنان مفهومة يمه...تعالي خل نروح؟
عبير كاهي بنتك فهمتها...
ام جاسر عبير..اختي وبناتها ماهم غريبين وعارفين السالفة؟
عبير واختك وبناتها هم اللي دبروا ها السالفة كلها ولامن شغلك انتي وبناتك؟تبين بنت اخوي تخدم بحفلة بنتك؟؟؟؟ماتردين ياشمايل؟
شمايل .......................
عبير ووين هتون ليه ماجت معكم....مادرينا عن المثقفة الواعية راضية بالوضع ولا ضده؟
ام جاسر اللحين انتي تركتي السالفة الاهم وجيتي للفتات؟
عبير باصرار حركة بنتك هي اهم شي بالموضوع ياام جاسرومابعدها كله مو مهم؟
**************جاسر شفتها اليوم جت تدور عن شي بس مدري شنو؟
هتون غريبة رغم انها ماقامت من طاولتها الليلة ابدا!!!
جاسر يمكن عينك غفلت عنها يوم قامت...
هتون لاانا متاْكدة من انها ماقامت؟
جاسر شلون يعني بتكذبين عيوني يوم شافتها ولااذني يوم سمعت صوتها؟
هتون لا......اليوم اخت مرتك سوت لنا فضيحة ياجاسر؟
جاسر أي اخت مرة بعد!!!انا هي مو قادر ابلعها ها الساعة اختها بعد!!!
هتون بهدلتنا قدام المعازيم...بس صدق قوية باس؟
جاسر وحنان...تضايقت؟
هتون كلنا تضايقنا مو بس حنان هانم؟
جاسر يعني شصار....
هتون سالفة عرسك انتشرت بين الناس...وماعادت سر ياجاسر بينا....
جاسر بضيق وحنان ضايقتها السالفة؟
هتون ...............
جاسر وقف هاذي الظاهر يبيلها تاْديب وتوقيف عند حدها.....
كان جاسر رايح لملحق ليالي وعبير توها طالعة منه ومابعد سكرت الباب واقفة هي وليالي يسولفون طبعا بعد مامشوا ام عادل وام جاسر..
عبير انتبهي على نفسك واي شي يصير دقي لي طمنيني...
ليالي طيب....
عبير انا موصية الشعب الصيني اللي داخل عليك...
ليالي ههههه اللي من زمان راحوا بسابع نومة؟
عبير ههه بس وقت الشدايد يعجبونك....
جاسر احم احم...
عبير لفت له وليالي راحت ورى الباب....
عبير هلا والله...جاي تسلم على عمتك ولاتتعافى لمرتك؟
جاسر بضيق هاذي كفو الواحد يسلم عليها علشان يتعافى لها؟؟وبعدين شفيها ماخبري انها تعبانة يقولون توها قالبة الدنيا لحقت تعبت؟
عبير جاسر...
جاسر عمتي انا من جد متضايق من اللي سوتها وجاي اتفاهم معها...
عبير مرتك ماسوت شي....اذا عندك كلام كلمني انا ولاكلام تهاني بنت عمتك احنا المسؤلين عن ها السالفة ويكون بعلمك مرتك تعبانة وماطلعت من مكانها اصلا!!!
جاسر شلون يعني اهلي يكذبون؟
عبير لا انا اللي اكذب؟
جاسر حشى ياعبير انا ماقلت كذا....بس انا فعلا متضايق.....يعني سالفة زواجنا ماكان لها داعي تنتشر...انا معزم ها اليومين اني اخطب شبتقول البنت اللي انا بخطبها اللحين؟
عبير بهمس على الاقل راعي انها واقفة ورى الباب ياجاسر؟
يمكن يكون الهمس وصل لجاسر ويمكن لا...بس الاكيد انه وصل لليالي اللي من وصل جاسر وسمعت كلامه ماقدرت تمسك دموعها اكثر وتسندت على الباب وقامت تبكي بصمت والم....
جاسر تنهد وقال يعني شلون؟
عبير خلينا نلتقي بكرة ونتكلم....اللحين الوقت متاْخر...تصبح على خير....يالله ليالي سكرب بابك حبيبتي تصبحين على خير...
مشت عبير وبغاها جاسر من الله ينزل فيها مدام اللي عايقته مشت...
تغيرت اللهجة وعلى الصوت اكثر سمعي انتي يابنت البدو...اذا محد رباك ولافهمك ان لك في ها البيت حدود مالازم تتجاوزينها فسمعيها مني انا....حدك ها الملحق ولاتعتب رجلك برى مرة ثانية لاباذن ولابدون اذن؟وخلني اسمع انك متلاسنة مع احد من اهلي ياويلك ياسواد ليك بترجعين لخيمة ابوك فورا بدون أي نقاش وساعتها انتي الخسرانة ها العز اللي عايشة فيه؟شي ثاني بعد...حطي في بالك ان السالفة اللي سويتيها ماراح تغير من مخطط زواجي ابدا!!!!
**************يوم ثاني الصباح,,,,
وتحديدا بعد الصلاة في سيارة نايف....
صبا انت مو خايف احد يشوفني بجنبك؟
نايف ...........
صبا اللي اعرفه اني عار عليك واني مالازم اتجراْ واجلس جنبك بالسيارة؟
نايف ..............
صبا تصدق عاد خطر في بالي سؤال بها اللحظات ماقد خطر على بالي قبل!!!اذا انا عار عليك ومااشرفك بجلستي جنبك بالسيارة كيف مااكون عار عليك وانا نايمة معك بنفس الفراش؟؟؟؟
نايف بنرفزة ياتتكلمين عدل يابرميك على اول زبالة تصادفني بالطريق؟
صبا تسندت بارتياح معناته مو ساكتة وبقول كل شي يغثك؟
نايف مو راد عليك......
صبا احنا وين رايحين؟
نايف مالك شغل؟
صبا وليش جايبني اذا مالي شغل؟
نايف ترى عاطيك وجه بزيادة اليوم انطمي وا سكتي خلاص ماابي اسمع صوتك؟
صبا بتمتمة وهي تناظر بالنافذة انطميت وسكت....
**************اصايل ليالي انتي نايمة هنا عند الباب..
رفعت ليالي وجهها لااصايل وماقالت شي...
جلست جنبها....
اصايل في شي...صار شي بعد ماطلعت عبير البارح؟
ليالي بهدوء لا...
اصايل احلفي.....
ليالي تنهدت جاسر...
اصايل شفيه؟
ليالي بس صار بينا عتب خفيف...
اصايل بسببي؟
ليالي لا مو بس انتي السبب....
اصايل قلتي له شي؟
ليالي قال اللي عنده ومشى ماوقف يسمع شي....لانه بالاساس كان واقف مع عبير...
اصايل انا اسفة ياليالي...ضريتك بروحتي هناك...بس انا ماكنت ابيهم ياخذون عنك موقف سلبي ويتمادون معك...
ليالي بالعكس يااصايل انا مو زعلانة تمنيت ان عندي شجاعة واروح انا بعد ....يمكن لو ماكنت تعبانة واصريتوا معي رحت هناك معكم,,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك