رواية مابيك فارقني قلبي عودته على حر فرقاك -17
عبد الإله بتردد : آآآ .. ممكن اسالك سؤال و تجاوبيني بصراحه ؟!
هدى تنهدت بضيق : تفضـل ..
عبد الإله : يمكن تقولين اني فضولي ولا لي دخل أصلا ، لكني خاطري اعرف ..
هدى : .........
عبد الإلـه : انتي .. وش قصتك ؟! اهلك وينهم ؟!
هدى نزلت راسها و تنهدت بضيق ولا ردت عليه
دام السسكووت أكثر من دقيقتين
عبد الإله حب يكسر هالصمت : اوك براحتك ، بس متى ماحسيتي بـ أي ألم أو أي شي ناديني .. وماتشوفين شر .. فمان الله
طلع من الغرفه وهو متحطم كـان خاطره يعرف وش قصتها ..!
شاف مشعل بوجهه
عبد الإله : مشعل
لف عليه مشعل و ابتسم : هلآآآ
عبد الإله : ها اشوف زياراتك كاثره هاليومين عندنـا .. وش عندك
مشعل بإستهبال : مشتاق لك ياخي
عبد الإله بضحكه : لااا بالله
مشعل : هههه .. أخبارك
عبد الإله تنهدت : والله اخباري حووسه ..!
مشعل : لييه
عبد الإله : شفت المريضه الي قلت لك عنها ؟!
مشعل : أي وحده ؟!
عبد الإله : الي قلت لك أهلها تركوها
مشعل يتذكر : إييه إييه وش فيها
عبد الإله : هي نفسها الي صار لها الحادث الاسبوع الي فات
مشعل بإستغراب : نفسسسسها !
عبد الإله : إييه هي ، سألتها قلت لها وين اهلك وش قصتك ماردت علي ولا جاوبتني ... كنت اتمنى اعرف وش السالفه لكنها ماتكلمت
مشعل : ياعبد الإله هذي اشياء شخصيه ، مفروض انك ماسألتها
عبد الإله : فضوول ..
مشعل : طيب و كيف حالتها بعد الحادث ؟!
عبد الإله : الحمد الله ، كسر في اليد بس وكم رضه
مشعل : الحمد الله ، يعني مافي شي خطير
عبد الإله يهز راسه : لآآ مافي ..
\
/
بعد 4 أيـام ..
مسكت القلم وقعت وهي دموعها على خدها ..
ماقدرت تتمالك نفسها .. على طول قطت القلام بعد ماوقعت و راحت فوق ..
غطت إيدها بوجها بحزن وضيقه ...
فتحت أحلام عليها البـاب و ضمتها أول ماشافتها و تنهدت بضيق : هـدى ... سـامحيني
نزلت دموع هدى أكثر و أكثر وضمت أحلام بقوه : أحلآآم .. أحلام صدقيني انا تببببت لييه يصير فيني كل هذا لييييييه ...
أحلام وهي خانقتها العبره : من جد مادري ايش اقووووولك ... سامحينـا ياهدى
هدى سكتت وهي تصيح
طق عليهم البـاب مـالك طلعت له أحلام
مالك : وين زوجتي
سمعت هدى صوته وهي داخل الغرفـه و نزلت دموعها اكثر و علت شهقاتها ..
أحلام بترجي : مالك تكفى .. مو الحين
مالك بنرفزه : لحووووووول من أولها ... ليه وش فيها بعد
أحلام : اصص قصر صوتك .. مافيها شي بس ماهي مستعده تشوفك
مالك : اعوذ بالله من أولها صيـاح هذي وش بتسوي أجل بعدين ...
توجه لـ غرفته وهو منقرف منها غير ثوبه ولبس جينز و تي شيرت أحمر و طلع
أحلام : على ويين ؟!
مالك : الإستراحه ..
أحلام بصدمه : من أولها !
مالك : وش تبيني اسوي يعني ماقصرت انا هذاني جيت قلتو لي ماهي مستعده وش تبيني اسـوي يعني
تأففت أحلام منه بنرفزه و دخلت الغرفه
هـدى : بيطلع ؟!
أحلام وهي منزله راسها : إييه .. هدى استحمليه معليش هو بس تنرفز أكييد مراح يطول بيرجع بسرعه
هزت هدى راسها و تنهدت بضيق ..
وقامت بتثاقل تغير فستانها .. ماتدري ليه لبسته وهي محد شافها فيـه !
دخلت الحمآم " و انتو بكرامـه " .. و تسندت ع الجدار بحزن
نزلت راسها بحزن و نزلت دموعها مره ثانيه ...
" ماكنت اتوقع هالليله بتكون بهالطريقه .. عمري ماتوقعت ان يوم ملكتي بيكون بهالشكل أبببد .. ماتوقعت اني اتزوج واحد سكير و نكير لا و غصب عني ! و مافي حولي ولا احد من أهلي ولا حتى يدرون عني .... وينـك عني يامي .. وينكم عني ياخالد و أحمد ..سكتت فجأه وكأنها تذكرت اخوانها و طريقة تعاملها معاهم مع انهم كانو خـايفين على مصلحتها ... " نزلت دموعها بقوهـ أكثر لدرجه ان حتى أحلام سمعتها وهي داخل الغرفه ...
" كل منـي انا السبب .. انا الي جبته لـ نفسي انـا الي خليت نهايتي كذا لا ام ولا اخوان ولا اب ... عايشه ثقيله على غيري وحمل عليهم ... و اتزوج واحد سكـير "
/
في غرفـة داليا ..
مشاعل : طيب و كيف بريطانيا تراك ماسولفتي لنا عنها
داليا بضحكه خفيفه : ههه شوي شوي ذبحتوني بالاسئله ..
ريم : اهم شي عبد الرحمن كيفه معـاك ؟
داليا بإبتسامه : الحمد الله .. كل شي بينا تمـام ..
ريم بإبتسامه : الحمد الله .. هـذا اهم شي ..
داليا : تخيلو مين شفنا هنـاك ..
مشاعل : مين ؟!
داليا بضيق : بندر .. زوج ساره اختي
شهقت مشاعل : من صدددقك !
ريم : وييين شفتوه فيه وش عنده هنـاك !
داليا : إي والله من صدقي ... شفناه في الفندق الي سكنا فيه كنا طالعين و شفناه تحت واقف لا و المصيبه ان عبد الرحمن طلع يعرفه
ريم :لايكون قلتي لـ ساره
داليـا : لا لاماقلت لها
مشاعل : وش عرفه زوجك بهالاشكـال
داليا : يقول كان يشوفـه لما يجتمع مع ربعه
مشاعل : اهم شي لا تقولين لـ ساره
داليا : لا مراح أقولها ويين .. حنا ماصدقنا تنساه
دخلت ساره وسكتو كلهم فجأه
ساره : وش فيكم سكتو
داليا بإبتسامه : كنا نحش فيك
ساره تقعد : افاااا ، من وراي ياحمير .. وش كنتو تقولون
داليا بضحكه خفيفه : كنا نقول انك دبه وشينه و شـايفه نفسك
اخذت ساره المخده و ضربت داليا فيها
داليا : آآآآآآي ، يالكلبه
مشاعل : هههههه ، صدقتي يالخبله
ساره : لا ماصدقت ، لاني عارفه نفسي زين
ريم تصفر : ابعددددددددو عنها مقدر ع الواثقيييين
ضحكت سـاره و قامت : نسيتوني كنت جايه أقولكم تراهم كلهم تحـت قومو ننزل لهم
نزلو لهم تحـت .. ووسط السوالف قال يـاسر ..
ياسر : صحيح ياريم نسيت أقولك .. تراني انا و هشـام حددنا ملكتكم بوقت يناسبنا و يناسبهم ..
ريم سكتت ..
مشاعل بلقافه : ومتى حددتوها ..
يـاسر : بداية الإجازه الصيفيه .. يعني بعد 4 شهور تقريب
داليـا : يووه ، يبي لك تجهزين من الحين ..
يـاسر : أي شي تبونه خلصوه من الحين قبل اختبارات الجامعه ..
سـاره : خلآص الويك اند هذا عندكم شي ؟!
ريم : لآ .. مماعندي شي
مشاعل : ولا انا خلآص بنروح كلنا
مشعل بإستهبال : اعووذ بالله يامشاعل الحين وش دخلك انتي ، اهم شي صاحبة الشان
لفت عليه مشاعل و عطته نظره : وانت وش دخلك
مشعل يبي يرفع ضغطها : كيفي هماها اختي
مشاعل : وليه ميب اختي انـا بعد
مشعل ينرفزها :لا بس اختي قبل لا تصير اختك
مشاعل بضحكه : باللهي ..! شلون تجي هـذي ..
مشعل ضحك ..
عبد العزيز : لاتحـاول الا مشاعل ترا ماتقدر ترفع ضغطها لسانها طويل
مشاعل ضحكت ضحكه خفيفه : اشوا انكم عارفين عشان لاحد يجيني ترا ها اكله بلسـاني
الجزء الـتآسع ع‘ـشرـر ..
ماقبل الأخير ..
الجزء الثـاني ..
عـلــم }{ غـروركـ ,, عــزتــي مـالهـا حـد
لـي وجهـ غير الود جـرب ][ .. تشووفه
\
/
بعـد مرور 4 سنــوااااات ..
قامت بتثاقل من صوت منبـه جوآلها
التفت شافته نايم جمبها
تنهدت بضييق .. كل يوم تنـام فيه ودها تقوم و تلقى الي صـار كله حلم .. ماتزوجتـه ولا صار أي شي ..
قامت من السرير متوجهه لـ الحمآم " و انتو بكرامه "
توضت لـ صلاة الفجر و طلعت شافته للحين نايم
فرشت سجادتها .. و لبست جلالها و صلت دعت ربها انه يهديه و يصلحه ..
بعد ماخلصت الصلاة التفت عليه لقته للحين نايم
قامت وراحت لـه .. تحـاول تصحيه مع انها عارفه انه مراح يصحى ..
هـدى : مالك .... مالك قوم اذن الفجر
مالك لف للجهه الثانيه ولا رد عليها
هـدى : مالك .. يلااا قوم صل الفجر بعدين ارجع نام
مالك بعصبيه : اففففف هدى انقلعي عن وجهي
هـدى تنهدت : طيب بس قوم صل انت .. خلآص هذاك قمت .. صل الفجر روح المسجد مع أبوك
مالك بعصبيه : لحووووووول ... وانتي وش دخلللك ولا الحين تدينتي و صرتي تحـافظين على صلاتك من متى
هـدى بصدمه : من يومي يامالك ع ماتوقع كل يوم أقوم و أقومك بس انت الي ماتصحى ...
مالك : لا تسوين لي فيها شريفة مكـه .... غطى وجهه بالبطانيه ورجع نـام ..
هـدى تراجعت بإستنكـار و تنهدت بضيق و طلعت من الغرفه وهي متضآيقه منه
" لين متى ع هالحـال كل يوم أقول بيتعدل ماطاع يتعدل ..
كل يوم أقول اصبري بيجي بكرا و بتحبينه
لكني ماقدرت أحبه ولا حتى اتقبل وجوده مع اني صار لي معه اربع سنوات و ماشفت منه الا الصراخ و الإهانـه .. يقعد بالاسابيع مايدري عني مسـافر مع ربعه وكل ماجاني يكون شـارب .. تعبت من هالحالـه تعبببت ... "
\
/
المغـرب ..
ساره : افففففففف داليا سكتي ولدك لا اموته
داليا بنرفزه : لااااااه نسيتي قبل كانت بنتك تفقع روسنا بصياحها
ساره بضحكه خفيفه :هه لبى قلبها
فيصل يركض لامه : ماماا ..... بابا تحت
داليا : معاه خالو ياسر ؟
فيصل يهز راسه نفي
داليا : ولا خالو مشعل ؟
فيصل هز راسه نفـي ..
ساره : فصوولي وين ريانه ؟؟
فيصل : ريانه نوم
ساره تلف على داليا : هههه ولدك بنقـالي
داليا تضحك : ههه حرام عليييك .. يجنن
ساره تتأمله : فيه منك كثييييييييييير
داليا بغرور : عشان كذا اقولك يجنن
ساره : أقوول ماودك تنقلعين تروحين عند رجلك تحت ..
داليا ضحكت .. اخذت عباتها و شنطتها و نزلت
ساره : انتبهي على كرشتك مع ذا الدرج لا تطيحين و يفطس الولد
داليا عقدت حواجبها : بسم الله علينا ..
نزلت تحت و شافت عبد الرحمن واقف و فيصل جمبه
عبد الرحمن يمثل العصبيه : بدددري
داليا : تأخرت عليك
عبد الرحمن : إييه
داليا بدلع : سوري حياتي
عبد الرحمن مامسك نفسه و ابتسم : كنت استهبل عليك ماني معصب بس يلا تأخرنا على موعدك بالمستشفى .. خلي فيصل هنا و احنا راجعين ناخذه
فيصل على طول صاح : لاا لا لا لا ماااااابي ... ابي ادي مع ماما
عبد الرحمن ينزل لـ مستواه : ماما بتروح المستشفى عشان البيبي
فيصل : لااا انا ابي ماما
داليـا : اقعد هنا مع خاله ساره و ريانه العب معاهم
فيصل يصيح : ابي ادي معـااكي
عبد الرحمن : لحووووووول .... فيصل حبيبي انا و ماما بنروح المستشفى انت ماتبي يكون عندك اخ صغير ؟
فيصل هز راسه : الا
عبد الرحمن : خلآص اجل ... لازم نروح المستشفى ..
فيصل بوز و رقى فوق عند سـاره
داليا بإبتسامه : يانااث .. مسوي زعلان
عبد الرحمن يضحك : فديتـه ، .. يلا تأخرنا
طلعت من بيت اهلها على المستشفى عندها مراجعه ومره وحده يحدد لها موعد ولادتها ...
\
/
كان قاعد في الصاله مع امه و اختـه ..
وفجأه قال : يمه
ندى التفت عليه
متعب : يممه .. متى الملكه تراني مستعجل
ندى ابتسمت : اصبر كلها شهر ماتقدر تصبر
متعب : الله يصبرني ..
مشاعل بإبتسامه : لا تستعجل على رزقك ملحق ترا
متعب عطاها نظره
مشاعل بإستهبال : يوهـ خفت
ندى : لحوول انتي لازم طوالة لسان
مشاعل : اندري عنه ولدك ذا
متعب : شوفي مشاعل انا عريس قريبا يعني لا تغلطين ها
مشاعل ضحكت
نـدى : انتي مستعده للملكه ؟!
مشاعل : بقت لي كم شغله بس
متعب يقوم : يلا عن اذنكم انا رايح انام مهدود حيلي
مشاعل بإبتسامه : نوم العوآفي .. يـا " وغمزت له " عريس
متعب بضحكه خفيفه : الله يعـافيك ..
نـدى : طيب روحي اليوم انتي و البنات السوق خلصو اغراضكم عشان ترتاحون
مشاعل : إييه انا قلت كذا ، خلآص اجل ابتصل على ريم اليوم تمر علي
ندى : اخاف زوجها الي يبي يوديها
مشاعل : لا يمه زوجها مسـافر عنده شغل ... كان ودها تروح معه بس ماينفع تخلي مازن توهـ صغير
ندى : إيه صعبه ... يلا ان شا الله يرجع بالسلامه
رن جوال مشاعل : هذا هي .. كنها سامعتنا .. اخذت جوالها و راحت غرفتها فوق تكلم
مشاعل : هلا ريموهـ
ريم : هلا ميشو ، أخبارك ؟
مشاعل : الحمد الله بخير اخبارك انتي و اخبار مزون
ريم : والله تمااام الحمد الله .. أٌقول ميش
مشاعل : هلا
ريم : شـرايك نطلع اليوم الليل السوق ابي اشتري لي فستان حتى فستان ماشتريت
مشاعل انصدمت : منتيب صـاحيييه .. شدعوهـ حتى فستان ماشتريتي
ريم : إييه .. نسيتي اني كنت بالنفـاس توني اطلع منه
مشاعل تتذكر : إيه صح .. طيب اخبارها اسماء مستعده للملكه ؟
ريم ابتسمت : إييه .. من الحين متوتره تقول اخاف ماعجبه
مشاعل ضحكت : لا والله شكل الولد ميت عليها من هالناحيه قولي لها ترتـاح ..
ريم ضحكت : الله يوفقهم
مشاعل : آمييين .. المهم خلآص اجل مري علي الليله و نروح
ريم : اوك بس بمر على ساره قبل ..
مشاعل : و داليا مراح تجي ؟
ريم : لا .. تقول ثقيله مع الحمل مافيها حيل ..
مشاعل : الله يقومها بالسلامه .. طيب و مازن وش بتسوين فيه
ريم : عادي ابخليه هنـا مع امي نسيتي انها معنا في نفس البيت ..
مشاعل بحيره : تصدقين اني إلى الان مو مستوعبه ان ابوي وافق انها تسكن معكم
ريم : اجل تسكن بلحـالها بالبيت هنـاك ! لا طبعا .. راح له هشام و كلمه و اقتنع .. اصلا لا يغرك .. بـاع البيت
مشاعل بصدمه : بااعه ! ..
ريم : إييه .. يعني شلون بيوافق كذا فجأه .. انتي عارفه ابوي زين يامشاعل
تنهدت مشاعل : طيب خلآص اجل ماطول عليك و إذا قربتي تطلعين دقي علي اجهز
ريم : اوك .. مع السلامه ..
سكرت من مشاعل و راحت لـ امها ..
ريم : يمه .. اليوم الليل بروح مع مشاعل و ساره السـوق .. شـرايك تروحين عند جيرانا حنا مراح نطول .. احسن لك من القعده هنا بلحالك
منيره : لا هي و بناتها بيجوني .. توها متصله علي تقول تبي تجي
ريم براحه : الحمد اللـه ... خلآص اجل كذا انا تطمنت .. بس ابخلي مـازن عندك فيه الشغاله بتنتبه لـه هي ماعليك منه
منيره : وش دعووه هذا ولدي ..
ع المغرب ..
ركبت السياره بسرعه وهي مستعجللله تأخرررت مابقى شي و يأذن العشا
بسرعه راحت على بيت سـاره : ساره انا تحت يلا انزلي
فتحت ساره البـاب على طول و ركبت
ساره : السلام عليكم
ريم : عليكم السلام ..
ساره : وراك تأخرتي
ريم : وش اسوي يختي مازن كان جايع رضعته و جيت
ساره : اخباره
ريم : والله الحمد الله بخير
اخذتهم السوالف لين ماوصلو عند مشاعل و ركبت
مشاعل : مابقى الا ربع ساعه و يأذن العشا تستهبلون
ريم تبي تنرفزها : و عليكم السلام
ساره ضحكت .. : وش نسوي يختي نطير يعني .. الشوارع زحمه
مشاعل سكتت ..
بعد ثلث ساعه وصلو ..
ريم : أذن
مشاعل : يلا نروح نصلي و بعدين نشوف لك فستان ..
توجهو لـ المصلى و كانت سـاره تمشي ورا بعيده عنهم
ولاهيه بجوالها ..
لين ماضيعتهم .. " اففففففف وين راحو ذووول "
تلفت يمين و يسـار مالقتهم
مشت تدورهم و بعدها بثواني شهقت
انصدمت من الي قاعدهـ تشوفه قدامها ..
" معقووله !! .... وش رجعه .. فوق الـ 4 سنوات مادري عنه شي وش جابه هذا "
شافته واقف و سيف اخوه معـاه ..
تصنمت في مكانها و استمرت تطالع فيه .. تطالع في ملامحه الي كنها ملامح ريانـه .. تشبهه كثير .. كل ماكبرت كل ماصارت تشبهه اكثر ..
حس بنظرات شخص لـه ..
رفع راسها وانصدم لما شافها ..
مايدري ليـه فز قلبه أول ماشافها .. عرفها على طول .. هذي هي ساره .. هذي هي زوجته الي خسرها ..
تنهدت بضيق ودهـ ترجع له ويعوضها عن كل دمعه و كل جررح جرحه ايااها ..
سيف : هيييه بندر وش فيك
بندر انتبه : ها .. لا مافيني شي
سيف بخوف : راسك يوجعك ؟!
بندر تنهد : لا لا يـاسيف مافيني شي ... سيف
سيف : هلا
بندر : شوي و راجع لك
سيف : على وين ؟!
بندر : ربع ساعه بس ..
راح و ترك اخوهـ وراه .. توجـه لها وهي كل ماشافته يقرب منها اكثر كل مازادت نبضات قلبها وزاد خوفها .. صارت ترتجف لا اراديا
تحس بشي غريب .. ماتدري هو شوق ولا جرح ولا صدمه .. ولا ايش بالضبط !
عطته ظهرها و مشت خطوتين الا و سمعت صوته : سـاااره
وقفت في مكـانها بخوف ولا قالت ولا كلمه
بندر بشوق : وش اخبـارك ؟!
ساره ماردت عليه
بندر : سـاره .. لفي علي كلميني طيب ردي علي
ساره تنهدت : بنـدر .. وش تبي
بندر بضيق : قربت المحلات تفتح .. قومي نروح أي كوفي شوب ابي اتكلم معاك ممكن ؟!
ساره بحده : لأ ..
بندر انصدم وتحطم .. : ثواني بس
ساره بحده و صرار : قلت لك لأأأأأأأأ يعني لأأأ ..
بندر سكت
مشت ساره لكن وقفها بندر وهو يمسك يدها : سـاره
سحبت إيدها منه بسرعه : ابعد إيدك
بندر تنهد و بعد إيده و راح عنها ..
بسرعه راحت لـ الحمامات و سكرت على نفسها واحد من الحمامات ماقدرت تمسك نفسها و نزلت دموعها غصب عليها
شعور غريب جاها .. صدمه على خوف على استنكـار ..
أكيد بتستنكر .. وينه ؟! 4 سنوات يابندر قدرت انسـاك ليه فجأه تذكرني فيك و ترجع لا و بهالطريقه بعد لييه .. ليه رجعت يابندر ليييه ..
" وش رجعـك ؟!" ... لآ يكون قلبك يوم حس انـه جرحني .. { وجع‘ـك !!
\
/
ريم : ساره .. وش فيك !
ساره : هاا .. إيه معك
ريم : من اليوم أقولك وش رايك بهالفستان ماتردين علي
ساره : إيه حلووو ..
مشاعل : اموت انا ع التسليك ..
ساره بضيق : انا ابروح البيت ريم .. سواقك موجود ؟
مشاعل بإستغراب : ساره وش فيك ؟!
ساره تنهدت : مافيني شي بس مالي نفس للسوق
ريم : إيه موجود بس اصبري نرجع سوا
ساره : معليش ريم ابي ارجع البيت .. بس اخليه يوصلني و يرجع لكم على طول
طلعت من المحل و بعدها بثواني طلعت من المجمع كلـه ..
ركبت السياره و رجعت البيت
على طول راحت غرفة ريانه تطمنت عليها
ودخلت غرفتها ماتبي تشوف أي أحد
\
/
بعد شهر ..
يوم الملكـه ..
ابتسم وهو يشوفها منزله راسها و تدخل المجلس
اسماء : السلام عليكم
متعب بإبتسامه : و عليكم السلام
قعدت وهي متوتره و ترتجف خايفه
متعب قرب و قعد جمبها : شخبـارك ؟
اسماء رفعت راسها : الحمد الله بخير
سكت وهو يتأملها ويتأمل ملامح وجها عن قرب اخيرا شافها بهالقرب لدرجة انه حس بأنفاسها ..
اسماء انحرجت و نزلت راسها على طول
متعب تنهد : اسما
اسماء رفعت راسها
متعب بإبتسامه .. قرب وجهه من وجها لين ماصارت تحس بنفسه
متعب بهمس : تدرين انك تجننين
ابتسمت اسماء بحيا و نزلت راسها
متعب ابتسم و رفع وجها : لا تنزلين راسك خليني اشوفك
قعد معها ساعتين تقريبا
بعد طلعو من بيتها على الخبر ..
في الطريق
مشاعل : ماشا الله صايره تجنننننن
متعب ابتسـم
مشاعل : الله يوفقكم يـارب
متعب : آمين
عبد العزيز : اقول .. ليه خليتو امي تركب مع أبـوي ؟!
مشاعل : هاو اجل شـرايك انت يعني
عبد العزيز : الحين بتصير بينهم مشاكل
متعب : لا ان شا الله ..
مشاعل تنهدت : تعبنا من ذا الحاله
عبد العزيز بعصبية : مفروض اصريتو عليها تركب معكم
متعب تنرفز : لا تقعد تنـافخ هذا واحد .. اثنين وش تبينا يعني نسوي نجرها من عباتها عشان تركب معنا خلآص هي ركبت مع ابـوي براحتها حنا مالنا دخل
سكت عبد العزيز بقهر و التفت لجهة القزاز ..
\
/
: انت ايش انت ماتحس حرام عليك شوف وجه البنت شلون صـاير
مالك : وانتي وش دخلك زوجتي و كيفي
أحلام بقهر : حسبي الله عليك من ولد .. اصلا حسافتها فيك ماتستاهلك والله
مالك : متى ماخلصتي كلامك .. اتوقع تدلين باب الشقه ..
احلام فتحت عيونها بصدمه و اخذت شنطتها بنرفزه و طلعت من الشقه و ضغطتها مليووون ..
.. دخل مالك الغرفه شاف هدى منسدحه على بطنها و تأأن من الألم
قرب من عندها و مسكها من إيدها صارت نايمه على ظهرها
هدى بتعب : مالك .. اتركني
مالك بعصبيه : اسمعيني زين ياحقيره .. ان تكلمتي مره ثانيه لـ أحلام بـ اي شي يصير بينا ماتلومين الا نفسك تفهمين ولا لا
هزت هدى راسها وسكتت
دفها بقوه ع السرير و قفل عليها باب الغرفه و طلع من الشقـه ..!
\
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك