رواية علمني كيف اترك يدك في عز حبي لك -41
عارف يعني ايش أكرهك يعني ما في شي راح يغير كرهي لك !!
ابتسم بحده و هو يطفي السيجاره و يولع غيرها !
أميره : يااه طبعا القلب لحبيب القلب
كمل باستهزاء و هو يصفق
جواد : برافو علي جيت أنا و خطفتك منه ...........
تغيرت ملامحه كليا للحقد و كمل
جواد : يالحقيره
غمضت عيوني و قلت مصححه
أميره : قصدك نجسه و أقرف ... تدري عاد أنا فعلا أكرهك لأني أحب فيصل !!
نط من عالسرير بحركه سريعه و لقيت رقبتي في يده في لحظات و في نفس هاللحظات بعد رن جواله !أنقذ الموقف !!
طالعني معصب وده يكسر مفاصلي طالعني و طالع الجوال اللي يدق بإلحاح!!
أخيرا قرر يرد عالجوال و ترك رقبتي ..... و طلع
الحمد لله انه ما ضغط عليها بقوه يمه هذا بينسفني من عالأرض !!
قمت أتنفس بسرعه و أنا أرتب الملابس بالشنطه
حطيت ملابسه لحال و ملابسي لحال
عدلت مكياجي بمهاره و لبست عباتي و طرحتي جيت ببخ العطر يده مسكتني محذره
جواد : بتطلعين للشارع يا مدام
طالعته بحده و حطيت العطر بالشنطه
طلعنا و هو طبعا شال الشنطتين و رحنا للسياره
في ماليزيا ميزتهم ان بعض تصاميمهم للشقق كأنها فلل بس بدون حديقه ........
قلت و أنا أطالع المحلات
أميره : ممكن نشتري أغراض من محل الحلويات ؟
بحركه سريعه و قف عند محل الحلويات و هو يقولي ببرود
جواد : وش تبين ؟
أميره : يعني شكل كيك و فطاير و حلويات ؟!!
راح بس للأسف تذكرت شي مهم فضربت له بوري !!!
التفت بسرعه و جاني وقف من جهتي فتحت الشباك
كنت خايفه من ردت فعله حبست أنفاسي ...
جواد : نعم
قلت بخوف
أميره : لا تنسى .....حلاو للأطفال
ابتسم بنعومه و طالعني بطريقه حلوه .... قفاني و راح
رحنا للشاليه اللي كان يعني بعيد شوي !
حلوه ماليزيه " قالها و هو يتذكر
لبس نظارته الشمسيه الفخمه و هو يقول باستهزاء
جواد : عجبتك ؟؟
بعدت سحابه غايمه عن ذكرياتي !!
و ابتسمت ببراءه و أنا أتذكر أيامي مع رنا و الكشافه المبتدئه ياااااااااه
جواد : وين سرحتي ؟؟
قلت بمرح
أميره : يهمك !
ابتسم بنفس الإبتسامه الجذابه اللي يدقنها من ورى نظاراته السودا طالع شكله جنان
جواد : طبعا لاء
أميره : أفضل لك و لي ؟؟ قلتها ببرود و رنا تاخذ الحيز الأكبر من تفكيري
وقفنا عند اشاره
التفت و طالع ليدي
رد يطالع الشارع و يقول ببرود
جواد : أقترح ان يدينك تقولين انك انجرحتي و انتي تقطعين السلطه
التفت بحده
أميره : أمرك ....... يا صاحب السعاده .......زوجين مثاليين !! مفهوم
وصلنا للشاليه ...
كان من الخارج حلو مجرد أبواب خشبيه مزخرفه بشكل قديم انفتح الباب و دخلنا
بالسياره طلعت من السياره و هجموا الأطفال على جواد يسلمون عليه بحماس
و هو يسلم عليهم .....
جا رجال سلم عليه
....... : هلا و مرحبا ببطلنا ؟!!
طالعت بإستغراب بطلنا ...... ما توقعت ان جواد بهالشعبيه و هالجمهور
كملت و أنا أغمض عيوني ( راعي البنات )
و الأطفال يحبونه بشكل و أشوف اللهفه في عيونهم!
ابتسمت بإستغراب رد يتردد صوت في داخلي ( في الواقع المر هذا يا أمورتي كل شي لازم تتوقعينه )) كملت بسخريه ( راعي البنات )
مشيت في طريقي مع ولد صغير
سألت و أنا عارفه جواب السؤال
أميره : وش اسمك يا قمر ؟؟
........ : راشد
أميره : عاشت الأسامي يا رشود ....
دخلنا لمزرعه كبيره رائعه كشفت وجهي ....
و طالعت لرشود
طالعني بدهشه و عدم تصديق
راشد : مس أميره
قلت بمرح
أميره : الكشافه المبتدئين
ضربنا كف بكف
كنت فرحانه ياااااااااه كنت من وقت قريب أتذكرهم وش جابهم لماليزيا ؟؟
شوي جو قدامي مجموعة أطفال سلموا علي بحماس و تموا يتأملون مس أميره ...
الروعه انهم الكشافه اللي سافرت معاهم قبل سنتين
أميره : شخبارك يا محمد و الله كبرت
سلمت على محمد اللي طال ما شا الله و صار رجال
محمد : هلا طال عمرك
أميره : هلا فيك ...... كيف الكشافه المبتدئين !
واحد منهم قال : ما صرنا كشافه مبتدئين يا مس أميره
قمنا نضحك
حسيت بيد ساخنه تحاوط خصري
حريت و احتريت و قبيت و اتقبقبت و قدام الأطفال حسيت وجهي حمر و اشتعل !!
همس في اذني بصوت ما يسمعه غيري
جواد : أشوف لك حبايب حتى في ماليزيا
بعدت عنه ......... و أنا فاهمه وش قصده ؟
نادى بصوت عالي و هو يصفق
جواد : يالله يا كشافة انتشروا ؟؟!!
في أقل من دقيقه بقيت أنا و اياه بروحنا
جواد : ماله داعي حركاتك هذي قدام العيال ... اللي كانوا من سنتين صغار كبروا و صاروا رجال ...!!
قلت بدلع :
أميره : غيران يا زوجي العزيز ...
مسكني من ذراعي بقوه
قال بإستهزاء :
جواد : على وشو يا زوجتي العزيزه تفضلي قدامي أوصلك لغرفتك !!
دخلنا لغرفتي أنا و جواد فكرت في الموضوع بملل شويتين انتفضت توني أستوعب الوضع!!
أنا و جواد في غرفه وحده صرخت في داخلي
جواد : وش فيك ؟؟!
انتبهت برجفه خفيفه
أميره : لاء ...... و لا شي
جواد : شوي و بيجون الناس ؟؟ و ياليت ما تتطلعين اللحين ؟
فصخت عباتي و أنا أقفيه رميتها عالسرير بإهمال و قلت بدلع و أنا أبعد شعري عن كتفي
أميره : يا بطلهم !!
وقف قدامي و شد على ذراعي !!
جواد : لما أكلمك لا تقفيني
أميره : ممكن تترك يدي يا زوجي العزيز ؟! عشان ما أنجسك
حسيته طالعني بإستغراب و فجأه غير نظراته (( ياخذ امتياز في حكايه تغيير الإنطباعات و النظرات ))
ترك يدي بهدوء و طلع ... توضيت و صليت و لبست فستان فيروزي طويل كمه جبنيز
لفيت شعري بالسيشوار و كحلت عيني باللون الأزرق حطيت غلوس وردي ناعم
لبست طقم فيروز شاريه لي الأخ المبجل صاحب القامه الطويله و الجسم الرياضي و الأخلاق العجيبه الزفته ...
لبست صندل فيروزي
بخيت لي عطر قصدي تنقعت بالعطر فتحت الباب بهدوء
و انصدمت بوجوده قدام وجهي ؟؟!!
جواد : وين ؟
قلت بإرتباك
أميره : أبي أروح للمطبخ أزين الأغراض اللي جبناها
ما سمعت رده فطالعت لعيونه
فيهم سحر لا يقاوم للحظه أحس انه حطمني بجاذبيته و نظراته أو حركاته المفاجأه اللي تحسسني بالحراره و بأحاسيس مب قادره أوصفها عدل و للحظه أحس انه انسان بدون قلب عارفين يعني ايش بدون قلب يعني ما يحس ما يشوف ما يرحم و أرد أتذكر كيف الأطفال يطالعونه بحب و عيونهم كلها لهفه (( بطلهم )) !!!
مشيت من قدامه بس لحقني و مسكني من يدي
جواد : عيونك ؟؟
حطيت يدي عليها
أميره : وش فيها ..... فيها شي ؟؟
جواد : لونها !!
قرب من وجهي حيل و هو يطالع عيوني
حسيت بأنفاسه تصطدم في وجهي ...
جواد : ابداع سبحان اللي خالقهم لهالعيون لمعه غريبه عيونك عسليه لا لا رصاصيه
حط يده على ذقنه ..
جواد : بين العسلي و الرصاصي أو ذهبي لا لا أزرق
طالعته و أنا أبتسم ...
أميره : يمكن لما ألبس الأزرق تبرق عيوني و تنعكس الزرقه عليها
حط يده ورى راسي و قام يطالع عيوني أكثر و أنا أحس بأحاسيس مختلطه ما أحبه يقربني لأني بنهار حبست أنفاسي و أنا أشم عطره بعد شوي في لحظه يقدر يشتتني و فجأه يجمعني ببساطه ليته فيصل كان عشت في النعيم ( فكره سخيفه رجعت أطردها من راسي ) و أنا ألاحظ القرب اللي صاير بينا !!حمرت خدودي لا إراديا .... و ارتجفت
جواد : وش فيك !
( سأل متسائل ) ؟
سكت و أنا أطالع للمساحه الخضرا الشاسعه اللي وراه بخجل
لمس خدي بإصبعه و قال بمزح طبعا لاحظوا انه اول مره يمزح معاي !!
جواد : أححح .... احترقت !
قالها بطريقه طفوليه مره قمت أضحك أضحك من قلب على شكله
طالعني بتأمل
جواد : ما كنت أعرف ان ضحكتك حلوه بهالطريقه !!
صحيح لنا ثلاث أسابيع متزوجين و عمري ما ضحكت معاه كلها ابتسامات ساخره و اهانات متبادله ؟؟!
فذيك اللحظه كان ماسك يدي و شاد على راسي الا يبي يعرف سر عيوني وش لونها بالزبط ؟ههههههه ياااااه الفضول ذابحه مالت عليه ؟؟!!
........ : احم احم امممممم احم
التفت لمصدر الصوت بإرتباك طالعاها جواد و تركني و هو يسلم عليها و يحب راسها
جواد : هلا و الله بالخاله مزنه حياك
عيونها كانت علي
سلمت عليها بإرتباك أكيد شافت منظرنا الرهيب !
و هو تقريبا حاضني !!
مزنه : بسم الله عليك ما شا الله جميله بصراحه عرفت تختار يا جواد
قلت بخجل :
أميره : الله يسلمك يا عمه عيونك الحلوين ؟؟
قامت تكلم جواد و تسولف معاه جيت بروح و أخليهم شد على يدي بقوه و دخل أصابعه بين أصابعي و شد عليها
يدي هذي مقطوعه مقطوعه الله لا يعوقها بشر من كثر ما تنشد و تنسحب ؟؟!!
دار في بالي سؤال .. حنا في ماليزيا بس شايفه الأجواء عربيه و الحريم بعبيهم
و ريحة القهوه و الخيمه اللي منصوبه من بعيد أجواء تأكد لي اننا بالسعوديه أرض العزه و الشموخ و الأصاله ..!!
ما انتبهت ان خالته راحت
قالي بلهجه تهديد و تحدي
جواد : اياني و اياك تسرحين هنا و لا هنا أنا جبتك لهنا مجبر و أتمنى تحترمين هالشي
أكد و هو يضغط على يدي بشده ...
جواد : و مشاكل ما أبي و لا أي و لا أي تدخلات من أي نوع !
ترك يدي طالعته بدلع و هو مستغرب ردت فعلي
الهوا هف شعري بنعومه و طيره طالعته بطريقة طفوليه دلوعه
أميره : لو سمحت ..... لا تقرب مني بهالطريقه مره ثانيه ... لأنها
رفعت شعري و كملت بدلع
أميره : تجرحني !!!
دفيته بنعومه من صدره و هربت
التفت أطالعه لقيته واقف سرحان في عالم ثاني وقفت أطالعه و فجأه جرى تجاهي بسرعه خفت و هربت منه و الحمد لله دخلت لمجلس الحريم بسرعه
طالعته من عند الباب و هو يضرب على يده بقوه انه ما قدر يوصلني طالعته من بعيد أبي أكيده و أغيظه و أأشر بيدي بدلع و قمت أغني بدلع
أميره : زعلان ازعل طز طز طز ههههههههه
قام يأشر لي بعصبيه و يمسح على ذقنه ان ما وريتك ؟؟
ضحكت و أنا أهز كتوفي بدلع ... و أأشر بحواجبي و أمسك أطراف شعري و أحطها على انفي !!
........: يا عيني يا عيني عالحب واااااااااو
التفت أطالعها
سلمت علي و هي تعرفني بنفسها
........: أنا ملك بنت خالة زوجك جواد و أخته من الرضاعه
أميره : هلا تشرفنا
رديت أشوف جواد لقيته راح ضحكت في نفسي اني قهرته
ملك : باين عليه يحبك ؟
تحسبت في داخلي على أحمد اللي راماني هالرميه المحترمه !!
أميره : ليه ؟؟
طالعت لملك اللي تقريبا عمرها في عمري حنطيه و شكلها مسويه برونزاج لكامل جسمها
لابسه فستان جلد أسود فوق الركبه بدون أكمام و بوت أنيق يغطي لين الركبه
شعرها أسود مموج و طويل رافعته بشباصه بعشوائيه ...
مدري ليه حسيتها في الملامح تشبه لسلطانه مع ان شخصية سلطانه الحدوديه للحين ما صادفت مثلها !!
ملك : جواد انسان جدا رومنسي مع ان الرياضه اللي يحبها عنيفه شوي
قلت بإستغراب
أميره : وش الرياضه اللي يحبها !!
قالت بدهشه
ملك : ليه ما قال لك ؟؟!!
قلت بتصريف مصطنعه
أميره : تعرفين عاد جواد من رومنسيته خاف يجرحني لما يقولي عن رياضته هو قالي انها عنيفه بس ما حب يقول لي وش هي ؟؟!
تصريفه غبيه و الله جواد ما عرف الرومنسيه أبدا الا دفش عفش مخيف !
ملك : صادقه حتى حنا ما قالنا الا بعد فتره طويله ما تشوفين جسمه رياضي بسم الله عليه ؟!
هزيت راسي أهااا يعني تبي تفهمني قديش السيد جواد انسان مب أي انسان عادي إلا ملاك !!!
قلتها في نفسي و أنا أبتسم بإستغراب
دخلت مع ملك لمجلس الحريم سلمت على خالة جواد نويره و بنات خالته اللي غير مريحات بالمره .........
جلست شوي مع الحريم طبعا لا تخلوا من السؤال و التأملات و الهمسات اللي من تحت لتحت يااااااااااه أعرف سوالف الحريم ماصخه !!
جلست جنب ملك اللي قامت تهمس لي
ملك : شايفه ذيك البنت هاذي بنت خالتي نويره اسمها ريانه يا شيخه مره شايفه نفسها بنت قشره كانت تبي جواد لها بس ما صار نصيب .... و ذيك شمس أخت ريانه مسكينه شوي عقلها خفيف .......
أميره : مريضه !
هزت راسها بنعم و كملت :
ملك : رموها في مستشفى المجانين ظلما و هي في أتم عقلها بعد كم شهر طلعوها مجنونه
شهقت بقوه !
فتداركت الكلمه و قالت مصححه
ملك : لاء مب قصدي مجنونه قصدي يعني عقلها رايح فيها يعني مجنونه يوه يا أميره ما لقيت الا هالكلمه !!
هزيت راسي بتفهم و تفكير
مزنه : يا أميمتي يا ملك خلك من الحش بالناس و قومي جيبي القهوه و الشاي
ملك : يا يمه ما حشيت وش فيك علي ؟؟
قامت ملك و جلست مكانها أمها
حطت يدها على ركبتي و قالت
مزنه : كيفك يا بنيتي ؟؟
أميره : بخير الله يسلمك
مزنه : هالله هالله بجواد هذا الغالي راعينا و سندنا
قلت و أنا أبلع ريقي
أميره : في عيوني يا عمه جواد و أهل جواد
في هاللحظات دخلت للمجلس حرمه عجوز كبيره في السن كل اللي بالمجلس قاموا لها
استغربت يمكن احتراما لشيبتها قاموا ....بس أول مره أشوف مثل كذا ؟
ملابسها قديمه مش قديمه يعني رثه لا يعني من الطراز القديم راديوها شايلته في يدها
لابسه نظاره كبيره اطارها من الذهب .... و شايله عصا كبيره بس ما تتعكز عليها لأنها تمشي ما شا الله و لا مشي الحصان قمت سلمت عليها و بست على راسها و جلست وخرت لها مكان فجلست جنبي
سألت عمه مزنه
الجده : مين هاذي ؟؟
مزنه : هاذي مرت جواد يا يمه ؟
الجده : جواد
قالتها بحنان و لهفه عجيبه
الجده : تعالي جلسي جنبي يالغاليه
نزلت لها بالأرض و جلست جنبها
أميره : آمري يا جده
وخرت الراديو و طالعتني
الجده : ما شا الله عليها مهره بسم الله عليها مثل بنت عادل بن شرف تعرفينه ؟
السؤال لعمه مزنه
مزنه : ولد المزارع ؟!
الجده : ايه
حسيت المجلس كله سكت شكلها لها هيبه بين الناس
رفعت عصاها و هي تأشر
الجده : وش هاللبس قومي ؟ لبسي لك شي أستر مالت على هالوجه نعنبو دارك ما تستحين ؟؟؟
حسيت بالحماس مع هالعجوز ....
كان الكلام موجه لريانه ههههههههههههه
الجده : كانت جميله يغني لها الطير بالسما و تضحك لها الأرض و يلين معها الحجر برمشها تسحر الناس و بعينها تحكي معالم الكون و تتكلم
ياااااااااااااه عالوصف شدتني ؟؟
الجده : اغترت بهالجمال بعد ما جوها الفرسان و عيال الحمايل يطلبون قربها و ترفض
مل الأبو و خاف لا ينقال عن بنته عانس زوجها لشحات بحارتهم القريبه و قبل ما يدخل عليها توفت من ردات الحظ و هي ندمانه عدد شعر راسها على غرورها !
يااااااااااااااااااه رهيبه
حطت يدها على يدي
الجده : منتي بمثلها ؟؟
ابتسمت بمرح و قلت لها
أميره : لاء يا جده
سهت و هي تطالعني للحظات مدري ليه حسيت عيونها دمعت
الجده : قومي يا بنيتي شوفي زوجك يمكن يحتاج شي و لا شي مابه أحد بالمجلس ؟
قلت و قلبي نغزني عليها
أميره : ان شا الله يا جده
قمت بسرعه و رحت لغرفتي
يا ربي ليه تطالعني كذا و ليه عيونها دمعت و هي تشوفني !!
دخلت للغرفه و ريحة السيجاره ماليتها أوووووووووف
أميره : أفتح الشبابيك يا أخي عالأقل ......تذبحني هالريحه
رفع عينه ببرود و طالعني
جواد : افتحيهم الله لا يهينك
رحت أفتح الشبابيك بعنف مالي خلق و ربي عكر مزاجي زود
أميره : المكيف ما راح يكمل يومين الا و يخرب ...
طلعت من الغرفه بقرف كنت ناويه أسأله لو يبي شي بس هونت ؟؟
مشيت في المزرعه أطالع الشمس و هي تغيب و العالم يستعد لإستقبال الليل بالأنوار
طالعت لهالوحه الإبداعيه و قمت أتأمل بنت جسمها صغير يلعب النسيم بشعرها الأشقر بنعومه و هي تتأمل الخضره
رحت لها
أميره : شمس !
التفتت طالعتني بعيونها الخضر الحلوين ما شا الله
ابتسمت لي بحزن
أميره : وش فيك ؟
شمس : قتلوني ؟؟
و خرت شعرها الأشقر عن و جهها يجنن ما شا الله عليها
أميره : ما عاش اللي يقتلك لا تقولين كذا اللي راح يقرب جنبك بوريه
ابتسمت و كأنها مشرقه من الشمس
شمس : صدق يا ....... وش اسمك ؟
أميره : أميره
مدري ليه شدني وجهها للرسم ودي أرسمها
شمس : بس بيقتلونك معاي ؟
ضميتها بقوه و قلت
أميره : ما راح يقتلونا يا شمس
نزلت دمعتي بسخونه و ربي مب عارفه ليه تذكرت الغرفه اللي تحت الأرض تنهدت بحراره
أميره : وش رايك أرسمك ؟؟
شمس : ايه !!
طيب جيبي لي قلم رصاص و ورقه
قامت متحمسه و راحت من قدامي
ضميت يديني و لميت نفسي و قمت أبكي على شمس المسكينه منتهى الجبروت و الظلم و عدم الإحساس بنت بسم الله عليها فلقة قمر بكامل عقلها يرمونها بالمصحه العقليه بديهي راح تنجن و يصير لعقلها البدع حزنتني شمس .... اليتيمه الحزينه المعذبه أكيد عانت المسكينه لما دخلت مستشفى المجانين اللي كنت على وشك أدخلها ؟
سمعت الصوت الساخر من جديد
جواد : تبكين فراق الحبيب ؟
رفعت راسي
قمت أطالعه بكل الكره اللي فيني رفعت يدي و ضربته كف على وجهه !!!
و ركضت عالغرفه اللي كانت حيل قريبه مني
دخلت الغرفه و ارتميت عالسرير أبكي
سمعت صوت الباب يندبج بقوه و يتسكر و كتله مشتعله بالعصبيه تمسكني
انطق الباب
و صوت ملك جا منقذ في اللحظه الأخيره
تركني بعنف عالسرير مسحت دموعي بسرعه
جواد : تفضل ؟
انفتح الباب
سلمت عليه و قامت تطالعنا
ملك : وش فيكم مب على بعضكم؟
مسكت يد جواد بدلع و ابتسمت و قلت :
أميره : ما فينا شي وش فينا يعني مبسوطين و خصوصا ان جواد مسوي البدع !!
فهم الكلمه الأخيره
و طالعني و هو يقول :
جواد : طبعا يا قلب جواد لازم أسوي معاك البدع مو زوجتي !
دقتني الكلمه و البدع تحمل كل المعاني اللي ممكن تتخيلونها بين اثنين ما يدانون بعض !
ابتسمت ملك
ملك : الله يهنيكم عالعموم الشباب يبونك بره يا خوي
ترك يدي برقه و راح و هو يقول
جواد : شوي و برد لك يا زوجتي الغاليه
بتكسر راسي يعني !!
قلت بنعومه
أميره : الله يحييك بأي وقت يا قلبي
راح و أنا عارفته لا حد بعينه جيم أوفر علي !! الله يستر
ملك : يا قلبي على أخوي رومنسي
قالت و هي تبي تسكر الباب
ملك : انتبهي عليه تراه ملاك
كان ودي أضحك على آخر كلمه لين أتعب ........ملااااااااك
امممممممم ممكن أسميه ملاك ...... بس ملاك الجحيم !!
ضحكت بشر و أنا أطالع للمرايه
و الله انتي الملاك يا ملك بصراحه مدري كيف أوصفه ؟؟
عدلت مكياجي و بخيت عطر
طلعت من الغرفه لقيت شمس جايبه القلم الرصاص و كراسه كبيره مدري من وين جابتها ؟؟
أميره : طيب حبوبه اجلسي و انتي مبتسمه !! و خلي الباقي على أموره
ابتسمت و جلست متحمسه
و ربي شدني هالوجه صح ربي أخذ منها عقلها بس أعطاها جمال رائع ما شالله
طالعت عيونها اللي تحكي عن نفسها
قمت أرسم كل الدقائق بديت بالعيون بعدين الانف الوجه و الحدود
أميره : طفشتي ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك