رواية الفئة المجنونة -45
من بداية صف ثالث تجيب نسبة حلوة
علي وهوا يرتب كتبه ليوم الأربعاء:ماعليكي إنتي لاتقلقي ولا تشيلي هم ..
ولا عليكي من شئ لإني راح أجيب مو النسبة العالية إلا أكون من الأوائل
كح مهند وهوا يضحك وعدل نظآرته و يرفع عيونه من كتاب الفيزياء:نشوق مين يجيب
الأول عالفصل بس دخيلك خلي أختك تراجع معاك أو تسمعلك المواد إللي فيها حفظ
قام علي من الأرض وهوا يحط كتبة في سجادة ويطبقها ويركنها فوق التلفزيون ويقول:أنا لمن قلت
لكم راح أجيب العلامة الكامله يعني راح أجيبها o.k
غالية: تجيب العلامة العالية وانت من أول مسدوح في الأرض ورامي كتبك بكل
مكان وإلحين تقوم ترتب كتبك وتمسك باب الشارع هذا هي المذاكرة إللي تقصدها
وقف علي وهوا يحط أصباعه على راسة: العلم براس مو في الكراس وبعدين نحنا الشباب
نفهم مع الأستاذ في الفصل وماننسى وإلحين بطلع الشآرع بلعب كورة
صرخت غالية:لعبت نفسك أن شاء الله .أنطق و أترزع وافتح كتابك
و احفظ دروسك عدل
صرخ علي وقال:مني صغير علشان تتحكمي فيني.
غالية وهي مصدومة من كلامه بشدة ماتوقعت أنه علي الصغير أخر العنقود يكبر
ويرفع صوته عليها:إلا بتكون صغير بنظري و تكون صغير وانت مخلف وراك عيال
وانا أمك واعرف مصلحة نفسك وقوم افتح كتبك وذاكر
و لا والله تعرفني لمن أقوم عليك واهبدك
عقد حواجبه وبنزعاج قال :وليش تضربيني أن شاء الله أنا مو صغير كل شوي عملت
شئ ماعجبك تمسكي أي شئ وتضربيني فيه
وبعدين هذي دراستي وهذي مستقبلي وهذي حياتي لمتى تظلي مسؤولة عني
أنا أخر سنه في المتوسطة وتعامليني كأني في الروضة
سكتت غالية وماتكلمت ولا نطقت ولا حرف وهي تشوف علي قدامها يصرخ ويأشر على نفسه
وهوا يتكلم بعصبية و أنفعال
هذا علي ولدها الصغير و أخر العنقود
تتذكر وهي تدخله الحمام وتغسل وجهه
وتذاكر دروسة وتساعدة بكتابة الواجبات
وتشتري من ذوقها ملابس وجزم وهوا يكون راضي
وقفت قبال أبوها لمن أمرها بإن العيال يرحو عالسكاكا عند أعماهم
وهي رفضت وأصرت أنه العيال مايطلعو من عندها ولا يبعدوه عنها
بكيت و أنهارت وطاحت كرامتها حتى وافق أبوها بالقوة
واتخلت عن حياتها وماشترت لنفسها قطعه جديدة لجسمها
وهي تصرف الفلوس لعيالها الثلاثة
و إلحييييين بعد هذي المدة يكبرو عيالها ويرفعو صوتهم على أمهم المسكينه..!!!؟؟
وهما ناكرين جمايلها وتضحيتها
لمحت أصالة سكوت أمها المفاجئ كانت متوقعه بإنها تقوم وتسكته بكفين
لكن أتفاجئت لمن سكتت وماعلقت على كلامه ونزلت راسها وهي تداري دموعها
وقلبها محروق على عيالها و خصوصا علي إللي طنش كلامه وشال الكورة من غرفته
وطلع من الشقة
أنصدمت أصالة لمن شافت دموع أمها تنزل بسبب علي الحقير و وقفت و راحت عند
علي وهي تصرخ:علي ياااحيييييوان والله ماسامحتك ياكلب
وقف علي وهوا ينزل من درج و التفت على أصاله وهي تلحق وراى وبإنزعاج قال: خير إيش
عندك إنتي كماان؟؟!!
صفعته كف أصاله وهي تشدة من بلوزته وتلصقه عالجدار بالقوة وتنفجر عليه: ماتوقعتك ياكلب
تبكي ماما وترفع صوتك عليها والله راح أشتكيلك لجدتي علشان تخامصك و خالي يضربك ياوسخ ..
خلي أصحابك ينفعوك بدل أمك إللي قاعدة فوق تبكي بسببك
دفها علي بالقوة وصرخ عليها:أنا مابكيتها ولا زعلتها ولاتكذبي ياكذابه
أصاله:أنت تشوف الناس كلهم كذابين وعاقين زيك ياعاق الوالدين
هي ماما ماتبغى شئ منك ولا محتاجة منك شئ بس تبغاك ترفع راسها وتشوف
مستقبلك حلو ولا تبغاك تصير زي خالك يونس
صرخ علي وهوا يدفها :أنا قلت لكم من البداية انا راح اجيب علامة عالية ومالكم صلاح فيني
وانقلعي من عندي خليني أشوف أمي
طلع علي الشقة مرة ثاني.. وهوا متأكد أنه أصاله كذبت عليه
بس أنصدم وأتفاجئ لمن شاف أمه تصيح وهي تمسح دموعها
ومهند قاعد بجوارها ويهديها
ركض عندها بسرعه وقال بخوف وهوا واقف قبالها ويشوف نظرات مهند القاتله:ماما لاتبكي
والله مو قصدي إني أزعلك
غالية وهي تصيح: روح ياعلي والعب مع أصحابك.. أبوك من يوم أخذني حتى مامات وهوا مارفع
صوته علي ولا حتى كدر خاطري و أخوك الكبير مهند دائما يحاول يجيب رضاي ويبغاني اكون راضيه
عليه ومبسوطة وانت ياعلي بعد ماكبرت وفزيت ترفع صوتك على أمك و لاتسمع مني ولا كلمة
جلس علي قبال أمه وهوا يمسك رجولها ويقولها:و قسم بالله ماكنت أقصد هذا الكلام إللي قلته وبعدين
انا أسف وسامحيني والله وإذا تبي تضربيني أضربيني بس لاتبكي
مهند وهوا يصرخ عليه:أنقلع بس أنت ماتعرف قد كيف أمك تعبت بحياتها وضحت أشياء كثيرة هذا كله
عشاننا وعشان راحتنا ونحنا أقل شئ نرد الجميل ونفرحها
بإننا نجيب نسبة عالية في المدرسة ونكون راضين لها
علي:والله ماكنت أقصد إني أزعلها وقسم بالله وعساني أموت
صرخت غالية وهي تدفه وتبعده عنها :موت و عشان أرتاح منك وانقلع من قبال وجهي ماأبغى
اشوف وجهك ياعلي وانا زعلانه منك ليوم الدين ولا أكون راضية عنك
بهمس قال علي: ماما والله أسف الله يخلي........
غالية:ماأبغى اسمع منك ولا كلمة لانت ولدي ولا أنا اعرفك
ناظر فيها علي وهوا ماسك دموعه مو مصدقه أن أمه تعبانه منه حيل وانه
متعبها وانه شاقيها بحيآآتها: م....
شالت جوال مهند من الأرض وضربته على بطنه وهي تصرخ بإنهيار:قلت برى أطلع برى
ماأبغى أشوف وجهك ياتتطلع برى ولا انا اقوم واطلع من هذا المكان كله
ماابغاك ولا ابغى اشوف وجهك
صرخ مهند وهوا منفعل وماسك أعصابه لإنه حالف يضربه لكن أمه ماسكته ومهددته بإنه
مايمد يده على أخوه الصغير: خلاص ياأخي أطلع من هنا إلحين ماتبغى تشوفك لمن تهداء
تعال أرجع لكن زفها مرة ثاني
طلع علي من العمآرة بكبرها وخلقه ضايق بسبب زعل أمه
ماتوقع بإن امه راح تبكي و تتطرد..لإنه مو اول مرة بيخاصمها او يزعلها
طلع الشارع وهوا مو عارف فين يروح.. حتى نفسيته انسدت بإنه يلعب مع اصحابة
~ $ (( deema ))$ ~
(($~ الفئة مجنونة ~$))
البساط العنابي القديم و فراش قبال التلفزيون ودلة قوة بزنجبيل وصحن التمر
وعلبه الفكس و زيت الخروع
زحفت بالقوة عالفراش وهي تفتح الزيت وتدهن رجولها وتكبسها كانت بتنادي فاطمة
عشان تكبس رجولها بس أفتكرت بإن فاطمة في صالون
و ابو يونس بالغرفة نايم..
دخل يونس وهوا شايل صينيه الشاي ويدخل المطبخ وقالت ام يونس بإنزعاج: نحنا مانشوفك
إلا لمن تدخل المطبخ تخرج وانت شايل بس اكل وهذا الشاي إللي افكر بإن احرم
النعناع والابتون من دخول البيت
حط الشاي عالمغسلة وقال وهوا يتكئ عالباب ويقول:انتو بس تبغو تحرموني من كل شئ
يعني لا وظيفة ولا غرفة مستقله ولا حتى اكل
ام يونس: ولا حتى كمان تكون راضي على امك وابوك
قال من غير نفس : والله أبوي هوا السبب إللي انا وصلت فيه لو خلاني أكمل دراستي واجتهد
في مذاكرتي كان شفتيني الحين الضابط يونس
بملل قالت ام يونس وهي تقفل زيت الخروع: اعطيني من النهآية ياضابط يونس إيش تبغى؟؟!!
جلس جنبها يونس وقال وهوا يصب لأمه القهوة: و احد من الشباب لقي على
وظيفة مناسبة و براتب بسيط و معقول
ام يونس:طيب روح سجل في الوظيفه قبل لاتطير عليك
يونس:أنا راح أسجل عالوظيفة بس من وين لي فلوس..إنتي عارفة السيارة خربانه
ويبغالها فلوس علشان أصلحها عند الميكانيكي
ام يونس وهي تسحب شنطتها من تحت الفراش وتخرج محفضتها وتقول: كم تبغى ..أنا بس ماسكة
200 ريال حق مصاريف البيت.. و راح أعطيك ال 200 عشان ربي يفتحها لك
يونس وهوا يمسك يد أمه ويرجع الميتين في محفظة:أمي الميتين ماتسوي شئ عند السيآرة
يعني أقل شئ أحتاج 800 ريال بس أشتري مكينه جديدة
و 500 ريال عشان اصلح الفرامل
قفلت محفضتها أم يونس و رجعتها تحت الفراش وقالت بهدوء:أستنى حتى لمن يصحى ابوك
واطلب منه فلوس علشان يصلح السيآرة
رفع حاجب يونس وقال:و كيف راح تكلميه؟؟ أبوي بالمووت مراح يطلع ربع ريال
اتنهدت أم يونس وهي تفكر كيف تقنع وتكلم أبو يونس
علشان يوافق ويعطيهم المبلغ إللي يبغو
أنفتح باب الغرفة وطلع أبو يونس وهوا يفتح الباب بعصايا
و يوقف بالقوة وهوا يتكئ على العصايا
لإن ظهره أنحنى بسبب كبر السن ولحيته و حواجبة صارت بيضة جدا
حتى جفونه طاحت على عيونه
أم يونس:تبغاني احطلك أدام البامية في صحن مع رز أبيض
أبو يونس وهوا يجلس في الأرض ويحط العصايا جنبه ويثآآآوب:انا صاحي من النوم مالي خلق احط
شئ في بطني بس ابغى حليب المراعي إللي بغرفتي.. قوم ياولد جيب الحليب
قام يونس من الأرض و دخل غرفة أبوة وهوا يدور على حليب المراعي
لقى علبة حليب بجوار الراديو حق ابوه
أخذ العلبة وناظر الغرفة يمين ويسآر
الخزنه مقفوله بأحكام وبقفلين بعد
سحب يده خلسه من تحت فراش ابوه... و ارتسمت الأبتسامه في شفايفه
حط 50 ريال في جيبة وطلع من الغرفة وهوا يقول:هذا هوا الحليب وبالعافيه عليك
أخذ ابو يونس الحليب وهوا يعطية نظرة وبحدة: و إيش الشغل هذا إللي راح تشتغله
يونس وهوا يجلس قبال أبوه:أممممم حارس أمن في احد الشركااات
ابو يونس: وكم الراتب ان شاء الله
يونس: على ماعتقد 800 ريال..أنا ماهمني الراتب بس يهمني بإني امسك وظيفتي
لإني وبكل صراحة طفشت من قعدة البيت العمر بيجري وانا قاعد في مكاني
أبو يونس سكت وهوا يشرب في الحليب ويمسك لحيته ويفكر بهدوء
هذي الحركة خلت أم يونس تتوتر كثير عكس يونس
إللي كان هادئ وساكت طواال فترة سكوت أبوة
قال ابو يونس:إذا راتبك 800 ريال.. راح يكون بجيبك 300 ريال لإن ال 500 راح أخذها
عشان مصآريف البيت و الإيجار و فاتورة الكهرباء و الموية
بكل هدوء قال يونس وهوا يقوم ويبوس راس ابوه:إللي تتطلبه وتقوله أنا موافق عليه
وان شاء الله مايصير خاطرك إلا طيب بس ابغى فلوس علشان اصلح السيآرة
أبويونس وهوا يلتفت لغرفته ويسمع صوت جواله ويقول:راح أعطيك فلوس السيآرة بس
توعدني لمن ظروفك تتحسن ومو محتاج للفلوس راح تردها لي وامك شاهدة باللي اقوله
وقوم جيب الجوال من غرفتي
قام يونس و دخل غرفة ابوه و اخذ الجوال ومرة ثانية سحب من تحت البطانية 20 ريال
وطلع برى وهوا يشوف الشاشه:هذا أبو مسفر متصل
أم يونس:شكله يبغاك تنزل من السطوح علشان يستأجرة للمصري
رد أبو يونس على ابو مسفر وقفل الخط منه وبستغراب قال
: وين فاطمة صرت ماأشوفها كثثير
يونس وهوا يقوم من الأرض وبكذبة: وديتها عن صحبتها وبعد شوي راح اخذها
~ $ (( deema ))$ ~
(($~ الفئة مجنونة ~$))
~ $ (( deema ))$ ~
كنبات كحلية يتخللها اللون الفضي .. خداديات كثيرة مرمية في الكنبات وبجوار الطآولة زجاجية
مزهية بطآولة وبداخلها ورود صفراء لاكنها ناشفة وميته و أوراقها اليابسة مرمية في طاوله
جدار بني بخربشآت أنيقة وبنهآية الصالون قفص ذهبي لعصفور الكنآري
واقفة عند القفص وهي تصب للكناري موية وتغني بملل وبطفش
لإنها قاعدة بفيلا خالتها وهي مو متعودة تقعد ببيت أحد
وخصوصا آنه هوازن مشغوله للبارتي تبعها وهي تتصل على الكبينه
و أختارت الفيلا وطلبت منهم بإنهم يحطو بلونات على ذوقها
و أختارت تصميم الطآولات والكراسي على ذوقها
هوازن ذوقها عالي وتحب الكل يمدح فيها وبأعمالها ويتكلم عنها
وهي راح تتكلف وتشيل وتحط بس عشآن تبهر الكل
:حدي بيكون ألبك مجنون.. حتى نظرة عيونك مجنون.. بيعزي علي.ترف بعينك
تملك شو النظرة بتشوفها عيوني
دخلت يدها في القفص ومسكت الكنآري وطلعته برى وهي ماسكته عدل وتغني :أنا مابدي تألي كلام.. تدوب ألبي حنين وغرام
بيكفيني إللي بتحبك.. هيدا الكلمي تأتلني
قامت من الارض وهي ماسكة الكناري وتمسح على شعره وتعطي نظرة ل هوازن إللي كانت جالسة في الكنب
وبجوارها خالتها ام بثينه وهي تقلب في الكاتلوج وتختار بطاقات دعوة لعيد ميلاد هوازن
بس هوازن أكيد مابتعتمد على رأيها
لإن ذوقها موه ذاك الزود
صح ذوقها وفكرتها رايقة وكلاكسيكي واحيانا يكون بسيط وحلو ومو مكلف
بس مو زي أفكار بنت خالتها سندس الجريئة
حطت رجل على رجل وهي ماسكة الكراسة وبيدها المرسمة وبتكلم روحها وهي تعمل تصميم الفيلا
وتحط الأثاثيات بأماكان المناسبة: أصلا عيد ميلادي راح يكون أسطوري وفيه دي جي غربي
لإن ابغاها كلاكسيكي ومبهر من اوله حتى أخرة
وقفت نسرين عند الشباك الشفاف إللي يطل عالمسبح الخارجي
و تتأمل بشمس وهي بنص السماء قريب وتغرب
متمددة بثينه بالموية الليلكي قبال المسبح و صفائح معدينه قبالها تعكس أشعه الشمس على وجها
و بحضنها مجله مرميه وماسكة بيدها كريم تدهن ذراعها
عشان يعطيها اللون البرونزي الصافي إللي تركض وراى وتبغه يكون لونها مثل هوازن
وتفكر تصبغ شعرها بالذهبي البني عشان يكون لها ستايل وطله بيوم زواجها
جات نسرين وقربت للطااولة وكان فيه مسجل بأغنيه جينفر لوبيز " Ain't it funny " وعلى طاولة شنطة
ال cd بفنانين غرب وعالمي
نادر بنات خالتها يسمعو للعرب .. حتى قصي قبل لايلتزم كان يسمع للغرب كمان واغلب اشرطة أمريكة او فرنسيه
قعدت بجوارها بالكرسي وقالت بصوت ناعم : متى راح تخلصي من التشميس
كانت بترد عليها بس هز جوالها عالطاولة و شالته وهي تقول برتياح:خطيبي متصل ياااا القلوب عند بعضها
اتضايقت نسرين من كلامها و قامت وهي متجهه لداخل:راح اتركك براحتك.. عن إذنك
دخلت جوا وحطت الكناري في القفص
كانت تحسد بثينه و بلقيس على علاقتهم مع أزواجهم الرومنسية جدااااا
حتى هي كانت السنتين إللي قضتها مع مراد
حلوة و رومنسيه واحلى من قصة حبهم
ابتسمت بسخرية وهي تتطلع الدرج و تروح على غرفتها
مافي احد حب بالقة من كل قلبه مثلها حتى وصل درجة حبها للساذجة والعميان
مراد ليش عمل فيها الملعنه بعد ماطلعت له سيارة و جهاز جديد
و هههههه ونظفته من البساطة و الفقارة إللي عاشها
واشترت له من ماركات عالمية فخمة ومو بسعودية تلاقي ذي الماركة الغاليه
كانت تسافر في الخارج وتجيب له هديه غاليه
وبنهاية مالقت منه غير هديته
وهي الأصلاحية
قعدت في سريرها وهي تتمنى تشوف مراد أو تسمع عنه خبر
بس تبغى تعرف إيش صار له؟؟!!!
هي متاكدة بإنه ربي مو تاركة واكيد راح يتعاقب
على أعماله المجرمة
بس أي عقاب ينفع له ويكسر مجاديفة
أخذت جوالها وفتحت الشاشة وهي تشوف خليفه نانسي
وتفتح على قائمة الأسماااء
جاري الاتصااال
مامتي .. ..
رن و رن و رن.. ومالقيت رد من امها ورجعت عملت اعادة اتصال لكن للأسف ماردت
اتصلت على قصي ولقت جهازة مغلق
الكل يتهرب من سؤالها ومايبغو يجاوبو إيش فيه ابوها؟؟
حتى هوازن مو مهتمه بصحة ابوها ولا دارية خبره
مع انها المفروض تكون في مكانها وتزعل من ابوها
لإنه مارجع الثقه و صارت معاملته معاها للأسوء
بس مهما يكون هذا بابتها والغالي حقها
وهي غلطت كثير واستاهت إللي يجيها
بس إللي مضايقها بإن هوازن انانية وقلبها ميت وبارد
ماتفكر إلا بنفسها ومشغوله بحفلتها البسيطة
بكرة أربعاء راح تنزل على جدة وتحضر الحفلة وتروح المستشفى تتطمن على ابوها
وتعرف إيش عنده
فتحت دولاب بعد مارتبت لها صفوة الحبشية ملابسها واغراضها
حتى حوض السمك جابته معاها
كانت محتااارة إيش راح تلبس في عيد ميلاد هوازن لازم يكون شكلها شئ
لإن هواز تبغاها تكون لها طله عند صحباتها
قبل سنتين بعيد ميلاد هوازن لبست فستان الوردي منفوش وعلى صدر بالون الذهبي
وكرستلات ذهبيه .. زي فستان نانسي "أحساس جديد"
أخذت جوالها واتصلت على سماهر و ردت بمرح:هلا فيكي يالغايبة
سماهر وهي مسدوحة بفراشها و جسمها معرق وتتكلم بصوت منخفض:كيفك نسرين وكيف أخبارك
قريت رسالتك ياحبيبتي بس سامحيني ماقدر احضر الحفلة
سكتت نسرين وهي عارفة أنه اهل سماهر محافضين مايطلعو ولا يدخلو.. قالت بحباط وهي تخرج
فستان الكحلي قصير من الدولاب تحطة في سرير: طيب حاااولي من هنا أو هنا
لاتنسي انك جيتي مرة معانا الدرة
قالت بضيق وهي تجلس في سرير ومنزعجة مرررة بسبب ....!!!:أمممممم عارفة بس الحين ماقدر اطلع
من شورة أهلي وماابغى اندم و اتسرع بتصرفي وخصوصا انا مقبله عالزوااااج
وانتي عارفة طبيعه ابوي مايحب يدخلني ولا يطلعني عند احد
وانتي تبيني اروح الكباين في جدة وانا لو اموت اهلي مايودني هذي الاماكن
طلعت صندلها الفضي وقالت :o.k براحتك لاتحسبيني إني زعلانه منك
انا والله مو زعلانه ولا متضايقة بس حبيت تكوني معاي في حفله هوازن
سماهر: نتوس انا مضطرة اقفل الخط لإني بروح اصلي العصر
الساعة 5 و صلاة العصر فاتتني يالله مع سلامه
~ $ (( deema ))$ ~
(($~ الفئة مجنونة ~$))
~ $ (( deema ))$ ~
" الله يلعنك يافيروز ......."
زفرت سماهر وهي مسدوحة بفراشها وتلعن بالمطربة العملاقة فيروز
؟؟؟
؟؟؟
؟
رجعت من الجامعة بعد ماعبت اذنها بأغنيها ومااكتفت بفيروز
راحت عند صحباتها وطلب منهم اغاني قديمة من أيام زمان
تحس هذي الأغاني لها كلمات ومعني قوي
مو مثل أغاني هذا الجيل الفاشل إللي تشوفه بنظره
إيش يعني
" أخصمك آه واسيبك لا
و
العب العب
و
العنب
و
حقلق راحتك "
أسماء غنيه كأنها رموز أو طاسم غريبة.. وكلمات اغنيه غبية ومضحكة للغاية
بالموووت وبالقوة لقت أغنيه قديمة " مستنياك " لكن إللي تغنيها نانسي عجرم
هذي الأغنيه في غالب لقتها منتشرة بجوالات البنات
استقبلتها بلوتوث وحطت السماعة بإذنها وهي تسمع فيها وتردد معاها
حبيبيي ماهمها سفرت.. مهما غبت ومهمها رحت
ياروح عنك قريب مني
مهما طالت رحلتك مستنياك
ألبببي معااااك
ياحبيبي بقربي
مستنييييييييياك ياروح بشوق كل الأشواق
مستياك تعبت و تعبت من الأشواااااااق
مستنياك وانا البي في بعدك بالفرااااق
رجعت البيت وهي مو مروقه..إلا العنوان الروقة بوجهها
حتى حمزة اتضارب معاها وناوي معاها مضاربة
بس تركته وطنشته وهوا مصدوم
العادة تروح تبكي وتشتكي لأبوها
رجعت شغلت فييييييروز بجوالها وهي تغني
وحبتها للأخر
وغيرت ملابسها ونامت وطفت جوالها
لإنها كانت تعبانه بالحيل واتغدت بالجامعه وصلت الظهر هناك
ماصدقت تغطي جفنها لكن عقلها كان صاحي لسى ماغفت
إلا حست بشئ يجثم بصدرها بالقوووووووة
فتحت عيونها بخوف.. لكن كانت مقفله بأحكام
حاولت تحرك يدها أو طرف اصابيعها
لكن جسمها كليا مشلوووووووول
مستحييييييييل
أرجع مثل قبل.. مستحيل يجوني مرة ثاني
مستحييييييييل
انا اتعالجت انا انشفيت انا افتكيت منهم
لي التعب , ليش المعاناء,
حاولت تغمض عيونها وتوهم لهم بإنها نايمة وانها مو حاسة بشئ
بس حست بشخص يجلس بجوارها وينام جنبها
اتقشعر جسمها وحركت راسها يمين ويسار
تبغى تصرخ , تبغى تتحرك
كانت تحس وهوا يمسك يدها,, كانت يده طويله جدااا
فتحت عيونها ببطئ وهي تشوف الغرفة مظلمة
او مو كأنها غرفتها بالأصح
هوااااااء حار يضرب جبينها
وتسمع كلام ناس بلغه غير مفهومة وضحكات همهات واصوات حيوانات
لمحت في الجدار ظل اسود وفيه قرون وهوا متجهه لها
غمضت عيونها بخوف وهي عارفة بإنها بدئت بتكاسل واجباتها وبتقصير دينها
طراااااااااااااااااااااااااااااااااااااااااااااااخ
شهقت وفتحت عيونها وجسمها يصبب عرق
التفتت يمين ويسار
ولقت نفسها بفراشها
ناظرت بساعة جوالها والوقت مثل ماهوا بس زاد 5 دقايق
في ال 5 دقايق انقذها اخوها يزن وهوا يفتح الباب إللي كان مردود
ويمشي بالعربية حقته وفمه فيه اكل و امه تجري خلفه وبيدها
صحن السيليلاك
رجعت انسدحت بفراشها و اوهمت لأمها بإنها نايمة
لكن جوالها دق وكان المتصل نسرين و ردت عليها
وهي مازلت مسدوحة على فراشها و جسمها معرق وتتكلم بصت منخفض
:كيفك نسرين وكيف أخبارك قريت رسالتك ياحبيبتي بس سامحيني ماقدر احضر الحفلة
~ $ (( deema ))$ ~
(($~ الفئة مجنونة ~$))
~ $ (( deema ))$ ~
~ $ (( deema ))$ ~
(($~ الفئة مجنونة ~$))
~ $ (( deema ))$ ~
~ $ (( deema ))$ ~
(($~ الفئة مجنونة ~$))
~ $ (( deema ))$ ~
عالسآعة 8 ونص صبآح
ماسكة القلم الأزرق و الورقة قبالها .. حطت يدها على جبينها
وهي تقلب بأوراق أختبار الأنجليزي الكثيرة وكلها على بعضها 100 سؤال
كيف راح تجاوب وتركز على 100 سؤال أختياري وهي حاسة أنها بجسد بدون عقل
حكت شعرها الكستنائي و مو قادرة تركز على مستقبلها إللي يتعلق بهذي الورقة
أبوها رجع للسعودية من أمس وجاهم خبر بإنه مترقد في المستشفى
وهي مو عارفة إيش صابة أبوها في فيلبين
أمس راح قصي يشوف البنت علشان يختارها شريكة حياته
و مثل العادة رفضها و قال انه فسر شخصيتها ومشيتها بإن عندها حالة نفسية
و بثينه زعلت مرررة و أخذت على خاطرها بالقوة
وامها وخالتها زعلو منها.. وحلفت الخاله بإنها مراح تدور له على عروسة
إذا هوا مايبغى
ضغطت عالقلم الأزرق وهي تقرأ سؤال رقم 23
23) it isn it book, its……
A) them
B) they
C) their
D) theirs
سكتت وهي تفكر بتركيز وتختار رقم ( D )
33) Kron and I met for coffee
A) us
B) we
C)our
D) I
أختارت أجابة ( B ) وبصوت منخفض قالت "طبعا يكون ثاني أختيار لإنه يتكلم عن شخصين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك