رواية مابيك فارقني قلبي عودته على حر فرقاك -4
ريم : يمه وش تسوين ؟!
منيره : ..............
ريم : يمممممه وش قاعده تسوين علميني على وين رايحه
منيره تنهدت و قالت : ريم بلا كثره اسئله .. وروحي جيبي لك شنطه من تحت و حطي لك فيها ملابسك و كل احتياجاتك
ريم باستغراب : يمه وين بنروح طيب علميني ؟!
منيره : يااااااربيه ... ترا ان خلصت و انتي ماخلصتي بروح و اخليك
ريم : خلآص خلآص بروح احضر شنطتي .. بس احط لـ كم يوم ؟!
منيره : مدري .. حطي الي يكفيك لـ مدة اسبوع الحين بعدين نشوف وش يصير
\
/
• منيره و ريم .... إلى آين ... ؟!
• مشاعل بعد ماعرفت بـ خبر خطبتها .. وش الي بيصير بتاخذهـ ولآ لآ ؟؟؟
• بندر .. و اخيرا قبضو عليـه .. وش بيحكمون عليه ؟! وساره بتتطلق ولا لا؟ ولو درى صالح برغبتها بالطلاق وش بيسوي ؟!
• مناير و عبد الرحمن .. الشخصيات الجديده ياترى من هم ؟!
معليش البآرت قصير ..
اعذروني حبآيبي .. مو بيدي عندي ظروف هاليومين و ماقدر اكمل كتآبه ،،
ان شا الله اعوضكم الاجـزاء الجآيه ،،
الجـزء الخآمس ..
منت ملكي ~
لي متى آغمض عيوني؟!
منت ملكي~
لي متى تسكت ظنوني؟!
........... لي متى اسرق دقآيق شوفتكـ وآحيآ عليهاآ !؟
ريم : يمه وش تسوين ؟!
منيره : ..............
ريم : يمممممه وش قاعده تسوين علميني على وين رايحه
منيره تنهدت و قالت : ريم بلا كثره اسئله .. وروحي جيبي لك شنطه من تحت و حطي لك فيها ملابسك و كل احتياجاتك
ريم باستغراب : يمه وين بنروح طيب علميني ؟!
منيره : يااااااربيه ... ترا ان خلصت و انتي ماخلصتي بروح و اخليك
ريم : خلآص خلآص بروح احضر شنطتي .. بس احط لـ كم يوم ؟!
منيره : مدري .. حطي الي يكفيك لـ مدة اسبوع الحين بعدين نشوف وش يصير
\
/
قالت بقهر : مهيب ماخذته يعني مهيب ماخذته ..
صالح بعصبيه : بتاخذه و غصببببببن عليك انتي و عيالك تفهمين ولا لا
عبد العزيز يحآول يكتم قهره : بس يـايبه .. مايصير شلون بيتفاهمون مع بعض بينهم فوق الـ 25 سنه ! مـ
قاطعه صالح : اقوول لا تقعد تعور لي راسي انا قلت كلمتي بتاخذه يعني بتاخذه و اعلى مافي خيلك اركبه انت و امك
متعب : يبه اهدى مو زين عشان صحتك ..
صالح : انتم الي تدهورون لي صحتي اعوذ بالله منكم
ندى : انت ليه مصر على هالزوآج ممكن نعرف ؟!
صالح : بنتي و كيفي ابيها تاخذه ..
ندى : لا مراح تاخذه لا هو ولا غيره !
صالح بعصبيه : بتاخذه غصبن عليك انا قلت بتاخذه يعني بتاخذه محد له قرار في هالبيت غيري انا لا و ازيدكم من الشعر بيت ملكتها الاسبوع الجآي !!
وطلع من البيت و خلاهم منصدميييييييين من قراره السريع !
\
/
.... : و أبوي ؟!
منيره : ماعلي من أبوك
ريم : لو درى طيب والله مايخلينا
منيره : وش يدريه
ريم : شلون وش يدريه يمه مصيره يدري افرضي جا البيت و درا ولا قاله احد من الجيران
منيره : متى بيدري عقب كم اسبوع ؟!
ريم تنهدت : بس بالاخير بيدري و ان درا وقتها والله لا يورينا
منيره : مايقدر يسوي شي لين مايدري بنصير في بيت اهلي وفي اخـواني مايقدر يسوي لنا شي
ريم تنهدت ولآ ردت ...
ركبو القطـآر .. و بعد 10 دقآيق بدت رحلتهم و بعدو عن الشرقيـه إلين ماغادروها ~
\
/
قالت لـه بإستغراب : من وين لك كل ذا !؟
خالد : آآآآ ليه نسيتي اني متوظف !
خلود : من زمان و انت متوظف .. بس فلوسك هذي توها الحين تطلع
أحمد : يمه .. قلنا لك انا و خالد ترقينا ولا نسيتي
خلود بشك : لا مانسيت .. بس مو مصدقه
أحمد : ليييه مو مصدقه ؟!
خلود : شوف وجه اخوك شلون صار يوم سألته و تعرف ليه مو مصدقه ..
خالد بإرتباك : .. وش فيه وجهي مافييه شي بس استغربت من سؤالك
خلود : خالد .. أحمد .. صاروحوني من وين لكم كل هالفلوس فجأه شلون جاتكم فجأه
أحمد يبي ينهي الموضوع وقف و قال : قلنا لك ترقينا .. " لف على خالد " تجي معي رايح للعيال ؟؟
خالد قام : جاي معك
/
مرت 4 أيـآآم .. على ابطالنا ...
" مشاعل "
3 ايام و اتملك عليييه .. تنهدت بضيقه و ماقدرت اتحمل اكثر نزلت دموعي و انا وسط المحل مع امي اجهز لـ الملكه ..
ندى بخوف : مشاعل وش فيك ؟
مشاعل مسحت دموعها : مافيني شي يمه .. و اشرت على فستان .. وش رآيك فيه ؟
ندى : نااعم وحلو .. بس ماينفع حق عروس
مشاعل تنهدت : اي عروس يايمه الله يهدآك انا ماعتبر نفسي عروس اصلا ..
ندى بصدمه من كلامها : وش هالكلام .. وليه ماتعتبرين نفسك عروس انتي شيخه البنات
مشاعل : يمـه ... انتي تدرين اني مابيه و تدرين ان هالزواج كلنا مانبيه و مجبورين عليه " نزلت دموعها مره ثانيه " .. العروس يايمه تكون فرحانه انا بموت من الضيقه ، العروس يايمه تجهز وتروح للسوق وهي راضيه و فرحانه .. انا جايه هنا عشانك يوم لحيتي علي ولا ماكان جيت اصلا ..
ندى تهديها : حبيبتي خلآص هدي نفسسك ماتدرين وش يصير بعدين ان شا الله كل شي بينحل
مشاعل قطت الفستان وقالت : يمه خلنطلع بكلم متعب يجي ياخذنا خلآص مابي اكمل جهاز
ندى تنهدت : مشاعل مايصير ماتكملين انتي حتى فستان للحين ماعندك و بعد يومين ملكتك مافي وقت
مشاعل : ولا ابي اكمل
قطت الفستان و طلعت من المحـل ,,
رفعت جوآلها و اتصلت على متعب : متعبببب تعال خذنا
متعب باستغراب : امدى خلصتو ؟!
مشاعل : مابي اشتري شي ، تعال خذنا
ماعطته مجال و سكرت بعدها بـ 10 دقايق اتصل عليها : اطلعوو انا عند بوابه 8 ،،
طلعت و ركبت بدون ولا كلمه
متعب لامه باستغراب وبصوت واطي عشان ماتسمعهم : يمه وش فيها مشاعل ؟!
ندى تنهدت : ماتبي تشتري شي ، تقول مابي اتزوج
متعب بضيقه على اخته : ..... مسكينه ، ماتنلام ..
\
/
انسدحت على الكنبه بتعب و قالت : فيني نووووووووووووووووووووووووووم
اسماء " بنت خالتها " .. : لا والله ماصدقت تجون تبين تنآمين
ريم : هههه بنقعد لا تخآفين الايام جآيه بس من جد اشتقتتتتتتتتتتتت لكمممممم مووووووت سنتين و نص ماشفتكم !!
اسماء : المهم انك الحين معناااااا بس من جد تغيرتييييي مره حلويتي يالخايسه
ريم بابتسامه : حتى انتو تغيرررررررتو مرررررره انتي مرررهـ ضعفتييييي صرتي رشيقه الله يرحم ايام زمان كانت الكرشه وش كبرها هههههههه
اسماء : ههههههههه كلي تبن ، بس والله ضعفت ؟!
ريم : إييييييه كثيييييييييييير والله مرره تغيرتي ضعفتي و شعرك طـال و حلويتي
اسماء بابتسامه : فديتك والله
ريم : وين هيفا و ليان ماشفتهم ؟!
اسماء : هيفا للحين بالمدرسه و ليان عند بيت اهل زوجها بتجينا على المغرب
ريم : شخبار زوجها زين معها و مين اخذت وكيف كان عرسها قولي لي كل شي
اسماء : لا الحمد الله مرررره كويس معاها اسمه حمـد إبراهيم الـ............
ريم : تجار صح ؟
اسماء : إيه تجار
ريم : ماشاالله ، الله يديم عليها السعاده
اسماء : آمييين ، انتي سولفي لي اخباررررك واخبار الشرقيه
اسماء .. بنت خالة ريم .. على نياتها مررررهـ .. طويله ضعيفه شعرها بني كيرلي لـ كتوفهآ .. 19 سنه ، سنه تحضيريه في جامعة الملك سعود ..
هيفا .. اخت اسماء و ليان .. اولى ثنوي 16 سنه ، طويله ضعيفه شعرها اسود ناعم طويل لـ نص ظهرها ،،
ليان .. اختهم بعد .. متوسطة الطول شعرها قصير كدش طبيعي اسود ، عمرها 24 سنه متزوجه ..
\
منيره بدموع : ماصدق اني قاعده وسطكم اخيراااااا شفتكم
ام ماجد " ام منيره " .. تصيح : ولا انا ماصدقت اني شفتك يابنتيييي ..
ام ليان : بسكم صيااااح اهم شي اننا الحين مع بعض
هند : صادقه شريفه اهم شي اننا الحين مع بعض مالها داعي هالدموع
نوف " بنت هند " : خاله منيره كم بتقعدون عندنا ؟؟
منيره بابتسامه : تبينا نقعد ولا نروح ؟؟
نوف بحيا : تقعدون
منيره شالتها و حطتها بحجرها وباستها : عسسسسل انتي عسسسسسل
ونوف تضحك على خالتها
\
/
قال بصدمه : ايششششششش بكرا ملكتها ؟!!! من قالك انتـي ؟!
رنا " اخت مساعـد " .. : دريت من البنات بالجامعه
تنهد بضيقه و قال : شلووون طيب وأنـا ؟! يكفي انهم للحين اصلا ماعطوني خبر فجأه كذا يطلع بكرا ملكتها .. طيب و ليه مارفضوني ليه ماتكلموو شلون كذا كل شي صار فجأه أكيد اشاعه انا خاطبها اصلا
رنا : اهدىىىىى مساااعد كل شي بيبان بكرا
مساعد وقف : مافيني صبر انتظر إليـن بكرا تصير ملكت و خلصت
رنا : على وين رايح
ماعطاها جواب طلع من البيت و ركب سيارته وهو في الطريق .. رفع جواله و اتصل على عبد العزيز
...
رفع جواله و توتر يوم شاف رقمه ... حطه على الصامت و نزل جواله .. انقطعت الرنات الاولى .. رجع و اتصل مره و مرتين و ثلاث و اربع ... لكن بدوووون أي رد
متعب : مين ؟
عبد العزيز تنهد : مساعد
متعب : بترد ؟
عبد العزيز : شلون أرد عليه وش اقوله
....
فتح على الرسائل و كتب " أكييد مراح ترد مالك وجـه اصلا بصراحه ياعبد العزيز طحت من عيني " .. ارسلهآ و رمى الجوال بقهر
.....
سمع صوت المسج فتحـه و انصدم... تنهد بضييق و قال في نفسه آسف يا مساعد والله مو بيدي ..
\
/
يوم الملكـه ...
\
صرخت : مااااااااااااااابي مراح اسوي شي و ملكه مراح املك كم مرهـ قلت لك انـا ابعدي عني
الكوفيرا بنفاذ صبر : استغفر الله يااااااارب ... بـ تملكي ما حتملكي شو دخلني انا تصرخي علي
تنهدت مشاعل بضيق : آسفه بس متوترره شوي
الكوافيره ماردت عليها و كملت شغلهـآ
سمعت صوت طق الباب دخلت امها و هي مصطنعه الابتسامه : قمررررررررر بسم الله عليك
ماردت مشاعل عليها ونزلت راسها بحزن ..
ندى تنهدت : مشاعل حبيبتي ابتسميييي مايصير تنزلين للناس كذا وش يقولون
مشاعل : من معزوم اصلا ؟!
ندى : مو واجد بس وحده من خواته ووحده من حريمه و بنته و ام حسام و ام محمد جيرانا ..
مشاعل بصدمه : بنته و زوجته ؟؟؟؟؟؟؟؟!!
ندى : إيه
مشاعل : حاضرهـ ملكه زوجـها و الثانيه ملكة ابوهـآ ؟؟! وقالت بخوف : يمه وش وراهم اخاف وراهم شي منيب ناقصه انـا
ندى : لا ماوراهم شي ان شا الله ، بصراحه شكل زوجته مررررهـ طيبه اما بنته هي الي مارتحت لها ..
مشاعل تنهدت : الله يعيني ،،
الكوفيرا حست ان بينهم كلام قالت : عن ازنكوم 5 دقآئيق بس بدي روح عالحمآم
ندى بابتسامه : اذنك معك حبيبتي
طلعت من الغرفـه ..
مشاعل لفت على امها : تدرين يمـه .. مو مستوعبه للحين ان الحين ملكتي
ندى : بلا هالكلام و بلا هالخرابيط انبسطي ، بعدين ماتدرين يمكن خيره انك ماتزوجتي مساعد ماتدرين مع الوقت وش يصير ..
مشاعل : .......
ندى : خلآص يابنتي لا تضايقين صدرك و وسعي صدرك اكسررري روسهم كلهم و بيني لهم انك مبسوطه ولا عليك من أحـد ..
وقعدت تكلمها 10 دقآآيق ... و بعدها نزلت تحت للمعازيم
ام حسآم : وينهي العروس ؟؟
ندى : ربع ساعه بس و تنزل
خوله " بنت إبراهيم " قالت بـ غرور : ملينا يايمه متى تنزل هالعروس
ابتسام قطت على خوله نظرات و خوله تتجاهلها ..
بعد ربع ساعه بالضبببببط ...
نزلت مشاعل انصدمت خوله يوم شافتها وقالت في نفسها : وجججع ان شا الله وش هالجماال لا و تباخذ ابوي بعد هه راحت عليك يايمه "
ابتسام يوم شافتها تنهدت و دمعت عيونها لكنها على طول مسحتها و وقفت تسلم عليها : اخبارك يابنتي ؟
حزت في خاطر مشاعل يوم شافت ان زوجته فعلا حرمه كبيره بالسن و غير كذا قالت لها يابنتي ! تضايقت اكثر " مزوجني واحد مرته اكبر من امي ! " .. : بخير والله الحمد الله ياخالتي ، انتي أخبـآرك ؟
ابتسام تنهدت و قالت : الحمد الله ..
خوله تطالع فيها من فوق لتحت سلمت عليها ببرود ..
سلمت مشاعل على البـآقي و قعدت جمب امها
خوله بـ همس لامها : عليها جماااااااااااااال هه راحت عليك يـا يمه ، انتي و بنت عادل " بنت عادل مرته الثانيه اسمها بدريه " ..
ابتسام : اصصصصصص اسكتي لاحد يسمعك ..
خوله : ابوي أول كان عادل بينك انتي و بدريـه بس الحين طاح كرتك انتي وياها .. وش يبي اكثر من كـذا صغيره و جميله والله ان يسحب علييييكم كلكم ..
ابتسام ضايقها كلام بنتها اكثر وقالت : خلآآآص اسكتي مو وقته هالكلام الحين ..
\
عنـد الرجـآل ..
صالح بابتسامه مقرفه : الله يبارك فيك " كان مبتسم بفرح شديييد ... أخيرا المشروع الي كان يبي يسويه من سنووووووووات اخيرا الحين بيتم و بتهل عليه الملاييييين " ..
إبراهيم : يابو عبد العزيز ...
صالح : سم
إبراهيم : ودي اشوفها
عبد العزيز و متعب طالعو في بعض ودهم يوقفون بوجهه .. بس مايقدرون
متعب بـ صوت خافت : وعععععع والله لو تشوفه مشاعل تنهبل
عبد العزيز : صدددددقت قسم بالله ، ياثقل دمه ياشيخ ..
متعب : شوف شوف قام شكله بيروح يشوفها .. !
عبد العزيز : اشوا ان الشيخ للحين ماجا ... ابدخل معه ،
متعب : خلك انت انا ابروح ..
قام وقال : انتظر يابو خوله .. ابروح ابلغها
طلع من المجلس و اتصل على امه : يمه إبراهيم يبي يشوفها
ندى بقهر : قوله لا
متعب : ابوي وافق لـه .. قولي لها تروح للمجلس الثاني
ندى : متعب انت ادخل معه لا تخلي ابوك انت ادخل
متعب : إيه إيه انا الي ابدخل معه
ندى : بس انتظر علينا شوووي اخاف تعند و اخذ وقت لين ماقنعها
متعب : لو علي انا انتظرت بس تعرفين ابوي ..
ندى : خلاص يلا باي بروح اقولها
سكرت و مشت بخطوات متوتره مقهوره لـ عند مشاعل و قالت لها بصوت خافت : مشاعل حبيبتي تعالي شوي المجلس يبي يشوفك
مشاعل انصفق وجها وقالت : ما ابي اشوفه
ندى : أبوك وافق له و الحين هو ينتظرك بالمجلس قومي الله يرضى عليك ، لا تفشلينا قدام الناس قومي ..
مشاعل تنهدت : ان شا الله ..
وقفت و راحت للمجلس فتحت الباب كان لسه ماجا
تنهدت و قعدت ،،
بعدها بدقيقه دخل ابراهيم و قال : السلام عليك ،،
مشاعل بصوت خافت : عليك السلام
إبراهيم : شخبارك ؟
مشاعل : بخير
إبراهيم في نفسه " حرام عليك ياصالح ، مزوجني هالبزر كبر خوله تقريبا !! "
مشاعل منزله راسها ودموعها متجمعه بـ عيونها ...
ساكتين الاثنين ابراهيم معصب من صالح ..
ومشاعل منقرفه منه ولا تبيه
اما متعب كان معصب و يقط على ابراهيم نظراات كره وقهر .. حس فيـه ابراهيم لكنه مطنشه
بعدها بـ ثواني طلع ابراهيم و بعدها بثواني دخلت امها
رفعت مشاعل راسها و ضمتها و صاحت ...
\
رجـع ابراهيم عند الرجآل كان وده يهون ويقول انه ماعاد يبيها بس عارف انها بتصير مشاكل ..
بعد نص ساعه جا الشيخ وقع ابراهيم ووقعت مشاعل ...
وبعدها بساعتين انتهت الملكـه و راحو المعازيم ..
اول ماطلعو ركضت مشاعل على غرفتها بدون لا تمسح مكياجها حتى .. نزلت دموعها بقهرررر و حـززززززززن ..
انسدحت ع السرير ضمت مخدتها و كملت صياحها إلين ماغمضت عيونها و نامت ،،
\
/
خوله تمسك اعصابها : من صدقك يبه تزوجت ذا البزر تلقاها كبري الحين ولا اصغر مني بعد
إبراهيم بقهر : انتي مدري متى بتتأدبين لسانك هذا يبيله قصصصصصصص ولا تتدخلين في شي مايخصك
خوله : حلوهـ ذي ما اتدخل دام انه مالي خص ولا لي دخل وشوله مخليني احضر الملكه
ابراهيم بعصبيه : انقلعي عن وجهييييييييييييي ياقليلة الادب ، يلا روحي مابي اشوف وجهك
رقت خوله فوق بـ قهررر ..
ابتسام بقلب منكسر : حلوه صح ؟؟
إبراهيم تنهد : ابتسام انا ماكنت ادري انها صغيره ولا ماكان تزوجتها صالح كذب علي
ابتسام بصدمه : كذب عليك !! .. شلون ؟؟
إبراهيم : انا بيني و بينه شغل بالشركه و بينا مشروع .. و بصراحه مشروعه كان جدا عادي يعني مراح استفيد منه واجد ، رفضتـه و صار يلح علي يبيني اوافق على المشروع تنهد و قال و انتي تدرين من زمان اني ابي اتزوج و اتوقع انك عارفه السبب
ابتسام بضيقه : لانك تبي ولد
ابراهيم : إيه بالضبط ، ابي ولد ... وهو عارف هالشي .. قالي عندي بنت كبيره مطلقه ، وانها تناسبك و من هالكلام .. و انا صدقت بس يوم شفتها انصدمت واضح انها صغيره
ابتسام : اصلا مشاعل مو مطلقه ماتزوجت اصلا
ابراهيم : عارف ، عارف انه يلعب علي وهي مو مطلقه ولا شي و اصلا صغيره كم عمرها هي ؟؟
ابتسام : 20 سنه
ابراهيم انصدم: عشرررررين سنه !! حرام عليه ، لو بيدي كان رفضت يوم شفتها بس ماينفع بتاكلنا السنة الناس
ابتسام تنهدت و حست بنوع من الراحـه بعد كلام ابراهيم وهو معروف عنه الصدق : وش مصلحته طيب يقول كـذا
ابراهيم : يبيني اوافق على المشروع ،
ابتسام : حرام عليـه .. وش ذنب البنت
ابراهيم : غريبه والله لا و صالح اصلا معروف انه غني و ماعليه ليه مصر على هالمشروع مادري ...
ابتسام : الطمع يابو خوله .. الطمع ....
\
/
كانت قاعده بلحالها في البيت الكبييييير وماسكه بيدها جوالها ...
قعدت على الكنبه و فتحت التلفزيون بملل .. بعدها بـ ثواني رن جوالها
" يـآآسر ... يتصل بك "
ساره : هلا
ياسر : هلا ساره اخبارك ؟
ساره : بخير الحمد الله .. خير ياسر في شي ؟
ياسر : آآآآ .. انا الحين جايك البيت اجهزي
ساره باستغراب : على وين ؟
ياسر : لـ الشرطه ،،
ساره بصدمه : الشرطه ؟؟!!! ليه ؟
ياسر : عشان بندر ، يبون ياخذون اقوالك
ساره : اخذوها يوم اني بالمستشفى ..
ياسر : مدري عنهم ، المهم انهم يبونك يلا اجهزي و انا دقايق و اصير عند البيت
ساره : ان شا الله ، مع السلامه
سكرت منه و هي مستغربه و خايفه من الي بيصير ،، رقت غرفتها جهزت و مسكت عباتها و نزلت بعدها بـ ثواني رن عليها ياسر .. فتحت باب البيت الكبير شافت سيارته موقفه فتحت الباب و ركبت بصعوبه بسبب حملها ..
ساره : ياسر انا خايفه لا يصير شي
ياسر يهديها : لا لا تخآفين مراح يصير شي هم بس يبون اقوالك بسسس
ساره : طيب و بندر وش بيصير عليه ؟؟!
ياسر : مـدري والله عنه ، مدري وش بيحكمون عليه ..
ساره تنهدت : الله يستر ..
بعدها بـ ساعتين ،، طلعت من المغفر وهي خايفه ماتدري وش بيحكمون عليه ماتدري ولدها أو بنتها الي في بطنها بيطلع وهو يتيم ولا بيعيش مع ابـوهـ ..
\
/
الجـزء السادس :
مخنوٍقة يمّـه، وٍ أحس الخنقة هدّتنـيْ . . !
مگسوٍرٍ قلبيْ . . وٍ ع'ـَينيّ مدرٍي وٍش فيهآ !
وٍ دموٍع'ـَيْ آلليْ غ'ـَصْب ع'ـَن ع'ـَينيْ بگتنيّ . .
ملّيت أغ'ـَمّض جفوٍنيّ { . . لجل أدآرٍيهــآ ! !\
/
\
/
كانت قاعده و الحزن واضح على وجهـآآآ من ملكت وهي حزينه و متضآيقه كل ماجا في بالها انها بتروح لـه بعد فتره قصيره اقل من شهر ... يضيق صدرهـا اكثر و اكثر ‘، اصـر صالح ان يسوي عرس لكـن ابراهيم رفض و اقتنع صالح بعد محاولااات كثيره من ابراهيم بيكتفون بـ حفلة بسيطه بس في أحد الاستراحات الراقيه ~ ..
تنهدت بضيييقه مو طبيعيه .. كنت احس بـ صداااااع من كثرة الصياح راسي مصدددع واحس بـ تعب ..
قمت من الصاله متوجهه لـ غرفتي بملل .. لكن وقفتني امي وهي تقولي " مشاعل
مشاعل : سمي
ندى : شـرايك نطلع تغيرين جو شوي
مشاعل : وين طيب ؟
ندى : الي تبينه ، شـرايك الكورنيش ؟
مشاعل : لا وين يمه بررررد الحين الكورنيش ماينفع ،،
ندى : اليوم الجو مو بارد مرهـ ومراح نطول شوي بس و بعدين نروح نتعشى و نرجع شرايك ؟؟؟؟؟؟
مشاعل بتفكير : اوكـي بس مين يودينا متعب و عبد العزيز طالعين ،،
ندى : عبد العزيز شوي و يجي قلت له قالي اوكي بينزلنا و بيروح لـ واحد يسلم عليه توه جاي من السفر بعدين يرجع لنا ونروح جميع نتعشى
مشاعل : اوكي يعني اجهز الحين ؟
ندى : إيه ،، مراح يطول هو شوي و يجي
رقيت فوق بـ زهق مو طبيعي مااااالي خلق اطلع بس ماحبيت اكسر خاطر امي و محد يدري يمكن اغير جـو .. وتتعدل نفسيتي ~
\
/
مناير بفرح : صدددددددددددددددق ؟؟
عبد الرحمن : إيييه صدق يلا تعاااالوووو لي انا بالمطـار
مناير بفرحه : ونااااااااااااااااااااااااااااسه يلا يلا باي جايينك قبل لا تسكر صرخت وسمعها : يمممممممممممممممممممممممه عبد الرحممممممممن رججججججججججججع
سكرت وهو يضحك عليها ..
خلص اجراءات العوده و طلع من بوابة المطـار تنفس هـوا السعوديـه اخيرا رجع لـ ديرته ،،
سمع صوت الهرن لف شاف نايف وجمبه مناير اخته
فتحت مناير الباب بسرعه و على طول ركضت له و ضمته : اشتتتتتتقتتتتتت لك
عبد الرحمن : عيب يابنت
مناير : هههههه هذا و انت توك جاي من امريكا مفروض عقليتك تفتحت
عبد الرحمن : هههههههه ، لا بس عيب قدام الناس كلن يطالع
مناير : محد لمنا ، و ماعلي منهم كيفي اخوي و اشتقت لـه
نزل نايف سلم عليه و اخذ شنطه حطهم ورا و قال : ترا اليوم بس مدللينك عشان توك جاي من السفر لا ينتفخ راسك ها
عبد الرحمن : هههههههه
\
/
ماجد : يعني صالح مايدري انكم هنـا ؟؟؟!!
منيرهـ : لا مايدري
طلال : من صدقك انتي تجين و زوجك مايدري
منيره : وش اسوي فيه علمنيييي سنتين ماشفتكم ! و هو عنيد و راسه يابس و كلمته أكثر من مره يعيي
طلال : طيب طيب خلاص انـا بكلمه بعد شوي
منيره بخوف : وش تقوله ؟؟
ماجد : تكلمه ؟ من صدقك انت والله ان يجيي ويوريها
طلال : اجل وش تبيني اسوي ؟! لازم يدري
منيره : لا لا الله يخليك مابيه يدري
ماجد : طلال لا تتسرع اصبر نشوف وش بيصير مع الوقت ،،
طلال : طيب نستنى وش ورانا بس ان صار شي بعدين لا تقولين لي انتو ماسويتو شي ! ماتدرين اصلا يمكن إذا كلمته يوافق
منيره : لا لا مستحيل يوافق اعرفه زين صالح راسه يابس و عنيد
طلال : براحتك ياختـي ..
\
/
بدريـه بحقد : هه تزوجتها ؟! هااه عساك مبسوط بس
ابراهيم يبي يقهرهـا : إيييه مبسوووط ولا مو عاجبك ؟
بدريه بعصبيه : ابي اعرف وش الي نااااقصني عشان تروح تتزوجها ذي وش زودهااا استغفر الله يكفي انها بنت صالح !
ابراهيم بعصبيه : مالك شغل فيني
بدريـه تحط رجل على رجل : عشاني عقيم يابراهيم ولا اجيب عيال تسوي فيني كذا
ابراهيم : وش سويت لك انـا ؟! من حقي اني يكون عندي ولد صح ولا لا ،، يوم تزوجت عليك ابتسام كنت ابي الولد و جابت لي بنت و خلاص ماتقدر تحمل مره ثانيه ... من حقي اني يصير عندي ولـد و انا يوم قـآلي صالح انه عنده بنت قالي انها كبيره و مطلقه ! ماكنت ادري انها بزر كبر بنتي ..
بدريه : عذر اقبح من ذنب
قامت و خلته منقهر منها ...
\
/
بعد 4 ايام ..
ساره تصيح : خلآآآآآآص يعني بيحكمون عليه بالإعدام !
ياسر : يابنت الحلال اهـدي .. نسيتي ان ابو المقتول يفكر يتنـازل عن دم ولدهـ ،،
ساره تنهدت : ان شـالله يتنـااازل مو عشاني انا مايهمني بندر خلاص نفسي عافته بس عشان ولده ..
قطع عليهم رنين جوال ياسر : الووو ،، إيه انا ياسر الـ......... ، قال بصدمه : بيطللللع ؟! ...ابتسم : الحمد اللللله ،، ان شا الله ... ابد سلامتك ، فمان الكررريـم ..
لف عليها و قال بفرح : مو قلت لك انـا ؟!
ساره بإستغراب : ايش ؟؟!
ياسر : تنـازل
ساره شهقت وحطت ايدها على فمها : كذااااااااااب
ياسر : والللللله
ساره بين دموعها : الحمد الللللللللللله لك يـآآآآآآآآآآرب
\
/
بعد 3 اسابيع بالضبببببببط ....
كانت قاعده تحط آآخر اللمسات على وجها ‘،
تنهدت بضيق و اخذت عباتها و نـزلت ،،
ندى : خلصتي ؟
مشاعل بضيق : إيه خلصت ،،
ندى بابتسامه : ،،، اقري على نفسك
مشاعل اكتفت بـ هز راسها ....
ندى تنهدت : يلااا خلنروح عبد العزيز برا بالسيارهـ ..
مشاعل : ان شا الله ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك