رواية علمني كيف اترك يدك في عز حبي لك -32
أميره : باقي على وعدي يا عبدالله ما نسيتك و ما راح أتخلى عنك مهما قست الظروف علي
لأني ..... لأني .......
حطيت راسي على يده و قمت أبكي
أميره : لأني .............أحبك
فجأه سمعت صوت الجهاز اللي يحسب نبضات القلب رفعت راسي بخوف و قمت أطالع عبدالله !
و أطالع الجهاز ....... يسجل نبضات مرتفعه و سريعه
مدري ليه تخيلت يده تحركت !!!!!!!!!
لاء شكلي كنت أتوهم ؟؟
رجع خف صوت الجهاز و قام يحسب النبضات بشكل عادي !!!!!!!
قمت بهدوء حطيت يده عالسرير لبست برقعي فتحت الباب و طلعت
انتبهت من عالمي بذهول
أميره : جواد !!
ابتسم لي بخسه
جواد : ايه جواد عندك مانع ؟
طالعته بقرف و مشيت
مسك يدي و سحبني تجاهه بقوه
أميره : آآه
جواد : ما تعودت بنت تصدني و تطالعني بهالشكل
أميره : مين قالك اني أنا مثل البنات اللي تتعامل معاهم يا بابا أنا غير !
ترك يدي بدفاشه و قالي
جواد : وش تسوين هنا ؟؟
قفيته و مشيت :
أميره : مالك دخل لا تليقف !
رد سحبني بقوه و قربني منه
أميره : اتركني يا حقير
الممر كان فاضي للأسف........... ذكرني بفيلم أجنبي قديم اسمه "عودة نوبره "
كان تصوير الفلم رائع بس اللي يشبه هالموقف ان المستشفى اللي كانت تتعالج فيها نوبره
مسويين دور كامل بالمستشفى خاص للمشرحه و ثلاجات الأموت طبعا ممرات هالدور مخيفه و فاضيه مافي أي شي يمر فيها غير السكون و الخوف و ريحة الموت !!!
جواد : عبدالله هااا ؟
طالعته بصدمه أول مره أشوفه من قريب كذا !
خفت من نظراته هي صحيح ما تخوف بذاك المعنى بس .........
مدري ليه خفت و انا عيني في عينه !
حسيت لحظه بشي يسحبني له أو مدري كيف أفسره احساس أول مره أحسه !!
انتبهت لنفسي و كأنه كان منومني تنويم مغناطيسي (( سلب حواسي )) على قولهم في الروايات الرومانسيه !!
بعدته عني و قلت :
أميره : اتركني اتركني و اطلع من حياتي !
تركني و هو يطالعني بخبث و الإبتسامه المقرفه اللي يدقنها مرتسمه على وجهه بإنتصار
قفيته بسرعه و مشيت و قلبي يدق بقوه حرك شي في داخلي مدري ليه قربه مني كهربني ولعني خلاني متوهجه ياااااااااااا ربي عشان كذا البنات منجنات عليه !
ليه كان يطالعني بهالنظرات و ليه قربني منه بهالشكل و الله روعني !!
طلعت من المستشفى و ركبت السياره
قمت أتنهد بخوف
أميره : ديورز امشي من هالمكان بسرعه !!
ديورز : OK مس أميره
طالعت ليدي كانت ترتجف بقوه و دموع عيني كانت تنزل بدون استئذان !!
حسبي الله عليك يا جواد وش سويت فيني !!
تذكرت مشاري و هو يلحقنا و أتذكر الإبتسامه اللي كانت مرتسمه على وجه سلطانه
سلطانه : أبي أقهره
أميره : مجنونه فعلا
طبعا كانت حريفه بالسواقه فبعد منوارات و سرعه و تفحيط خلته يصدم بالعامود لواحد من المشاريع اللي قاعده تنبني في شارع عام !!
ضحكت ضحكة في حياتي ما سمعت مثلها كانت مبسوطه الا بتتشقق من الوناسه !
كنت أطالعها و أنا مذهوله منها ؟؟
رجعنا البيت و أنا ساكته تكلمني و لا أرد عليها !!
انتبهت للواقع و أنا عند باب البيت
أميره : برسل لك اللوحات مع سيتي وديها الصيانه ؟؟
ديورز : ان شاالله مس أميره
كأن هالكلمه صعقتني (( ان شا الله )) قبل لا أطلع بذهولي من السياره سألت
أميره : ديورز انت مسلم ؟
ابتسم لي إبتسامه مشرقه تعبر عن الإرتياح
ديورز : يس مس أميره الحمد لله
كان يقول الحمد لله مكسره بس كانت رائعه الحمد لله فعلا ....
اللي من جد صعقني ان ديورز فيلبيني و قال هالكلمه و في المقابل صوفي عربيه بس في حياتي ما سمعتها قالت هالكلمه كله يس مس أو أوكي مس !!!
لا يكون اللي في بالي صحيح !!
ماري مسلمه أتذكر قالتي مره رنا انها مسلمه و سيتي مدري عنها عبدالرزاق مسلم
بقية الخدم ريتا و سلزيا و الشيف الفرنسي و ليسي أصلا ما أعرف الا ذولي الا ذا تغيروا أو في غيرهم مدري بس اللي أعتمد عليهم دايم صوفي ماري سيتي عبدالرزاق و ديورز بس ديورز مو كثير أعتمد عليه لأنه ماله سنه عندنا !!
دخلت للبيت و أنا سرحانه في مية شغله و شغله .....
_____________
بدريه : ما شالله !
أميره : وش فيك !!؟
بدريه : طالعه من بدري ؟؟
ابتسمت بنفاذ صبر و قلت
أميره : عندي شغل في المعرض ؟
شيخه : ايه صح أخذنا كروت الدعوه حتى خالتي بدريه عزمت صديقاتها
طالعتها و قلت بسخريه
أميره : " نساء المجتمع الراقي "
صوفي : مس أميره الغدا على السفره
أميره : يالله يا حلوات تفضلوا الغدا
طبعا قمت رحت لصوفي
أميره : صوفي قولي لسيتي تشيل اللوحات هي و أي وحده من الشغالات و يعطونها لديورز
بيوديها الصيانه ...
صوفي : OK مس أميره
طالعتها بتفكير
صوفي : بدك شي تاني مس أميره
أميره : ها لا لا ما أبي شي
تغديت و طلعت أجلس بالحديقه لقيت أمير
أميره : تحب تجلس عالعشب
كان في عالم ثاني
أمير : ايه لأنه بارد مع الهوا تصير الجلسه حلوه
تربعت و جلست قباله
أميره : أمير لو قلت لك بعد المعرض أبي أرد للرياض
طالعني و كأنه يطالع لإنسان بعيد
أمير : ليه يا أميره ؟؟
أميره : عيال خالك ذولي أذوني و طفشوني !!
عصب و طالعني ....
أمير : نعـــــــــــــــم !!!!!!
انتبهت لكلامي و قلت و أنا أرتجف
أميره : ها لا لا قصدي بنات خالك !
أمير : بتم هنا وحيد !
أميره : أحلى أيامي بدبي كانت مع رنو الله يرحمها
التفت يطالعني بإنتباه
أميره : و اللحين أنا مضطره أخضع لأوامر أحمد ؟ اللي ........
جيت بأكمل كلمتي ......
عبدالهادي : وش تسوون ؟
قمت أطالع عبادي بسرحان و هو يكلم أمير
تدرون وش كنت أفكر فيه كنت أتخيل عبادي و هو يصفق مشاري و جواد هههههههه
ياااااااااااااااه يا ليت !!
طفشوني طول الوقت يراقبوني في الطلعه و الدخله خلااااااااااااااااص طفشت مليت
من كثر ما ني مندمجه في عالمي صرخت
أميره : مجانين طفشوني مليييييييييييييت
أمير : وش عندها العمه ؟
طالعتهم بروعه و قمت بسرعه طلعت لغرفتي !
الجزء الثالث و العشرين
خفت زياراتي لعبدالله و صارت مرتين في الأسبوع بعد ما كانت كل يوم !
لأني كم مره رحت له و تقابلت أنا و وحده تقول عنها أماني انها بنت عمها !!!
أماني : يوووووه يا أميره مالقيتي تتجابلين الا مع شمه !
أميره : ليه شفيها ؟
أماني : تموت في شي اسمه عبدالله تحبه بس هو مب معطيها ويه ؟!
ابتسمت بحزن و قلت :
أميره : ليه !
أماني : يقول ما تعجبه و شايفه روحها عالفاضي شرات امها ؟
أميره : شكلها تحبه صدق فعلا !
تنهدت بصعوبه
أماني : و الله انك صادقه رفضت عرسان كثير يبونها عشانه و هو صاد عنها
أميره : خلاص بخفف من زياراتي له أحسن ما ودي أجيب لنفسي مشاكل فوق مشاكلي
يكفيني جوادو و هو يراقبني في الطالع و النازل و لا مشاري اللي يخذني كل ما شافني
بنظراته الناريه و ما شفتي شيخه و عبير و ابتهال يطلعن كشخاااااااااااات الميك آب الكامل و التسريحات و اللبس و يطلعن من بعد العشى ما يرجعن للبيت الا وجه الفجر !!
و لا أقولك عن سلطانه الا انقلبت حالتها و صارت تطلع بسكات و ترد بسكات !!!!
و لا خالتي بدريه و حليمه يوووووووووه ذولي عاد سالفة الشرق الأوسط !!!
قامت أماني تضحك ...
قلت و أنا أحط يدي على خدي
أميره : يطلعن الصبح و ما يردن إلا المغرب و لما تسأليهن يقولن كنا في منتدى المرأه أو عرض أزياء أو عند فلانه بنت الشيخ فلان ياااااااااااااااه يا أماني
هذا غير أمير اللي حالته مب عاجبتني ما صرت أشوفه أبد !
أماني : من الأساس ليه خوالج يسكنون عندكم و انتم مالكم هبه عليهم ؟
قلت بتفكير و أنا أعدل جلستي و ألعب بمصاص العصير
أميره : أحمد صاحب الإقتراح مع اني حسيته ما يدانيني من بعد رفضي لفيصل !؟
وش بقولك عن اللي يصير لي بعد خلاااااااااااااااااااص تعبت !!
جلسنا نسولف أنا و اياها بعدين ردتني للبيت و راحت لبيتها
لقيتهن و على غير العاده كلهن مجتمعات بالصاله طلعت لغرفتي و بدلت ملابسي و خذت لي حبه وحده منوم آخاف يصير لي شي و يقولون المجنونه !!
صليت لي ركعتين و نمت
___________________
الساعه :08:05 صباحا
صحيت الصباح مزاجي مب رايق مدري شالسبب أحس بضيقه عجيبه
قمت تسبحت و صليت لبست بنطلون جنز أسود و بلوزه سودا بدون أكمام حالتي فظيعه
أنا لما مزاجي يقلب الله المستعان تطلع لي طلعات ابداعيه !!
رفعت شعري كله ببكله و طلعت من غرفتي بدون جزمه و رحت لصالة الرياضه !!!
مدري وش أحس فيه !؟
عبادي عدل غرفة الرياضه و خلاها كلها من قزاز و دخل عليها أجهزه جديده و الأهم كيس للملاكمه جديد أثقل من الأول كنت أروح لهالغرفه عشان أفرغ غضبي في هالكيس
بس هالمره كنت أضربه بشكل هستيري و أبكي !!
لبست قفازات الملاكمه و شديتها زين و قفلت الباب بالمفتاح
وقفت قبال الكيس و قمت أضربه بقوه و أبكي و أضرب لدرجه اني حسيت بالألم في يدي
بس ما اهتميت تخيلت ان هالكيس همومي عذابي آلامي لازم أقاومها !!!
ضربت الكيس بكل قوتي فرجع علي بقوه و دفني لين طحت عالأرض !
يوووووووه ألم خيالي !!
آآآآآآآآآآآآآآآآآآه
في هاللحظه سمعت دق قوي على الباب !!!
شفت عبادي يصرخ علي من ورى الباب رحت فتحت الباب و أنا أقوم بصعوبه
أول ما فتحت الباب دفني بعصبيه و دخل و سكر الباب
عبادي : مجنونه انتي هذي الرياضه صعبه و قاتله ....... وش فيك انتي !!
و بعدين الغرفه الكل يقدر يشوفك و انتي ما تدرين !!
أميره : طيب لو قلت لك أبي أتعلمها ؟؟
رفعت راسي و طالعته
مسك ذراعي و طالعها ...
عبادي : شوفي كيف يا أميره انجرحتي
طالعته برجاء و قلت
أميره : الله يخليك !!
طالعني بتفكير و قال :
عبادي : بصراحه ما أقدر لااااااا ما تصلح لك انتي بنت !!
قلت بعصبيه :
أميره : و اذا بنت وش بيصيبني يعني انتوا كذا تقللون من شأن البنت و هي تقدر تسوي
أفضل مما تسوون انتوا يالرجال و هي بعد أقوى منكم !!!
تركني بالصاله و طلع !
أنا انهرت و فكيت البكله من شعري و جلست عالأرض أبكي من القهر
المعرض بكره و أنا هنا تعبانه نفسيا .......
و أنا لي اللحين أربع أيام ما شفت عبدالله !!
دخل الصاله شخص ما انتبهت له الا لما رفعت راسي و بعدت شعري عن وجهي شفته
أميره : أمير !!!!!!!
طالعني بإبتسامه حلوه و جلس قبالي و هو يوخر خصلات من شعري عن وجهي
أمير: مالك الا اللي يرضيك يالغلا
صديت عنه الجهه الثانيه و قلت
أميره : ممكن تتركني بروحي !
أمير : لا مب تاركك لما تقولين لي وش فيك ؟
طالعته و قلت
أميره : أبي أرتاح ..........
رفعت شعري و قلت و أنا أوقف
أميره : و أنا أعرف كيف أريح نفسي !!
طالعته بألم و طلعت من الصاله طلعت لغرفتي أخذت لي شور بارد و طلعت
لبست قميص وردي و تمددت عالسرير
رفعت السماعه و قلت :
أميره : صوفي تعالي أبيك بصالة الدور الثالث
صوفي : ok مس أميره
شعري غرقان مويه أوف مب ناقصته بعد !
قمت لفيته بمنشفه و طلعت للصاله جلست أنتظر صوفي
لقيت بوجهي شيخه لابسه العباه و طالعه
شيخه : صباح الخير
قلت بدون نفس
أميره : أهلا
شيخه : ما ودك تروحين معاي السوق ناقصني أغراض لفستاني و بروح أصلح بروفه
تدري ما بقى على العرس شي !
يااااااااااه لو عرفت اني ما صلحت شي وش بتقول هذا و أنا أخت العريسين ؟!
أميره : لا مب رايحه شكرا
قالت بدلع و هي بتروح
شيخه : كيفك !!
جتني صوفي
صوفي : يس مس أميره ؟
جلست و أنا أقولها بتعب
أميره : أبيك تفصلين لي فستان ؟
طالعتني بصدمه
صوفي : ليش انتي ما فصلتي فستان مس أميره
ابتسمت و قلت بتريقه
أميره : لا يا مس صوفي لو فصلت ليه أقولك فصلي لي !!
صوفي : ok شو بدك لون !!
أميره : رصاصي
قامت بتروح
صوفي k مس بدك شي تاني
هزيت راسي بصمت
قمت دخلت الغرفه لبست بلوزه فيروزيه حرير مخصره عالجسم
و تنوره جامعه اللونين السكري و الفيروزي
فليت شعري و لبست جزمه خفيفه سكري سويت ميك آب خفيف بخيت لي عطر بالفواكه و طلعت
نزلت للصاله ما لقيت أحد ناديت سلزيا
أميره : قولي لماري أبي فطور كل يوم ؟؟
سلزيا : ok مس
جيت بأطلع للحديقه سألتها
أميره : على فكره يا سلزيا
سلزيا : يس !
أميره : انتي وش ديانتك ؟؟
سلزيا : christianity
طالعتها بذهول و هزيت راسي ببلاده !!
تفهم عربي بس ترد انجليزي ........ دارت في راسي هالكلمه christianity
طلعت للحديقه و أنا أضحك لنفسي
أميره : مسيحيه !!!
كنت مذهوله بجد بس ........ سمعت صوت صراخ فجعني !!!!
رحت للحديقه بسرعه ..
لقيت خالي مطلق شاد شيخه من شعرها و ساحبها و هو يضربها شفت هالمنظر رحت لهم
ركض !!!
أميره : وش فيك يا خالي ؟؟
قال و هو معصب و موصل حده !!
مطلق : قليلة الأدب !!!!
فصخ عقاله و قام يضربها و أنا قمت أفارع بينهم بصراحه خفت لا يهفني أنا بعد بهالعقال بصراحه يكفيني ضربة الكيس اللي اسدحتني عالأرض !!
هي تبكي و تصرخ
شيخه : أنا ما صلحت شي ما سويت .......
قاطعها بعصبيه و صرخ بوجهها
مطلق : و لك عين بعد يا اللي ما تستحين صدق ما تربيتي أمك وينها و لا يا غافل لك الله
و قفت قباله
أميره : خلاص يا خالي هدي نفسك ما صار الا الخير
مطلق : أي خير يا بنت مساعد أي خير
تركها كذا فجأه و راح و هو يردد و كأنه على راسه هموم الدنيا هي أول ما تركها
جرت لداخل و هي تبكي !!
مطلق :أي خير يا بنت مساعد أي خير
وش مصلحه شيخه لهالدرجه !!
تدرون مدري حسيت اني استانست لما شفتها تنضرب تستاهل لأنها قاهرتني !
بس تحمست أعرف وش سوت............أنا وش علي فيها يا خبر اليوم بفلوس بكره يصير ببلاش !!! و بعدين شيخه غريبه و الله غريبه !!!
رحت لحديقة الورد و أنا أغني أغنية فيروز
يااا هموم الحب يااا قبلُ
في بحااار الشوق تغتسلُ
كلمااا قلنااا صفااا زمـــــنٌ
رجعت كااالريح تشتعلُ
قمت أتمشى بين الورد و أتأمله
ما أحلى أغاني فيروز عالصبح
أي هذااا القلب كيف لنااا
هرب من خطوه المــــللُ
أيدوم الحب تسألنــــي
حلوة جنت بهااا السبـلُ
أيظل الروض مبتسمــــااا
و يطول البوح و الخجلُ
و أنااا لا علم لي و غـدي
كل يوم بااات يرتجـــلُ
هااات لي عمري فأجعله
طااائرااا في الأرض ينتقــلُ
أنااا يوم البعد أغنيــــة
تأخذ الدنياااا و ترتحـلُ
يااااااااااه و ربي مشتاقه حيل لعبدالله
رحت للطاوله اللي عند المسبح لقيت الفطور مجهز
جلست أفطر بسكون و أنا أفكر
___________________
الساعه : 07:00 مساءا
مدري وش جا علي طول الوقت من روايه للثانيه .......
طريقة جديده للهروب من الواقع !!!
هالمره الروايه اسمها (وعد قلبين )
روايه اندلسيه قديمه تتكلم عن شابين كانوا يحبون وحده مجننتهم و معذبه قلوبهم
مع الأيام عرفت واحد فيهم في محنه من المحن اللي مرت فيها و حبته و الثاني نفس الشي أنقذها من موت محقق فدخل لقلبها و توالت الأحداث و صاروا الإثنين يبونها زوجه لهم ...مرت الأيام !!
و القدر جمع الثلاثة في مكان واحد .......
و خيروها الإثنين أي واحد فيهم راح تتزوج ابتسمت بثقه و هي تدوس على مشاعرها وقفت و قفتهم و هي تقول ما أبي أي واحد فيكم قلبي أعذبه بكيفي بس ما أبي أعذب قلبين كانوا من أطهر القلوب في هالعالم تركتهم و هي تبتسم و في الأخير تزوجت ولد النجار اللي جنب بيتهم و عاشت سعيده لين توفت !!!!
يااااااه وااااااااااو .... روايه جميله و غريبه بعض الشي بس تعجبني النهايات الغير متوقعه !!
و يمكن نهايتي تكون غير متوقعه بالنسبه لكم ............ يمكن ليه لاء !!؟؟
و طق متكرر على الباب .....
أميره : تفضل
طلعت براسها من ورى الباب بمرح
سلطانه : أهلين أميره ممكن أدخل و لا باقي زعلانه مني !!
ابتسمت و أنا أعدل جلستي
أميره : تفضلي !!مب زعلانه منك
كنت مسويه جو مشغله الأبجوره و طافيه كل الأنوار و التكييف و فاتحه البلكون
و جالسه أقرى الروايه و زين بعد اني خلصتها قبل تطق سلطانه عالباب!!
جت جلست جنبي
أميره : أشوف العمه لابسه العباه على وين ان شا الله ؟؟
التفتت لي برزتها المعتاده مدري أحسها هي و مشاري لما يلتفتون يحركون روسهم بطريقه هندسيه مدروسه !!!!
سلطانه : تروحين معاي السينما ؟؟
رديت أطالع غلاف الكتاب و قلت :
أميره : معاك انتي لاء ؟
سلطانه : ليه مب عاجبتك ؟
قمت أطالعها بتقزز
أميره : وليه تقولينها كذا ....عدوتك أنا ؟!!
سلطانه : مدري عنك !
قلت بتعجب
أميره : عجايب ؟
قمت من جنبها حطيت الكتاب عالطاوله و رحت للسرير
سلطانه : شايفه وضعك وضع نوم ؟؟
ابتسمت بتريقه و قلت
أميره : عليك لمبه محروقه ... ممتازه جبتيها
سلطانه : ما أبي أروح السينما بروحي !
أميره : عندك شيخه ههههههه هالبنت هزمتني في حكاية الخروج الكثير
طالعتني ببرود و هي تجلس على طرف السرير
سلطانه : أميره ممكن أقول لك شي .... ما عمرك حبيتي ؟
فاجأني هالسؤال و خلاني أطالعها بإهتمام
شالت الطرحه و حطتها على كتوفها و فلت شعرها البني المموج و هي تقول :
سلطانه : و لما تحبي و تبين تقهرين حبيبك و هو يموت فيك بشكل خيالي بس متكبر و لا يبين مشاعره !!
قلت و أنا أرفع البطانيه
أميره : لا أنا أحسن منك بشوي .... عذاب القلوب يا قلبي ما أقدر عليه ما أحب أقهر قلب حبني ما أقدر مستحيل !!
ابتسمت لي :
سلطانه : يعني حبيتي أو تحبين !! بس تدرين أنا أحسك تعذبين القلوب على قولك بدون ما تدرين !!
ابتسمت و أنا أقلب صفحه كامله من حياتي ....
أميره : كانت أيام !!!
سلطانه : أكيد مع فيصل
تنهدت و قلت :
أميره : مجنون أميره
تنهدنا مع بعض
أميره : وش رايك تكنسلين فقرة السينما و ننزل تحت للمرسم ؟؟
سلطانه : حل سلمي مناسب ....... أجل بروح أبدل ملابسي
قامت و طلعت من الغرفه !!
قمت و رحت غرفة الملابس مب معقوله بنزل بقميص النوم !!!
الساعه : 09:30
دخلنا المرسم و قمت أفرجها عاللوحات الجديده
و طبعا قامت تتفرج على كل اللوح الموجوده بالمرسم
طلعت اللوحه اللي رسمتها لعبدالله من الدولاب و وريتها اياها
أول ما شافتها صفرت !!!
سلطانه : مجنونه ....... مجنونه غريبه باقي عايشه انتي ؟
طالعتها و أنا ارفع حواجبي
أميره : بسم الله علي !!
سلطانه : يوه ابداع هالإنسان موجود على أرض الواقع
هزيت راسي و قلت :
أميره : عذابي اللي تو ما عرفت قيمته !!
سلطانه : بصراحه بدون مبالغه يحق لك ...... بقوه بعدين ؟؟
نزلت راسي بحزن و قلت :
أميره : الله يشفيه
حطت اللوحه عالطاوله و طالعتني بإهتمام
سلطانه : ما راح أسألك عن التفاصيل بس بصراحه شوقتيني أعرف قصتك انتي و اياه ؟؟
هزيت راسي بحزن وسكت
سلطانه : نطلع للحديقه أفضل
طلعنا من المرسم و قمنا نتمشى في الحديقه
سلطانه : لك الحق ترتسم ملامح الحزن على وجهك يوووووووووووه يا أميره انسان رائع قليله عليه بصراحه سبحان اللي خلقه !!في حلوين بهالشكل ؟؟؟ بصراحه ما شفت
طالعتها و أنا أضغط على خصرها
أميره : بس خلاص تغزلتي في عبدالله يكفي !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك