رواية الفئة المجنونة -26

رواية الفئة المجنونة -26

جآآآري الأرسال

رجعت للنت وهي تحمل أناشيد بو خاطر وفتحت بريدها وهي تقرأ الرسايل

و منشدة لموضوع للأخر

تن تن تن

نقلت بصرها لجوالها وفتحت الرسالة وضحكت من قلبها

لمن قريت الرسآلة

i'm coming with the black camels without shoes.......

i wanna ask you after late how are you....?

وكتبت لديما رساله :

@ والله عارفين ماشاء الله عليكي إنك دافورة في الإنجليزي

يعني تبيني أعطيكي علامات ولا أقيم مستوآكي الإنجليزي؟؟ @

ظهرت لها نافذة في جهآزة بآسم ^@ موتي ولا دمعة أمي @ ^

سلام عليكم ؟؟

كتبت سماهر عالمسن بعد ماأرسلت رسالة لديما

(( شقآوتي بحلاوتي ))

وعليكم السلام من معي؟؟

@ موتي ولا دمعة أمي @ ^

أنا ريما هذا مو أميل لينا؟؟

أستغربت سماهر بشدة و قالت من لينا هذي إلي تبغاها شكلها غلطآنه

(( شقآوتي بحلاوتي ))

لأ مو لينا.. هذا أميلي بس من إنتي؟

@ موتي ولا دمعة أمي @ ^

متأكدة حقك ولا حق لينا لإني كنت أعرف صحبة الأميل بهذا الأسم

وقلت لكي أنا ريما

(( شقآوتي بحلاوتي ))

وانا قلت لكي انا صحبة الأميل ومني لينا

@ موتي ولا دمعة أمي @ ^

طيب من إنتي؟؟ يعني إنتي تصيري من قرايببها ولا هاكرة إميلها

حاولت تستدرجها سمآهر وهي تكذب عليها و تشوف من هذي

و كمآن تتونس عليها

(( شقآوتي بحلاوتي ))

إيوة من جماعتها و لينا مشغولة مو فاضية تدخل أميلها

@ موتي ولا دمعة أمي @ ^

طيب بس أبغاها ضروري ممكن تعطيني رقم جوالها أو أي رقم عشآن أتوصل لها

(( شقآوتي بحلاوتي ))

سوري ماأقدر أعطيكي رقمها إلا لمن أخذ أذنها مستحيل أتصرف من عندي

@ موتي ولا دمعة أمي @ ^

هي مرآح تزعل منك لإنها تتمنى تكلمني بس الله يخليكي ممكن رقم جوالها

تن تن تن

جاتها مسج من ديما .. كتبت في المسن قبل لاتفتح الرسالة و تقراها

(( شقآوتي بحلاوتي ))

سووري والله ماقدر ياريما صدقيني هي طلعت جوال جديد وماتبغى ولا رقم أحد

يدق عليها.. وانا راح أكلمها و أشوف الحين

@ موتي ولا دمعة أمي @ ^

الله يخليكي ممكن تكلمها إلحين والله مرة مستعجلة ودي أكلمها ضرورري

(( شقآوتي بحلاوتي ))

طيب ثواني بس

فتحت الرسآلة وقريت : @ كنت بختبرك و أشوفك تفهمي في الإنجليزي بدون مساعدة الدكشنري

ولا لأ.. بس شكلك فهمتي يعني بس مو شطورة في ترجمة @

أرسلت لها رسآله:@ عشان ماأكذب عليكي ديوم والله حاولت أشغل مخي وماطلعت بشئ @

رجعت للمسن وهي تختصر كلامها بملل و تشوف نهآية هذي البنت

(( شقآوتي بحلاوتي ))

دقيت عليها و قآلت أنها ماتعرف أحد ولاتعرف وحدة أسمها يبدأ بحرف الراء عشان

تعرف وحدة بأسم ريما

@ موتي ولا دمعة أمي @ ^

مستحيييييييييل !! طيب أعطيني رقمها أمكن إذا سمعت صوتي راح تفتكرني

أنا متأكدة أنه صوتي مراح عن بالها؟؟ مو هي أتزوجت قريب؟؟

قريت سماهر السطر الأخير ببطئ وهي ترجع تقرا المحادثة في البداية بخوف و بصدمة

وكتبت بسرعة

(( شقآوتي بحلاوتي ))

شكلك متلخطبة في الأميلااات وماتعرفي مين تبغي

يالله مع سلامة

طلعت على طول وعملت لها بلوك و حذفتها من القائمة

لمن عرفت أنه صاحبة الأميل

هوا

ي وس ف

أفتكرت كذبها إنها قالت إسمها لينا بدل سماهر

و بأخر مكالمة قالت أنها راح تتزوج

طلعت من النت و قفلت جهازها و راحت لسريرها وهي تفكر بيوسف

و مواصلته أنه يجيبها بإي طريقة

جات الخدامة واتي وهي تقول: هزا باب في دق

سماهر وهي تقرأ المسج عشآن تقوم وتفتح الباب وتاخذ الطلبية

: خلاص روحي إلحين أفتح الباب

واتي بستغراب وهي واقفه عند الباب: مين!!

سماهر وهي تقراء الرسآلة بعد ماترجمتها ديما: حق الأكل

~ $ (( deema ))$ ~

(($~ الفئة مجنونة ~$))

~ $ (( deema ))$ ~

لبس بدلة رسمية السوده وفوقة الجكيت الأسود وهوا واقف مع أصحابة

ويناظرو في صحبتهم كليرا إلي ماتت بسبب المخدارت و أهلها حولينها يصيحو

من بعيد كان واقف و عاكف إيدينة وهوا ينقل بصره لتابوت

و يناظرها وهي لابسة الفستان الأبيض وكأنها نايمة في تابوت

مو ميته.. و الصليب الذهبي على صدرها

و أهلها يسلمو عليها وهما يصحيو و يبوسوها

قال صاحبة جوهآن وهوا يتكلم بالألماني: Lassen Sie uns erkennen,

damit man aus der Kirche

(خلينا نسلم عليها ونخرج من الكنيسة )

قصي وهوا يهز راسة و يمشي: Wenn Sie gehen, gehen, aber ich werde bis maahum Aufenthalt Aldvenh

( إذا تبغى تروح روح بس أنا بكون معاهم حتى وقت الدفنه )

جوهآن أتقدم للتابوت وهوا يشوف صحبتهم إلي كانت تشاركهم في الجامعة و أنبسطو بحفلة التخرج

و أتفاجئو أمس إنها ماتت بسبب كمية المخدارت إلي أستخدمتها

راح عندها وهوا يبوس راسها و يحط على كتفها وردة بيضة ويقول بهمس: Will schlafen im Himmel in Frieden, mein Klera

( راح تنامي في الجنة بسلام يا كليرا )

هز راسه قصي وهوا منزل راسه و يقول: Amin. Ich vermisse dich, forderten zahlreiche Klera

( آمييين .. راح أفقدك كثير يا كليرا )

قرب منها قصي و باس راسها وهوا يعمل الحركة مسحية والعياذ بالله.. يبوس يده ويلمس كتفه اليمين

و اليسار وهوا يناظر في القسيس " البابا"

القيسيس أو الكاهن وهوا يتأمل ملامح قصي إلي كانت تدل على الخليجة ومستغرب من ديانته

وهوا يناظر في سلسلة ذهبية صغيرة معلقة برقبته وفيها رمز الصليب

بهمس قال الكاهن وهوا يقرب من قصي: Bist du ein Christ

( أنت مسيحي )

قصي وهوا فاهم سؤاله وقال بفخر : Ja, ich mochte die christliche Religion

( نعم مسيحي و عجبتني الدياانه مرة )

أبتسم بخبث الكاهن وهوا مبسوط أنه شاف خليجي ( مسلم ) غير ديانته ل ( نصرانية )

: Well .. Dass die christliche Religion ist vie

l besser als andere Religionen

( كويس تراه الدين نصراني أحلى بكثير من الديانات السماوية الثانية )

قصي وهوا يبعد عن التابوت لإنهم بيقفلو وجو الرجال وهما يشيلو التابوت ويطلعو من الكنيسة

: Well .. Dass die christliche Religion ist vie

l besser als andere Religionen

( أنا أخترت الدين المسيحي بقناعتي لمن كلموني أصحابي و أقنعوني عن هذا الدين )

سكت لمن شاف صاحبة اللبناني جوزيف جاي عندهم وهوا ماسك الطاقية السودة بيدة

وقال بتعب: شو هلأ دفنو رفيأتنا كليرا

قصي وهوا يمشي مع الجماعة وهوا يسمع صياحهم و بكاءهم : مثل منت شايف لسه مادفنوها

دخلو الحديقة إلي كانت مخصصة للمقبرة و وصلو عند أحد الأشجار كبيرة

وحطو التابوت بحفرة وهما واقفين يسمعوا للكاهن وهو يتكلم عن كليرا و حياتها

وعن الموتها

وكانت بجواره حرمة زنجية لابسة فستان أسود لتحت ركبتها وشعرها كيرلي وهي تغني بصوتها

العالي و بجوارها رجال يعزف على آله الجيتارة

و الأهل يصيحو و يبكو .. و زاد صياحهم لمن شافو طفل صغير واقف و شايل صورتها

سرح قصي وهوا يفكر و يقآرن بديانه مسحية و الأسلامية

كان في دين الأسلامي

حتى الميت له مكانه خاصة و أحترام

ماكان في موسيقى ولا طرب.. ولا كآن الشيخ يتكلم عن الميت علشآن لا يتعب أهل العزا

عشان لا يذكرهم باللي مات

كانو يصبرو أهل الميت وكل واحد يصبر الثآني

آما هنا كل واحد بيتعب الثآني ويخليه يبكي

رجع للواقع لمن شآف الكل راح بعد مادفنو كليرا .. قعد على التراب وهوا يسمع

صوت الحرمة وهي تغني على كليرا و ثتني عليها

رمى الوردة بيضة على قبرها وهوا يطلع من جيبة سجآرة ويقول: فاكرة لمن كنا ندخن أنا و إنتي

و عايشين حياتنا بطول و عرض وكان جوهان ينزعج من رايحة الدخان

حط السجارة مع الوردة بقبرها وهوا يناظر بالحجر إلي كان على قبرها

وهوا منقوش بأسمها و بتاريخ ولادتها و وفاتها

قام من مكانه ومشي وهوا ينزل راسة و يدخل يده بجيبة

و يطلع من المقبرة

~ $ (( deema ))$ ~

(($~ الفئة مجنونة ~$))

~ $ (( deema ))$ ~

بأرض مملكتنا الغالية " السعودية "

و بأنحاء القصر عظيم و الخدم منتشرين بكل مكآن

كآنت العائلة مجتمعة في قصر الجدة

لإن في ليل راح يرجع قصي من السفر و لإن مناسبة نجاح أيهاب

بنسبة 98

كانت جالسة عالكنب و قبالها النافورة على مجسم طفل ويخرج من فمه مويه

دقت هوازن إلي كانت مشغوله في الاب توب وقالت : شوفي الدافور جاه خلينا نتونس عليه

و نضحك على راسه

سندس وهي تأشر بدلع: إيهاااااب ممكن تجي شوي؟؟!!

جاه إيهاب وهوا عامل تسريحة سبايكي ولابس بدي ملون وبنطلون طيحني .. مسك طرف بنطلونه

وهوا يجي عندهم: هلا بنااات أخباركم؟؟

سندس بدلع مصطنع: منيحااات أنت أخبارك و وينك من زمان ماتنشاف؟؟

إيهاب وهوا رافع كتوفه و يمثل الأرهاق: والله مشغول بدراسة عارفة إني ثالث ثانوي

ولازم أجيب نسبة عالية عشآن أدرس في اليابان

سندس وهي تهز راسها بتفهم:آآآه الله يوفقك يارب.. إلا ماقلت إيش أخر أخبارك

و وو مبروك على الفيآغراء أن شاء الله تكسرها بالعافية

أيهاب وهوا يلعب بأكسسوارات ويقول: الله يسلمك يا سندس و إنتي عارفة أنه الفياغراء هدية من

أمي و ابوي بمناسبة نجاحي

سندس: أممممم و أختك بثينه إيش جابت لك؟؟

إيهاب: تقول راح تفاجئني في اليل لمن يجي قصي من سفره

سندس بخبث: كان ودي أسألك إيش أخر أخبار خويتك فاتن

كتمت ضحكتها هوازن لمن سمعت سؤال سندس وناظرت بحتقار ل إيهاب وهي تنتظر إيجابته

لإنها عآرفة إنه إيهاب يحب نتوس بس لقي جفا وصد ونكران من نتوس و حول لخويته

فاتن إلي أتعرف عليها في ملاهي جنغل لاند

إيهاب وهوا يناظر بهوازن و يرجع يناظر بسندس: حاليا مضآربين وما نتكلم مع بعض

لإني حاليا بربيها و أعذبها

ضربت رجولها سندس بالأرض وهي منفجرة ضحك و هوازن ماسكة فمها وهي ميته ضحك

و قالت سندس وهي تطيح على هوازن: ههههههههههه و إيش عملت ف اتن ع لى ش ان

تربي ها هههههههههههه

إيهاب وهوا يناظر بهوازن و ينزل عينه في الأرض لمن تناظره هوازن بنظرات قويه

و حارقة.. وهوا يفتكر أنه نسرين في الأصلاحية و أنصدم إنها تحب واحد : عشان خانتني

مع واحد و أكتشفتها لمن كنت في الكورنيش .. و هي تدق علي بس أنا بتغلى عليها

عشان تتعذب و تتعب

سندس وهي تضرب طاولة بيدها وميته ضحك:أهم شئ تتغلى عليها ياإيهاب والله طلعت مو هين

ههههههههههههههههه

شمقت هوازن وهي تخرج السماعات من الاب توب و تكلم سندس: إيش رايك بالأغنية هذي

أتنهد إيهاب وهوا منزل راسه وعلى شفايفة إبتسامة باهته وهوا يسمع الأغنية

و ذكرة بمصر لمن كان في الجيزة مع أهله ومع محبوته إلي مطنشته نسرين

وهوا يشوفها ترقص في الكازينو لحالها و بدلع

و الشباب مصارية يصفقو و يعلقو فيها

رجع للواقع لمن شآف بنات خالاته يرقصو على أغنية نوال الكويتيه

@ تفضل حياتى وروحى هديه

تراها عشانك ياغالى شويه

يمكن ازعل منك مره واتضايق واتشره

ولكنى ارجع وقلبى فى ايديه

انا شوقى بعينى يصبح يمسينى ولك اهنيه

من الناس تكفينى على راسى وعينى وتامر عليه @

جلس على طرف الطآولة وهوا يصفق بحماس مع خالته فوزية و أمه

~ $ (( deema ))$ ~

(($~ الفئة مجنونة ~$))

~ $ (( deema ))$ ~

قاعدة بجوار الشاوية وهي تشوي اللحم و ميته ضحك على أختها وعيالها

قامت حطت الشاي في صينية وقامت وهي تعطية لأمها و أبوها

إلي كان أبو يونس قاعد معاهم بس ماسك الرديو و يقربو لأذنه وهوا يسمع للإذاعة

و أم يونس قاعدة بجوارة وهي تخيط في القماش عشان تسوي شرشف لبطانية

حطت الشاي عندهم وهي تشوف أبوها يسأل أم يونس و يقول لها مستغرب: وش هذا؟؟

أم يونس وهي ترفع القماش: مثل منت شايف قماش و قاعدة أخيطه

أبو يونس وهوا يرفع حاجبة إلي كان طايح على عينه بسبب كبر سنه ويقول بهدوء:أممممممم فكرة

حلوة ليش ماتبيعيها عند الجيران عشان تكسبي فلوس

بحدة قالت أم يونس: أستهدي بالله يابو يونس و أذكر ربك لاتخليني أحرق القماش بسببك

تركتهم غالية وهما يضاربو.. و قعدت مع فاطمة إلي كانت ماسكة كتاب ( سين و جيم )

وتلعب مع عيال أختها وتسألهم أسأله

فاطمة وهي تقلب في صفحات وقالت: ماهي لغة أهل الجنة؟؟

مهند بحماس كان بيجااوب بس قاطعه علي لمن مسك فمه وقال: أنا أعرف أنا أعرف أنا أعرف

مو لغتهم السعودية

أنفجر الكل ضحك على كلمة علي إلي ناظرهم بستغراب وتعجب

وهوا يشوف فاطمة تضحك بصوت عالي وطايحة في الأرض و غالية تمسح دموعها وهي تبكي

و أصاله بس سمعت تعليق وهي تضحك بصوت عالي معاهم و المشكله ماتعرف الأجابة

مهند وهوا يتنفس بالقوة بسبب الضحك:هههههههههههههه لغت هم الع ربي ه هههههههههه

صرخت أم يونس و عيالها ماسمعوها: وليش تفتح السالفة معاي

أبو يونس هوا يناظرها ويلعب بعصايته: عالأساس بكرة ماتنصدمي و تقولي أخر وحدة عرفت

وهذا أنا أعطيتك خبر علشان بكرة بو مسفر بيخرج مع أصالة

~ $ (( deema ))$ ~

(($~ الفئة مجنونة ~$))

~ $ (( deema ))$ ~

نزلت دموعها خلف جدرانها وهي تفتكر أهداء مراد

لمن أهداها أغنية ( قول حنساكي )

بدء العد التنازلي لجلد نسرين

غمضت عيونها بتنهيدة وتركت دموعها تسيل في خدودها و هي تشوف السجانات جاين لعندها

: حسبي يالله عليك ربي ياخذ حقي منك يامراد.. الله يلعنك و يصبك بسرطان

ينهش عظامك وجلدك يارب

~ $ (( deema ))$ ~

(($~ الفئة مجنونة ~$))

~ $ (( deema ))$ ~

كان ماسك المفك الحديدي بيده وهوا يميل راسه ويناظر في أهله إلي كانو مجتمعين في سطوح

و مشغولين بضحك و الوناسة

نزل بسرعة تحت وهوا يدخل شقة أبوه و يكسر الخزنة بمهارة لإن يده أتعودت على السرقه

قرب الكيس الأسود من خشمة وهوا يشم أحلى و أزكي رائحة بحياته وهي الفلوس

دخل يده عشاوئي و أخذ حزمتين من الفلوس

بس رجع أخذ 3 حزمات و رجع الكيس مكانه بعد ماكسر الخزنة

طلع من شقة أبوة ومن عمارته ومن حي رصيفة نهائيا

بعد ماسرق 5000 وحطاها في جيبة

قرأة ممتعة

___^

ديما القطبي

~ $ (( deema ))$ ~

(($~ الفئة مجنونة ~$))

~ $ (( deema ))$ ~

(( الجزء السابع عشر ))

سقطت من عيونها صغيرة دمعة و نزلت بعدها دموع

وهي تشاركم وهوا ينزلو على خدها مثل السيل القوي

كان حاس و عارف إنها قاعدة تبكي وهي منهارة و جسمها ينتفض و يرتعش

و المشكلة أنه مقفل نوافذ السيارة بأحكام

علشان البرد لا يصيبها

لكنها كانت ترتعش وهي خايفة منه

كانت ترتعش وهي مرعوبة منه

كانت ترتعش وهي تجلس مع رجال غريب لحالها

كانت ترتعش

وهي مع أبو مسفر

مد يده أبو مسفر ومسك يدها الصغيرة.. إلي أرتعشت غصبن عنها و سحبت يدها بالقوة وهي تلصق

باب السيارة وهي حاضنة يدها لصدرها و مرعوبه أنه أبو مسفر يعيد الحركة

قال لها وهوا يبطئ سيارته عند نقطة التفتيش: إنتي عارفة أننا مخطوبين و لازم نتمشى و نروح أماكن

رومنسية.. و إنتي عارفة مكة مافيها شئ حلو ماغير كم مطعم و كم مول وأنا حبيت أننا ننزل على جدة

لإن جدة حقت تماشي و طلعات و ان شاء الله راح تعجبك جدة

كانت أصاله مو معاه.. كانت حاطة راسها على شباك سيارة وهي تفتكر الصدمة إلي جاتها

لمن قالو لها أنه أبو مسفر جاي ياخذها

كان الكل يجبرها بإنها تروح معاهم

لكن من عيونهم كأنهم يهونو عليها و يصبروها على مصيبتها

كانت لاصقة عند امها و جدها يسحبها من بلوزتها بالقوة وهوا يسب ويلعن فيها

وهي كانت تصيح و تصرخ وتحضن امها بالقوة

و غالية كانت الدموع مجتمعة بعيونها ولكنها تكابر وهي تهون على بنتها وتقولها بس هذي الليله

ماتدري كيف لبست وكيف أتعدلت و أعطتها فاطمة غطوتها وطرحتها وبعد شنطتها

و وصتها جدتها بإنها تكون شرسة و قوية عشان يطلقها

و أعطتها في يدها 100 ريال ولا تاخذ منه ربع ريال

وغالية وصتها على نفسها و سلمتها جوالها وقالت لها إذا صار فيكي حاجة دقي

من جوال خالتك ولا تترددي

حست نفسها كأنها بتروح لبيت زوجها أو كأنها بتجاهد في سيبل الله

رجعت للواقع لمن دخلو جدة و عدلت نفسها وهي تناظر بجدة

عجبتها جدة للأخر.. مو زي مكة ولا سكاكا

مدينه ثانية

عالم ثاني

ياااسلام.. شوارعها مرتبة و مطورها

وكل شئ لفت أنتباه أصالة

لفت أنتباها مركز ( محمود سعيد ) مركز كبير و تصميمه حلو

آيس لاند, صواري مول,كورال مول, الصواري لاند مارك

و و و

تعبت من كثر ماتشوف في كل بقعة مولات و أسواق

أنذهلت من تصميم المطاعم و الكفياهات بأشكالها

إلي تجذب الزائرين

تشيكي تشيز, ليلك,بوابة الصين , لو شالية,

مطاعم بأأسماء غريبة

تعبت وهي تقرأ اللوحات معلقة في مطاعم

حتى التفتت لأبو مسفر وهوا يشغل ال fm و رافع الصوت عالي

و كان يسمع ل ( يمه حبيته ) منى أمارشا

ناظرته أصالة وهي منزله طرحة لعيونها

كان حاط الغترة على راسة بإهمال و كان سمين و ثوب لاصق بجسمة بكثر منه ضيق

كتمت ضحكتها لمن شافت لون ثوبة قريب للصفار

و بخاطرها قالت : يعععععع عجوز مايعرف شئ؟؟

ناظرت بوجة زوجها إلي بنظرها ( وحش ) بس رجعت غضت البصر بعفوية وهي تستغفر

قال لها لمن رخي الصوت وهذي رابع مرة يتكلم معاها : إيش رايك نروح ل جافا

أصالة أتصنمت في مكانها لمن سمعته يتكلم و رجعت أنكمشت على نفسها

أنتظر ردها وقال وهوا يوقف عند الأشارة و يلتفت لها: أمممممم طيب إيش رايك نروح للكورنيش؟

بين نفسها قالت أصالة وهي منزله راسها: إذا قصده على نافورة جدة ما أقولك لأ

أنتظر أنها ترد أو حتى تناظره أو تهز راسها بس مالقي رد منها

قال لها وهوا يحرك السيآرة وهوا يفتكر جسمها ضعيف خلف عبايتها : خلاص نروح ل عطالله

عقدت حواجبها أصالة و رقبتها شوي وتنكسر من كثر منها منزلتها وبين خاطرها

: من هذا عطالله.. لايكون واحد من أصحابة

بكل برأة نزلت دموعها وهي تصيح بداخلها و تمسح دموعها وهي خايفة

كان ودها أنه يوقف شوي وينزل من سيارة عشآن تخرج جوالها و تتتصل على خالتها

و تقول لهم أنه بيوديها عند عطالله

وهذا متزوجها و يعتبر زوجها وسؤول عنها

وهوا من الحين خاربها و يبغى يوديها عند صاحبة عطالله

شكله مل منها ومن بكاءها و سكوتها

كان أبو مسفر يحاول يكلمها بس مالقي مجال أنه يتكلم مع مرته الجديدة

بس ركبها السيارة وهي بس تصيح

خاف يهديها أو يهون عليها وهي ترجع تصيح ثاني

فكر كيف يسعدها و يخليها تحبة وفكر أحلى مكان يوديها

عطالله

ملاهي جدة الترفيهة

~ $ (( deema ))$ ~

(($~ الفئة مجنونة ~$))

~ $ (( deema ))$ ~

رمت ملفها و أوراقها عند أبوها و بقلبها القاسي وهي متجاهله العواقب: فصلت من جامعة

سكت أبو يونس وهوا يناظرها و ماأستوعب إيش قالت فاطمة

صرخت أم يونس وهي تضرب على صدرها و تضرب حضها : فصلتي من الجامعة؟ ليش؟

وكيف ؟ ومن متى ؟

رفعت كتفها بلا مباله وهي تنتظر رد من أبوها: اليوم في صباح رحت الجامعة و سحبت ملفي

حك حاجبة الأبيض وهوا مصدوم من كلمتها وقال: و والبطاقة؟؟

وصلت إلي تبغاه فاطمة بكل برود قالت: كيف راح يعطوني مكافئة وانا سحبت ملفي

مسكت راسها أم يونس وهي تصرخ: ياااااربي ياالله ياكريم

ألطف فيني وفي عيالي ولا واحد من عيالي جمل حالي و طيب على خاطري

إنتو ليش حظوظم طايحة ليش ماعندكم مستقبل مثل باقي عيال الناس

ليش أنا ربي رزقني بعيال أنا إلي أصرف عليهم و أأكلهم و أشربهم و أغسل ملابسهم بهذا الكبر

و أنتو ولاهمكم غير النوم و راحة و الأتكالي.......

قاطعها أبو يونس وهوا يصرخ و وجهة صآر لونه أحمر: الله يلعنك وانا من وين تجيني الفلوس

ليش حرمتي رزقي و حرمتي فلوسي.. إلحين إيش أسوي ببطاقة وهما خلاص مراح تنزل

كل شهر 850 ريال.. أنا إيش أسوي فيكي يا فاطمة بعد هذا الكبر تجحدي فيني

وتخزيني.. يعني تبيني اقوم أشتغل في شوارع عشان أكسب فلوس و أكلكم

أأنا رجال كبير ماأشوف شئ ولا حتى أمشي وانت...

قاطعته أم يونس وهي تصيح منهارة: أسكت إنت ماهمك إلا فلوسك و طمعك و انانيتك إلي زي عيالك

ياجاحد ياناكر .. ياليت ربي ياخذ امانتي و أروح من هذي الدنيا و أفتك منها ومنكم

كانت فاطمة حاطة يدها بجيبها وهي تناظرهم ببرود ولا مبالة

وخلاص ماهمها شئ غير نفسها وبس

الكل صار أناني مايفكر إلا بنفسه

وهي عندها قلب كبير يشيل همهم و مسؤوليتهم و حزنهم و خوفهم

عندها قلب يتحمل الصدمات و المصايب

بس قلبها الكبير تعب كثير وهوا بس يتحمل و يتحمل

خلااااص

تعبت و تعبت

أدمنت في دخان.. عشان يطلع كربتها و همومها بس مالقت شئ منه

كان وجها باهت و صافي بدون ملامح

ولا حتى رسمة بقلم الأسود

يتبع ,,,,

👇👇👇