رواية علمني كيف اترك يدك في عز حبي لك -28
يوم شافت شكلي اخترعت ؟؟
الجوهره : وش فيك !!
أميره : شفت واحد ....... شفته ...... قد شفته قبل أنا متأكده
طفت التلفزيون بالرموت و قربت مني و قالت
الجوهره : بسم الله عليك وين شفتيه !
أميره : شفته عند المطعم الفرنسي في سياره بانوراما سودا لا مب معقول !!!
الجوهره : وينه !!
أميره : بالحديقه ....
الجوهره : يمكن يكون من عيال خالك يا قلبي !!
طالعت و للحين الذهول ممسك معاي
أميره : يمكن !!
طلعت لغرفتي بسرعه قفلت بابي من الخوف خايفه من ايش مب عارفه !!
جلست على سريري و انا أرتجف ...
التفت للطاوله أبي أشرب مويه لقيت خيال أسود قدامي !
يقرب مني و يضحك ببشاعه
قمت بخوف و أنا أصرخ
أميره : لالااااااا ابعد عني
رحت للأريكه كانت عليها شنطتي فتحتها بخوف و طلعت السكين و فتحتها
أميره : ابعد عني .... ابعد و لا بتموت
ضحك الخيال بصوت مخيف : تقتليني !!!!... طيب جربي
كنت أمشي على ورا و هو يقرب مني أكثر
قربت من الباب بسرعه أبي أفتحه بس كان
مقفل !!!!!!!
صرخت .... صرخت حيل صوتي انبح و هو يقرب مني و يضحك بصوته البشع
ضغطت على السكينه بقوه و قربت منه !
و طعنته و قمت أطعنه بقوه و أطعنه و أطعنه و أحطم خوفي مع كل طعنه
الدم جا على يدي و وجهي و ملابسي .....
قمت مفزوعه و خايفه !!!
أوف الحمد لله انه حلم تنهدت لما شفت النور مفتوح و الجو هادي مدري كيف نمت !!؟
أتذكر اني كلمت الجوهره و طلعت لغرفتي و نمت ؟
قمت غسلت وجهي و تمددت على الأريكه و فتحت جوالي !!
مسجات من أمير و عبادي و فيصل
ياه يا فيصل مشتاقه لجنونك بصراحه
مجنوني مره خطير !!
كان مرسل
بطاقه مره رايقه بأغنيه
عيونك آخر آمااالي ..... و ليلي أطول من اليم
كيف ألقى كلااام عذب يوصف دااافي احساااســـــــي
عشقتك قبل لا اشوفك و شفتك صرت كلي حلـــم
أبي رمشك يغطيني و أبيك اقرب من انفاااســــــي
سألتك بالذي زااانك تحبي فيني حتى الظلـــــــم
تحبي عيوني و غدري تحبي المر في كاااســـــــــي
أنا من كثر مااا أحبك أبيك كثر رمل اليـــــــــــم
و أبيك تكوني فوق الناااااس و أبي مااا ينحني راااسي
ياليتني أقدر أحبك الحب اللي تحبني اياه !!
بس .......
الجوهره : وينك !!
أميره : بسم الله علي خير انتي ليه تفتحين الباب بهالطريقه
جت تمشي بدلع
الجوهره : ياي قطعت عليك حبل أفكارك !!
رميت عليها المخده
أميره : أقول انقلعي !!
قامت تضحك
الجوهره : أقول قومي خلينا نطلع و نفلها يالله
ِأميره : وين !!
الجوهره : مكان خطير بس قومي البسي بسرعه !!
كنت فعلا محتاجه أغير جو بعد الكابوس اللي شفته
طلعت معاها و ركبنا السياره
الطريف في الموضوع كله ان الجوهره تسوق و أول ما شفتها ركبت في مكان السواق
فغرت فمي بدهشه !!!!!!!
أميره : تسوقين ؟؟
الجوهره : طبعا و ليه ما أسوق ؟؟
طول الطريق ساكته أبي أستوعب ان الجوهره تسوق ما قدرت و بين كل فتره أسألها و هي تسوق هل تعرف تسوق !!
رحنا لشارع كله مقاهي و مطاعم مره رايق !!
وقفنا عند مطعم بتطلب طلبيه
أميره : باقي ما وصلنا !!
الجوهره : لا باقي
فصخت نظارتها الشمسيه و طالعتني
الجوهره : لحظه و برجع طبعا بطلب لك أي شي
أميره : ............
ابتسمت و لبست نظارتها و نزلت
تنهدت بعمق و قمت أطالع للي حولي
وقفت جنب سيارتنا سياره بانوراما سودا رايقه كنت أعرفها عز المعرفه !
التفت أشوف اللي يسوقها ....
قمت أطالعه و انا في عالم ثاني !
من هالمجنون اللي أحقد عليه بدون سبب أشوفه للمره الثالثه في حياتي وش يحس فيه هالبني آدم ...
كان كاشخ و وسيم حيل !!
مسوي شعره بالجل و لابس نظاره شمسيه ابتسامه واثقه طالعه من شفايف متدربه عدل على هالإبتسامه سبسوكه خفيفه محدده تحديد على ذقه !!
لابس بلوزه سكري غريب شكلها على بنطلون أسود مكوي صح !
يمشي بوثوق كأنه ملك الأرض باللي فيها ... يحكي بفخر عن نفسه ... حاسب الخطوه اللي يمشيها و الهوا يحرك بلوزه موقعه من أشهر المصممين !
مره خبيث .... انطباع انطبع في داخلي أول ما شفته عند المطعم الفرنسي !!
تذكرت كلام الجوهره
الجوهره : يمكن يكون واحد من عيال خالك !!
يا ترى مين فيهم !
طلع من سيارته و وقف قدام باب سيارتنا من جهتي
طالعني و هو يبتسم !
رجعت أطالع المطعم اللي قدامي و لا كأنك يا انسان موجود و واقف قدامي !!!
فتحت شباك السياره بالزر اللي كان جنب يدي و قلت و أنا أطالع قدامي !!
..... : معقوله ما عرفتيني يا أميره
يع اسمي طالع من فمه زي القرف !!!
أميره : و مين حضرت جنابك !!
..... : جواد ولد خالك عبدالكريم
أميره : لاااااااااااا .... تشرفنا !!
جواد : وش عندك هنا و مين المزيونه اللي معاك ؟؟
التفت و طالعته !!
أميره : أولا مب شغلك ثانيا هالمزيونه على قولك بنت عمي
على جيت الجوهره طالعت لجواد بإستنكار و ركبت سيارتها !!
لما طلعت هالمره مالبست برقعي !!!من شين الحظ
ابتسم بمكر
جواد : محد قالك قبل انك فتنه !!و الجميله اللي جنبك ....
قاطعته الجوهره :
الجوهره : مين هالوقح اللي تكلمينه !!!
أشرت عليه بقرف و قلت :
أميره : واحد من ذولي اللي .....
و قمت أضحك و ضربنا كف على كف و حنا نضحك
جواد : مقبوله منك يا بنت العمه ؟؟
الجوهره : أها هذا ولد خالك ....... امممم تشرفنا !
أميره : ممكن تغيرين المكان يا قلبي تراني مختنقه !
قبل ما أكمل كلمتي رجعت بالسياره بسرعه على ورا و مشت
طالعتها بروعه
أميره : طيب و الطلب !!
الجوهره : نشوف لنا مطعم ثاني ما هي مشكله ؟؟؟
تنهدت بحراره
أميره : ليتني لبست برقعي ؟؟
الجوهره : لا تقولين لي عشان المجنون اللي قبل شوي ؟؟
أميره : مدري !
الجوهره : تدرين و مع ذلك تراه مره وسيم !!
أميره : الجمال عمره ما يدوم ... وش مفيدته وسامته و أخلاقه مدري كيف أوصفها ؟؟
الجوهره : هم عيال خالك كلهم كذا ؟؟
أميره : تقريبا !!
الجوهره : أكثر وحده عجبتني منهم سلطانه مره خطيره
سكت و انا أتنهد للمره الألف لبست نظارتي الشمسيه و انا متنحه
أميره : وين بنروح ؟؟
الجوهره : للبحر
أميره : وش معنى !!!
الجوهره : عشان نراقب غروب الشمس
أميره : باقي عالغروب ساعه و زياده !!
الجوهره : ............................
أميره : تدرين دايم ألاقي عبدالله بهالمكان و كلها كانت صدف ؟؟
الجوهره : تدرين اني حاقده عليه ؟؟
أميره : أنا تقريبا صرت مثلك بس مشتاقه له ؟؟
الجوهره : تتوقعينه بيرجع لك ؟؟
أميره : حتى لو بغى يرجع لي أنا نفسي ما ابيه لااااااا ..... أبيه !!
و قفنا عند البحر و طلعنا .... أنا تسندت على السياره و قمت أطالع البحر بوجوم
الجوهره راحت تجيب أي شي نشربه من كوفي شوب قريب ؟؟!
أطفال كثيرين يلعبون بمرح و سعاده أستانس لما أسمع ضحكاتهم و أشوف الإبتسامه على شفاتهم ....
آه ليتني ابتسامة طفل ما تنتهي
ليتني حب و براءه في قلب أيام الطفوله
آآآآآآآآآآآه و أنا سرحانه وقفت قدامي كوره
....... : ممكن تلمي الكوله ؟؟
ياقلبي وقف قدام صغيرون يزنن خدوده حمر من اللعب و شكله روعه نزلت لمستواه
و بسته ..
أميره : وش تبي بالكوله ؟؟
..... : نبي نلأب ؟؟
شلت الكوره و عطيته اياها
أميره : و هاذي الكوله وش اسمك يا قمر ؟؟
..... : لامي ( رامي )
أميره : يا قلبي عاشت الأسامي انتبه باللعب يا قلبي لا تتعور
..... : سكلا
ابتسمت له مبسوطه آآآآآآآه ليتني طفله .... نسيت انه إحساس رهيب و حلم مستحيل لأنه اليوم مستحيل يتكرر مرتين !!
الجوهره : تفضلي
أخذت منها كوب نسكافيه و رجعت تسندت على السياره ..
الجوهره صلحت مثلي و صار الصمت سيد الموقف نشرب النسكافيه و نتأمل البحر و الناس
فجأه الجوهره التفتت و قامت تأشر
الجوهره : شوفي هذا مب فيصل اللي أنقذنا في البحر قصدي مجنونك !!
على طول التفت مكان ما تأشر ...
حطيت الكوب على السياره و قمت أطالع بذهول
الا هذا فيصل !!!
كان يلعب مع الأطفال بالكوره
فصخت نظارتي و قمت أطالع و كأن النظاره كانت عائق لي !!!
كان يضحك و يلعب و ينط مع الأطفال يمزح و يصرخ ببراءه مثل الأطفال
كان لابس تي شرت أسود و برمودا جينز سماوي !!
شعره يتحرك مع الهوا بحريه و هو يلعب !!
الأطفال حوله كثير و كأنهم أطفاله
شدني شكله حيل و هو في هالحاله حسيته له جماله الخاص
المختلف تماما عن الرجال كلهم !!
شفته و هو يجلس و يجلسون الأطفال حوله يضحكون و يسولفون بمرح و كأنهم مبسوطين ان واحد كبير مثله يهتم فيهم و يراعيهم ...
الجوهره : وين يا ماما نحن هنا !!!
أميره : أنا هنا معاك ؟؟
الجوهره : لا يكون شغلك حبيب الألب ؟؟
أميره : ياه هالإنسان غير العالم كلها
الجوهره : بالله ما يستاهل حبك !!!
نزلت راسي بحزن و قلت :
أميره : مدري ؟؟ مدري يالجوهره مدري !
الجوهره : ......................
أميره : من بعد وفاة أمي و أبوي و رنا انقلبت حياتي ما صرت أعرف وش أبي
حياتي صايره عندي ممله كئيبه غريبه عقلي مب معاي .... تايهه يا جوجو تايهه
مدري وش أبي و وش ما أبي صرت خايفه على طول و ردات فعلي غير متوقعه دايما!!
حتى احلامي بالنسبه لي صارت سراب و انا نفسي صرت لاني هنا و لاني هناك ؟؟
حزني صار معروف و الألم في حياتي صار قصه تتكرر كل يوم !
مدري ليه صرت أعيش عالم الأموات و فجأه تلقيني رجعت مره ثانيه للحياه
بشكل غريب و انطباعات أغرب !
الجوهره : مافي أحد مرتاح يا قلبي الكل تعبان و موصله معاه لكن لو كل الناس ياخذون الحياه بطريقتك كان ماتوا من زمان ؟؟!!
قلت بيأس !
أميره : يمكن لأني أنا ميته أصلا !!!
ابتسمت و هي تشرب القهوه ...
الجوهره : شوفي الشمس كيف تغيب و تختفي ورا الأفق تدور على قصه عشان تحكيها لنا بكره مع يوم جديد .... ما أظن الشمس تعبت من كثر ما تشرق و تغرب حنا اللي تعبنا و حنا نشوفها تشرق و تغرب .... في هالحياه يا أميره أسرار عجيبه أغرب من الخيال
تلقينا كل يوم نلتقي في ناس جدد ننصدم في مواقف كثيره و ننحط في مواقف أصعب
و مع ذلك بنعيش لين الله يأذن للموت انه ياخذنا لعالمه !!!
حطت الكوب على السياره و كملت ...
الجوهره : و المشكله انه تجي علينا أوقات نتمنى الموت بشكل غريب !
أحيانا لما أفكر ألقى اني أنا نفسي أعجز عن التفكير في هالكون الوسيع ؟؟؟
يا أميره أنا لما أهرب من آلامي أتأمل العالم تهون علي آلامي و احزاني و أتذكر دايما ان في كثير يعانون أكثر مني و مع هذا الإبتسامه ما تفارقهم !
و لما أشوفهم يخف عني حمل كبير !!!
طالعتني و هي ترفع راسي
الجوهره : اضحك حبيبي و شيل الهم من راااسك
الوجه هذااا حرااام تموت ضحكاااتـــــه
ابتسمت بهدوء و جلست أفكر في كلامها و اطالع فيصل من بعيد و هو لاهي مع أولاده
قلت و كأني أكلمه
أميره : راح أحاول عشانك و بس ؟؟
قلتها هالكلمه و الشمس تغيب بعيد و ترسل أشعتها الليلكيه في السماء ترسل آخر ابتساماتها اليوم و توعدنا بلقاء قريب !!
شربت آخر قطره من القهوه
أميره : جوجو أبي أروح لهالكشك تعالي
رحنا لكشك صغير يبيع ألعاب و حلاو و أشياء كثيره
شريت كيس مليان حلويــــــــــــــــــــــــــــات
الجوهره : وش تبين في ذا كله !!
ابتسمت بمرح و قلت :
أميره : تعالي وراي
الجوهره : اذا بتسوين شي جنوني أنا بنتظرك هنا
قلت و انا أضحك
أميره : طول عمرك خوافه !
قالت و هي تضحك
الجوهره : توك تعرفين ؟؟
تركتها عند السياره و رحت لين وصلت عند فيصل و الصغار و وقفت
هو ما انتبه لي لأنه كان ماسك يد واحد من الأطفال و يلعب معاه
قلت .......
أميره : تسمحولي أقعد معاكم
رفع راسه و طالعني مستغرب يمكن آخر شي كان يتوقعه في حياته كلها !
وقف و قام يطالعني و يبتسم
فيصل : ايه اكيد تفضلي ؟؟
جلست جنب نفس الصغنن اللي جاني يبي الكوره
فتحت الكيس و قمت أوزع عليهم الحلاو جيت عند فيصل هو آخر واحد
قلت بمزح :
أميره : تبي حلاوه !!
ضحك و هز راسه بشكل مره طفولي !
مديت له حلاوه كأني أمدها لطفل
و قمنا كلنا نضحك حتى الأطفال قاموا يضحكون
حطيت يدي على كتف رامي و قلت :
أميره : انت يا قمر في أي سنه ؟؟
مدري ليه كنت أحس بنظرات تأمليه من فيصل
طالعني ببراءه
رامي : في المدلسه ؟؟
أميره : حلو ممتاز
تحمسوا الأطفال و كل واحد بدى يسولف عن نفسه
بين لحظه و الثانيه أطالع فيصل و هو يطالعني كنت أتأمل ملامحه بس
في شي غريب يبعدني عنه !!!
في هاللحظه سمعت صوت البوري تدقه الجوهره
أميره : أشوفكم يا حلوين مره ثانيه خلاص بروح !!
رامي : أميله
أميره : يا لوح أميله ؟؟
رامي : انتي حلوه ...ماما مب حلوه
قلت ببراءه
أميره : انت أحلى يا قلبي انت بعد حلو بس فيصل مب حلو
فيصل : مقبوله منك يالغلا !
ضحكت و ربي فيه هالإنسان تناحه عجيبه
انتشروا الأولاد كل راح لحاله و انا بعد جيت أروح لجوجو اللي أكيد معصبه مني !!
وقفني فيصل
فيصل : تدرين انك أحلى مما تخيلت !!
التفت له أطالعه
أميره : مب مهم الحلى اللي برى الأهم هو اللي بداخل الإنسان ؟؟
فيصل : انت دائما جميله و فاتنه من برى و من جوه
أستحيت .........
فيصل : ممكن أطلب منك طلب يالغلا بس ما ترفضينه أو تفهميه غلط !!
تدرون وش توقعت انه بيعزمني على مطعم رومنسي مثل ما أشوف في القصص و المسلسلات ياخذ مني موعد يعني !!
أميره : تفضل
فيصل : أغار على هالوجه الفاتن ما أبي أحد يشوفه ياليت لو تحفظينه لي مب لغيري
و تغطينه عن كل العيون الا عيني ممكن تلبي لي هالطلب !!
نزلت عيوني بالأرض لأني عرفت قصده
يعني افهميها يا أميره و غطي وجهك !!
أميره : ...............
فيصل : أميره
رفعت راسي و قلت
أميره : هلا
فيصل : و الله أحبك
المجنون وش سوى نادى شاب اماراتي كان مار من قربنا قام أشر له و قاله
فيصل : شايف هالبنت أنا أحبها و أموت فيها
الشاب على طول التفت يطالعني
فيصل : خير وش انت تطالع يالله روح خلاص كنت أبي أعترف لك بحبي لها !!!
طالعه الشاب مبهوت و هو يحرك راسه و يضرب كف بكف و يروح
الشاب : مجنون فعلا
فيصل : ايه اكيد مجنون فيها ؟؟
أنا قمت أضحك على شكله
البوري خرق طبلة اذني !!
التفت للجوهره و هي مطرطعه !!
أميره : يالله باي باي
رحت بسرعه ركبت السياره و مشت و هي ساكته و الله آخاف لما تعصب !!
الجوهره : عايشه الجو !!! و تاركتني هنا بروحي !!
أميره : آسفه
الجوهره : و الله فيصل حقك هذا مره شي
أميره : هييي انتي ما اسمح لك !!
الجوهره : لا يا شيخه غرتي !!
أميره : مب شغلك !!
الجوهره : ايششش؟؟
و قفت السياره عند الرصيف و قالت
الجوهره : يالله انزلي
أميره : جوجو أكيد انجنيتي ؟؟
صرخت في وجهي
الجوهره : يالله انزلي !!
نزلت من السياره و سكرت الباب بإستسلام تام
و ...... و راحت !!!!!!!!
ما كملت أقل من دقيقه و رجعت
الجوهره : اركبي يا بنت مساعد حرام علي اتركك للضباع تاكلك هههههههههههههه
ركبت السياره و أنا معصبه !!!
ردينا البيت
صوفي : مس أميره العشا الساعه 09:00 أجلناه لأن مدام حليمه عندها ضيوف
الجوهره : أها و مين صاحبة البيت !!
أميره : يوه يا جوجو لو نقعد ندقق على هالأمور كانت انتهيت من زمان !!
الجوهره : بس من الأدب تستأذن منك انتي يا صاحبة البيت !!
أميره : مشي حالك هي معتبرتني مجنونه يا جوجو
فكيف تاخذ الإذن من وحده مجنونه ... ! صوفي في أي بروجرام اليوم
صوفي : مستر أمير بدو اياكي بعد شوي ؟؟
أميره : وش يبي مره مقهوره منه و هو مره زعلان مني !!
صوفي : مستر مطلق طلب حجز يوم الخميس
الجوهره : فكه ول !!
أميره : خالي مطلق !!!!!!!!!!!
صوفي : يس مس
أميره : يعني بيشيل عياله و يروحون !
الجوهره : أحسن
أميره : طيب وش صار اليوم من أحداث !!
صوفي : مس دانيا كانت مدايئه كتير آل شو عندى مغص ... مدام بدريه كانت زعلانه كتير منك و بس بتحكي فيكي !!!
قالت الجوهره بسخريه
الجوهره : يا ربي ضربتي بنتها يا أميره !!!
ضحكت ......
صوفي : مدام سلطانه كانت طول الوئت بالدور التالت بالصاله بئيت البنات راحوا السوء
أميره : شكرا يا صوفي خلاص روحي اللحين شكرا !
طلعت الدرج ببطء و أنا أفكر ...
دخلت غرفتي رميت عباتي و شنطتي على السرير و قعدت عالأرض
الجوهره : خير عمتي لا يكون جا لمخك شي !!
قمت من عالأرض و قلت
أميره : اليوم ايش أصلا ؟؟
الجوهره : ثلثا
أميره : يوه يعني باقي على سفرهم يوم ... في حياتي ما كرهت وجود ناس مثل ما كرهت وجودهم !!
الجوهره : يا شيخه كله كوم و هالجواد كوم ثاني يوه
أميره : أنا بطلع أشوف سلطانه
الجوهره : و أنا بتسبح لأني مره مجهده
طلعت من الغرفه رحت للصاله لقيت سلطانه
أميره : لك وحشه دون عن كل خواتك !!
ابتسمت لي و قالت
سلطانه : تدرين انك غير كل الناس
أميره : ليه من اي ناحيه يعني !!
سلطانه : من كل النواحي
أميره : لا من كل النواحي هذي كثري لي منها !!
سلطانه : أحسن شي سويتيه لدانيا انك صفقتيها !!
و الله استغربت غريبه دانيا اختها المفروض يكون كلامها غير !!
سلطانه : لا تستغربين أنا عارفه حركات دانيا و سوت أشياء أخيس من اللي شفتيها
و مع ذلك محد قدر يوقف لها غيرك شفتك ذاك اليوم تصفقينها !!
أميره : غريبه و خالتي بدريه عارفه بسوالفها ؟؟
سلطانه : أمي !!! تعرف بس تسوي نفسها ما تعرف شي ؟؟
أميره : طيب زوجوها و افتكوا ما في غير هالحل !!
سلطانه : ليتها توافق !!
أميره : و الله يا قلبي وحده مثلها وصلت لهالمرحله المتدنيه لازم تتزوج غصب عليها!!
أميره : وش رايك ننزل لصالة الدور الثاني أحسن !!
نزلنا لصالة الدور الثاني فتحت البلكونه و وقفت قرب السور
سلطانه وقفت قبالي و هي تطالع الحديقه
سلطانه : من هنا تشوفين كل شي بوضوح
أميره : صح ........ وش صار معاك انتي و مشاري !!
سلطانه : تدرين كنت أقرى هالسؤال في عيونك قبل لا تسألينه !!
أميره : ........................
سلطانه : أحبه .... بس كرامتي !!
أميره : ما أعتقد ان في كرامه بين الأزواج أساسا هالكلمه مالها أساس في قاموس المتزوجين
سلطانه : صادقه بس مني مقتنعه بهالشي !!
أميره : السؤال المهم هل هو يحبك !!
سلطانه : أكيد لا !!
أميره : وش فيك تقولينها كذا و انتي واثقه !
سلطانه :....................
أميره : هذي أشياء خاصه بينكم ما راح أسئلك ليه بس حاولي تفهمينه مع اني ما ادانيه !
سلطانه : و مين أصلا يدانيه غيري ؟؟
و قمنا نضحك أول مره أشوفها تضحك و هي مستانسه ..
سلطانه : شايفه ذاك الدبدوب
أميره: ايه !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك