رواية غرورك صادف عزة النفس فيني -49

رواية غرورك صادف عزة النفس فيني -49

منصور من جه وهي معطيته ظهرها...؟؟منصور الغامض الي لسا ماشفتو منه الا ساحله ماخشيتو بحره وماشفتو دواماته...

وعزام الي بطل روايتني.. وعرفنا تفاصيل حياته.. والسبب ورى سلوكها مسلك الاجرام ..الي بيتمثل في البار القادم بحذافيره...

عزام الي كان نزل مسدسه من لما صرخت...وجت عنده

كانت عيونه المشتاقه.. تدور تفاصيل الحب.. الي عشقها بعيونها الزمرديه ..اشياء كثيره ضاعت..منه في طفلته...اشياء كثيره..ماقدر

يستوعبها الا معها..حبيبته...طفلته..العنيده...مجنونها..؟؟

غنج بقسوه تسحب مسدس عزام من يده وبحده انت انجنيت..؟؟؟؟انهبلت!!!

عزام ببحه ممزوجه بترجي يناظر عيونها الزمرديه وشفايفها التوتيه امشي معي...؟؟

غنج بقسوه امشي معك وين..؟؟؟لضياع..؟؟والظلم..؟؟والخيانه..؟؟امشي معك وين...؟؟

عزام بحده انا ماضيعتك..؟؟انتي الي ضيعتي حالك..؟؟اتهمتين باشياء مو فيني..؟؟صدقتي فيني العذال..؟؟

انتي بس تبين الاشاره عشان بس تتركيني..؟؟

مالي اي وجه عدل عندك..؟؟

منصور يسحب غنج وراه وبتهديد ياسلام والله ..حلو ها الكلام..اسعدني كثير..

اسمعني زين..؟؟البنت هاذي الحين زوجتي ...؟؟وشل نفسك وعيال عمك هاالتعبانين !!واقلب وجهك من هنا..

لاسوي شي مانت بقده لانت ولا غيرك...

عزام بحده وهو يسحب يد غنج بقوه وصارت اليدين الصغار بوسط اثنين اجرام في اجرام ..اليدين الصغيره ..

البريئه ..موضع رهان تشد.. وموضع عشق صقار يشد..

عزام يكلمها بحده وهو شاد على ايديها امشي اذا كنتي تبيني ولا يهمك...؟؟

غنج مسكت كف عزام بشده.. بحرارة شوق.. وضمى عاشق.. كانت كفوفهم لما التقت.. مسكته بشده ...

عزام لما شاف يدها كيف ماسكته ...لو يوقف مين من كان..؟؟ في اللحظه قدامه.. راح يدكه ببساطه..؟؟

ماهي الا لحضات... او ثواني..

وسحبت غنج يدها من يده ..وبتوتر شدت على يد منصور.. العريضه والدافيه الي كانت ماسكتها هاذا ..؟؟؟زوجي ..؟؟افهم..؟؟ماراح

اروح لمكان غير لحضنه...؟؟؟؟فاهم!!!!!

الكلمه الاخيره الي قالتها غنج ...كفيله انها تهد كل شي بينهم وتنهيه ..كفيله ها الكلامات لعاشق مثل عزام...تهده هد...

تراجع لخطوات للورى ..خطوات مبعثره...ضائعه...مافي لها جهه محدده...تائها..

غمض عيونه واستدار ماكان ها الكلام الي كان ينتظره من طفلته..

ماكان ها الخناجر ينتظرها من حبيته..

ماكنت ها السهام الي جته بنحره ينتظرها منها... بعدها با نفاس معدوده ..طلع بسرعه من الجناح...

سعود كان متفرج لاكن لم نفسه بسرعة ..الصدمه الي جاته وطلع..

بدر الي كان ريقه ناشف.. خسرها ..وخسرها عزام.. وماربحها احد فيهم..

بدر وهو يقرب من غنج.. كان بيقول كلام.. تهزئ كثير فيها.. بشرشحها ويهزئه ..لاكن لما شاف عيونها ..الي ضايعه في المكان الي

كان فيه عزام تراجع بسرعه وطلع من الجناح يلحق عيال عمه ...حس ان حب غنج في ها اللحظه انغسل من قلبه في ها المكان..

غنج تراجعت شوي وهي ضامه المسدس لصدرها وضربت بكتف منصور...

لفت له بسرعه وهي متوتره ومرتبكه منه وخايفه من ردة فعله..

منصور ما شاء الله ...عشاق...خذت لي...عاشقه...وذبحة لي حب كبير..كمل بضحكه احسن كذا..

انا احب النهايات الحزينه والتراجديه...

غنج رجعت ورى بعد ها الكلمات وهو اكتفى بهذي الكلمات ورجع وجلس على الكنبه الي وراه..

غنج ماكانت تشوف شي قدامها ..واقفه كنها صنم ..تمثال ..جدار.. اي شي تسمونه..؟؟ غير انه كاءن حي.. محسوب على الحيين..؟؟

ماسمعت الا صوت الوسكي الملعون.. وهو يصبه منصور با الكاس.. ويحط عليه مكعبات الثلج ..تسمعها.. وحده.. ثنتين.. ثلاث ..وبس

ماتنبهت الاعلى صوت منصور بتليفون الثلاثه الي كانو تو هنا.. اذا شفتهم مره ثانيه با الاوتيل.. علقت روسكم منظر عند جناحي..؟؟؟

شافته وهو يسكر السماعه.. وانسحبت بعدها لجناحها..جلست على السرير بصمت ..مطبق وهدوء يسبق العاصفه المننتظره .

ماتتوقع منه شي..وماتنبى بشي..بركان..او جليد..ماتدري هو ايش بضبط...لاكن هدوءه الحين مايناسبه ابد..

غمضت عيونها وهي..

تتذكر عيونه.. وكفوفه.. لما لمست كفوفها..من زمان عن عيونه..كيف كفوفه...اه ..يا الاقدار...

سمعت صوت عنيف رفعت راسها شافته مالي طول الباب... وجسمه الرياضي متخصر الباب...

=يا التعبانه الحين عزام الكلب يحبك..؟؟

غنج تفرك ايدينها ببعض واستغربة كئنه توه يستوعب مشكلته مو مشكلتي..

قرب منها منصور وبسرع من ان تتوقع رفعها لقامته بيد وحده.. مسكها من ذراعها الصغير ورفعها لمسك احد قبلي..؟؟؟

غنج بخوف الي سكن ضلوعها اسكت اسكت عزام اكبر من كذ..؟؟.

منصور ياسلام اكبر من كذا والله عال..؟؟

غنج تتئلم يدي يدي راح تخلعها...

منصور اخلع يدك ..؟؟

وبسرعه فك يدها وسحب شعرها للورى خلاها تلف للجه الثانيه مشكلتك ماتعرفيني زين..؟؟وعزامك هاذا,,دواه عندي,,؟؟

دفها بقوى خلاها تتسحلط على لاارضيه الامعه للجهة التسريحه ..وتضرب في زاويته اطلقت بعدها صرخت الم...

غنج بصراخ انا ماااااااااااااااحبك ماحبك..وانت ماتحبني...اعتقني لله..

ماسمعت منه جواب للنه ببساطه كان طالع برى الجناح..

...

راحت ايامي على لقيانك..

وعود...

_______________________________

بداية..

واثق الخطوه يمشي ملكا ..

اذا تخيلنا ان الشمس قد تغطيها الكف..؟؟.فتلك مصيبه..!!

اذا تخيلنا ان مجتمعاتنا ..؟؟ولا اقول مجتمعي فقط ..؟؟بل اقول مجتمعاتنا ملائكيه..؟؟ فتلك مصيبه..!!

اذا اعتقدنا ان الورد ساقيه ناعمتين بلا اشواك ....؟؟فتلك مصيبه..!!

اذا اعتقدنا..ان الغيوم السوداء لا تحمل رعود اصواتها مدويه ...فتلك مصيبه..!!

اذا اعتقدنا..اننا نكبس على الجرح ولا نقول شي.؟؟.لانعالج المشكله..؟؟لانتناقش فيها..؟؟واعتقدنا ان الكلام فيها

محرم..؟؟ ويخدش حياءنا..؟؟ ويرمي به في غيبات الجب...؟؟ فتلك مصيبه..!!

اذا اعتقدنا ان مال+شباب+تربيه غير صحيحه وغير دينيه=تولد فئه فاضله ..؟؟فتلك مصيبه..!!

لابد ان نسقط فا السقوط يولد النجاح...؟؟

وكثرة العثرات تولد الاتعاض ..؟؟؟

لابد ان نتئلم....؟؟

لئن الم يولد الصبر.. ومع الصبر يئتي بعده كل خير..

مدخل..

انت ياللي نادر(ن)في وسط جيلـك

ماعرفت انه مـن اسبابـك شقـاي

الزمان اللي مضى كنت احكي لـك

غبت يانور القمـر واظلـم سمـاي

هلت الدمعة عقـب ليلـة رحيلـك

ياهـواي وغايتـي وايضـا منـاي

كل ماجيت ابتعد غصب(ن) اجي لك

ماملكت القلـب والله مـن عنـاي

لو عرفت اللي جرى ساعة رحيلـك

كان ماقلت البعـد عنـك رضـاي

وانت تدري قايل(ن) مابـه مثيلـك

نور قلبـي نـور عينـي ياغـلاي

كـل ماصديـت عينـي تستخيلـك

ماملكت النفـس ساقتنـي خطـاي

مع هبوب النود ياصلنـي عليلـك

لاتعذبنـي طلبـتـك ذا رجــاي

ارحم اللي من فراقك يشتكـي لـك

والسبب ماهو خطـاك ولاخطـاي

مستحيـل انـه يعوضنـي بديلـك

بالبشر غيـرك فلايـروي ظمـاي

امض ياحبي وخلـك فـي سبيلـك

بس لاترحل قبـل تصـرف دواي

آه من جور الزمـن يـاالله دخيلـك

يارحوم(ن) خفـف مصيبـة بـلاي

.......................

بمستشفى التخصصي..

العائله كلها متحلقه حولين سرير ابو فيصل...

الي كان مفتح عيونه فقط... ولاتظهر منه اي استجابه ...

مهاوي تبكي وهي ماسكه يده الحمدلله ياربي الحمدلله...

وفيصل شاقه الابتسامه وجه..مبسوط للاخر..

لو بس انه مفتح عيونه هي استجابه كبيره بنسبه لحالته..

ام فيصل انا قايله لكم من الاول.. وانتم ماصدقتوني ..القران اثره عميق وكبير على المرضى..

ابوبدر وهو يبوس راس ابو فيصل الحمدلله على سلامتك ياخوي..

ام بدرتشوفوه مايغير نظراته فقط يرمش بعيونه ناظرته بستغراب يعني الحين سامعنا..؟؟

بدر يسمع ويستوعب كل شي بس مايرد..

مهاوي تمسح على جبين ابوها اهم شي انه واعي لنا..

,,,

...

ياتعلمني المشي واصعد جبال..؟؟

والا!!

اسكت لاتعلمني اطيح..؟؟

.............

با الاوتيل

وبجناح منصور وغنج..

غنج جالسه على الكنبه.. ومركزه التكيف على البارد.. وصاير الجناح ثلج.. وهي جالسه على الكنبه ..

ببنطلون جينز اسود ..وبدي خفيف بيج..

رافعه شعرها بشريطه ..وجالسه كذا.. مافي شي قدامها.. لا.. تلفزيون ولا مجله ..ولاشي..

بس كان بذنها سمعات ايبود وجالسه تتسمع اغنيه لراشد الماجد

مانتبهت الا على تليفون.. الي قدامها جالس يطلع اشاره خفيفه.. لونها حمرا عرفت ان تليفون الجناج يدق..

نزلت السماعات ورردت..

ايوه..؟؟

الشخص المدام..؟؟؟؟

غنج حست بحرقه بحلقها ايه..

الشخص في واحد يبي يقابلك ضروري..

غنج ماقالك من.؟؟

الشخص يقول ان اسمه ابو ماجد..؟؟

غنج بلمت شوي وبعدها استوعبت انه فارس خله يطلع لي...

قامت غنج وتوجهت لصالة الاستقبال الرسبشن..

ماهي الا لحظات وكان فارس قدامها طالع من الاصنصير..

مافي شي.. ومافي ..ولا كلمه.. ولاهمسه ..ولاشي ..غير صوت خطواته ..على ممر جاي جهتها..

رفعت عيونها له وببرود اهلن..

فارس بهدوء كيفك..؟؟

غنج بتوتر مبسوطه..؟؟

لحظات ورجعت غنج وتكلمت..

كيف يدك..؟؟

قالتها وعيونها على يد فارس..

فارس ناظر يده الملفوفه ومعلقه برقبته كويسه..

غنج بتوتر ليش جاي..؟؟

فارس بتوتر اكبر ابي اتطمن عليك..؟يا,,

غنج قاطعته انا بخير..ارتاح,,

فارس سكت وبعدها انا اسف,,..

سكت بعد مانطقت شفايفه ها الكلمات.. وبعدها دوت ضحكت غنج با الجناح..

غنج هههه لا ليش تتئسف.. انا.. الا ..الان وانا ماطلعت من المصايب الي انت دخلتني فيها..؟؟

فارس كان بيتكلم لاكن وش يقول وش يبرر..؟؟ مافي شي يغفر له ويعذره..؟

فارس غنج سامحيني تكفين..انا مو قادر انام ..احس اني اختنق كل ليله,,ياختي سامحيني..انا عارف والله عارف مافي شي يبرر خطاي

ويغفره وانا مو طالب انك تغفرين لي لني ماراح اغفر لنفسي انا بس ابيك تصدقين انك عندي اختي غنج الصغيره...

الي ماحميتها ...ومااعتنيت فيها.... وماكنت قد الامانه

غنج تراجعت لورى وجلست وحطت ايدينها على وجها..

فارس بحده انتي ليش ماخذيتي الي تحبينه ..؟؟ليه ماخذيتي عزام..؟؟ ليه صدمتيني بهاذا الي ماخذته..؟؟ ماعمري شفته..؟؟

ولا عرفته ..؟؟كيف تعرفتي عليه وشلون خذتيه..؟؟

غنج رفعت راسها خذته وخلاص..؟؟كلها بركاتك..

فارس بتوتر وخوف غنج ..عزام عمره ماخانك.؟؟

غنج كلام مو في وقته ..؟؟ وخلاص انتهى..؟؟

فارس عزام ماخانك..؟؟انا الي دبرت له كل شي وخططت له..

غنج ناظرته بصدمه وبنظراتها الاحاح له انه يكمل...

فارس يبلع ريقه انا كنت متفق مع ادارت الفندق.. انهم يحطون له با القهوه الي يطلبها قبل ماينام منوم خفيف..

اللهم انه يدوخ بس ويخليه يغفى بسرعه..

وانا بنفسي الي دخلت ها الممومس اللي شفتيها عنده.. وانا الي بيدي ضبطت كل شي ..وانا كلمتك قريب من جناحك من نفس الفندق..

ولما طلعك برى..

هربن الممومس من البلكونه القريبه من بلكونت جناح عزام ..وطلعانها برى الفندق..

عزام فعلن ماسوى شي وماكان يدري بشي..عزام يا غنج برئ.....؟؟

غنج بلحظه عاصفه عصفت بحياتها ..كانت متئكده بقرارات نفسها.. انه برئ ..لاكن كل شي كان ضده ..صرخت بقوى اطلللللللللللللع

اطلع.. الله ياخذك ..اطلع دمرت حياتي كلها ........اطلللللللع اطللللللللللللع

تراجع بسرعه فارس.. وطلع من الجناح خاف منها ..ومن ثورتها.. كان يبيها تغفر له ..وتسامحه.. مادرى انه زاد الطين بله..

غنج كل ماحاولت تتماسك من ها المصايب الي على راسها طاحت ..ماتقدر...خلاص..تحس..ان الحياه فعلن ضدها..

واخيرا ..

طلع عزامها برئ..برئ..على ..كثر مابكت..على كثر ماانبسطت..اهم شي..انه برئ..مهما..كان..اهم شي..انه كان صادق

معي ومع حبي وماخدعني..ولعب..علي..مثلهم..

كرهت فارس اكثر..واحتقرته اكثر..ومن اليوم..يطلع من حياتها للابد ..للابد..ومايعني لها..الا..فقط ..ذكرى اخ ورحل...

......

ياتعلمني المشي واصعد جبال..؟؟

والا!!

اسكت لاتعلمني اطيح..؟؟

.............

________________________________________

با المستشفى..

سعود رايح للكافتريا الموجوده با المستشفى.. ماكل شي ابد اليوم ..بعد السالفه.. وواصل حده من الجوع.

شاف مهاوي وفيصل قاعدين يتهاوشون..؟؟

فيصل مهيان عطيني فلوس.. مامعي ولا ريال ..؟؟وبطاقتي بالعتها الصرافه ..

مهاوي وهي تئشر على العامل بسنتدوتش ويكثر الخردل عليها اقول انقلع..؟؟ هاذا الي ناقص..؟؟ اصرف عليك..

وبعد عن وجهي خلني اتهنى بالي

اشتريه..

فيصل مهيان وجع جيبي ..ها المحفظه ياجعلك الدود الي ببطنك..

مهاوي رح هنا لدوس بطنك قدام ها الناس.. وبعدين وش ها الدعوه.. شكلك شبكت مع قسمك..

الا..وش تخصصك يا اخ دكتور طل..؟؟

فيصل صار.. وجه احمر ...وهو يشوف السنتدوتش والبيبسي بيد مهاوي ومتجه للكراسي وسحبت الستار بينهم...

سعود يضحك انا بشتري لك لايطق فيك عرق..؟؟

فيصل ماصدق خبر و خم شوية كاكاوات على كروسنات على كوفي..

سعود اكتفى بكوفي وراحو لنفس مكان مهاوي في الزاويه...

فتح الستاره فيصل وبخشونه زطي كل شي بها البطن..؟؟

مهاوي من الخرعه كانت بتشرق با البيبيسي الي بفمها وجع روعتني..

ماتنبهت مهاوي الا على سعود الي داخل بعد فيصل.. بوسامته الجذابه.. بعيونها.. ماقدرت تمالك نفسها

..مسحت فمها بمنديل بعنف..

سعود سكر الستاره وهو مبتسم سلام..؟؟

مهاوي ترجع تاكل سانتدوتش حقها بتوتر وعليكم السلام..

فيصل جلس هو وسعود مقابلها وفك فيصل الكاكاوت وجلس ياكل..

فيصل سعود..؟؟

سعود يشرب الكوفي وهو يسترق النظرات لمهاوي.... الي تاكل بتوتر ..

ومااتبيهم واضح بعيونها تبيهم ينقلعون من قدامها خير يافيصل..؟؟

فيصل اول مايقوم ابوي بذن الله بسلامه بخليه يخطب لي ..؟؟

سعود نزل الكوفي وناظره بصدمه ايا المقوي..؟؟ خطبه مره وحده.. كيف جت هاذي..!!

فيصل والله ياولد الموضوع هاذا براسي من زمان ..؟؟

سعود ومن سعيدة الحظ..؟؟

فيصل اخت زميلي عبد المجيد تعرفه..؟؟

سعود يحاول يتذكر لا والله ماحصلي الشرف..؟؟ طيب شفتها شافتك ..؟؟كيف كذا خبط لصق..؟؟

فيصل ياكل كت كات شفتها..با الحمام..؟؟

التفت سعود بقوى لفيصل هااااااااااا

فيصل يضحك يوووه هو اصلن انا كنت بحمام عندهم ..وهي مانتبهت ان في المجلس احد ..

ولما كنت بطلع شفت وحده بمغاسل جالسه تدور لها شي..؟؟

فجيت بسكر الباب بسرعه ..لاكن هي صرخت ومسكت الباب وصارت تصرخ ياحيوانه ماسكتك.؟؟ ماسكتك ..؟؟

مالقيتي الا حمام الرجال تتخبين فيه..

وبعد ما كنت ادفع ..وهي تدفع.. قلت ياولد البنت انهبلت.. وخليت الباب ينفتح.. وشافتني وكانت بتنجلط..وهربت..؟؟

بعدين عرفت ان هي ومرت اخوها ؟؟مبزره يلعبون ..ومتخبين من بعض .. وهي على بالها اني هي..عاد لاتسئلين كيف انا حللت هاذا الشي

سعود ماااااااااات ضحك من جدك انت..؟؟!!

فيصل يطنش خلاص البنت اعجبتنتي وبخطبها بذن الله لما تتعدل ظروفنا..

سعود طالع مهاوي بضحكه هاوش رايك ياخت العريس..؟؟

مهاوي مازادت شي الا انها رمت المنديل الي بيدها ونزلت الغطى على راسها ووقفت بكيفه يعني انا الي بتزوج والا هو..؟؟

وطلعت برى المكان...

سعود وقف بسرعه ولحقها...

لما قرب منها مسك كتفها ولفها مها..

مهاوي التفتت له بتئفف سعود انهبلت جد خير شفيك..؟؟

سعود بتوتر ترى مو فيصل لحاله الي ينتظر عمي يطيب بسلامه..؟؟

انا بعد بخطبك من عمي اول مايتحسن .. وقبل ماقول له الحمدلله على السلامه..

ضحكت مهاوي على هبال سعود ومشت..وتوجهت لجناح ابوها..

ابتسم سعود وضحك وهو يشوفها تدخل...

-سعود..مشاء الله غراميات من وراي...

تجمد سعود في مكانه وهو يسمع صوتها من وراه...

التفت بسرعه يكذب اذونه شافها واقفه ومنزله الطرحه على كتوفها.. ووجها الجميل وشعرها القرمزي ..تراقصت قدام عيونه

سعود بحده غزلان..!!!

غزلان بضحكه ايه..جد بتخبطها رسمي الحين!!

سعود مسكها من كتوفها ودخلها بسرعه مكان صغير جنبهم وسكر الستاره بيده الثانيه وبحده انتي وش جابك هنا...؟؟

غزلان وهي تناظر قوة قبضت ايده على كتوفها حركت كتفها بخفه وناظرته بطفوله مصطنعه انتبه عورت يدي..

سعود فك يدها قولي..؟؟

غزلان ابد بنت خالي حامل وتعبانه وجبناها هنا انا ولد خالي وهي منومه الحين..؟؟

ناظرها سعود بستغراب...

غزلان تضوق عيونها مره وحشتني.. ماصرت اجي شقتنا ..؟؟وماكلمتني انت ابد ليه كذا سعود ليه..؟؟

سعود بتوتر انسي رقمي..تدرين بغير الرقم..واذا قابلتيني في اي مكان ثاني ..سوي نفسك..ماكئنك تعرفين..

ناظرها بستحقار وطلع..

غزلان ضربت بيدها الطاوله الي جنبها من القهر وجلست على الكرسي بقهر اكبر..

...

ياتعلمني المشي واصعد جبال..؟؟

والا!!

اسكت لاتعلمني اطيح..؟؟

.............

ياتعلمني المشي واصعد جبال..؟؟

والا!!

اسكت لاتعلمني اطيح..؟؟

.............

في الاوتيل

غنج بغرفة نومها ..

كانت لابسه بجامه خفيفه ..بجامه لونه بينك..با تيشرت اسود بقلوب بينك..وشعرها عليه شريطه ومجدلته ولمته على جنب..

وتحاول تنام ..غفت وبعدها .. حست بشي على السرير..

فتحت عيونها من الخوف.. التفتت.. شافت منصور جالس على طرف السرير ويصلح جزماته..

غنج ببحه منصور خوفتني..؟؟

التفت لها منصور بهدوء بسم الله عليك..

بعدها بثواني..

منصور اقري اذكار المساء.. ونامي ..راح يجيني ضيف ومابيك تطلعين له..؟؟

غنج جلست وفركت بصابعها الورديه عيونها بطفوله اذكار المساء ..؟؟ماعرفهاّ!!

منصور ناظرها بستغراب وفتح درج الكومدينه وطلع ورقه صغيره ورماها على طرف لحاف غنج احفضيها ..؟؟لمااسئلك عنها ..؟؟احصلك

حافظتها ...

قالها وهو يوقف ومبتسم...

غنج لاول مره ابتسمت له طيب شفايدتها..؟؟

منصور يتعطر..ببرفان ريحته قويه ابد..بذن الله تحميك من كل شي..؟؟

غنج اشارت براسها على الموافقه ورجعت حطت راسها على المخده وصارت تقراها ..

طالعها منصور.. وبعدها طلع للجناح اللي تطل عليه غرفة غنج..

كان كله قزاز عاكس ..يعني يعكس الي برى للي جوى ..ومايشوفون شي ..فكان منصور فيه يطل على انوار الرياض ولياليها الحلوه ..

ويموت على ها المكان...

لحظات وكان ضيفه المرتقب قدامه..

ابو بدر داخل وهو يضحك هلا با النسيب...

منصور قام هو مبتسم وحضن ابوبدر هلا بك يابو بدر..

ابو بدروهويجلس شلونك..؟؟ عساك بخير ..؟؟وينك شها الغطه..؟؟

منصور وهو يتذكر دخلت ولده ..واولاد اخوه عليه.. اليوم شكله مايدري بشي ..

ابتسم وهو يطق اصبعه لمرافق الي واقف عند الاصنصير يجيب

لبو بدر الضيافه ابد مبسوط ها اليومين..؟؟ تعرف عريس..؟؟

ابو بدر يضحك ايا المقوي..؟؟ يعني كنها اول مره ..؟؟والابس عشانها بنت العالي..؟؟ بنتا اكيد انها الاخيره لك...

منصور ابتسم ووضحت الغرز الي تحت شفته وتزيده جاذبيه اكيد بنت الاصل والكرم ماهي مثل غيرها..؟؟

ابو بدر يحط يده على رجل منصور ماعليك زود..وشلون ابوك..؟ وكيف حال الوالده ..؟؟امورهم ان شاء الله تمام..

منصور بتوتر الكل بخير...

قدمت الضيافه لبو بدر وناظر منصور ابشرك اخوي ابو فيصل اليوم استجاب للعلاج وفتح عيونه..؟؟

منصور بفرحه لا الحمدلله خبر زين الله يقومه با السلامه..

ابو بدر ياكل التمر المزين با الجوز والفستق ماش..ماهو واعي بحد ابد ..الله يشفيه..؟؟

منصور اللهم امين..

منصور وقف بعدها

ابو بدر وين..؟؟

منصور بجيب لي شراب خلص الي هنا بثلاجه ..والدلوخ الي عندي يروحون عشر مرات يالله يجيبون الي ابيه بضبط..

ابو بدر بستغراب مافي الليله احد.. مافيه المزاين الي دايم عندك..؟؟

منصور بضحكه فيه ..فيه ..بس مو هنا ..اخر الليل بنروح للجناح الخارجي..؟؟

طلع منصور من الاصنصير يجيب الاغراض من المرافقين من تحت...

ابو بدر قام وصار يلف بعيونه للجناح منصور معجبه حيل...

في ها الوقت كانت غنج تقرى ايات سورة الكرسي.. فاخلصت والتفت على جوالها ..علشان تحطه على الصامت..

تذكرت انها ماجابته وكان برى با الجناح..

فاقامت وتوقعت لسا ماجاء ضيف منصور.. لئن الجناح كان هادي جدا..

طلعت.. وشافت نور اباجورات.. وانوار خفيفه.. تئكدت ان مافيه احد....

شافت جوالها على الكنبه راحت له وخذته ....

يتبع ,,,,

👇👇👇