رواية مابيك فارقني قلبي عودته على حر فرقاك -3
ناصر : شلون تعرف بيتها ؟!
متعب : أول مره شفتها فيها كانت عند بيتهم
ناصر : طيب حلو دامك تعرف بيتهم روح اخطبهآ !
متعب : لا مو بهالسرعه انا ماعرف وش عيله البنت ولا اعرف اي شي عنهم ! و بعدين ماتدري يمكنها صغيره بالعمر و ماتنفع لي ماله داعي الاستعجال !
وقاله كل السالفه !
\
/
خالد : وليد وش فيك ؟!
وليد وهو ماسك راسه : راااااااااااااااسي بينفجر ياخااااالد بينفجرررررر ابي حبوووب
خالد : وش حبوبه وينهي فيه قلي انا اجيبها لك
وليد : بالدرررج في سيارتي جيبها لي بسرررررعه و مد له مفتاح السياره
طلع بسرعه و فتح باب سيارة وليد و فتح الدرج
شاف الحبوب اخذها و بسرعه راح لـ وليد و عطاه اياه
وليد اخذها بسرعه و اكلها ..
خالد : تبي اوديك المستشفى ؟!
وليد رفع راسه بسرعه : مستشفى !!
أحمد بعصبيه : انهبلت انت ! تبيهم يدرون انه مدمن
خالد بصدمه : مددددمن !!
أحمد : إييه مدمن يعني ماتدري
خالد : لا وش يدريني انا ! .. لآ يكون حتى انت مدمن يا أحمد ؟!
أحمد : انت وش رايك اشتغل ببيعها على ناس ماتبيني ادمنها ؟! أكيد مجربها
خالد سكت ..
أحمد : ليه ماقد جربتها انت ؟!
خالد : لا
أحمد : ليه يعني مسوي لي فيها شريف مكه !
خالد : ............
أحمد : اقووووول خذ خذ بس جرب والله انها تروووووووق الواحد جرب جرب مراح تخسر شي
وقط عليه كيسه مليانه حبوب
خالد يطالع في الكيسه و متردد
أحمد : اترك عنك التردد صدقني لاخذتها بترتااااااااااااااااااااااااح
فتح الكيسه و مد يده و اخذ لـه حبتين !
أحمد بابتسامه : جربهم
وللاســـــــــــف ... طاوعـه خآلد !
\
/
صالح وهو يحط العلبـه ع الطاوله و يعطيها خلود : شوفيها و عطيني رايك
فتحتها خـلود و ابتسسسمت من قلبها رفعت راسها وقالت : تجنننننننن بس مرره غاليه
صالح : الغـآلي للغـآلي ،‘ البسيها وريني اياها عليـك
لبست خلود العقد الالمآسي الراااااقييييي وواضح عليه الغلاااااء وقـآلت : يجنننننن والله ياعمري تسللللم لي
صالح : انتي حليتييييييـه اكثر و اكثررررر تستاهلييينه يالغاليه
خلود : يابعددددد عمري تجنننننننن والله
خلود ... " يجننننننن هالعقققققد والله هذي من الاسبآب الي مصبرتني عليك ابكشششخ فيـه هه المشكله مصدق اني ميته عليه ! هذا الي ناقص بعد احب لي شايب وش كبره ! "
\
/
متعب : انا خايف أبوي مايوافق
عبد العزيز : لا ان شا الله يوافق شـرآيك اليوم نروح نكلمه
متعب : وينه هو فيه اليوم ؟
عبد العزيز : أكيد عند وحده من حريمه
متعب : إيه أكيد ، بس لا صرت تعرف حريمه و بيوتهم واسامي اخوانك تعال قلي نروح نكلمه
عبد العزيز : ......
متعب : دق عليه شوفه وينه فيه
عبد العزيز رفع جواله و اتصل .. بعد ثواني جاه صوت ابوه بدون نفس : نعم
عبد العزيز : السلام عليك يبه
صالح : عليكم السلام .. وش عندك بغيت شي ؟
عبد العزيز : آآآ .... صراحه يبه انا و متعب ودنا نكلمك في موضوع
صالح : وش موضوعه ؟!
عبد العزيز : ماينفع على التليفون انا اقول شرآيك لو تعلمنا وينك فيه وحنا نجيك الحين
صالح : بعد العشا ابجيكم " و سكر بوجهه "
عبد العزيزيبعد عنه الجوآل : .. قال عقب العشا بيجينا
متعب : هو الحين معك ع الخط ؟!
عبد العزيز : لا سكر بوجهي ..!
/
داليا : من جد وحشنيييييييي
ساره : اصص لا يسمعك أحد
داليا تنهدت بضيق : وش اسوي شاوري علي
ساره : وش تسوين بعد مابيدك شي و بعدين انتي مانسيتيه خلآًص الولد سافر يدرس برا موب راجع الا بعد شهوووووووور
داليا : لآ مانسيته .. انتي تدرين اني احبه من يوم اني صغيره
ساره : طيب وهو نفس الشي ؟
داليا بحيا : مفروض
ساره تنهدت : وسكتت
داليا : ياااربيه ليه سكتي الحين انا جايتك ابي حل تقومين تسكتين
ساره : ماعندي حل لان اصلا مافيه حل
داليا : اففففففف .. تدرين شكلي بكلم منور اسالها عنه
ساره شهقت : ياويلك
داليا : اجل وش اسوي
ساره : منور تدري عن الي بينكم انتي وياه ؟!
داليا : مابينا شي بس احبه و يحبني لا يروح تفكيرك بعيد حتى رقمه ماعندي اياه اصلا و اصلا ماعمره فكر يكلمني وجه بـ وجه كل عن طريق خواته
ساره : ولو يا داليا خلك ثقيله لا تبينين انك ميته عليه
داليا تنهد : .. المهم وش اخبار البيبي
ساره تغير لونها : .. ذبحتني الالام يادلووو قسم بالله ذبحني من كثر مايتحرك
داليا ابتسمت : الله يقومك بالسلامه يـآرب
ساره بضيقه : تدرين .. احيانا اتمنى لو اني ماحملت !
داليا تنهدت : كان الموضوع بيدك ياساره .. بس الحين خلآص حملتي و خلصتي وان شا الله الله يقومك بالسلامه ..
ساره : آمين
\
/
عبد العزيز : يعني اسال عنه خلآص ؟!
صالح : انت اسال عنه بالأول ان كان رجال زين وافقنا مهوب زين محنا بـ موافقين
عبد العزيز : لا تحاتي مساعد اعرفه رجااال ولد رجال
صالح : مايهمني رايك فيه انت .. اسال وبس
\
/
مر شهر و عبد العزيز إلى الان يسأل عن مساعد ! مع ان الكل يمدح فيه .. بس صالح مصررر انه يسأل عنه أكثر و أكثر .! .. ليـه !؟ الله أعلم !
أحمد و خالد و وليد ..... يمر الوقت و يزيد ادمانهم و تزيد فلوسهم الي كلها بالحرام ..
مشاعل .. مانست موضوع مساعد مو مصدقه انه خطبها ! .. استغربت المدة الطويله الي يسأل فيها عبد العزيز عن مسـاعد خصوصا انه يعرفه ...! لكنها ماعلقت
هدى و فهد و علآقتهم المحرمه مستمره .. كل يوم عن يوم يزيد التمادي
\
/
صالح : رح ناد امك ابيها بـ كلمة راس
متعب : ان شا الله
قام وراح ينادي امه الي كانت قاعده تصلي .. خلصت صلاه لفت عليه و قالت : هلا متعب وش بغيت
متعب بتردد .. : آآآ .. ابوي تحت يبيك
ندى بصدمه : يبيني ؟! وش يبي فيني
" ندى كل ماجا صالح من بعد اخر مره .. كانت تتحاشى شوفته و كل ماجا تكون فوق فـ غرفتها ماتبي تشوفه ... و قعدت على هالحـآل شهرين تقريبا وهو ماسأل عنها الحين فجأه قال ابيها ؟! ... وش يبي ؟! "
متعب : والله مادري يقول يبيك بـ كلمة راس
ندى هزت راسها : طيب ..
فصخت جلال الصلاة و صفطته ونزلـت ..
فتحت باب المجلس و لا نطقت بـ ولآ كلمه
قعدت وقالت : خير وش بغيت
صالح : مابي منك شي ... بس ترا مشاعل انخطبت
ندى : ادري وغيره ؟
صالح : مو قصدي مساعد ، غيره
ندى باستغراب : منهو ؟!
صالح بابتسامه : واحد اعرفه من زمان متزوج وعنده ثنتين .. و يبي مشاعل الثالثه ..
ندى بصدمه : نععععععم ! و قالت بعصبيه: .. وليه مشاعل وش ناقصها عشان تتزوج وآحد متزوج لآ و ثنتين بعد
صالح عصب من اسلوبها : وشو وش ناقصه عشان نعيبه علميني ؟!
ندى بعصبيه و صدمة بنفس الوقت : لا لا ..! صالح انت منت طبيعي لين هنآآ و بس من صدقك تبي تزوج بنتك شايب كبرك متزوج ثنتين قبلها بعد لييييه لييييه ؟!
صالح بعصبيه : وش دخلللللك انتي ليه بنتي و كيفها هي اسمها مشاعل صالح ولآ مشاعل ندى ؟! ابي اعرف انا ؟! بنتيي و انا حر تفهمين ولآ لآ ..
ندى : زي ماهي بنتك بنتي انا بعد ومارضاها عليها
صالح بعصبيه : عنك مارضيتي وانا مو جاي استأذن منك ترا أو اطلب رآيك .. جاي اعطيك خبر بس انها انخطبت عشان تبدون تجهزون
ندى بصدمه و بدت دموعها تنزل : والله ماتااخذه والله ماتاااخذه ..
صالح عصب وقرب منها ومسك إيدها بقوه و قال وهو ضاغط عليها : وبكيفك هي تاخذه ولا لا وفري حلفـك بتاخذه غصبن عليك وغصبن عن الكل دآمي انا راضي محد له دخل .. تفهمين ولا لا ..
ندى بصراخ : لا لا لا مااافهم .. لين هنآ و بس ياصالح خلآآص خلآآص من جد خلآص ! لين متى بتقعد كذا انت ماتحس مو كافيك الي مسويه فينا .. زوآج و متزوج علي 3 و مشيناها الشرع محلل هالشي .. بس اخوآن عيالي مايعرفونهم ولآ يعرفون عنهم اي شي ولآ حتى اساميهم ! .. ماتفكر تجي و تشوف وش الي ناقص علينا .. ماتفكر تجي تسأل علينا حنا احياء حنا اموت ماتدري عننا بشي .. هي مره وحده كل اسبوعين ..! بنتك الوحيده تبي تزوجها واحد كبرك
صالح قاطعها بعصبيه : وش رايك تقولين لي وش اسوي ووش ماسوي .. اسمعي يامره هي كلمه وحده بس بتاخذه يعني بتاخذه .. و بعدين من قالك ان مشاعل بنتي الوحيده عندي غيرها ومتزوجه لآ و حآمل الحين ..
ندى بصدمه : حآمل ؟! ... شلون حـآمل وانت متزوج امها عقبي ..!
صالح : جاها نصيبها و زوجناها .. وخلي انتي بنتك تعنس هنآ
ندى بعصبيه : جاها الزين و الي كل بنت تتمناه تبي ترفضه عشان شايب وش كبره لآ و متزوج بعد ! وانا اقوول ليه ماطعت تعطي الرجال رد .. حرام عليك ياصالح حرام عليك .. حسبي الله عليك من رجآل ..
طلعت و رزعت باب المجلس وراها ..
\
/
* مشاعل و مساعد .. و الخاطب الجديد وش بيصير ؟! بتتزوجه ؟!
* صالح و ظلمه لين متى بيستمر ؟!
* بندر .. و مايخفيه الوقت من احداث ؟! وش بيصير ؟!
* داليـآ .. و المجهول الي أسر قلبها ياترى منهو ؟!
خآلد و أحمد و وليد ... وطريقهم الي مشو فيه .. وش نهايتهم ؟!
هدى و فهد .. إلى متى ؟!
متعب و ريم .. بيدري انها اخته الحين ولآ بعد فوات الاوان ؟!
اتمنى القى شوية تفاعل وصدقوني مع الوقت بتبان الاحداث اكثر و اكثر .. و ان شا الله تعجبكم الروايه ،‘
الجزء الرابع :
..
يـآآآرب ..
لآ من ضآقت امنح‘ـني " وسآع " ..
انت ح‘ـسبي بهالزمآـآن الج‘ـآبر و نع‘ـم الوكيــل .. }~
::
::
...... : و من صدقك انت تاخذ رايها ؟! هذي بنتك انت وانت حر فيها
صالح : ومن قالك اني اخذ ر ايها مابقى الا هي بعد ..
خلود : و بعدين دام الرجال كبير هذا شي حلو يعني فاهم ! <- احلفي :s
صالح : إيه صح .. وش يعرفها هي بمصلحة البنت
هدى : و بعدين ياعمري .. هالشي بعد فيه مصلحه لنا كلنا .. مو هو قالك زوجني بنتك و اعقد معك الصفقه ؟! .. خلآص وبعدين انانيه هذي تفضل مصلحة بنتها على مصلحتنا كلنا
صالح : طيب وشرآيك نزوجه هدى دآمك انتي راضيه !؟
خلود بسرعه وبخوف : لا لا لا لا
صالح باستغراب : وليش ؟!
خلود بتوتر : .. هاا .. لا بس هو قال يبي مشاعل ماينفع يعني تعطيه هدى وهو حدد لك البنت فشله في الرجال وش يقول عنك
صالح بإقتناع : إيه .. صح صح كلامك
\
/
فتح باب البيت و قام يصارخ : سااااااااااره سااااااااره
ساره فزت من مكانها : خير نعم وشو شفيه
مشعل : كلمني الضابط قبل شوي
ساره انصدمت ... : ها وشو شصار
مشعل : لقو بندر
ساره شهقت : لقوه وين ؟! و وشو وش السالفه
مشعل وهو يقعد بتعب : توني كنت عنده يقول لقوه بـ شقه .!!! و البآقي انتي تعرفينـه
ساره شهقت وحطت يدها على فمها وقالت : شـ .. شقه !! لهالدرجه
حست بدوخه قويه من الصدمه .. على طول قعدت
مشعل بخوف : ساره .. وشو شفيك ؟!
ساره : لا لا مافيني .. شي " و بدت دموعها تتجمع بعيونها " .. تنهدت و قالت : شقه ! شقه يابندر بشقه !
مشعل تنهد : استغفر الله يارب ... الله يهديه
ساره بين دموعها : طيب .. و ايش قال الضابط ؟!
مشعل : لسه مابعد يحكمون عليه كل شي بيبان الاسبوع الجآي ان شا الله ..
ساره وهي تصيح : مشعل
مشعل : عيونه
ساره رفعت راسها وقالت : تتوقع .. ولدي أو بنتي .. بيتيتم ؟!
مشعل انصفق وجهه ولآ رد على اختـه
تركها بين دموعها ووقف راح فوق يقول لامه ..
\
/
... قال بصدمه : ايشششششششش !! من صدقك ؟!
ندى ودموعها على خدها :.. ابوك يبي يزوج اختك رجال كبره شايب و متزوج ثنتين بعد
عبد العزيز بصدمه : وليه !
ندى بين دموعها : مـدري .. يقول الرجال مافيه شي عشان نعيبه
عبد العزيز : و إذا مافيه شي وش ذنبها نزوجها رجال كبر ابوها !
قاطعهم متعب : منهي !؟
لف على امه ماسمع منها اي رد ..
عبد العزيز بضيق : مشاعل
متعب : وش فيها ؟! ... اي رجال ؟! وش السالفه ؟!
عبد العزيز : ابوي .. يبي يزوج مشاعل واحد كبره ..
متعب بصدمه : ايششش !؟ و مساعد !؟ وش نقوله ؟؟؟؟! .. ووش فيه عشان نعيبه ؟! ليه و من قالك انت ؟؟
عبد العزيز : امي تقوله ،‘
لف على امه : صدق يايمه ؟!
ندى اكتفت بهز راسها ..،‘
متعب بصدمه : وليييه طيب ؟؟ و مشاعل تدري ؟؟
عبد العزيز : لا ماتدري لا و أزيدك من الشعر بيت .. الرجال متزوج ثنتين ..
متعب بصدمه : ايش !؟ بعد ومتزوج ؟! وليييه يزوجها اياه طيب ؟!
ندى بين دموعها : اندري عنه .. حرام عليه حرام عليه وش ذنبها هي
عبد العزيز : طيب و مساعد ؟! وش اقوله ؟! قسم بالله فششششششله بالولد يستنى ردنا عليه من شهر و هذي اخرتها !
متعب : والله انك صـآدق ..
ندى : و الحل ؟! .. مستحيل اخلي مشاعل تتزوجه مستحيل تكفون ياعيال روحو كلموه
متعب : يمه انتي عارفه ان كلامنا مع ابوي ماينفع معه
ندى : ولو حاولو هذي اختكم ..!
\
/
صرخت : اييييييييييش ؟! شلون ؟! ومين قالك اصلا انت تكذب !
عبد العزيز : لا ماكذب ،‘
مشاعل بين دموعها : وليه يبيني اتزوج شايب ! حرام علييييه
عبد العزيز تنهد : مدري عنه
مشاعل وهي تصيح : عبد العزيز تكفى كلمه .. لا لا مستحيل اخذ شااايب مستحيل
عبد العزيز : كلمناه انا و متعب " و تنهد " .. بس مافي فايده
مشاعل : مراح اخذه يعني مراح اخذه " و قالت و هي تشاهق " .. طيب و مساعد وش بتقوله !؟
عبد العزيز : مدري والله ،‘ !
مشاعل بصياح : عبد العزيز تكفى مابي اتزوجه الله يخليك لا تزوجوني اياه تكفى
عبد العزيز كسرت خاطره اخته : مشاعل ياقلبي تدرين انه مابيدي شي ! ولو علي مازوجتك هالشايب ،‘ ..
،‘ ..
\
/
......... : و انتي بس هذي عيشتك ! هايته في هالشوارع ! نعنبوك قري بـمكان منتيب صاحيه
هدى : وش دخلك انت ؟! ،‘ لايكون ولي امري و انا مادري
أحمد بعصبيه : اهجدي بس هذي حالتك لف ودورآن في ذا الشوارع ابي اعرف انا وش عندك هاا ؟!
هدى :اقوول اخر من يتكلم عن اللف و الدوران و الهياته في الشوارع انت تفهم ! ماتقعد أبد بالبيت و جاي تحاسبني انا ع الاقل يا اخ انام بالبيت ! موب اقعد بالاسابيع برا ولاحد درا عني زيك انت و اخوك ..
خالد بنرفزه : تحاسبينا انتي وين نروح ووين نجي ؟! هذا الي ناقص
هدى : اجل تحاسبني انت و اخوك ؟! ،‘ ماتوقع اني بزر تشوفون وين اروح ووين أجي و ماتوقع انكم لكم دخل فيني دآم امي راضيه وابوي راضي انتوا اطلعو منها
خالد عصب : انتي لسانك طويل و يبيله قص
أحمد بعصبيه : و انتي تقارنين نفسك فينا وين نروح ووين نجي في فرق انتي بنت و حنا عيال
هدى : طيب طيب خلآص لا تصدع لي راسي ترا مالي خلقك انت و اخوك
وطلعت فوق غرفتها ...
\
/
قالت وهي تشهق : شققققققه ؟! مره وحده شقه حسبي الله عليه من رجـال
مشعل : شفتي شلون يايمه .. مايتوب هالرجال أبد
ياسر بعصبيه : ياارب يحكمون عليه بالإعداام و نفتتك منه و من شره هالغبي
حصه : استغفر الله وش هالكلام .. بدال ماتقول الله يهديـه
ياسر : استغفر الله يآرب
مشعل : كل شي بيبان الاسبوع الجآي نشوف وش بيصير ..
\
/
في مكآن ثاني
بعيييد عن هالعائله حاملة اسم " صالح الـ ...... " ..
نطلع شوي عنهم و نروح له في كنـدا
يمشي في شوارع مونتريـآل ماسك الجوآل .. متردد يتصل ولا لا ..
سم بالله و اتصل ..وصله صوتها : ارحبوووووووووووووووووووو
ابتسم بشوق و قال : هلااااا والله منوووووور أخبآرك و اخبار امي واخباركم كلكم ؟
مناير : الله الله كل هذا بجاوب عليه وآحد وآحد اسأل
عبد الرحمن : ههههه طيب اخبارك انتي ؟
مناير.. : تمآآآآآآآم التمآآم انت اخبارك وحشتنييييييييييييييييييييي
عبد الرحمن : انا بخير الحمد الله اخبار امي و اخواني ؟
مناير : كلنا بخير والله
عبد الرحمن : وش صار على رزان ها انقلبت بالجامعه ؟
مناير بضيقه : لا مانقبلت .. بس بتقدم الترم الثاني و ان شا الله تنقبل
عبد الرحمن : الله يكتب لها الي فيه الخير ،‘ وش اخبارها ؟!
مناير : منهي ؟!
عبد الرحمن : منهي يعني .. انتي عارفه مين لا تستهبلين
مناير بـ تذكر : إييييييييييييييه .. دلووو .. والله مدري عنها ياخوي
عبد الرحمن : طيب انا مراح اطول عليك .. يلا سلمي لي على اخواني و بوسي لي راس امي و ابوي ‘،
مناير : ابشر ياخوي .. انتبه لـ نفسك ،،
عبد الرحمن : ان شا الله فمان الله
منور : فمان الكريم ..
\
/
كانت قاعده ودموعها على خدها
آآآآآآآآآآآآهـ يآآآآآآرب اشرح لي صدري يآرب ابعد عني هالزوآج ..
" ليه ابوي يسوي فيني كذا ليييـه ! ليه يبي يزوجني هالشايب حرام عليييه بيني و بينه فوق الـ 25 سنه .. انا كبر بناته ،،
شهقت و حطت يدها على فمها تكتم شهقاتها المتواصله ..
سمعت صوت طق الباب قامت بخطوات ثقيله و فتحت
لقت امها واقفه على طول ضمتها و قعدت تصيح : يممممممـه
ندى بخوف : وش فيك ؟!
مشاعل بين شهقاتها : مابي اتزوجـه ... مااااااااااااابي
ندى بصدمه : من قالك عنه ؟؟
مشاعل : عبد العزيز
ندى تنهدت : .........
مشاعل بترجي : يمممممممه تكفيييييين طلبتك .. الله يخليك لا تزوجوني اياه تكفين مابيه
ندى ضمت بنتها وقامت تصيح معها
\
/
قال بعصبيه : لا يعني لاااااا انتي ماتفهميييين ؟!
منيره بقهر : إيييه مافهمم ... ياخي خاف ربك كم صار لي ماشفت اهلي حرام عليك فوق السنتين .. هذووولي اهليييي امي و ابـوي مدري عنهم اختي توفت ولآ حضرت عزاها .. اخوي تزوج ولآ حضرت عرسه ..
صالح يقاطعها بعصبيه : روحـة عند اهلك ماااااافي .. منيب فاضي لك انا اوديك الرياض و اجيبك
منيره : محد قالك ودني انا ادبر اموري مالك دعوه انت فيني ،،
صالح : حلوه مالك دعوه انت فيني ليه ماني زوجك ؟!
منيره : زوجي ؟! ... بالاسم بس
صالح قرب منها و شدد على كلماته : روحه للرياض عند اهلك مافي تفهمين ولا لا
منيره : حسبي الله عليييييك من رجـآل انت ماتخااف ربك .. هذي صلة ارحااام وآجبه علي هذولي اهلي لحمي و دمي
صالح بعصبيه شديده : تعلميني انتي بالدين ؟! .. اسمعي يـا مره اانا جبتك من عيشه الفقر لهالعيشه الكل يتمناها و ماتوقع انك يوم كنتي عند اهلك كنتي عايشه مثل هالعيشه صح ولآ انا غلطان ؟! .. و ان جبتي سيرة اهلـك مره ثانيه بروح لهم ولآ بجيهم والله تشوفين شي عمرك ماشفتيه ..
قام و هو عند الباب قالت وهي دموعها على خدها : ترا الغنى مو كل شي ياصالح ... هذا حنا اغنياء و ماعلينا .. بس عيشتنا نكـد .. الله ينتقم منك بالي تسويه فينا ..
طلع من البيت بدون لايعطيها أي رد !
\
/
تنهدت بضيق : يآآآآآآآرب اشرح لي صدري ويسر لي امري ... يآرب اجرني في مصيبتي و اخلفني خير منها ..
داليا : ساره بس لا تضيقين صدرك ،، وسعي صدرك ماتدرين وش يصير ..
ياسر :و بعدين ترا الحين في صالحك إذا ماتبينه يقدر يطلقك الحين ..
ساره باستغراب : كيـف ؟!
ياسر : يعني .. هو الحين عليه اكثر من قضيـه .. إذا رفعتي دعوه طلاق كل شي بيكون من صالحك ...
داليا بسرعه : من صدقك انت ؟؟ و ابوي ؟!
حصه : ابوك ؟! ليه و ابوك يدري عنكم ولآ عن الي يصير فيكم .. ابوك ماله دعوه فيكم خلآص من اليوم و رايح لا تقولون ابوي و ابوي .. هو ابوكم بالاسم بس
ساره بصدمه : يمه وش هالكلام ، مهما كان هذا ابونا
حصه : انتي بالذات ياساره لا تقولين هالكلام عقب الي شفتيه من ابوك ..
ساره تنهدت و سكتت ...
داليا: ولو يايمه هـذا ابوي و انا مارضى اننا ننسى وجوده .. الله يخليه لنا و يطول لنا بعمره صحيح انه مو مهتم فينا .. بس يبقى ابونا و نحبه ،،
ياسر يغير الموضوع : وين مشعل ؟؟
حصه : بالدوآم .. الله يكون بعونه
\
/
ريم : يمه وش تسوين ؟!
منيره : ..............
ريم : يمممممه وش قاعده تسوين علميني على وين رايحه
منيره تنهدت و قالت : ريم بلا كثره اسئله .. وروحي جيبي لك شنطه من تحت و حطي لك فيها ملابسك و كل احتياجاتك
ريم باستغراب : يمه وين بنروح طيب علميني ؟!
منيره : يااااااربيه ... ترا ان خلصت و انتي ماخلصتي بروح و اخليك
ريم : خلآص خلآص بروح احضر شنطتي .. بس احط لـ كم يوم ؟!
منيره : مدري .. حطي الي يكفيك لـ مدة اسبوع الحين بعدين نشوف وش يصير
\
/
• منيره و ريم .... إلى آين ... ؟!
• مشاعل بعد ماعرفت بـ خبر خطبتها .. وش الي بيصير بتاخذهـ ولآ لآ ؟؟؟
• بندر .. و اخيرا قبضو عليـه .. وش بيحكمون عليه ؟! وساره بتتطلق ولا لا؟ ولو درى صالح برغبتها بالطلاق وش بيسوي ؟!
• مناير و عبد الرحمن .. الشخصيات الجديده ياترى من هم ؟!
معليش البآرت قصير ..
اعذروني حبآيبي .. مو بيدي عندي ظروف هاليومين و ماقدر اكمل كتآبه ،،
ان شا الله اعوضكم الاجـزاء الجآيه ،،
الجـزء الخآمس ..
منت ملكي ~
لي متى آغمض عيوني؟!
منت ملكي~
لي متى تسكت ظنوني؟!
........... لي متى اسرق دقآيق شوفتكـ وآحيآ عليهاآ !؟
ريم : يمه وش تسوين ؟!
منيره : ..............
ريم : يمممممه وش قاعده تسوين علميني على وين رايحه
منيره تنهدت و قالت : ريم بلا كثره اسئله .. وروحي جيبي لك شنطه من تحت و حطي لك فيها ملابسك و كل احتياجاتك
ريم باستغراب : يمه وين بنروح طيب علميني ؟!
منيره : يااااااربيه ... ترا ان خلصت و انتي ماخلصتي بروح و اخليك
ريم : خلآص خلآص بروح احضر شنطتي .. بس احط لـ كم يوم ؟!
منيره : مدري .. حطي الي يكفيك لـ مدة اسبوع الحين بعدين نشوف وش يصير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك