رواية غرورك صادف عزة النفس فيني -65
رفع يدها لفمه وباسها..
اسف..
اسف..
اسف..
اسف..
ياغنج..آسف..
رفعت غنج عيونها لعيونه ..
منصور بهدوء صدقيني من اليوم..راح اخليك بدنيتي اميره..
ابتسمت غنج بهدوء وبلعت غصة حزن مارضت تروح..
..
..
.....
با فلة ابو بدر
حنان بصراخ تصارخ وتبكي تهذي بشكال غريبه قدامها..تتكور..او تصبح افاعي..كلها تطمع في ان تقتص,,من دماء نظيفه..
حنان لاااااااا بعدوهم بعدهم عني مااااااابي ماااااااابي..
نادر الي دخله فيصل بعد تصويت الخادمت له..
دله فيصل لجناح حنان..
صار يركض نادر لفوق للجناح حنان من دون ان يسمع الوصف الدقيق له..
يتبع الصوت..ويفتح الغرف
اخر شي فتح جناحها بخوف..
شافها طايحه..ومتقلبه مابين استفراغ ..ومابين دماء تنزل..
نادر بصراخ حناااااااان شفيك حنااان
حنان بصراخ بعدو عني بعدو بععععععععععدو..لاحررررررام عليكم.....اه ..ابر كثيره....لااااااااااااااا
نادر يمسح استفراغ حنان من شفايفها حنان شفيك شصاير..؟؟
حنان حاولت تستمع قوتها لاكن بلمت وماعاد قدرت تحكي في النهايه..
شالها نادر وركض فيها مع الدرج وتوجه فيها لسيارته..ولاقرب مستشفى..
__________________________________
اجزاء مضت..
.
.
.
تئقلمنا مع حياتهم المفعمه با الكثير من الالام.. و..الاحزان.. و..الاهات..
انتظرتو البارتات بشوق..وانتظرت ردودكم معها بشوق كبير..
ها..انا ..اختم.. روايتي المتعبه بنسبه لي..نعم متعبه..وجدا..جدا...ارهقتني....بكتابتها..وتنزيلها.. ومحاولاتي المستميته من اجل
ان اكون ملتزمه الى ابعد الحدود مع متابعاتها ومع اجزاءها..لاكن في النهايه..وجدت كل العذر مع بعض الكاتبات..
في غيابهم القصري..عن تنزيل اجزاء روايتهم..فئنا الكمال لله..
...
..
..
توقعات كثيره..عقدتم عليها بمخيلتكم النهايه..؟؟ترى هل هي صحيحه..!!ام مخالفه..؟
حكايات كثيره..تنتهي بئلم او بشوق..او بحب..بفراق..بموت..باكتمال..!
ترى مااهي نهاية رواية ضمني بين الاهداب...؟
هل العاشقان سوف يجتمعان..؟
هل يستمر مسلسل فراقهم الدائم..؟؟
ماهي نهاية افراد الطبقه المخمليه التي دخلنا باعماق مفردات حياتهم...؟؟
...
قبل ان ابدء..وهاذا الكلام مهم بنسبه لي..النهايه بكل تئكيد..لايتفق معها الاخرون..لاكن بمنظور الكاتبه..تكون هي الانسب..
بما ان هي التي صاغت الاحداث وعايشت الشخصيات. ..ودخلت باعماق مشاعرهم.. وردات افعالهم..
راح اترك لكم قطعات الالماس تفصل بين الاحداث تعطيكم خلاصة الرواية..
اهلن بكم با البارت الاخير من روايتي..غرورك صادف عزة النفس فيني...
*
*
*
الجزء الاول..
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
*
مدخل..
وعدني مايطيح إلااا .. بعدما انهد أنا واطيح
واناا اعطيته وعد ما آطيح الين اشوفه يعاني.
حسافه صرت انا واياه نتسابق علىَ التجريح
هَدف كِلّ واحد ٍ مناا يفووز ، ويجرح الثاني. ؟
......................غنج&منصور...............
غنج تلمس بطنها المنتفخ لها اسبوع من دخلت التاسع..
ياربي صاير يئلم..
وصايره ثقيله...
ابتسمت لشكل منصور وهو يلاعب اسيل ...شكله يحب الاطفال كثير..
طيب كثير..وغير الكاركتر الي كان راسمه لنفسه قبل كم شهر..
غنج طالعته بستغراب والله حنون حيل ..يذكرها بلحظات مع ها.. لا.. لا.. لا.. لازم تلغي ها الجزء من مخها.. خلاص ...خلاص..
تحرك طفلها بحركه قويه ...المت غنج وخلتها تشهق بخفيف...
التفت لها منصور بسرعه وبخوف غنج شفيك..؟؟فيك شي ..؟؟تحسين بشي...؟؟
غنج بتعب لا بس بيبي ماخذ راحته ها اليومين با الترفيس..
ناظرها منصور برحمه...
كيف متمسكه في ها الطفل..؟؟ وهي ماراح اساس تشوفه ..طاحت لعبة اسيل من يده.. وصارت تبكي تبيها..
التفت لها منصور بعصبيه فيها شوية ضحكه اقول عصير راني.. اخذي بنتك هاذي... تراها ازعجتني هي وشعرها المفلفل هاذا..
رانيا تضحك ايه ..ايه... بعد من الحين ماتبي اسولي... من قدك ياعم..؟؟ بجيك واحد ابيضاني.. اشقراني ..اطخم.. يهبل طالع لمه!!
منصور مفجوع ول ..ول.. اذكري الله... نعنبو ابليسك.. هاذي الي ناوية على شر..؟؟
وقفت غنج بتعب .. وهي تضحك.. تبي تطلع لغرفتها.. طلعت من الجلسه.. ولما كانت عند اول درجه ..ارتفعت وخافت بشهقه..
منصور وهي بين ايديه بسم لله عليك خوفتك..
غنج تضحك منصور انا الحين ثقيله راح اتعبك بشيلتي..
منصور وهو يصعد الدرج وهي بين ايديه بفستان الحمل التفاحي بدون اكمام وقصير طالعه كيوت يالله انتي عصفوره ..كيف تعبيني وشكل
الي بتجيبينه نتفه مثلك...
غنج حطت يدها على شفايفها تضحك..
فتح منصور باب الغرفه برجله ..وهو يدفه بظهره.. وانفتح الباب.. نزلها على السرير.. وصلح لها خداديه من ورى علشان ترتاح عليها..
صعد منصور السرير وهو يضحك..
غنج تنزل حلقها الورد من اذونها شيضحكك ..؟؟
منصور يطالعها بخبث مممممم طالعه جنان بحملك هاذا.. تشهين الواحد يقطع خدودك..
غنج حطت يدها على خدودها بخوف مجرم ..تقطع خدودي بعد؟؟
منصور اطلق ضحكه وهو يطالع عيونها الي بين الضحكه والخوف...
حط راسه على رجولها الي كانت مددتها.. وقرب من بطنها المنتفخ.. وغمض عيونه ..
مر6شهور..مشاكلهم قلت كثير..
هي تحاول تبني معي حياة جديده..
تبي تنسى ماضيها وانسى ماضي..ونعيش..؟؟
بس..انا احس عزام..يوقف بشموخه بنص..؟؟
بنص حياتنا..اشوف حركاتها.. وسكانتها.. وسرحانها..احس بنفاسه تخنقني ..اذا دخلت عليها
فجئه وهي سرحانها..
ليه..؟؟
لا لا لا..هاذي تهيئات..هي نسته خلاص..وبدت معي من يوم حملت حياه جديده..
بس انا لازم انظم حياتي..
انظمها...ههههه...من بعد ماشاب ودوه الكتاب..!
غنج في هالوقت تئمل شكله وهو مغمض عيونه...يالله منصور يعاني بين واقعين.. كل واحد يشده..
كان ضابط بمركز مرموق ..ومستقبل مشرق.. بين اهله وعايلته..
كان له طموح..
وله اماله..
والحين دخل نفسه بمستنقع ماعاد قدر يطلع منه ..
كيف مافهمته من البدايه..؟؟
وماحاولت اساعده.. بس الحين مافي يدي شي كلها
كم يوم.. وادخل في عالم ثاني..
مادري كيف ملامحه.. بس الاهم طفلي يشوف النور..
منصور بهدوء يقطع عليها تفكيرها فتح عيونه وطالع في عيونها الزمرد غنوجه,,اذا جت بنت راح اسميها هواجر على اسم امي..
غنج بضحكه وهي تمسح على شعره اوكي ..واذا جاء ولد راح اسميه ماجد على بابا الله يرحمه.. وراح ادلعه جودي.. يااااي يدنن
ابتسم منصور لها ولحركاتها..
سمع دق جواله الي كان بمخباته ..
شاف الرقم ورد عليه..
هلا فهيد..
فهيد انا تحت طال عمرك..
منصور بتوتر خلاص انا راح انزل لك الحين..
سكر منصور والتفت لشماغه القريب ..سحبه وهو يوقف..
راح لجهت المرايه.. وصلح الشماغ عليه ..ومد يده بياخذ عطره المركز.. لاكن لما كانت يده قريب
من عطره ..قبض اصابعه.. ومدها لعطرها الياسمين.. وبخ عليه اربع بخات ..وبعدها بخ على يده.. وحطها على خدوده,,
غنج تطالعه وهو يقرب منها..
نزل نفسه لمستواها وطبع على خدها بوسه ..استغرقت لحظات او ثواني.. وسحب نفسه منها..
غنج كانت اسرع لما مسكت يده البارده وين منصور ..؟
منصور مايبي يضايقها وهي حامل شوي وراجع..
غنج تسحب يده وتحطها بيدها الثانيه القريب من بطنها لاماتروح انا الليله تعبانه مادري كيف ..
منصور بخوف تحسين بولاده.,؟
غنج بخوف لا ..لا.. بس احس صدري ضايق مره ..وين بتروح..؟
منصور وقف بضيقه ..يبي يروح.. ماتعود انه يجلس كذا طويل.. له فوق الاربع ايام ماسهر.. وهاذا بعرف منصور ياكبرها بس..
منصور سحب الجوال من جيبه ودق على فهيد..
-فهيد انتظرني تحت حتى لو اتئخر فاهم..؟
سكر منصور منه.. ونزل شماغه على الكنبه.. وصعد السرير جنب غنج..
منصور فتح قلابه طيب تعالي نامي بحضني الحين.. وبعدها يصير خير..
غنج ولول مره تقرب من منصور..
وتحط راسها على يده قريب من صدره.. وتغمض عيونها بتعب.. ماتدري ليه تحس بخنقه.. تحس بضيقه.. تحس
بشي يكتم على نفسها يمكن علشان الولاده قربت...؟
يمكن علشان مشتاقه لخوها تركي كثير..؟
يمكن علشان ايش..؟؟
ماتدري وماتعرف ..؟
يمكن علشان رتبة حياتها مع منصور والغت كثير من الاولويات وكثير من الاشياء علشان منصور وعلشان الي ببطنها..
غنج ببحه ويغلبها النوم وتقاومه منصور انت وين بتروح,,..؟؟
منصور بهدوء وهو يضمها خفيف لصدره بروح لبوي الليله.. لازم اصفي حسابات قديمه بينا..
غنج و يغلبها النوم وماخلاها تكمل جملتها منصور بليز ماتروح.. انا محتاجه لك ..انا معك احس با الامان..
منصور وهو يمسح على جبينها الي يشوف عليه قطرات عرق خفيف وماسمع اخر الجمله نامي وارتاحي .. ماعليك من ها العالم ,,
انتي خليك الطفله الي خذتها...
بعد ماتئكد منصور من نومة غنج سحب نفسه بشويش وقام..
وهو عند باب الغرفه بيطلع ويسكره بهدوء..ناظرها بطرف عينه..ابتسم..وسكر الباب بهدوء..
...
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
.
.
.
,,,,بحضر زفافك ولو بطيافي ماخليك,,,,,
,,,,,,,,,,,,,,,,,
في افخم قاعات الرياض..
كان عرس اميري بجداره..
غلفته جميع انواع الفخامه...
حضره جميع وجهاء المجتمع..
وطبقاته المخمليه...
زواج الصقر وزواج سعود..
اولاد العالي..
كان الديكور بفخامت الذهبي والعنابي ..الذي درج با المكان.. با قسم الرجال,, با ارضيات الاسود,,,
كان سعود جالس مرتبك جدا..بينما عزام عادي جدا ..اساس يبي السالفه تخلص بسرعه..
يشوف ابو الجوري يسلم على الرجال المهمين ..ويجلسهم بامكان خاصه فيهم.. اما الي من طبقه اقل من ها المخمليه..
انواع التطنيش و يوكل مهمة السلام والترحيب فيهم للي مرافقين معه..
وهاذي نقطه يحسبها عزام ضد عمه..
مايحب حركات الاستخفاف با الناس.. وترتيبهم حسب طبقاتهم.. جدا متناقض.. متواضع ومغرور.. جامع الضد.. في كل الامور..
عزام ابتسم.. كان بيطلع البكت يدخن..اما هي بتصير تحفه في الكميرات الي قاعده تصورنا لو ادخن الحين..
طلال قرب من عزام وبهمس تبي مويه..؟
عزام اشار برفض.. وهو يئشر انه موجود قدامه كاسات مويه..
عزام التفت لجهت بدر..
الي كان جالس بكرسي بعيد عنهم شوي.. وكان مو مع الجلسه ابد ..ولاا مع الناس ..ياها يابدر لاتدخل عالمك هاذا
والله يانا محتاج لك ..اشر عزام لطلال يروح لبدر
انتبه سعود لفيصل الي يناديه..
عرف انها زفته..
طلع سعود وتوجه للجوات القصر
اما عزام فقام مع عمه لمدخل ثاني علشان ياخذ عروسه..
...
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
زفة مهاوي وسعود..
..
دقايق وبدت زفة سعود الي تئخرت كثير...ومايدرون شسبب..
نزلو اثناتهم من الدرج ..
الي كان بجهتين بخطوات مدروسه وعلى وقع الاغنيه..
مها اخيرا ..وهي تشوف سعود يمشي مع الدرج..
وهو ماهو اقل منها ارتباك ولاخوف وخجل ..حلمها بدى يصير حقيقه..
حبها العذري الاول ..الندي.. الحين راح يتحقق.. وبترتبط مع حبيب العمر ..والقلب وكل شي..
سعود وهو يشوف مهاوي بفستانها الابيض.. الامع.. وهي فيه مثل الاميره ..ماهو مصدق انه بطل حركاته من تحت راس ها الاميره..
في ها الوقت مد سعود يده ..والتقت باعذب كفوف ..و...تلامست اليدين... و...تعانقت القلوب....
واتجهو للكوشه...الي كانت على شكل اريكه بلون البنفسج..وعليها عريش ورد تنزل منه سلاسل مذهبه..
..
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
في نفس المكان لاكن بجه ثانيه..
..
زفة صقرنا..
..
كان اخوات ..وبنات خالت الجوري ..مزدحمين عند جناح جوري الي با القاعه...
عزام رافض ينزف وهم بيسون لها زفه بسيطه لما تطلع هي ويها..
لحضات وكان ابو الجوري داخل بعزام وهم بدو ينثرون الورد ..وام عزام تبكي ..
دخل عزام الجناح وابو الجوري ييارك له ويوصيه في الجوري..
وينبه مايزعل دانته..كان كلام عزام قليل..ابشر..ومن عيوني...
ابو الجورري وهو يشوف عزام يتقدم للجوري ويرفع من وجها طرحتهاا وباس جبينهاابتسم
عزاام جلس هو الجوري على الكوشه.. وبدى يدخلون عليه المهنئين من اهلها ..اما اهله مادخلت عليه الا امه..وام فيصل...
امه وهي تمسح دموعها وتبارك له..
قام عزام وباس راسها ويدها..
ورجع جلس جنب عروسه الي كانت ترجف..خجل..وخوف..ورتباك
اما هو..
خلونا نقول..
مثل لقبه تمام..
صقر..
والصقر مكانه وين..؟؟
محلق بعيد عنهم بسماء بعيد عن زفتهم الغبيه الي هم حاطينها..
لحظات وبدا الموجودين يخفون..ومابقى غير الجوري وعزام والمصوره..
قام عزام بئوامر من المصوره يصور مع زوجته..
هي حركات بسيطه..
لاحظ عزام بعيونه الثاقبه..المصوره السمراء وهي تحركهم مثل الدمى بئوامرها..
اخر..شي..مل..وانقرف بس خلاص يكفي..!!
انتبهت المصوره للائمر ..ولمت اغراضها بئسرع من توقع عزام وطلعت..
عزام الجوري جهزي نفسك نطلع..انا استناك عند باب السياره مقربينها عند باب القاعه..
طلع عزام بسرعه..
ودخلو خواات الجوري يجهزونها تطلع معه..
...
بعد ساعتين..
..
في سيارات العرسان كانت موقفه عند افخم اوتيلات المملكه..
نزل عزام وساعد الجوري تنزل.. وطلعو لجناحهم..
بعدها بلحظات كانت سيارة سعود ومهاوي وكان معهم فيصل الي ساعد اخته تنزل ..
في الجناح الي فتحه الموظف وعطى عزام باقة ورد الف مبروك..
عزام طنشه وخذى الباقه ودخل الجناح بعد ماساعد الجوري تدخل ..
نزل عزام طرف ذيلها الي كان طويل وتوجه للكنبه وفسخ شماغه وفك قلابه...
الجوري نزلت عباتها بهدوء ...
وحطتها على الشماعه... وتوجهت بخجل لطرف الكنبه وجلست...
كانت تسرق النظرات له بحب وشوق وخجل..
عزام برتباك انا طالع اذا تبين تغيرين غيري برااحتك..
طلع عزام بهدوء ...ومانتبهت الجوري الا على صوت الباب...
استغربة وكانت بتخنقها العبره ...هاذا حتى ماطالع شكلي كيف يبين اغيره اووووف
شكله مرتبك بزياده...
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
با الجناح المجاور
سعود ومهاوي..
واحلا لحظات حب بين الاثنين...
سعود بفرحه اموت على الخجلان اموووووووووت انا...
مهاوي صارت مو احمر قولو لون ثاني غيره...
سعود طبع بوسه على خدها وابتسم وهو يبوسها...
مهاوي رجعت شوي بخجل وجلست.....
سعود مرتبك مايدري شيقول مها وبعدين معك انتي الحين خجلانه مني..؟؟
مهاوي ابتسمت خفيف وسكتت..
سعود بهبل انا بطير بطييييييير انتي من الليله زوجتي زوجتييييييييي ياحلو الحب يانااااااااس..
مهاوي سمعت ها الكلمات.. وكانت بدوخ من الوناسه... ها الكلمات يقولها سعود حبيبي يالللللللللللللللله..
سعود بدت كلماته الرومنسيه تهل انتي حبي الاول والاخير... ياعساني اموت اذا حبيت غيرك..ياعساني...
مهاوي بطفاقه اسم لله عليك الله يخليك لي..
سعود نقز ورمى الشماغ على الكنبه بضحكه اروح انا مع التسميه شي ثاااااااااني...
مهاوي حطت الباقة على فمها بضحكه خجوله...
جلس جنبها سعود ومسك يدها وصار يبوسها انا اليوم حبيبك.. وبكرا ..وبعده ..ومابي غيرك ومابي اعيش الا معك...
*
*
*
الصف الاول ماهو بصفي..؟؟
ولا الصف الاخير..!
انا من حيث اجلس...؟
من هنا يبدا الرقم...
*
*
... عزام&الجوري,,,
نرجع قريب من جناح عزام..
عزام برى الجناح حقه يدخن.. ويطفي ..ويدخن... ويطفي من خمس دقايق بس..
خلص له ثلاث سجاير كان يشربها بنهب.. وبلتلذذ غريب..
مسك جنبه الايمن يعوره بقوى...
اختفى الالام
بيظل طول عمره بها الالام..
يااااااااااه ماعشق غنج ذوقني المواجع وانا اتصبر عليها..
غنج..؟؟
حرك شفايفه بقهر وينها وانا وين..؟؟
غيمه مرَّت في حياتي .. والرَعَد خوَّف غزال ..
وضاقت الدنيا بـ عيني يا بعد كل " الغوالي " ..!
رحت أدَوْرِك في جنوبي لين وصَّلت الشمال ..
والمصيبه .. إنَّ { قلبي } ما هَرَب منّك وجالي !
هذا آنا .. اللي دوَّرتك وعاااندت "المُحال " ..
ما لقيتك ! وينك إنت ؟! ما لقيتك يا منالي !
إيييه [ ضايق ] من غيابك ومات فيني الإحتمال ..
بس تأكَّد هذا حظي .. وهذا في دنياي فالي ..!
ما شكيت إلا لـ حالي يوم عذَّبني الوصال ..
لمَّا دمَّرني غيابك .. جرحي الأسود طرالي ..!
أدري إنِّك ما تبالي .. و " غيبتك "أكبر مثال ..!
وشي طبيعي لو جرحني قلبك اللي .. ما وُفالي !
وتدري إنِّي مآتحرَّك شامخٍ مثل الـ " جبال " ..!
وماخضعت إلا لـ ربٍ وقت هالضيقه صفالي ..
ياللي تسأل عن جديدي و وين ودَّاني الخيال ..
تحسِب إنِّي بالقصايد أكتب إحساسي .. وأبالي ..
ما دريت ..! إنْهَا حرُوفي كلَّهَا ظيييم الليال ..
وكل قصيده في غيابك قلتَهَا , وآنا لـ حالي ..!
ما سمعها غير " قلبي " .. والله يا بنت الحلال ..
وإلا أنا ما جيت أكتب وآنا في دنياي سااالي !
جيت إلى شاطئ خيالي . . . زايرٍ قصر الرمال ..
وإنصدمت إنَّه تهدَّم ! لاحَرَس يحميه ..و والي !
ودِّي أكتب لك قصيده و ودِّي أرسم لك هلال ..!
صفحتين بـ إيد شاعر مُرهف إحساسه خيالي ..!
القصايد يا حبيبي هي ترى مثل : [العيال] ..
ومن رحلت بعيييد عنِّي .. قمت أتفقَّد عيالي ..!
وين ودَّتك الليالي ؟! هذا هو أصعب سؤال !
وما لقى قلبي إجابه . . . وين ودَّتك الليالي !
ترجف أيامي حبيبي وصارت الفرحه " محُال " ..!
بردك اللي ما رَحَمني.. شوووف منّه وش جرالي !
ما بقى أي شي [ غالي ] .. وضعت في كلمة ( تعال ) ..!
وما ذبحني غير إنِّك . . . . . يا بعد دنياي " غااالي " ..!
لا بغى يتركني قلبك .. تكفى وصَّهـ بالعدال !
إبعد شويَّه .. وإرجع .. وإبعد .. وإقطع وصالي ..!
ليه يعني في البدايه جيت . . يسْبقْك الدلال ؟!
وليه [ تتقهوى ] غرامي وتنثر بـ إيدك " دلالي " ..!
قلت لك : إنَّ المحبه , ما تْحشِم قَدر الرجال ..
لـ إستوى بعين { المحبَّه } الثقل ويَّا هبالي ..!
وقلت لك : نظرة عيونك من علامات الجمال ..!
إستغفر الله .. لا نظرت المُر صار المُر " حالي " ..!
وقلت لك : ما أبي أحبك .. وإنثنى راس العقال !!
قلبي عاندني وحبِّك ..وطااح من راسي [ عقالي ] ..!
تَحْسِب إنَّه زال حبك ؟! لا يا عمري " ما يزال " ..!
صعبه يتغيَّر مكانك . . . وإنت لي أوَّل وتالي ..!
الغنى .. ماهُو حصيلٍ من . . . دنانير ومال ..!
الغنى .. معناه شوفك يا حبيبي وراس مالي ..!
كيف أعزِّل عن ديارك وما قوى قلبي الرحال ؟!
ما صمل قلبي فراقك .. وكانت ديارك " رحالي " ..!
كيف أجاوب من سألني وآنا في حالة .. ضلال ..
وينه عنّك من تحبه ؟! والسؤال بصوت عاالي ..!
قلت ما أسمَع .. وعاد الكلمه مرَّاتـٍـ وقال :
لا إتّهَرَّبْ من سؤالي .. لا إتّهَرَّبْ من سؤالي ..!
وين ودَّته الليالي ؟! حيييل يحرجني [ السؤال ] ..
والمُصيبه إنِّي مدري ..! وين ودّتك الليالي !!
التفت بعدها بقهر..وشاف واقعه المر..انا متزوج..والليله..اول ليالي!!يااااااه وين ودانا غررورنا ياغنج..
انتي وين وانا وين...؟؟
مشى خطوتين..
فتح الباب وتنحنح ودخل..
شافها لابسه فستان ناعم ... بنفسج قصير وانيق..ابتسم على الابيات الي طرت له با البدايه ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك