رواية مابيك فارقني قلبي عودته على حر فرقاك -12
عبد الرحمن بضيق : خلآص يامنآير قفلي الموضوع
منآير : لا مراح اقفله ، انت ....
عبد الرحمن يقاطعها بعصبيه : خلآآآآص قلت لك خلآآص مابي أسمع شي
منآير تأففت بقهر منـه و راحت و خلته ..
\
/
فتح عيونـه بكسل .. كان تعبااااان و يبي يكمل نوم لكنها ماخلته
خلود : صآآلح حيآآآآتي يلآآ قوووووووم من زمآن و انت نآآآيم وانا قاعده بلحالي
صآلح بنوم : كم الساعه ؟
خلود : 6 ونص ،‘
صآلح قآم بتعب وابتسم لها : طولت عليك بالنومه صح
خلود بدلع مصطنع : كثيييييييييييرررر
صالح بإبتسامه : خلآص هـذاني قمت ولا تزعلين
خلود : خلآص اجل انا تحت احتريك ..
صالح : قاعده بلحالك انتي ؟
خلود : إييه مافي أحد
صالح : كلهم طالعين ؟!
خلود : إييه
صالح : ياكثر طلعاتهم هالعيال
خلود : خلهم يوسعون صدورهم
صالح سكت ..
قام و دخ‘ـل الحمآم " و انتو بكرامه " ..
اما خلود .. وقفت تبي تنزل لكنها تذكرت شي .. الشي الي مخبى من سنوآآآآآآآآآآآآآت كثيرهـ ..
حطتـه و من بعدها مارجعت و شآفته ..
دخلت غرفة الملآبس و فتحت الدرج الي كان وسطهم تحت .. ماكان يبآن بـ وضوح ‘،
التفت لـ ورا بهدوء تتأكد من عدم وجود صآلح ،،
فتحت الدرج بحذر طلعت الثوب مدت يدها لـ الجيب الأيمن بـ حذر و شافته نفس ماهو ورق و ملفوف على بعضه و دآخ‘ـله العمل !
رجعته بـحذر و دخلته للدولاب بسرعه لان صآلح طلع ولا انتبهت لـ طرف الثوب الي كان طالع على برا ..
صالح : وش تسوين مو قلتي بتنزلين تحت
هـدى : إييه بس كنت ادور على شي ..
صالح سكت و نزلو سوا ..
\
/
ضحكت بخفه وهي تسمع كلام الغزل ..
ابتسم لها وقال بحب مصطنع : والله هالعيووون تجنني ياهدى .. عيونك تذبحنيييي الله لا يحرمني منك
هدى بحيا : يابعد عمري انت
فهد : حبيبـتي .. انتي واثقه فيني صح ؟!
هـدى : أكيييد واثقه فيك ولا ماكان طلعت معآك ،
فهد بـرجا : طيب انـا كذا مادري أنتبه لك ولا انتبـه للطريق ... و مابي نروح كوفي ماناخذ راحتنا ، انـا عندي شقه هنـا قريبه حقت عزآبيه بس اتفقت مع راعيها قلت له اختي بتجي ترتآح شوي هي تدرس بالجامعه و ساكنه في السكـن وماهي مرتآحه فيه ووآفق ،‘
هدى انصدمت : تبيني أجي معك الشقه ؟!
فهد : إييه مراح نطول شوي بس و أرجعك لـ بيتك ، مو انتي واثقه فيني ؟! صدقيني مراح اقرب لك بس ودي أشوفك زيـن
هدى سكتت
فهد : تكفين حبيبتي والله مشتآآآق لك تكفيين
هـدى بإستسلام : اوكي
فهد ابتسم : يـافدييتك والله، صدقيني ثقتك في محلها ..
هدى سكتت
فهد : وش فيك إذا ماتبين قولي
هدى : لا مو عن مابي بس مـدري يعني أحس اني خآيفه
فهد : تخآفين مني ؟!
هـدى : لا مو عن بس ماني مرتآآحه
فهد : قلت لك حبيبتي مراح المسك
بعدها بـ ربع سـآعه ..
وصلو و نزل فهد ووراه هـدى فتح باب الشقه ودخل و دخلت وراه
فهد بإبتسامه : يالله حيهم ، تو مانورت الشقه
هدى ابتسمت لـه : الله يحيك يـآقلبي منورهـ بوج‘ـوودك ..
فهد : اقعـدي بالصاله انا شوي و جآيك ..
هدى : اوكي ..
شالت غطاها و شيلتها ، فصخت عبايتها تعطرت و تعدلت و قعدت ..
بعدها بثواني جاها فهد و الابتسامه ماليه وجهه : قمرر والله قمرر
ابتسمت هـدى بحيآ ولا ردت
قعدت جمبها و مسك وجهـآ يتأمله : تـدرين
هـدى : هلا
فهد : هالوجـه أحلى وجـه شفته في حيآتي
هدى زاد حياها ..
فهد : تـدرين بعد
هدى بحيا : وشو
فهد : انك غلطتي
هدى بإستغراب : بـ ايش ؟
فهد يقرب منها وقال بخبث : يوم جيتي
هـدى : جيت وين ؟! .. قصدك هنآ ؟!
فهد قرب منها و مسك راسها بقوه : إييه هنآ ياحلوووهـ
هـدى بدى الخوف يملاها قالت بصوت مرتجف : فـفهد ... وش فيك
فهد : وش فيني بعد .. وحدهـ حلوهـ قدآمي و جسمها حلو وماتبيني المسها ؟! .. صدقتي كم كلمه قلتها لك ياغبيه
هـدى انصدمت من كلامه و انصفق وجها : شـ .. شلون يعني ؟!!
فهد : كيف شلون يعني وآآضحه !! لا تصيرين غبيه ياهـدى .. انتي جيتيني هنآ برضآك لا تحسبيني ابرحمك
هـدى فهمتها و حاولت تقوم لكنه كان اسرع منها و مسك إيدها بقووه و هي تصارخ : اتررررررركني اتركني ياحقييييييييييير ياكذاااااااب
فهد بإبتسامه نصر : تحسبين اني ابحب لي وحدهـ قليلة أدب و تغآزل ! صدقتي كم كلمه قلتها لك لهالدرجه انتي متخلفه وغبيه ! مو أنـا الي أحب لي انسـآنه حقيره مثلك ، خنتي نفسك و خنتي ثقـة أهلك فيك عشآن وآحد قآل لك كم كلمه حلوهـ ! ضيعتي سمعتك عطيتيني اسمك الكـآمل وارسلتي لي صورك وثقتي في انسـآن مايبيك الا لشهوته مابيبيك الا لـ نفسه هو وبس ، عمري مافكرت أني أحبك أو أميل لك كنت اتسلى فيك كل هالفتره وانتي زي الخروف تركضين وراي وفوق كل هـذا جيتي هنآ بدون أي اعتراااااض جيتي برضآك ، افهمي الي يحب مايضر حبيبته لو اني فعلا أحبك ماطلبت منك هالطلب !! مع اني ماتوقع تلقين شخص يحب وحدهـ بأخلااقك و حقآرتك ياحقيره
هـدى كانت تسمع كلامه و كأنه طعنات على قلبها ! انصدمت فيييه فجأهـ قبل 10 دقايق بس كانت يتغزل فيها و الحين يسبها ! تندمت على كل لحظـه في حياتها كلمته فيها .. نزلت دموعها بقهر غصب عليها ندمت أشد الندم لكن خلآص ماعاد ينفع الندم فآآت الأوان !
حست فيه وهو يشيل بلوزتها بعنف كان ودها تصارخ تسوي اي شي يبعده عنها لكنها تدري انها ماتقدر تبعده مهما سوت
شهقت و خلت دموعها تنزل وهو ولا كأنه يشوفها قرب منها أكثر لين ما صارت تحس بأنفاسه على وجها
فتحت عيونها وشافته وهو يطالعها و يتأمل جسمها بـ شكل حقير
صرخت في وجهه : بعععععععععد بعد عني فهد تكففففى خلآص والله ماعاد أكلمك ماعاد أطلع معآآك ماعاد ارسل لك صوري ماعاد أسوي أي شي والله ابنهيك من حيآتي بس تكفى لا تضيعني الله يخلييييك
فهد بضحكه خفيفه : وشو الي لا تضيعني ! جآيتني هنآ برضاك و تقولين لي لا تضيعني تستهبلين انتي ، خلآص ياحلووهـ ماينفع هالكلام لا تضيعني أو غيره .. توك الحين تتحسفين
هدى زادت دموعهاا ترجته و ترجته و ترجته لكنـه ماكان حتى يرد عليها
حآولت تبعد عنه لكنها ماقدرت كان اقوى منها بكثير !
فز من مكانـه وهو يسمع صوت طق الباب
استغرب و ملاه الخوف خاف لا يكون انفضح !
ثواني الا و الباب انكسر و يدخل كم شخص عرف من أشكالهم انهم الهيئه
صرخت هدى وهي تشوفهم يدخلون للشقه و يداهمونها !
وآحد من الرجـال : امسكووهم نزلوهم على الجمس
هدى تصيح : والللللللله ماصار شي والللللله اني مجبوورهـ هددني و جابني هنآ بالغصب
فهد انصدم منها : كذاااااااااابه حقيره وااطيه ، جايتني هنـا برضاها وتقول مجبورهـ !
: اصصصصصص انت وياها يلا على الجمس يلااااا
/
\
صرخت بعصبيه : انتي اصلاا السبب في موت أبوي انتي الي ذبحتييه انا داريه اصلا بس ساكتـه دخلت غرفتك و لقيت الحبوب في درجك ! لييه يامشااعل ليييييه ! و الي يقهر و يحر القلب ان امي كانت تعآملك مثلي ماكانت تقصر عليك بشي و هـذا جزاها ترملينها !
قربت من عندها بعصبيه و ضربتها كف حاااار
اما مشاعل كانت مصدومه من الي قاعد يصير ّ! انا موته ؟! انـا ذبحته ؟! ليييه وش سويت أنـااا
خوله وهي تهزها و تصيح : اكررررهك ياحقيره اكرررررهـك انتي من دخلتي حياتنا
خربتيها فوق تحت الي ذبحتي أبوي أصلا و كل أمراضه جات بسبتك ، سكتنا لك وآآجد و تمآديتي وآآجد وبعدين معآك يعني لا تحسبين اني ابسكت لك سكت لك ذيك الفترهـ كنت تعبآنه عقب وفاته الله يغفر له بس والله لا اشتكي عليك يامنحطه و مثل ماذبحتيه يذبحونك !
مشاعل انصفق وجها : تشتكين علي ! ، خووله انا ماسويت شي والله ماسويت شي
خوله تصارخ : كذااااااااابه كذااااااابه كذااااااااااااابه انا شآيفتها انا شايفه الحبوب في غرفتك شلون تقولين ماسويت شي
مشاعل : ماعندي شي انا ماعنديييي و بعدين أي حبوب هذي الي لقيتيها عندي
خوله : المخدرات ! يـامدمنـه تحسبين اننا ماندري يعني ترا عآرفين بس سآكتين بدريه شافتك ذاك اليوم وانتي تاكلينهم
مشاعل بصدمه : بـ .. بدريه !
خوله : إيييه بدريه شآيفتك و انا شفتك بعد
مشاعل سكتت بصدمه .. بعدها بثواني استوعبت الي قالته خوله ! يعني بدريه رتبت كل هـذا عشآن تقلب الموضوع علي و هي السبب !
رقت فوق فتحت جنـآح بدريه بعصبيه
دخلت غرفتها فتحت الباب بقوهـ و صرخت : ياحقييييييرهـ
بدريه بعصبيه : خييييييير وش تبين انتي
مشاعل قربت لها وبعصبيه مسكت ملابسها بقوهـ و سحبتها لين ماطاحت
بدريه بألم : آآآهـ يالكلبه وش تبييييين
مشاعل : وش أبي ؟! أبي أخذ حقي منك خليتيني أدمن كنت بقرهـ و طاوعتك و انتي كذااابه خليتيني ادمننننن عشآن تاخذ الورث صح ولا لا تحسبين اني ثورهـ مادريت لا دريت بس انا ماهمني الورث كثر ماهمتني نفسي .. لا تحسبين اني ابسكت لك والله ماسكت لك يابدريه والله لا اخليك تندمين على كل شي سويتيه انتي و خوولـه والله يابدريه والللله بتتحسفين على كل كلمه قلتيها لي و كل شي سويتيه لي ومثل مابكيتوني دموع أببكيم دممم
بدريه بضحكه : اي والله انـدم ! ضحكتيني ! شي فيه فلوس مراح انـدم عليه
مشاعل : لا صدقيني بتندمييييين بتندمييييين !! و بتقولين مشاعل قـالت
بدريه : ههه نشوووف
مشاعل انقهرت و عصبت أكثر منها كان ودها تعطيها كف حاااار يشفي غليلها
مشاعل بعصبيه : بيجيك يوم يـابدريه تنفضخين و الكل يدري انك انتي السبب في موته انتي الي موتيييه عشـآن تاخذين الورث خآيفه يتزوج وحدهـ رابعه وينقسم الورث أكثر صح !! أعرف تفكير الحثآله أمثالك ، بس صدقيني بتنفضحيييين وكل شي بيبـااان
طلعت من جنآح بدريه بعصبيه دخلت جنآحها فتحت الدرج الي كانت فيه الحبوب ،‘
شالته وحطتـه في كيس زبآله ..! اخذت اي شي له اثر على إدمانها و حطتها في الكيسه
طلعت شنطـه كبيره حطت فيـه كل ملابسها و أغراضها
أخذت عبايتها و نزلت
اخذت لها تـاكسي .. راحت لـ منطقققه بعييييدهـ و معها ولآعه .. حرقت الكيس
وراحت لـ بيت أهلها !
\
/
كـان هـذا آخر حل لها
سمت بالله و نزلت بخـوف رنت الجرس وبعد ثـوآني جاها صوت منآير : مييين ؟
داليـا بتردد : آآآآآ .. أنـا دآليـا
استغربت منآير لكنها فتحت لها الباب و ابتسمت لها : هلاااااااااااوالللللله تو مانور البيت والله ، تفضلي حيآآآك ..
دخلت داليـا و قعدت بالمجلس ، جاتها ذكـره أول مرهـ شافت فيها عبد الرحمن كانت هنـا .. كانت عند منآير عندهم بحث يسوونـه سوا ، راحت منآير تجيب كتبها
سمعت صوت الباب انفتح بعد دقآيق حسبتها منآير رفعت رآسها وشافته واقف و واضح على وجهه الصدمه
تصنمت في مكـانها وهي تشوفه واقف يتأملها
سمع صوت أحد نازل من الدرج عرف انها منآير ،‘ طلع بسرررعه من البيت ~
ابتسمت و هي تذكر هالموقف الي مستحيل تنسـآهـ ، و من بعدها صآر محد يجي ياخذ منآير الا هو عشآن يشوفها ، تعودت على شوفته وحبته ... لكنـه بعدها جاته بعثه وسآفر ،‘
قطع عليها ذكراها منآير و هي تحط القهوه على الطـاوله : احمدي ربك اني مسويه حلا اليوم طلال كان مشتهيـه ولا كان مالقيت لك شي ينحط معها
ابتسمت داليا لـ منآير : معليش آسفه جيت بدون موعد
منآير بسرعه تقاطعها : بلا موعد بلا هـم من صدقك موعد ! وين قآآعدين داليا تراك تمونين
داليا : يـآبعد عمري تسلمين
منآير تقعد جمبها : ولوووو ، ع الاقل شفتك من زمآآن ماشفتك
داليا : إي والله من زمآن عنك ، وش أخبـآرك كيفها دنيآك
منآير تتنهد : والله ، عايشييين
داليا : وش فيك ؟
منآير بتردد : اممممممم بصراحه
داليا : إيه
منآير : انا مو عاجبني وضعك مع عبد الرحمن
داليا سكتت ..
منآير : داليا انتي مو طمعآنه فيه صح ؟
داليا بسرعه : مستحيييييييل اطمع فيه يامنآير وش ابي انا بـ فلوسه علميني ، و بعدين انا لو أبي الفلوس كان قلت من البدآيه قبل لا اتزوجـه اني أبي فلوسه بس حتى انا كلمته و قلت له مابيه يدفع ولا زياده و إذا من نآحيه أبوي عادي انا أدبر الفلوس من أي أحد و أعطيه اياها عسآس انها منه
منآير بصدمه : وش هالكلآآم ياداليا انتي الي تدفعين مهـرك ! وين قآعدين بعدين عبد الرحمن ترا ماعليه قآصر عشآن انتي الي تدفعينـه
داليا تنهدت : مو قصدي شي معليش بس مع الضيق قمت أخبص
منآير : هو موجود فوق نـايم تبين أقومه تكلمينه ؟!
داليا بسرعه : لا لا خليه
منآير : لا حرام انتي جآيه هنـا اكيد عشآن تكلمينه
داليا : لا لا خليه نآيم ابقعد معك انتي ،‘
منآير : انا كلمته و قلت له ان أكيد انتي مو طمعانه فيه بس ماصدقني
داليا بضيق : أدري هو مايعرفني زين توهـ مايقدر يحكم علي ،‘ بس والله يامناااير ماني طمعانه فيييه وش هالتفكير انا والله وقسم بالله الفلوس ماتهمني بـ حريققققققـه بس اهم شي هـو والله يامنآير اني من دريت و انا متضآيقه لمت أبوي ألف مرررهـ ، منآير انتو ماتعرفون أبوي ماتدرون بـ حالتنا كيف .. بس قولي لـه أي شي يقوله له أبوي لا يطآآآآوعه و خلـ يدري اني انا مالي دخل فيييه والله مالي دخللل انا اصلا حتى مادريت انه قاله يبي زيادهـ الا عقب ماقاله ! ماقالي حتى انه بيقوله
منآير : والله انا عآرفه انه مالك دخل والـ...
قطع عليهم صوت عبد الرحمن يتنح نح
منآير : اصبري اشوف من
طلعت و لقته واقف كان يسمع كل شي دآر بينهم
منآير : عبد الرحمن ! متى قمت
عبد الرحمن بتمثيل : من زمآآن .. مين هنآ ؟
منآير : زوجتك ..
عبد الرحمن يمثل الإستغراب : وش جابها
منآير قصر صوتك ، الي جابها انت ياحظي حرام علييك والله لو تشوف شكلها من جد تحس بـ غلطتك والله انها مالها ذنب و توها قبل شوي قآعدهـ تكلمني
عبد الرحمن : طيب خلآص انتي روحي عند أمي و أنـا ابتفاهم معها
منآير : طيب بس لا تعصب عليها اسمعها أول بعدين تكلم
دخل المجلس شافها قاعده منزله راسها و سرحااانه و دموعها على خدها ..
عبد الرحمن تنحنح ..
مسحت دموعها بسرعه و لا تكلمت
عبد الرحمن قرب منها : شـدعووا طيب قومي سلمي ..
رفعت راسها و قعدت تطالع بوجهه بضيققق .. وقفت تبي تسلم عليه لكنـه قرب منها و ضمها بقووهـ : اشتقت لـك ..
داليا زاد صياحها وضمته بقوه
عبد الرحمن بعدها عنه مسح دموعها : مابي اشوف هالدموع بس عاد
داليا سكتت
عبدالرحمن ضمها مره ثانيه : حبيبتي ، سامحيني ..انا اسف كنت فاهم غلط
داليا تنهدت : حآولت افهمك الموضوع ماصدقتني ...
عبد الرحمن بضيق : عاارف ياعمري عاارف انتي ماقصرتي بس انا الي استعجلت و عصبت عليك
داليا : طيب عطني فررصه كان سمعت مني الموضوع بعدين حكمت .. عبد الرحمن انا اخر شي أفكر فيه الفلووس حط هالشي في بآلك .. وش ابي بالفلوس وانت بتزعل علمني !
عبد الرحمن : .. خلآص ياعمري سكري الموضوع ، و الـ 30 بتجيك اليوم المغرب
داليا : مـا أبيها ..
عبد الرحمن : و أبوك ؟
داليا : انا ابدفـ ..
قاطعها بسرعه : شكلك تبيني صدق أزعل عليك مرهـ ثانيه !
داليا : لا لا خلآآآص ابسكت
عبد الرحمن ابتسم : إييه خلك كـذا
داليا ابتسمت له
عبد الرحمن مسك وجها يتأمله وقـال بهمس : اشتقققت لك موووووت
داليا : انت اكثررررررر والله اشتقت لك و اشتقت لـ صوتك اشتقت لـ كل شي فيك ،‘
عبد الرحمن قرب منها اكثر لين ماصارت تحس بـ انفآآسه .. قرب منها اكثر ماحست الا بشفايفه تتمزج بـ شفايفها ...
\
/
متعب بإستغراب : مشاااعل ! مين جابك
مشاعل : السواق ..
متعب : وش هالشنطه وش سالفتك
مشاعل بضيق : ليه ماتبيني ؟!
متعب بسرعه : وش هالكلآآم انتي بعيونا بس وش السالفه تهاوشتي مع ام خوله و الثانيه ؟
مشاعل بضيق : لا بس خلآص مابقى شي و تنتهي العدهـ كلها اسبوعين ... قلت أجي عندكم
متعب ابتسم : جيبي شنطتك ..
اخذها و راحت للصاله .. ماكان فيها أحـد
استغربت .. طلعت منها ورقت لـ غرفتها فوق : ويـن امي ؟!
متعب : مع عبد العزيز في المستشفى
مشاعل بخوف : فيها شي !؟
متعب : لآآآ مافيهااا شي راحت تـزور وحدهـ ..
مشاعل براحه : اشوااا ، خوفتني
متعب : وش فيه وجهك ؟!
مشاعل توترت : وش فيه مافيه شي
متعب : تعباانه تبين المستشفى ؟
مشاعل : لا لا بس مانمت صار لي كم يوم
متعب : ليه
مشاعل : أرق
متعب : اخليك اجل ارتـاحي و أنـا إذا جا عبد العزيز و أمي طلعت مراح اخليك لحالك هنآ
مشاعل ابتسمت له و دخلت غرفتها
حطت راسها وعلى طووول نآآآمت مع التعب ..
\
/
اسماء شهقت : رييييييم ريييييييم هذا ابوووووووك على الباب بسررررعه شوفي لنا صرفه
ريم شهقت : روحو غرفتيييي ولا تتكلموووون تفهمين ولا لا ولا نفسسسس
اسماء : طيب طيب .. راحت فوق قالت لـ هيفاء و ليان يدخلوون ..
رجعت نزلت تحت تذكرت انها نست جوآلها ..
اخذته بسرعه .. لكن ريم كانت فاتحه الباب
ركضت بخوف فتحت باب المجلس الي كان أقرب باب لها
ولا انتبهت للي كان قآعد داخل يحتري ريم يبي يكلمها عـشآآن تروح تقعد عنـد مشاعل ..
رفع راسه انصدم يوم شاف بنت واقفه ومعطيته ظهرها .. واضح انها ماتدري عنه
متعب تنحنح
لفت و شهقت يوم شافته جت تبي تطلع لكنها سمعت صوت صالح برا
امتلت الدموع في عيوونها و بدت ترتجف ماتدري وش تسوي
متعب كان ساكت و منزل راسه كان يشم ريحـة عطرها نفسها ريحـة العطر الي شميته ذاك اليوم
رفع راسها شافها واقفه ترتجف و الخوف ماليها
نفسها .. نفسها البنت الي ذاك اليوم ! أذكر ملامحها زيين
بعدها بثواني سمعت صوت صالح يبعد
طلعت بسرعه و دخلت للحمآم و انتو بكرامه .. قفلت على نفسها الباب و قامت ترتجف و تصييح من الخوف .. الحين وش يقول عنها أكيد بيفهم غلط وبتصير مشكله
..
نست جوالها مقطوط بالمجلس ... جا صوت المسج مايدري ليه الفضول ذبحه فتح المسج
" اهلين اسماء أخبآرك ؟ .. لما ترجعين لـ الريآض عطيني خبر أبي أشوفك أبيك في موضوع .. منـى "
ابتسـم " أجل اسمك اسماء .. " .. مايدري ليه حذف المسج و رجع الجوآل مكآنه
طلع من المجلس وتوجـه لـ باب البيت .. طلع و قفله وراه
اما اسماء يوم سمعت صوت الباب ينقفل طلعت و دخلت للمجلس قفلت على نفسها وكملت صيآحها ..
مسكت جوالها اتصلت على ليان : ويينكم ؟
ليان : وش فيك اسماء
اسماء : مافيني شي بس خآآيفه
ليان : وينك انتي
اسماء : انا بالمجلس
ليان : يلا جايينك
اسماء : و صالح ؟
ليان : راح قبل شوي .. باي
\
/
...هـدى مافقدت شرفها لكن وش الي بيصير لها ؟! وكيف بتكون ردة فعل خلود و صالح لما يدرون ؟!
مشاعل بعد ماكتشفت حقيقه بدريه وش راح يصير ؟ و بتشتكي عليها خوله و بتتورط ؟!
داليـا و عبد الرحمن ... هالمرهـ تراضو لكن هل بيهدى صالح ولا بيخرب عليهم بـ مشكله ثانيه ؟!
اسماء و متعب وش ممكن يصير أكثر من كـذا ؟! و كيف بتكون نظره متعب لها !
خلود .. وش سـر الثوب و الأوراق ؟! وش ممكن تكون ؟!
الج‘ـزء الخ‘ـآإمس ع‘ـشرـر ‘،
يآخِي/ زعْ?گ مِن حَبيبَگ ?آ يط?ُ? . .
گآن ?يْ بـ خآطِرگ قِمْ صآرحَه !،~
مِن عِرَفت آ?ْدنيآ ?آ?ْعآ?م تِق?ُ? :
." صآحبَگ ?آ أخطَى عَ?يگ ?آمِحَه ".
\
/
: هذي اخرررتك ياحقييييييرهـ تنصآدييين من الهيئه نااااايمه معااه هااااهـ يالكلبه انا اعرف اربيييك
رماها ع الأرض ورفسها بدون أي رحمـة
هـدى تصاارخ : آآآآآآآآآآ .. أحمممممممد تكفى ابعد عنيييي كسرررتني
رفسها بقوهـ اكثر : شووي عليييييييك والله لا اذببببببحك
كانت طايحه ع الأرض و الدم يصبصب منها ضربها بدون أي رحمـه ، رفسها أكثر من مرهـ وكل مرهـ اقوى من الي قبلها
هـدى تصاااااارخ و تصييح : آآآآآآآآهـ أحمد بتمووووووووتنيييييي
أحمد مارد عليها و كمل ضرب
نزل صالح و خلود وراه من صوت صراخهم
صالح يبعد أحمد عنها : خييييييير شفيك انت انجنييت وش صآير
أحمد : يبـه أببببببعد أبعددددد خلني أذبحها
خلود تضم هـدى : وش فيك انت مجنوون تبي تموت البنت
أحمد : خلهاااااا أصلا شوي عليها الذبح
صالح : فهمنا وش صآير طيب
أحمد : يبببببببه ابعد تكفىىىىى خلـ أذبحها خلني أغسل عارنا تكفى يبه
صالح لف عليها بعصبيه : وش مسويه ؟
هـدى بتعب : مـاا .. ماسويت شي .. والله اني بنت واللللله
خلود شهقت ~
صالح قرب من هـدى مسكها من شعرها بعصبيه : وشو الي بنت و مابنت ... وش مسويه تكلمي
هـدى تصيح و تشآآهق ولا ردت على صآلح
خالد توهـ يدخل البيت : السـلآمـ ... سكت وهو يشوف الي يصير
قرب بسرعه : وش فييه
شهق وهو يشوف شكل هـدى كانت طايحه ع الأرض و الدم مالي وجها و الجروح ماليه يديها من أحمـد ..
خالد : هـدى ! من مسوي فيك كـذا
هـدى تصيح : .........
أحمد : أنـا الي ضاربها وشوي عليها هالضرب اصلا .. " قرب منها و رفسها على بطنها بقوهـ من كثر قوتـه صرخت بصوت عآآآلي و اغمى عليها "
خلود شهقت : مجنووووووون انت بتمووووووت البنت
أحمد : تستاااااهل
خالد : وش فيه يمه ، يبه وش صاير
خلود تصيح على بنتها ضمتها بخوف : خاالد تكفى شيلها ودها المستشفى بتموت البنت بين إيدينا
أحمد يصارخ : لا لا توديها خلها تموووت
خلود بعصبيه : انت جب ولا كلمـه ، تبي تذبح البنت انت مهبووول
نزل خالد لـ مستوى هـدى و شالها بسرعه على سيارته
اما أحمد كان معصبببببب حدهـ كان بخآطرهـ يذبحها صدق
قعد على الكنبه بعصبيه و جلس جمبه صالح
صالح : وش صـآير أحمد تكلم
أحمد بعصبيه : دقو علي الهيئه يقولون داهمو بنتك بـ شقه مع وآحد في وضع مخل بالأدب ! و ماتبيني اذبحهااا
صالح انصدم : شـ .. شلون .. ومتى
أحمد : مادري يايبه ماااادري انـا بخآطري بس اذبحهااااااا
صالح عصب لكنـه سكت .. مو الحين بيتصرف لما ترجـع من المستشفى ..
...
في المستشفـى
فتحت عيونها بتعب كانت تحس بصدااااااع قوي و ألم في راسها موب طبيعي
التفت يمينها و يسـارها ماكان فيه أحد
انتبهت لـ المغذي .. تنهدت بضيق ودها ترجع الزمن لـ ورا لو بس لـ يوم واحد بس كان ماطلعت معاه ولا صار الي صـار ..
غمضت عيونها و نزلت دموعها بـ ندم و قهرر لكن وش الفايده .. الحين يوم طـاح الفاس بالراس ندمتي ياهـدى ؟! بعـد ايش ؟! بعد ماراحت ثقه اهلك فيك و خسرتي سمعتك و بغيتي تحسرين انوثتك ؟!! ..
تذكرت الي صـار و كأنه ينعآد عليها من جديد
دخلت عليهم الهيئه و سحبوها هي و فهد لـ الجمس و على طول على ممركز الهيئـه ‘،
اخذو جوالها و جوالـه و تأكدو ان صدق بينهم علآقـه !
جاها كلآم مثل السم منهم لكنها تستاااهلـه ، .. بعد ماراحت المستشفى و فحصت تأكدو انها عـذراء و تركوها ، يعني ماطبقو عليهم حد الزنـا ~ !!
نزلت دموعها بقهرررر أكثر و أكثر ..
أول شي جرحها من فهـد .. بعد ماحبيته سنتييين و أنـا أحبه و لا أكلم غيرهـ طلع حقير و كـذاب سنتين حب من طرف وآحد كان يبغآني لـ شهوته و بسسسس
ثاني شي كانت بتفقد شرفها و تضيييع حياتها كلها و مستقبلها .. تكفي شعورها لـحظتها و خوفها !
ثالث شي فضيحتها عند الهيئه و نظراتهم لها .. و فضيحتها عند أهلـها و الظرب الي جاها و الحين فتحت عيونها ولا لقت أي أحد حولها حتى امها ماكانت عندها ..
زاد صياحها ندمت على كل لحظظظه من حياتها ضيعتها في هالعلاقـه المح‘ـرمه ندمت قد شعر راسها لكن للأسف .. ندمها بعد فوآت الأوآآن ..!!! ~
\
/
الدكتوره بعصبيه : داليااااا
داليا فزت من مكانها : آآ .. نعم
الدكتوره : و بعدين معاك انتي إذا ماتبين تسمعين المحـاضره اطلعي برااا مو تنآميين
داليا : آسفه يادكتورهـ والله بس امس مانمت زين
الدكتوره بنرفزهـ : اطلعي برا
داليا : والله ماعاد اعودها خلآآص منيب نايمه
الدكتوره بعصبيه : أٌقوولك اطلعي برااااااا يلاااا برااااااا
انقهرت من الدكتورهـ و قررت تطلع ولا تذل نفسها اكثر من كـذا !
طلعت من المـدرج وهي متنرفزهـ .. شـافت مجموع‘ـة بنات واقفييين بعييد و يطالعونها
" أكيد الحين يتطنزون علي افففففففف "
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك