رواية مابيك فارقني قلبي عودته على حر فرقاك -5
بعد 3 اسابيع بالضبببببببط ....
كانت قاعده تحط آآخر اللمسات على وجها ‘،
تنهدت بضيق و اخذت عباتها و نـزلت ،،
ندى : خلصتي ؟
مشاعل بضيق : إيه خلصت ،،
ندى بابتسامه : ،،، اقري على نفسك
مشاعل اكتفت بـ هز راسها ....
ندى تنهدت : يلااا خلنروح عبد العزيز برا بالسيارهـ ..
مشاعل : ان شا الله ...
بعد 10 دقايق وصلو للإستراحه الكبيره الي كانو حاطين فيها الحفل ،،
دخلت مشاعل بخطوات ثقيله ،، تحس انها رايحه للموت برجلينها !
فتحت الباب و رقت فوق ترتب نفسها قبل لا يجون المعازيـم ...
انسدحت ع السرير الي كان موجود بالغرفه ،، وتنهدت ..
بعدها بثواني سمعت صوت طق الباب : تفضل
دخلت وحده غريبه .. أول مره مشاعل تشوفها .. وقالت : مبروك ياعروس
مشاعل بإستغراب : الله يبارك فيـك
...... : ماعرفتيني ؟!
مشاعل : لآ ماعرفتك والله ..
...... : يمكن ماركزتي علي يوم ملكتك ،، انـا اعتدال اخت ابراهيـم ..
مشاعل : معليش مانتبهت عليك يوم الملكه تعرفين يعني ربكـه و توتـر
اعتدال : عاذرتك والله ،، اممم بصراحه انا جايه ابتكلم معك في شغله
مشاعل باستغراب : وش شغلته ؟!
اعتدال : ابراهيم مرسلني اكلمك ،،
مشاعل عقدت حواجبها ولا ردت ..
اعتدال : ,, أبسألك سؤال و جاوبيني بكل صرااحه لو سمحتي
مشاعل : تفضلي اسالي ...
اعتدال بتردد ... : آآآآ ....انتي موافقه على ابراهيم ؟؟؟؟؟؟!!!
مشاعل بـ صدمه : ليش هالسؤال انتي سامعه شي ؟!
اعتدال : لا ماسمعت ، بس ابيك جاوبين على سؤالي بصراحه ..
مشاعل تنهدت ولا ردت
اعتدال قربت من مشاعل و رفعت راسها : مشاعل حبيبتي اعتبريني اختك فضفضي لي قولي لي كل الي بخاطرك لازم اعرف
مشاعل : ان قلت إيه ولا قلت لا .. مراح يتغير شي خلآص فات الوقت
اعتدال : لا لا لسه مافاات قولي لي انتي تبينه ولا لا ؟؟
مشاعل : ................
اعتدال : مشاعل تكفين ردي علييييي
مشاعل تنهدت ولا ردت
اعتدال صرخت عليها : مشااااااعل !
مشاعل رفعت راسها بخوف
اعتدال بقلة صبر : جاوبيني تبينه ولا لا إذا ماتبينه اقدر اتصررف ومراح تاخذينه !
مشاعل انصفق وجها و قالت .. : شلون وش بتسوين !؟
اعتدال : يعني ماتبينه صح ؟؟؟
مشاعل هزت راسها بدون لا تتكلم
اعتدال : طيب ليه ماتكلمتي ! من اليوم و انا اسألك ماتردين ،،
مشاعل تنهدت : وش تبيني اقول انا مابي اخوك !
اعتدال : إيه قلت لك انا ابي منك الصرااااحه لا تستحين مني هذا مستقبلك تراه زوااج مو لعبه ..!
مشاعل : عآرفه
اعتدال : طيب ليه وافقتي اجل عليه ؟
مشاعل : مغصوبه ..
اعتدال انصدمت : و ليه مغصوبه ؟!
ممشاعل تنهدت و تجمعت الدموع بعيونها : ابوي يبيني اخـذه ،،
اعتدال تقوم : مافي وقت بعدين نتفاهم
مشاعل بسرعه : وش بتسوين ؟
اعتدال : ابتصررف ...
طلعت من الغرفه و مسكت جوالها و نزلت تحت على حظها ماكان فيـه أحد ..
اعتدال : زي ماقلت لك البنت مغصوبه !
ابراهيم بصدمه :وليه طيب مغصوبه !
اعتدال : وش رايك انت ليه يعني ، عشان المشروع حق صالح
ابراهيم : بس خلآص مافي وقت
اعتدال : ليه مافي وقت ؟! انت قلت لي فيه و تقدر تتصرف
ابراهيم : لا .. خلاص ماينفع امتلى المجلس بالضيوف ...
تنهد بضيق : خلآص يا اعتدال ماقدر اسوي أي شي ...!!
اعتدال سكرت بوجهه من القهر ... يقولها إيه بعدين يقولها لا! تفاهه !
دخلت داخل حق تجهز الصاله وتستقبل الضيوف ،،،،،،
بعد ساعه امتلت الصاله بالضيووووف ~
\
/
داليا بفرح : امااااااااااا عاد جاااا !!
منآير : إيييييه قبل اسبوعين ..
داليا " يالبييه بس :$ " .. : الحمد الله على سلامتـه
منآير : الله يسللمك ..
واخذتهم السوووووووالف كانت تسولف بحريـه مادرت عن الي قاعد جمب اخته عشان يسمع كل حرف تقوله ... اشتاااااق لها اشتااااق لـ صوتها ... اشتآق لـ شوفتها ,,
..
قطع عليها سوالفها صوت الصراخ الي سمعته : دالياااااااااااااااااااااااااااااااااااا
داليا بخوف : مناير مناير بعدين اكلمك اختي مدري وش فيها باي باي
سكرت بسرعه و ركضت بسررررعه لعند اختها الي كانت بالصاله و دموعها على خدها و ماسكه بطنها
داليا بخوف : ساره وشو وش فيك
ساره بصيح : بطنيييييييييييي بووووولد .. آآآآآآآهـ بطنييي نادي مشعل قوميه بسررررر..
ماقدرت تكمل كلمتها ضغطت على شفايفها بألللم وصرخت : بسررررررررعه
قامت داليا بخووف و ركضت بسرعه حتى بدون لا تطق الباب على اخوهآ : مشعلللللللل مشعللللللللللللل
مشعل قام بخوف : خيرر
داليا تجمع انفاسها : ساااره .. ساره شكلها بتوولد بسررررعه قووم
مشعل قام بخوف : طيب طيب بسرعه جيبي عباتك و عباتها وانزلي بغير و اجي
طلعت بسرعه من الغرفه دخلت غرفتها اخذت عبايتها و دخلت غرفة ساره و نزلت ..
في خلال ثواني بس لبست عبايتها و لبست ساره بصعووبه بين شهقاتها و دموعها و الألام الي تحس فيها ..
في اقل من 5 دقااايق وصلو المستشفى بسبب سرعه مشعل الجنونيه ..
كشفو عليها و قال الدكتور : لازم توولد و الحيييييييين !
داليا شهقت : الحين ؟! مو بدري عليها توها الشهر الـسابع
الدكتور : إذا ماولدناها الحين فيه خطر على حياتها و حياة الجنين .. بس وين وزجها لازم يوقع على اوراق ؟؟
مشعل : زوجها مسـآفر .. انا اخوها ماينفع اوقعها ؟!
الدكتور : الا ينفع تفضل معي .. وقع الاوراق و على طول على غرفه العمليات ...
\
/
السـاعه 2 ونص .....
فتح لها بـاب البيت و دخلت معاه بخوف و توتر .....
ابراهيم بابتسامه : وش فيك واقفه ؟!
مشاعل بتوتر : .. آآآ ..لا امشي
مشى ابراهيم و مشاعل وراه رقى الدرج و هي تمشي وراه بـكل خوف وتوتر ..
فتح لها باب كبير و قال : تفضلي .. هذا جناحك
مشاعل ....... " مارديت عليه ، اكتفيت بـ رفعة الـراس فقط دخلت للجنـاح و انبهرت بفخامته ‘، ... كل شي فيه ينطق بالرقـي ..
ابراهيم : اعجبك الجناح ؟؟؟؟!
مشاعل بصوت خافت : إيه ، حـلو
مشيت بخطوات ثقيله حطيت شنطتي ع الارض و لفيت كنت ابي اسأله .. لكني مالقيته ؟!
استغربت .. وينـه ؟! ..
طلعت برا الجناح لقيته واقف بعيد حس اني مستغربه و قال : هذا جناحك انتي .. خذي راحتك فيه .. انـا ابروح عند ام خوله
ابتسمت براااااحه شديد ,، وقلت بصوت خافت : مشكور
ابتسم لي و قال : أكيد الحـين مهدود حيلك و تعبانه ،، بكـرا العصر ابتفاهم معـاك ..
وبعد عني ..
تنهدت و رجعت دخلت الجنـاح ، دخلت الغرفه الكبييييره من جد راقيييييييييييييه ..
قفلت على نفسي و طلعت لي بجامه عاديـه دخلت للحمام " وانتوا بكرامه " .. شلت فستاني و شلت المكياج و طلعت
انسدحت على السريـر بتعب ... وسرررررحت ...
" يعني خلآص ..ماعاد في شي أقدر اسويـه ،، ماقدرت اكتم دموعي اكثر من كـذا ... بكيت و بكيت و بكيت ... لكن للاسف مايفيد حتى البكا ،، مو مستوعبه كل شي صار بسرعه .. انخطبت بسرعه و ملكت بسرعه و جيت له بسرعه ... !!
فجأهـ جا في بالي مساعد ..... أكيد درا انـي تزوجت " تنهدت " ..وش كانت ردة فعله ؟
نزلت دموعي و ظليت سرحانه و أفكر إلين ماغلبني النووم ... و نمت ~
\
/
بعد ساعه
داليا بخوف : ياسر صار لها 3 ساعات ونص للحين ماطلعت ! ابي اتطمن عليها
ياسر : لآ تخـافين عمليه ولاده أكيد تاخذ وقت
مشعل : لايكون قلتو لامي ؟
داليا : لا ماقلنا لها
مشعل : إيه أحسن عشان ماتخاف ،،
قطع عليهم حديثهم الدكتور ..
مشعل بسرعه : ها دكتور بشر ؟
الدكتور بإبتسامه : مبروووك ، جابت بنت
ياسر : طيب و هي وش اخبـارها ؟ هي بخير ؟
الدكتور : هي بخير و البنت بخير ،، الحمد الله على سلامتها و تتربى بعزكم
تنهد ياسر بارتياح : الحمد الللله ..
داليا بفرررح : وناااسه صرت خاله
مشعل : طيب يالخاله ، اتصلي على أمي قولي لها
\
/
اليوم الثاني الساعه 5 المغرب ،،
خلود : حلووو يعني تزوجته ؟
صالح : إيه تزوجته ،
خلود : زين تزوجته بعد ماعاندت ..
صالح : تتزوجه غصبن عليها ،، دامي قلت تتزوجـه مالها راي
خلود ابتسمت بـ شر ..
دخلت هدى في هالوقت عليهم
هدى : سلااام
صالح + خلود : عليك السلام
صالح : وينك يابنت كل ماجيت ماشوفك !!
هدى بتوتر : آآآ .. معليش يبه بس يا يصير عندي اختبارات يـا أكون طالعه يعني مايحصل اني اشوفك !
صالح هـز راسه : الله يوفقك ،،
هـدى : يبه .. أبي فلوس
صالح : كم تبين ؟
هدى : ابي 4000 ..
صالح : الله ! 4000 وش تبين تشترين ؟!
هدى : يعني يبه تعرف قرب رمضان و بعده عيد ..ابي اكشخ
صالح : تشترين ملابس عيد بـ 4 الاف ..!
هدى بتوتر : ... يبه انت ماتعرف خرابيط البنات .. و الحين كل شي غـالي و ابي اشتري لي اكثر من
صالح يقاطعها : خلآص خلآص ابحول لك الفلوس على حسابك وش تبين بعد
هدى بابتسامه : مشكووووور
طلعت من الصاله راحت لـ غرفتها و مسكت جوالها : دبرت لك الفلوس
فهد يتصنطع الاستغراب : أي فلوس ؟!
هدى : مو انت قلت انك تبي فلوس و هالفتره منزنق .. انا دبرت لك 4 الاف
فهد يتصطنع الضيقه : ليـه بس ياعمري ، انا مابيك انتي الي تدبرين لي الفلوس مايصير
هدى : ولااااا كلمه .. انا وانت واحد صح ولا لا ؟
فهد : ولو ياقلبي ،، مايصير أنـا الرجال
هدى : ياربيييه ، انت شكلك تبيني ازعل منك صح ؟؟
فهد : لاا والله لاا كلش ولآ زعل الغاليه ،،
هدى : خلاص اجل لا ترجع تقول هالكلام
فهد بفرحه : ان شا الله ..
هدى : بس انتظر يومين لين ابوي يحط لي المبلغ بـ حسابي و بعدين احـوله لك ..
فهد : اوكي
/
داليا : شفت البنت تزنننننننننننننننننننننن ياقلبوووث
ساره بإبتسامه تعبانه : من تشبه انا ولا ابوها ؟
داليا : شفايفها نفس شفايفك بس الباقي مدري يعني إلى الان مابانت ملامحها زين
ساره ابتسمت ..
حصه : لا لا والله كلها انتي ... كل شي فيها يشبهك
داليا : وش بتسمينها ؟
سـاره : محتاره بين اسمين
داليا : وش هم ؟
ساره : ريـانه .. أو .. لينا
داليا : ريانه حلووو و غريب الاسم بعد نادر ماتلقين ريانه
ساره : إيه ، غريب و حلو
حصه : إيه حليو الاسم ،،
ساره : يمه ، بندر درا ؟!
حصه : مدري عنه من طلع اصلا ماندري عنـه شي ..
ساره تنهدت وهزت راسها ،،
\
/
رنا : شفت قلت لك تزوجته
مساعد : والله قلة أدب يخلوني معلق و كل يوم انتظر منهم رد .. اخرتها البنت تزوجت
رنـا : وعسى ان تكرهو شيئا وهو خير لكم
مساعد تنهد : بس رنا انتي تدرين اني احبهـا
رنـا : لو هي تبيك و تحبك كان اخذتك انت
مساعد : بس انـا كنت متأكد انها بتوافق ليه فجأه غيرت رايها !
رنا : ليه كنت متأكد ؟! هذا هي ماوافقت عليك ،، انت دايم لا تحط شي في بالك عشان لا تنصدم فيه بعدين ..
مساعد : وعبد العزيز اتصلت عليه حرقت جواله مايرد
رنا : مالـه وجـه يرد
!!
\
/
خالد : إلى الان كم معنا ؟؟!
أحمد : عندنا الحين 80 ألف ..
خالد : حلو حلو ،،
أحمد : ياخي انت ماتعرف ترقع الموضوع لا سألتك امي .. ماله داعي ترا كل هالتوتر كون عادي عشان لاحد يشك
خالد : وش اسوي ياخي والله توترت
أحمد : توترك هذا بيودينا في مصيبه ترا ، كون هادي و طبيعي عشان لاحد يشك
خالد : المشكله انا صار لي اسبوع ترا ماداومت ... اخرتها بيطردوني و بتشك امي
أحمد : لانك ثور ، وراك ماتروح
خالد : وراني ماروح ؟! ليـه انت ناسي قعداتنا الليل .. اجي للبيت وانا حالتي حـاله و يذبحني النوم من التعب ياخي مافيني حيل اقوم
أحمد : تخيل شكلك عاد منطرد ، و تقول لامي انا موظف ! مكشوووووفه
خالد : عآرف ، بحاول اعدل وضعي ..
\
/
داليا : إييه إييه ولدت قبل امس ...، سمتها ريانه ، الله يبااارك فيك ، تسلمين والله .. إيه أكيد حياكم في أي وقت ... خلآص اجل ع العصر ع العصر حياكم الله ،، مع السلامه
حصه : مين ؟
داليا : مناير صديقتي بتجي هي و امها و اختها يباركون لـ ساره و يتحمدون لها ع السلامه
حصه : إيه خليجون حياهم الله ، أزين من القعده بلحالنا كـذا ..
ساره : يمـه ، مرت عمك مراح تجي ؟؟
حصه كأنها تذكرت شي : يووهـ ذكرتيني الله يذكرك بالشهاده ، ماقلت لها
اخذت جوالها و قامت تكلم بعيد عن بناتها
ساره : تلقينك مستانسه ها بيجي اخيرا بتشوفينه
داليا : ان شا الله عاد اشـوفه ..
\
/
فتحت عيوني بصعووبه احس راسي ثقيييييل من كثرة النوووم
مسكت جوالي و انتبهت ان الساعه 3 العصر
فاتتني الصلوات و طولت بالنووم قمت و دخلت الحمام وانتو بكرامه و توضيت وصليت الظهر و العصـر ..
صفطت سجادتي و قمت ،، اخذت جوالي و اتصلت على امي
كلمت امي و سألت عنها و عن اخبار اخواني قطع علي اتصالي صوت ابراهيم يطق الباب
مشاعل : يمه ، هـذا ابراهيم شكله جاي ، تآمرين شي ؟
ندى : سلامتك يابعد عمري انتبهي لـ نفسك و لا تتضايقين ..
مشاعل : ان شا الله .. فمان الله
سكرت و قمت وفتحت له الباب
ابراهيم : توك تصحين ؟
مشاعل : إي والله تونـي اقوم
إبراهيم : انا طقيت عليك الباب الظهر مافتحتيه لي قلت أكيد نايمه ،
مشاعل : إيه كنت نايمه ..
إبراهيم : طيب ترا الغـدا تحت محطوط إذا تبين ، خوله و ابتسام تحت قاعدين يتغدون ..
مشاعل بإستغراب : كلنا في بيت واحد ؟!
ابراهيم : إيه كلكم في بيت واحد حتى بدريه مرتي الثانيه معكم ، ماينفع احط كل وحده منكم في بيت بعدين لو طلعت تقعد بلحـالها ..
مشاعل " كنت ابيه يروح عني كل ماشوفه احس بـالقهر و الظلم ، احسه هو السبب .. احس بـ كره له مدري هو كرهـ ولا شي ثاني مـدري المهم اني اببد ماهضمته : خلاص طيب 10 دقايق و انـزل
ابراهيم : براحتك ..
بعد عني اخيرا ... كل ماشفته أحس بالقررف و الكرررهـ ..
تنهدت بضيق ... جاااااايعه بس خايفه انـزل .. خايفه اسمع كلام يضايقني ولا احس بـتأنيب الضمير اني وافقت عليه من نظرات حريمه لي ؟؟؟
مدري وش بيصير لو نزلت ..
" ان نـزلت الحين ولا بعدين ،، بالنهايه بيكون فيـه احتكاك بيني و بينهم هـذا لازم ... سميت باللـه و نزلت
مشاعل : مسا الخير ..
ابتسام : مسا النور يابنتي تعالي اقعدي كلي ،، اكيد جايعه
مشاعل ابتسمت لها وقعدت
كانت تحس بـ نظرات بدريـه و خولـه لهـآـآ لكنها متجاهلتها
بدريه بكره لـ مشاعل : ماشا الله توك تقومين كل هـذا نوم ، حبيبتي إذا بتظلين كذا طول يومك ترا من الحين اقـولك روحي بيت اهلك اصرف لك ،،
مشاعل : كنت تعبانه عقب امس
بدريـه اكتفت بـ رفع حاجبها و كملت غداها
خولـه : الا قولي لي يـا ... " سكتت لـ ثواني و قالت " يـآعروس ،، كيف جناحك ؟
مشاعل بدت تنقهر من تصرفاتهم لكنها مطنشه : حلو
خولـه : أكيد حلوو ، وين بتلقين مثل هالعز
مشاعل بقهر : ترا هالبيت مافيه زود على بيتنا .. بس شكلك نسيتيـه ،،
ابتسام بـ نفاذ صبر : خوله ،، اسكتي و كملي اكلمك ..
خوله تقوم : ما أبي .. خلاص انسدت نفسي خلاص
ابتسام : بكيفك ،لا تاكلين
بدريه : مشاعل
مشاعل : هلا
بدريه : انتي كم عمرك ؟!
مشاعل : 20
بدريه تمثل الصدمه " كانت عارفه ان عمرها 20 بس تبي تقط عليها كم كلمه " : عمرك عشررررين سنه !؟ ..
مشاعل : إيه ، وراك منصدمه ؟!
بدريه تطالع فيها من فوق لتحت : عمرك 20 سنه ومتزوجه واحد عمره 52 سنه !! شلون وافقتي
مشاعل انصدمت من كلامها و انصفق وجهآ
تركت الملعقه و قامت : عن اذنكم ، شبعت
رقت فوق و هي تحس العبره خنقتها دخلت جناحهـآ و نزلت دموعها غصب عنهآ ..
الجـزء السآبع :
إيه والله إني " أشتقت لك " بس أكابر
..................... وأقول اني : في غيبتك ماتأثرت !!
والخافق اللي بـ الجفا ( كان ) / صابر؟
بغى يموووووت من الوله لو تأخرت ~
\
/
\
رقت فوق و هي تحس العبره خنقتها دخلت جناحهـآ و نزلت دموعها غصب عنهآ ..
بعد ثوآني سمعت صوت طق البآب
مسحت دموعها و قالت : تفضـل
ابتسام دخلت .. : أقدر اكلمك شوي ؟
مشاعل : تفضلـي
راحت و قعدت جمب مشاعل بالسرير و مسحت لها دموعها : مشاعل ، ليه هالدموع ؟!
مشاعل تنهدت و سكتت ..
ابتسام تنهدت : اسمعيني لازم تتعودين على بدريه و خولـه ... بدريه من يومها لسانها طويل و شرانيه وكلنا متعودين عليها أحسن حل اسفهيها و لا تعطين كلامها أهميه هي كـذا مع الكل !
مشاعل : ........
ابتسام : وخـوله ماعليك منها ،‘ اصلا ماتقدر تسوي شي كلام بس صدقيني انا ابكون بوجها مستحيل اخليها تسوي شي مجرد كلام .. قومي حبيبتي غسلي وجهك و ماعليك منهم
مشاعل تنهدت : انا ماقدر اتحمل كلامهم
ابتسام : بتتعودين عليهم مع الوقت صدقيني ،‘
مشاعل : ابسألك سؤال
ابتسام : اسالي
مشاعل : ليه تعامليني كـذا ؟!
ابتسام : ليه مو عاجبتك معاملتي تبيني اصير زيهم ؟!
مشاعل بسرعه : لا لا بالعكس ، بـس مستغربه !
ابتسام : لا تستغربين ولا شي انا كذا مع الكل " و ابتسمت لها " ,‘
مشاعل : بس في فرق بيني و بين الكل أنـا ضرتك !
ابتسام تنهدت : انا مو معتبرتك ضرتي ، انـا معتبرتك بنتي ، و بعدين خلآص بسك من هالكلام وقومي غسلي وجهك وروقي و انـزلي تحت كملي غداك
مشاعل : لا خلآص شبعت ، مابي اتغدى
ابتسام : براحتك ،‘ بقولهم يشيلونه لك و متى ماجعتي بتلقينـه بالمطبخ ..
مشاعل : يعطيك العآفيه
ابتسام و هي قايمه : الله يعآفيك ولآ عاد نشوف هالدموع ..
طلعت برا الجنـآح تنهدت بضيييق ماتدري ليه تعاملها بهالطبيه مع انها زي ماقالت ضرتها !!
خوله توها ترقى الدرج : يععع يمه من صدقك رايحه لها وش تبين فيها
ابتسام بسرعه : اصصصص لا تسمعك
خوله بصوت عالي : كيفها خلتسمممع .. ماهمتني
ابتسام : اصصص يابنت ! ، عيب عليك يلااا امشي قدآمي ..
\
/
الله اكبر .. الله اكبر ...
انطلقت كلمة الحق ...... تعلن قدوم موعد آذان المغـرـرب ..
اخذت سجادتها فرشتها و لبست عبايتها وصلت ،،
خلصت من صلاتها و طارت لـ عند امها : يمممممـه يممممه يلا اذن المغرب خلنروح عند ساره الحين بيجونها مناير و اهلها
حصه وهي تطلع من باب غرفتها : طيب طيب لا تحنين يلا انزلي
نزلت مع الدرج و شافت مشعل قبالها : على وين ؟
داليا : عند ساره ..يممممممه يلا تأخرنا
حصه بطفش : ياربيه هاذاني جيت بلا حنه
نزلت ولبسو عباياتهم و طلعو .. 5 دقآيق بالـضبط .. وصلو ووصلت سياره وراهم ~
نزلت داليا .. ووقفت فجأه يوم شافته هو الي يسوق
حست كل شي فيها تشنججججج و دقات قلبها بدت تزدااد ...
أخيييييييييييرا شفتك ياعبد الرحمن ! كم صار لي و انا ودي بشوفتك ..
نفس ما انت ماتغير فيك شي ...!
رفع راسه و شافها .. عرفها أكييد .. ابتسم لهااا بشووووق ..
اما هي استحت على نفسها و على طول راحت ورا امها لـ داخل المستشفى بعد ماسلمت على مناير و امها ..
\ أما في غرفـة سآره .. كانت ماسكه جوآلها تكلمه
ساره : وش اخبارك وش مسوي ؟
صالح بقلة صبر : انا بخير و كل شي تمآم ، تبين شي ؟
ساره : سلآمتك يبه ، بس كنت ابقولك تراني ولدت
صالح بعدم اهتمام : و غيره ؟!
ساره تنهدت : بس هذا الي عندي
صالح : طيب أجل مع السلامه
سكر حتى قبل لا يسمع ردها .. اما هي .. تجمعت الدموع بعينها .. حتى الحمد الله ع السلامه ماقالها لي !!
ليـه صرت كذا يابوي ليييه ، وين اهتمامك فينا قبل ... وين حبك لنا قبل ... كل هذا راح ؟! طيب وشلون و ليه ؟! تنهدت بضييق ماقدرت تكتم دموعها أكثر .. نزلت غصب عنها
بعدها بـ ثواني سمعت صوت طق الباب .. اخذت المنديل القريب منها و مسحت دموعها عشان محد ينتبه
دخلت ام عبد الرحمن بإبتسامه : السلام عليك يابنتي
ساره : عليك السلام يـا خآله
ام عبد الرحمن تسلم عليها : مبروك ماجاك و تتربى في عزكم
ساره تبتسم لها : الله يبارك فيـك تسلمين ، ليه جيتي ياخالتي مانبي نتعبك معنا
ام عبد الرحمن كبيره بالسـن عشان كذا قالت لها ليه جيتي =)
ام عبد الرحمن وهي تقعد بصعوبه : وش دعوهـ يابنتي هـذا واجب
ساره : ماتقصرين والله ..
مناير تسلم عليها : الحمد الله ع السلامه يالبطه
ساره بضحكه خفيفه : الله يسلمـك ياعسل
مناير تبتسم لها : وش سميتيها ؟
ساره بابتسامه : ريانـه
مناير : عاشت الاسامي والله
ساره : عاشت ايـامك ياعمري
بعدها على طول دخلت حصه و داليا ~
\
/
\
بعد ماسكر من بنته .. قام وتوجه لـ سيارته
شغلها و خـذى طريقه لـ بيت منيره ! ~
استغرب الانوار كلها طافيه ! وينهـم فيه ؟!
اخذ المفتاح و دخل البيت .. الانوار مطفيه ومافي حس لاي احد ... فتح اللمبات و صرخ : منيييييييييييره .... منيييييييييييره
لكن لا يوجـد رد !
رقى صالح الدرج و فتح باب غرفه ريم ................ مافيها أحد !!
دخل الغرفه الرئيسيه و نادا : منيييييييييييره .. ريييييييييييم
محد رد ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك