رواية غرورك صادف عزة النفس فيني -64
ياوين ابرمي ها الجسد فيه... وارتاح...؟؟
لاصار حتى البوح مافيه راحه...
ماعاد لي قلب حتى ياخذه غيرك..
افنيت كل المشاعر يامعذبها...
حرك الاسوراه ماشافها بيده ..رفع يده وفك زر الكم ..وطلعها وسكر الكبك.. وحرك اسمها بين اصابعه..
الجوري مين ها الي كانت عندكم ..؟تو كانت با الملكه بس ماعرفتها ابد وماقدرت اسئل استحيت....؟؟
من دون ما يناظرها عزام ومن دون شعور وهو ينطق اسمها بهدوء وهو في داخل عاصفه مدمر اسمها..اسمها..غنج..هي بنت عمي..
بنت عمي ماجد..
وبصدره دارت انفاسه الحاره بهاذا البيتين..
لو في الزمن ذرة عداله..؟؟
ماكنت مع هاذا وانا اموت بذاك....؟
الجوري فتحت عيونها بصدمه..
غنج اسمها غنج ...؟؟
البنت الحلوه الي تجنن هي.. هي.. هي.. الي اسمها بسوارته.. طالعت الجوري ..عزام السرحان وبعدها طالعت يده شافت
اصابعه تحرك اسم غنج الالماس الي بسواره ..
انقهرت وش سالفت ها البنت مع عزام ..؟؟اكيد في سالفه فيييييييييييه... بس البنت متزوجه وباين من حركتها..
حامل هاذا الي لقطته منهم وهو يسولفون .....؟؟
بس ليه عزام الثقيل الكبير في عيونهم لابس اسواره بسمها اكيد مافي الاهي..؟؟
عزام وهو يجلس على الاحواض .. ادخلي لاتبردين..؟؟
ناظرته الجوري يقهر ودخلت..
وده في ها اللحظه..يصير اي شي..
غير انه انسان..يحس ...ويشعر..
يبي يكون جماد...او اي ..شي..
ان شاء الله طير في السماء..ماله عقل..
وكل همه يطير...
تذكر انه لازم يسافر لفرنسا..يشوف بدر..
وهل فيه امكانيه يجيبه هنا..او ..لا..وبعد كم شهر..راح اتزوج..وانسى ..لازم اطوي ها الصفحه المشقوقه..
مهاوي&سعود
.
.
.
في داخل الفله
سعود يلبس مهاوي الدبله واثناتهم ماهم مصدقين...
حلم..او..حقيقه..
مهاوي تحقق حلم الطفوله..الحب البرئ الطاهر..الي ناظلت بس عشان يعرف انها تحبه..الحين هو ملكها وحدها...يالله حقيقه او خيال.
سعود عيونه تاكل مهاوي اكل من اصابع رجولها لما شعر راسها..جنان..البنت ..برائه..تجنن..كيف..من البدايه..ماذبت في هواها..وعشقت حلاها..
العفيفه..الطاهره..مها...بنت عمي...
ام فيصل تبكي وهو تبارك لهم بصوت عالي الف مبروك الف مبروك ..عقبال الفرحه الكبيره بذن الله
سعود مبسوط الله يبارك فيك
مهاوي كانت خجلانه مره اوم عزام تبوسها وتعطيها هديتها...
جلس سعود ومهاوي على الكوشه السنبل الناعم الي تعكس ذوق مهاوي..
مهاوي كانت في ها الوقت يمر طيف بسمة ابوها..حارت الدموع با العيون البريئه..
تتمنى انه يشاركها حلمه الي تحقق بزواجها من الي تحبه...
وتهواه ماحد لاحظ ها الغصه الي جتها..حتى سعود كان مبسوط وهو يكلم امه.. وايدينه حاظنه يد مهاوي بتملك..
امها وهي تطالعها مهاوي.. راحت وجلست بعيد.. باحزن فيه فرحه ناقصه.. ومخنوقه..
حنان كمان جتهم شوي.. وباركت وراحت لامها في الفله..بعد ماعتذرت
وقدمت هديتها..
الفرحه ناقصه ...ومخنوقه...
غنج كمان..تغيرت كثير كثير..ماهي الغنج الي كانت..
ماتوقعت انها بتفرح وبتحس بخنقه حتى با الفرحه..
سعود التفت بفرح لها مها اخيرن انا وانتي لبعض..
مها طالعت سعود ودها تقتله..^^ اساس ماناظل للهاذا الحب الاانا.. ابتسمت بخفه له وسكتت بخجل..
....
...
*العيون الزمرد*
.
.
.
غنج بسياره ..
تصدقون..حتى الدموع..ماتبي تغزي عيونها رافضه...حتى الدموع رافضه..ماتبي تنزل..
غنج تردد جواتها..صفحه جديده بيضا.. بيضا ..بيضا.. مافيها عزام مافيها عزاااااااام.. فيها منصور ..وطفلي ...ماااااافيها عزام
انا ماائومن با الحب..
انا ماصدق بشي اسمه حب..؟؟
صفحه بيضا صفحه بيضضضضضضضضضا...
جوالها الجديد الي توى منصور مشتريه لها بلاك بيري..
ماتقبلت شكله ابد..حست انه للرجال..اكثر عملي لهم اكثر ..هي تبي جهاز ناعم مثلها..
مو ها الذوق الخشن الي جابه لها منصور..بلاك بيري ..هاذاياشيخ كئنه لوح الشدو الي عندها= ضمني كاره الجهاز هاذا موت*_^
ناظرت الرقم مره ثانيه..الرقم خارجي...
استغربة..ترد او لا..ترد او لا..
فهيد الي جالس قدام من جنب السايق جهازك طال عمرك ..
غنج ردة بعده الو...
تركي ببحه غنج انا تركي..كيفك...؟؟
صوته الدافي ..كان غايب..كان مهاجر..من قلبها..
من عالمها..ها الشهور الي راحت..
وينك يااااااااه....
صوتك الحنون فقدته..في عز احتياجي..
وعز ضعفي..ماخبروك..اني قويت..ماخبروك اني وقفت..ماخبروك اني رجعت..
غنج ماهي ناقصه لوم جديد تبي تفتح مع ها العالم صفحه جديده بخير..!
هدوء..مايسمع تركي الا صوت سياره غنج ..بشارع واضح..وهي ماتسمع الاصوت.. تي في.. او صوت مسجل صوته واطي مره..ومافي غير..ها الا الانفاس
ليه ياتركي كل ماضحيت لحد ماصار قد التضحيه..؟؟
ليه ياخوي تجرحني وانا توني اعرف انك اخوي..؟؟
ليه ياتركي حتى العتب خجلان يقول لك اانا عاتب عليك..؟؟
ياتركي الهجر وينه واروح اقتله واقول مابيك بينا....؟؟
ياخوي ليه..؟؟يعني من كثرهم الخلان..والا من قلها الطعون....؟؟
اما انفاس تركي المقهوره حملت....
يعني اطلع لها الدنيا وانا مايعترف فيني ..لااب خذاني بحضنه.. ولااعمام ضموني..
ولما عرفت ان القدر قال تعال.. شف لك.. اخت محتاجه...
تجي الدنيا تبعدني عنها من جديد...
تطلعين من شوري وكني غريب..او ذكرى اخو كان عايش..او عابر سبيل..وراح بحاله..ماله امر وماله نهي..
لحظات طويله العتب كان فيها با القلوب الي نقلتها الانفاس..المخنوقه..
تركي ببحه كيف زواجك..؟؟ان شاء الله مبسوطه..؟
غنج ودها تصيح ودها تبكي ياناس دموعي شفيها تحجرت ماترضى وتخوني بخير..
تركي يدعس على غروره وكبرايئه في ها المكالمه الي تهدم صروح شموخه اذا محتاجه شي كلميني على ها الرقم..؟؟
كان تركي بيسكر الخط لما استوقفته كلمات غنج المتوسله..
غنج بترجي مايقفل لحظه..تركي.. بقولك شي ..؟؟
تركي بضعف اسمعك..؟؟
غنج بتقطع با الحروف تركي بتكون خال..؟ انا حامل..
تركي ااختنق صوته ماعاد قدر يطلع ولا يقول شي..اختنق وبكلمات بسيطه با الروح لما طلعت مبروك..اسمع صوتك على خير..مع السلامه..
سكر تركي بوجه غنج وسمعت صوت الخط وهو يعلن رحيل صوته من اذونها..
تركي..ليه كذا..ليه نعشق البعد..
حتى لو انك زعلان..مكالمتك هاذي.. هدت صروح العتب..والغرور..وعرفت انك..مشتاق..ومافيك تصبر اكثر...اه ياحبيبي..
انت مشتاق مثل ماانا اشتاق لك..
انا عارفه..اني اخطيت..بس وش حيلتي قولي..وش حيلتي..؟؟؟
وش حيلت الضعيف..غير الدعاء..وش حيلتي ياخوي...ياقلها حيلتي..
فهيد يفتح باب السياره تفضلي مدام وصلنا..؟؟
انتبهت غنج ورفعت راسها للاوتيل الواقف بشموخ قدام عيونها.. ورجعت مره ثانيه لمنصور..؟؟
لاكن بصفحه بيضا..تحاول..مافيها غير منصور وطفلها..
وابتسمت بحزن..للامل الجديد..
ولصفحه بيضا بطفلها ومنصور ونقطه على السطر.
...
#الجوري#
.
.
.
الجوري تلبس الطرحه بسرعه ..وخواتها بجنبها وتودعهم ام عزام بحب..
الجوري خالتي يالله مع السلامه
ام عزام بحب مع السلامه يابنيتي وعقبالك انتي وعزام..
الجوري بخجل باستها وطلعت مع خواتها وركبو السياره..
لما ركبو السياره وسكر الباب السايق
الغيد وهي تنزل الغطى مره حلوه الملكه وجو عائلي حميم..
الجوري الي وجها صاير احمر انا بموت من خطيبي.. مادري شسالفته ..؟؟تدرين البنت الي بملكه الشقراء الاجنبيه الي يرحبون فيها وهي
رافعه خشمها بسما.. وماتعطي احد وجه..؟؟من هي,,؟
الغيد ايه ياحلوها كئنها طفله مشاء الله عليها ..عرفت من ام عزام لما رحتي تغسلين ايدينك انها بنت عمهم..
الجوري بقهر واسمها غنج..
الغيد بستغراب اسم غريب والله..
الجوري انقهرت من غباء اختها هاذي يا الدلخه الثلاث حروف.. الي على اسوارة حبيبي عزام..؟؟يعني فيه سالفه كانت..؟؟مستحيل انها
صدفه..مستحيل انها حروف مجمعه كذا...؟؟
الغيد بعقلانيه طيب واذا ياماما عزام في الثلاثينات.. وشاب في هاذا العمر اكيد مر بعلاقات كثيره ..يعني حبيتي لا تدققين كثير با الماضي..
انتي الحين المستقبل..
وهو الي اختارك.. وبعدين تفتحين ملفات قديمه هي اساس تقفلت.. البنت على حسب علمي متزوجه ..
لا وسمعت الجميع يبارك لها بحملها يعني
حامل... يعني مافي شي براسك موجود اساس الحين.. فهمتي ياختي العوده..؟؟
الجوري ابتسمت من كلمات الغيد الي ريحتها ياغيد لاتلوميني والله اانا اموت عليه واحسه بارد جدا من صوبي..ياغيد انا اعشقه فاهمه كيف اعشقه
والله احس لو يتركني اموت..
الغيد تضحك هدي يابنت هاذا وهو ماتزوجك..شوي شوي..مو كذا
الجوري ابتسمت..
الغيد بضحكه بس بيني وبينك الغنج هاذي تاااااخذ العقل..
الجوري طقت الغيد بخفه سخييييفه اغااااااار ترى..
....
$ عزام$
.
.
.
في بلكونة عزام..
مطفى انوار الجناح كله الي عنده ..ومافي لا اناره ولاشي.. ظلام جناحه كله.. وهو جالس بكرسيه الي غاب عنه كثير.. كره ها البلكونه ..كره قعدته فيها
تذكره بشياء موجعه ومؤلمه يبي ينساها ويعيش..ياكيف يعيش..؟؟
هاذي بلكونتها قدامي..وهاذي عيونها توى ماغابت عن عيوني..وحامل..وحامل..
يعني نستني جد..ماكذبت لما قالت بنساك..ماخانه التعبير وقالت ما
راح انساك..جد نستني..
قام من الكرسي ووقف عند دربزن البلكونه حقته والي مقابله تمام بلكونة غنج الي..اكتساها الغبار...
بصوته الهادئ العذب المرهف..الحساس..شدى بلحان حزينه...عكست الاناره الخفيفه الي تعكسها انوار المشتل الورد الي تحته با االضبط
شكلك تبي تبدا معاي الخيانه
لا يا حبيبي هونك شوي هونك
انا اللي بنهي الحين قصة هوانا
وانا اللي ببدي بالخيانه واخونك
شالسافه قلبك تغير حنانه
وانا اللي اول كنت مالي عيونك
عشان قلبي حب قلبك وصانه
ولا انت ما يعجبك منهو يصونك
بعيش انا وقلبي ومنته معانا
خل تنفعك بعدين كثرة ظنونك
انت الذي حديتني وللأمانه
حياتي صارت حيل حلوه بدونك..
سكت بعدها وعض على شفايفه.بلع ريقه الي يحس فيه با بطعم مر..سمع صوت تحت ..طل من البلكونه على المشتل..شاف سعود ومهاوي با المشتل
كئنهم معصبين او شي من كذا..وش مطلعهم بها البرد ...
مهاوي بعصبيه كل تبن لاتقول عنه كذا..؟
سعود بحده انا اكل تبن يامها ومن الي يقول مرتي تقوله لي..؟؟وعشان..؟؟عشان مسيحي معفن..؟؟مات..؟؟قلعته عساه لجهنم الحمرا....؟؟
مها بصراخ لا حراااااام عليك مايكل حب الطفوله..من يوم كنت صغيره وانا احب مايكل جاكسون...اه ياقلبي ..اليوم تخيل يوم تشيع جثمان..في يوم
ملكتي..يالله ؟؟
سعود مقهور من اسلوب مهاوي قدامه وهي لابسه اسواره عليها صور لمايكل جاكسون صغيره اقول افسخي عنك صورة ها المسخ لا امسك الحين باحوض
الورده اليي وراك على راسك..
مها ها..بطقني..وعشان من..عشان ميكولي..انقلع من مشتلي ...انقلع
سعود وده يكفخها خربت عليه ليلة الرومنسيه ليله ملكتهم با المسيحي هاذا الي مزعجتني فيه من يوم مات.. وبعصبيه والله انها ااحسن سنه مرت علي يوم طس
مايكل من ها الحياه..
مهاوي ناظرته بحقد كبير وشرار يتطاير من عيونها وبحقد وكلماتها متقطعه انت بدوي...بدوي..بدوي..
سعود طالع عيونها الحاقده ووجها الاحمر خاف تذبحه برضه ابتسم بخفه يالبى البدو من ها الشفاها...ياشيخه والله لوني امريكي على ياباني ااي شي
اصير بعد ها الشفايف الي نطقت..بدوي..الي تبين..؟؟
مهاوي سكتت وتحولت عصبيتها لخجل كبير..
سعود حمد ربه انه قدر يسحب عصبيتها ويحولها الحين لدور الدفاع لنه يعرف انها تستحي كثير من الكلمات الي يقولها ...
وتحول الموقف..
تحت انظار عزام الي يطالعم ابتسم على حبهم المشاكس الغريب..
ورجع جلس على الكرسي وغمض عيونه بهدوء..
...
________________________________________
,,, غنج &منصور,,,
.
.
.
با الاوتيل
دخلت غنج الجناح نزلت على طول طرحتها وفكت عباتها ..
-كان نمتي عندهم احسن..؟؟
التفتت غنج وهي انرعبت ان في الجناح احد توقعت مافي احد بسبب الانوار الي كانت مطفاه
شافت الابوجوره القريبه تنكبس وشافت منصور جالس على الكنبه الي عند الابجواره ..ويكبسها تطفى.. وتشتغل..و تطفى ..وتشغل..واخر شي ترك
الابجور شغاله...
غنج تطالعه بصمت مطبق ..انتبهت للطاوله الصغيره الي جنبه... كيسين غزل بنات ..وابره مستخدمه مرميه بهمال ..
غنج ابتسمت بحزن مستحيل يترك ها القذاره مهما صار.....
منصور بحده يتخللها صوته الي كان مبحوح يعني ماصارت ساعه ..؟؟من كم ساعه وانا منطق هنا مثل الكلب لحالي..!
غنج فكت جزمتها الطبيه وحطتها على جنب ..
وتفكيرها انحصر في ها الوقت في الشهرين الي طافو.. ماوجودي وعدمه واحد يامنصور.. بس انت
تمسك عليك مسكات...
اهملت كلامه..
منصور بنفعال وهو يوقف مانتي ماتنعطين وجه اساس.. انا كيف خليتك تروحين..؟؟ مافي احد لك هناك.. وش يهمونك الي هنااك..
ماهمك الا هو
وانتي رحتي له مخصوص..قوللي ..قوللي..قابلتيه..اكيد انك قابلتي..هاالزفت..ماتتكلمين والا صمخى..؟؟
غنج تناظره وتحاول تكون مالكه اعصابها من,,؟؟
منصور بقلة صبر عزام الزفت,,يعني تستهبلين..
غنج ببلعت ريق واذا يعني,,.؟؟؟وقابلته..؟؟شصار..؟؟
منصور مات قهر ..وتوجه لها بعصبيه.. ودفها على باب الحمام الي كان مسكر ويده كانت على ذراعها وتقولينها ياحيوانه ..؟؟
المره الاولى عدتيها بمزااجي..
والحين راح اخليك تكرهين اليوم الي طلعتي فيه لدنيا..مو منصور الي يكون اطرش بزفه مو منصور,,.؟؟
غنج المتها شدة منصور له وضغطه لها على الباب الي كان مقبضه يعور جنبها بقوى تماسكت منصور هدني..
عزام ماصار يعني لي شي خلاص..
انت وطفلي دنيتي الحين... منصور انت تعورنا ....تعورني انا وطفلك ...هدني..
وغمضت عيونها بئلم.. وانشد مع عيونها وجها الي طلع ماهو مرتاح ومتئلم..
منصور انتبه في ثورة غضبه وحدته لحركته البايخه..
كيف يشدها كذا وهي حامل...ويمكن تتئذى من اي شي..ياني غبي...اساس ليه عصبت عليها
كذا...؟؟
تركها منصور وعطاها ظهره.. وراح لجهت الاريكه ..ورمى نفسه عليها.. وحط يده على عيونه وسوى نفسه بينام..
غنج مسكت جنبها بئلم ...ناظرته بيئس..لفت عنه ودخلت الحمام....
فتحت موية الحنفيه غسلت وجها الحار...رفعت وجها لمرايه ...
شافت وجه..ماهو وجها..جديده عليها ها الملامح..ملامح كبرت...كبرت..كبرت..
انرسمت عليها خطوط الجديه...وانها صارت كبيره الحين..وتبي تحمي عائلتها الصغيره...
ماتبي تخسر شي في ها المعادله..من امس دخلتها,,وهي
تبي تربح..مافي مجال للخساره,,
ائلمها بطنه كثير..من لما قامت الصباح وهو يئلمها بقوى....ماتقدر اكثر من كذا..وحركت منصور زادتهاا الم .عورها بشدته عليها..
-با الجناح
منصور انا سخيف..يعني..شها الحركه الي سويتها..كني بزر...طيب انا سمحت لها بتروح..ومتئكد انها احتمال كبير تقابل الزفت..
وفهيد كان يراقبها..بس ماشاف انهم تقابلو ابد..يعني معقوله كلامها صحيح..انها تبي تفتح صفحه بيضا..جديده..مادري..مادري..بس
انا مابي..مابي..لاصفحه بيضا..ولاحياه ثانيه..معجبني وضعي كذا..راح اسفرها مع رانيا..انا ماراح اروح..مابي اروح...مابي اطلع منه هنا
مايعجبني شي اسمه تغير.....تتعالج وترد..وخلاص..اذا هي تبي طفل..بكيفها..انا مابيه..خلها ترببيه..ماراح ااغير شي في حياتي..لي
هدف وراح احققه,..راح ادمر جراح الشامخ..راح اخليه يشحذ بكل شارع..مايلقى احد حتى يساعده..راح يشوف مايكره..
لفته باب الحمام لما انفتح.. طالع شكلها ووهي طالعه من الحمام ..
حاول يبعد عيونه عن الاعتذار لها لاكن ماقوى..غلطان يامنصور من راسك لساسك ..
غلطان..
طالعها وهي ماسكه جنبها ..وشوي تمسك بطنها.. كئنها تضغط عليه...
قام له بسرعه...وقف قريب,,وبحه غنج اسف عورتك,,
غنج ماطالعته طنشته..الالم الي فيها ..ماهي متحمله منصور واعتذاره..اساس ما شالت عليه.. تعودت خلاص,,
منصور قرب منها ومسك جنبها والي كانت ايدها عليه وحط يده البارده على يدها عورتك..
غنج بتعب منصور..انا ..معي دم..
منصور طالعها بعدم فهم يعني كيف....؟
غنج ببحه يعني معي نزيف..يعني تعبانه..من الصباح كان خفيف..لاكن الحين انا تعبانه..
منصور خاف وطار قلبه في ها اللحظه مسكها بخفيف ومشى فيها للكنبه جلسها عليها وماقال ولاكلمه
غنج جلست وحطت راسها على الكنبه مددت رجولها بتعب,,انتبهت له وهو يتكلم بجواله..
منصور بحده جيب لي دكتور او دكتوره لنساء من تحت الارض ربع ساعه بضبط عندي دق على رانيا اكيد انها تعرف ورح جبها
بنفسك ولاتتئخر كثير ,,اذا تئخرت ماراح انتظرك راح اطلع للمستشفى..ولماتجيني راح تعرف كيف التئخير يالله بسرعه,,,
سكتت غنج ماردت عليه,,
مانتبهت الا على منصور يكلمها بعكس نبرته الي كانت غنج شتحسين فيه الحين..؟؟
غنج فتحت عيونها وبتعب عادي مافي الم كثير ..لاتخاف...طفلي قوي...
منصور طلع برى الجناح بسرعه سوى حوسه با لاوتيل تسمع غنج صوته الحاد على مرافقينه...ماتوقعته..كذا...يخاف..يصير شي بطفله او فيني...
توقعت الجمود منه مثل ماعودني...
شخصيته مركبه وغريبه...مامر علي مثله..شخصيه ماتنبئ بلي راح يسويه..يناقض نفسه...بتصرفات كثيره..حنون..وقاسي..ماله قرار او قاع..
منصور فتح الباب بخشونه غنج انتي الحين طيبه في معك شي,,...؟؟؟
غنج مافتحت عيونها اشارات بس بصباعها انها بخير
طل منصور من جديد على المرافقين ياحوش جهزو السياره بسرعه بنزل فيها للمستشفى...
غنج ببحه منصور ماراح اقدر اطلع خلاص بمكاني انتظر الي بتجيبها لاتخاف مافي شي يخوف..انا بخير...
منصور التفت لها وصد عنها وطلع...
دقايق ودخل عليها غنج يالله انا ماقدر اخليك ..هاذاالتبن مو قريب من الاوتيل
غنج ووجها معرق لا ماقدر راح استنى...
منصور قرب منها وجلس على ركبه يالله خلينا نروح..
غنج صارت تبكي في هاالوقت
منصور ماتحمل وشالها لما شالها انتبه للكنبه الي امتلت دم...
انصدم منصور من قوة تحمل غنج..وتكورها على نفسها...ماتبي تخبره حتى بتعبها
خذى بسرعه عباتها ورماها عليها ومشى فيها بسرعه لتحت,,,.
دقايق وكانو المرافقين يفتحون لمنصور الباب الخلفي لسيارته..
دخل غنج با المقعد الخلفي وتوجه هو للمكان السايق
منصور بصراخ بعد انا الي بسوق ...وانتم الحقوني با ااسياره الثانيه
بعد عبد اللطيف من منصور الي كان قمه في العصبيه..
ركب منصور السياره وتوجه بسرعه لجهت مستشفى قريب من الاوتيل..
..
بمكان مظلم ومهجور...بعيد عن النور..
اصوات غرغره..
ودماء غريبه..
ديك اسود..
واصوات تعويذات غريبه..
طلاسم...تجدد..وادعيه..وايات معكوسه وغريبه..واسم حنان..بينها يذكر..
....
با المشفى
وغنج داخل غرفة الدكتوره,,,
الدكتوره بعد ماطلعت من الكشف على غنج لا اتطمن المدام بخير..
منصور بقلق لاكن هي معها دم..
الدكتوره هي شوية مرهقه وهاذا ناتج عن ضغط..لامشاكل بحملها ولاشي والحمدلله..انا عطيتها شوية ادويه..وابرة مغذي..وبذن الله تطلع معك
منصور بقلق يعني هي الحين بخير
الدكتور باابتسامه وهي تفتح الستاره على غنج الي كانت مغمضه عيونها ولما انفتحت الستاره فتحت عيونها الزمرديه
ولتقت بعيون منصور الي كان قاعد بتعب قريب من مكتب الدكتوره...ولما شاف عيونها ..وقف بسرعه..
الدكتوره احلا بيبي بذن الله ينتظركم...
منصور يتضايق من فكرة حمل غنج..بس ابتسم بتعب
وقف قريب من سريرها ..
غنج وهي تحاول تجلس..وتسكر الازره تبع بلوزتها...
منصور مد يده يساعدها تجلس
طلعت الدكتوره من الغرفه
جلست بتعب ..
منصور رفع دقنها لجهته,,,مارفعت عيونها له,,,
تحاول تلتهي بئي شي..بجرح الي تحت شفايفه..بسمه المرسوم بحروف اسبانيه على كبكه الفضه...
ساعته..اي شي..بس تتقبل..قربه..لو بشوية راحه..وتتئقلم...
رفع يدها لفمه وباسها..
اسف..
اسف..
اسف..
اسف..
ياغنج..آسف..
رفعت غنج عيونها لعيونه ..
منصور بهدوء صدقيني من اليوم..راح اخليك بدنيتي اميره..
ابتسمت غنج بهدوء وبلعت غصة حزن مارضت تروح..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك