رواية الفئة المجنونة -16
بس ماأبغى أمسكها في يوم وهي سوت شئ غلط
فاطمة: وانا أوعدك إنه أصالة مالها ومال المشاكل بس صحباتها هم إلي يزعجوها
ويبغو معاها مشاكل عشان يوصلوها للإدارة
المديرة وقفت وحطت يدها خلف ظهرها وهي تناظر بأصالة من تحت نظارتها
وقالت: من هم البنات ؟؟
أصالة بلعت ريقها وسكتت بخوف.. هي ماتبغى مشاكل معاهم
ولا تبغى المديرة تحطهم براسها
فاطمة بطفش ومن غير نفس:من هما البنات إلي أضاربو معاكي أمس؟؟
أصالة بتوتر:هه.. أأأبرار الغامدي و و بشاااير الحلواني
المديرة هزت راسها:خلاااص مراح يصير إلا الطيب وهذولا البنات إلحين راح
أشوف موضوعهم وإنتي أطلعي على فصلك وناديهم
ناظرت أصالة بفاطمة وطلعت من مكتب المديرة
المديرة وهي ماسكة جوالها:أمس أصالة أعطتني رقمك عشان أكلمك
بس دقيت عليكي ولا رديتي.. ممكن أعرف أسمك؟؟
فاطمة وهي تفتح (سجل المكالمات ) وتلاقي رقم عالساعة 11 ونص:أمممم
إنتي إلي رقمك 05000؟؟
المديرة:أيوة هذا رقمي وماعرفتيني على أسمك؟؟
فاطمة وهي تحفض رقم المديرة في جوالها :فاطمة سعيد القرشي
~ $ (( deema ))$ ~
(($~ الفئة مجنونة ~$))
~ $ (( deema ))$ ~
لفت وجها من تحت البطانية وناظرت بجوالها إلي شاشتة تنور
فتحت جوالها ولقت 4 مكالمات لم يرد عليها
3 من فاطمة
1 من يوسف
آووووه هذا العلة لسة مصر يتصل علي
متى يبطل ويطفش مني
أنا إلي عندي مكفيني مو ناقصتة بعد
مسحت الأرقام وكانت تبي تشغل سورة البقرة بس البطارية ضعيفة
قامت من فراشها ..لإنها نايمة في الأرض في غرفة أمها و أبوها
دورت على شاحن بين التسريحة والكومدينة بس مالقتة
لإن الغرفة مظلمة وماحبت تفتح اللبة تزعج أمها
حست بألم في بطنها مرة يعورها.. بس كابرت و ورجعت تدور على الشاحن
لكن الألم كل مرة يزيد.. كأنه دبابيس تخز في بطنها بسبب الألم
جلست بالأرض وصرخت وهي ماسكة بطنها..
بس خافت و وأنفجعت لمن حست شئ ببطنها
ناظرت في المراية معلقة في دولاب أمها إلي كان فيه صورة أمها خلفها وهي نايمة
كانت تبي تناديها بس أتفاجئت برجل أسود بظلام وعيونة حمرة
يناظرها ويأشر لها ويضحك
خافت سماهر وصرخت بألم وهي حاسة بتموت بسبب بطنها
:آآآآآآآآآآآآآآي آآآآآآآآآآآآآآآآآآآآآآآآآآآآآآآآه
قامت أم حمزة مفجوعة وفتحت لبة الإبجورة ولقت سماهر جالسة بالأرض
وماسكة ببطنها بالقوة وتصرخ بألم
راحت لها أم حمزة وجلست بصعوبة في الأرض وهي تقول:بسم الله أيش فيكي
أيش صارلك؟؟
سماهر وهي تصيح:بطني تعورني بموووت من الألم ياماما والله أموووت
آآآآآآآآآآي
أحسان وهي ترفع بجامة سماهر وتحط يدها ببطنها:أمكن الدورة أو تبي روحي الحمام
سماهر وهي تصرخ وتبكي:لاااااا جاني الوجع دوبة وماعرف ليش
آآآآآآآآآآآي وهوا مو في بطني.. هوا تحت
أحسان بخوف وهي تسدح سماهر في الأرض: فين تحت بسم الله الرحمان الرحيم
سماهر والعرق يتصبب منها:عند رحمي ..مرررة يعورني حاسة بسكااكين
تضرب ببطني
حطت يدها تحت بطنها تحت في رحم وكان المكان حاار وحاسة بتقلصات
ناادت على شغالتها وهي تهدي سماهر وهي تصرخ كأنها في وقت ولادة
جات الخدامة وهي مستغربة أيش فيها سماهر وأيش صار لها
أم حمزة وهي تضغط بخفة على بطن سماهر وتقول:هاتي قارورة زيت زيتون
إلي بابا أمس قري عليها وجيبي علبة البروفين معاكي
هزت راسها الشغالة و طلعت من الغرفة وراحت تجيب الإغراض
أم حمزة وهي توقف سماهر إلي كانت تصيح بسبب بطنها:قومي أدخلي الحمام
أمكن أكلتي شئ ضر على معدتك
سماهر وهي مغمضة عيونها بالقوة وحاسة بسكاكين تغرز بطنها:علتي مو في الحمام
حاسة فيني شئ ياماما..أنا مو طبيعية أنا فيني شئ
سكتت أم حمزة ولا ردت على كلمتها ماحبت تقولها إنه عندها ( مس جني )
وأنه الشيخ في ليلة راح يجي يقري عليها ويرقيها ويعرف أيش سبب المس
هي عارفة إنه سماهر تصلي فروضها ولا تأخر ولا ركعة
و كل جمعة تقراء سورة الكهف
وكل أسبوع تختم سورة البقرة
وأحيانا تصوم مع حمزة وأبوها الإثنين والخميس
ومسجلة في تحفيض القرآن.. بس أخذت إجازة عشان الإختبارات نصفية
و دورية و ودراسة الجامعة
يعني لسانها يذكر الله.. ومع هذا ماتعرف ليش الجن دخل فيها
كانت بتقوم سماهر بتروح الحمام بس طاحت في الإرض وأنصرعت
خافت أم حمزة وهي مو عارفة كيف تتعامل مع هذي ( الفئة ملموسة )
جات الخدامة وهي خايفة وأعطت لأم حمزة القارورة
حطت بعض الزيت بيدها ودهنت بتحديد مكان رحمها
وهي تقراء سورة الكرسي 11 مرة وهي تدهن ببطنها وتضغط على بطنها شوي
الخدامة بخوف تأشر:ماااما هزا في ينزل دم
ناظرت أم حمزة في بجامة سماهر ولقت بقع حمرة طابعة على بجامتها
لمستها ولقتها مبلولة ويدها في آثار دم
الخدامة واتي بدئت توسوس وأفكارها توديها وتجيبها:هزا في إنزل دم لمن أنته
في يقرا قران.. هزا سماهر زي حرمة حامل في أبكي بسبب بطن هوا
وبعدين نوم ودم ينزل
ناظرتها أم حمزة بصدمة وبدء الفأر يلعب بعبها
أعووذ بالله لايكون بنتي ............
لا مستحيييل
سماهر ماعندها هذي الأشياء.. ومن مين تكون حامل؟؟
هي ملموسة وصابها إبليس وأكيد وراه الألم والدم
لا لا
أيش دخل هذا بهذا..؟؟؟؟؟؟؟
نفضت الأفكار من راسها لمن شافت سماهر تفتح عينها بتعب
وتناظر بإمها و واتي بتعب وهي ودها ترتمي بحضن أمها
وتبكي بسبب التعب
بس ماقدرت لإن جسمها تعبان ومكسر
أم حمزة وهي تمسح على شعرها وتجلسها على فخذها:سماهر هي دورة جاتك؟؟
سماهر بستغراب وتتكلم بثقل:خلصت منها
أم حمزة وهي تناظر بدم وتناظر في بنتها:أمممم هي كم يوم تقعد معاكي بضبط؟
سماهر غمضت عيونها بتعب:5 أيام بتمام
أم حمزة:أمكن ماخلصت منك و زادت عليكي لإن نزل إلحين دم منك
أنحرجت سماهر و وجها صار أشارة مرور وهي قدام أمها والشغالة
أم حمزة وهي تقوم سماهر:قومي أدخلي الحمام أتروشي.. وإنتي ياواتي
أمسحي البساط وغسلي ملابس سماهر إلحيين
دخلت سماهر الحمام بس وقفت سماهر عند باب الحمام:ماما وين داخلة؟؟
أم حمزة بحنان وهي تشوف بنتها كيف تعبانة:داخلة أروشك لإني خايفة إنك تتطيحي في الحمام وتنصرعي
سماهر بأحراج:خلاص ماأطيح و وبعدين بشوف سالفة الدم
أم حمزة وهي فهمتها ولا حبت تحرجها:خلااص أنا رايحة أطلعلك ملابس إلحين
عقبال ماتشوفي بس أنا راح أروشك بنفسي مني ناقصة تتطيحي بحمام
ولا تقفلي باب الحمام سمعتي
أنهت كلمتها و دخلت غرفة سماهر إلي تنام معاها واتي وطلعت لها قميص طويل
وسروال أسترتش وملابس داخلية
ردت باب الحمام وفسخت ملابسها وهي تشوف الدم في ملابسها
مستغربة من سيرة ال دم هذي؟؟
الدورة تجيها بالعادة 4 أيام بس هي تتروش وتتطهر باليوم الخامس
لإنها تنقطع نهائيا
بس غريبة جاتها في سادس يوم وقبلها لحقها ألم في بطنها
يعني حتى لو يجيها.. كان نزل قطرات من دم خفيفة
مو دم غزير وكثير نزل لها
بس مو كأني شفت رجال أسود واقف عند راس أمي
لالالا مع الظلام صرت أشوف خيلااات
بس إلي صدمها إنه مافي إلحين ولا بقعة دم تنزل
(ذي بتسهبل معااي ولا جالسة تلعب )
دقت الباب أمها وقالت لها :أدخل أروشك
سماهر بحراااج وهي مو حابة أنه بهذا العمر إنه أمها تشوفها عارية وتروشها
:خلااص ياماما أنا راح أكب على جسمي موية وأطلع بس خليكي عند الباب
لإني مراح أقفلة
راحت عند البانيو وفتحت الدش وهي توهم لإمها إنها تتروش
والحقيقة بس كبت على جسمها إلي تحت موية
وأخذت ملابسها النظيفة من مغسلة ولبستها وطلعت من الحمام
وهي تشوف أمها واقفة قبالها كانت تبي تكلمها
بس قطعها صوت واتي وهي شايلة جوال سماهر وتقول:هزا جوال إنتي في يرن
~ $ (( deema ))$ ~
(($~ الفئة مجنونة ~$))
~ $ (( deema ))$ ~
فتحت علبة نظآرات بعناية ولبست نظارتها البنية أسكادا
وهي تخفي عينها من الشمس
ركبت سماعة البلوتوث بإذنها ومرت من حراس الأمن وهي تعبر في الجامعة
و وتتطلع من جامعة أم القرى وهي تناظر في شارع
تنتظر تكاسي
وقفت سيارة التكسي عندها و وركبت السيارة و وريحت عطرها يملي سيارة
قالت بغنج وبنبرة غرور: على جدة
السايق وهوا يناظرها بخبث وعينة معلقة بالمراية إلي قدامة:ماسمعت أيش قلتي
طلعت جوالها من شنطتها وقالت بتأفف:ماتفهم أقولك وديني جدة عالمطار الدولي
السايق وهوا يحرك ويبغى يجذبها بكلام:سلامااات وين مسافرة؟؟
قالت له وهي تحط رجل على رجل:الله يعافيك عندي أشغال مهمة في رياض لازم
أروح أخلصها وبعدها أنزل بطيارة على جدة
ناظرت بساعتها إلي تشير على 8 صباح
بخبث وهي و واثقة من نفسها لإن مراح تنفضح ولا في أحد راح يشك
بسفريتها السرية
السايق غير طريقة وقال لها: والله باين عليكي مدلعة و ومزيونة
قالت هوازن بفخر:طبعا معاك بنت عبداللطيف الزمزمي
تأتأة السايق وهوا يناظرها بصدمة و ورجع لطريقة
وشال الفكرة بإنه يخطفها ويغتصبها
بس فكر صح.. مافي أحد راح يعرفة
وحدة زي القمر ليش تضيع منه
رجع لخبثة وغير مسار طريقة للمرة ثانية وهوا يستدرجها بكلام:وانتي تدرسي
بجامعة أم القرى
هوازن: أيوة أدرس الطب وبقي 3 سنوات حتى ماتخرج
السايق:يعني ماشاء الله بتصيري دكتورة
هوازن: إذا تخرجت من هنا راح أكون دكتورة مقيمة بس ودي أكمل الدكتورة
في الخارج حتى يكون لي أسم يلمع
السايق:ماشاء الله بالك طويل وعندك مستقبل الله يعطيكي على قد نيتك
هوازن:آمين يآرب.. ماعرفتني على أسمك
السايق أنبسط ..كويس أنه التعارف جاه منها:مصطفي
هوازن بقرف.. وع إيش الإسم ذا شكلة من وجهة إنه مقيم:أمممم إنت يماني؟
السايق:أية مو باين عليك
هوزان وهي تعض على شفايفها وبخبث : لا باااين وجهك فااضحك
بس ماشاء عليكم إنتو اليمنى مملوحين
بلع ريقة إلي كان واقف وناظر حولة.. المكان خلاء ..ومافيه أحد
هذي فرصتة إلحيين ومايضيعها
رمت هوازن الشنطة بجوارها و ورمت الطرحة بكتفها لمن شافت إنه طريق مافيه أحد
وقالت بتمثيل وهي عارفة إلاعيبها كيف مؤثرة بشبااب:آآوووف الجو في مكة مررة حر
وماينطااق
فسخت أزارير عبايتها وفسخت أزارير بلوزتها وهي تلعب بسلسلة ذهبية
على صدرها
وقف السايق مصطفى ومو قادر يكمل .. الملعونة عمت عينة
بدل مايجيبها.. هي جابتة
نزل من سيارة وفتح باب السيارة الخلفي
و وركب جنبها
ناظرتة هوزان لمن صيدها جاء لعندها
لو كان محترم وماتكلم معاها من البداية هي مراح تتكلم
بس إلي خلها تسوي إلي في راسها
إنه هوا يبغااها وإنه فتح معاها مجال الحوار
قرب منها بوجهة الذئب بشري
وفتح زر بنطلونة
و ......................
صار إلي هوا يبغاه
وصار إلي هي تبغاه
هوا طفى شهوتة ولعب على البنت
وأرتاح إنها منها بنت
أكييد مليون واحد لعبو فيها
وهي دمرت شاب بعمر ال 34 سنة
~ $ (( deema ))$ ~
(($~ الفئة مجنونة ~$))
~ $ (( deema ))$ ~
جالس في الكرسي البلاستكي بوسط الحديقة
وقباله زجاجة ببيرة التفاح من غير كحول
سند ظهرة عالكرسي وهوا ماد رجولة اليمين للكرسي إلي قبالة وبحضنة الاب توب
ويكلم واحد من أصحابة اللبنانين في المانيا
جاه الكلب عنده وهوا يهز ذيلة ومطلع لسانة
مسح على راس الكلب وأخذ الصحن البلاستكي ورماة في الجو
أعتلى صوت الكلب وهوا يجري خلف الصحن
رجع للمحادثة وهوا يشرب من العصير
Nabeel ) )
شو هالأهل متخلفين مابدهن يتحضرو ولو شوي
( قصي,, ول المانيا د )
هذولا مو يتحضرو لو يصيعو ويدشرو راح يبقو متخلفين ومخهم حجر
@ تكملة الجزء التاسع @
جالس في الكرسي البلاستكي بوسط الحديقة
وقباله زجاجة ببيرة التفاح من غير كحول
سند ظهرة عالكرسي وهوا ماد رجولة اليمين للكرسي إلي قبالة وبحضنة الاب توب
ويكلم واحد من أصحابة اللبنانين في المانيا
جاه الكلب عنده وهوا يهز ذيلة ومطلع لسانة
مسح على راس الكلب وأخذ الصحن البلاستكي ورماة في الجو
أعتلى صوت الكلب وهوا يجري خلف الصحن
رجع للمحادثة وهوا يشرب من العصير
Nabeel ) )
شو هالأهل متخلفين مابدهن يتحضرو ولو شوي
( قصي,, ول المانيا د )
هذولا مو يتحضرو لو يصيعو ويدشرو راح يبقو متخلفين ومخهم حجر
( Nabeel )
يعني شو فيها إذا بتحكي مع شاب وتتأبل معاه.. مو هوا بدي ياها
مو هوا بده يتزوجها خلااص ليش يعأدو من نفسيتة البنيت
( قصي,, ول المانيا د )
هو مايبغاها ولا يبغى يتزوجها بس مدري نتوس ليش حضها طااح
بس إن شاء الله تتعرف على واحد ثاني يعرف يحبها ويصونها
( Nabeel )
ليش بدها أختك بالخليجن..ليه ماتتصادق في nvu أو النت لوق أو الشتيق
على عرب وشامين.. شو بتستفيد من الخليجن
( قصي,, ول المانيا د )
مدري عنها راح أفتح لها الموضوع لمن الإهل ينسو السالفة
وأبغى أضبطها بواحد الماني آحسن من الخيشة المكاوي
:قصي حيآتي أخذت الدواء
التفت قصي لإمه وهي تجي عنده وخلفها الخدامة وهي شايلة كتب
ناظر بلبسها إلي كانت لابسة بنطلون جنيز فاتح ماسك بجسمها
وبدي ليموني وشريطة بنية مربوطة بتحت الصدر
والنظارة الشمسية بوجها عشان تحمي عيونها من الشمس
قالت له بهدوء وهي تجلس بجواره :أخذت لك الحبوب ..عشآن صحتك؟
قفل قصي من المسنجر وقال:أخذت لي حبة بعد ماصحيت من نومي
أعتدل في جلستة وقال:إيش أخر أخباار نتوس؟؟
أفتكرت أم قصي إلي صار أمس ل نسرين لمن كشفتها وهي كانت تبي تاخذ جوال
وحدة من الخدامات..قالت له ببرود وهي تأشر للخدامة تحط الكتب
على طاولة وتقول:طول وقتها حابسة نفسها في غرفتها حتى الإكل صار بجناحها
أما تكون نايمة أو سرحانة
غيرت الموضوع قبل لا يسألها قصي سؤال ثاني وقالت:جبت كتالوجات فرنسية
للإثاث.. رآح آغير من شكل المدخل الخارجي
و و و آغير الصالوناات
قاطعها قصي وهوا يلتفت للخلف ويناظر بشباك نسرين ويقول:ليش ماننادي
نتوس تقعد معانا بدل الحكرة في غرفتها
أم قصي عارفة أنه ولدها حنون على أخته لإنها تعتبر الدلوعة بنسبة لهم
أشرت على البستناني وقالت له لمن شافته يجي لعندهم: روح كلم كاميليا رئيسة
الخدم بإنها تتطلب من نسرين إنها تجي عندنا
\
\
\
كان الجناح بارد والغرفة هادية
الشباك مفتوح والهواء يحرك الستااارة بخفة
جالسة عالتسريحة وتمشط في شعرها بهدوء وهي سرحانة للإخر
أنفتح باب غرفتها
ناظرت في الباب من المراية إلي قدامها وأبتسمت لمن شافت
مراد داخل الغرفة ببجامتة الكحلية وعليها نجوم صغار وناعمة
وشايل صحن الفواكة بيده
جلس عالسرير وهوا يقطع في التفاحة خضرة ويناظرها بحب
:أحبك نتووس
التفتت لمراد وطاح المشط من يدها لمن سمعت كلمتة
دق قلبها غصبن عنها وهي حاسة إنها بتموت بسبب دقات قلبها
وقفت و وراحت عنده بخجل
جلست بجوارة ولمست خدة وعيونها بعيونه
بكل همس وهي تغني وتسمع صوت العصافير إلي واقفة عند شباكها
@ اللي كان من قبلك انت وانت مش جنبي مكنتش عايشة فيه
واللي حيكون بعدك انت لو ماكنتش جنبي يا ريتني اموت قبليه
انت عارف حبك انت عملي ايه شفت دنيا احلي م اللي حلمت بيه
مبقتش عارفة انا اتولدت من النهارده ولا انا لو عشت قبلك عشت ليه
احلي حاجة ف عمري حصلت لما جيت وقولتلي بتحبني
قولي ايه هتمني تاني بعد حبك يا حبيبي ايه هيهمني
نفسي اعرف بس ايه بيربطني بيك حاجة اكبر م الغرام شدتني ليك
مبقتش عارفة انا اتولدت من النهارده ولا انا لو عشت قبلك عشت ليه@ ..
صحت من إحلامها بصوت التلفون وهوا يرن بغرفتها
قامت من تسريحة بملل وسحبت التلفون و ردت وهي ساكتة
سمعت كلام الخدامة وبقهر قالت:قولي لها نايمة ميتة بنتحر ماابي آشوف آحد
قفلت الخط بوجها وأنسدحت في سريرها وهي مغمضة عيونها
وتسمع صوت العصافير والهواء البارد وهوا يضرب في الشباك الزجاجي
لمتى بقعد على هذا الحاال؟؟
لمتى رآح آحكر عمري بذي الغرفة
هذولا يبغو يجننووني.. يبغو يبعدو مراد عني
أكييد مراد متعذب وهم مو راحمينة
حسبي يالله عليهم..متى بيفهمو ويستوعبو
مستحييل أقعد على هذا الحال
أنا بمووت.. آنا بنهلك
إذني بتعورني لإن ماسمعت همس صوتة
عيوني تحرقني لإن ماشفتة ولا كحلت عيني عليك
لاازم أتصرف ..مستحييل أقعد كدا
إذا راح يعاقبوني بهذي العقاااب
رآح أنتحر وأفتك منهم
وهوا آكيد مستحييل يعيش من غيري
لاااازم آشوفة.. لآزم آهرب
~ $ (( deema ))$ ~
(($~ الفئة مجنونة ~$))
~ $ (( deema ))$ ~
عدلت من جلستها وهي تحاول تتصل على سماهر بس يطلع لها إنه جوالها مقفل
أتأففت وحولت جوالها على صامت .. لإن المحاضرة شوي وتبداء
ناظرت بساعتها وكانت تشير على 10 تمام
:راح يجي الحين الأستااذ
ناظرت بالمدرج القاعة وكان شبة ممتلي من البنات
و أصوات جوالتهم مرتفعة بالإغاني
ولا كأنهم بمحاضرة شريعة إسلامية
ميلت في جلستها بملل وهي تناظر في شاشة الكبيرة معلقة قبالهم
سكتو البنااات وبدء الهمس يصدر منهم
جاة الإستاذ وجلس في الكرسي وحط الكاميرة على صدرة ولحيتة
لإنه عاارف نية البنااات وهما يبغو يشوفو وجهة
أخذ المكرفون وقال:الكل حااااضر؟
الطالبات بأصوات متفرقة:أيييييييييييوة
فتحت فاطمة دفترها وهي تقلب في صفحاتها
وتشوف شخاميطها و رسوها ومرة دروس محاضرتها
أبتسمت لمن وقفت عند أحد الصفحااات وهي تقراء شعر أصالة
وهي كتبت عن فاطمة
أفتكرت لمن قالت لأصالة مرة إنها تسرح في محاضراتها والدكتورة
تحسبها غايبة وتحط لها غياب
على هذا الحال 3 أياام غيااب ورا بعض
والسبب ( أبوي والمشااكل إلي تصير في البيت )
أصالة بستغراب: والبناات وينهم مايتكلمو ؟؟
قالت لها فاطمة وهي تخرج دفترها من شنطتها :و البناات الله يهديهم
يحسبوني أستهبل مع الدكتورة أو أعاندها والحقيقة إني مضيعة عقلي
عدلت من جلستها أصالة وقالت:و أيش عملتي بعدين
جالسة تقلب في صفحات تشوف إيش أخذت وقالت:كلمتها وقلت
لها إني موجودة وحتى البنات أكدو كلامي بس هي رفضت وعلى بالها إني كذابة
وإني متفقة مع البنااات وماقبلت عذري
وكتب لي 3 غيابات والحقيقة إني كنت موجودة معاها
أخذت دفترها أصالة وقالت: لمن كنتي تتكلمي جاه شئ في بالي
حبيت أكتبة بس مراح أقول إنه السبب جدي والمشاكل إلي خلاكي
تسرحين في محاضرة ..
لاا راح أقول إنه السبب حبيب القلب إلي أخذ تفكيرك
ضحكت فاطمة من قلبها وقالت:خياالك رومنسي يا أصالة
بس هاتي الدفتر خليني أذاكر دروسي
أصالة وهي تكتب: ثواااني لاتطيري الكلام من راسي
رفعت راسها وقالت لها ببتسامة:أقري أن شاء الله تعجبك
@ دخلت القاعة وكلي أمل إني أكون مركزه
جلست بأول صف على أمل إني أكون مشاركة
جت الدكتورة وبدت تحضر وأنا كنت مضيعة
نادت علي : يافاطمة ؟؟
لاتكون كعادتها غايبة
عن دها ثلاث غيابات وهذي الرابعة
رديت عليها بعد مافقت : “ دكتورة أنا حاضرة "
بس الله يه دي من مَلَك قلبي لث انية
ضيعني وضيعت أسمي من بعد ماأفتكرته
في لحظة ضايعة
قالت لي : هذا وقته تسرحين .. ووينك
عن المحاضرات السابقة ؟؟
رديت بكل ثقة :دكتورة حضرت بس ماجت الفرصة إني أكون حاضرة
كنتي تِحَ ضري البنات وانا أكون شاردة
ع لى هذا الح ال من أول محاضرة
كل ما أدخل القاعة تلاقيني موصاحية
افك ر بشخص طوال الي وم
وحتى وأنا نايمة
قالت : أحمدي ربك تكلمتي قبل لاتنسحب المادة
قلت لها بكل فخر : تنسحب ولا أضيع
المحاضرة الهامة
محاضرة قلبي .. ودي أكون دوم شاردة
عالأقل عندي من يِحضرني في ذيك الأيام السابقة
قالت لي : خذي الب اب ..
ولا تفكري ترجعين المادة
قلت بكل وقاحه : تنحرق المادة.. بس ماينحرق
قلبي واضيع محاضرة
أخذ محاضرة ( حب ) ..
من أغلى ناس اهم من اي محاضرة @
: حلو الكلاام إنتي كتبتة؟؟
أنفجعت فاطمة لإنها كانت مضيعة وسرحانة وقالت:الله ياخذك يانجود
وقفتي قلبي والله
ضحكت نجود وقالت وهي توقف وتسحب شنطتها من الإرض:أهم شئ إنك
مسرحة طول المحاضرة
أنتهبت فاطمة إنه المحاضرة إنتهت وانه البنات كانو يطلو من محاضرة
كرهت نفسها بسبب سرحانها وتفكيرها
وماأهتمت بكلام نجود وهي تقولها عن حبيب القلب إلي شاغل بالها
طلعت من القاعة و وراحت عالبازار النسائي
تشتري لها شئ وتشتري لإختها غالية وبنتها أصالة
~ $ (( deema ))$ ~
(($~ الفئة مجنونة ~$))
~ $ (( deema ))$ ~
طلعت من مطار الرياض .وكانت الساعة تشير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك