رواية ما رجيت من الفرح إلا رضاك و ما بكيت إلا علشانك قهر -90

رواية ما رجيت من الفرح إلا رضاك و ما بكيت إلا علشانك قهر - غرام

رواية ما رجيت من الفرح إلا رضاك و ما بكيت إلا علشانك قهر -90

نورة تركتها ابتسمت يالدب كله من تحت راسك

خلود بإحراج فهد أنا آسفة ع الكلمة اللي قلتها

فهد عادي لا تشيلي هم

نورة بحماس يااااااي عرس جديد بعد

خلود ههههههههههه مبروك عليك مقدما فهود

فهد ابتسم الله يبارك بعمرك

مروان حاول يقوي نفسه يعرفه هشام مره عصبي

دق الاتصال

هشام كان بمحطة القطار يحجز له عشان بيروح يدور بمنطقة ثانيه

شاف الاتصال رفعه وهو مستغرب من الرقم

مروان بارتباك السلام عليكم

هشام باستغراب وعليكم السلام

مروان اخوي هشام ممكن في موضوع يخص الأخ فارس

هشام قاطعه بسرعة وكأنه لقى حبل النجاة فارس

مروان ابتسم اييه فارس بس لازم القاك أنت وينك الحين بالسعودية

هشام لا والله أنا بالمانيا

مروان زين لازم القاك بمنطقة بفورسهايم

هشام طيب قولي وش فيه ووينه هو

مروان لا تستعجل بقولك كل شي الساعة أربعه بكوفي شارع برلين

هشام اوكيه إنشاء الله

قفل منه وهو طاير يبغا يعرف أي شي

تحبط وهو يفكر يمكن يكون يبغا يعطيه جثته

طرد الفكرة من باله بتفاؤل

جلس آخر شي بالصالة بعد ما لف البيت معها توريه هو

عبد الرحمن بابتسامة بيت عامر إنشاء الله

يارا بابتسامة وهي تضيفه العصير عقبال ما نشوف بيتك إنشاء الله

عبد الرحمن آميين إلا أقولك يارو اللي جاي عشانهم وينهم

يارا هههههههه تكرم عينك

قامت أخذتهم من المربية

أعطت شادي لعبد الرحمن

وأخذت هي شدونه

عبد الرحمن يموت بالأطفال رماه بالهوا

ضحك بطفولة يا عيون خالك أنت

باسه على خده تصدقي يارا ذكروني عيالك بولد محمد كاسر خاطري هالولد

يارا بلمحة حزن ايواا والله محزني الله يكون بعونه

اخذ بنتها وهو يلعبها يا عمري أموت بالبنااات الحلوين أناااااا

يارا ههههههههه عبوود لا تعلمها من الحين

عبد الرحمن هههههههههههه والله أمها اللي تفكيرها معووج

يارا هههههههههههههه

مد يده يصافحه بيقين عرف مين هو على طول من أول نظرة ذكاءه ما خيبه

قال بحده هذا أنت

مروان وهو عارف ردة فعله الطبيعية هذا أنا بس مو أنا الأولي اجلس واسمع مني وإذا ما عجبك كلامي توكل وهذا أنا قدامك إذا ودك تاخذ حق أخوك

هشام طالع فيه بحده وهو يسحب الكرسي ويجلس تفضل قول اللي عندك

مروان وهو يجلس............

هشام وقف من الحماس وبعصبية مجنونة هذي الحقيرة....... اوكيه وينه خذني له بسرعة

مروان ابتسم افهم من هذا انك سامحتني

هشام على طول مر بباله شكل دانة وهي تترجاه يسامحها قال بضيق اييه سامحتك

مروان شافه متضايق ما ينفع تقولها بلسانك وقلبك لا

هشام ابتسم بسخرية على نفسه وهذي مصيبتي يا دانة قال بصدق لا والله سامحتك

مروان فتح السيارة اوكيه اركب

وقفت بعتب أنا بخير ماما

أم سامي ما اقدر أتركك كذا يا بنتي وهاله أهل زوجها عندها

رنا لفت على أمها ماما أنا بخير وبكره روحي العرس وأنتي متطمنه أنا بخير

نزلت عيونها وتهدج صوتها صحيح قلبي مو بخير لكن الحمد لله على كل حال

أم سامي باست راسها الله يفرجها عليك

طلعت

رنا بهمس آمين

طالعت بصور فارس اللي فاردتها ع التسريحة

لمست ملامح وجهه بالصورة

ابتسمت بمرارة لو كنت موجود بتبقى على شكلك وإلا التعب هادك

باست الصورة ورجعتها

طالعت بالجدار يا رب أنت اعلم بحالي يا رب ترجعه لي وترجع أيامنا مثل اول

رفعت جوالها بصوتها اللي تعود ع الهدوء والحزن

هلا سمر

سمر اهليين رنوو كيفك

رنا بهدوء عايشه

سمر ابتسمت بأمل رنوو بليز تعالي بكره

رنا تضايقت سمر ترا طلبك اعتبره اهانة لي تخيلي أنا طلبته منك بوقت كنتي فيه مثلي وبحالي

سمر أيدتها ببالها قالت بهدوء مثلها رنوو اعذريني بس أنتي تعرفي نيتي

مو قصدي شي

رنا ابتسمت وعيونها غرقت سمر والله كنت أتمنى احضر ليلتك أنتي وسحر بس تعرفي الظروف

سمر بحزن لا تشيلي هم يا رنوو أنتي أغلى من إنا نزعل عليك عشان كذا

رنا مسحت دمعتها الله يوفقكم

سمر آمين

سكرت منها ومسحت دموعها بحزن على اعز بنات عمها

دخل وهو مو مصدق نفسه إلى الآن

فارس كان واقف لأول مره من يوم مرض

الأيام اللي اهتم فيه مروان فيها تحسن حاله كثير والمرض اختفى منه بس فيه علاجات لازم يظل ياخذها عشان يتأكد من زوال المرض

حتى صحته تحسنت وشكله

بس شعره اللي معقده كان خفيف

وقف بعيون كلها شوق لخوي عمره وأخو دنيته واللي يفهمه بهالحياة

هشام فتح يده وراح له

فارس ضمه من قلب

مروان تأثر من الموقف طلع وتركهم

فارس يضمه بحرارة ويسلم عليه شلونك ياخوي

هشام تنفس الصعداء وهو يتركه أنت تعرف يا فارس كيف كنت بدونك والله ما رضيت أترك المانيا إلا وأنت معاي حي أو ميت بعيد الشر عنك

فارس ابتسم هذا أنا قدامك يا خوي

هشام قال بعصبية لما تذكر فارس سؤال يعني ما ركب عقلي

فارس ابتسم بحب تفضل

هشام كيف كنت ساكت يوم ذيك الحقيرة سوت سواتها

فارس نزل عيونه بضيق اجل اتركها تروح لرنا يا هشام

هشام ضرب كف بكف بقوة والله هذي ما يربيها إلا أنا وتشوف

فارس ابتسم كيف رنا

هشام رفع عيونه تبغا الصدق

فارس بخوف اييه

هشام محتاجه وجودك جنبها

فارس طالع فيه بخوف اوكيه هشام أنت ارجع وأنا يومين ولاحقك

هشام ليه

فارس الدكتور بيتأكد من انه المرض راح نهائيا بالتحاليل وما تطلع بسرعة حاولت فيه لكن ما في

هشام اوكيه رجلي على رجلك

فارس ربت على كتفه الله يريحك مثل ما ريحتني ارجع أنت وأنا وراك ولا تقول لهم

ابتسمت بتوتر وهي تحط يدها بيد زوجها للأبد

فيصل بابتسامة مبروك عليك

سحر بحيا الله يبارك فيك مبروك عليك أنت بعد

فيصل بابتسامة الله يبارك بعمرك

رفى بابتسامة فيصل قريت ع اللي جنبك

فيصل ابتسم على حيا سحر وتلوموني لو قلت لكم إني اشوفها أجمل مخلوق بالكون

سحر تلون وجهها

رفى هههههههههههه

رفاد وقفت بغرور وسلمت على فيصل ببرود

مدت يدها لسحر وصافحتها

سحر فاهمه عليها ابتسمت كيفك رفوده طالعه حلوه مشاء الله

رفاد وهي تمشي من يومي

فيصل ابتسم بتوتر ما عليك حبيبتي

سحر هههههههه عادي فيصل فاهمه عليها أنا بس إنشاء الله من اليوم بصير أنا وياها أصحاب

رفى أنتي يا خوفي ترجعي بكلامك بإحباط

فيصل بجد رفى لو كنت بعملي تنتبهي على سحر أخاف رفاد تلطشها بأي شي قدامها لو عصبت

سحر و رفى ههههههههههههههه

سحر حرام عليك مو لهالدرجة

فيصل طالع برفى شايفه تدافع عنها وهي مو عارفه الحقيقة اللي بتنصدم فيها من بكره

رفى ههههههههههههههههههه

سحر ابتسمت وبهمس فصوولي لا تتكلم كذا على أختك

فيصل بابتسامة بس....جيبوها أبوس راسها بس أنتي لا تزعلي

سحر ابتسمت بحيا وحب

جات أم فيصل قامت باست راسها باحترام

أم فيصل بمحبة الله يبارك عليكم آميين

فيصل وسحر آميين

فيصل قال بحنانه أمي عارف صعبه علي إني أترككم..

أم فيصل قاطعته لا تكمل مو ناقصنا شي غير رجعتك ابتسمت رفيف ومازن ما بيقصروا

سحر حست انه هي السبب قالت بإحراج بدون ما تسمعها أم زوجها فيصل مو أنا قلت لك لا تخلينا نسافر

فيصل طالع فيها بتسكتي وإلا كيف

سحر ابتسمت بمشاكسة من بدايتها قلت لك لا تكلمني زي عمالك

فيصل هههههههههههههههههه و أحلى عامل والله

سحر ابتسمت بحيا بأحلى ليلة عندها ليلة عمرها دعت ربها أنها تكون خير عليها وعلى زوجها

خالد ماسك يد سمر برقة واليد الثانية ماسكته فيها نورة وجنبها خلود وماريه وأمه وأم نواف بحلقه مسويينها يرقصوا العروسة فيها

نورة أخذت يد سمر

ودخلتها بوسط الدائرة ترقص وهم حولها يصفقوا لها

خالد ابتسم لها بحب

سمر استحت لفت على نورة

نورة صفرت سمووور ايواااا

الكل هههههه

بعد ما تركوها

مسك يدها خالد وجلسها ع الكرسي وجلس جنبها

سمر بحيا خالد

خالد آمري عيونه

سمر بحيا اشفيك تطالع نورة كذا

خالد ابتسم لأني أحس بفقد شطانتها اليوم عمي أبو عبد العزيز كلم أبوي خطبها لولده صلاح

سمر طارت من الفرحة جد

خالد بابتسامة وجد الجد

سمر ههههههههه

خالد فديت هالضحكة أنتي عارفه هاللحظة ناقصنا ايش

سمر باستغراب ايش

خالد توسعت ابتسامته ناقصنا نسمع وجع إنشاء الله

سمر خزته بنظرة

خالد هههههههههههههههههههههه

سمر بحيا ما يضحك ترا

خالد هههههههههههههههههههه

سمر لا شعوريا ابتسمت فديت هالضحكة والله

خالد سكت نعم وش قلتي؟

سمر بغرور اللي سمعته

خالد ابتسم إذا أنتي تتفدي ضحكتي أنا أقولك لو حصل بيوم أنهم طلبوا مني افدي روحك افديها بنفسي كلها

سمر ابتسمت بحيا الله يقدرني اسعدك

خالد آميين

دخل العرس ما كان فيه طق احترام لأبو فارس

راح لأبوه على طول وسلم على راسه

نواف طالع بعبد العزيز وهو يتكلم هذا هشام ولد عمي رجع

عبد العزيز لف فرح لما شافه إنشاء الله يكون معه أخبار زينه

سلم على أبو فارس

أبو سامي ها يا ولدي بشرنا في أي أخبار عنه

هشام ابتسم في منطقة ثانيه احتمال يكون فيها بس ما ادري أنا جيت احضر الواجب وراجع بكره

أبو فارس تحبط يعني ما لقيته

هشام كلفت واحد سعودي هناك هو قاعد يدور عليه حاليا

أبو سامي تنهد الله يحييك الحمد لله على سلامتك

لف على أبو فارس دانة بالعرس يا عمي

أبو فارس بحزن لا والله لا هي ولا أمها ما رضوا يحضروا

أبو سامي وأزيدك من الشعر بيت ولا أختك ما حضرت

هشام وقف يعني هي في بيتها الحين

أبو سامي اجلس وين رايح هي في بيتها

هشام طيب ما أروح اتطمن عليها

أبو سامي بعد العرس الحين خليك مع عيال عمك

راح يسلم عليهم

شاف عبد الإله متحمس بالسواليف وجنبه عبد الرحمن بس هو ما يعرف عبد الرحمن

طالع فيهم وهو معقد حواجبه

سلم عليهم وهو مستغرب

عبد الإله عبوود هذا هشام ولد عمي رجال يعجبك

هشام طالع فيه من طرف عينه وش قصدك رجال

عبد الإله هههههههههههه لو تترك العصبية شوي

هشام ابتسم ولف يسلم ع البقية

سلم على سامي

تركه وهو مستغرب وشلون كذا لا تقول بس انه هذا عبد الرحمن من فين طلع

سعود ابتسم هو هذا بحد ذاته شايف والله قصته قصة

هشام جلس بحماس وش هي قصته

سعود عند عزيز

هشام لف على عزيز تفضل

عبد العزيز ابتسم اول طمنا عن أخبارك

هشام الحمد لله في أمل نلقاه فارس

عبد العزيز ابتسم الحمد لله هذا أقولك يوم كنت بالمستشفى.....

وش بيصير على فارس توقعوا معي ؟؟؟

لا تخبر الرجل الذي يحملك أنه أعرج . ( مثل سيراليوني ) .

<<< نهاية الجزء الثالث والخمسون

الجزء الرابع والخمسون

الكوخ الذي تضحك فيه المرأة , خير من القصر الذي تبكي فيه

** أحبك تعني .. يهمني رأيك **

شافها في المطبخ تشرف ع الخدم وهم ينظفوا

كان واضح الحزن والإرهاق بوجهها يالله تتحرك

ابتسم رنوو

رنا رفعت راسها راحت له بسرعة وسلمت عليه

هشام وهو يلفها شلونك

رنا بحزن الحمد لله

هشام ابتسم اشفيه وجهك مصفر

رنا غرقت عيونها هشاام ما عرفت خبر عن فارس

هشام قال وهو يشيل عيونه عنها إنشاء الله بنلاقيه

رنا مسكت بطنها ودموعها نزلت المشكلة إني يوم أمس رحت المستشفى الدكتورة...

هشام طالع فيها بخوف اييه

رنا كملت وهي تشهق خبرتني إني انتظر ولد فارس

هشام طالع فيها والفرحة كانت تنطق بعيونه قال باستغراب وهو يرفع راسها رنوو ليه الدموع ليه زعلانة هذا بدل لا تفرحي بريحة فارس

رنا مسحت دموعها بتعب بس أنا ما ابغا يتربى بدون أبوه

هشام كان طاير من الفرحة مسك يدها وهو يمشي معها شوي شوي عليك ليش قايمه

رنا وهي تمشي معه مسحت دموعها ما ابغاه يطلع للدنيا بدون أبوه

هشام ابتسم بيجي أبوه وبتربوه مع بعض بإذن الله

رنا دموعها تنزل الله يسمع منك

هشام رفع جواله أنا مضطر إني اروح لزوجتي لأني توني واصل بس ما بخرج اللين أمي تجي رفع عيونه ها تدري عن حملك

رنا هزت راسها لا أنت اول واحد تدري

هشام ابتسم والله و أحلى خبر سمعته بحياتي

كلم أمه

قفل الجوال و رجع ظهره للكنبة براحة لو جبتي ولد وش بتسميه

رنا بحزن خلي أبوه يسميه

صارت دموعها تنزل فارس كان يقول يبغا يسميه حسام

هشام ندم انه سألها تنهد رنوو تعرفيني ما اقدر أشوف دموعك عشان خاطري

امسحيها

رنا مسحت دموعها خلاص روح لزوجتك أنت

هشام هذي أمي جايه بالطريق ما بطلع اللين تدخل ورفع جواله أرسل مسج لدانة

فتحت شنطتها تبغا تطلع مبرد الأظافر شافت كاسيت مكتوب عليه

... وكأنه مكتوب لك يا دانة

استغربت كيف نسته مره شافته بأشياء هشام وأخذته

حطت الكاسيت بالاستريو

جاها صوت حامد زيد القوي..

........... عفا الله عن خطا غدر الخناجر والضلوع ابطال..

بسامح و اتركك تحت الظلام لحالك.... لحالك..

دخيلك وفر دموعك ترى هدر الدموع اذلال..

وترى ما في احد يصبر مثل صبري بغربالك..

انا عيب علي انقض كلامي والرجال افعال..

واذا قلت اقطع حبالك تراني بقطع احبالك..

عشان اكسب هدب عينك تجرعت العذاب اشكال..

وليتك ترأف بحالي علشان ارأف بحالك..

مسوي في حياتي شي ما يذكر ولا ينقال..

حشى حتى العدو وهو العدو ما يعمل اعمالك..

تمسيني على الهم وتصبحني على الغربال..

تقلطني فناجيلك وتقصر عني دلالك..

تحملت التعب لالجك وانا حملي يهد جبال..

رحلت من العذاب وما وقفت الا على جالك..

علامك كل ما اجيك متواضع جيتني تختال..

معاك اليا متى بصبر وصبري معك يحلالك..

مثل ما اقبلت لعيونك لزوم تلد لي بقبال..

ومثل ما قد حشمتك حس واحشم قلبي اشوال..

أنا محد بجابرني اساير معك هالمنوال..

ترى لاني تبيع لك ولاني باصغر عيالك..

انا جيت اعشقك نبض ومشاعر ما اعشقك تمثال..

أنا جيت أسكنك وأحياك وابقى فيك وابقالك..

أنا جيت بضمى عاشق تعب يطرد سراب اللال..

أنا جيت استفز رضاك من فرقاك والجالك..

أنا ما همت بك عاقل أنا كنت أعشقك بخبال..

أنا ما كنت أحبك حي أنا كنت أعشقك هالك..

تخيل من كثر ما خاف تلقى للزعل مدخال..

أخاف اخطي على طيفك وادوس برجلي ظلالك..

تبعتك والعرب تتبع رعود البارق الهمال..

وأنا شفت المطر يتبعك في حلك وترحالك..

كأن اللي خلق حسنك خلقني مع جسدك ظلال..

وصرت اقرب جسد يمشي معك بقفاك وقبالك..

أبي قلبك يحس انه فقد بمحبته رجال..

ملكته من هدب عين وخسرت رضاه بهمالك..

صحيح انه الفراق أقسى ولكن الوصال محال..

وأنا صعب علي ارضي غرورك واضعف قبالك..

بعد ما حققت عيني في بعدك للرقاده مال..

أعود للسهر؟؟!! يا خوي فال الله ولا فالك..

ببدل نظرتك فيني واجيلك كل يوم بحال..

بكون اقرب من ثيابك عليك ولا تهيالك..

بلمك وانثرك واجمعك وارجع وانثرك بهمال..

بخونك وازعلك وارضيك وازعل منك وارضالك..

أبرسم بالثرى وجهك وبدفن صورتك بالرمال..

أبشكي للعرب فرقاك واضحك عند عذالك..

أبهديك الوصال فراق وأهديك الفراق وصال..

بسوي مثل ما أشوفك تسوي وافعل أفعالك..

عشان تعرف مين فينا الزعول ومن وسيع البال..

أبيك تذوق فنجالي وأنا بذوق فنجالك..

نصيحة واحتفظ فيها قصر معك الزمن أو طال..

أبي تسمع كلامي زين وتحطه على بالك..

إذا حبك هبال أطفال لك عندي هبال أطفال..

ولا وابشر بعد بهبال حب ما هو بهبالك..

وإذا قصدك تهين اسمي عشان تشمت العذال..

حشى لا أنت ولا غيرك ولا عشره من أشكالك..

كانت دموعها تنزل لا إراديا تتخيل هشام قدامها

رجعت راسها ع الجدار وهي واقفة

لمتى بتعذب معك مستحيل انك تحبني وأنا عذبتك أنت ما تركت لي فرصة أناقشك

انتبهت على صوت المسج

حطت الجوال بإهمال لفت نظرها الاسم

" أحبك "

هشام؟؟!

فتحت المسج خلاها تنصدم بتبدا رحلة التعب والمعاناة مره ثانيه

" أنا بالبيت وصلت انتظرك..

ولا تناقشي بالموضوع يكون أحسن "

سكرت الجوال وراحت ترتب أشياءها هشام إذا قال كلمه جاد ما تقدر تناقشه بس استغربت رجوعه بهالوقت يا رب يكون معه خبر عن فارس

تاج محل/ الهند

ابتسم ليه

سحر وهي تمشي معه وماسكه كتفه بس

فيصل هههههههههههه يعني وش الحلاوة انك تطالعين بالبقر

سحر ابتسمت بحماس ودي أشوفهم وهم يسوون الحركات الغبية

فيصل أشر بيده هذي شوفيها ههههههههههههه

سحر طالعت بذهول وهي تشوف بقرة بوسط المدينة بتمر

الكل وقف لها

لا وبعضهم يجوا يسجدون لها تقديس

سحر بقرف وعع الله يقرفهم

فيصل ههههههههه الحمد لله على نعمة الإسلام

سحر ايواا والله الحمد لله يا ربي إني مسلمة لا بقر ولا فيران

فيصل ابتسم اوكيه خلينا نكمل مشينا

سحر ابتسمت معاك

دقت الجرس بارتباك ما تدري كيف بتلقاه

قام فتح الباب

دخلت وحطت شنطتها الصغيرة ع الأرض كشفت وجهها السلام عليكم

هشام وهو يدخل عاطيها ظهره ابتسم بشوق لنبرة صوتها الهادية وعليكم السلام

دخلت غرفتها على طول ناويه على نيه وقفلت الباب

هشام ضرب كفه بتفكير

راح دق عليها داانة

دانة من داخل الغرفة توترت نعمم

هشام افتحي دقيقة

دانة بس أبدل ملابسي

هشام تنهد بتوتر وراح جلس ع الكنبة

وهو جالس على طرف الكنبة ضرب برجوله الأرض بتناغم وهو يفكر

كانت متروشه ببيت أهلها ومنشفه شعرها

لبست فستان سهره لونه أبيض طويل وكله شغل بالذهبي

فتحت شعرها وحطت لمسات خفيفة من المكياج

رشت آخر شي من عطرها gador

ابتسمت تطمن نفسها

وفتحت الباب

طلعت له

كان هشام جالس ع الكنبة ينتظرها عنده موضوع هام لازم يتكلم فيه

وقفت قدامه

وقف لما شافها

دانة بابتسامة تاخذ العقل هشام

هشام ابتسم وبنظرة قال وهو ينزل عيونه عنها آمري

دانة ابتسمت بانتصار قالت وهي تتعدى الكنبة اللي قدامها و توقف قدامه مباشرة كان من زمآن ودي أصارحك

هشام وهو معجب بشكلها رفع حاجب وشو؟؟

دانة بهمس وهي تطالع فيه كان ودي أصارحك انك من أيام ملكتي قدرت تتملكني بأخلاقك - ما رفعت عينها عنه عشان يعرف بمدى صدقها ونيتها بأنه يسامحها - وإني حبيتك من وقتها.. وانه الدفتر..

يتبع ,,,,,

👇👇👇