رواية الفئة المجنونة -46
أختارت أجابة ( B ) وبصوت منخفض قالت "طبعا يكون ثاني أختيار لإنه يتكلم عن شخصين
والله القواعد إذا الواحد مايركز فيها راح يضيع ويتلخبط مرررة "
رجعت كملت باقي الأسئلة وهي مندمجة لكن قطع أفكارها صوت بكاء من وراها
التفتت لورى ولقت لمياء تصيح بدون صوت و دموعها مبلله الورقة
ياحيآآتي عليها شكلها مو عارفة تحل ولا فقرة
جات د إيمان ل لمياء وأعطتها مناديل وقالت: ليش تبكي يالمياء بوسط الأختبارات
لمياء وهي تمسح دموعها: مو عآرفة أحل يادكتورة والأسئلة كثيرة وتعبت مرة
وانا عند سؤال 15 وبقي ربع ساعة وينتهي الوقت وانا لسى ماخلصت ال 85
سؤال
سكتت الدكتورة والتفتت للقاعة ولقت المراقبات مشغولات مع البنات
وقالت وهي تتصفح في الأوراق بسرعة وبهمس:بسرعة أشري على B, A, A, C
أممممممم فكرت شوي وهي تقرأة السؤال بتركيز و راحت لقدام عند نسرين و ببتسامه قالت
وهي تاخذ ورقتها: ممكن شوي أشوف أجابتك
أعطتها نسرين الورقة وقالت:أتفضلي يادكتورة
رجعت لصفحات في البداية وقالت وهي تشوف أختيار نسرين و تهز راسها:ماشاء الله عليكي
أجوبتكي كلها صح شكلك تجيبي ال 100 كامله
أنبسطت نسرين وقالت:شكرا يادكتورة ريحتني والله
رجعت د إيمان و أعطت أجابة ل لمياء و تركتها تشوف أوضاع البنات
علشان المراقبات لايشكو بالأمر
ريحت يدها نسرين من التأشير و أخذت لها بريك لمدة دقيقة
عشان تكمل ال 20 السؤال
كانت قلقآنه جدا لإن أخوها قصي و أمها ماخبروها إيش عنده أبوها بضبط؟؟!!
و إيش سبب مرضة!!؟؟
نفضت هذي الأفكار من راسها حتى تخلص من أختبآرها
وهي تسمع صوت الوكيلة إللي واقفة عند الباب وتصرخ_: يالله يابنات بقي بس 10 دقايق
و نسحب الأوراق منكم.. لازم تتعودو عالسرعة لإن في أختبآر الهيئة راح تكون الأسئلة عن طريق
الكمبيوتر وإذا أنتهى الوقت راح ينطفي الجهآز من حاله
خافت نسرين من كلام الدكتورة وحلت 15 سؤال وهي بس تختآر عشوائي ومن راسها
وحدة من البنآت قالت :أمممم يابلة متى نعرف نتيجتنا بأختبار الأنجليزي
الوكيلة:أن شاء الله بكرة راح نحط أسماء البنات بالورقة مع نسبهم
عشان تعرفو مستواكم في الأنجليزي وهذا بس أختبآر تجريبي
وقفت نسرين وسلمت ورقتها للدكتورة وشالت شنطتها و أغراضها وطلعت من القآعه
تنتظر لميآء .. طلعت جوالها من شنطتها و أتصلت على هوازن
لكن مآردت.. رجعت أتصلت على أمها وقالت:هلا ماما كيفك؟؟!!
فوزية: الحمدالله تمآم.. كيف أختبارك اليوم؟
نسرين وهي تمشي في الممرات: الحمدالله تمام وحليت كويس..أمممم كيف صحة بابا
إيش قال لكم الدكتور؟؟
فوزية وهي تشوف الصنصير ينفتح ويطلع ممرض وهوا يسحب العربية : تمام الحمدالله أدعي
أنه ربي يشفية.. إذا خلصتي من دوامك روحي لبيت خالتك عشان مافي أحد في البيت
وانا أحتمال راح أقعد عن أبوكم في المستشفى
بقلق قالت نسرين: و إنتي كلمتي هوازن؟؟!!
فوزية :كلمتها و أعطيتها خبر بإنها ماتقعد في البيت لحالها.. يالله ياحبيبتي ماأبغى
أشغلك عن دراستك مع سلامة
نسرين وهي قلبها مع أبوها: طيب أيشبو ب.......
قفلت الخط و اتنهدت نسرين بقلق.. الله أجعله خييير يارب..
نزلت من درج بهدوء و دخلت عالأستراحة وهي لابسة تنورة طويلة
سودة غجرية وبلوزة سودة ماسكة عالجسمها ومزركشة بالون الأحمر
تآركة شعرها الحريري مفتوح وعالجنب وردة حمرة مثبتتها بالبنسة
وعقد من اللولو الملون على رقبتها
راحت عالكفتيريا وطلبت قهوة تركية وسندوشت بسبانخ
و دفعت الحسآب و طلعت جوالها و اتصلت: وينك ديما أنا في الكفتيريا تحت؟
_: تقدري تجي على قاعتي ؟؟
نسرين وهي تأشر ل لمياء بإنها تجي عندها : طيب راح أجي تبي شئ من الكفتيريا قبل لاأطلع
_:أممممم بس هاتي علبه مويه معآكي؟؟
أشترت نسرين موية وحطتها في شنطة مع السندوشت و راحت عند لمياء إللي كانت متضايقة
وهي تمسح عيونها من الدموع: هلا لمياء كيف الأختبارات معاكي؟
لمياء بسخرية:هذا يعتمد على أجابتك ياحبيبتي ويعتمد على نقل الدكتورة
بس الله يستر من نسبتي
نسرين:إنتي في إيش مو فاهمة في الأنجليزي؟؟
لمياء:أنا أفهم في الأنجليزي شوي بس من ناحية القواعد مرة مابعرف لإنه صعب مرة
وشفتي إنتي كيف اليوم الأختبآر شكلي راح أجيب العيد
بس أنا كلمت وحدة من البنات إللي أجتازت أختبار الهيئة
وقالت آنه العام الماضي كانت المديرة بتحآول تنجح البنات بأي طرق
حتى خلت البنت شاطرة تدخل الأختبار بدل الكسلانه إللي مثلي
نسرين:لاتحكمي على نفسك بإنك كسلانه.. بكرة راح تتطلع النتيجة
و ان شاء الله نسبتك تكون فوق ال 70
سكتت لمياء وقالت: إذا وحدة دخلت الأختبار بدالي وهي تستخدم أسمي
لإن هناك المشرفين مافي أحد يعرفنا
خافت نسرين وقالت:ماتخافي أنه البنت إللي تدخل بدالك تنكشف وإنتي تروحي فيها؟؟
لمياء: ولا أخلي أبويه يدفع لهم فلوس كثير وبنهآية آرسب ومراح أنجح
بس أشوف وحدة مصرية في الأنجليزي وانا أعطيها إللي تبي
بس تنجحني
\
\
\
_: و الحين ليش هذي الدموووع..!!؟؟
مسحت دموعها نسرين بوسط الأزعاج والطرب إللي بيصير في القاعة:تقولي أنه أبوها ماخذ سلف
من البنك بس عشان مستقبلها في كلية وهي ماتبغى تكسر من خاطر أبوها وترسب في الأنجليزي
جاوبت عليها وانا أجلس بأخر القاعة واحط يدي بأذني: طيب إذا ماتبغى تزعل أبوها خليها تذاكر
وتحفظ الكتاب زي أسمها وان شاء الله تعبها مايروح..وبعدين أنتي ليش تبكي
و إيش دخلك في الموضوع؟
ردت وحدة من البنات إللي كانو يطلبو و يصفقو ويغنو بصوت عالي لإن وحدة من البنات
فسخت خطبتها بعد ماطال فترة خطوبتها لولد عمتها 5سنين
وهوا مو علقها مو راضي يتقدم او يتحرك مع أهله
: يالله ياديما تعالي أنبسطي معانا وشاركينا في الغناء
رفعت صوتي وانا اشر بيدي بمعنه" أصبري":ثواني راح اجي بس بالله
لاتغنو أغنيه قم قم ل راشد الماجد
كملت كلامها نسرين وهي تناظرني بكسرة :عالشان كسرت خاطري إنتي
ماشفتيها كيف تبكي وتصيح في القاعه والدكتورة أيمان ساعدتها بس أنا فكرت وقلت
أبغاها تنجح بأختبار الهيئة بأي طريقة
صفقت وانا ميته ضحك وقلت:اهم شئ تنجح بأي طريقة جبتي الحل يانتوس!!؟؟
وبعدين إذا هي مو شاطرة في الأنجليزي ليش دخلت الكلية صحية واختارت قسم مساعد أسنان
وهي عارفة آنه قسم الأسنان كله أنجليزي في أنجليزي
نسرين :أبوها يبغاها تدرس عشان تتوظف بسرعة وبعدين قالت أمكن راح تغير تخصصها
وتختآر قسم سجلات طبية لإن القسم سهل وبسيط لإنها
تحفظ كثير أكثر من الفهم والقواعد الأنجليزيه كلها فهم وتركيز
عكفت إيديني وانا اناظر في البنات وهما مشغلين الاب توب ورافعين الصوت باغنيه
" خليك جنبي" بتصفيق البنات و رقص البنات وهما رابطين الطرح بوسطهم: والله مااعرف
إيش أقولك يانسرين لإن الحين انا مبسوطة و فيني حماس ورجة و جنون
بغني مع البنات و أرقص
مسكت يدي وبترجي :طيب إيش راح أسوي احس نفسي عاجزة و ودي أبكي لإن شخص يحتاج
للمساعدة وانا مااقدر اسوي شئ
_: إلا تقدري تسوي شئ تفتحي دماغها وتدخلي المعلومات براسها ههههههههه
إذا مرررة خايفه عليها وعلى مصلحتها روحي عندها البيت وذاكري لها الدروس
سكت وانا اناظرها والدمعه عالقه بعيونها : وبعدين مسحي دموع البنات مدلعات
ومتى الأختبآر أن شاء الله
ببتسامة واسعه وهي تمسح دموعها:الثلاثاء الجآي؟؟!!
_:الله يوفقها ان شاء الله و يوفقك..يالله خلينا نروح عند البنات
تحركنا من مكاننا ونحنا نروح عند البنات وقالت نسرين: ترى بابا تعبان في المستشفى ومو عارفة
إيش فيه وماما مو راضية تتكلم حاسة نفسي بنجن و بصيح بنفس الوقت لو صار فيه شئ
بس بحاول امسك دمعتي واكابر ولا انزلها علشان البنات لايشكو
مارديت على كلامها لإننا وصلنا عند البنات.. وانا اصرخ واقاطعهم بإنهم يعملو Stop
و يشغلو اغنيتي إللي أحبها
قوم علم الصبح وش البارحة قلنا ... خله يقول للعواذل ماتصافينا
حتى يعرفون يوم انا تزاعلنا ... نبغي نزود قهرهم لاتراضينا
حنا شربنا الغلا حتى تمايلنا .. من نشوة الحب تدفعنا خطاوينا
تكسب تعاطفنا للحب بتعادلنا .. وهروج حسادنا مااثرت فينا
ياما وياما حكو لكن تجاهلنا ...تلامس احساسنا يسبق خطاوينا
من من بدهم في الوفاء حنا تاهلنا... يسرق يدين التجافي من تسامينا
كانت نسرين جالسة عالكرسي بجوار الاب توب وهي تصفق لاكن إللي يناظر بعيونها
يعرف بأنها مو معانا.. وبتفكر بشئ ثاني
كانت خايفة على ابوها إذا صار فيه شئ
مهما كانت معامته معاها زفتتته بس هي تشوف نفسها تستاهل إللي جاها واكثر بعد
فتحت شنطتها وطلعت المراية وهي تشوف العدسة زرقة اتحركت من مكانها ولا لأ
فتحت جوالها وهي تسترخي بجلستها و أرسلت مسج ل سماهر تعزمها ب عيد ميلاد هوازن
وفكرت ترسل ل فاطمة ولا لأ.. لإن علاقتها حتى الحين متدهورة ومهزوة
حبت ترسل لها رساله عادية
يابحر كان انت موجك تساهلنا .. بالحب نبحر ونمسي في موانينا
روض المحبين محمي في مداهلنا ... و زهور الأشواق تنبت في مراعينا
حنا حنا الشرف والنقا ونشرف اهلنا... عن الرذيلة على النايف تعلينا
ياضامي الحب اروتنا مناهلنا.. اذا طوانا هجير البعد تسقينا
والسالفه كلها يوم تزاعلنا كلها ... علشان نقهرهم تراضينا
~ $ (( deema ))$ ~
(($~ الفئة مجنونة ~$))
~ $ (( deema ))$ ~
تك .. تك .. تك
تك ..تك
كان هذا صوت عقرب الساعة وهي تتحرك وتدخل على 11
بعد ماهدئت غالية من زعلها و راضت بكلمتين حلوة من مهند
و اصاله سوت لها صينيه حلا "أم علي "
و أكلت غالية الحلا وهي مستمتعه بحكاااوي مهند إللي يصير في مدرسة
ويتكلم عن حلمة و مستقبله
وهوا يبغى يبتعث للخارج عشان الطب
واصاله قررت تكمل تسجل في التحفيظ إللي بالحارة في الترم الثاني
بعد ماتخلص عدتها
وكانت رافضة فكرة دراستها ..بس امها غالية شديدة في مسألة الدراسة والشهادة
قالت غالية بهدوء بعد ماحست انه الوقت مناسب بإنها تتكلم: ترى أعمامك حجزوكي لسيف ولد عمك
وهما حابين بإنك تتزوجي سيف و تستقري في سكاكا
وانا عارفة أنه سيف ولد عمك وهوا راح يصونك ويحبك
سكتت اصاله بصدمة.. كان كلام امها مثل الصدمة على كلامها
لمن تكون مبسوطة ونفسيتها منشرحة
لازم احد يكدر خاطرها و يزعلها حبتين
يعني هما نزلو مكة في العيد على بالها بإنهم يسو عمره
ويطمنو عليها
وبالأخيييير تكتشف أنه سبب جيتهم هي مسأله خطوبه
وانهم ينتظروها حتى تخلص من عدتها
بكل برود قالت وهي تاكل من الحلا:اصلا ماابغى اتزوج ولا اعرس
وبعدين انتو تبغو تزوجوني غصبن عني
بسرعة قالت غاليه:لااااااا من قالك أصلا إذا ماتبي مافي احد راح يزعل او ياخذ من خاطره
وانتي عارفة اعمامك عقال ومتفاهمين والزواج قسمة ونصيب
بحيرة قال مهند وهوا مو عاجبة تكون اخته بأسم ( مطلقه ): وليش رافضة ولد عمك سيف
ترى رجال وماله عيب..خذيه احسن لك
أصاله: لاتتفلفس فوق راسي إذا تبغىا خذه وانا قلت ماابغى اتزوج ولا اعرس ولا ابغى شئ
كانت عارفة غالية بإن اصاله مراح توااافق
لإن زواجها الأول من ابو مسفر
ترك لها عقدة نفسية من زواااج
وهي جاهله بهذي الأمور ولا متعلمة ولا فاهمة
صح عندها شهادة المتوسطة ودرست أولى ثانوي بس الترم الأول
لكن بداخلها وبتفكيرها
طفللله صغيييييرة
وهي متعقدة بالمرررة من الزواج
قالت لها :براحتك إذا ماتبغي ولد عمك بس ه....
قاطعتها اصاله وقالت وكأنها تسبقها بالكلام: حتى كمان ماابغاهم يحجزوني أو اكون محيرة لولد عمي
زوااااج مني متزوجة
ماعلقت غالية على كلامها لإن هذا قرار بنتها وراح تحترمة ولا تغصبها على شئ
اخذت جوالها واتصلت على ام سيف
\
\
\
\
ب سكاكا
كانو الحريم قاعدين وهما يشربو القهوة و يتكلمو
دخلت رضوة ببتسامة وهي شايله علبة الشوكلاته
كانت لابسة تنورة طويلة
وبلوزة طويلة بأكمام وفوقه بدي عودي
: يعطيكم العافية طلبت من سعد يشترلي هذي الشوكلاته من سبور ماركت وحبيت تشاركوني فيها
ام سيف: يعطيكي العافية يارضوة ماشاء الله عليها هذي البنت طائعه وبتسمع الكلام
ان شاء الله نفرح فيها ونزفها لزوجها
اتوردت خدودها وجلست قبالهم ببتسامة وهي تسمع لكلامهم
بس ضاق خلقها لمن فتحو سالفة خطبة أصاله و سيف
وكانو يتكلمو على أصاله وهما حزنانين عليها
وخصوصا من حياتها إللي انظلمت و اتسودت بعد وفاة ابوها
وكانو متفائلين من سيف لإنه راح يسعدها ويعيشها على كفوف الراحة
رن جوال أم سيف و ردت هي تهلي وترحب بأم مهند
دخلت مهجة المجلس وقالت وهي تشيل عبايتها:يمه بروح البيت لإني تعبانه وفيني نوم
أم رضوة:أصبري لاتروحي بهذا الوقت في ليل حتى مايجي ابوكي وياخذنا من هنا
بضجر قالت مهجة:بس تعباااانه وابغى اناام وبكرة عندي مدرسة و أذاعة ولازم اصحي بدري
أشرت لها أم رضوة عالكنب: نامي هنا و إذا جاء ابوكي صحيناكي
راحت مهجة للكنب وانسدحت وهي تغطي روحها بالعباية وتنآم
أم سيف: والله صدمتني بكلامك ياغالية بس بنتك مالها عذر والله من بعد زواجها لشيبة
حسبي يالله عليه عقد البنت من الزواج
غالية: هي ان شاء الله فترة وتعدي لإنكم انتو استعجلتو بخطبة مررة وهي ماخلصت عدتها
أم سيف: والله انا حابتها لولدي سيف لإنه موظف وماسك شغله و سلطان لسه في الجامعه
وتوه صغير على المسؤولية و الزواج
غالية: على قولك.. الله يقدم إللي بالخير واعطي خبر لأبو سيف لإني منحرجة والله
بإن بنتي رفضت ولدكم
ام سيف:عاااد وش دعوة تنحرجي.. اصاله بنتنا وبعيوننا ومن حقها توافق ومن حقها ترفض
وانا اقولك ياغالية انا كلمت ابو سيف وقلت له ترى البنت متعقدة بمسأله الزواج
صعبه بإننا نخطبها وهي اطلقت من شهر
بس هوا اصر وسوى اللي براسه
غالية: من حقه يسوي ياأم سيف لإنه قلقان كثير وخايف على مستقبل اصاله
وهوا مايبغاها تقعد مطلقه
كانت رضوة طايرة من الفرح ومبسوطة مرررة
بإن أصاله رفضت سيف
حست بإن الحواجز راحت من طريقها
هوا مايعرف ولا عنده خبر
بإن بنت عمه تحبه
بس اكيد راح يعرف لمن تتزوج من سيف
متأكدة 100 بإنه نصيبها هوا سيف
لإنها البنت الكبيرة وهي تكون ملائمة له
مستحيل يخطبوه ل مهجة لإنها بعمر اصاله وبتكمل دراستها
قالت لام سيف بسرعه:خاله خاااله ودي أكلم أصاله؟؟
اعطتها الجوال أم سيف.. وطلعت من المجلس و في شفايفها أبتسامة لعوب
:ألووو..هلا خاله كيفك؟؟
غالية:تمام الحمدالله بصحة وعافيه..إيش أخبارك وكيف دراستك بالجامعة؟؟؟
رضوة:والله تمام الحمدالله..أمم خاله لوسمحتي ممكن أكلم أصالة؟
غالية:طيب ثواني
_:هلا رضوة أخبارك ؟؟
رضوة: تمام الحمدالله..صح الخبر إللي سمعته من الحريم بإنك رفضتي سيف
أستغربت أصاله من كلامها وقالت :أيوة رفضته ما أبغى أتزوج حاليا
حابة اعيش مستقرة عند أهلي
"أي حياة أستقرار تتكلمي عنه ياأصاله وانتو ضروفكم ..هه اللهم لاشماته ":
أمممممم والدراسة مراح تكمليها..صح إنتي راح تعيدي أولى ثانوي
أصالة:للأسف أيوة..أصلا انا ماودي اكمل دراستي بس ماما مصره
إني أخذ الشهادة.. الله يكون بعوني يارب
رضوة بشماته :على قولك الله يكون بعونك..بس يالله حبيت اتاكد منك الخبر
واعرف أنك إنتي رفضته او احد جابرك
أصاله وهي تذكرها بالكلام :لايروح بالك بعيد..أنا رفضته لإنو مايستاهلني مو صح
رضوة:وش دعوة يابنت العم في أح....
قاطعتها أصاله بضيق وقالت بكذب:وحدة من صحبات ماما متصلة يالله مع سلامة
مااعطتها مجال وقفلت الخط بدون ماتسمع ردها
لااا يا أصاله.. لا تزعلي ولاتنكدي بسبب بنت عمك
هي لا راح تجي ولا راح تروح
ولا أنسانه مهمه بحياتك
دخلت رضوة المجلس وهي تغني بهدوء:عزة يا قلبي من الهم عزة
من يواسي دمعتي قال خير ..
ام سيف : حتى سيف كان رافض بإنه ياخذها
يقول البنت هذي كنت اشيلها وهي بالكوفله والحين تصير عروستي
بس ابوه خاصمة وقاله تشيلها بالكوفله وتشيل بعد عيالك و احفادك
ولو تشوفي سيف كيف متضايق وشايل هموم الدنيا فوق راسه
انا قلت له " انت ماتبغاها لإنها مطلقه" قال لي" الطلاق مو عيب
بس اصاله صغيرة لسه وابغاها تكمل دراستها وتشوف حياتها مرة ثانيه "
أم رضوة: هذا الكلاااام الزين والله.. والله يرزقة بنت الحلال
بهمس قالت رضوة : آميييييييييين يااااارب
~ $ (( deema ))$ ~
(($~ الفئة مجنونة ~$))
~ $ (( deema ))$ ~
_: الساعة صارت 12 وعلي مارجع البيت.. ياااويلي إذا ولدي صار فيه شئ
والله ماأسامح نفسي ولا أسمح عمري
كانت غالية تقول هذي الكلمات وهي تصيح بصوت عالي وتضرب بنفسها وخايفه علي
لإنه طلع من البيت من العصرية ومارجع بهذا الوقت
أم يونس: خلاص ياغالية ترى يونس ومهند طلعو الشارع يدورو عليه وان شاء الله راح يجيبو
غالية وهي تصيح واصاله تهديها:بس ليش يحرق قلبي ويختفي كل هذي الساعات
ليش دائما علاي يتعبني ويتعب قلبي
اصاله بقلق وهي موعارفة تهدي امها ولا تهدي فاطمة إللي كانت تصيح بقهر: إدعيلو بالهداية
وطولة البال ترى علي طيب وحبوب بس يبغاله شوي شدة
جاه يونس ومهند ومعاهم علي وهوا منزل راسه وعاكف إيدينه
دفه يونس وقال:شفنا ولدك نايم في المسجد..خذيه خليه ينام في غرفته
راحت غالية عند علي وحضنته وهي تصيح من قلبها
فجاه بعدت عنه وضربته على راسه وخاصمته
: أنت ماتستحي على نفسك ولا على عمرك تبغى تجلطني وتوقف قلبي
على وهوا مازال عاكف إيدينه:ياااسلام مو إنتي قلتي اطلع من البيت وهذا انا طلعت من عندك
يعني ايش تبيني اسوي إذا قعدت قبال وجهك ضربتني بجوال مهند واذا رحت كمان خاصمتني
اخذت أم يونس دليل الهاتف الأصفر وضربت في علي وطاحت فيه تهزيئ وخصاااام
حتى فاطمة قامت من ركنها ودخلت الغرفة وقفلت الباب
و مهند طلع من شقه جدتة وراح على شقتهم إللي فوق
واصاله دخلت المطبخ تشغل نفسها بإي شئ
:شوف ياعلي انا بقولك كلام بس انت ماينفعلك كلام انت
يبغالك دفتر ابو 80 عشان بس اتكلم عنك
إذا ماسمعت كلمه مني والله لاخليه فرادة العجين تلعب بجسمك الطويل إللي كانك أبراج الكويت
أنفجرت ضحك فاطمة وهي ماسكة باب غرفتها:هههههههههههههههههههههه أبراج الكويت
أم يونس : العصر ياذن وانت تمسك كتبك وتحفض كويس فاااهم
انواع الدشرة والفرفرة في شوارع و الأزقه والحواري مانبغاها سامعني ولا لأ
سكت علي وماعجبة كلام جدته وقال بستفسار :طيب ومتى العب كورة ان شاء الله
أم يونس وهي تصرخ:لعبت قلبك قول امين من اليوم ورايح لو تبغى تلعب كورة عندك
السطوح اطلع فوق وشوت الكورة على الجدار وهي ترجع لك
وبالنسبة لهذاك الشئ الأسود إللي تلصقه في تلفزيون واسمه بلشتون
كتمت ضحكتها غاليه من لهجة امها المعصبة وقالت وهي تصحح لها:بلاستيشن يامي
ام يونس:ايوة هوا بلاتشون ولا مادري ايش قلعه اسمه مراح تلعب فيه
هذا القرنبع إلا بيوم الخميس والاربعاء ولا اخفيه واشيله من عيونك
حتى الجني الأخضر مايطلعه
و ...........
و ............
و...........
كانت اصاله ميته ضحك في المطبخ لإ جدتها ناادرة ماتعصب عليهم
وخصوصا إنها معصبة من علي
~ $ (( deema ))$ ~
(($~ الفئة مجنونة ~$))
~ $ (( deema ))$ ~
باحدى الكباين المشهورة بجدة
عروسة البحر الأحمر
بدرة العروووس
بأحد الفلل الفخمة إللي أستأجرتها هوازن لمدة يومين بس عشان الحفلة
قمة الفخامة .. و الرقي هوا عنون الحفلة
ماكان عيد ميلاد تورته وبالونات وبس
كان مثل الزواج و الأفرااااح
التكلفه و الغلاوة دليل الحفلة
صور هوازن بوستر لاصق بجدران وهي حاطة بوجها قناع
عشان تحمس الحضور والكل عن ملامح وجها
أعمدة بيضه رومانيه وحولينه ورود وردية ملتفه بالأعمدة
سماعات الدي جي بكل مكان بصوت المطربة سلين ديون
When I need you
Just close my eyes and I'm with you
And all that I so want to give you
Its only a heart beat away
When I need love
I hold out my hands and I touch love
I never knew there was so much love
Keeping me warm night and day
Miles and miles of empty space in
between us
A telephone can't take the place of your
smile
But you know I won't be traveling
forever
Its cold out, but hold out and do like I do
When I need you
Just close my eyes and I'm with you
And all that I so want to give you babe
كانت الحفله مزدحمة بالأخرررر
كل صديقات هوازن و صديقات صديقاتها حضرو الحفلة
حتى صحبات سندس و بثينه و زميلاتهم ومعارفهم
حتى زينه بعد ماأنصدمت برفض قصي
حزت بخاطرها وحضرت عيد ميلاد أخته
وهي متفاجئة من التكلفه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك