رواية علمني كيف اترك يدك في عز حبي لك -38
أحمد : أكره أبوك أكرهه لأنه ما يستاهل حتى القبر اللي هو راقد فيه !!
طالعته بصدمتي و دموعي
أميره : و تعذبني أنا ليه تعذبني على سالفه انتهت من سنين
صرخ في وجهي بعصبيه
أحمد : لا ما انتهت ...
أشر على صدره و قال :
أحمد : باقي عايشه هنا باقي تصرخ هنا أيام الذل و الألم و الأكل البايت اللي ما ياكلونه خدم آل.... كنت آكله لااااااااااااااااا لا تقولين انتهى لا تقولين انتهى
سحب الكيس اللي كان جايبه من عالأرض و رماه في وجهي
أحمد : الأكل البايت
و قام يضحك بهستريه
أحمد : اسمعي بتوقعين عالورقه و لا ااااااااا تتمين هنا للأبد
ابتسمت ببرود و قلت
أميره : أفضل أتم هنا على اني أعطي لواحد واطي مثلك جزء من أرض كتبها أبوي الله يعزه و يرحمه لي !!
جاني و شدني من شعري بقوه و هو يقول بحقد
أحمد : ان ما خليت هالوجه ينحرق مره ثانيه ما أكون أحمد !مثل ما حرقت قصر بالكامل عشان أحرق هالوجه راح أحرقه مره ثانيه ههههههههههههه
على فكره شويت الورد و الدم اللي شفتيهم قبل الحريق كانت مجرد فبركه صغيره لأني أتمتع لما أشوف أعصابك تدهور قدامي ههههههههههه
سمعت صفقة الباب الشنيعه و صوت باب ثاني ينقفل بنفس الشده
ضميت نفسي وقمت أبكي كل الكلام يعجز يفسر لي كلمه وحده أو أي شي من اللي قاله هالإنسان مدري انخدعت فيه و لا أنا طيبه بزياه عن اللزوم و ابتسامتي تجي وبال علي
حسيت بحركه عند الكيس
أميره : فيران ...........
قلتها بقرف بس ما تحركت من مكاني
حزنوني مساكين حتى الفيران كائنات مسكينه أول ما مسكت الكيس هربوا لجحورهم
فتحت الكيس اللي كان عباره عن جبنه معفنه ريحتها تقرف و خبزه بدى العفن يهاجمها و طماطمه ذابله
قلت بسخريه
أميره : لا كثر خيرك يا شيخ أحمد !
رحت عند جحر الفيران حطيت لهم قطعة الجبنه و قمت أفتت لهم الخبز البايت
تذكرت سلطانه و هي تحكي لي قصة خبز العرافه
سلطانه ياااااااااااااه وينك و ربي لك وحشه واحشتني قعدتك ابتسامتك دلعك و حتى غرورك و كبريائك اللي كنت أمقته و أتذكر كلمتها ( أنا أعشق الحدود و أحبها )
رديت أفتت الخبزه سمعت ان العلماء اكتشفوا ان الفيران ما يحبون الجبن هههههههههه
أجل وش سالفة توم و جيري جيري يموت على الجبنه الرومي قمت أضحك في داخلي و أنا أرد أجلس في زاويتي و أتأمل الطماطم ....
في بيت آل.... ما أعتقد هالطماطم تكون موجوده في الثلاجه عندهم الا بطلبيه من انسان حقير مثل أحمد وش دخلني في ماضيه ان شا الله يكون انذبح و لا انشل وش ذنبي يكرر ماضيه معاي أنا ليه .... سمعت أصوات الفيران و هم ياكلون الخبز و الجبن !!
قلت و أنا أبتسم
أميره : أجل خطأ نظرية العلماء ههههههه
ودي أشرب مويه أبي أصلي دخلت يدي في جيبي مالقيت غير مناديل و علك و بطاقه فيزا الذهبيه و عليها تكت صغير مكتوب عليه الرقم السري غريبه وش جاب هالبطاقه لجيبي
و العلك و المناديل عمري ما أدخل هالأشياء في جيوبي الغريب هو بطاقة الفيزا مالها علاقه بجيوب أميره !!!
قريت الرقم أحاول أحفظه رديت البطاقه لجيبي
جيت بأفتح ورق العلك تذكرت اني راح أعطش و أجوع و أنا أخدع معدتي بعلكه !
رديتها لجيبي و قمت أدور في جيوب التوب اللي لابسته يمكن ألقى شي جديد
بس للأسف و لا شي !!
قمت أطالع ساعتي اللي بالشي الفلاني الفصوص و الألماس اللي تبرق !!
وش بتنقذني فيه هالساعه اللي مرصعه بأغلى المجوهرات و أندرها آآآآآآه و لا شي
قمت أقرى أذكار الصباح و أمسح على نفسي !
رديت أطالع الفيران اللي قدامي ..... الأم و أطفالها و أكيد الفار الصغير اللي مات واحد من عيالها ....
تذكرت عبادي و هو يناديني يا فارتي الصغيره ؟!!
وينه عبدالهادي يااااااااااااه تذكرت كيف كنت عتبانه عليه و لما جا يضمني بعدته !
لو يدري اني هنا بعيد عن عالم الأحياء !!
طالعت للفيران و قلت:
أميره : عايشه بين الحياه ........
قمت أطالع لمكان الفار الميت و كملت
أميره : و الموت
رجعت أطالع السقف و أبكي بمراره مب قادره أعبر عن اللي في داخلي
تميت ساعه أبكي بعدين قررت آكل العلكه اللي كان طعمها غريب و مغلفه في كيس بلاستك شفاف !!
الساعه :03:20 عصرا
قمت بتعب و أنا أطالع الغرفه يووووووووووه أنا باقي هنا
جلست أستوعب وضعي كيف نمت ؟؟
آح حسيت بألم في ذراعي لأني نمت على قطعة حديد
تذكرت العلكه اللي كانت عباره عن منوم قوي قليله عليه قوي دوخني !!
مين حط العلكه في جيب بنطلوني !!
حسيتها في فمي تفلتها في الأرض بقرف و أنا أطالع الساعه
طالعت للمصيبه اللي قدامي بكل قرف و خوف .......
أفعى !!
و أنا انسانه ما أداني الأفاعي كله الا هاذي عندي الصراصير اللي شفتها أهون ...!!
خفت تلدغني و هي تطالعني و تطلع لسانها المقرف اللي يسيل منه لعابها ؟؟
نشفت في مكاني و أنا أقرى آية الكرسي في داخلي و أكبر
تلمست الأرض و هي تقرب مني لقيت حصى صغيره رميتها عليها بخوف و أنا أقول
أميره : بسم الله و الله أكبر
ما جت عليها الحصى بس هي تلوت في الأرض مدري كيف و رجعت من محل ما جت !!
طالعت لجسمي اللي هلكه الناموس و خصوصا لا بطانيه و لا يحزنون و أنا لابسه توب بدون أكمامي و بنطلون قصير الرطوبه خنقتني و صوت المويه صار يوترني مدري قديش نمت تنهدت و أنا أحس بالجوع يفتت معدتي و يذبحني و اللي ما انتبهت له هو فار ميت عند رجلي ....
قمت من مكاني بروعه و أنا أنفض رجلي و أمسحها بالمناديل اللي بجيبي
عشان كذا الأفعى هاجمتني تبي الفار الميت يوه عالمصير المريع !
شكلي بصير مثل هالفار بالزبط كيف مات ؟؟
قمت أفكر معقوله العلكه نومتني ثلاث أيام مثلا طالعت للبقع اللي في ذراعيني و يديني
معقول يكون الناموس بس و لا كائنات ثانيه عضتني و أنا نايمه !!
طالعت للجدار شفت الصراصير الكبيره عند مصب المويه و العفونه تنهدت بقرف
أتنازل عن الأرض لأحمد و أطلع من هالمكان أضمن لسلامتي
أرجع أقول .... و بأرجع أعيش معاه في بيته و بعدين وين ناديه معقوله ما حست فيني
سمعت صوت الباب ينفتح بوحشيه دخل أحمد و هو يطالعني بقرف
أحمد : باقي عايشه انتي ما متي و الله قط بسبع أرواح مع اني حاولت أموتك كم مره بس تقومين و لا كأنه صار لك شي !!
تدرون النور اللي تسرب بالغلط من الباب !!
عور عيوني .... جا سحبني من يدي بقوه و طالعني من هالغرفه و قفل الباب و هو يدفي
أخيرا راح أشوف النور ....!!
و أتنفس الهوا النقي ........
طلعت من المكان اللي كان بإختصار غرفة تحت الأرض
تذكرت السجون الأمريكيه زمان كيف كانت عفنه و تكون تحت الأرض !!
شفت الشمس و الهوا النقي يدخل لصدري بعنف اشتاق لي !
أحمد : اللحين تطلعين لغرفتك و تلبسين عباتك و تنزلين
قلت بخوف :
أميره : وين أروح ؟؟
دفني بعنف و هو يطلع معاي لغرفتي فتح الباب و دفني !!
أحمد : ساعة و تكونين تحت
صك الباب بقوه (( مسكين هالباب تفل العافيه بقوه ))
دخلت الحمام بإعياء تسبحت بسرعه و طلعت لبست لي بلوزه سودا و تنوره سودا
و قمت أطالع التقويم يوم شفته صرخت يعني لي أربع أيام في هالسجن
تذكرت بطاقة الفيزا طلعتها بقرف من البنطلون الجينز اللي انقرفت منه بقوه !
شلت شنطتي حطيت كل شي ممكن أتخيل انه راح ينفعني (ما خف وزنه و زادت فائدته)
أكيد ناديه ما تدري عنه وينها هالناديه تشوف زوجها المحترم وش يصلح ؟؟
الجزء السابع و العشرين
دخل سحبني و أنا ألبس عباتي
نزلنا و طلعنا الشارع رماني في السياره
و مشى بسرعه جنونيه و أنا فاتحه فمي من كل هالتبدل الفظيع اللي أشوفه
وقفنا عند فيلا فخمه
قال و هو يطالعني بعصبيه
أحمد : انزلي
طالعته و أنا متوقعه ألف مصيبه و مصيبه
نزلت و رحت معاه و هو يطق الجرس طلع وجه الشغاله
أحمد : مس أميره
طالعتني الشغاله بمرح
الشغاله : أوه يس ولكم
دخلت مع الشغاله هو مشى ما شفت الا غبار سيارته
مشيت مع الشغاله لين وصلت للصاله الكبيره فاضيه ما فيها أحد
دموعي حابسه نفسها في عيوني قلت بإعياء و رجاء
و أنا ألحس شفايفي المتشققه
أميره : أبي أكل لو سمحتي
الشغاله : باين عليك تعبان مس أميره
طالعت لورى الشغاله بدون تصديق
الجوهره ؟!!
فرحت أنا في بيت الجوهره يااااااااااااه حسيت بالحياه لما شفتها مقبله علي و تضمني بقوه و تبكي ........
الجوهره : أميرتي .......
قامت تلمس وجهي و تبكي
الجوهره : حقيقه انتي عايشه !!
ابتسمت و قلت
أميره : الحمد لله
رفعت راسي بتعب
أميره : جوجو أبي أكل أبي مويه أبي أي شي بارد
و قمت أبكي خنقتني الدموع و آلمني نزولها و أنا كل مره أبل شفايفي المشققه بلساني لين طلع الدم ...
ضمتني الجوهره بقوه و قامت تبكي
الجوهره : اللي تبينه يا قلبي
دخلنا للمجلس و الشغاله تحط الأكل صحن مليان سندويشات و جك مليان مويه و جك مليان عصير .......
رحت للمويه ما فكرت أصب في الكاسه بلهفه قمت أشرب المويه من الجك نفسه !
تنهدت بعد ما بعدت الجك و حطيته عالطاوله !
الجوهره : وش فيك أميره ؟؟
المويه خدرتني جلست جنبها و أنا أتنفس الهوا البارد بعمق
أميره : عشت العذاب بكل صوره و أشكاله
ابتسمت و طالعتني
الجوهره : عروسه مثلك لازم تكون مبسوطه
رديت أعيد الكلمه في راسي من جديد ( عروسه )
قلت بإستفهام
أميره : عروسه !!
الجوهره : ايه يا أميره حتى قومي بوريك وش شرينا لك من أغراض أنا و البنات ؟؟
مسكت يدي تبي تقومني
أميره : يالجوهره !!
سحبتني و طلعنا فوق لغرفه كبيره دخلناها ...... كلها شنط
الجوهره : شايفه هالشنط كلها ملابس و جزم الله يعزك و كل شي ممكن تتخيلينه ؟
و هذي شنطة المجوهرات ؟؟
جلست عالسرير بصدمه و قلت
أميره : كيف صرت عروسه ؟
طالعتني الجوهره بإستغراب و هي تحط يدها على كتفي
الجوهره : أموره يا قلبي وش فيك ؟؟
شهقت و قمت أبكي أكيد أحمد مفهمهم شي غلط و بيزوجني حسبي الله عليه يتخلص مني ليه كل هذا عشان الفلوس !!
الجوهره : أميره و ربي تقطعين قلبي عليك وش فيك هذا مب شكل عروسه زواجها بعد ثلاث أيام
التفت من دموعي و طالعتها بدهشه
أميره : ثلاث أيام كيف !!
ابتسمت
الجوهره : لا شكلها الأموره متوتره من العرس بخليك يا قلبي ترتاحين
كنت بأوقفها و أقول لها عاللي صار كله .... بس عقلي يقولي لاء و أنا أشوفها
تذكرت الوعد اللي كان بينا ( لازم تعيشين مشاكلي و لازم أعيش مشاكلك ..... وعد )
ناديتها و هي على آخر خطوه من الباب
أميره : جوهره ؟
التفتت بإبتسامتها الصافيه
الجوهره : هلا يالغلا
قمت قابلتها
أميره : كان في بينا وعد اني ما أخبي عليك شي و لا تخبين عني شي طيب ممكن تسمعين أميره يمكن تقدرين تساعدينها !!
مسكت يدي
الجوهره : طبعا كم أميره عندي انتي أميرة حياتي يفداك القلب و العين ما أنسى وقفتك معاي الله لا يحرمني هالطله
جلست جنبها عالأريكه و قمت أحكي لها كل شي من أول ما تركتني لآخر شي !!
البنت من هول الصدمه شهقت و بكت و هي تطالع لذراعيني و يديني !!
و شوي تضمني و تمسك وجهي و تبكي
أميره : بس تدرين شكلي بتزوج أبرك ؟
الجوهره : تعذبتي كثير يالغاليه أخوك هذا الرحمه انزعت من قلبه
سمعت طق عالباب
الجوهره مسحت دموعها بسرعه و قامت تفتح الباب
الجوهره : هلا حبيبي عبادي
قمت أطالعه بصمت و أبتسم
جا سلم علي و ضمني
عبادي : مبروك يالأميره
قلت بحسره
أميره : الله يبارك فيه
مب عارف اني حتى العريس أجهل هويته ما تشرفت بمعرفته لما اللحين ؟!!
جلس يسولف شوي معاي بعدين طلع ... الجوهره سكرت الباب و قالت :
الجوهره : و لا يبان أبد ان صار لك هذا كله يمكن لما تتزوجين ترتاحين من هالعله أحمد
تنهدت و قلت :
أميره : مدري أي أحسن و بصراحه كل واحد ساكن في بيت بروحه و أنا متشتته
موت أبوي و أمي يا جوجو فرقني شتات و جمعني ألم لا يحتمل !
مرت أيامي الثلاث و الجوهره مستلمتني شغل فرك في يديني و رجليني بالزيوت بصراحه راحت قرصات البعوض بس باقي الألم مقطعني ؟؟
جابت لي اللي يسوون المساج و الحمام المغربي حطت لي زيوت وش كثرها في شعري ؟؟
تقول تطول الشعر و ان شعري يوم كان طويل أحلى !!
طيب هو تحت كتفي بشوي حتى الدكتور قال ان منابت شعري ما تأثرت بس أطرافه احترقت فقصوه !!
طبعا اكتشفت انهم موزعين الكروت و عازمين الناس و العالم أهل الرياض و العين
و كل من يعز عليهم .....
من الصبح جو الخدم يشيلون الشنط و الأغراض مدري وين الجوهره قالت لهم يودونها
تمددت عالسرير و أنا أتخيل عريس الغفله يوه أنا ليه ما سألت جوجو عنه ههههه
أميره : جوجو مين عريسي صاحب أكبر حظ في هالدنيا
ابتسمت بمرح و قالت :
الجوهره : خليه سر من الأسرار بعد كم ساعة بتعرفين !
________________
يوم العرس
جو الكوافيرات و قاموا يصلحون لي البدع و الجوهره تتفرج جو البنات يسلمن علي أشكالهن روعه ديمه و دانيا اللي جت مع زوجها لدبي ابتهال و عبير باقي سلطانه وينها !!
ابتهال : مره روعه لبسك يا دانيا ؟
دانيا : تسلمين مشكوره
دخلت سلطانه و جت ضمتني و سلمت علي بحراره استغربوها البنات ؟
سلطانه فتاه من عصر القدماء هيبتها دايم تسبق حضورها و الأناقه المترفه اللي تعبر عن نفسها و ربي هي أكثر وحده وحشتني !!!
طالعتها أتأملها بفستانها الأسود اللي يبرز طولها و تزينه مجوهرات ملونه وااااااااااااو توب بصراحه قصة طرزان تبين طول رقبتها و جمال شعرها البندقي يااااااااااه مكياج هادئ جدا !!
من المرايه و البنات يسولفن أقدر أشوفهن و الكوافير تسوي لي شعري
دانيا كان الحمل باين عليها حيل لابسه فستان يجمع السماوي الهادي و الوردي طالعه حلوه بتسريحتها الرايقه !!و مكياجها الهادي
ديمه فستانها ذهبي و قصير و شعرها كانت مقصصته على طوله و مجعدته بطريقه مدقنه مكياجها كان صارخ بس يناسبها
عبير مره لبسها خالع مع انه مناسب جسمها حاطه روج أحمر على أورنج ملفت للنظر و شعرها مستشور عشوائي !!
دخلت شيخه سلمت عليها عادي ما كأنه بينا شي و كانت تطالعني و كأني يا فلانه مب شايفتك !!بس بحق كانت تجنن لابسه فستان فيروزي حرير و طبعا فتحت الصدر كبيره لأني لو شفتها صغيره راح أستغرب لأنه ما يتناسب مع شخصيتها الفاتنه المثيره !
اللي استغربته انها حاطه غلوس لحمي مب بالعاده بالعاده تشوفين شفايفها من بعد أميال من قوة اللون كأنها لمبه !!
ابتهال كانت لابسه فستان سكري برضو خالع هو بعد و شعرها طايح بدلع على كتوفها
مسويه مثل مكياج أليسا طالع عليها حلو...
كانوا يسولفون و أنا كنت في عالمي أتذكر قبل ثلاث أيام كيف كنت بين الفيران و الحشرات في الغرفه المخيفه لو واحد غير مات فيها محد يدري عنه !
للحظه رديت أحزن على أحمد مب متخيلته صغير مسكين و محبوس في هالمكان المريع !
معقول أبوي كان بهالقسوة!!!
خلصت الكوافير من مكياجي و أنا في عز تأملاتي ....
رديت طالعت للجوهره و هي تقول
الجوهره : ما شا الله قمر لا إله الا الله بسم الله عليك
مالقيت البنات شكلهن طلعن من وقت
دخلت لغرفة الملابس ألبس فستاني و أفكر
يا ترى أحمد لمين زوجني !
هل لإنسان مثله ... و لا لإنسان طيب مثل فيصل
تمنيت ان فيصل يكون هو العريس أكيد راح يسعدني في حياتي
أو عبدالله اللي أكيد تزوج شمه بنت عمه !
حلو الفستان مدري تصميم مين بس مره رايق و اللي يفجع انه سواريه !!!
ليـــــــــــــــــــــــــــــــــــه ؟
ألبس بدون أكمام ايه بس بدون أي شي مره وحده كذا ما تعودت !!
طالعت للمرايه و ابتسمت لنفسي
ماشا الله عليك يا أميره تجننين مواااااااه
مع المكياج اللي بلون الفراوله طالع شكلي مدري حسيته حلو
طلعت للغرفه .........
الجوهره : ما شاء الله
على دخلت سلطانه و ديمه
سلطانه : ما شا الله عليك رااااااااااااااااائعه
ديمه : وااااااااااو بسم الله عليك روعه يا الله بيتجنن عليك جواد لما يشوفك !!
حسيت بدوخه و أنا أسمع هالإسم .....جواااااااااد !!
طالعت للجوهره
سلطانه لمعت عيونها و هي تطالعني و تقرب مني
سلطانه : أميره فيك شي !
تساؤل ما جا في محله برغم اني مذهوله
وقفت لحظه بوجه ما يحمل أي ملامح ......... ملامحي انمحت من الصدمه !
المكياج اللي على وجهي حسيته شويت ألوان تحتاج لرتوش بسيطه عشان تكون الصوره الصح عني !!
قلبي كيف قدر يتحمل كل هالعذاب كيف !!!
جلست عالسرير و الخادمه تلبسني الجزمه
حراااااااااااااااااام شهقت و حبست دموعي بلوعه
جواد !!!!
أبشركم حياتي بتصير جحيم معاه
ما أخسك يا أحمد تزوجني جواد يا أخي حرام عليك !
الجوهره حست بألمي عرفت بتفاجئني بالعريس عشان كذا اكتفت بالصمت
لبستني طقم الألماس بهدوء
طالعتها بعيوني اللي مليانه دموع
وينك يا يمه تشوفين مصيري وين صار و لمن صرت لراعي البنات !!
للي كل يوم مع بنت !!
و اللي سمعته رايحه فيها !!
و حياته ما يندرى كيف بتكون ؟
أخواني كيف رضو به و عبادي كيف يسلمني له بهالطريقه
دانيا : أموره يالله الزفه
قمت و أنا أرتجف خفت لا أطيح و أنا أنزف أو يغمى علي مسكتني الجوهره من يدي
و قامت تهمس لي
الجوهره : نبتسم قدام الناس بدل هالتكشيره و دموع لا يا أميره
و قامت تمسح لي دمعه طارفه من عيني
جت حماة المستقبل ما يحتاج أعرفكم على خالتي بدريه ؟!
ما شا الله صوتها مثل الطبل البلدي و هي تغطرف كانت مبسوطه و بس تتأملني ؟
انزفيت بكل هدوء و أنا أحاول أتماسك من هول الصدمه .... جواد !!
جواد لاء يا ناس قولوا غير كذا لا لا جواد !!!!!!!!!!
للحين مب مصدقه اني بأكون جنب واحد خسيس مثله !
وصلت للكوشه اللي كانت عباره عن شجره من حبيبات الكريستال الأحمر متناثره بشكل عشوائي طلعوا الناس يسلمون علي أولهم الهنوف فديتها من زمان عنها و عن سوالفها و لا وعد و حلا و هلا و رانيا و تغريد ياااااااااااااه أشكال صار عليها غبار في حياتي
جلسن يسولفن معاي و نادوا للعشا !!
و قالوا بيدخل المعرس عشان نتصور دخلوني بغرفه كبيره مع المصوره اللي مسويه الخلفيات بعنايه ......
جلست عالأريكه متوتره و مجموعه من البنات متلثمات دخلن و جلسن أكيد بنات خالي
تدرون اني ما أفتكر حتى شكله و قال ايش بنصير في بيت واحد بعد سويعات و ربي الموت أهون علي من هالإنسان المقيت !!
دخل المعرس و تقدم بخطى واثقه سلم علي و باس يدي
كنت متقرفه ياااااااااااااه كانت تجتاحني رغبه قاتلتني اني أقطع يدي قبل ما أرد أمسك مسكة الورد الأحمر تجنبت أطالعه و هو كان مبتسم و يطالعني بنعومه
قامت المصوره تصورنا
المصوره : بعيدين عن العدسه خالص ! لازم تأربوا من بعض أكتر
طالعت للمصوره بحده
قرب مني شوي ...
المصوره : لازم تأرب منها أكتر
عمى في عينك ما كفتك هالمسافه بعد نقرب أكثر
قرب مني مره
المصوره : بتبصي في ايه يا عروسه بصي لعريسك
حسبي الله على هالمصوره !!
جت سلطانه تنقذ ما يمكن انقاذه !!
قالت للمصوره
سلطانه : معليش انتظري لحظه
جتني و همست في اذني
سلطانه : كملي التمثليه يا أميره الله يرحم والديك
و ضغطت على يدي بقوه
يعني هي بعد عارفه أني أمثل !
و اني غصب علي متزوجته !!!
حط يده تحت ذقني و رفع راسي تجاهه
استسلمت بهدوء و طالعته
قمت أطالعه بتأمل
وسيم كلمه محاها لساني يوم شفته
جميل ما أعتقد ان هالكلمه راح توصف اللي شفته
لأنه بكل صراحه فتنه
حواجب ثقيله محدده عالهالوجه اللي شايل كل هالعجايب
عيون ناعسه سودا تلمع برقه رموش كثيفه تحضن هالعيون
و أنف حاد مثل السيف يفصل بين خدين حلوين
فم يحكي عن نفسه بشراسه
جذاب بشكل خيالي
قلت في نفسي و أنا أطالع لمشلحه الأسود
بس مب أحلى من عبدالله !!
قرب مني بشكل خيالي و رديت حسيت بذاك الإحساس لما قربني منه في المستشفى !
صورنا الصور و أنا أسمع التعليقات من البنات و الأوامر من المصوره سووا كذا و لا تسوون كذا !!!
دمعتي كانت بتخوني لو ما جت سلطانه و همست لي
سلطانه : تماسكي الله يخليك
طالعتها برجاء ....... يعني الرحمه !
هزت راسها بتفهم
و أخذت البنات و طلعت
سمعت صوته العذب يناديني
جواد : يا معذباهم أعطينا وجه
طالعت المصوره و هي تشيل أغراضها
و طالعته ببرود و رديت أطالع المصوره
ضغط على يدي بقوه كأنه يبي يفتتها
جواد : مب أنا اللي أنسفه بهالطريقه
سحبت يدي بهدوء و قلت :
أميره : تمنيت يدي تنقطع قبل لا تلمس يدينك !!
دخلت علينا سلطانه و في يدها العبايه
و قامت تلبسني هو طلع من الغرفه و راح
أميره : ذابحني
سلطانه : عارفه و خبر موافقتك عليه صعقني !!
أميره : أنا ما وافقت الأخ المحترم أحمد وافق بالنيابه عني ليته هو اللي كان لابس الفستان بدالي لاء يجي يتزوج بدالي أحسن !
ابتسمت بتفهم و قالت
سلطانه : جواد فيه الزين و فيه الشين و انتي بتكتشفينه بنفسك
قلت و أنا أطلع معاها
أميره : الله يستر
لبست العبايه و دعتها و ودعت الجوهره بحراره كان ودي أتم معاها بس !
هو دخل يودع أهله ........
سلمت على عبادي و ثامر ما شفت أمير توأمي المفروض هو أول اللي يودعوني تغطيت و لفيت العباه زين و طلعت للسياره مع عريس الغفله أروح لمصيري المجهول !!
طول الطريق صمت بما ان السواق هو اللي يسوق أنا العبره خانقتني انحشرت في حلقي عيت لا تطلع و هو ببروده القاتل يناولني منديل عارفه انه يتشمت بس مناديله أرميها من الشباك قبل ما تلمس وجهي !!
وصلنا لسويت فخم جدا ......جو عمال الفندق يشيلون الشنط
دخلنا الغرفه و جلست عالأريكه لهالحظه مصدومه و مني مصدقه اني معاه في غرفه وحده
حطوا الشنط و راحوا قمت فصخت عباتي و جلست لقيته داخل و هو يبتسم لي
وجع يوجع العدو انت و هالوجه !
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك