رواية علمني كيف اترك يدك في عز حبي لك -40
جواد : عشان تستنجدين في حبيب القلب .... جوالك صار بالبحر يا بنت مساعد
بس خلاص وصلت حدي عصبني حيل ......... رحت له و قمت أضربه
أميره : بس يا حقير كفايه اتهامات بشعه كفايه تجريح خلااااااااااااااااااااص
مسك يدي بقوه و أنا أحاول أفلت منه
أميره : ابعد عني ابعد يكفيني عذاب آآآآآآآآآآآآآه
شدني من يدي بقوه و شالني على كتفه
قمت أضرب ظهره بقوه و أمخشه
أميره : نزلني نزلني آآآآآآآآآه
وصلني غرفة النوم و رماني عالسرير
جواد : أشوف هالوجه بس يطل من الباب !
سكر الباب بعنف و قفله بالمفتاح
انهرت على السرير أبكي بألم لين ما حسيت بنفسي
________________
الساعه : 07:30 صباحا
قمت بكسل شكلي عالسرير تحفه مدري كيف نايمه و البطانيه مرميه عالأرض وضعي يفجع !!
قمت و أنا أبعد شعري اللي نكش على راسي و صار مريع !
رحت للحمام بتعب تسبحت مدري كم دقيقه و توضيت طلعت لبست فستان قصير نعوم
و صليت ...... قريت أذكاري و رحت للشباك اللي كان كبير و يطل عالبحر فتحته و الهوا يهفني !!
قمت أراقب طيور النورس بمرح و هي تصطاد السمك
ياه حلو هالنوع من الطير ....
شفت واحد منهم يصطاد سمكه بس ردت طاحت في المويه صفقت بمرح
أميره : حاول تصطادها مره ثانيه ههههههه
كنت أراقبهم و على بالي أشجعهم و هو يصطادون الأسماك
تنهدت بحزن
ليتني طير من هالطيور أسرح بعيد حيل بعيد عن الألم عالأقل ....
و ألتقي في طير من جنسي و نعيش حياتنا بهنا و نبني عشنا فوق عامود أي قارب أو سفينه
و نعيش في قمة السعاده .......
طلعت من الغرفه اللي ما توقعت ان بابها مفتوح لأني سمعته أمس يقفله بالمفتاح !!
طلعت للصاله مالقيته رحت للمجلس لقيته متلحف ببطانيه و نايم قربت منه بتردد ليه أنا أساسا أدور عليه ليه أعذب نفسي عالفاضي !
واحد مثل هذا ما يستاهل عطف أو شفقه !
قلت لعقلي أمس كان مريض و تعبان ... وش دخلني فيه رديت أبي أروح للمطبخ بس و ربي شي يقولي شوفيه يمكن يبي شي أخيرا حزمت أمري و قررت اني أشوفه !
رحت و قربت منه شفته يتنفس بألم قربت منه و جلست قباله عالأرض أشوفه
فتح عيونه بصعوبه و رد غمضهم ثاني ....
لمست جبهته اللي كانت مولعه مثل " بركان ثاير " !
بسرعه رحت عالمطبخ جبت قطعة قماش و زبديه كبيره فيها مويه و ثلج
بعدت البطانيه عنه و حطيت قطعة القماش البارده على راسه أرد أغيرها
بعد ما تسخن على جبهته أحطها بالمويه من جديد قمت جبت ليمون فركت له رجوله و يدينه و صدره
قلت بتشفي مع اني حزينه عليه .... خلك في هالجو تلبس لي شورت بس يا فالح !!
سمعت الأنه اللي طلعت من بين شفايفه بألم !!
فركت له رجوله و يده بالليمون مره ثانيه و جلست ساعتين و أنا أراقب حالته و أبدل في المويه و أرد أحط ثلج و النتيجه الحمد لله اني قدرت أنزل حرارته اللي كانت مرتفعه كأنه كان متسبح في بركان !!
فجأه تهت بأفكاري بعيد و أنا أتأمل وجهه ...
طرت أفكاري و أنا ابتسم بخجل !
شفت حالته استقرت رحت أصلح له شربه دافيه تقويه !!
قطعت الخضار و الفطر و حطيت قطعة الماجي بملل بعد ما كشنت البصل
قمت أحرك الملعقه الخشب في قدري و أنا ساهيه ؟؟!!
ياااااااااااه يا رنا و ربي واحشاااااااااااااااني موت ليتنا متنا مع بعض !
ههههههههه ضحكت عالكلمه الأخيره ( متنا مع بعض )
أتذكر المخيم اللي رحناه في هاواي كان رائع و كان يعلم الإعتماد عالنفس كنت أنا و رنا نصلح شربة الكاري بمزاج !!!
أتذكر رنا و هي تقول للأطفال
رنا : يا الله يا كشافه يا مبتدئين على خيامكم بسرعه !!
قالتها بتعب و تريقه و قامت تصفق بقوه
قمت أضحك على شكلها و هي تقولها
رنا : أطفال مملين ... مس رنا فلان ضربني و قامت تقلد الأطفال و أنا أضحك عليها
و اللي يفجع يا أميره جتني ميسون تقولي (( مس رنا محمد كان يبي يغرقني في البحر عشان لعبت مع ماجد ))
رديت لقدر الشوربه و أنا أضحك بمرح و أتذكر أغنيتنا اللي نغنيها في كل المناسبات
لين الأغنيه ملت منا هههههههه
أميره : هذي الحياااه مااا تكتمل الا بزعل
و هذي الحياااه مااا تبتدي الا بأمل
و دوم الحياااه تختبر منهو الصبـــــــــور
و نكتشف إن الأماااني بحر تملاااه البحور
مدري راح أقدر أصبر و لا بأنهار و أتعذب
حسيت بنظرات تتأملني و أنا أقلب الشوربه
التفت اطالعه بسرعه
أميره : شخبارك اللحين ؟
ابتسم لي ببرود و هو يدخن
جواد : الحمد لله
قلت و أنا أطالع لقدري و هو يحوس في الثلاجه و يطلع بور هاوس
أميره : لازم تلبس جكت أو فنيله ثقيله لأن الجو بارد شوي عليك !!
ما رد علي و راح يجلس بالصاله و هو يفتح علبه العصير
جهزت الشوربه و خلصتها غرفتها في صحن و حطيتها على صينيه و وديتها له
حطيتها قدامه بتردد و هو يطالع التلفزيون
طالعني بحده
جواد : شيليه ما أبيه ؟!
فعلا سو خير و ارميه البحر مع ان ريحة الشوربه تشهي و مغريه للأكل لكن عارفه اني طيبه و طيبتي هذي مدعوس عليها بجزمه عند هالإنسان الجامد !
قمت أشيل الصينيه
جواد : وش هذا اللي بيدك ؟؟
كانت علامه بارزه في يدي من أيام القزاز اللي حطمته في غرفتي
طالعته عادي و جيت بأكمل رفعت الصينيه .... مسكها بحركه مفاجأه و سحبني بطريقه غريبه و جلسني جنبه ....
حط سيجارته بالطفايه و طالعني !!
و هو يمسك يديني و يفك الشاش و يشيل اللصق بعنايه من عليها
ابتسمت و انا ناسيه نفسي و قلت :
أميره : طيش و عصبيه زايده فرغتها في مراية تسريحتي لمدة ثلاث أيام
نزلت راسي و طالعت الشوربه
أميره : أيام رائعه و بشعه !
رفع راسي بيده و هو يبعد شعري عن وجهي
قال ببروده اللي يذبحني
جواد : شعرك هذا ارفعيه ما أحب أشوفه كذا ؟
رفع يديني و شمها بطريقه أدهشتني و باسها و رد يديني في حضني
هالحركه شلت تفكيري شكله عنده انفصام في الشخصيه ابتسمت بإرتباك و أنا أطالعه
قام من جنبي و هو يرفع السيجاره لشفايفه
جواد : قومي اكوي لي البنطلون بتلقينه عالسرير
اختفى من قدامي ورى باب غرفة النوم و ريحة سيجارته تخلف وراه ألم في المكان !!
و أنا باقي في دهشتي من حركته
قديش فقعلي مرارتي هالإنسان !!
رحت أكوي له البنطلون هو دخل الحمام ياخذ شور و أنا التهيت بالكوي
طلع من الحمام و هو لابس روب حمام طويل و شكله يجنن !!
شعره كان روعه و هو مبلول طويل و يغطي رقبته الطويله سبسوكه محدده بإدقان على هالوجه .... المليح تميت أتأمله خلسه بخجل و هو ينشف شعره بالمنشفه !
يحق للبنات يتعذبن لا شافن واحد مثله معذب البنات ..... راعي البنات الوسيم الكلمه الأخيره قلتها في نفسي بسخريه ...
ابتسمت و أنا أخبي هالتخيل في داخلي بصمت
جواد : وش فيك ؟
أميره : أعتقد ما يهمك أمري مب هذا كلامك
قال بسخريه
جواد : مب زوجتي !!
قلت بنفس سخريته
أميره : قدام الناس يا حبيبي
انتبهت لآخر كلمه قلتها ( سقطت سهوا )
حبته العله ان شا الله وجع
جواد : نعم ؟!!!
قلت ببرود و أنا أكوي البنطلون
أميره : سقطت سهوا
جاني بعنف و سحب البنطلون من يدي و شال القميص من عالسرير و دخل لغرفة الملابس
حركات مدروسه و محفوظه أدوارها بدقه !
تمددت عالسرير ...
و أنا أطالع للسقف غمضت عيوني ببطء و أنا أتذكر آخر مره جينا فيها لماليزيا
ركبنا دباب البحر رنا تسوقه و أنا متمسكه فيها بخوف مره تسرع تبي تروعني و مره
تخفف السرعه لما تشوف دموعي هبلت بي ذاك اليوم !!
رنا : يالخوافه هههههه
أميره : من الرقه و الأنوثه اني ما أعرف في هالأشياء مب مثلك دفشه يا أندر تيكر
ما راح أستغرب لو في يوم لقيتك طياره !!
رنا : و تردين بعد ........ طيب أنا أوريك
زادت السرعه و أنا أترجاها تخففها
فتحت عيوني على قوة ريحة العطر اللي خلتني أعطس
جواد : عايشه أحلامك مع فيصل !!
طالعته بقرف وش هالكلام أنا عمري ما حبيت فيصل هذا ؟؟
أميره : وش هالكلام السخيف اللي تقوله ؟؟
جواد : مدري عنك ؟؟
قمت و قلت بقرف
أميره : قول كلام نفهمه الله يخليك
رفع العطر اللي كان يتعطر فيه و قال بعصبيه
جواد : هذا مب العطر اللي كان يتعطر فيه ؟؟ هذا أنا اللي أعطيته اياه لأنه عطري !!
طالعته فتحت فمي و الله البزر ما يقول هالكلام السخيف أنا عمري ما شميت ريحة العطر هذي و بعدين و لا عمري اهتميت في هالأمور !!
قلت بتريقه
أميره : ليه حسيت بالنقص و شريت نفس العطر ههههههههه متخلف فعلا!!!
هزيت راسي بسخريه لاذعه
بس .........ليتني يا ناس ما قلتها !!
جا بسرعه و عطاني كف و ضربني على راسي و رماني بطريقه فظيعه عالأرض !!
جواد : يا حقيره و باقي تردين عمري ما حسيت بالنقص من واحد مثل السافل فيصل يااااااااا بنت مساعد
قال الكلمه الأخيره كأنه متقزز !
لهالدرجه ما يحبون أبوي وش صلح لهم عشان يعايروني دايم يا بنت مساعد يا بنت مساعد !!
رفعت شعري عن وجهي و هو يطلع من الغرفه و يتركني
أميره : أبوي أشرف منك يالـ .........
سكر الباب و ختمه بصوت المفتاح اللي تعلمت انه لازم يدور مرتين عشان يتأكد حضرة جنابه من حبسي !!
______________
مرت أيامي معاه بهالشكل طول الوقت هو برى البيت يحبسني و يطلع أيامنا بين ضرب و صراخ و اتهامات جارحه و ربي لو كافر ما اتهم زوجته بهالشكل ما أطلع من البيت بتاتا و البلكون ما أطبها على قولته حتى الشباك الكبير اللي بغرفة النوم كان بيسوي لي عليه سالفه بس لما تأكد الأخ انه يطل بس عالبحر سكت عالموضوع !!
ياه هذي هي التسليه الوحيده اللي كنت ألقاها في هالبيت مراقبة طيور النورس كل صباح
و لااا بعد كذا ما أعتقد في تسليه غير التلفزيون و كوب نسكافيه يقسم الراس نصين !
كل واحد في مكان هو بالمجلس و أنا بغرفة النوم و أحيانا لما أنام في الصاله أصحى ألقى نفسي متغطيه ببطانيه و هو نايم في غرفة النوم و أحيانا ألقاه جنبي نايم في غرفة النوم انسان غريب !!
_____________
الساعه : 11:00 صباحا
سمعت الجرس يضرب بعد ما طلع جواد من البيت هالمره ما سكر الباب بالمفتاح
خفت أرد و خفت يكون شي مهم مع ان الجرس تم يرن بإلحاح أكثر
فتحت الباب
قابلني وجه وحده شكلها عربي لابسه ملابس ساعي البريد و حاطه على راسها قبعه
بس قلت في نفسي يمكن تكون ماليزيه و أمها عربيه أو العكس
ابتسمت بمرح
....... : مدام أميره !
أميره : yes
.......... : ?any relatives or friends in malaysia
استغربت سؤالها و أنا أطالع الشارع بخوف لا يشوفني جواد
أميره : just my husband
........ : ok where is mster
كملت بعباره عربيه و ربي فجعتني و هي تغير ملامحها و تقول
........: جواد آل .......
قلت و أنا مستغربه
أميره : ليه في شي !
ناولتني شنطه كبيره
........ : مرسل من دبي الى أميره مساعد آل ....
دفت لي الملف عشان أوقع الإستلام بدفاشه وقعت بسرعه فقفلت ملفها و راحت
دخلت البيت و أنا أفكر
يمكن تكون وحده من خوياته بس تركها و هي زعلت تبي تنتقم .....!!
ضحكت بصوت عالي على هالتخيل و أنا أفتح الشنطه
أول ما فتحتها واااااااااااااااو
وحده من لوحاتي متبروزه بشكل مرتب
و من ورى مكتوب عليها "من ابداعاتي "يااااااااااااه خطي من زمان ما شفته
قمت أضحك .......
طاحت ورقه و أنا أشيل اللوحه اللي بعدها
فتحتها !!
((((( و بعد السلام و التحيه
أدري انك متعذبه في حياتك مع انسان شكاك الله يهديه يلفه الغموض من كل جهاته
حبيتك تطلعين من عالمك و تردين للرسم و نشوف ابداعاتك
حطيت لك بعد كم روايه و كم فيلم في الشنطه تتسلين فيهم
على فكره رديت أفكر أرد لمشاري هي مجرد فكره عابره !!
ملاحظه هامه ( أعطي لجواد الفرصه و لا تسمعين أي كلام ينقال عنه حكمي عقلك و احكمي )
بزورك قريب ان شا الله
بتلاقين مفاجأه تحبس الأنفاس ؟!!
سلطانه )))))
ياااااااااااااااااه يا سلطانه و ربي مشتاقه لك حيل و ربي سألت عني فديتها طويت الرساله و حطيتها في حضني و قمت أشوف الأغراض روايات و أفلام هنديه وش بعد ( كنفا و خيش و قماش ) للرسم و فرش و ألوان زيتيه أقلام فحم و أوراق !و في الأخير ثلاث ألبومات للصور
ما اهتميت أفتحها لأني خفت يجي في أي لحظه سي السيد !!( و في الأخير اكتشفت انها المفاجأه اللي تحبس الأنفاس على قولها )
سي السيد ..
مدري ليه تخيلته كذا الرجال الحمش اللي يضرب زوجاته و يتفنن في تعذيبهم و هو يبرم أطراف شنباته الكبيره اللي مرفوعه بشموخ شيطاني رغم ان عمر الشياطين ما كان عندهم شموخ !!
قمت بسرعه لميت الشنطه و شلتها للغرفه و حطيتها في غرفة الملابس !!
ما تدرون قديش انبسطت بهدية سلطانه ياااااااااااه الحمد لله باقي في أحد يسأل عني !
رحت للمطبخ أطبخ الغدا اللي أكيد بيلاقي النقد و الأسطوانه المشروخه اللي كل يوم أسمعها !!
سويت برياني أخذت طريقته من كتاب الطبخ اللي بالمطبخ يااااااااااه ريحته ايش !!خليت الرز يستوي و رحت أتسبح من ريحة الطبخ لبست لي بنطلون جينز كحلي ضيق و بلوزه جبنيز لونها أبيض .... استشورت شعري و حطيت ربطه بيضا ختمتها بمكياج جدا خفيف مع رشة من عطر التوت البري
و الله ما أكشخ له أكشخ لنفسي !
تذكرته يوم قالي مره :
جواد : أفضلك تلبسين دراعه أو قميص بيت عادي
نفخ دخان سيجارته بلا مبالاه و قال
جواد : حتى لو مالبستي إلا هاللي تلبسينه بتمين كذا في نظري بشعه !!!
يا ربي لما أتذكر نظراته أتنرفز زياده و أعصابي تتوتر ....
رحت للصاله فتحت على ميلودي جايبين أغنيه من فيلم ... يحكي قصة اثنين حبوا بعض و فرقتهم الأقدار آآآآآآآآآآآآآه غصبن علي دمعت عيني !!
حطيت ميلودي عربي و رفعت الصوت عالعالي و قمت رحت للمجلس أرتبه و شويتين أروح للرز أشيك عليه !!
جت أغنيه مربوشه شوي لإيهاب توفيق عجبتني لأن فيها تحدي رحت للمجلس و قمت أرقص بحرفنه و أرتب الغرفه في نفس الوقت !!
قمت أنظف طفايات السجاير اللي طفحانه !!
أدك أنااا أنااا
أدك ولااا ولااا
أدك هنااا هنااا
أدك غيري أنااا
يااا نااا يااا جمااالك ... يااا نااا يااا غرورك .... أنااا يااا حبيبي أنااا اللي حشدك
أنااا مش جيلك أنااا كدااا طيلك أنااا من أبل مااا شوفك وخدك !!
فكيت ربطة شعري و قمتي أرقص بحماس و أغني معاه بمرح و أحرك شعري بدلع
أدك أنااا أنااا
أدك ولااا ولااا
أدك هنااا هنااا
أدك غيري أنااا
أنااا يااا حبيبي بسلم للي بيأرب لي و بيسلم لي
يعني تأرب حاااجي و أرب ....ابعد حصل كدااا مستني
منتى حتيجي ... حتيجي حتيجي نن عيونك أأرب مني
مهمااا تروح يااا حبيبي أنااا شيفك بسمع حتى صمت شفيفك
وقفت فجأه .... لأني بكل بساطه اصطدمت بجواد اللي كان عند الباب يتأملني
طالعته بحده و قوه
كل مااا تقوى ألبي حيقوى و كل مااا تمشي حترجع تاني
عااارف ليه أناااا ديمااا أأوى ....... علشان ألبك بين أحضاااني ؟؟
يااا نااا يااا جمااالك ... يااا نااا يااا غرورك .... أنااا يااا حبيبي أناااا اللي حشدك
أنااا مش جيلك أنااا كدااا طيلك أنااا من أبل مااا شوفك وخدك !!
رفعت شعري أبي أطلع من الغرفه
رديت لبست شبشب البيت و قمت أربط شعري بالربطه
شلت الزباله اللي كانت مليانه أوراق عشان أكبها مسك يدي
يدي هذي المسكينه اللي بتتكسر على نهاية السنه !
قالي و هو يتأملني في عالم ثاني !
جواد : ليه رفعتي شعرك ؟؟
قلت بسخريه
أميره : طلبت مني حضرت جنابك أرفع شعري لأن شكلي مب عاجبك !!
رفع يده على وجهي صديت عنه
جواد : انتبهي !!
طالعته بحقد رفع يده و مسح شي على جبهتي
بعدت يده عني
أميره : خلي بينا مسافات يا قلبي عشان ما تصيبك نجاسه مني
الرجال فتح فمه مستغرب !!
رحت للمطبخ مستانسه
أتذكر كلامه اني أخرب بلد و اني مفسده و نجسه و اتهامات فظيعه طيب يخاف أنجسه يبعد عن حياتي !!
غرفت الرز و زينته بالصحن سويت سلطه عالسريع و حطيت السفره ( بالسم الهاري )
قلتها في نفسي و أنا أطالعه و هو يجلس بالصاله
جلست قباله أطالعه و هو ياكل
كنت أبي أقوله على حكاية الطرد اللي من سلطانه بس خفت يسوي لي مشكله
قلت بعد تردد
أميره : وصلني طرد من سلطانه
قال ببرود
جواد : أدري
أميره : طيب ممكن طلب !
رفع راسه و طالعني بصمت
مدري ليه حسيته تعبان و تحت عيونه هالات سودا !
أميره : أبي أروح البحر
قال بحده و هو يشرب المويه
جواد : ليه ؟؟
أميره : أبي أرسم
قال بعصبيه
جواد : مب اليوم طبعا !
تنهدت بألم و قمت من قدامه
رحت تمدد عالسرير أزرف دمعاتي بصمت
دخل الغرفه يبدل ملابسه بعدين تمدد عالسرير
قمت من جنبه بسرعه و جلست عالكرسي
التفت له لقيته يتألم من ذراعه و فعلا كان فيها جرح جديد
تردد في بالي نفس التخيل كل ما ألقاه مجروح أو مخدوش
انه اعتدى على بنت و ضربته ؟؟!!
كل شوي ناطلي بجرح أو خدش أو ورمه ما لها غير هالجواب المنطقي وحده من البنات ضربته أو خربشته بأظافرها !!
مدري ليه ماخذه هالفكره الشينه بس تذكرت كلام سلطانه في الرساله
( أعطي لجواد الفرصه و لا تسمعين أي كلام ينقال عنه حكمي عقلك و احكمي )
قمت رحت للصيدليه أجيب شنطة الإسعافات
كان متلحف بالبطانيه و ضامها بشده
ناديته بتردد
أميره : جواد
قال بقسوة
جواد : نعممممم
أميره : ممكن أشوف جرحك ؟
بعد فتره تقريبا دقيقه
ترك البطانيه و تمدد و هو يكشف لي جروحه
على ذراعه و على صدره
مسحتها من الدم اللي تجمد عليها و حطيت المطهر
حس بحرارة المطهر فمسك يدي و هو يتألم
جواد : يألم يا أميـــــــــره
أميره : الجرح مب نظيف عشان كذا يألمك
ترك يدي و غمض عيونه يااااااااااه للحظه نسيت نفسي
فديت هالعيون الذباحه !!
رديت قلت .... وجع يوجع العدو !
و قمت أمسح الجرح و ألف عليه الشاش
باقي الجرح اللي بصدره ...
قمت أمسحه بحذر أخاف يتألم من المطهر و أقطع عليه تأملاته الساخره طبعا !!
أو تفكيره في وحده من البنات اللي حبهن !!
نظفت الجرح و حطيت اللصق و جيت بقوم مسك يدي و هو يطالعني
طالعته و هو يغمض عيونه و يحط يدي على جرحه اللي على صدره !!!
ناداني بهمس
أميره : نعم
جواد : قربي مني
طالعته مفجوعه أكيد يهذي هذا و يخرف !!!ما في مجال للشك أكيد عنده انفصام في الشخصيه !!؟؟
فتح عيونه بتعب و كرر الطلب
قربت وجهي بتردد من وجهه حسيت ثاني أكسيد الكربون اللي يزفره أستنشقه أنا !!
جواد : أبي أنام تعبان مب قادر تمي معاي
لاااااااااا جواد يهذي صدقوني عقله صار فيه شي !!
ضربه خط 220 أكيد انجن !! إلا انجن الرجال
طالعني و رد غمض عيونه بهدوء و هو باقي ماسك يدي و حاطها على صدره !!
تذكرت زمان لما كنت أنوم تركي ولد أخوي أحمد ألعب بشعره و أغني له
حزنت عليه !
حطيت يدي على شعره الناعم و قمت أغني له بهدوء و أتأمل ملامحه
براءه غير طبيعه ليتك نايم على طول عشان ما تشوه خلقتك بأخلاقك الفظيعه المقرفه !!
للحظه أقول جميل و أرد أندب حظي على هالجمال وش فايدته و اللي بالداخل معفن و ريحته فايحه آآآآآآه يا ناس خلوا اللي بالقلب في القلب
نسيت نفسي و طويت اهانته لي مؤقتا لأن حاله ما يطمن ...
لما حسيته نام بكيت ...
أميره : حن علي شوي يا جواد و ربي تعبت منك ومن أسرك اللي ذابحني و كاتم على أنفاسي !!
و قمت أبكي و أنا جالسه عالكرسي قباله
نمت !
( أحساااس الهوى و العشق يظل ساااكنا مااالم يحركه الموقف )
الجزء التاسع و العشرين
صحيت على صوته و هو يطالعني
جواد : نمتي زين ؟؟
قمت بسرعه و طالعته بزعل
راح للتسريحه و هو يقول ببرود
جواد : قومي بسرعه بنروح لشاليه العيله بعد شوي ؟؟
قلت و كأنه مب هامني الكلام !
أميره : ان شا الله .........
رحت للحمام خذت لي شور طلعت صليت و لبست فستان ربيعي ناعم
جاني صوته الآمر دائما
جواد : رتبي الشنطه بنقعد كم يوم هناك
تنهدت بعذاب و قمت أرتب الشنطه و هو متمدد عالسرير
جواد : كل يوم أكتشف انك بشعه ؟؟
أبي أصرخ يا ناس من هالإنسان !!! بشعه ؟ ليه وش شايفني
مشوهه و لا مسخ و لا حيوان مستنسخ !!حتى لما أحمد حرق وجهي و سويت عملية التجميل صرت أجمل من أول بكثير و يجيني هذا يقولي بشعه !
قلت بنفس بروده القاتل و أنا أضغط على شفايفي اللي تفجرت بالدم
أميره : مب أبشع منك تدري أنا كل يوم عن يوم أكرهك أكثر أكررررررررررهك
عارف يعني ايش أكرهك يعني ما في شي راح يغير كرهي لك !!
ابتسم بحده و هو يطفي السيجاره و يولع غيرها !
أميره : يااه طبعا القلب لحبيب القلب
كمل باستهزاء و هو يصفق
جواد : برافو علي جيت أنا و خطفتك منه ...........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك