رواية علمني كيف اترك يدك في عز حبي لك -34
انفتح الباب بهدوء
أميره : الجوهره ؟؟
جت ضمتني بقوه و هي تقول
الجوهره : انفجعت عليك حيل ..... وش هذا يوه نحفتي حيل يا أميره وش جا عليك !
ابتسمت و أنا أشوفها أحسها تصلح حركه و نشاط في حياتي لما تكون معي !!
أميره : كالعاده يا قلبي
الجوهره : المنوم ....... أوف يا أميره بطليه و ارحمي نفسك
أميره : تدرين ان الدكتور واصفه لي عشان أعصابي ما تتحمل و الله يا جوجو ما فيني أكرر اللي قاله الدكتور و بعدين لما أتنرفز أو أزعل من شي ما أقدر أتماسك مثل الناس و أواجه مشاكلي غير بهالمنومات ......... بدونها أروح فيها
قالت لي بحزن
الجوهره : متى بتطلعين ؟؟
أميره : لما تتحسن حالتي ؟!
الجوهره : توني جايه من سويسرا
أميره : الله لفيتي العالم ماشا الله عليك
الجوهره : و جيت هنا عشانك ؟؟ و على فكره قررنا يكون العرس هنا
طالعت للشباك بحزن و قلت
أميره : هنا هناك كله واحد !!
الجوهره :لا يا قمر مب هنا و هناك واحد أبد و بتمين حزينه كذا على طول !
التفت أطالعها
أميره : و لو قلت لك اني حتى فستان ما فصلت قلت لصوفي تفصل لي على ذوقها
الجوهره : أوف لهالدرجه ؟
بعد سين و جيم انتهت الزياره و طلعت الجوهره بتروح البيت قلت لها راح تنصدم من اللي بتشوفهم و خصوصا جايه هي وخواتها ياااااااااااااه مدري وش بيصير بصراحه بيفوتني !!
طالعت الجدار الأبيض بتأمل و قلت :
أميره : بكره بينتهي كل شي و تستمر الحياه
طق عالباب
و دخلت الدكتوره اللي أفتكر اني شفتها المره الماضيه
ابتسمت لي برقه
الدكتوره : صباح الخير يا أميره
ابتسمت
أميره : صباح النور
جلست جنبي تقيس نبضي
الدكتوره : لا الحمد لله اللحين صحتج ممتازه
طالعت للشباك بحزن
حطت يدها على راسي
الدكتوره : شفيج يا قلبي ... ممكن أعرف ؟
التفت لها أطالعها
أميره : عدم المعرفه بالشيء أفضل مية مره من المعرفه يا كثر اللي قالوا ليتنا جهلاء
أو أطفال ما نفهم ؟؟ آه لا تشغلين بالك هي الدنيا بتوقف عشانا !!!
الحياه بتستمر مين احنا عشان توقف عندنا الحياه !
الدكتوره : شكلك تعبانه حيل ؟
أميره : لا مب تعبانه أنا ميته من زمان !!
____________
مرت ثلاث أيام بعدها طلعت من المستشفى
و رديت لحياتي الأولى و لواقعي المر !
تجهزت الأجواء كلها لعرس عبادي و ثامر و الكل محيوس و يجهز الا أختكم في الله
أميره !!! طول الوقت بغرفتي مقفله علي بابي و محد مهتم فيني الكل مشغول حتى الجوهره و سلطانه و كلهم يعني الجميع بالعربي !
أماني كانت الوحيده اللي مواصلتي بالجوال دوم تتصل و أكلم عبدالله بين فتره و الثانيه!!
تمددت عالسرير أفكر في عالمي الكئيب !
و ليه ما فيني حتى أقوم السوق أشتري عالأقل هدايا للمعاريس صدق ما أستحي !!!!أوووووووووف على قول أمي الله يرحمها ما تعرفين للأصول ؟!
رن جوالي بنغمته الكئيبه مثل صاحبته .... رقم غريب
خفت أرد يطلع لي فيصل حطيت الجوال جنبي و صار يرن بدون ما أرد !
قفل شوي و بعدين رن ثاني ........ مين اللي بيتصل علي و يبيني بهالإلحاح !!!!!
أخيرا قررت بعد ما شاورت نفسي و رديت !
أميره : ألو
....... : ألو مرحبا
انساب صوته بعذوبه
قلت بإرتباك
أميره : فيصل !!!!!!!!
فيصل :هلا فيك يالغلا
أميره : وش تبي فيني ارحمني الله يخليك
فيصل : أحبك
أميره : بس أعتقد ان اللي بينا خلاص انتهى
فيصل : عندي أنا باقي ما انتهى !!!!
الساعه : 02:20 بعدالظهر
جلست في الخيمه مع اخواني أحمد و عبادي و أمير و ثامر
كنت ماله و مقروفه و مالي خلق أروح مكان كلهم طلعوا و بقيت أنا بالبيت مع أخواني
كنت ساكته أسمعهم يسولفون ...
أحمد : كيف تعاملاتك مع شركة ....المحدوده ؟؟
من سمعت هالإسم التفت لأحمد بإنتباه
عبادي : ممتاز أسيل آل .... التعامل معها جدا مريح مافيه تعقيدات مثل الشركات الثانيه
فتحت عيني على كبرها بصدمه
أسيل أخت فيصل ياااااااااااه طب ليه ليه !!!
أحمد : و شركة عيال مهدي
عبادي : وقعت عقد جديد على معدات للمشروع مع شركتهم تدري غيروا المسؤول
صار عبدالله آل .....
طلعت من صدمتي لما سمعتهم يتكلمون عن عبدالله !
أحمد : سمعت انه معاق و ما يقدر يمشي ؟!
عبادي : يا رجل أصح منه ما في و توه مستلم ادارة الشركه من أسبوعين و يمشي الرجال عادي مثل الناس
قلت ببلاهه :
أميره : يمشي !!!!!!!!!
و مستلم الشغل من أسبوعين و صاير رئيس الشركه ههههههههه
التفت لي أحمد بإستغراب
قلت بذهولي و مب قادره حتى أرتب الكلام
أميره : هذا .... أخو أماني ... اللي .....
ما قدرت أكمل خنقتني العبره كتمت أنفاسي قمت من الخيمه و طلعت لغرفتي على طول جلست عالسرير أبكي ...
عبدالله يخدعني يلعب علي ليه طيب وش سويت له ؟؟
دايم يكلمني بس ما جاب لي سيره على هالكلام كله هههههه يضحك علي ليه لهالدرجه
قبل كم يوم تقابلنا بس كان جالس عالكرسي مب معقول و أماني ليه ما تقولي آه يخدعني يكذب علي ليه ليه يا ناس أنا أستحق هالشي اللي قاعد يصير لي ....!!
قمت بسرعه مسحت دموعي و بدلت ملابسي لبست عباتي و خذت أغراضي و طلعت
ركبت مع السواق و أنا أقول له عن شركة عيال مهدي طبعا عرفها لأنه كان يودي أحمد لما يكون عنده شغل مع هالشركه ...
طول الطريق و أنا أعطيه أعذار يمكن يكون الكلام اللي سمعته مب صدق ....
طب ليه يكذب علي ما عنده أي مبرر للكذب ليه يكذب ليه ؟؟
وصلت الشركه و دخلت طلبت يدخلوني على الأستاذ عبدالله بسلامته !
بس ما قلت اسمي الحقيقي !!
جلست شوي عند سكرتيرة مكتبه المزيونه !
السكرتيره : الأستاذ عبدالله عنده اجتماع !!
كنت أطالعها بصمت
ما أعتقد انها من النوع اللي يعجب عبدالله !!
ما كملت ربع ساعه الا و دخلتني عليه
دخلت و أنا أطالعه ببرود !!
هو لما شافني ارتبك كنت أنتظره يقوم يوريني طوله بس ما وقف !!
دخلت و جلست عالكرسي اللي قبال مكتبه بدون أي كلمه
قالي بإرتباك :
عبدالله : وش هالمفاجأه الـ ....
قاطعته و قلت بصرامه !!
أميره : الحلوه طبعا
قال و هو يصرف
عبدالله : طبعا طبعا
طالعني و طالعته عيونا التقت و في أشياء كثير لازم أعرفها
عبدالله : أميره وش فيج ؟؟
وقفت و قمت أتأمل المكتب الكبير
أميره : مبروك رئاسه الشركه
طالعني و نزل راسه
و اللي قاهرني انه للحين ما وقف ؟؟
للحين يا ناس ما وقف !!!!
ما في حل غير اني أوقفه بطريقتي !!!
قمت أتأمل الجدران و الطاولات و الباب الكبير المفتوح اللي يودي على قاعة الإجتماعات
عبدالله : كنت بقولج
هزيت راسي بتفهم و قلت
أميره : كنت بتقولي قبل أسبوعين ؟؟!أهاا
عبدالله : لا كنت بس .....
قفيته و أنا أطالع لكره كبيره من الكريستال بحجم اليد
مصقوله بنعومه قمت ألمسها و أفكر !!
هو ما في غير هالحل عشان أتأكد بنفسي .............لازم !!
رفعتها في يدي بهدوء و لفيت عليه بحركه سريعه و رميتها تجاهه بقوه !!
لحظة ذهول بين اثنين يحبون بعض ؟؟
طالعته ببرود !!
طبعا الأخ سريع بديهه على طول قام بسرعه و تفدى الكره اللي اصطدمت في الجدار و تهشمت بصوت عالي معلنه نهاية حياتها !!!
كنت أبي أشوفه واقف عشان أتأكد بنفسي لأني كنت أعطيه الأعذار لآخر لحظه !!
لآخر لحظه !
لآخر لحظه !
لآخر لحظه !
مب عارفين كيف لما وحدة تحب و تنخدع في حبيبها و يطلع كذاااااااااااااب !!
طالعته بصدمه غمضت عيوني و فتحتها بصعوبه و هو يطالعني متفاجأ من حركتي !
خنقتني العبره و أنا أشوفه واقف قدامي من اسبوعين و هو يمشي و لا قالي و كان يخدعني لأني كنت أشوفه بالكرسي المتحرك كانت صعبه على نفسي حيل لأني أكره الكذب !
و خصوصا الكذب في الحب لو يبي يكذب من البدايه ليه حبني ؟؟
جاني و قف قدامي و مسك يديني ....
عبدالله : أنا .....
طالعته و دموعي تنزل على خدي بحراره بس باقي صوتي ما ارتجف
أميره : ليه ممكن أفهم ليه تكذب علي ليه !
عبدالله : يا أميره و الله العظيم
رفعت يدي في وجهه
أميره : لا تحلف أبد لا تحلف لأنك خدعتني .... كنت بتقولي من اسبوعين !!!
بعدت يدي عنه و قلت و أنا أقفيه
أميره : مشكور
عبدالله : انتظري يا أميره بقولج اني أحبج ما كذبت فيها
التفت له و قلت بمراره
أميره : آسفه ما راح أقدر أصدقك لأنك .... لأنك ....
سحبت نفس عميق و كملت :
أميره : لأنك كذاااااب .. كذاااااب .. كذاااااب !!!
مشيت و هو يناديني
عبدالله : أميره ... أميره ... أميره
طلعت من الشركه بسرعه و أنا أبكي
ركبت السياره و رديت للبيت طلعت لغرفتي و سكرت على نفسي
ارتميت عالسرير و بكيت و صرخت بكل ما فيني بكل اللي في داخلي
حسيت بيد تمسح على شعري قمت بخوف أطالع اللي قبالي
أميره : ناديه ؟؟
ابتسمتي ابتسامتها الحنونه دايما
ارتميت في حضنها و قمت أبكي بحراره و أصرخ بألم
أميره : آه يا ناديه خدعني خدعني ليه يا ناديه ليه ليه الناس اللي تحبيها و تثقي فيها تخونك و تكذب عليك ....
ناديه : دايم نسيء الإختيار و بعدين نندم بعد ما يفوت الأوان
رفعت راسي و قلت :
أميره : كذب علي طول هالوقت يكذب علي ليه وش سويت له !!و أنا بغبائي صدقته
ناديه : طيب و في النهايه هل بتعذرينه ؟؟
طالعتها و قلت :
أميره : لا لأنه كذب علي !! و جرحني جرحني حيل لا لاء
ناديه : اطلقي سراح نفسك و عيشي بإمتياز بعيد عن المشاكل كوني نادره في كل شي
خلي حياتك مختلفه و ردي اختاري الناس صح بطريقة أميره مب طريقة الناس و الأهم يا أمورتي واجهي مشاكلك و بطلي تهربين منها !
قلت و أنا أرجع أبكي في حضنها
أميره : بس أحبه حيل أحبه يا ناديه
_________________
مرت أيامي حزينه كئيبه حتى مع وجود ناديه !!
طول الوقت ساكته و أطالع اللي حولي بصدمه أسأل نفسي عن حبيبي و أرد مره ثانيه
أبكي ...... محد فاضي لأحد و الجوهره حتى ما سألتني وش فيك و لا سألت عني
أشتاق لعبدالله بس أجبر نفسي على نسيانه !
ليه أنساه و أنا للحين أحبه و أعطيه مبررات و دمعتي تنزل تنتظر يقولي ليه صلح كذا !
أبي أفهم وش كان يبي عالأقل ....... يا ناااااااااااااس صدقوني أحبه !!
جا يوم العرس قرروا يصلحونه بالقصر لأنه القصر كبير كل جماعتنا جو و الدنيا شايله بريحة العود و البخور و الورد اللي واصله لغرفتي !!
و أنا جالسه عالسرير بقميص النوم ؟؟!!
و الباب يندق و لا أرد .....
أول ما دقت علي ناديه فتحت
يوم شايفتني انصدمت !
هي كاشخه و مصلحه شعرها و مكياجها و لا بسه فستان عنابي ماشا الله طالعه تجنن !
ناديه : انهبلتي انتي !! المعازيم وصلوا و انتي بقميص النوم
رفعت شعري اللي كنت رابطته بإهمال و قلت :
أميره : ما لي خلق يا ناديه ؟
سحبتني من ذراعي و هي تقولي بعصبيه
ناديه : الا لك خلق وين فستانك ؟
أميره : مدري .... اسألي صوفي ؟؟؟
صرخت و هي تضغط على يدينها
ناديه : آه من هالبنت بتشلني !
قالت و هي تدفني للحمام
ناديه : خذي لك شور سريع و بسرعه ألقاك هنا فهمتي !!
طلعت من الغرفه و هي تصفق الباب ؟!!!
لهالدرجه هنت على عبدالله حتى و لا يتصل يسأل أو ........
ما فهمت هالإنسان كيف يحبني و .......الـ لا هو أصلا ...لا لا
هذا اللي كان قاهرني و كنت أفكر فيه !
دخلت الحمام و عبيت البانيو بماي بارد و جلست فيه ؟؟
قمت أصب من الزيوت فيه بإهمال و أطالع يديني .....
لي كم يوم حابسه نفسي في هالغرفه ..... لي كم يوم دافنه نفسي بالحيا و لي كم يوم
أكلم الجمادات اللي عاشت معاي أكثر من البشر ؟؟!
تسبحت ساعه كامله بعدين طلعت لقيت ناديه جايبه وحده مدري من وين ؟؟
ناديه : شوفيها طلعت سوي لها وجهها و شعرها بسرعه لا تتأخر !!
هزت الكوافير راسها بتفهم
طلعت ناديه و تركتني مع هالكوافير
قالت لي :
الكوافير : بدي شوف فستانك كيف شكله عشان أحدد التسريحه و المكياج
قلت و أنا أنشف شعري بالمنشفه بلا مبالاه
أميره : يمكن هذا اللي عالسرير !
كان مغلف بالبلاستك الشفاف فكته و رفعته تشوفه أنا جلست عالكرسي قبال التسريحه
الكوافير : حلو كتير فستانك
حطته عالسرير ...
قمت أطالعها في المرايه .....
أميره : لو سمحتي لا تولعين السيجاره ما أحب ريحتها ؟؟
هزت راسها بتفهم و دخلت السيجاره و الولاعه في شنطتها و جلست تسوي لي شعري
بعد أقل من ساعه خلصت استشورت لي شعري و خلته على طوله لفته بطريقه محترفه على تحت و قصصته على طوله و جمعته كله من جهه وحده على جنب و مدري كيف لفته بطريقه حلوه أحلى شي انها ما بخت لي مثبت مكياجي بما ان فستاني لونه رصاصي فاتح حطت لي مكياج دخاني و حطت لي
غلوس بلون لحمي غامق رايق مره بس مدري كيف طلع شكلي!!!
دخلت لغرفة الملابس ألبس فستاني شكله حلو توني أشوفه كان بدون أكمام
ضيق من الصدر و الخصر واسع من تحت طويل حيل و مفتوح لين عند الركبه
كانت عليه اكسسوارات ناعمه و رايقه جدا
لبست صندل شفاف كعبه من الكريستال
أول ما طلعت لقيت ناديه
طالعتني بإنبهار
ناديه : ما شالله تجننين بسم الله عليك
أميره : وين الكوافير ؟؟
ناديه : طلعت
رحت جلست عالسرير و قلت بحزن
أميره : ناديه ما ودي أطلع ما ودي أقابل أحد ؟
جلست جنبي و قامت تقرى علي ...... أول ما خلصت
ناديه : خذي هالطقم البسيه و أنا بتم معاك ان شالله
لبست طقم ألماس مره حلو ..... جابت العطر و عطرتني
مسكت يديني و قمت معاها ..
نزلنا تحت للصاله اللي كانت مليانه حريم و الورد منتشر في كل مكان ....
أول ما شافوني بنات أعمامي طالعوني بإستغراب ...
سلمت عالحريم و جلست شوي مع جدتي شهده اللي توي أكتشف انها جايه من يومين !!
و طلعت للحديقه أشوف بقية المعازيم ؟!
نادتني سلطانه
سلطانه : وينك مختفيه لك مده ؟
طالعتها بسخريه
أميره : انتي اللي غطستي و ما سألتي !!
سلطانه : انشغلت
كملت بلهجتي الساخره
أميره : تعلمت في هالحياه انه مهما كانت أشغالي عمري ما أنسى الناس اللي أعزهم لأنه كلمة مشغوله مالها أي مبرر عندي يا مس سلطانه !
قفيتها و مشيت .... رحت للبنات بالصاله الخارجيه هي بعد مليانه ناس بس كانت مخصصه للطق و الرقص و الأغاني ....
و قفت من عند الباب و قمت أشوف الرقص و أتفرج بهدوء على الناس ....
كنت أتأمل السقف و اللمبات اللي على شكل كور ملونه !!
تذكرت رنا الله يرحمها في ذيك اللحظه .... مدري وش طراها على بالي في ذاك الوقت !!
رنا : ههههههههههههههه
أميره : ليه تضحكين ؟؟
رفعت العصا و هي تنفخ على حافتها و تقنص عالكره البيضا ...
رنا : البلياردو لعبه سخيفه !
رفعت حواجبي بإستغراب
أميره : وليه تلعبينها ؟؟
قالت و هي تهز كتفها
رنا : ضياع وقت !! .... تدرين تذكرت أمي الله يرحمها و هي تحكي لنا قصة واحد من قرايبها .....
أميره : وش فيه ؟؟
رنا : كان انسان فقير ..... هو الوحيد اللي كان فقير في عايلته و رافض ياخذ ورث أبوه قال ايش ما يضمن اذا كان حلال أو حرام لأن أبوه سيرته الذاتيه شينه شوي !
المهم عاش صديقنا الفقير حياته مسوي لي فيها كريم النفس عزيزها اللي ما يقبل قرش أحمر يدخل في جيبه من باب الشفقه !!
قلت و أنا أدق الكره الحمرا برقه
أميره : وش فيكي تقولينها كذا بالعكس برافو عليه نادرا تلقي مثل هالناس اللي مثله الله يخلف عليهم اختفوا من قرن !
ابتسمت و هي تضرب الكره الزرقا
رنا : المهم ..... سمع مره في الراديو طبعا ما كان عنده حتى تلفزيون من فقره .... سمع بالراديو عن مسابقه الجائزه الأولى فيها مليون ريال اللهم انه يرسل كلمه بالـ sms و ينتظر حظه يمكن يختاره الكومبيوتر !
أميره : يعني هالقصه صارت قريب ؟
رنا : ايه يا قلبي وش تحسبين انتي ؟!
ضربت الكره السودا فدخلت في الفتحه
رنا : طبعا هو كان يشتغل شغله متواضعه و عزابي رافض الزواج بكل أشكاله و صوره !
مثل أخوي محمد طباعه مقيته !!
كان يستلم ألفين ريال في الشهر من بعد ما سمع عن المسابقه انهبل و صار ليل مع نهار يشحن جواله و يرسل للبرنامج لين تعب و يأس و صار يصرف راتبه على هالشغلات !!
و كان يعشم نفسه دايم انه راح يكسب و يقول للناس هالشي و محد يصدقه ...
صار هالرجال حديث المجالس يسخرون منه و من حظه التعيس اللي اختاره بنفسه !
طبعا هو يئس من الفوز و مل فيوم من الأيام و هو يسمع لهالإذاعه سمعهم يتكلمون عن الجائزه و يقولون اسم الفائز بالمليون من سمع اسم الفائز طب ساكت و مات مسكين لأنه سمع اسمه !! و في الأخير بعد ما توفى توزعت المليون على أخوانه و هو مات بحسرته !!
ضحكت من قلب و أنا أسمعها يااااااااااااااااه في قصص بهالشكل روعه و حزينه في نفس الوقت !
الله يرحمه انسان عنده اباء !!!
قطعني من ذكرياتي و أنا أبتسم صوت أعرفه
التفت لقيتها أماني
طالعتها ببرود سلمت عليها و دخلتها الصاله هي و أختها ود اللي كانت جايه معاها
ود : وش لونج أميره ؟؟
قلت و أنا أطالع أماني
أميره : ماشي حالي الحمد لله
ود : ماشاالله شكلج مره حلو
ابتسمت لها بنعومه و قلت
أميره : عيونك الحلوين يا قلبي
جت عيني في عين أماني كنت أبي أسألها عن عبدالله بس غيرت رأيي !!!
رحت عند المضيفه و أشرت لها على أماني و أختها تودي لهم العصير و القهوه و الحلى
طلعت من الصاله شفت شيخه نادتني رحت لها !
شيخه : ما ودك ترقصين ؟
أميره : لاء ما ودي !!
شيخه : طيب ممكن نتمشى في الحديقه شوي ؟؟
قلت لها و أنا أبتسم ببرود
أميره : ما راح يخرب فستانك ؟؟
ابتسمت بمرح و هي تقول
شيخه : كيف يخرب و هو فوق الركبه ؟؟!!
مشينا في الحديقه و هي تقول
شيخه : تدرين ليه أبوي ضربني ذاك اليوم ؟؟!
طالعتها بإهتمام و قلت :
أميره : ليه ؟؟
شيخه : لأني ضربت جواد ولد عمي !!
التفت لها بإستغراب و قمت أطالع يدها الصغيره معقوله هاليد قدرت تضرب ذاك
الإنسان ؟؟؟!!
أميره : شالسبب !
نزلت راسها بخجل
شيخه : تبين الصراحه هو اللي قلب مرسمك فوق تحت ؟!
وقفت و طالعتها بهدوء ردت فعل غريبه مني طبعا !!
أميره : أها ايه و بعدين ؟؟
وقفت و طالعتني
شيخه : تخاصمنا على شي !
مشيت جنبها و قلت
أميره : ممكن أعرف وش هو هالشي ؟
قالت و خدودها محمره و تتجنب تطالعني
شيخه : يحبك !!
قمت أضحك بهستيريه
أميره : لا يا شيخه لا تقولين ؟؟ و تبين تقنعيني انك ضربتيه عشان كذا ؟؟
ترددت و هي تقولها و مازالت تتحاشى تطالعني !
شيخه : لا لأني ........ لأني ..... كنت على علاقه معاه !!!!!!
و قفت أطالعها بصدمه
أميره : وجع يوجعك ....ايش ......نعـــــــــــــم ؟؟؟؟!!!!
شيخه : أميره الله يخليك لا تعصبين بأقولك ؟؟
قلت لها و أنا أطالعها
أميره : علاقه يعني ايش فهميني ؟؟
نزلت راسها و قالت :
شيخه : عاديه يعني .....
أميره : يعني ايش ؟؟
شيخه : يعني مب رايحه فيها لا و الله انه ما لمسني أبد صحيح
حاول كم مره بس صديته ؟؟ و اعترفت له اني ما أبيه لأن قلبي يحب ثاني ؟!
طالعت الأرض و بعدين طالعتها
أميره : أهااا و هو حب يفضحك بعد هالكلام فضربتيه ؟؟
شيخه : لا هو بعد اعترف لي انه يحبك و انه ناوي يدمر مرسمك لأنك تحبين واحد غيره
و قلبك مشغول عنه !!!
ضحكت بسخريه و قلت :
أميره : و ربي لو هو كان آخر واحد في هالكون ما حبيته !!
شيخه : هو قال انه بيفضحني عند أبوي لأني رفضت أقول له عالإنسان اللي حبه قلبي بصدق في حياتي ما حبيت غيره ؟؟
قلت بتفكير :
أميره : طبعا واحد مثل هذا ما أعتقد انه وعدك بالزواج يبي يتسلى و خلاص ؟
شيخه : أكيد لأنه يعرف غيري كثير
أميره : طيب خلينا من الإنسان اللي تحبينه انتي من البدايه ليه جريتي ورى هالأهبل جواد ....!!
نزلت راسها مستحيه
شيخه : لأنه ....... لأنه هو اللي جذبني له ؟
طالعتها بصدمه و غمضت عيوني المواقف تتزاحم في راسي بعد الكلمه اللي قالتها و قمت أتذكر بسرعه يوم شفته مع الجوهره و لما لحقني في المستشفى و قربني منه
حمر وجهي لما تذكرت كيف كان قريب مني حسيت بالكهربا تسري في كل عرق من عروقي تذكرت صوته و هو ينطق اسم عبدالله و نظراته و هو ماسك يديني و عيونه و الإحساس الغريب اللي حسيته ....و ...
فتحت عيوني بسرعه على صوت ناديه
ناديه : المعاريس بيدخلون تعالوا خلاص زفوا العروسه
همست لشيخه
أميره : بعد العرس تمريني في غرفتي ضروري !!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك