رواية سقطت بأخطائي وتعذبت بأسوار ضياعي -6
عمر ناظرابوة ببراءة : ايوة موصلها عند باب مزرعة عمي وسالتها يوم نزلت بتسكنين عندهم قالت لي لا وانا مشيت عنها!
ابو عمر ناظرة وعقد حواجبة وهو يلتفت عنة ويمشي : غريبة لية يعني هربت !!
عمر مشااا بجنب ابوة : اتوقع انها هربت !
ابو عمر وصل للصالة واخذ التلفون بيدة : هلا ابو هند سألتة ويقول انا موصلها عند الباب ! ويقول اني سألتها بتسكنين عندهم قالت لا!
ابو هند بأندهااش : غريبة ! على العموم مشكور والله يستر عليها وين ماراحت
ابو عمر : العفو
ابو هند : مع السلامة
ابو عمر : الله يسلمك
************************************************** *******
ياسر كلم عمر عشان يسون الخطة مع ثامر
وسواا كل شي باالضبط مثل ماخططوا لة ،،
ومسكوا ثامر متلبس وشهد على الجريمة ياسر و عمر ،، وشنطة الفلوس رجعت لهم
وهم في السجن جاء ياسر وعمر يكلمون ثامر ،،
ياسر يناظر ثامر : قولنا وين الصور بنتنازل عنك سنة ؟ بدل مايصيرون ثلاث نخليهم ثنتين ؟
عمر معصب ويناظر ثامر : الصور وين مكانهم ؟؟!
ثامر ناظرهم ببرود : لاتتنازلون والصور مو واصلين لهااا!
عمر عصب : بقتل انا هنااا
ثامر : هههههههههه اذا فيك خير سوهاا
ياسر ناظر عمرودفة مع ايدة يعني اسكت،، وناظر ثامر : اسمعني اذا ماقلتلنا وين الصور بتسمع بخبر وفاة اهلك كلهم بنحرق بيتكم !؟
ثامر خاف يسوونها : خلاص بقول الصور تحصلونها بغرفتي وباالدرج
ناظرة ياسر بتحدي : ياويلك اذا كان عندك نسخ وماقلتلنا عليهاا بنضاعف لك السجن الى سبع سنوات!
ثامر خااف وبصوت حزين : لالالا بقول عندي نسخ بشقتي اللي مع الشباب ، وبغرفتي بالبيت بوصف لكم شقة الشباب وروحوا لها
ياسر ابتسم : زين وصف لنا ؟
وبعد ماوصف لهم ،، انتهت الزيارة وكلموا الشرطي على انهم يفتشون البيت ودخلوا عمر وياسر وحصلوا الصور بغرفة ثامر كثيرة
وراحوا لشقة الشباب اللي وصفها لهم ثامر ، وفتشوها ماخلوا شي وحصلوا الصور واخذوهم معهم ،، ومن قبل اخذوا الصور اللي
مع البنت ............
وعمر اخذ ياسر معة للبيت يعزمة على العشاء ويشكرة على اللي سواة معة ،،،
واخذ الصور هو وثامر وحرقوهم باالنار ورجعوا للمجلس يتعشون
وبعد ،،،،،،، ماطلع ياسر من عند عمر راح عمر لغرفة دلال ....
وطق الباب عليها وفتحتة وناظرها بنظرة استحقار والتفت وسكر الباب وجلس على السرير وناظرها وابتسم : اجلسي اكلمك
دلال ناظرت عيونة وهي خايفة منة : وش فية
عمر يبتسم : الحمدلله انحلت مشكلة الصور وطلعناها وحرقناها ارتاحي وساعدني ياسر الله يعافية بخطتة
دلال رمشت بعيونها وقربت لعمر : صااادق
عمر اخذ نفس : ايوة صادق والولد باالسجن
دلال اخذت نفس برتياح : الحمدلله الله يعافيك
عمر ناظر عيونها بتسأأأل : كيف طلعتي معة ؟!
دلال ناظرتة وتجمعت الدموع بعيونها : وحدة صورتني باالجامعة وعطت ثامر الصور وهو وراني الصور وبدا يهددني فيهم
وانا طلعت معة ودخلني للشقة باالغصب وماكنت ادري انة يصورني
عمر : الحمدلله المرة هذي عدت على خير وانتبهي لنفسك المرة الثانية
دلال ناظرتة وابتسمت بفرح: مشكور ياعمر
عمر ابتسم : العفو
************************************************** *********************
** في بيت ابو تركي**
تركي يكلم طارق باالجوال : ااية الحمدلله جهزنا كل شي
طارق : اية بعد الزواج بسافر ادرس دكتوراة تروح معي ؟
تركي : تدرس دكتوراة برااا ؟
طارق : ااية اتمنى اكون دكتور وابي اختك تروح معي؟!
تركي ابتسم : على راحتك وانا مااروح معكم بس شسوي ببوي هههههههههه
طارق : ناخذة معنا ههههههههههه
تركي : هههههههههه رحلة هي ! لاانا صعبة ابوي مقدر اخلية
طارق : على راحتك
(( عمرو تركي وطارق تخرجوا من الجامعة ))
************************************************** **************************
رحـــــــــــــــــ؛ْ~ٍ"ــــــــــــــــاب واسمها ،، الجديد ......فجر .........!!!
{{{{{ انـــْ،؛ـــا فـــ؛ُْــــي وســــُْ,,‘’؛؛ـــــــــــــــــــــط الضيـــــــــــْ’,‘؛,ٌْـــــــــــــاع ....
اسبــــْ،؛‘~‘؛,ْــــــــــــــــح وامــــــــــــــــــــــ؛~ْ,"؛’؛‘ًٍُِ‘ْــــــرح باالجـــــــــــــــــــْ؛"‘؛ــــــــروح ........
والالـــــــــــ؛‘؛ْـــــــــــــم يقتـــــــ؛‘؛ْـــــــــــــل قلـــــــــ؛‘"ْ؛ـــــــــــــــبي ويلـــــــــــــــ؛‘ٍُِْ،"؛ـــــــــــــوح ......}}}}
في الاستراحة
(( رحاب طول اليوم تشتغل بالاستراحة تنضف وتغسل الصحون وتغسل الفرش وتسقي الحديقة وتكنس وتمسح وتعبت من الشغل ))
( وبعد ماخلصت رحاب شغل دخلت الحمام تتحمم وغسلت ملابسها اللي عليها ولبستها ،
وبعد ماتحممت وطلعت ، وهي باالغرفة تحس بارتياح ....
المغرب الساعة السابعة ،،،
نواف جالس ومعة الشباب بغرفة الجلوس وقام يروح لرحاب : فجررر
جت لة : نعم
نواف مسكها ودفها وطاحت على الارض : وين الشااهي بسرعة سوية
رحاب : طيب ، ،، وقامت و وراحت للمطبخ وسوت الشاهي وعطتة نواف
وراحت للمطبخ واخذت من الثلاجة عصير واخبز وجبن وراح لغرفتها وسكرت الباب
وجلست تاكل لانها ميتة جوع.....
عندهم بغرفة الجلوس
الشباب،، نواف : ههههههههههه اقولك ماتتذكر اسمها هههههه وسميتها فجر ،،
واقولها افصخي عبايتك وتقول لا متمسكه فيها احسن لها ولنااا
مهند : يؤيؤ خلها تجي هنا وونسولف معها هههههههههههه
نواف ناظرة وعقد حواجبة : وش قصدك !؟
مهند : قصدي انة تجلس معنا
نواف : لالالالا مستحيل انا جايبها عشان تخدمنا ،، وناظرة بستحقار : اذا نواياك شينة استراحتي تتعذرك
مهند ناظرة وابتسم : لالا يابو الشباب لاتزعل مني خلاص مو جايب طاريها ولاتزعل
نواف : كذااا حلوو
************************************************** ****
في اليوم الثاني
بالاستراحة ،،،
الصبح الساعة 10 دخل مهند الاستراحة بدون استاذان وهو عارف ان نواف مايجي هاالوقت ،
دخل يدور رحاب
دخل للمطبخ شافها ترتب وقرب لها : انتي فجر
ناظرتة رحاب بخوف وفتحت عيونها ومشت بتطلع من المطبخ
مسكها مع ايدها وسحبها لة وهي انرعبت وبدت تنتفض وتجمعت بعيونها الدموع وسحبت ايدها منة بكل قوتها وركضت للغرفة ،
ودخلت وقفلت عليها الباب، بسرعة وهي تتنفس بقوة وخايفة واسندت ضهرها على الباب وهي تبكي بحرقة ،،
ومهند يطق الباب عليهاا بكل قوتة ويتكلم بنبرة صوتة الخشنة : افتحـــــــــــــــــي الباب ولاكسرتة عليك !
رحاب يرتجف جسمها منة بخوف وتعض شفايفها بتوتر وهي ماسكة الباب بيدينها وتبكي وتشاهق
وماراح مهند الا بعد ساعة ،، ورحاب ماطلعت من الغرفة الا لما سمعت صوت نواف جاي ...
************************************************** *
في بيت ابو عمر
ام عمر جالسة باالصالة
ام عمر وهي تنزل بيالة الشاهي من ايدها : عمر اقهر ابوك همشني ومااقال لي ان البنت اللي زوجناك اياها مالها اصل
وانا بقهرة سافر وكمل دراستك وبدون ماتشاورة !
عمر فتح عيونه وناضرها : يمة صعبة مااشاورة تعرفين ابوي كيف اذاا عصب خلاص انسي اللي صار واذا انا بسافر ابي اسافر
بس اقولة عشان مااقطع دراستي وارجع
ام عمر : عشانك بس قولة ، وناظرتة تبتسم
عمر : تسلمين لي يالغالية
**************************************************
بالاستراحة
الصبح الساعة 7
رحاب سمعت صوت سيارة نواف تشغل وانتظرت شوي لمن سمعت صوتها تمشي
وطلعت وحاطة في بالها الهروب .. وفتحت باب الشارع وهي تناظر الشارع وطلعت وسكرت الباب
ومشت وهي تناظر الشارع بخوف وتمشي وتمشي وماتدري وين تروح !!...
ومشت تقريبا نص ساعة ،، وشافت بيت حلو وطقت الباب عليهم ......
تفكر : وش اقول لهم بقولهم انا ضايعة وناسية كل شي !....
************************************************** ********
رحاب اللي طقت عليهم الباب بيستقبلونها او لا ؟؟ وكيف بتكون حياتها معهم ؟؟
عمر هل بيسافر لامريكا يدرس ؟؟
وطارق وعهود بيسافرون لامريكا هل يلتقون مع عمر وايش ممكن يصير ؟؟
انتظروني باالجــــــــــــــــزء الـــــــــســــــــابـــــــــع
************************************************** ********
روايــــــــــــــــــــ*$#ٌٍُِِْْـــــــــة *ٌٌ،؛<&%$##ٍْ~‘~ سقطـــــت بأخطـــــــــ*ْ~ْ~ــــائـــي <~*‘ًٌُ#$
وتعذبت بأســـــــــ*ْ~ٌـــــــــوار ضيـــــــ*ْ~ًٌ~ــــــــــــاعي *~ٌٍ،،<$#~
*ٌٌ،؛<&%$##ٍْ~‘~ خيـــــــــــــــاليــــــة واجتمـــــــــاعيـــــــة مشــــــــــــــــــــــــوقــــــة *ٌٌ،؛<&%$##ٍْ~‘~
للكاتبة ،،~~$ عيون الخــــــــيال ~ٌٍ$
~ٍُْْ**~ْ****’’ **الجـــــــــــــــــزء الســــــــــــــــابــــــــــع**’’ ****,,’ْ~**ُْْ~
ومشت تقريبا نص ساعة ،، وشافت بيت حلو وطقت الباب عليهم ......
تفكر : وش اقول لهم بقولهم انا ضايعة وناسية كل شي !....
تناظر بعيونها الباب بقلق وخوف
ضغطت باصابعها على الجرس ونزلت ايدها ،، وشبكت ايديها مع بعض بتوتر
انفتح الباب واللي وراء الباب يناظرها ولابسة طرحة لافتها على راسها : نعم من عند الباب
رحاب ناضرتها بخوف وتفكر ايش تقول ،، وتشجعت : انا وحدة من قرايبكم وجاية من بعيد ومالي احد اجلس عندة
فتحت الباب اكثر وناظرتها العجوز بتجعد وجهها : ياهلا فيك تفضلي
رحاب دخلت من عند الباب والعجوز تناظرها بتفحص وسكرت الباب بعد مادخلت رحاب
العجوز : ياهلا فيك وش اسمك يابنتي ؟
ناظرتها رحاب وهي عليها عبايتها وفتحت نقابها بيدينها : اسمي فجر ! ،، وطلعت عيونها وهي ترمش
ناظرتها العجوز : فجر من وين جااية؟؟
رحاب ناظرتها بخوف ايش بترد عليها : انا متوفي زوجي وصارت لي ضروف صعبة نستني فيها اهلي وفقدة فيها الذاكرة
واللي تذكرتة هو انتي !؟
ابتسمت العجوز بوجة رحاب : ياعمري انتي يابنيتي تفضلي ادخلي يافجر نتكلم دااخل
رحاب ابتسمت بفرح وارتياح من كل قلبها ، ومشت معها لداخل
************************************************** *
في مزرعة ام حسن
ام حسن جالسة مع حسن بغرفتة تكلمة ،،
حسن جلس على السرير بتوتر وناظر بعيون امة : يمة ارجوك لاتضغطين علي مااقدر اتزوج وحدة مااحبها
ام حسن قربت لة وناظرت عيونة وحطت ايدها على كتفة : ياوليدي انا ابي مصلحتك
حسن رفع راسة يناظرها وشبك ايدينة : انا اعرف مصلحتي زين
التفتت تناظر المراية : لاماتعرف مصلحتك والدليل انك مانسيت رحاب للحين؟!
التفت حسن يناظرها وفتح فمة : لايمة مو هذا السبب انا ماابغى هند ماحبيتها بس هذي هي الحكاية ،، والتفت عنها ومد بوزة
ناظرتة بعتب : ولية وش فيها ،، وتاشر بيدها علية ،: هند ناقصها شي ،، اخذت نفس وطلعت من الغرفة وهي معصبة
حسن قام من السرير ووقف ،، يناظرها وهي تطلع : لية عصبت لهدرجة تحب هند وتغليها ، خلني اروح الحقها قبل تاخذ بخاطرهاا مني
،، لحق امة يراضيها ،،
************************************************** ***
في بيت ابو تركي
************************************************** *
واقتـــــــرب الرحـــــيل ..... وحــــــان الــــــــوداع ......
************************************************** **
الشناط عند الباب متجهزين للسفر لامريكاا ،، طارق بيسافر يدرس دكتوراة،، وعهود بتدرس جامعة هناك ،،
تركي واقف يناظر طارق وعهود وابوة ،، لابس ثوب ابيض وشماغة على راسة ولابس غترة ، وطالع شكلة حلو
طارق يمسك بكتوف تركي : والله بفقدك بس كل سنة بنحاول نجي نشوفكم ، ،،، وطارق لابس بنطلون جنز وبلوزة سوداء رسمية وحلوة
تركي مسك كتوف طارق وضمة لصدرة : والله بفقدك ياااغلى اصدقائي بفقدك حيل ،، وتسيل دموعة على خدة بحرقة
طارق مسكة اكثر : وانا بفقدك اكثر وبشتاقلك
تركي بين دموعة : الله الله بختي مااوصيك على عهود
طارق ابتسم وعيونة ترمش: لاتوصي حريص اختك بعيوني
وعهود قربت لهم : ابعد ياطارق خلني اشبع من اخوي ،، ودموعها تسيل على خدها ،، عهود لابسة عبايتها على الكتف ولابسة طرحة
ولافتها على راسها وراسمة على عيونها كحل وحاطة على شفايفها المرسومة ، روج فوشي ..
طارق يناظرها ويضحك : ههههههه خليني اشبع من اخوك
عهود تدفة من كتفة بمزح وتضحك : ههههه اقول ابعد
طارق غمز لها بعيونها وابتسم : هههههههه اعلمك باالطيارة كيف تدفيني
عهود تضحك وتحمر خدودها : هههههههه لالا ،، والتفتت لتركي تناظرة : تركي والله بفقدك بروحتنا
تركي ابتسم ودمعت عيونة : وانا اكثر ياعهود
سلمواا على بعض وسلمت عهود على ابوها ... وطلعواا،،
وركب طارق تاكسي يوصلة للمطار ،،
*******************************************
رحاب ... واسمها الجديد ... فجـــــــر ...
وحــــــياتهــــا الجديدة كــــــــيـــــــــف ســــتـــــــــكــــــون ...
... مــــتشـــــتتة انـــــــا لا اعـــــرف ... مــــن اكــــــــــون
....... ولاأأيـــــــن اذهـــــــب ........
**************************************************
بعد مادخلت رحاب لصالة مع الحرمة الكبيرة ،،
ناظرت رحاب بعيونها الصالة فيها كنب مرتب وحلو .. وناظرت بعيونها العجوز بتوتر
العجوز : تعالي اجلسي ، مشت وجلست على الكنب واخذت نفس
ورحاب مشت وجلست جنبها على الكنب وناظرتها
العجوز تمسح على كتوفها : قوليلي قصتك يابنيتي ،، ووضح على الحرمة طيبة قلبها
ارتاحت رحاب وابتسمت بوجها وهي تكذب ،، : انا اول تزوجت واحد من العائلة بس هو من منطقة بالمملكة بعيدة عن الرياض
وكان يضربني وشك فيني مرة وكان معصب وارسلني للبر وظربني وهرب عني بسيارتة وانا بقيت بلبر ومشيت
ودخلت استراحة كان فيها شباب بعد ماكلت عندهم هربت على طول وجيت لبيتكم هو اللي تذكرتة واول ماشفتك
ولاني فقدة الذاكرة ،، وناسية من اكون بس بعد ماشفت وجهك كني اعرفك بس مدري وين شايفتك
العجوز شكت باالامر : يعني ماتتذكرين اسمك ؟!
رحاب بخوف : مااذكر اسمي وفجر اسم وهمي بس وجهك يذكرني بشي ،، اخذت نفس ،، : ايش هو الله اعلم
العجوز ابتسمت : عموما البيت بيتك ومتى ماتذكرتي شي خبريني والحين اروح انادي اللي في البيت اعرفك عليهم
رحاب ابتسمت وهي تناظرها برتياح : مشكورة يااخالتي
العجوز التفتت تناظرها وهي تبتسم : العفو .. وعطتها ظهرها وهي تمشي،، ورحاب تناظرها بقلق من اللي بتعرفهم عليها ،،
************************************************** ************
في بيت ابو عمر
**************************
وينســــــــــى كل افعـــــالة ..
*************************
ابو عمر جالس على الكنب ولابس ثوب وغترة وفوق راسة الغترة يناظر عمر وترمش عيونة : انا مستعجل بطلع مصر على السفر
لامريكا ..
عمر يناظرة بحماس : ايوة يبة مصر لية ماتبيني اكون دكتور
ابو عمر قام واقف ويناظرة وياشر بيدة علية : والله مادري عنك وعن تفكيرك بس انتبة لا زم تكون ملتزم ولاتسوي شي
لانهم مايحبون المسلمين واذا مسكوا علية زلة ياويلك يسجنونك ومايرحمون احد احذرك واذا منت قد الالتزام بالقوانين
لاتفكر تسافر تكمل دراستك
عمر ناظرة واخذ نفس وقام واقف قدام ابوة : يبة لا ان شاءالله بلتزم لاتخاف
ابو عمر : انا حضرتك واذا سويت شي ترا مالي خص
ام عمر تناظرة وهي معصبة : بسم الله على ولدي لاتفاول علية
ابوعمر : لالاماافاولت علية بس ابية يكون حذر والله الله بالصلاة يالله انا طالع
مشاء شوي والتفت لعمر : الا متى طيارتك
عمر يناظرة : بكراا
ابوعمر : زين .. وطلع
وعمر وام عمر جلسوا على الكنب يكملون سوالفهم
دخلت عليهم دلال ، لابسة بنطلون جنز وبلوزة لونها عنابي واكمامها قصيرة وفالة شعرها : السلام عليكم
كلهم : وعليكم السلام
دلال جلست على الكنب وعمر يناظرها : وشخبارك
دلال ابتسمت : تمام
عمرقام وجلس بجنبها وهو يبتسم بمرح : شفتي اخوك بيسافر لامريكا يكمل درااستة
دلال فتحت عيونها وترمش : صدق هاالكلام
عمر : ايوة صدق هههههههههه تروحين معي ادرسي هناك جامعة احسن لك
دلال ابتسمت اكثر وطلعت اسنانها المصفوفة : واااو ياليت اروح بس كيف ابوي ،، ونزلت راسها : يرضى اروح لامريكا اكمل دراستي
عمر مسك ايديها : ايوة بيرضى لان معك اخوك ،، وغمز لها بعيونة الواسعة
ام عمر تناظرة وترمش ورفعت حواجبها : منت صاحي الحين انت تروح قلنا ميخالف بس دلال تروح لالالا
عمر راح لامة يبوس ايديها : تكفين يمة ارضي ان دلال تروح معي نتونس سواا باالغربة ،، وابتسم وهو يناظر دلال ويغمز لها بعيونة
الواسعة ويبتسم ،،
ام عمر ناظرته بعتب : مقدر اوافق اذا ابوك رضى انا ماعندي مانع
عمر باس ايدين امة وقام يرفع ايدينة لفوق ويرفع صوتة : وااااااافقت
ودلال قامت معة وهي ترفع ايدينها بمرح :ههههههههههه واخيراا باقي ابوي
************************************************** ***
طارق وعهود
**************************************************
صعدوا للطائرة وحلقت بهم الى مكان اخر بعيداً
عن الرياض .. وحلقت بهم مع حياة جديدة ومختلفة ...
**************************************************
طارق جالس على مقاعد الطيارة .. : عهود جوعانة شوفي المضيفة معها اكل ؟
عهود ناظرتة .. وهي لابسة طرحة على راسها وطالع وجهها باالحجاب .. : لالامااشتهي
طارق ناظرها ومسك ايدها : لية فيك شي ؟
عهود : لامافيني شي بس افكر ببوي وتركي
طارق ابتسم وهو يناظرها : لاعهودتي لايضيق صدرك حبيبتي كولي عشان صحتك
عهود ناظرتة : والله مالي نفس
طارق ابتسم : براحتك ،، يناظر الشباك وكل شي صغير باالكرة الارضية
************************************************** *****
في مزرعة ام حسن
في الصالة جالس حسن يراضي امة : يمة انا اسف موقصدي اني اعيب في البنت والنعم فيها وفي ابوها بس انا ماافكر في االزواج
ام حسن سحبت ايديها من حسن : لاماتفكر باالزواج ،، وناظرت عيونة بعتب ، : ولو اقولك بنخطب رحاب بتوافق صح
حسن استغرب من ردت فعلها : يمة البنت حبيتها ولو اعرف مكانها رحت لها تعلقت فيها وقلبي اللي حبهاا
ام حسن تسند ضهرها على الكنب : اية بس البنت اختفيت بتنتظرها ،، وابتسمت بسخرية ورفعت حاجبها ، : طول العمر ان شاءالله
حسن لمعت عيونة باالدموع : يمة ااية وعندي امل برجوعها !!؟
ام حسن ضغطت على اسنانها بعصبية : حتى لو رجعت ماراح ازوجك اياها ان مو موافقة
حسن : لية يمة حرام عليك
ام حسن : بتاخذ وحدة ماتربت اسمعني يمة خلني اخطبلك هند بنت ونعم االتربية
حسن تجمعت الدموع بعيونة : يمة اذا هذا اللي يرضيك اخطبيها ،، وياشر بيدة على امة ،، : بس حطي ببالك اني عمري ماراح احبهاا
ام حسن تبتسم : الحب بعد الزواج واذا تزوجتها بتحبها
حسن قام واقف وعطا امة ظهرة وهو يمشي : يصير خير
ام حسن تناظرة : الله يهديك
***********************************************
رحاب ـــــــــ
*******************************************
بعد مادخلت العجوز وكلمت اللي في البيت وعلمتهم كل شي قالتة رحاب ..
وقالتلهم استقبلوها زين حرام البنت وحيدة ،،
دخلت العجوز (( الجدة )) ومعها ثلاث حريم ..
سلموا على بعض ، وبعد السلام جلسوا على الكنب في الصالة
الجدة ام بدرية تناظر رحاب : يافجر بعرفك على بناتي هذي بدرية بنتي الكبيرة ((( شكل بدرية طولها متوسط وبشرتها بيضاء ومليانة
وعيونها صغيرة وخشمها صغير وشفايفها متوسط حجمها ومرسومة ولونها فوشي ،وشعرها اشقروناعم وقصير ،،وابتسامتها جذابة ،)))
: وهي مطلقة وساكنة عندي ومعها ولدها فارس يشتغل كبير عمرة 25 وهذي بنتها ،، تاشر بيدها عليها : شوق عمرها 22 تدرس
بالجامعة ،، (( شكل شوق طويلة ورشيقة وبشرتها حنطية وشعرها قصيروناعم وعيونها صغيرة وخشمها طويل وشفايفها مليانة
بحجم صغير ورسمت وجهها مفدورة وحلوة .. )))
الجدة ام بدرية ، وتاشر بيدها على نجود : هذي نجود اهلها متوفين بحادث يوم كانت صغيرة وانا اللي مربيتها ..
(( نجود شكلها . رشيقة ولون بشرتها بيضاء وعيونها واسعة وخشمها عادي وشفايفها مليانة وشعرها طويل وناعم ولونة اسود
وطويلة ورشيقة وابتسامتها حلوة ... ))
ناظرتهم رحاب وابتسمت : مشكورين ، ونزلت راسها ، الجدة ام بدرية : لاياحبيبتي لاتستحين ومسكت وجه رحاب بيديها المتجعدة
ورفعتة : انتي في بيتك واعتبرينا اهلك
دمعت عيون رحاب بحيرة وهي ماتدري من تكون : مشكورة ياخالتي والله معرف كيف بطلع من جزاكم الله يجزاكم خير
بدرية جت وجلست عندها : الله يحييك والبيت بيتك يافجر
رحاب استحت وحمر وجهها : مشكورة
قامت نجود واقفة قدام رحاب : فجر يالله قومي معنا نوريك غرفتنا وتغيرين ملابسك تعالي
فجر ابتسمت بوجهها : لااستحي اصعد فوق لغرفتكم
الجدة ام بدرية : لا تخليني ازعل منك قومي مع البنات وحنا بحسبت اهلك
رحاب ناظرتها بحياء : مشكورة ياخالتي
وقامت تروح مع البنات نجود وشوق ..لفوق لغرفتهم وعطوها ملابس وتحممت وغيرت ملابسها ..
************************************************** ********
وقعت الطيارة باالمطار ووصلت الى امريكا ...
طارق وعهـــود
************************************************** *********
طارق ماسك ايد عهود بيدة وشاد عليها ويناظرها : الحمدلله على السلامة
عهود تناظر عيونة وتقرب لة : الله يسلمك حبيبي
طارق يبتسم وهو يناظر الناس اللي حولة : يالله ننزل من الطيارة ، ومسك ايدها ومشوا مع بعض ينزلون
بعد مانزلوا راح ياخذ يدور سيارة اجرة توصلة لمكان الشقق
..(( وشاف واحد وتكلم معة انجليزي ..بس بكتب عربي هههههه))
طارق يناظرة: اريد ان توصلني الى اماكن الشقق
جون : حسنا تفضل
طارق : مااسمك؟
جون : اسمي جون وانا اسكن باالمدينة
طارق : اهلا بك انا اسمي طارق
جون وهو يصافحة : اهلابك هل انت مسلم ؟
طارق اتسعت عيونة الواسعة ويرمش بعيونة : نعم انا مسلم هل انت مسلم ؟؟!
جون : جميل يسرني التعرف اليك اجل انا مسلم ودخلت الاسلام من عشر سنوات
طارق ابتسم لة وهو يصافح ايدينة : جميل ماشاءالله ويشرفني التعرف اليك ،،
والتفت لعهود يناظرها بعيونة الواسعة : هذي زوجتي عهود
جون : ماشاءالله ،، وعهود سرحانة بطارق
جون : حسناًً ً تفضل الى السيارة لاوصلك
طارق ابتسم : حسنا ً شكرا لك هيا بنا ياعهود
ركبوا السيارة وراء طارق وعهود .. ودور طارق شقة واستأجر وحدة يسكنون فيها .. وجون صادق طارق ويدلة على أي مكان يبية
وشكرة طارق وجون قالة المكان اللي ساكن فية وانة مسلم هو وزوجتة ، وقالة ادعوكم للحضور الى بيتي لنتعرف على بعضنا اكثر،،
دخل طارق وعهود الشقة ......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك