رواية الفئة المجنونة -34
أم حمزة وهي تمشي وخلفها الشغاله:لازم أكون معاها علشان تشوف أشغالها و أعلمها
شالت سماهر صينيه العشاء وهي تدخل غرفه أبوها وتحط الصينيه
بأرض وتشيل الجرايد المرمية في الأرض وترتب الغرفة عالسريع
وشالت الكاسات فاضية و ملابس أبوها الوسخة معلقه وراه الباب
وطلعت من الغرفة
حمزة وهوا ماسك تلفون السماعه:ساعة أناديكي صحبتك تبغاكي
سماهر وهي عاقده حواجبها و تروح للحمام وتحط الملابس في سله:مين صحبتك
حمزة: وانا إيش عرفني عنها بس وحده عربجية تخوف
ضحكت سماعر وهي تحط الكاسات في مغسله وتروح عند أخوها وتقول بمزح: ما أسمحلك
تتكلم كذا على صحبتي
كانت بتخرج من المطبخ لكن جسمها أنتفض و حست بهواء بارد
جاي من خلفها
أتصلبت العروق بجسمها و نشف الدم
و صآرت تشوف حولينها أبيض و أسود
أخذت السماعة من يدها وقالت بمرح:ألووو
لأ مستحييل يرجعو مرة ثاني
أنا أتشاافيت خلاص و اتعالجت منهم
ليش يرجعو ثاني؟ ليشي أذوني
التفتت للخلف وهي تسمع صوت الباب الخلفي
أتنهدت تنهيده وهي ماسكة قلبها بيدها
و تروح عند الباب خلفي وتقفل الباب
لإن الهواء كان يحرك الباب و يدخل الهواء في المطبخ
وهي حسبت إنهم رجعولها ثاني
أتعوذت من شيطآن وطلعت من المطبخ وهي تنسى الحادثة الطريفة
إللي صارت لهابالمطبخ: أنا صحباتي منهم عرابجة و بعدين لاتغلط عليهم
حمزة بتريقة: لايكون هذيكة إللي دخلت عليها و هي واقفه بصاله
بصراحة من حقها تتكلم معاي بهذا الأسلوب
سماهر وهي تاخذ السماعة من يده وبستغراب: والله كل شئ جايز من ديما
بس تستهال إذا أتكلمت معاك بهذا الأسلوب
حمزة: إذا هي خسآرة عليها الجسم والشكل لإن صوتها الأضخم مايعطي أنه هذاك الجسم
والملام...
صرخت سماهر: حمزة!! والله أنك قليل أدب و مسوي فيها مؤدب و العين بالأرض
طلعت تشوف ببنت الناس من ورانا
ضحك حمزة وقام وهوا يشيل الاب توب ويدخل على غرفته
ردت سماهر وقالت:هلا ديووم لا تقولي سمعتي كلام حمزة
_: مني ديما ولا ريما و مالعربجي إلا هوا أعطيني هوا خليني أوريه العرابجه على أصولها
أنا صوتي أضخم ياسماهر
ضحكت سماهر وهي تجلس بكرسي الكمبيوتر وتقول:أمسحيها بوجهي المهم إنتي أيش أخبارك
يافطوم و إيش أخر أخباار شغلانتك الجديده
فاطمة: يعني نص و نص بس مراح أعديها لأخوكي حمزة ومن هذي ديما
شكلها حآقده عليه
سماهر :شفتي كيف كل صحباتي حاقدين على أخوي إنتي و ديما وبنت خالتي سميه
دائما حمزة مفشلني عند البنات المهم أعطيني أخبارك و شغلك بصآلون
~ $ (( deema ))$ ~
(($~ الفئة مجنونة ~$))
~ $ (( deema ))$ ~
قفلت السماعة لمن خلصت وناسه مع سماهر
و أتنهدت تنهيده طويله وهي مشتاقه لوناستها و جمعتهم و أيامهم الحلوة
شافت أصاله دخلت عندها وهي ماسكة بيدها عبايتها و اليد الثانية شنطتها الصغيره
ناظرتها فاطمة من فوق لتحت وهي تقيم شكلها من شعرها إللي مظفرته
و وجها الصافي إللي ماافيه لا مكياج ولا مسكره
وبلوزتها البيضه وتنورتها البيضه
رددت وهي تفتح شنطتها وتخرج عدة المكياج و الأستشوار: ياليل يامطولك
يا أصاله نفسي أسألك سؤال!! فقط سؤال برئ مافكرتي تخاطري وتلبسي فوق
البلوزة بدي أسود أو أحمر أو أي لون أو تلبسي أكسسوارت لون مخالف
و تتطقميها بشنطة و الصندل؟؟ يعني لسه مافكرتي هذا التفكير
ناظرتها أصاله وهي عاقده حواجبها بحباط ونزلت راسها
وهي حآسة أنه فاطمة جرحتها
سحبتها فاطمة وهي تفتح شعرها عشآن تستشوره و طنشت تصرفاتها
صآرت تكرة لمن تشوف بنت أختها ضعيفة و غلبآنه على أمرها
قالت لمن شافت غالية تدخل الشقه
و بيدها كيس البن:غاااليه غاليييييييييه تعااااالي شوي
جات غالية بستعجآل وقالت:بسرعة تبي شئ يافاطمة لإني مشغوله بالمطبخ
فاطمة وهي تقفل الأستشوار وتمسك شعر أصاله إللي يوصل لنص ظهرها:أسمعي أنا يدي
بتتكسر وانا كل شوي أستشور شعرها إللي ماشاء الله متعبني
أبغى أخاطر و أغامر و أقص شعرها و أصبغه؟؟!!
شهقت أصاله وهي تمسك شعرها بالقوة:لاااااااا إلا شعري مابغى المقص يقرب منه
غالية: من زين شعرك علشآن متمسكه فيه إللي يسمعك يقول إنك بتهتمي فيه
وتعتني بشعرك مو كأنه واقف زي النخله
أصاله وهي ماسكة شعرها ومنزله راسها:حتى ولو!! هذا شعري وما أحب أشوفه قصير
غالية: مو على كيفك أسمعي فاطمة إذا بتحلقي شعرها عالزيرو ماعندي مشكله
بس الكشه هذي إللي مسببتلي حاله نفسيه أبغاها تختفي على طول
علي وهوا يضحك لمن سمع كلام أمه: أستخدمو ريد هههههههههه
غالية وهي تصرخ وتدخل المطبخ علشان تسوي القهوة : النهااية معاك ياعلي إنت ناوي
تنضرب ثاااني
دخلت أم يونس وهي منزعجه و تجلس بالإرض وهي تتحلطم: عساه بالموت يموت
و أسمع خبر وفاته إلحييين
غاليه وهي مشغوله بالمطبخ علشآن تجهز القهوة للرجال:تقصدي على أبو مسفر
أم يونس: هوا في غيره بلا في شكله قاعد مع أبوكي ويشرب معاه الشاي وتقولي أبوكي
ماكأنه صابته جلطة هوا الثاني
غالية وهي تفتح الثلاجة وتخرج النعناع علشان الشاي: ولييش؟؟!!
أم يونس: جالس يتكلم معاه عالأسهم و الفلوس ولا كأن الفلوس إللي طيحته
و سببتله جلطة
دخل مهند المطبخ وقال بضيق:هذا إيش جابو الشيبه؟؟
غالية: إذا بتسأل على أبو مسفر هوا جاي علشان يشوف جدك
وبعدين بدل منت متضايق منه و شاطر أنت و أخوك في تريقة والتعليق
على أختكم الكبيره ل.....
قاطعها علي وهوا يتكلم بحمآآآس: نعم نعم تبينا نزعجه و ننطرده من العماارة
غالية: لو تخرجو من مكه يكون خير لنا و لأختكم
أم يونس وهي مطيره عيونها :غاليه إيشبك أتجنيتني هذولا عيالك يفضحو العرب
مانبغى فضااايح عند الرجال
ببرود قالت وهي تحط الفناجين بصينية :براحتهم أنا أعطيتهم الكرت الأخضر خليهم
يعملو إللي يبغوه
علي بحماس وبفرح لإن الفرص هات لعنده وكمان طلب من أمه.. ضرب مهند على كتفه
بحماس وهوا يسحبه من بلوزته خارج المطبخ : سمعت مهند إيش قالت أمي يعني نسوي
إي شئ براحتنا بدون ماما ماتخاصمنا
~ $ (( deema ))$ ~
(($~ الفئة مجنونة ~$))
دخلت جناحها ببرود وبلا مباله
ناظرت بزوجها عبداللطيف وهوا نايم على بطنه و فاتح فمه
من يوم رجعت على مكة و دخلت البيت وهوا ماناظرها
ولا فتح فمه و أتكلم معاها
وهي عاندت و قهرته وسوت مثل ماسوى هوا
كل همها قصي إللي أختفى من يوم نزلها على الأصلاحية
و المشكله جواله مقفل
ماتدري وين أختفى ولا أي أرض بلعته
ناظرت بجوال عبد اللطيف إللي كان يدق لكن بدون صوت
أخذت جواله وناظرت بشاشه بستغراب
رقم دولي ومن خارج السعودية
ردت بهمس:ألووو
مرحبآآ.. وت ؟؟!!
هذي ماتتكلم أنجليزي ولا فرنسي
بإي لغة بتتكلم !!!؟؟
باين من أندونسيا أو الفلبين أو اليابان
قفلت الخط بوجها وهي مستغربة من صاحبة الصوت و الرقم
بس تجاهلت أفكارها و هواجسها
وهي تخرج من جناحها و تمر على غرفة هوازن
فتحت الباب شوي وناظرت ب هوازن
وهي مسدوحة بسريرها وتقلب في تلفزيون بملل
و تحك شعرها و تثآوب
قفلت الباب بهدوء مثل مافتحته وهي تمشي وتقفل لبات الممر و السيب
وصلت عند غرفة نسرين
و فتحت الباب و دخلت جناحها الصغير
فتحت باب غرفتها واقفة تتأمل بسرير و الدولاب وبحوض السمك إللي تعشقه نتوس
ناظرت في الحوض و لقت سمكتين ميته
و المويه وسخة وريحتها عفنه
بعد هروب نسرين من عندهم مافي أحد ناظر بغرفتها ولا بالغلط
قعدت على طرف السرير وهي تتصل على قصي
.. حتى الخط أنفتح معاها :ألوووو
فوزية بفرح:قصي حبيبي وينك مختفي
قال بتعب وهوا يشرب المويه ومركز عينه عالطريق مظلم: موجود
حست أنه صوته فيه شئ.. بقلق قالت: حيااتي وينك أنت من يوم و ديتني عند أختك
في الأصلاحية وانت ماتتكلم معاي و فمك يخاطب فمي
وبنهاية ترسل لي رساله كاتب فيها كلمي السواق ياخذك من الأصلاحية
ممكن أعرف إيش فيك.. و إيش صار لك ؟؟ !!
أتنهد تنهيدة طويله.. وقال:أنا بخط السفر رايح عالمدينه المنورة
خافت فوزية وقالت بقلق:أنت بطريق المدينه وليش رايح المدينه بهذي الوقت
قال قصي وهوا يرخي صوت القران شوي :بدون سبب بس ودي أقعد بمسجد
الرسول كم يوم حتى نفسيتي تهداء
أطمنت فوزية من كلامه ونزلت دموعها غصبن عنها
لإن ربي قبل دعاءها وهي بالحرم
وتاب ولدها و رجع لدينه
من يوم و ليله
بدون أحد مايكلمه أو يقنعه
قفلت الخط و انسدحت على سرير نسرين وهي تحضن المخدة
و تشم ريحتها
زارتها بالأصلاحية
كانت مثل الملاك وهي تتكلم معاها بحمآس و تقول لها إيش أخذت و إيش أتعلمت
وهي تدرس دورس دينيه و تحضر محاضرات و ندوات
كانت لمن تضحك تحط يدها بفمها وهي تكتم ضحكتها
أشتاقت لعيونها الزرقه و شفايفها الورديه
أشتاقت لملابسها إللي كل مناسبة أو عزيمه تروح فيها
تلبس فساتين نانسي أو تتطقم مثل لبس نانسي
رفعت راسها فوزية وهي تتأمل بصندوق الخشبي حق مجوهراتها
وهي تملك مجوهرات دمااس
غمضت عيونها و نامت وهي مهاجرة غرفتها
و مهاجرة زوجها
~ $ (( deema ))$ ~
(($~ الفئة مجنونة ~$))
~ $ (( deema ))$ ~
مدت يدها لصحن الفشآر وهي تاكله بطفش وبقهر و بتتفرج
على فليم " the massenger "
أتثااوبت بكسل وهي تنتظر متى جوالها يرن
الساعة 12 و بكرة وراها جامعة عالساعه 8 ونص
رن جوالها وعلى طول ردت وهي تتطيح صحن الفشآر من حضنها
و تقول:حبيبي باسم إيش صآر إللي قلت لك عليه
باسم : والله ياعمري ياهوازن حاليا في تحديث بشركة الأتصالات يعني مره
ماقدر أطلع عنوانه أو أسمه أو معلومات عنه
بعصبية عصبت لكن مسكت أعصابها.. هذا وقت التحديثات إلحين
:طيب ومتى تخلص التحديثات و الخرابيط
باسم :بالكثير أربعة أو خمسة شهور إذا إنتهت المشكله انا راح أدق عليكي
و أعطيكي معلومات صاحب الرقم بس بشرط
ودي أشوفك و أقعد معآكي و تجي عندي الشقة
هوازن بالفعل مالها مزاج ولا لها خلق تكمل إللي متعوده عليه
هي ماتبغى شئ غير تذل حسن و تدوس برجوله: من عيوني
طلبك رخيص يالله حياتي ممكن أنام لإن عندي جامعه
باسم: بدري ياعمري بدري اليل بطئ و طويل ليش الإستعجاال
خلينا مع بعض بجوال نتكلم حتى ماتنامي عالخط
كان ودها إنها تقفل الخط بوجهه.. بس أتعوذت من شيطآن و سايرته حتى النهاية
هي حلفت أنه أخر شآب تكلمه هو بآسم
موظف بشركة الأتصالات
و هوا وعدها بإن خلال الشهور راح يجيب لها معلومه عن العميل " حسن "
من خلال رقمه إللي أعطته هوازن
إنتهى الجزء الواحد و العشرون
قرأة ممتعة
ولنا لقاء بالإجزاء الأخيييرة
من روايتي × الفئة مجنونه ×
ديما بنت القطبي
دموووش ^_^
@ الجزء الثاني و العشرون @
مرت السآعات مثل البرق
و جريت الأيام و الأسابيع و الشهور
و يأتي شهر الرحمة و المغفرة
شهر التوبه و السمآح
شهر الفقراء
رمض ان
طلعت من الحمآم مستعجله بعد ماأتوضيت مستعده لصلاة العشاء و التراويح
بمسجد القريب للحي
أخذت جوالي من شآحن وانا اضغط عالزر الأخضر وأقول: هلا والله
_: هلا فيكي ديما بصراحة انا فرحآنه مرة لإن بكرة عيد ميلادي
إيش رايك تجي عندي
دخلت غرفتي وانا أفتح دولابي و أدور على عبايتي: عيد ميلاد برمضان
يانتوس تبيني أشرك على أول أيام رمضآن
ضحكت نسرين وقالت بدلع وهي تلعب بخصلات شعرها: نو نو أنا ماقلت أسوي
بآرتي و دي جي وكيكات وحمآس بس طلبت إنك تجي عندي البيت
و ننبسط و نفلها
قلت بتريقة: ننبسط و نفلها معناها إنه رمضآن مرآح يعدي على خير
و إنتي معاااي.. الله يخليكي انا ماصدقت رمضآن يجي إلا عشآن
آتقرب من ربي و أصلي التراويح
نسرين مدت بوزها:طيب براحتك مو أنا الخربانه واليع على قولك مع نفسك
:نسرين لو سمحتي لاتسرقي الكلمه مع نفسك تراه محفوظة ولايجوز
إنك تسرقيها من مالكها
صآحت نسرين بدلع: ديموووو والله والله مع نفسك انا كنت أبغاكي تجي عندي
و تنامي عندي اليله بس شكلك ماتبي ولا ودك
: والله من عيوني راح أنام عندك اليله بس لمن ماما تتطردني من البيت
هههههههه والله قويه كلمتك بس راح أمشيها لكي
بملل قالت:عاادي إيش فيها ديما نحنا صحبات و بعدين مامتكي تعرفني مو صح
:حبيبتي نتوس نحنا عندنا في السعودية خآصة و الخليج عامه مايصير البنت
تنام برا البيت فهتمي كلامي
بستهزاء قالت نسرين:أممممممممم صح كلامك نسيت إني أمريكيه أو فرنسيه
قلت لها وانا ميته ضحك وأعلق:ههههههههه أيش أسوي إذا إنتي متحرره وانا
من عايله محافظة بصراحة علاقتنا مره متناقضه
نسرين بتريقة وهي تكح :كح كح كثري منها يا بو عايلة محافظة بس قولي
مشتهيه إنك ماتبي تنامي عندي
:نروح و نرجع والبنت واقفه في هذي النقطة حبيبتي ماما لا تسمعك تقولي هذي الكلمه
عشان تحرمني من أتصالك وبعدين صعبه أروح عند صحبتي بشهر رمضان
تبي ماما تسويلي محاظرة طويله و عريضة بس لإني طرحت لها الفكرة
بحباط قالت نسرين: والحل!!؟؟
:أن شاء الله بأيام العيد إذا ماسافرنا أو قضينا الأجازة بجده
بحمآس قالت ديما:تكفين لا تسافري وقضي الأجازة بجدة ترا جدة بأيام العيد مررره شئ
وحمآس و فله راح ننبسط أنا و إنتي وخصوصا المهرجانات
:تحسسيني كأني مارحت جدة طول حيآتي و لي يسمعك يقول
إنك ماعشت ولا أتربيت بجده
نسرين:ديووم باين عليكي مروقة و تتريقي علي بس أنا طيبه و مراح أرد عليكي
يالله عالعموم أنا مضطره أقفل لإن ماما تناديني
:طيب و انا رايحة عالمسجد يالله مع سلامة
قفلت الخط نسرين وهي تلعب بأكسسوارات جوالها الجديد " Nancu Ajram "
بلونه الوردي وهوا يحمل توقيع نانسي عجرم
باست جوالها بالقوة وهي تهمس:أمووت فيكي يا نانسي
حطت جوالها بجيبها و طلعت من غرفتها وهي تمسك بالدربزان
و هي تنط في درج
هوازن وهي جالسة عالكنب وتبرد أظافيرها بملل: أنتبهي لاتطيحي على وجهك
مو ناقصين أعاقه
رمشت عيونها نسرين وهي تناظرها بحيرة و مستغربة سبب كرهها
و حقدها المستمر
ناظرت حولينها ومالقت أحد .. و أتقدمت لأختها بهدوء
وهي لابسة تيشرت أخضر يوصل لعند فخذها وبنطلون جنيز غامق
سكيني ماسك عليها
رجعت أيدينها لورى وهي تمسكهم وقالت بتردد:إذا إنتي زعلانه علشان علاقتي بمراد
وانه قال م......
قاطعتها هوازن بعصبية وهي مو طايقة نفسها للأخر:أووووووه انا وين و إنتي وين
و بعدين الرخمه هذا حتى إلحين براسك لسه ماتبتي
أجتمعت الدموع بعيونها وقالت وهي تهز راسها بنفي و تدافع عن نفسها:لأ وربي الكعبة
ما أفكر فيه مرره بس أتوقعت أنك حتى إلحين شايله بقلبك
قامت هوازن من الكنب بعصبية و صرخت عليها وهي تأشر على نسرين
:أيوة إنتي إللي شايله بقلبي من يوم طلعتي من الأصلاحية من شهرين
وانا أتوقع إنك راح تتعدلي و تمشي عالصراط المستقيم
أشووفك كل يوم تتدلعي و تتمجغي على نفسك
حطت يدها بفمها تمنع نفسها من البكاء.. من يوم طلعت من الأصلاحية
و هوازن ماتناظرها أو تدقها بالكلام لكن إللحين لقت هذي الفرصة
وغسلت شراعها كله
نزلت دمعة على خدها الناعم و هي تناظر بهوازن وهي تدفها من كتفها
و تتطلع على غرفتها
يعني راح تظل على هذا الحال تلاقي صدود كره جفا
من أبوها و هوازن
حتى أبوها مايناظرها و ماتجتمع معاه إلا بطآولة الطعام
و المشكله أنه شاك فيها كفآية آنه جوالها مسجل و مراقب
و طلعاتها و دخلاتها ممنوع
إلا مع أمها أو أحد معاها
لكن هي تتصرف على طبيعتها و بتتكلم براحة في الجوال
بدون ماتحط ببالها أنه مكالمة مسجلة
مسحت دمعتها وهي تبتسم وتلتفت لأمها وهي تنزل من درج و تقفل أزرار عبايتها
:ماامي وين رايحة!!؟؟
فوزية بحنآن وهي تمسح على شعرها وتقول: بروح أصلي التراويح في الحرم مع قصي
نسرين : بسألك مامي لمن طلعت من الأصلاحيه أحس قصي أتغير
يعني صار مايسمع أغاني وماعرف إيش
فوزية وهي تشوف قصي ينزل أكمام ثوبه و يمسح وجهه من المويه
و تتأمل لحيته الخفيفه: رجع لربي لإن ربي هداه ماتبي تروحي الحرم
بحباط قالت نسرين وهي منزله راسها وتعمل برجولها حركة دائرية
:و الله ودي أصلي التراويح بأول يوم برمضان بس ماعلي صلاة
قرب قصي و ببتسامه قال: نتووس ليش مالبستي عبايتك وتجي معانا
نقلت عيونها لأمها بحرج وطلعت الدرج وهي خجلانه من الموقف
فوزية بلامباله وهي تلبس النقاب: مدري عنها شكلها تعبآنه
يالله نروح قبل لا نتأخر على الصلاة
~ $ (( deema ))$ ~
(($~ الفئة مجنونة ~$))
~ $ (( deema ))$ ~
فتحت العلبة وبلعت حبة و لحقت ورا مويه
دخل أبو مسفر الغرفة بعد ماأتروش: بلعتي حبوب منع الحمل ياأصاله
أصاله وهي تحط العلبة تحت المخده:دوبي بلعت الحبه
التفتت لأبو مسفر وقالت بوجها الشاحب: ممكن أروح المسجد و أصلي التراويح
أبو مسفر وهوا يقعد بجوارها: صلي ببيتك أنا حريمي ماأخليهم يخرجو برا البيت
و بعدين ليش وجهك مسود وكل شوي تصحين ترى ماتزوجتك علشآن أسمع صراخك
صاحت أصاله وهي تنسدح في سرير وتبكي من قلبها
:أب وي كم ل سن ة على وف اته
وهذا أول رمضآن أقضيه بعيد عن أهلي
أبو مسفر: الله يرحمه بس قومي سويلي قهوة و أهلك هذولا شيليهم من راسك
رفعت راسها أصالة بصدمة وقالت: ولمتى
أبو مسفر وهوا ينسدح في الفراش ويغمض عيونه: لمن أطلقك و أرميكي
عالعموم سويلي قهوة لإني بشربها قبل لا أنام
حست أصالة بضيق لإنه حابسه بشقه لمدة شهرين.. كأنها عامله جريمه
علشان يحرمها من أهلها: بس هذولا أهلي أبي أكلمهم و أشوفهم
مشتااقه لهم من زمان ماشفتهم
لا تحرمني من أهلي
أبو مسفر: خلاااص أصاله لا تكثري كلاام قلت لك مافي روحه يعني مافي
بعدت عنه وهي حتى إلحين متقرفة بقربه.. قالت بضيق:طيب عالأقل أسس شقتي
وحدة متزوجة من 5 أو 6 شهور ماعندها لا مطبخ ولاغرفة نوم
ولا شقة مؤثثه مثل البنات
:إنتي نااسية ليش أنا ماخذك؟؟ ولا لسى ماتأقلمتي بالوضع
إنتي ولا شئ بنسبه لي.. إنتي بس مجرد نزوة و شهوة
أنا بس ماخدك مسي ار
طلعت من الغرفة لمن أخر كلمه أترددت بإنها
مسحت دموعها وهي تدخل المطبخ وتناظر في الغرفة الفاضيه
و للي مافيها شئ فقط قوارير مويه و أكياس زبايل و بقايه أكل
طلعت من المطبخ و دخلت غرفة النوم وقالت بكل صيآآح: حتى أكل مافي
عشآن أفطر زي خلق الله في رمضآن
أبو مسفر وهوا ينزل يده من عيونه و يناظرها بملل: أحمدي ربك إني بشتريلك فطور
علشان تفطري يعني ماأخليكي على لحم بطنك
أصاله هي تمسح دموعها وبصيح: و السح ور من وين لي أكل كمان أفطر
على شربه باردة و مافي بوتجاز علشآن أحميه ولا على عصير برتقال
و شآروما مثل كل يوم
أبو مسفر وهو يلف للجهه الثانيه و يتغطى بالبطانيه:خلاص لاتكثري هرج
إذا صحيت من نومي راح أرميكي عند أهلك و أفتك منك يومين
يالله أطلعي برا وشغلي المكيف
حمدت ربها أصاله أنه أبو مسفر سمح لها أنه يوديها عند أهلها.. بتردد قالت: ممكن أروح
المسجد أصلي
أبو مسفر وهوا مل من صياح أصاله وبكاءها.. أشر بيده بمعنى إنها تروح
و أصاله ماصدقت نفسها إنها تتطير من الفرح تاخذ عبايتها و تتوضى
و تتطلع من الشقة
حياتها ماشيه على هذا الحآل و خصوصا أنه مانعها من أهلها من شهرين
و تاركها بشقه لحالها مايجي غير في أنصاص اليل
ياخذ شرعة و حقه وينام عندها و بصباح يروح على شغله
دخلت المسجد على أستعجال وهي تتطلع الدرج بسرعة لإن الصلاة قامت
لكن صدمت بوحدة كانت قدامها ماسكة شنطتها و تفتش بأغراضها
لكن أصالة طاحت بالأرض فوق البنت
والشنطه طاحت بالإرض و أنكسر شئ بداخله
قمت من الأرض وانا أصرخ و أمسك شنطتي واطلع العطر المكسور: عطري أنكسر
أصالة بربكه و بخوف:معليش ماكان قصدي أصلا كنت مستعجله وماشفتك
صرخت بوجها وانا أبعد عن الزجاج المتناثر إللي بالأرض :ليش قزمه عشآن
ماتشوفيني ولا عندك بس عين وحدة
بخوف قالت أصاله وهي تفرك يدها: قلت لكي معليش والله ماقصدت
رفعت عبايتي بعصبية وانا أشر بيدي :هه وفين أصرف كلمه معليش وبعدين عطري
إللي أنكسر و أغراضي المرميه في الأرض ولا كلفتي على عمرك إنك تجمعيها
بس فالحة ب كلمة معليش
نزلت أصالة وهي تلم الأغراض بحذر لإن القزاز متناثر بكل مكآن
و ريحة العطر منتشرة في ممر المسجد
قامت وبيدها الأغراض وقالت: غسلي شنطتك قبل العطر لايمسك بشنطة
وماتقدري تخ...
بعدت عنها بعصبية وانا أروح بتجهه المغسله :مالك صلاح مو كفايه أنك
السبب في كل شئ إللي صار
إلحين كيف أدخل المصلى و ريحتي كلها عطر
و وقفت عند المغسلة وانا أفسخ عبايتي و أغسل البقعه إللي فيها العطر
بتذمر و بعصبيه و أصاله واقفه بجواري بخوف وهي ماسكة بأغراضي
و تنتظر مني أشآرة
قفلت بزبوز المويه وحطيت عبايتي بكتف أصاله وقلت وانا أحط شنطتي بمغسلة
و أغسلها من داخل عشآن تخف الريحة: ممكن أعرف إيش أستفدتي بعد ماسببتي
كل الفوضى وبنهاية وبكل برودة قلبك أسمع منك كلمه معليش
أصالة ببرائة و الحقيقة إنها ميته خوف: طيب معليش
أنفجرت ضحك عليها وانا أشيل شنطتي من المغسله و مستمره في ضحك
قلت لها وانا أمسح دموعي: إنتي إيش أسمك والله أنك تحفه
بلعت ريقها أصاله وناظرت بالأرض:أصاله
عقدت حواجبي:أصايل
رفعت عيونها وناظرتني:لا أسمي أصاله
قلت لها وانا أفتح شنطتي و أشر إنها تحط أغراضي بداخل: أسمك حلو وماشي الحال
أنا أسمي ديما وجيت المسجد عالأساس إني بأصلي بس للأسف
جيت عشآن أغسل عبايتي و شنطتي
أخذت عبايتي من كتفها وقلت لها:في ريحة عطر؟؟!!
أصالة وهي تشم العبايه وتهز راسها:لأ امممممممم يعني فيه
دق جوال أصاله وناظرت بشاشة بربكه و ردت بهمس:ألووو
أبو مسفر بعصبيه: إنتي وينك ياداشرة وين طلعتي من الشقة
أصاله نزلت راسها بالإرض وهي تبعد و تروح مكآن منعزل و تسمع
لصراخه و أهاناته و أنفعالاته و هي تصطنع وتحآول إنها تكون طبيعية
و تهز راسها و تبتسم لإن وجها كان مقلوب للأخر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك