رواية علمني كيف اترك يدك في عز حبي لك -15
طالعتني المره و قالت : لا يا اختي أنا مشرفة المركز اللي تعيش فيه روعه ؟
تبدلت نفسيتي لدرجة غريبه
أميره : مركز ؟؟؟؟
....... : ايه مركز لرعاية أطفال اللوكيميا
على طول طالعت للبنت معقول !!!!!!
لوكيميا !!!
أميره : طيب وين أهلها ؟؟
...... : المسكينه مالها أهل أهلها توفوا كلهم في حادث سير ؟!!
وقفت مذهوله أطالع لروعه حسيت كل شي يرجع كل صفحه من حياتي تقلب من نفسها
تذكرت على طول و حنا في السياره نسولف و فجأه لقيت نفسي بره السياره أصواتهم و هم يصرخون أصاله اللي ماتت بين يديني و هي تبتسم لي السياره لما انفجرت و النار تاكل فيها !!!!
الناس لما تجمعوا أصوات السيارات !!
رجعت للواقع على صوت صوفي
صوفي : مس أميره ... مس أميره
أميره : ها ...
صوفي : مس أميره شو رايك بحسك تعبانه شو رايك نرجع للبيت
أميره : لا خلينا شوي
دفعت للبايع فلوسه و مشيت و أنا أمشي أحس بأصوت في راسي تصرخ
مشيت كثير لين وقفني منظر رجعني لأحداث سنه كامله من عمري !!
قدامي واحد على عربه معاقين يدفه طفل صغير و كانوا واقفين عند قسم التحف
وقفت أطالعهم أشكالهم معروفه وجيههم محفوظه ....أعرفهم عدل رحت لهم بدون ما احس في نفسي !!!
وقفت قدامهم و قلت
أميره : عبدالله !
أول ما شافني تعلقت عيونه بعيوني كان ودي أكشف وجهي عشان يشوفني ينادي بإسمي يتكلم يقول أي شي ؟؟ يقول أي شي طالعته بكل أحاسيسي و مشاعري بس في الأخير صد عني استغربت بل انصدمت !!!
قام يدف عجلات العربه بسرعه أنا كنت مشلوله مب عارفه أعبر صوفي وقفت تطالعني بوجوم !!!
سهيل وقف قدامي و هو ساكت يطالعني كأنه يبي يتذكر !!
سهيل : أميره صح
يوم قالها فرحت أكثر من صدمتي في صدت عبدالله عني !!
أميره : أخيرا في أحد يعرفني في هالبلد
مسكت يدينه و قلت
أميره : ليه عبدالله كذا وش وصله لهالحاله !!
سهيل : طاحت عليه الأعمده و هو يشرف على المشروع
سمعت صوته و هو ينادي سهيل بعصبيه
توي بأتمالك نفسي من الصدمه فتحت شنطتي و عطيته جوالي بسرعه
أميره : سهيل و اللي يعافيك سجل لي رقم أماني بسرعه ضروري
اخذ الجوال و سجل لي رقمها و عطاني الجوال و مشى !!!
طلعت من السوق فرحانه و صوفي تلحقني أخيرا يا ربي أخيرا لقيت رقم أماني
ركبت السياره و صوفي مب فاهمه شي !!
رجعنا للبيت طلعت لغرفتي بسرعه حتى ما فصخت عباتي دقيت على الرقم
اللي سجلي اياه بإسم أماني
دقيت على الرقم بسرعه و قام يرن
و مع كل رنه قلبي يدق بقوه
بعد ست رنات بالزبط ردت قلت بعد تردد و بصوت مهتز
أميره : أ أ ألو السلام عليكم
جاني صوتها مثل ما أعرفه
أماني : و عليج السلام مين معاي ؟؟
أميره : أماني !!
أماني : ايه مين معاي ؟؟
أميره : أنا أميره يا أماني أميره بنت مساعد آل ........
أماني : مين أميره ما أعرف وحده بهالإسم ؟؟
ما تدرون قديش جاني احباط خلاص الكل نساني محد يتذكرني الدمعه صايره على طرف عيني أبي أبكي يا ناس سكت فتره بعدين قلت :
أميره : خلاص مب مشكله شكلي غلطت بالرقم
جيت بأبعد السماعه عن اذني
أماني : لحظه لحظه ؟؟
أميره : نعم
أماني : أميره يا روح قلبي أمزح عليج مين يعرف أميره و ينساها أمزح عليج يا قلبي
من زمان أنتظر أسمع صوتج !!
ما تدرون كيف ارتفعت معنوياتي بشكل للحين في خير في هالحياه
رديت بفرح
أميره : أماني كيفك و الله طيحتي قلبي !!
أماني : هههههههه وينج يالقاطعه كل هالمده
أميره : يا شيخه لنا الله ما ينفع الكلام نهائيا على التلفون
أماني : على قولتج وش رايج نتقابل ؟؟
أميره : حلو ممتاز فكره روعه وين ؟؟
أماني : سمعي تعرفين المطعم الإيطالي
أميره : لا بس بسأل صوفي أكيد تعرفه !!
أماني : هو معروف قريب من ........
أميره : اتفقنا
أماني : اشوفج فيه بعد ساعه
أميره : ان شا الله
بعدها اتصلت على صوفي أسألها عن المطعم طلعت و الحمد لله تعرفه و السواق بعد يعرفه
من كثر ما اني مستانسه نطيت من مكاني و رميت الجوال رحت تسبحت عالسريع
و جا دور اختيار الملابس لبست تنوره سودا تحت الركبه شوي و بلوزه بيضا فيها
خطوط سودا مموجه بشكل عشوائي ياقتها واسعه و بروش على شكل ورده حمرا لبست عليها بوت أحمر جلد كحلت عيوني صح دعجتها مزبوط و حطيت جلوس أحمر خفيف شعري تركته مفلول و ربطه بشريطه حمرا جا دور العبايه اخترت عباه سودا من الأطراف مشتغله باللون الأحمر بشكل جدا خفيف !!
لفيت طرحتي و لبست هالمره برقع شلت شنطتي و طلعت
(انتهز الفرصه فإنهااا لا تتكرر مرتين )
الجزء الحادي عشر
_____________
يوم الأحد
الساعه : 08:00 مساءا
المطعم الإيطالي
دبي
____________
أماني :
يااااااااه يا زمن سبحان الله كنت متوقعه أميره نستنا أو انها توفت مع اهلها في الحادث قطعت الأمل في ردتها !!
و اليوم أشوفها يالسه قدامي مجابلتني غير تماما مختلفه عن أول بكثير
أول ما شفتها ضميتها بقوه ودي أشكرها و ودي أعاتبها و ودي أقولها أشياء كثير !!
طلبنا مكرونه اسباغيتي و بيتزا بالمشروم و سلطه بالدياي و الجبن و عصيرات و مقبلات
يلسنا على طاوله رايقه و الجو حولها وايد حلو
أميره : تغيرتي كثير احلويتي ما شا الله
أماني : يا قلبي لولا الله ثم تشجيعج لي ما وصلت للي تشوفينه كلامج كان يعطيني دفعات قويه لأني أتقدم و أصير مثل ما انتي شايفه
قالت لي بفرح
أميره : رائع مره حلو هالتقدم الى الأمام دائما
أماني : بتظلين متبرقعه كذا على طول !! أبي أشوف ويهج
أميره : المكان مليان ناس ؟؟
أماني : محد راح ينتبه و الضوء هنا خافت
شلت البرقع من على ويها و طالعتني ......
أماني : ما شاء الله حلوه كثير أكثر من قبل بألف مره بسم الله عليج
ضحكت و قالت :
أميره : لا يا شيخه عيونك الحلوين
قمنا نتكلم عن كل شي صار صارت تحكيني عن أهلها و عن الحادث و عن كل شي صار لها بالفتره اللي راحت و قمت أحكيها عن عبدالله اللي كان متوقع ردتها لأنها تقريبا كانت مركبه في قلبه حتى بعد الحادث اللي صار له بسبت أعمدة المشروع حولته لإنسان كئيب و مكتئب !!!
بعد أميره أثر على نفسيته كثير !!
أكثر مما تتخيلون ؟؟؟
دمعت عيونا بدون ما نحس و أميره كانت تحبس دموعها قد ما تقدر !!
أميره : أماني ممكن أشوفه ..... هو أول ما شافني بالسوق صد عني أنا أبيه أبي أكلمه الله يخليك
يت الطلبات و يلسنا نتعشى و أنا أفكر بطريقه تخليه يشوفها !
تعشينا و خلصنا و قمنا نسولف في كل الأشياء اللي صارت ؟؟
لاحظت و حنا يالسين واحد يطالعنا بالأصح يطالع أميره استغربت ...
طالعته بإحتقار ... رد نزل عيونه بالأرض
_____________________
يوم الأحد
الساعه : 09:30
المطعم الإيطالي
دبي
___________
أميره
لما شفت أماني ارتحت نفسيا
الحمد لله قمنا نسولف بعد العشا ..... و هي تسولف تطالع وراي
التفت لورى أشوف شاللي تطالعه مسكتني من يدي بقوه
أماني : لا تلتفتين تركيهم
أنا خفت و قمت
أميره : طيب خلينا نطلع
أماني : لا يا قلبي قعدي ما عليج فيهم
جلسنا شوي طبعا لبست برقعي ألطف و أسلم لي !!
قمنا نسولف شوي لقيت وجه نط بوجهي صرخت بصوت عالي
طلع واحد من الشباب المغفلين
...... : شخباركم يا حلوات ممكن نتعرف ؟؟
طالعته و أنا معصبه شمحسبنا هالمجنون
رفعت يدي بعطيه كف مسك يدي بقوه
....... : لا لا يا قمر ما أتعامل بهالـ ..........
حتى ما كمل كلمته لقيته طايح قدامي عالأرض يتأوه التفت حولي لقيت أماني تتطالعه بشراسه معقوله هي اللي ضربته بهالطريقه أصدقائه أول ما شافوه بالأرض قربوا منا
قربت من أماني ...
أميره : ما في أمن في هالمطعم يمه كيف بنتصرف ؟
الناس كانوا يطالعونا و لا واحد من هالرجال اللي جالسين قال يالله بأفزع لهالحريم الضعيفات ...
خفت خوف غير طبيعي ؟؟
غمضت عيوني و حطيت يدي على وجهي و أنا أسمع أصوات أشياء تتكسر و صراخ و أصوات أشياء كبيره تطيح على الأرض !!
فتحت عيوني لقيت الرجال مطرحين عالأرض و أماني تطالعهم بإحتقار المطعم صار خرابه ؟؟!!
كل شي مبعثر و مبهدل
أماني : و الله ما تسوون جزمتي ؟؟
و أشرت على كل اللي في المطعم و قالت بغرور
أماني : و الله منتم رجال ؟؟
مسكتني من يدي و سحبتني بسرعه
أميره : وين بنروح ؟؟
أماني : أي مكان غير هنا !! بسرعه أكيد بيطلبون الشرطه
ركبنا سيارتها و مشينا!!!
طالعت لها و طالعتني و قمنا نضحك مدري ليه في ذيك اللحظه تخيلت رنا اللي جالسه قربي تسوق لأنه هي اللي كانت راعية المغامرات و حبس الأنفاس قلت بدون شعور !!
أميره : رنا كيف تعلمتي تدافعين عن نفسك
طالعتني بمرح
أماني : يا أميره ركزي يالغلا أنا أماني
أميره : معليش ما انتبهت ذكرتيني برنا الله يرحمها
أماني : كرتيه
أميره : كرتيه !!!
أماني : ايه كرتيه
أميره : كيف تعلمتيها ؟؟
أماني : أبوي الله يسلمج كان مدرب كرتيه و كان مؤمن انه في يوم من الأيام راح تفيدنا هالرياضه كثير و خصوصا ان هالزمن ما فيه أمان !
أميره : صادقه و الله
أماني : عشان شذي من صغري و أنا أعرف لهالرياضه و كل أسبوع أحضر التدريب في النادي !
أميره : نادي كرتيه نسائي !!! و الله تطورنا أول مره أسمع
أماني : لازم تزوريني في يوم من الأيام
أميره : ان شا الله ليه لا !!
رجعت البيت على أمل أني راح اشوف عبدالله في يوم من الأيام و أحكي له عن اللي صار
( استفهااامااات غااائره تطفوى على السطح )
____________________
بداية مذكرات أمــــــــــــــــــــــــــيره
من هالبارت تبدى أميره تحكيلنا عن حياتها بدون تدخل عناصر أخرى ^ _^
و هذا بطلب من شخصيه في القصه بتعرفونها بإذن الله
________
أميره :
روعه وش فيك غلاتي ؟؟
روعه :ما أبي الوح
أميره : وين يا لوحي تلوحين ؟؟
روعه : عند ماما و بابا و ثموري
ليه أنا في صحراء ( الخلااا خااالي و الرب عااالي )أبوي حبيبي قربي و أمي ما سكتني و تشدني لها
شوي أشوفها تترك يدي و تحترق قدامي
صرخت يمممممممممممممممممممممممه أبيك لا تتركيني بروحي يمه
صوفي : مس أميره ..... مس أميره
أميره : يمممممممممممممممممه
صوفي : مس أميره هاو آر يو ؟؟
الحمد لله انه حلم و بعدين أنا وين و ليه أنا هنا ...غريبه ؟؟
قمت أطالع الأشياء حولي و أتذكر ؟؟
كنت بالغرفه وش جابني هنا ؟؟
صوفي : مس أميره انتي بخير !!
أميره : الحمد لله بخير
نفضت البطانيه و قمت و قفت على رجولي بس حسيت بدوخه فظيعه رجعت جلست على السرير آآآآآآآآآه جت بسرعه صوفي سندتني و قالت :
صوفي : مس أميره لازم ترتاحي هيك ما بينفع لصحتك !!
هزيت راسي بتفهم و قلت :
أميره : كم الساعه اللحين ؟؟
صوفي : 09:30 المسا
طالعتها بإستغراب
أميره : الله من متى انا نايمه ؟؟
صوفي : من أمس مس تقريبا نفس التوقيت ؟؟
أميره : معقوله أربع و عشرين ساعه نايمه أووووووف راح الوقت
قمت بسرعه و كأني صحصحت رحت بسرعه للحمام بينما تركتني صوفي و طلعت
خذت لي شور مثلج ... طلعت و أنا أنتفض صليت الصلوات اللي علي استغفر الله كيف نمت بهالطريقه !!!!! رحت غرفة الملابس بدلت ملابسي لبست فستان أبيض طويل تقريبا جبنيز و عليه وردات ورديه رحت للمرايه حطيت مكياج وردي خفيف مع لون عيوني صار شكلي غريب !!! رفعت شعري ببكله ورديه
طالعه كأني طفله بخيت عطري المفضل بنكهة التوت و تمدد على سريري
جيعانه و تعبانه و مدري وش أبي مديت يدي أتحسس تحت المخده لقيت جوالي
فتحته طبعا لقيت مكالمات لم يرد عليها كثيره جوالي بينفجر من عددها من أماني و ناديه و أمير و مسج من ثامر و مكالمه من الهنوف و عمي فهد
قلت لنفسي و أنا أضحك : اكشخ يا قمر و الله و صار لك جمهور ههههههههه
شفت مسج ثامر : محضر لك مفاجأه يا جميل اسألي أمير عنها
لك وحشه يالغاليه ... ان شا الله تعجبك المفاجأه
أخوك المحب ثمور
بصراحه عندي عايله روعه ..
دقيت على ناديه و كلمتها و بعدين الهنوف و كانت تسلم و تسأل
يالله هي أحسن من غيرها اللي حتى ما سأل و لا اتصل و لا كأني أهمهم في هالحياه الطيبين صاروا ينعدون على الأصابع مهما غلطت يسامحوك كل ما تعبت وقفوا جنبك أوفياء مثل الجبل يقدرون يسندونك و يسندون أنفسهم لذالك بكل بساطه أحبهم
أماني طبعا اسبيشل بأكلمها بعدهم كلهم ..
دقيت على عمي فهد
فهد : ياهلا و الله بهالصوت
أميره : عمي حبيبي الهلا اللي تقولها أحلى هلا أسمعها في حياتي جعلها تدوم
فهد : الله يسلمك كيفك يا الغاليه شخبارك و الله لك وحشه
أميره : الوحشه مشتركه يالغلا ... متى نشوفكم ؟؟
فهد : و الله يا بنتي ناوي نصيف عندكم نشوف وش اللي شادكم بدبي !!
أميره : حلوه وجوها رايق
فهد : أجل قريب و حنا عندكم
أميره : يا هلا و مرحبا فيكم ان ماشالتكم الأرض تشيلكم عيوننا
فهد : سلمتي و الله طالعه على مساعد الله يرحمه .......... على فكره يا بنتي لا أنسى
أمس أرسلت لك مفاجأه قولي لأمير يشيك عليها لأني اليوم رحت قالوا لي وصلت
من جد استانست الكل مسويين لي مفاجأت
أميره : واااااااااو يا عمي ليه متعب نفسك يالغلا
فهد : كم أميره عندي يا بنتي لا تنسين لازم يستلمها على بكره الصبح
أميره : ان شا الله
كان ودي أسأله وش فيه الطرد صراحه حمسني ؟؟
بس سلمت عليه و سكرت
نطيت من السرير مبسوطه حيل نزلت تحت أبي أشوف أمير
صوفي : مستر أمير طلع
أميره : قولي لماري تسوي لي أي عشا
صوفي : بدك شي على ذوئي
أميره : يا ريت ؟؟
حسيتها استانست و شقت الإبتسامه وجهها
صوفي : O k مس أميره
أنا فتحت باب الحديقه و طلعت واااااااااااااااااااو على هواك يالإمارات راهي على قولتهم
قمت أتمشى و بعدين البحر مره قريب فأنسامه داخله لصدري بعمق رحت لحديقة الورد
بصراحه (( إمام )) ما شا الله عليه واخذ باله من هالحديقه صح !!
كل يوم الصبح أشوفه من شباكي يجي يرتب الحديقه و يسقيها و يروح عالظهر
الله لا يحرمنا من ابداعه ...
مشيت في الحديقه الورد متفتح و عليه قطرات ندى خفيفه
و قفت عند وردة جوري زهري بنفس لو ملابسي طالعتها و قلت :
تغريني يالجميله عشان أشوفك و ألمسك .. قربتها من شفايفي و بستها و كملت :
تدرين عاد الحياه معاكم أروع بكثير من الحياه مع البشر حتى الغيره بينكم يالورد معدومه مع ان كل وحده فيكم أحلى من الثانيه ... يا شيخه و لا تزعلي انتي الروعه كلها
و قمت أبتسم و أضحك و أغني .... يا بائع الورد !!
رحت عند رشاش المويه و شغلته هو في نص الحديقه و يوزع المويه عليها كلها
شكلها روعه و هي كذا .... أحس اني انتعشت طفيت الرشاش و مشيت
رحت لغرفه العصافير منسقه بشكل روعه مره شي كل أنواع العصافير اللي متوقعينها هنا
كناري و بلابل و هدهد و عصافير صغنونه تجنن و لا ننسى البغبغاء هذا هو اللي يكمل التشكيله !!
قلت لهم : حتى انتوا يا عصافيري صحيح في أقفاص بس مرتاحين من الشر اللي برى
و الموت اللي ممكن تواجهونه برى هالأقفاص خليكم هنا في أمان بعيــــــد عن الشر !!
طلعت من الغرفه رحت للنافوره اللي كانت بوسط الحديقه كانت طافيه رحت لمفاتيح الكهرب و شغلتها روعه ... طبعا لما شغلتها اشتغلت كل الأنوار الملونه اللي بالحديقه و كونت شكل في منتهى الروعه جلست على طرف النافوره و أنا أغني
ألمس المويه و أحس بنعومتها و برودتها و رشات من المويه تجي على وجهي
تنهدت بإرتياح و طالعت السما و النجوم حتى النجوم مرتاحه لا لا النجوم تعبانه مثل القمر مع انه قمر بس حزين يشوف عمايلنا في بعضنا وش بيسوي المسكين غير انه يكون حزين !!
بحزن القمر تفرح النجوم و مع ذلك القمر مثل ماهو جميل يشع و هو يوعدنا بمرور يوم سعيد يخفف آلامنا صرخت بصوت عالي : افرحي يا نجوم ترى القمر حزين و استانس يا قمر ترى فيه مين يحبك و يعشقك ...
نزلت راسي بإرتياح غمضت عيوني و أول ما فتحتها صرخت
أميره : آآآآآآآآآآآآآآآآآآآآآآآآآآآآآآآآآآآآآآآه
قدامي عيون تطالعني غمضت عيوني عشان أستوعب !
قمت من مكاني لحظه حطيت يدي على صدري من الصدمه و هو كان واقف يطالعني
و كأنه هو بعد كان في حلم قال بتردد بعد ما قفاني
......... : آسف ممكن تمرين ؟؟
هربت قصدي ركضت للصاله و أنا مستغربه يوه دقيت على صوفي بسرعه جت !!
أميره : مين هالإنسان الغريب اللي بالبيت
صوفي : هذا ضيف مستر أمير اللي حكيتلك عنه أمس
قلت بعد ما خذت نفس
أميره : أها فهمت
صوفي : بدك شي تاني مس أميره
أميره : لا بس متى العشا
صوفي : العشا جاهز في غرفة السفره
ابتسمت و قمت رحت للمغاسل أغسل يدي
مب مستوعبه وش صار ؟؟
ماراح أقول الوجه اللي شفته حلو لا هالكلمه قليله عليه بصراحه
عيونه بدون مجامله أحلى ما خلق ربي في ذاك الوجه المليح
وجهه غير تقليدي عيونه عسليات بس مب وسيعه و أنف جميل
و شفايف تنطق من حسنها لونه أسمر تقريبا و شعر أسود مقصص بطريقه شبابيه حيل طويل و كان لابسه بلوزه سودا هذا كل شي قدرت أقيمه فيه في هاللحظه اللي شفته فيها .. أكثر شي علق في راسي ريحة الدخان الفظيعه اللي طالعه منه !!
وش فيني قمت أوصف الرجال يالله هو واحد من ألف واحد شفتهم في حياتي !!
دخلت غرفة السفره و جلست على الكرسي الرئيسي
طالعت الطاوله طويله و كراسيها كثيره بس فاضيه من الناس اللي كانوا يملونها بأرواحهم
كان العشا عباره عن شوربة فطر و كعكة تفاح و بطاطس مشويه و صدور دجاج صينيه
أكل غريب و العصير ليمون مع النعناع !!!
فردت المنديل و غرفت لي شوربه و قمت أقلب الشوربه بدون هدف و كأني أشوف وجهي
في صفحة الشوربه أخيرا قررت أشرب منها طعمها كان روعه أما ماري بصراحه خطيره
أحسن من الشيف الفرنسي أكله بدون ملح يع و مب حلو اللهم أكرم النعمه !
طالعت للكراسي و كأني أشوف أصحابها قمت بمرح شلت الصحون و حطيت على راسي منديل و قمت أوقف ورى كل كرسي و أحط الصحن قدامه وزعت الصحون على كل الأماكن و بعدين قلت كأني أكلم رئيسهم :
<< أي أوامر ثانيه مستر مساعد >>
قمت جلست في مكاني و طالعت لخيالي و قلت بصوت فخم
<< لا يا ايميلي خلاص مشكوره بس قولي للين تكلم الطباخ بخصوص العشا >>
قمت و رجعت وقفت :
<< أجيب لك قائمة العشا أستاذ >>
رجعت جلست :
<< لا ما يحتاج أثق في ذوقك يا ايميلي >>
فجأه سمعت صوت تصفيق انتفضت !!
لقيت أمير قدامي
أمير : حمد لله عالعافيه
أميره : بسم الله خرعتني وش فيك طق الباب قول احم شي !
جلست على الكرسي أكمل أكلي
ابتسم و جا جلس عن يميني
أمير : وش عشاك ؟؟
أميره : مثل ما انت شايف و طبعا هذا ذوق صوفي و طبخ ماري
هز راسه و سكت
أميره : تاكل معاي ؟؟
أمير : لا بس خلصي بسرعه عشان ثامر مسوي لك مفاجأه
نطيت من مكاني
أميره : قوم بسرعه خلاص خلصت
أمير : بسم الله وش هالفجعه اللي انتي فيها ؟؟ امشي بهدوء ... يالله تفضلي
انا ضحكت مسك يدي مسوي لي مثل الأميرات تأبط ذراعي على قولهم و رحنا
لصاله كبيره في القصر كنا مخليينها فاضيه ما ندري وش نسوي فيها أكيد سكنها العنكبوت و غطاها الغبار أتذكر ان أبوي الله يرحمه كان يبي يسويها صالة رياضه بدل اللي بالدور الثاني يقول هذي أوسع ..
أمير : يالله يا أميره ... صعبه بس لازم تكوني أميره لشي معينه ؟؟
أميره : يوه خلصني تشوقت للمفاجأه ؟؟
أمير : طيب هدي أعصابك ممكن أسميك أميرة الورد
قلت بمزح و أنا أمسك ذقني و أحرك وجهي
أميره : بالله انفع أكون أميرة الورد ؟؟
قام ضغط على خدودي و قال :
أمير : يا بكاشه انتي الورد كله ......يالله غمضي عيونك عشان بفتح الباب
غمضت و سكت سمعت الباب ينفتح و هوا بارد معطر يلفحني و موسيقى كلاسيكيه جنان
تعزف أنغامها على أوتار هالأجواء بنعومه و خفه !!
قلت و الصبر فلت مني :
أميره : أفتح عيوني و لا باقي
أمير : يالله افتحي
فتحت و شفتها شهقت ما أقدر أوصف لكم شعوري كيف كان في ذيك اللحظه
دخلت و من قوه المفاجأه صرخت واااااااااااااااااااااااااااااااو ما عرفت كيف أعبر قمت أدور في الصاله و ألمس جدرانها !
ضميت أمير بإمتنان و أنا شوي و أبكي أخيرا صالة موسيقى بصراحه روعه روعه و فوق التصور !!
بيانوا .. كمان ... أورج أشياء كثيره و آلات ما أعرفها
أمير : بخليك تتأملين المفاجأه تأخرت على فيصل
ما انتبهت انه راح قد ما اني مبهوره على اللي شفته !!!
دخلت صوفي الصاله
صوفي : كيف شفتي لي هالغرفه !!
قلت و أنا مني منتبه لها
أميره : فووووووووق الروعه
البيانوا كنت أحب أعزف عليه عند رنا لأن أبوي كان رافض فكرة وجود بيانو في البيت
ياه علمني عالبيانو ألبرت الصغير في ألمانيا قبل ثلاث سنوات علمني كيف أكتب النوت الموسيقيه و أعزف عالبيانو .... جلست على الكرسي اللي قبال البيانو و بديت أعزف بهدوء أغنيه راشد !!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك