رواية مابيك فارقني قلبي عودته على حر فرقاك -14
تفكها من الي هي فيه
عبد العزيز انصفق وجهه : وش فيها يادكتور
الدكتور : اختك مدمنـه ..
عبد العزيز و داليا شهقو
عبد العزيز بصدمه : مدمنه وش مدمنته !
الدكتور : مخدرآت ..
الساعه 8 العشـا ..
فتح‘ـت عيونها بتثاقل كانت تحس بصداع موب طبيعي ..
لفت يمينها شافت عبد العزيز نايم وهـو قاعد على الكنب
تنهـدت وهي تتأمل الغرفه الي هـي فيها و المغذي الي عليها
رن جوال عبد العزيز و قام من نومـه .. شافها صاحيه قدامه و مسنده راسها ع السرير
كـان ودهـ يضربها يسوي أي شي يفرغ هالغصب الـي داخله .. لكنـه يعرف مشاعل زيين أكيد فيـه شي خلاها تسوي كـذا ، تنهد بضيق .. لفت عليـه شافتـه قاعد يطالعها
مشاعل بتعب : عبد العـزيز ..
عبد العزيز بزعل : نعـم ..
مشاعل بتعب : ويني فيـه
عبد العزيز تنهد : بالمستشفى ..
مشاعل بقت تطالعه تبي تشوف ردة فعلـه .. أكيد عرف انها مدمنـة ‘،
عبد العزيز بعتب : ليه تسوين كذا يامشاعل .. وش الي حدك على كذا ليه تضيعين نفسك .. حرام عليك الي سويتيـه إذا ماكنتي تخافين على نفسك ع الأقل خافي على سمعتنا على اسم عيلتنا ! .. افرضي انك متي و انتي على هالحآل كيف بتقابلين ربك ؟! ..
تنهد بضيق
مشاعل بضيق : عبد العزيز .... صدقني ماكنت أدري والله ماكنت أدري
عبد العزيز يقاطعها بنرفزه : ماكنتي تدرين بـ ايش ! ماتدرين يعني انها حبوب ؟! مشاعل منتي بـ بزر ماتعرفين الأدويـه عشآن اصدقـك
مشاعل بقهر : بدرريه .. بدريه هي الي خلتني أدمن صدقني بدرريه
عبد العزيز بإستغراب : بدريه من ؟! ...... قصدك مرته الله يرحمـه ؟!
مشاعل هزت راسها
عبد العزيز سكت ..
مشاعل : كنت تعبانه وقالت لي خذي تريح ماخذت المره الأولى .. يوم جا عقب حطت لي اياه في العصير كل هـذا عشان تاخذ الورث .. صارت تذلني على الحبه عشان اخذها .. لين ماقالت لي وقعي و خلتني اوقع على انها تاخذ الورث و عقب ماخذته .. تخلصت من الحبوب و صرت اتعذذذذب .. " نزلت دموعها بقهر " صدقني مالي دخل بالي صار والله ياعبد العزيز لو اني داريه انها حبوب ماخذتها وقسم بالله ماخذتها .. انت تعرفني زين انا مو كذا والله مو كـذا !
عبد العزيز انصدم من كلامهـا " معقوله في ناس حقيره لهالدرجـه ممكن تضيع غيرها عشان نفسها هي ! وش هالحقآره .... أنـا أوريها "
طلع من غرفـة مشاعل و الشياطين تناقز قدامه كان معصب حددهـ
شغل سيارته و توجـه لـ بيت إبراهيـم ‘،
وقف سيارته و طلع توجـه للبوابـه لكن الحراس رفضو يدخلونـه ‘،
عبد العزيز بعصبيه : أقووووولك دخلني أحسن لك
الحارس بعصبيه : تدخليين وين مجنون انت البيت كله حريم !
عبد العزيز وكأنه تذكر .. : طيب عطني اكلمهم
الحارس : من تبي تكلم ؟!
عبد العزيز : بـدريه ‘،
رفع التليفون و اتصل ... ردت عليه بدريه : ايوه
الحارس : في واحد هنا يبغى يكلمك ، يقول انه اخو مشاعل ...
بدريه : وش يبي ؟!
الحارس : مـدري والله ياعمه ، يبغى يكلمك
بدريه : اعطيني اياه ..
الحارس : تفضل ..
عبد العزيز : الوو
بدريه : وش تبي
عبد العزيز بعصبيه : اسمعي يابنت الناس هي كلمتين ... ان قربتي لـ مشاعل والله ماتلومين الا نفسك و إذا تحسبين انك بتطلعين منها فـ انتي غلطانه بتندمييين على كل شي سويتيه تفهميين ولا لا
بدريه : هههه خوفتني ، يابابا انا ممكن أودي اختك في مصييييييبـه و تطيح فوق راسها هي بالنهايه لا تهدد رجاء يعني ..
عبد العزيز بعصبيه وقهر : المهم هـذاني حذرتك ان قربتي منها ماتلومين الا نفسك يالحقيره ساامعه ، و صدقيني بتندميين
قط السماعه على الحارس و رجع لها بالمستشفى وهو مقهووور ومعصب من بدريه ..
...
عند بدريـة في الصاله قالت بنرفزه : حقييييييييير
خوله : منهو !! ؟
بدريه : محـد ...
قامت وخلت خوله بالصاله بلحالها ..
/
رجع للمستشفى و شاف الدكتور واقف قبـاله ..
الدكتور : اسمعني ياعبد العزيز ، انا مراح أتكللم حتى مراح اطلع السالفه هنا في المستشفى كله سر بيني وبينكم انتو عيله معروفه وموحلوهـ في حقكم الي يصير صح ولا لا ! .. بس أبي منك وعـد
عبد العزيز : سم
الدكتور : ودها تتعـالج ، حرام .. اختك توها صغيره لا تضيعها
عبد العزيز بضيق : أكيد .. بس تطلع من هنا بوديها الريـاض تتعالج هنـاك ..
الدكتور : و إذا مانتبهت هالسالفه ، صدقني ابقول للشرطه هالشي ماينسكت عنه و أنـا أبكون متابع لحالتها أول بـ أول هناك
عبد العزيز : لا يادكتور صدقني بتتعالج مستحيل اخليها كذا ..
الدكتور بإبتسامه : ان شا الله .. وبكـرا الظهر بتطلع .. فمان الله
تنهد عبد العزيز بضيق و دخل غرفتها لقاها نايمه قرب منها و قعد يطالع في وجها
" تغيرت كثيييييير ... وجها ذبل .. ضعفت و الهالات ذبحتها .. حسبي الله عليك يابدريه ، والله لا اندمك والله راح تدفعين الثمن غـالي صدقيني ... كانت متغيره من فتررهـ كل ماسألتها وش فيك تقولي صداع بسيط ويروح .. مادريت انك تتعذبين يامشـاعل مادريت .. و السبب بدريه و بدريه من زوآجك من إبراهيم و السبب كله يرجع لـ ابوي ! ... لو تدري وش صـآير فينا يابوي بسبت سواياك ... آآهـ بس ! "
حس بالقهررر يملى صدرهـ .. ودهـ يرجع الزمن لورا حس بالقهررر و الندم انه مامنع هالزواج ، خربت حياة اختـه بسبب زواجها منـه و كل هذا عشانه يبيها تورثه ! و اخرتها بدريه اخذت الورث ..
\
/
الساعه 2ونص بعد منتصف الليل
حست بـ عطش .. طلعت من غرفتها وسمعت صوت في غرفة ساره
طقت الباب
ساره : ميين ؟
داليا : أنـا ..
ساره : ادخلي
دخلت داليا و سكرت البـاب وراها : وش عندك صاحيه للحين ؟!
ساره : البركه في ريانه ، ماطاعت تنام
داليا ابتسمت ..
ساره : انتي وش عندك ماوراك بكرا جامعه ؟
داليا : الا عنـدي بس كنت صاحيه أروح اشرب لي ماي و سمعت صوتك و جيتك
ساره سكتت
داليا تنهدت بضيق : تخـيلي ساره .. هماني رجعت اليوم مع مشاعل .. يوم رجعنا اغمى عليها ورحنا المستشفى تخيلي .. وش قالنا الدكتور !؟
ساره بخوف : وش فيها ؟!
داليا بضيق : .. تخيلي انها طلعت مدمنـة
ساره شهقت : ايششششش ! مدمنة ! هه تمزحيييييين
داليا تنهدت : لا والله مامزح
ساره : يالللللله كيف و ليييه
داليا : مـدري اليوم كلمت عبد العزيز اتطمن عليها قالي ان مرت زوجها هي الي كانت تحط لها الحبوب لين ما ادمنتها
ساره بقهر : حسبي الله عليهاااا الحقيره ياارب ترجع لها
داليا : آميييييين ياارب
ساره بقهر : وليه تسوي كذا الحيوانه ؟
داليا : عشان الورث تبي تهددها بالحبوب عشان توقع لها تاخذ الورث
ساره بعصبيه : وججع ان شا الله ، وش هالطمع في ناس كـذا ! معقوله تضيع حياة انسانه عشان فلوسها هي وش هالحقارهـ !! هذي ماعندها قلب ماااتحس .. حسبي الله عليها يااارب ينرد لها كل الي سووته
داليا تنهدت : ربك مايخلي أحد يـاساره ... بيجيها يوم تندم صدقيني
ساره : حسبي الله عليها
داليا : اهم شي انتي ياويلك يطلع الكلام لاحد ولا حتى لامي و اخواني تسمعين ولا لا ..
ساره بسرعه : أكيييييد مستحيل أتكلم
\
/
بعد يومين ..
الساعه 3 ونص العصـر ..
طلعت من المستشفى وهي تحس بتأنيب الضمير ... صحيح ماكان لها دخل في الموضوع وكل الي صار لها بدون ماتدري لكن ولو تحس مالها وجـه حتى تشوف عبد العزيز و اهلها .. مالها وجـه حتى تكلمهم .... تنهدت بضييييق وقهر لكن وش تسوي مابيدها حيله ..
قطع عليها افكارها صوت متعب : يلا يامشاعل .. بسرعه الحين بنمشي قبل لا يجي الليل السواقه في الصبح أحسن
رفعت راسها : يلا خلآص انا جاهـززهـ
متعب : وين شنطتك ؟!
مشاعل : هذي هي ..
متعب اخذها و حطها في شنطـة السياره ... مشو متوجهيـن لـ الرياض عشان تتعـاالج ..
الج‘ـزء السآبع ع‘ـشرـر ..
أثر » جهل آلنفس ..
بـ بعض آلأمور أفضل لهآ ~
أثرني لو إني أعلم بمآ تخفي " آلصدور "
?آن يمديني ?رهت آلآوآدم ?لهآ
.......................... آلآوآدم ?لهآ
......................... آلآوآدم ?لهآ
......................... آلآوآدم ?لهآ
\
/
في الريـاض ~ ..
في المستشفى ..
الدكتـور : اهـم شي يامشاعل ماعاد ترجعين لهالحبوب
مشاعل : أكييد يادكتور ، انا جايتك ابي اتعافى منها .. مستحيل ارجع لها
الدكتور ابتسـم : خلآص أجل .. الحين نٌعتبر بدينا في أول خطوآت العلآج ...
\
/
بعد اسبوع ~
السـاعه 3 ونص الفجر ..
يوم الأحـد ..~
قامت من النوم وهي تحس بعطششش شـديد ..
قامت من سريرها و نزلت تحت ..
قربت من المطبخ لكنها سمعت صوت ..
استغربت مين يكون بهالوقت ؟!!
فتحت البـاب و شهقت وهـي تشوف بدريه واقفـه وفاتحـه درج مطلعـه منه حبوب كثيييرهـ و بودره ..
بدريه مانتبهت لها .. أخذت البودرة و الحبوب جمعتهم كلهم في كيسه وحدهـ ..
كانت بـ تطلع .. حست فيها خوله وبعدت عن الباب كانت تشوفها من بعيد وهي ترقى الدرج و معها الكيس
راحت وراها ... وهي تفتح باب جنـاح مشاعل
انصدمت خوله و بدت تجتمع الشكوك في بالها لكنهـا بعدت افكارها عنها في هاللحظـه لازم تعرف وش الي تسويـه بدريه
دخلت بدريـه الجنـاح ... و بعدهـ دخلت غرفـة مشاعل لكنها تركت جزء من باب غرفـة مشاعل مفتوح وخولـه وراها تشوفها مع البـاب ....
انصدمت وهي تشوفها تفتح الدرج و تنشر الحبوب على كل الدرج و على السرير وبعدها حطت الحبوب في الدرج وابتسمت
.. سمعت خوله صوت وراها : وش قااعدهـ تسوين ؟!
أشرت لـ امها تسكتتتت وهي متوتره
قربت ابتسام وقالت بهمس : وش فيه
خوله بهمس : شووفي الحقيره وش تسوي
بعدت خوله و شافت ابتسام شهقت وهي تشوف بدريـه
رفعت بدريـة جوالها واتصلت على أحمد : هلا والله ...
أحمد بنرفزه : وش تبين داقه هالوقت
بدريه بإنتصار : اسمع احمد .. شفت الحبوب الي كانت عندي و البودرة المخدرات ماغيرها
احمد بقلة صبر :ايوه ، وش فيها
بدريه بإبتسامـه : هه .. اخذتهم و نثرتهم في دروجها و في سريرها وزعتهم على غرفتها الكلبـه ... عشان تعرف مره ثانيه تدخل حياتنا و تخرب علاقتنا فيه
أحمد : ههه و كأنه يهمك عاد لا تنسين انتي الي كنتي السبب في موتـه يوم حطيتي له السم في أكله
بدريه : أدرري اني انا السبب ، بس انا حطيتها فيها و قلت انها هي السبب في موتـه و خوله و ابتسام صدقوني .. اصلا حتى ابتسام الي كانت تعاملها عادي الحين ماصارت حتى تشوفها ماعادت تدانيها ، المهم أبي منك كمية ثانيه عشان احطها على كل اغراضها ..
أحمد : زييين خلآص بس انتي انتبهي لاحد يشوفـك و ننتكب انا وياك
بدريه : لا لا مااحد حولي كلن نايم ، يلا مع السلامه
سكرت وهي مبتسمـه
طلعو خوله و ابتسام من الجنـاح وهم مصدوميين من الي سمعوهـ وشـافوهـ !
هذي اخرتها يابدريه ... ندري انك حقيره بس مو لهالدرجـه ..
في غرفـة خولـه ~
خوله تصيح : يممممه ، لييه بدرية تسوي كذا ، حرام عليها خلتنا نظلمها وهي السبب
إبتسام بقهر : لانها حقيره و ماتخاف ربها ، أنـا أوريهااا الكلبه
رفعت التليفون الي كان جنب سرير خوله اتصلت على الشرطه وقالت لهم السالفه كلها
وبعد أقل من ثلث سـاعه كانو متواجدين داخل البيت ..
كانو يفتشون في غرفـة بدريـة
العسكري : لقينا هذي ... " كيسه فيها حبتين مخدرات " ..
بدريه تصيح : واللللله مالي دخللل مهيب لي ... أكيد لها هي أكيد هي الي حطتها في غرفتي تبي تورطتني صدقـ ..
قاطعها الضابط بعصبيه : اصصصص ولا كلمـة فوق الي سويتيه جايه تتهمينها كل شي لقيناه يقول انك انتي المتهمـه و يوم سألنا عنها البنت اصلا صار لها فوق الأسبوع بالريـاض و على ماتوقع حسب كلام الأخوات " أشر على خوله و إبتسام " .. انها صار لها فوق الأسبوعين طلعت من البيت راحت لـ بيت اهلها ولا تدرون عنها شي ..
بدريـة سكتت وهي تصيح
الضابط : خذوهـا ..
بدريه تصارخ : لا لا لالالالا والله ماللي ذنب والله ماسويت ش ميب لييي ميب لي واللـه
خوله تطالعها بإستحقار : بينتي على حقيقتك يالحقيرهـ ..
رفعت جزء من نقابها و تفلت عليها
إبتسام : يمهل ولا يهمل يـابدرية كل ظـالم بيلقى جزااه و انتي ظلمتيها كثير و خليتينا نظلمها معـاك ... حسبي الله عليك من حرمـه حسبي الله عليييك
خوله : ياحضرة الضابط ... انا سمعتها تكلم واحد اسمـه أحمد شكلها متفقه معاه
الضابط : وش قالت !؟
بدريه بسرعه : ماقلت شي اصلا ماعرف أحد بهالاسم
خوله لفت عليها بعصبيه : كذاااااااابه انا سامعتها بـ اذني تقوله انها حطت السبب في وفاة أبوي مشاعل و انها قاعده تنثر البودرة في اغراضها وفي غرفتها ، و شكله حسب الي كانت تقوله هو الي يعطيها المخدرات هذي كلها ويروجها لها
الضابط لف على بدريه : عطيني جـوالك اشوف
بدريه بكذب : اصلا هي كذابه انا حتى جوال ماعندي
إبتسام راحت لها بعصبيه و طلعت جوال بدريه من بنطلونها : و هذا وشووو
اخذه الضابط و فتح السجلات و بالفعل اخر مكالمه كانت لـ شخص مسميته أحمـد الساعه 4 الا ثلث ..!
اتصل على أحمد وحط على السبيكر ..
أحمد بنرفزه : اففففف بدريه وش تبين توك متصله ، قلت لك خلآص ابجيب لك الحبوب و البودرة كلها بكرا عند باب بيتكم بعد لو بغيتي ، بس لا تتصلين يرحم أمك أبي اناااام
انصفق وجه بدريـه و بدت ترجف بخوف ..
أحمد : الوووووووو .. هيييييه .. الوووووووووو .. افففف
سكر الخـط ..
إبتسام لفت على بدريه : وهـذا وش تفسرينـه ؟!
اخذ الضابط جوال بدريه
و طلع و معه العسـآكر من البيت
متوجهين لـ قسم الشرطـة ...
خولـه تضم إبتسام وتصيح : يممممه ، يمـه انا ظلمتها ماكنت ادري ان بدريـة تكذذب .. أكييد هي الحين كارهتنا كلنا حتى انتي يايمه تغيرتي عليها بسبب الواطيه بدريه ..
إبتسام تضمها بضيق : مشاعل قلبها طيب ، ان شا الله راح تسامحنا
خوله تصيح : مستحيل تسامحنا يمه عقب الي سويناه فيها مستحييييييل
إبتسام نزلت دموعها بقهر : بعد ماترجع من الريـاض ... بنروح لها ونقولها كل شي
خوله تصيح : يمـه ... بدريه هي السبب في موت أبوي سمعتيها وش كانت تقول
إبتسام تصيح : إيييه سمعتها ، حسبي الله علييييها حسبي الله عليها الحقيرهـ
ضمت خوله أمها اكثر و ثنتين غرقـو بدوامات بكـا ..
\
/
من بكـرا ~ ..
الساعه 4 العصر
رن جرس البيت اكثر من مره ورا بعض بشكل جنوووني ‘،
تأفف خالد و قام من نومـه وهو منقرف وماله خلق يفتح الباب
نزل تحت و فتح الباب انصدم وهو يشـوف الضابط ووراه العسـاكر
خالد بخوف : خير ياحضرة الضابط وش فيه ؟!
الضابط : هـذا بيت صالح الـ .......
خالد : إيييه هذا بيتـه ..
الضابط : انت أحمد ؟!
خالد : لا والله .. انا اخوهـ ليه وش فيه ؟!
الضابط : أحمد متهم بتجارة المخدرات
خالد انصفق وجهه و بدت دقات قلبه بالسرعه
الضابط : وين أحمد فيه ؟!
خالد بخوف : أحـ .. أحمـد مستحيل يسويييها .. مستحييل
الضابط : قولنا وينه فيه ياخي و خلصنا
خالد : مـدري عنـه
في هاللحظـه وقف أحمد سيارته برا و استغرب من وجود الضابط و جا : خير وش فيه ؟!
خالد حاول انه يأشر له يهرب لكنـه مافهم ..
الضابط : انت احمد صالح الـ ........؟!
أحمد : إيه أنـا
الضابط : امسكووهـ
أحمد : خير وش فيه
الضابط بعصبيه : وتسأل بعد يلااا ع السياره بسرعه
مسكوهـ و ركبوه سيارة الشرطـه غصب عليه و راحو لـ القسم و خالد وراهم ..
...
في قسم الشرطـة
الضابط : و ايش تفسر وجود رقم بدريه عندك ؟!
أحمد : انـا مخزنـه عندي ، لانها كانت تتصل علي بإستمرار تزعجني ولا انا والله مالي بالمخدرات ولا لي فيها أببد صدقني
خالد : إييه ياحضرة الضابط أحمد مستحيل يسويها
الضابط : طيب و ايش رايك يا اخ خالد انك حتى انت متهم معه ؟!
خالد شهق : اناااااا !! .. وليييه
الضابط : من مصادرنا الخاصه عرفنا انكم قد انصدتو مرهـ لكنكم طلعتو منها بالواسطـة تذكرون ولا لا !!
أحمد و خالد صارو يطالعون بعض بخوف ..
الضابط بعصبيه : شفتو كيف ماتقدرون تنكرون ..
\
/
ضحكت على أحلام و هي طاحت من الكرسي على الأرض
هـدى : هههههههههههههه عليك شكل هههههههههههه انفرشتي ع الأرررض
أحلام تقوم : ههههههههههه .. تضحكين هاه بيجيك يوم صدقيني انا الي ابضحك عليك
هدى : ههههه لا ان شا الله
أحلام بإبتسامه : أخيرا ضحكتي
هدى : .....
أحلام : ان شاا لله دوم هالضحكـه يـارب
هدى ابتسمت : تسلمين ياعمري ..
أحلام : الله يسلم قلبك .. اسمعي انا خلآآص طفيييييييت ابروح انام تجين ؟
هـدى بإبتسامة : نـوم العوآآفي ، انـا شوي و ألحقك
أحلام تقوم : اوك ..
راحت أحلام فوق لـ الغرفـة و بقت هـدى في الصـاله مسكت جوالها و حاولت تتصل على خلود للمره الرابعه هذي يمكن .. لكن بدون أي رد
تنهدت بضيق و نزلت دموعها بقهر ..
سمعت صوت من وراها : ليييه الحلو زعلآن !
لفت وشهقت يوم شافت مالك واقف و مبتسم لها : الله الله ليييه كل هالدموع ياقمر ..!
هـدى خافت و بسرعه توجهت للدرج وركضت بسرعه على غرفـة أحلام
وقفلت الباب وراها
أحلام فزت : وش فيه
هـدى بخوف : مالك .. تحت موجود
أحلام شهقت : وشـافك ؟!
هـدى هزت راسها
أحلام بخوف : سوا لك شي
هـدى : لا .... على طول جيت
أحلام براحة : اشوااا طيب هو وراك ؟!
هـدى : ماادري
أحلام : كان سكران !؟
هـدى : لا شكله كان عادي يتكلم عاادي ..
أحلام : وش قال ؟!
هـدى : اتصلت على امي و ماردت علي ... انقهرت وقعدت أصيح قـالي ليه هالدموع و مين زعلك و من هالكلام
أحلام بنرفزه : خلآآص لا عاد تدقييين كم مره قلت لك انا لا تدقين
هـدى : أحلام .. يبقون أهلي
أحلام بنرفزه : و انتي تبقين بنتهم الي مفروض يرعونها صح ولا لا
هـدى انصفق وجها : أحلام ... انا مضايقتكم مثقله عليكم صح ؟! " نزلت راسها " والله اني داريـه .. قلت لك ما أبي أجي بس انتي ماسمعتي كلامي
أحلام بسرعه : أقوول وش هالكلام انتي لا اكفخك أي ثقل و أي ضيقه هذي بالعكس والله اني مبسوطـه انك معي وبعدين حنا صديقات و خوآت لو مانفعنا بعض الحين متى ننفع بعض علميني ؟! .. انا بس قلت لك لا تدقين مابيك تذكرين الي صـار خلآص ياهدى من جد مابيك تتعبين و تتضايقين انا ماصدقت نسيتي شوي و قمتي تضحكين معي
هـدى بإبتسامه : يابعد عمري انتي .. والله من جد جميلك هذا مدري كيف ارده لك
أحلام : مابينا رد جمآيل ... قلت لك حنا خوآت
قطع عليهم صوت مالك وهو يطق الباب
مالك : أحلآآم .. تعالي شوي
أحلام خافت : وش اسوي
هدى بصوت خافت : روحي له
طلعت احلام وقفلت هـدى الباب
أحلام : وش تبي
مالك : لا تخافين ماني بـ سكران ولا هم يحزنون
أحلام : طيب أخلص وش تبي
مالك : امي و أبوي وينهم
أحلام : أبوي بـ شغله .. و امي نايمه
مالك : طيب عندك احد انتي ؟!
أحلام : لا ماعندي
مالك : كذابه .. اخلصي من عندك
أحلام : اففف إيه عندي ... صديقتي
مالك ابتسم : وش اسمها ؟!
أحلام : مالك دخل
فتحت الغرفه و دخلت و خلته
تأفف بقهر منها ... " افففففففف هالهبله ذي مدري وش فيها مدري ليه تعاملني كذا ! مع اني مافيني شي يعني ماني بـ شارب ولا شي هذاني واقف عااادي بـ وعيي "
\
/
في الريـاض ..~
متعب : ها وش اخبارها اليوم يادكتور ؟
الدكتور بإبتسامه : الحمد الله أحسن بكثييييييييييير ... تحسنت حالتها مررهـ .. بس إلى الان ماشفيت تماما يعني يبغى لها يومين زيـاده بإذن الله بتطيب
متعب : الحمد الله ..
الدكتور : عن اذنك .. مشغول شوي
متعب : اذنك معك ، يعطيك العآفيه ..
بعد عنه الدكتور .. رن جواله : هلا عبد العزيز
عبد العزيز : هلا متعب ، وش اخبـارك ووش اخبار مشاعل الحين ؟
متعب : الحمد الله والله بخير توني كنت مع الدكتور يقول تحسنت حالتها كثير و ان شا الله يومين وتتعافى و نرجع
عبد العزيز : الحمد الله ... هذا امي تبيك
نـدى : هلا متعب
متعب : اهليين يمه .. وش اخبارك
نـدى : والله بخير الحمد الله .. طمني وش اخبـارها مشاعل الحين
متعب : بخير والله توني اقول لـ عبد العزيز كلها يومين و تتعافى و نرجع لكم يمه .. تحسنت كثير
ندى بفرحه : الحمد الللله لك يـارب ... عطني اياها ابي اتطمن عليها
متعب : ان شا الله ثواني بس ..
دخل غرفة مشاعل .. ابتسمت له أول ماشافتـه .. مد لها الجوآل : أمي تبيك
مشاعل بشوق : هلااا يمـه
ندى : هلا حبيبتي ها وش اخبارك الحين ؟
مشاعل : الحمد الله والله أحسسن بكثير يايمه انا بخير انتي وش اخبارك طمنيني عليك ..
ندى : انـا بخير دامك بخير صدقيني انا بخيير .. قولي لي وش تحسين فيه وش يوجعك
مشاعل نزلت دموعها : يمه انا بخير والله بخير
ندى بخوف : وش فيك تصيحين أجل
مشاعل : يمه ... كل ماذكر الي سويته احس اني حقيره انتو ماقصرتو علي بشي ماتستاهلون اني افضحكم !
ندى بضيق : وش هالكلآآآم .. انتي انظلمتي يامشاعل ولا لك دخل بالي صـار بدريه هي السبب حسبي الله عليها من حرمه الله ينتقم منها يـارب و تشوفين فيها يوووم .. ماعاد أبي أسمع منك هالكلام تفهمين ولا لا والله لا ازعل عليك وبعدين انتي مافضحتينا ولا شي كل الي صـار لك بسببها
مشاعل سكتت
ندى : لا عاد تصيحين امسحـي دموعك ياويلك تصيحين ربك يمهل ولا يهمل بيجيها يوم صدقيني . يلا ياعمري انتبهي لـ نفسك ولا تتضايقين وان شا الله كلها كم يوم و ترجعين لنا وكل شي بينحل ... انتبهي لـ نفسك
مشاعل : ان شاالله وانتي بعد
نـدى : يلا مع السلامه .. هذا عبد العزيز يبي يكلم متعب
مدت الجوال لـ متعب و طلع برا يكلم ..
متعب : هلا عبد العزيز
عبد العزيز طلع من الصاله : هلا متعب .. اسمع و امي تكلم مشاعل اتصلو علي مركز الشرطه
متعب بخوف : خير وش فيه
عبد العزيز : مسكو بدريه وهي تحط مخدرات في غرفـة مشاعل الي عندهم تبي تبلغ عنها بس شافتها خوله وبلغت عنها
متعب : أحسسسسسسن طيب و طلبو منك الحضور يعني ؟!
عبد العزيز : إييه أبروح انـا الحين كانو يبون مشاعل بس يدرون انكم بـالرياض ..
متعب : ورد لي خبر وش يصير معك
عبد العزيز : ان شا الله ، مع السلامه
سكر و رجع متعب لـ مشاعل
متعب : قبل لا يدق عبد العزيز كنت عند الدكتور قـال كلها يومين و تطلعين
مشاعل بفرحه : صددددق !
متعب بإبتسامه : إيه صدق
مشاعل بفرحه : الحمد الله لك يـآآآآرب الحمد الله ‘،
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك