رواية علمني كيف اترك يدك في عز حبي لك -51
بأقول لجواد نسميه سلطان حلو سلطان طبعا ولد أميره و جواد لازم يكون سلطان
أو أسميه مساعد تميت عند ولدي ألمسه و أغني له و أسولف له عن أمه و أبوه و عن جدته
و قمت أتأمل الأطفال اللي معاه بالحضانه اشكثر يهبلون بسم الله عليهم
كان ودي أشوف عيون ولدي اللي تقولي الدكتوره ان لونها عسلي فاتح بس هو مسكرهم
كانت معنوياتي مره مرتفعه و عندي قوه خياليه أقدر أواجه فيها مشاكلي الله يرفع قدرك يا سلطان طلتك بس شو وش سوت في أمك !!
رديت لغرفتي لقيت جواد صاحي و مشتط و محتد و كأنه كان ينتظرني
ابتسمت بنعومه و قلت
أميره : حبيبي وش فيك يالغالي !!
مسكني بقوه معصب و يطالعني و الشرر في عينه رمى في وجهي بوكيه ورد كبير
جواد : كلمتيه ... و واعدتيه هااااااااا
أميره : جواد وش السالفه ؟؟
جواد : مجنونك فيصل أرسل لك بوكيه الورد اللي تحبينه
رماه في الأرض و قام يدعسه برجله و يهشمه بقسوه
جواد : واعدتيه بعد ما سافرت استغليتي غيابي يا خاينه
طالعته مني مصدقه كلامه مسكت يده و قلت
أميره : عمري ما خنتك و لا راح أسويها مستحيل يا جواد مب لهالدرجه معقوله !!!
ضربني بقوه و شدني من شعري و قال و هو يهتز من العصبيه و يقول بهستيريه
جواد : معقوله و نص يالخاينه و هالكرت فيه كل شي يا حقيره طول عمري أقول انك نجسه ... رفعت قدرك و انتشلت من العذاب اللي كنتي فيه وسط أخوانك و تخونيني ما يثمر فيك الخير يا قذره !!
أميره : لا يا جواد انت فاهم غلط
جواد : و باقي تقولين لي فاهم غلط
صرخت فيه
أميره : لأنك دايم تسمع نفسك و عمرك ما فكرت تسمعني
طالعني و الدمع في عيونه
دفني بقوه عالأرض و طلع صفق الباب و أنا في قمة ذهولي تسحبت من الألم اللي أحسه لين وصلت للورد المقطع و طالعت الكرت ...
(( مااا دمت قااادر بااالجفا تاااخذني بيديني .... علمني كيف أترك يدك في عز حبي لك ))
مجنونك : فيصل
انهرت عالورد أبكي
أميره : ليه يا فيصل ليه حرام عليك دمرتني انت دمرتني جواد عمره ما راح يصدقني عمره ما راح يفهمني حراااااااااااااااااااام حبك لي دمرني و عمرك ما راح تفهم اني ما أحبك و لا أقدر أحبك آآآآآآآآآآآآآآآآآه
في الأخير انتهيت عالسرير بمساعدة الممرضات و ابرة مهدئه !!
___________________
مرت الأيام بعدها عادي
لا تبون الصدق مب عادي لأن غرفتي في المستشفى كانت فاضيه خاليه من الزوار جواد بعد ما ضربني و أهاني ما فكر يجي أبدا كنت أسأل الممرضات عنه بس تجي الإجابات بلاء !!
كل يوم كنت أشوف ولدي و أرضعه ألمسه و أتخيله يناديني ماما ألمس شعره الخفيف الناعم و أشوف رسمة عيونه الجميله مثل رسمة عيون أبوه ....
جوري و رجاوي جو زاروني و ربي قدرت تعبهم و مجيهم و هم في عز العزاء يجون يسلمون علي ليتني معاهم في العزا أخفف شوي من حدته بس الدكتوره تقول انتي تعبانه و حالتي ما تسمح بأي ضغوط .... مره سألتني لو زوجك يسبب لك أي ضغط بنمنعه من الزياره بس أرد أقول بالعكس عمره ما كان ضغط لأني بإختصار أحبه ...
صحيح ضربني وشكك في شرفي و أخلاقي مع ذلك أحبه لأنه ببساطه ساكني لا تتخيلونها سلبيه أو ضعف من أميره بالعكس أستمد قوتي من حبه لأنه دايم يقول اني ساكنته و هو ساكني و في ولد بينا ما أعتقد انه راح يطلع منه أي شي غير اللي سواه بيحس بقلبه اني بريئه من تهمه الباطله أكيد ...
________________
الساعه : 01:20 ظهرا
كل يوم أروح أشوف ولدي اللي كل يوم عن يوم ما شا الله تتحسن حالته بس هاليوم غير لأني شفت جواد و هو يلمس الولد و يلعب معاه تيبست رجولي عند الباب لما شفت جواد
لي أربع أيام ما شفته مع اني هريت جواله بالإتصالات بس كان قاسي علي و لا رد
اشتقت له حيل و محد يطفي نار هالشوق الا سلطان اللي أشوف أبوه فيه !!
كان شكله تعبان حيل مع ذلك قمه في الوسامه شعره طايح على جبينه ياااااااااااااااه يا جواد اشتقت ألمس هالشعرات اللي على جبهتك ...
اشتقت أضمك و انت من أول ما جيت من سويسرا ضربتني بس أحبك جافيني أحبك حاقرني أحبك و ما تبي تكلمني بعد أحبك و مب لازم تعاملني زين المهم اني أحبك و السلام
دخلت للحضانه بعد ما لبست اللبس المخصص لهالمكان عشان الجراثيم و غيره
أول ما شافني قام
يتأملني صدقوني يا ناس حسيت في عيونه الندم و الشوق و الحنين و اللهفه بس للحظه
تحولوا لنار تحرقني و نظرات الحزن صارت شر دفني برى الحضانه و قال بعصبيه :
جواد : احلمي انك تاخذين الولد
قلت بذهول
أميره : ما راح آخذ أحد هو ولدنا أنا و انت
ابتسم بسخريه
جواد : لا يا حبيبة فيصل هذا كان زمان أنا طلقتك أمس يا السافله و اشبعي بفيصل حقك روحي له خليه يتزوجك !!
تركني وراح صدمني و راح طعني بسكينه و تركها مكانها بدون حتى ما يفكر يسحبها
قتل فيني الإحساس بالحياه أو حتى السعاده ذبحني بسكينته البارده مثله من بوكيه ورد أرسله فيصل المجنون من راسه خلاص طلقتني وش هالعقل و هالسخافه اللي لا تصدق!
كيف ... كيف قلبك قدرك على هالشي كيف تنطقها أصلا و تقول طلقتك ؟!!
و سلطان بيضيع بينا بينتهي بين أب و أم متطلقين ظلمتني حيل و المفروض تعترف لاء أنا عمري ما فكرت أخونك أو .......... أنا أحبك يا جواد أحبك
صرخت فيها بالممر قمت مذهوله بمساعدة الممرضات لغرفتي و ابرة مهدئ مؤلمه تنهي كل شي
_______________
جا اليوم اللي المفروض أطلع فيه من المستشفى لميت اغراضي على أمل أشوف أي أحد ممكن يجي ياخذني بس للأسف الأميره صارت ذليله و محد راح يفكر فيها دام جواد حقرني بهالشكل و المحزن ان الدكتوره جات تطالعني مستغربه من عدم خروجي مع انها كتبت لي خروج مالي حل الا اني أخرج بنفسي مع أي تاكسي للبيت .....
ودعت ولدي الصغنون بعد ما رضعته تأملته للحظات و تخيلته بعيد عني لا يا ربي حتى ما أبي اتخيل ضميته لصدري حيل حسيت بالحنان يتفجر فيني و الدفا يسكن أوصالي من جديد بست عيونه و خشمه و شفايفه و كل وجهه و يده و رجله شميته لأني عارفه و متأكده ان جواد راح ياخذه مني ضميته بقوه و دموعي تسيل على وجهه الناعم مسحتها عنه بسرعه خفت انها تحرقه فتح عيونه الناعسات يطالعني ابتسم لي بكسل ذكرني بأبوه يوم كان يبتسم هالإبتسامه أبوه اللي صار في غياهب الأيام قصدي الماضي ...
سلمته للممرضه اللي كانت تطالعني بحزن شلت أغراضي و طلعت ...
ركبت أول تاكسي قابلني وصفت له البيت الكبير أو بالأحرى القصر
_________________
استقبلوني جوري و رجاوي بالأحضان و البكى و الدموع طبعا ما كان في أحد .... شكله انتهى العزا من زمان
رجاوي : أميره يا قلبي محد راح يجيبك
أخذت مني الأغراض اللي بيدي
جوري : و أخبار السلطان
أميره : حمد لله يسلم على عماته
حضنتني جوري و كأنها مهي مصدقه اني قدامها
دخلوني الصاله و خصوصي جابوا لي عصير و المويه بنفسهم
جلست جنبي رجاوي و قامت تكلمني عن البيت و أحواله بعد ما طلعت ...
رجاوي : بعد ما شفناك يا أميره طايحه عالسرير و ملك سايحه في دمها جنبك اتصلنا بالإسعاف اللي جا شالك انتي و اياها ملك باين من حالتها اللي شفناها عليها انها انتحرت و انتي كنتي تمنعيها من الإنتحار في لحظه فكرناك متي وش بنقول لزوجك لا رجع قتلنا مرتك الكارثه ان في هاليوم جواد و ساميه ردوا من سويسرا طبعا أول شي سألنا عنك قلنا له انك بالمستشفى و عزه حكت له كل اللي صار جن جنونه و قام يتهمنا و يتوعدنا اننا لو قتلناك أو لمسنا شعره منك راح يكون حسابه معانا عسير !!
يااااااااااااااه يا أميره أيام ما تنوصف نهائيا ما تتخيلي كيف كانت أيام العزا شنيعه جواد طلب مننا ما نقول لأحد سبب موت ملك لأنه أكبر عار ينقال بنت فلان انتحرت !!
كلنا احتفظنا بالسر إلا خالتي المصونه هي و هديلو صاروا يعايرونا في الدخله و الخرجه لين انتشر بين الناس الخبر...
كانت قويه حيل علينا كلنا و خصوصا على جواد اللي هجر البيت و صار ينام بره و بعد سؤال عرفنا انه ينام عند صديقه في يوم جانا معصب و مشتط قال لنا انه طلقك ... و انه راح يتزوج هديل !!
كلنا كذبناه و اعترضنا جوري أول ما سمعت الخبر أغمي عليها و التهينا فيها و نسينا السالفه هديل ارتفع خشمها و خصوصا بعد ما وافقت على جواد ...
عزه سألته ليه طلقك قال انك خنتيه و طبعا عزه بما ان الخيانه سوت شرخ في حياتها فصارت .............
قاطعنا من السالفه دخول عزه
عزه : و لك عين تجين هنا بعدما خنتيه يالخاينه
قمت وقفت و قلت :
أميره : أنا ما خنت أحد و الله ما خنته
قامت رجاوي تربت على كتفي
رجاوي : و الله مصدقتك !!
عزه : يا شيخه اسكتي بلا مصدقتك
أميره : استاذه في الجامعه .....
قلتها بحزن و كملت
أميره : و في قسم رائع و تتكلم بهالطريقه .... بنفسك علمتيني اننا لازم نتسامح و ننسى أخطاء غيرنا عشان الحياه تستوعبنا و نعيش و عشان زوجك في يوم من الأيام خانك فكل الناس خونه في نظرك ....
سمعت صوت تصفيق حار و دخول مجلجل لحرم جواد الجديده
هديل : أهلين بطليقة زوجي وش أخبارك !! ما أشوف ولدك معاك !! اللي في يوم بيصير تحت جناحي ...
قالتها بتريقه و هي تلعب في أظافرها
قهرتني الكلمه الأخير فمسكتها من ملابسها و شديتها بقوه
أميره : ولدي سلطان ما ينحط تحت جناح أحد فهمتي هو اللي يحطك تحت جناحه و يوطاك عمري ما راح أخلي يدك القذره تلمس ولدي و راسي هذا يشم الهوا فاهمه !!
جواد : أميــــــــــــــــــــــــــــــره !!!!!!!!!!!!!!
قالها بصوت قوي جدا أوقف الموقف !!
الجزء الأخيـــــــــــــــــــــــــــــــــــــــــــــ ــر
________________________________
تبيه !!
تحت الليل و سياااط النظر و الخوف
تبيه و الميعاااد عيااا ينتظر ملهوف
تبيه و الساااعه دهر مااا مر مااا أرسل خبر
تبيه ... تبيه .... تبيه ...
تبيه مااا ملت و ظلت تحتريه
تبيه ... تبيه .... تبيه ... تبيه
كل الوفااا شفته على ذاااك الرصيف
ذاك المسااا
كل الجفااا شفته على نفس الرصيف
نفس المسااا
كااانت تعض ابهااامها حيره
و كااانت تشب و تنطفي غيره
كااانت تموت و تحتضر
و كااانت أبد مااا تتنتظر
مااا تتنظر غيره !!
يا قلبهااا مسكين ما تدري
ان الهوى سكين يجرح و لا يبري
وان الوهم أحلى حقيقه في الغرااام
و ان الحبيب الي تبيه أحلااام
يا قلبهااا هذااا زمااان صعب يموت فيه الصدق
و يعيش فيه الكذب
يا قلبهااا لا تنتظر
يا قلبهااا لا تنتظر
لا تنتظر !!!
دور على غيـــــــره
لقيت نفسي مرميه في الشارع بشنطه صغيره كانت في يدي !!
مشيت مسافه و قدرها لين لقيت تاكسي يوصلني لشقتي أنا و رنا يااااااااااااااااه كأننا حسينا بكل هاللي صار و شرينا الشقه و اثثناها ....
طلبت من أبو عبده يرسل لي زوجته عشان ترتب البيت و تبات معاي صحيح دايم أجي هنا بس عمري مانمت في هالمكان و لا تجرأت أنام فيه كنت خايفه من رنا لما تقتحمني ذكراها
جلست عالاريكه ألتقط أنفاسي و أتذكر كيف جواد طردني من البيت بكل وحشيه و رماني في الشارع كيف ذلني قدامهم كلهم لما طلبت منه و ترجيته انه ما ياخذ ولدي أبدا بس ما رضى بل بالعكس دفني برجله و رماني برى البيت !!
أما بندر أخوه فكان يطالعني بتشفي و كأنه مستانس من شي أو عارف شي و ساكت !!
فصخت عباتي و طرحتي !!
و قمت أرتب البيت على ما تجي ام عبده !!
البكى تلاشى من أميره الدموع جفت في عيون أميره رغم الإهانه القويه اللي تعرضت لها من اللي أحبه ... أحبه .. هل باقي أحبه رغم وحشيته معاي و لا أكرهه ؟!
( في قصور الشوق ... تلتهب الكلمات معبره عن الحب و من صنع الحب قصور شوقي بناها مستعمر ذلك القلب )
( من يعيد بناء القصر اذا حطمه بانيه بيديه .... و ينتهي الحب )
رنا : سمعتي هالكلام أحسه صحيح رغم اني ما جربته أبدا
أميره : وحده مثلك عمرها ما راح تجربه صدقيني
رنا : ( من يعيد بناء القصر اذا حطمه بانيه بيديه) ياه كلام خيالي
أميره : طيب اشربي حليبك و انتي ساكته !
قطعني من الذكرى طق عالباب
طالعت من العين السحريه و فتحت الباب
أميره : هلا و الله
أم عبده : اذيك يا ست أميره عمله ايه
سلمت عليها و قلت
أميره : تمام الحمد لله
دخلتها و جلستها في الصاله جبت لها كوب عصير و قلت
أميره : لو ما عليك كلافه أبيك تتمين معاي هنا كم يوم لين الله يفرجها
أم عبده : من عنيا و احنا كم أميره عندنا مش بتأولوا عندكم غالي و الطلب رخيص
أميره : تسلمين يا قلبي
رحت تسبحت و نعنشت لبست واحد من بجايم رنا و تمددت عالسرير أقرى دفتر مذكراتها ...
( ايمانا مني بقيمة الحب أرفع راياتي مستسلمه أمام ما اجتاحني لحظتها .. هل أنا أحببت أم ما أحسسته في داخلي كان احساسا آخر لا ينتمي للحب ؟!!
كوني نادره أحببت هذه الحكمه التي تعني الكثير رغم أنها صعبة التنفيذ )
تنهدت بقوه و أنا أسكر الدفتر و أفتح شنطتي أدور عالفلوس عشان أقول لأبو عبده يجيب أغراض للمطبخ لأنه الثلاجه بإختصار شديد مصفره !!
مالقيت بالشنطه غير دفتر و بطاقة الفيزا اللي حسابي فيها مجمد و محفظه ما فيها الا مية ريال و الدفتر اللي عشقته بكل صفحاته دفتر جواد !!
تذكرت العلبه الخشب اللي في الدولاب رحت أدورها ما لقيتها ؟!!
آه تذكرت !!
رحت لمراية الحمام بعدتها و طلعت من وراها صندوق فيه بطاقاتين صراف و بطاقة فيزا الذهبيه و بعض الأوراق اللي تثبت ملكية الشقه و خمس مية ريال أتذكر ان رنا حطتها و هي تقول بتريقه
رنا : مصيرك تدورين عالخمسمية الريال اللي ما تعتبر عندك شي و تحتاجينها !!
رحت لأم عبده أعطيتها الفلوس عشان تجيب أغراض للبيت !!
فكرت في كل شي و كيف راح تكون حياتي بعد جواد أحبه يا ناس و للحين أحبه !!
قمت بدلت ملابسي و لبست عباتي شلت كل بطايق الصراف و طلعت ...
لما رحت للصراف اكتشفت ان حسابي اللي في البطاقه حقتي ما صار مجمد بل زاد أضعاف أما البطايق الباقيه فيها مبالغ ضخمه ... في البدايه احترت وش أسوي فيها !!؟؟
بس لقيت الحل !!
________________
مرت أيامي عال العال من أحسن لأحسن و الحمد لله
كل يوم أزور سلطان بالمستشفى و أتجنب دايم اني أشوف جواد اللي أبدا ما فكرت حتى أشوفه أحبه و الله أحبه و كل ما يحرقني الشوق أبوس صورته و أضم دفتره بقوه و أقرى كل كلمه فيه كم مره و أعيدها دايم أحط نفسي مكانه و أعطيه الأعذار رغم انه في الحقيقه ماله أي عذر رديت مثل أول أميره الحره المنطلقه أميره المبتسمه للحياه مهما حصل رديت أكتب الخواطر و أرسم اللوحات و كل يوم يزداد شوقي لولدي الغالي اللي قرب يطلع من المستشفى
رديت أهتم بنفسي و أكشخ مثل ما أبي ركبت انترنت و رديت لمنتداي و لمعجبيني و المهتمين برسمي رديت لزياراتي للجمعيات الخيريه و رديت عضويتي في منتدى الرسامين اللي رحبوا كثير بعودتي و احتفلوا بهالشي ردت الحياه لأميره رغم ما في حياه بدون جواد أرد و أقول هو الخسران مب أنا !!
شريت فيلا كبيره و طبعا باقي ما انتقلت فيها ما خلصت باقي مهندس الديكور يقولي كمان كم يوم !!
سمعت من الناس ان جواد تزوج هديل ... تقبلت الخبر بإبتسامه هادئه و عادي كأنه ما سمعت شي رغم انه بدون مبالغه كوتني في داخلي و رحت أبكي يوم كامل على جواد !!
حاولت أكون صامده و ما أعيش في الماضي لأني راح أتعب و راح أتعذب صرت أقاوم الماضي بكل تفاصيله و أنا أشوف سلطان بين يديني !!
صرت أزور أحمد اللي مهو مستجيب للعلاج مع ان الدكاتره استغربوا تمسكه في الحياه و نضاله عشان يعيش لما يشوفني يرتجف و يتحرك بشكل غريب و يرد يغمض عيونه ناديه تعبت مسكينه و صارت نحيفه بعد ما كانت مورده و مشرقه بالحياه !!
عرفت سالفتي فزادت آلامها مع اني بينت لها اني مبسوطه و مرتاحه و بسكن في فيلا جديده و عطيتها العنوان .... دايم أزور أولادها في البيت أسولف معاهم و ألعبهم و أحيانا نطلع للملاهي انقطعت عني أخبار اللي أعرفهم كلهم معدا ناديه اللي صارت محور حياتي هي و زوجها و عيالها !!
________________
رحت آخذ سلطان من المستشفى و ما كنت مصدقه ان جواد ما أخذه مثل ما تهدد و توعد
نور البيت بسلطان ولدي حبيبي و خصوصا ان الفيلا خلصت في نفس اليوم انتقلنا للفيلا بعد وداع ساخن مع أم عبده اللي بجد كانت أمينه و حنونه و صادقه معاي !!
الفيلا مب حلوه بدون خدم !!
مدري ليه تذكرت صوفي و حنيت لها و تخيلتها في الفيلا معاي .... كلمت ناديه و سألتها
بس للاسف صوفي سافرت بعد زواجي من جواد بيوم و لا عاد بان لها أثر !!
( رائع عندما يكبر من تحب و يترعرع في احضانك ... بذرة الشوق هنا في قلب من تحب )
سكرت الدفتر على صوت صياح سلطان ...
أميره : يا روح ماما شوفني هنا
و قمت ألاعبه و أغني له
أميره : تدري يا قلب ماما ان بابا واحشني رغم انه كان قاسي علي بس يالله الحمد لله اني باقي أحبه !!
مدري ليه قلتها هالكلمه و ربي اشتقت لجواد اشتقت أشوفه ودي أشوفه و لو من بعيد
هل هو سعيد !!؟؟ و لا مب سعيد هل راح تقدر هديل تتحمله محد راح يتحمله غيري لأنه ساكني و أنا ساكنته !
_________________
الساعه : 05:00 عصرا
اليوم وقعت عقد مع شركه من الشركات انها تنفذ لي مشروعي الصغير اللي هو عباره عن شركة ديكور و في نفس الوقت معهد لتعليم الرسم كان هالمشروع في بالي من زمان بس ما قدرت أنفذه الا بعد ما تحررت من جواد !!
ليه أقول تحررت ؟!!
كنت أتأمل الناس و هم يبعدون عن نظري و أنا أطلع باللفت في المملكه ....
رنا : تذكرين أحلام تقابلت مع زوجها بعد واحد و عشرين سنه و ضمته و ضمها مع انه هو اللي كان السبب في فراقهم
أميره : غبيه المفروض تعطيه كف
ضحكت بمرح
رنا : تفكير غريب الحب يا ماما قوي و قوته صعب تتخيلينها اعترفي انك ما نسيتي ناصر
........ : لو سمحتي
أميره : هلا
....... : اللفت طلع و نزل أربع مرات
طالعت لرجل الأمن بذهول
أميره : معليش آسفه
رحت للكوفي شوب أطلب كابتشينو و دونات بالسكر
جلست عالطاوله أنتظر طلبي حطيت يدي على خدي و أنا أقلب المنيو بملل
رفعت راسي و انصدمت
أميره : جواد !!
تنحت في مكاني أطالعه حتى من الصدمه ما انتبهت ان الرجال حط لي الطلب و راح
ساهي و هو يقلب الكوب اللي قدامه للحظه ارتعشت و حسيت بمغناطيسيته تجذبني بس رديت اعتدلت بجلستي و غطيت عيوني و أنا أطالعه ....
خلاص هو مهو زوجك أكيد انه مثله مثل أي انسان غريب عنك اعقلي يا أميره اشربي قهوتك و كلي دوناتك و قومي !!
فديت هالوجه المليح و العيون الناعسه طالعته بتأمل ... أكيد مهو مرتاح مع هديل !!
يكفيني اني أحبه ما تدرون كيف قلبي ارتعش يوم شفته دمعت عيني و أنا أشوفه ياااااااااه يا جواد مرت بينا تسع شهور ما أشوفك الا في أحلامي و ذكرياتي معاك أكيد هديل حامل و بتولد قريب أكيد هو شايل هم هالولد اللي بيجي و سعيد فيه سلطان اللحين عمره 8 شهور صاير يشبهك يا روح هالقلب ........... أحبك
حياتي صايره حلوه بس بدونك صايره مره يمكن الحلى اللي أشوفه فيها بسلطان اللي يسأل عليك ... كنت أشكر جواد من كل قلبي على انه حتى ما فكر يسأل على سلطان !!
لأنه لو يبيه كان دور عليه و لقاه و جواد لو يبي الشي بيوصل له !!
نسيت نفسي و أنا أتأمله لدرجة انه التفت يطالعني بحزن و تأمل للحظات تخيلت انه عرفني رغم اني متغطيه عدل بس لا شكله ما عرفني لأنه رد يطالع كوبه !!
اللهم لك الحمد حتى ترضى وإذا رضيت وبعد الرضى ,,, اضف تعليقك