رواية مابيك فارقني قلبي عودته على حر فرقاك -2
مشاعل شهقت وقالت بطريقه تضحك : وووووجعه ان شا الله يالقعيطي بس تبلع في هالفلوس ولا تصرف ولآ قررش على اغراض البيت هاااه
عبد العزيز انفجر من الضحك : ههههههههه انتي ماتعقلين ابد عمرك 20 و لسانك وش طوله و هبالك كل ماله يزيد
مشاعل : ههههههه ياحبي لك عندك امل اني اعقل
عبد العزيز : انا قلت كبرتي و عقلتي !
مشاعل : هذا انت كبر الحمآر ولا عقلت ههههههههههه
وحطت رجل وراحت فـوق غرفتها
ندى : هههههههههههههههههههه ياويلي من هالبنت موب صاحيه
متعب : ههههههه ماتعرفينها يمه لسانها طووويل
عبد العزيز بابتسامه : بس عسسل
ندى : من صدقك انت ماجبت الاغراض ؟
عبد العزيز : لا لا جبتها بس استهبل عليها زي مارفعت ضغطي والحين بقول لـ وحده من الخدم تروح تجيبهم من شنطه السياره
\
/
هـدى بدلع : يابعد عمري انت
فهد : فديييتك وفديييت عمررك ياحياتي انتي أحببك أحبك أحببببك
هـدى استحت ولآ ردت
فهد : حبيبتي
هـدى : سم
فهد : ابي اشوفك
هـدى بدلع : يووهـ حياتي توني شايفتك امس
فهد : ما اشبع منـك انا أبـدا
هـدى : مدري ياقلبي بس ما اتوقع
فهد : ليه
هـدى : عندي اختبـار بكرا و للحين ماخلصته و بعد بكرا عندنا عزيمه و الي عقبه انت مسافر
فهد تنهد : طيب طيب خلآص موب لازم اشوفك مع السلامه
هـدى : يوووه فهودي زعلت
فهد : لا ليه ازعل انتي كل شي مهم بحياتك الا انا
هـدى : افاا وش ذا الحكي إذا انت مو مهم بالنسبه لي مين الي مهم
فهد : دراستك و عزايمكم و اهلك و صديقاتك بس انا لا بالأخيييير اخر شي تفكرين فيه فهد
هدى : يووووويووو وش هالكلااام ! من صدقك فهودي انت اول شي مهم اصلا في حياتي
فهد : كلام بس
هدى : وش تبيني اسوي عشان اثبت لك يعنـي
فهد : بما انك ماتقدرين تطلعين .. انا ودي اشوفك مشتاااااااق لـك مووووت
هدى صدقت : شدعوه توك شايفني
فهد : قلت لك انا ماشبع منـــك أبــد ... تكفين هدوو حبيبتي انتي ارسلي لي صورتك
هدى : صورتي ؟!
فهد : إيـه صورتك ولا مو واثقه فيني
هدى : شدددعـوهـ مو واثقه فيـك إذا ماوثقت فيك انت في مين اوثق
فهد : اجل ارسلـي
هدى : طيب ابرسلك صورة لي في زوآج خالي
فهد : اوكي انتظرهـا
هدى : اوكي يلا مع السلامه
فهد : مع السلامه
وسكرت منـه ... دخلت ع الاستوديو تدور صورتها ~ .. لقتهـا و ارسلتها لـه وسائط <- بكل دلاخه هع !
/
منسدحه على السرير و ماسكه بطنها بحـزن .. أي وحده مكانها كانت بتفرح الا هي !
حزيينـه و ضآيق صدرها
وقفت و راحت للمرايه رفعت بلوزتها و قعدت تتأمل في بطنها .. كل ماله يكبر
تنهدت بضيييق ... يآآآربييييـه وش اسووي يااااااارب فك عني ضيقتي
ياارب يكون هالطفل خييره و يفك عني حزني بـ فررحه يـآرب ..
وفجـــــــــــأه ... !!
سمعت صوت اطلاق نااار
خافت و بسررعه طلت من الدريشه ماشافت شي و الصوت كان قريب كأنـه بـ غرفتها
بسرعه فتحت البـآب و راحت للصاله و شهقت يوم شـافت بندر واقف و معاه مسدس
سـآرهـ : .. بـ ... بندر ... وش وش سويـ..ـت
لف عليها بندر بخوف شديـد : ساااره ..... انا .. قتلته .. ذبحته
ساره نزلت دموعها : مجنووووون انت مجنوووووووون ليييه ذبببببحته وش سووا لك و في وسط البيت يابندر وسط البيييت وقامت تصيييييح مسكت راسها بيدينها و قامت تصيح و تشااهق .. ياويليييييي وش هالمصييييييبه الي طيحتنا فيييها .. حسبي الله عليك من رجاال حسبي اللـه عليييك وش بنسوي الحين علمني وش بنسووي
بندر يصارخ : مااااادري مااااااادري
وطلع بسرعه برا البيت
ساره تركض وراه : بننننندر بندررررررررررررررررر
اخذت جوالها و بسرعه اتصلت على مشعل وهي تصيح
ساره : مشعللللللل الحقنيييييي يامشعل انا في مصييييييبه
مشعل كان بالدوآم و فز من مكتبه : وشووو وش فيه
ساره : بندررر حسبيييي الله علييه
مشعل عصب : وش سوا لك هالحيووان
ساره : ياويلي يامشعلللللل ياويلي رحت فيهااااا يامشعلللللل و قامت تصييييح .. بسررررعه تعاااااااال عندي بسررررررعه ياويلي ياويليييييييي وش هالمصيييييييبه
سكر مشعل السماعه و ركض بسررررعه طلع من المستشفى و ركب سيارته مسررررررع ولا عليييـه من أحد قطع اكثر من اشاره لين ماوصل لـ لبيت
شاف الباب مفتوح دخل بسرعه شاف ساره ع الارض تصييح
و لف و ليته مالف ! انصدم يوم شاف رجال مرمي ع الارض و الدم حوولـه
مشعل صرخ يوم شافه : وش ذااااا
ولف على ساره منصدم
ساره قامت و ضمته : بندر بندررر الحقيييير .. حسبييي الله عليييييه و قامت تشاهق
مشعل : وش سوا هالواطي " صرخ " تكلمي
ساره : مادري مادري انا كنت في غرفتي و .. و
تذكرت ساره المنظر يوم تشوف بندر وهو معاه المسدس و الرجال وهو يطيح و الدم من حولـه
ماحست الا وهي ع الأرض مغمى عليها ...
\
/
منيره : ريـم قوومي يلا
ريم : يووه يمه قسم بالله مالي خلللللللق
منيره : بس هذا الي فالحه فيه مالي خلق و مالي خلق ! مامنك فايده أبد
ريم : طيب طيب بقوم
راحت غرفتها و اخذت عبايتها ومدت يدها : جيبي الورقه
منيره عطت ريم ورقه الاغراض الي لازمتها " منيره مدرسه علوم للمرحله الابتدائيـه " و محتاجه كم شغله من المكتبه
ريم .. طلعت برا البيت و راحت مشي للمكتبه الي قريبه من عندهم مايحتآج سياره توصلها
رن جوالها رفعته و ابتسمت : هلا والله
سحر : ويييينك يالقاطعه مالك لا حس ولا خبر
ريم : لاااا والله الحين صرت انا الي مالي حس انتي الي صار لك قرن ماتتصلين ولا تسألين وكل مادق عليك جوآلك مقفول
سحر : إييـه كنت مسآفره والله
ريم : الحمد الله ع السلامه وين كنتي فيه ؟
سحر : وين بعد ؟! المغـرب عند جـدتي
ريم : وش اخبارها الحين ان شا الله احسن
سحر : الحمد الله احسن
ريم : الحمد الله ..
وقعدت تسولف مع سحر ولا انتبهت للطريق ولا للسياره الي جايه مسرعه
سمعت صوت صراخ : ااااااااااااابببببببببببععععععععععععععععدددددددددد دددددديييييييييييييييي
ريم رفعت راسها على صوت هرن السياره وشهقت ..
طاحت ع الارض من الصدمه وهي فاتحه عيونها حمدت ربها ان الي كان يسوق انتبـه ووقف
نزل من السياره و راح لها
متعب : فييك شي ؟!
ريم ماردت عليه للحين مصدومه ووجها منصفق
متعب : لو سمحتي ... فيك شي صار لك شي ؟!
ريم الي كانت كاشفه رفعت راسها : .. لآ ..مافيني شي
متعب : اوديك المستشفى فيك شي اتصل ع الاسعاف ؟!
ريم : مافيني شي مافيني شي
وقامت بسرعه ركضت و دخلت بيتهم .. و هي تشاهق و واضح على وجها الخوف
منيره يوم شافتها شهقت : وش فيييـك
ريم رفعت راسها : بغيت .. بغيت اموت !
وضمت امها و قامت تصيح
منيره تمسح عليها : بسم الله عليك .. بسم الله عليك .. وش فيك وقامت تقرا عليها
لين ماهدت ريم ..
منيره : وش فيك يابنتي وش صار لك
ريم تنهدت : تخيلي يمه .. كنت امشي و معي جوآلي اتصلت علي سحر صديقتي قعدت اسولف معاها ولا انتبهت للسياره بغت تصدمني بس الحمد الله راعيها وقف
منيره شهقت : صار لك شي ؟ فيك شيي
قطع عليهم صوت الجرس
قامت منيره و فتحت الباب
متعب : اااا .. هالجوآل طاح من بنت قبل شوي دخلت هالبيت
ومد الجـوال لـ منيره ..
منيره : إيـه جوآل بنتي
متعب : فيها شي يا اختي صار لها شي تبون اتصل على الاسعاف ؟ والله اسف يا اختي وقسم بالله اني مانتبهت طلعت علي فجأه " ارتبك ولا كمل كلامه "
منيره : حصل خير ياولدي البنت سليمه مافيها شي و الحمد الله انك تداركت الموقف ووقفت
متعب : بس حبيت اتطمن .. و انا اسف مره ثانيه
وراح ..
ركب سيارته وهو للحين متوتر
تذكر ملامحه وجـه ريم و تنهد .. ياويلي منها عليها جمآآل يسحرررر .. الله يحفظها
\
/
فتحت عيونهـآ ببطئ ..
راسها مصددددددع صداع موب طبيعي و تحس بـ لسانهااا ثقيل
تبي تتكلم تسأل وينهي فيه بس لسانها خانها ..
شافت مشعل و وباقي اخوانها و امها عندها وهمست : يمـ...يمه
حصه على طول لفت عليها و مسحت على شعرها : بسم الله عليك يايمه ، حسبي الله عليه من حقير
ساره الي شبه مغمى عليها : .. ويــ......ـني
داليـا : بالمستشفى
ساره هزت راسها و رجعت نامت من التعب
حصه وهي تصيح : حسبي الله عليه من رجااال حسبي الله علييه
مشعل : يمـه ... الشرطه يبون يحققون مع ساره
حصه : مو وقته البنت تعبانه و نايمه مافيها حيل تتكلم
مشعل : قلت لهم .. حتى الطبيب قالهم قالوا بيجون بكرا
داليا : مشعل .. وش الي صار بالضبط ؟!
مشعل تنهد : ... انا مدري وش الي صار بالضبط اصلا .. كنت بالمستشفى فجأه اتصلت علي و هي تصيح و تصارخ .. و تسب في رجلها وتتحسب عليه اقولها وش فييك تقولي تعال لي
مشعل يكمل كلامـه : رحت لقيت باب البيت مفتوح و سياره بندر موب موجوده دخلت و لقيتها طايحه بالارض و تصيح و قدامها وآحد مقتول و الدم يتصبب منه .. ويوم شافتني قامت و حضنتني و قعدت تصيح بعدين اغمـى عليها ..
داليا بضيق : الله لا يوفقه حقييييييير سـآآآآآفل
ياسر : أنـا اوريكم فيـه النذل الواطي ان ماوريته ماكون ياسر والله لا اخليه ينندم قسم بالله لا اخليه يندم
مشعل : شكلك انت انهبلت .. تبي تودينا في مصايب انت الاخر
\
/
مشاعل : هههههههههههه صدق انك أحول
متعب : وش دخلني انا والله هي الي مدري من وين طلعت لي
عبد العزيز : تخيل لو انك صادمها
مشاعل باستهبـآل : اللللللـه ... كان افتكينا منـه
متعب يطالعها من فوق لتحت و قال بـ غرور : انا الكل يتمنى نظره مني و انتي تبين الفكه ؟ هه صدق ناس متخلفـه !
مشاعل : هههههههه بالللللهي مين الغبي الي يبيـك دلني عليه بس أكيد فيـه بلا
عبد العزيز : هههههههه انا ابي اعرف بس انتي متى بتتركين طواله اللسان هذي
متعب : هه اصلا مااتصير مشاعل إذا ماكان لسانها طويل
فجأه رن جوآل عبد العزيز ورد : الـوو ..... وعليكم السلآم ... و قال وهو عاقد حوآجبه .. لا حول ولا قوة الا بالله .. و كيفـه الحين ؟ ... يلا يلا انا جايكم نروح سوا .. مع السلامه
متعب : خير ؟!
عبد العزيز يقوم : وآحد من الشباب مسوي حادث بروح اتطمن عليه
متعب : منهو ؟
عبد العزيز : ماتعرفه يلا فمان الله
وطلع من الباب ..
\
/
صالح وهو معصب : ووووجع انشا الله انتي وش يفيد معك علميني بس كم مره انا قايل لك طلعه من البيت بدون شوري مااافي ماتفهمييين انتي
حصه بقوه : ماعندي استعدااد اترك بنتي عشان حضرتك وبعدين انت وش عليك مني قاعد في احضااان المدآآآم ولا توك الحين تتذكرني !
صالح عصب عليها و عطاها كف سكتها ..
داليـا شهقت .. : اميي !
صالح رفع راسه و قال : امك هذي اضربها و اكسر راسها واكسر راسك معها تفهمين ولا لا انا كم مره قايل لا تطلعون بدون شوووري كم مررهـ علميني !
داليا بخوف : بس .... ساره
صالح : لووو تمووووت لو تتققققطع تتصلون علي قبل بعدين تتطلعون فاهمـه
حصه : موب كافييك بعد ان كل الي صار لها بسببك انت ! انت الي زوجتها الواطي بندر شوف وش صار لها عااجبك وضع بنتك
صالح : هي الغلطانه ، بندر مافي مثله !
حصه : والله انك صادق هي غلطت يوم طاعتك و اخذت الي مايتسمى
!!!
\
/
سـآرهـ : وبس هذا كل الي صار
الضابط : طيب و ماعندك خبر وين ممكون يكون راح ؟
ساره تهز راسها بـ نفـي : لآ ماعندي
الضابط بنظرات شك : شلون ماعندك موب زوجك .. ترا الي يكذب و يلف يدور مانرحمـه
ساره بثقه : و انا ماسويت شي اصلا و بريئه من كل الموضوع و مالي اي علاقه فيـه
الضابط : طيب ساعدينا نلقاه
ساره : لو اعرف اي شي عنه كان ماترددت لحظه وحده اني اقولك ياحضره الضابط ، صحيح انـه زوجي بس ولو مو معناته اني ادافع عنـه بـ مثل هالجريمه !
الضابط يقوم : طيب طيب احنا بكرا بنجي و نكمل معك التحقيق و بندوره و ان شا الله نلقاه
ياسر : طيب ياحضره الضـآبط ممكن اكلمك شوي برا
الضابط بنظره استغراب : تفضل
ساره على طول لفت على ياسر و بعيونها ترجي انه مايقول عن بندر و عن شربه و عن باقي بلاويـه
يآسـر عرف الي في بالها و قال في نفسه ..... لآتخافين كل الي بسويـه لمصلحتك
وطلع ورا الضابط
\
/..
سـاره و بندر وش الي بيصير ؟! بعد هالحركه الي صارت من بندر بتتطلق ؟!
صالح وش بتكون ردة فعله من تصرف بندر بيطلب منه يطلق ساره ؟!
متعب و ريـم ...و أول لقاء بينهم .. وش بيصير .. بيدري متعب انها اختـه ؟!
الجـزء الثالث :
يـآدنيآ الهم يكفيني ..!
..........~ وربي ضآقت سنيني ...!
واقف ينتظر دوره .... ياللــه لين متى بقعد كذا واقف اففففف
مرت ربع ساعه ولسه ماجا دوره مل ولف على روا يبي يرجع ماحس بالبنت الي صقع فيها و طاحت من طولها على الارض
فتح عيونه على الأخير يوم شاف وجها ...!! هي نفسهاااا البنت !! ... ياويلي يافشلتي فيها وش تقول عني كل ماشفتها صقعتها !
ريم رفعت راسها و بان عليها الغضب كانت تطالعه بنظرات استحقـآر من فوق لـ تحت
متعب بـ توتر و فشله : آآآآسف يا اختي والله مانتبهت لك
ريم بصوت خافت : جت على هالمره يعني والله شكلك يبيلك نظاره
متعب سمعها و ضحك : والله اسف مانتبهت لك
ريم فتحت عيونها " يمه منـه سمعني " ! : حصل خير حصل خير
ومشى عنها ... ريم ... وش سالفه اهلـه هالأعمى ذا والله حالته حالـه شكل النظر عنده مييييح .. هه والله انه خبل يمشي و بس ماعليه من أحد ... مجنون وبينها وبين نفسها .. بس مزيون =p
..
متعب .. متفشل و حالته حاله هههههه .... ياويلي وش ذا الفشيله وش جايني انا صاير اعمى ماشوف ! لا و المشكله نفس البنت بعد وش تقول عني الحين ماشوف ! .. يالله عدت على خير .. بس من جد صدفه حلوهـ شفتها للمره الثآنيه يالبى قلبها بس عليها جمآآل ماشاالله شي .. الي مثل جمالها لازم تغطي وجها ماتخاف على نفسها من الرجال !
\
/
يـآسر : و بس ياحضره الضابط
الضابط باستغراب : واختك ليه ساكته و ماتكلمت
يـآسر : اختي حآمل حاليا .. و ماتبي أي شي يضر سمعـة ولدها أو سمعتها هي
الضابط : موب عذر ياخوي ، على العموم حنا ان شا الله بنحآول القبض عليه و بنشوف البصمات الي على المسدس من حسن حظنا انه كان ملقي على الارض و ان شا الله نبلغكم إذا حصل أي جديد أو لقيناه ... وبنمنعه من السفر خـآرج المملكه
\
/
خالد شهق : من صدقك انت
أحمد : فاضي لك انا أمزح معآك
خالد : ... بس يـا أحمد ترا الموضوع موب لعبه خطر الي قاعدين نسويه افرض شافنا احد ولا كشفنا احد وش بنسوي والله نروح في 60 داهيـه
أحمد بقلة صبر : ياخي لا تصير خوآف و جبان كنك حرمـه
خالد : طيب متى بنبدأ ؟
أحمد بابتسامه : من الحيين .. ابشر بـالفلوس ياخوي والله بتهل علينا ملااييين
خالد وهو مو مرتااح للشغله : .. طيب يلا سرينا
\
/
كان يمشي بـ ممرات المستشفى .. يدور على الغرفه الي يبيهـآ
شد انتباهه ضآبط واقف و قبآله شخص وواضح انهم مندمجين بالكلام ،،
قرب اكثر و دقق في ملامح الشخص .. و انصدم !!
" يالله .. فيـه شبه من أبوي مررره !! معقوله في شبه زي كذا ؟! صحيح يخلق من الشبه 40 بس هـذا ينفع اخونـا ! ضحك في نفسه و ماعطى للموضوع اهتمآم و مشى ,,
/
\
بعـد شهرين ~
بنـدر .... إلى الان مافي عنه أي خبر ..
ساره ... طلعت من المستشفى من زمآن .. بس تعبانه شوي مع الحمل .. دخلت الشهر الخامس
هدى إلى الان مستمره مع علاقتها ويا فهد إلى الان و هي طايحه بالوحـل و العلاقات المحرمه تتمادى فيها أكثر و أكثر !
متعب .. ريم ماخذه كل عقله و تفكيره وده يعرف اخبارها وده يشوف جمالها رقتها و نعومتها مره ثانيه .. مع انه متأكد انـه مستحيل يشبع من شوفتها !!!
صآلح ..
اغلب هالشهرين كان عند خلود .. و إذا طلع منها راح لـ منيره دقآيق بعدين رجع لـ خلود
\
/
كان يدور في شوارع الخبر
دخل الحي الي أول مره شافها فيـها ...
راح لـ نفس المكآن على أمل انـه يشوفها
انتـظر و انتـظر وانتـظر وانتـظر !!
حس بـ إزعاج و اصوات من حوله رفع راسه لقاها واقفه و معاها وحده ..
ابتسم وفي باله يقول أكيد امهآ ..
وقفوا بالشارع ينتظرون السواق يجي ..
ريم : اففففف وراه ذا طول خسنا بذا الحر
منيره : وراك متصربعه دقايق و يجي
ريم لفت وجها و انصدمت يوم شافته .. ابتسم لها .. اما ريم انصفق وجها و بدت تخاف .. يمه وش يبي ذا هنـآ يوووو يوو الله يستر لا يكون وراه مصيييبه الله يستررر ..!
متعب استغرب من ردة فعلها ! ليه كل هالخوف !
جا السواق و ركبوا معآه و متعب راح ..~
\
/
كان قاعد و معه أحمد و وليد
باس الفلوس بـ فرررح وقآل : من أول عمليه 10 الاف ريال !
احمد : شفت شلووون ياخوي قآيل لك انا الشغله مضمووونه 100 بالمييه
وليد بابتسامه : والله في خلال سنه وحده بس بنجييب ملاييييين ! إذا بنستمر على هالوضع
احمد والطمع ماكله : تدرون أفكر اقول لـ فيصل يزيد عليهم المبلغ
خالد : ماله الا يجيب كميه اكبر و يتضاعف المبلغ
أحمد : لا لا حنا بنقوله يزيدها بحجه ان المنطقة جدا بعيده عننا ولا تنسوون الي سويناه موب سهل لو يشوفنها أحد رحنا فيهاااا
وليد : من هالنآحيه صادق بس ان شا الله محد يشوفنا و ماتوقع يوافق يزيد المبلغ عليهم أكيد بيشترطون عليه زيادة الكميه
خالد : حتى لو مازاد ت الكميه انتوا فكروا فيها ، كل ماخذو كميه بتزيد حاجتهم لـ كميه ثانيه وثالثه و رابعه ! يعني حنا عطيناهم 100 كيف ... بيدمنون عليها اكثر وبتصير حاجتهم لها اكثر بالاسبوع يعني بدال مانعطيهم مره وحده بالشهر مع الوقت بتصير مرتين بعدين 3 و 4 !! وحنا مع كل دفعه نطلب زيادة المبلغ وبكذا في اقل من سنه بيصر عندك مبلغ وقدره
\
/
كانت واقفه تنتظره يجيها .. افففففف ياربيه تأخر علي !
وقفت وانا مرتفع ضغطي و منقهره منـه صار لي فوق النص ساعه و انا استنآه و المشكله الجو بدا يبررررررد ..
رفعت جوالها و اتصلت عليه : وييييينك فييييييه
فهد بقلة صبر : كم مره قلت لك قرربت خلآص عاد
هدى : من سنة جدي و انت قربت قربت ماطعت تجي ! اففففففف
وسكرت السماعه بوجهه ... اففففف منه ينرففففز بعدين يقولي ابـي اشوفك انا الحمآره الي اوافق ! مشيت بعييد عن الكوفي الي كنت قاعده فيه انا و صديقاتي طلعت من الكوفي عساس انه بيجي ياخذني و اركب معاه نطلع سوا .. مشييت ومشيييييت ومشييت بعدت عن الكوفي مرره بس مانتبهت .. رفعت راسي لقيته يأشر لي رحت لـ مكآن السياره و ركبت وقلت بعصبيه : بدرررري
فهد : الناس تسلم قبل
هدى : السلام عليك
فهد : عليك السلام ورحمة الله
هدى لفت وجها وقامت تطالع الشارع بنرفزه
درى انها زعلت عليه .. " افففف بعد فاضي لها انا اقعد اراضي فيها ، أحسن تستاهل واقفه لي اخر الدنيا و تبيني اجيها و الدنيآ زحمـه ، لو علي والله كان قلعتك برا هالسياره "
فهد : حبيبتي
هدى : ..........
فهد : هدووووو
هدى بدون لا تلف عليه : نعـم
فهد : وش فيك ياعمري زعلتي
هدى : .........
فهد بعصبيه : اكلم نفسي اناااا
هدى لفت عليه وهي معصبه : وش تبييييي
فهد : وراك ماتردين علي كني اكلم جدار
هدى : وش تبيني اقووولك يعني ماتدري ان حركتك تنرفز
فهد يحاول يمسك اعصابه : يعني ماتشوفين الزحمه وش تبيني اسوي اطيير عشان اجي لك
هدى : افففف .. تدري شلون انا الغلطانه اصلا الي ركبت معاك
وجت تبي تطلع لكنه مسكها
فهد : حبيبتي .. اسمعيني شوي
هدى سكتت ولا ردت عليه
فهد : والله اسف ياقلبي تدرين اني ماقوى على زعلك بس وش اسوي ماتشوفين الزحمه يعني مو بيدي
هدى : ........
فهد : حياااتي قلت لك انا اسف وش تبيني اسوي بعد ... انا ماقوى على زعلك خلآص افرديها ولا تكشرين مو حلوه و انتي زعلانه
هدى لفت عليه : طيب خلآص
فهد : يعني رضينا ؟
هدى تلف راسها إيجآب : إيه رضيت
فهد بابتسامه : بعد عمري
" بعد هذا الي ناقص ماترضين غصببن عليك ترضين "
\
/
عبد العزيز بابتسامه : ها وش قلتي
مشاعل بحيا : ما .. مدري
عبد العزيز : أجل مين الي يدري !
ندى : وش فيك عالبنيه
مشاعل منزله راسها ولا تكلمت
عبد العزيز : مساعد و اعرفه تراه ماينعاب و رجال بمعنى الكلمه
مشاعل : ..........
ندى : خذي وقتك فكري واستخيري لا تتسرعين
مشاعل : ان شا الله
عبد العزيز : تبين اسال عن الولد أكثر رحت و سألت
ندى : إيـه اسأل عنـه اكثر و اكثر هذا زوآج موب لعبه بتبقى معاه طول عمرها
عبد العزيز : ان شا الله
مشاعل : طيب و ... و أبوي ؟!
عبد العزيز : أبـوي انا بكلمـه اليوم ان شا الله
قامت مشاعل و راحت لـ غرفتها و سكرت الباب وراها
وتنهدت ... ودار بينها وبين نفسها هالحوآر ..
ماتوقع ابوي يوافق .. !!
... وليه مايوافق وش ناقصه مساعد ؟! موب ناقصه شي و هو صديق عزيز من الطفوله ..
... أكيد بتقولين وش ناقصه لانك تحبينه و تشوفينه غير عن كل هالرجال يعني ماتعرفين أبوك بيطلع فيه ألف عيب و عيب عشان مايوافق عليه
.. لا لا صح ابوي متغير و مهملنا بس أكيد بيوافق !
واستمرت على هالحاله إلين ماغلب عليها النوووم ..
\
/
ناصر : ياهوووووووووه انت مين الي ماخذ عقلك و متهني به
متعب انتبه له : هاا .. هلا ناصر هلا
ناصر : مين الي ماخذ عقلك ومتهني به هااا اعترف
متعب ابتسم : محد
ناصر : علينااا يعني ماعرفك انـا أكيد في شي
متعب : تقدر تقوووول اني معجب في وحده !
ناصر فتح عيونه : معجب في وحده ؟! منهي هالوحده تقرب لك يعني ؟
متعب : لآ ماتقرب لي " مادريت انها اختك ! " ...
ناصر : أجل شلون عرفتها ؟! ... وانصدم وقال : لايكوون حركات نص كم ؟!
متعب : لا لا افا ياناصر انا اكلم بنت مستحيل انا عندي اخت و اخاف عليها مستحيل اسوي شي ممكن ينقلب على اختي .. شفتها مرتين صدفه و اعرف بيتهم
ناصر : شلون تعرف بيتها ؟!
متعب : أول مره شفتها فيها كانت عند بيتهم
ناصر : طيب حلو دامك تعرف بيتهم روح اخطبهآ !
متعب : لا مو بهالسرعه انا ماعرف وش عيله البنت ولا اعرف اي شي عنهم ! و بعدين ماتدري يمكنها صغيره بالعمر و ماتنفع لي ماله داعي الاستعجال !
وقاله كل السالفه !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك