رواية مشى و خلاني ما بين نيراني و بين احزني -8
ام مساعد ضحكت ( خالد قرب الصورة وباسها )
ام مساعد :. استح ياولد توك من شوي ما ابيها
خالد :. احييييييين ابيها يمه يله خلينا نملك
ام مساعد :. ههههههههه الله يهداك اثقل شوي
( طلع خالد لابوه وقاله انه يبغى يكلمه هو وعمه ابو عزام ضروري )
( بو مساعد كلم ابو عزام وقاله انه بيجيه هو وخالد وراحو له شاليه وسلمو عليه وجلسو )
بو مساعد :. يالله يا خالد تكلم ليه تبغانا
خالد :. بصراحه ياعمي انا عندي سيمستر ثاني بكندا وانا بعد بكرا راجع وراح اجلس سنتين يعني انا ما اقدر اخلي زواجي مع مساعد وراكان ويمكن اسوي ملكة بس ومن بعدها نسافر فحبيت اعرف رايها واذا هي رافضه ماراح اروح كندا
بو عزام :. لاياولدي لاتضيع مستقبلك عشان حفلة زواج انا اقولك اياها روح وبنتي مابتعارضك
خالد ابتسم :. تسلم ياعمي بس انا حبيت اعرف رايها
بو عزام :. انشالله ياولدي انا احين رايح اسألها
& عند البنات &
بو عزام :. اماني
اماني :. سم يبه
بو عزام :. تعالي حبيت اكلمك بموضوع
ريناد :. شنهو يبه
عزام :. مايدخلك يالملقوفه انا ماسألت
اماني قامت
بو عزام :. دخلي الغرفة عشان اتكلم معك براحتي
ريناد :. عن شنو
عزام صرخ :. انتي تركي اللقاااااااااافه
ريناد وهي تأفف :. زين مدري وش قلت احين
& عند اماني &
بو عزام قال لها السالفة كلها
اماني :.....................
بو عزام :. ها يابنتي وش قلتي
اماني بطيبة :. يبه انا ابغى رجال ما ابغى حفله انا موافقه اني اروح معه
بو عزام ابتسم من قلب وباس جبينها :. كفو والله هاذي بنتي الي اعرفها
اماني ابتسمت له
& في المجلس &
( اول مادخل بو عزام صار خالد يهز برجله بتوتر )
بو عزام كان مبين على وجهه علامات حزن
خالد يأس :. ياعم اذا هي ر
بو عزام قاطعه بابتسامة :. هي موافقه ياولدي
خالد قام بسرعه وباس راس ابوه وعمه :. الله يخليكم لي يارب
بوعزام × بو مساعد .. ابتسمو
بو مساعد :. الله يوفقك يارب
& الساعة 2 بالليل &
( كانت اماني تكلم غسق )
اماني :. والي يعافيك سكتي انتي عندك فترة تجهزين نفسك هنا واذا رجعتي عندك اسبوعين وربي كفايه مو انا بعد بكرا بنملك وبنسافر على طول
غسق :. ههههههه يالله عندك بكرا نروح من الصباح السوق وخذي لك ملابس بالهبل مو لازم حلوين اهم شئ يكنون جدد
اماني :. لا يااشيخه .. ابي اروح واذا لقيت اشياء حلوه اوكي واذا مالقيت مالي الا اروح بالملابس الي عندي
غسق سكتت وبعدها تكلمت :. وربي الي يصير لنا مو معقول في سفره انخطبت هيفا والي مو معقول اكثر انها وافقت وانتي بيومين بتتزوجين وبتسافرين بعد هههههه وربي شئ عجيب
اماني :. تصدقين اني ما اعرف حتى معالم وجهه
غسق :. هههههههههه عجبتني معالم وجهه وبعدين حماي اخو زوجي شحلاته يجنن عن الهذره الزايده
اماني :. ههههه ياخي قولي كلمه وحده ياحماي يا اخو زوجي هههههه
غسق :. شدراني انا مو متعودة
اماني :. اقول لا اشوفك تعيدينها مع احد لاتفشلينا
غسق :. مالت عليك .. اوكي اخليك تنامين انا وبكرا راح اجي لك 10 الصباح ونروح نفرفر بالسوق وناخذ هيوف اوكي
اماني :. اوكي
& في شاليه ابو عبدالله &
احلام كانت جالسه على الاب ومسويه محادثة جماعية مع روان × غرام × ريم × ساره × ريناد
روان :. مايذلني شوق لمخلوق للطين عايد .. دامه رضى بعدي صار بعده يوم عيدي
احلام :. عزة نفسي تكفيني .. وتغنيني على الايام
ريناد :. جريكيا كيتكا
ساره :. قلت للدنيا برب قالت لي تيت خفت اعطيها بلوك تصكني دليت
ريم :. لا تحاول تتحدى معي يافلان
مايذلني شوق لمخلوق للطين عايد .. دامه رضى بعدي صار بعده يوم عيدي
طفش صح
جريكيا كيتكا
ايه بالقوة
عزة نفسي تكفيني .. وتغنيني على الايام
عندي لكم اقتراح
جريكا كتيكا
شنهو ..؟
عزة نفسي تكفيني .. وتغنيني على الايام
نسوي دعوة مع الشباب ونتمسخر عليهم
لا تحاول تتحدى معي يافلان
اوووووكي
قلت للدنيا برب قالت لي تيت خفت اعطيها بلوك تصكني دليت
خلاااص كل وحده تسوي دعوة لأخوها
( البنات سوا دعوه لـِ فهد × بندر × سعود × طلال )
بندر :. لو صب مني الدم والله مانخيت لمخلوق ... طبعي كذا عزيز نفس من يوم صغري
فهد :. مانيب اول شخص يخسر غرامه
سعود :. سعيعو
طلال :. يلوموني يـآ ( س . ه ) صراحه قمة الروعه ... وانا والله من شفتك دخلت قلبي بسرعه
سعيعو
مرحبا ياورعات
جيريكا كتيكا
ما الورع الا انت
يلوموني يـآ ( س . ه ) صراحه قمة الروعه ... وانا والله من شفتك دخلت قلبي بسرعه
ههههههههههههههه هذا من اولها سبتك فشلتنا ياسعيعو
لو صب مني الدم والله مانخيت لمخلوق ... طبعي كذا عزيز نفس من يوم صغري
صباح النور
عزة نفسي تكفيني .. وتغنيني على الايام
صباح الخير
لو صب مني الدم والله مانخيت لمخلوق ... طبعي كذا عزيز نفس من يوم صغري
مين انتي
لا تحاول تتحدى معي يافلان
احلالالالالالالام عدوتك الودودة
صب مني الدم والله مانخيت لمخلوق ... طبعي كذا عزيز نفس من يوم صغري
عدوتي ايه بس الودودة ما اعتقد ( وحط رمز رافع حاجب )
مانيب اول شخص يخسر غرامه
بس بدينا هواش
سعيعو
هيييييييي انتي
قلت للدنيا برب قالت لي تيت خفت اعطيها بلوك تصكني دليت
من تقصد ( وفي هالوقت طلعت روان من المحادثة )
سعيعو
اقصد الي نكها جريكا كتيكا
جريكا كيكا
اولاً أنا انودي الناعمة .. ثانياً هلا امر
( سعود ضاف ايميلها وطلع من المحادثة .. وفتح لها محادثة ثانيه وهي طلعت )
مانيب اول شخص يخسر غرامه
انا بروح انام باي
لو صب مني الدم والله مانخيت لمخلوق ... طبعي كذا عزيز نفس من يوم صغري
طس
لا تحاول تتحدي معي يافلان
وانا طالعه باي بكرا عندي شغل
يلوموني يـآ ( س . ه ) صراحه قمة الروعه ... وانا والله من شفتك دخلت قلبي بسرعه
بندووور وش رايك تطلع بعد انت
لو صب مني الدم والله مانخيت لمخلوق ... طبعي كذا عزيز نفس من يوم صغري
لا مو طالع قبل لاسوي الي في بالي
قلت للدنيا برب قالت لي تيت خفت اعطيها بلوك تصكني دليت
مين
( احلام طلعت على طول وفتحت محادثة مع سعود )
عزة نفسي تكفيني .. وتغنيني على الايام
انت شتبي
لو صب مني الدم والله مانخيت لمخلوق ... طبعي كذا عزيز نفس من يوم صغري
انتي مين كلمك
عزة نفسي تكفيني .. وتغنيني على الايام
لا والله تعرف ما افهم حركاتك انا
لو صب مني الدم والله مانخيت لمخلوق ... طبعي كذا عزيز نفس من يوم صغري
( حط واحد يبتسم )
عزة نفسي تكفيني .. وتغنيني على الايام
معليش أسألك سؤال وياليت تجاوبين بجد ومن غير تنرفز
لو صب مني الدم والله مانخيت لمخلوق ... طبعي كذا عزيز نفس من يوم صغري
سألي ... مع اني ماودي
عزة نفسي تكفيني .. وتغنيني على الايام
انت ليه تعاملني كذا .. ولا تقولي هذا اسلوبك انت جد مغرور لكن معي انا غير
لو صب مني الدم والله مانخيت لمخلوق ... طبعي كذا عزيز نفس من يوم صغري
مع الايام بتعرفين .. باي
احلام " ياااربي اموت واعرف ليه .. يارب قرب هالايام "
في محادثة سعيعو × جريكا كتيكا
سعيعو
صباحك شر
جريكا كتيكا
صباحك جرم ( وحطت ضحكه شيطانيه )
سعيعو
شخبارك
جريكا كتيكا
تمام .. شخبارك انت
سعيعو
دووم يارب .. بخيرات
جريكا كتيكا
تسلم .. وياك ( وحطت رمز مبتسم )
سعيعو
الا تعالي وش معنى اسمك
جريكا كتيكا
اسمي بالياباني
سعيعو
اهاا
جريكا كتيكا
( حطت رمز يبتسم )
سعيعو
طيب وبالبنقلادش وش يصير
جريكا كتيكا
للأسف مابعد اطور هههههه
& وفي محادثة يلوموني يـآ ( س . ه ) صراحه قمة الروعه ... وانا والله من شفتك دخلت قلبي بسرعه × قلت للدنيا برب قالت لي تيت خفت اعطيها بلوك تصكني دليت &
قلت للدنيا برب قالت لي تيت خفت اعطيها بلوك تصكني دليت
مين انت
يلوموني يـآ ( س . ه ) صراحه قمة الروعه ... وانا والله من شفتك دخلت
طلال ... انتي ساره
قلت للدنيا برب قالت لي تيت خفت اعطيها بلوك تصكني دليت
اهاا ... ايه انا ساره ماشالله عليك كيف عرفتني
يلوموني يـآ ( س . ه ) صراحه قمة الروعه ... وانا والله من شفتك دخلت
سر المهنه ... ههههههههه
قلت للدنيا برب قالت لي تيت خفت اعطيها بلوك تصكني دليت
مين ( س . ه )
يلوموني يـآ ( س . ه ) صراحه قمة الروعه ... وانا والله من شفتك دخلت
وحده شفتها من اول نظره وحبيتها
( ساره انقهرت منه )
قلت للدنيا برب قالت لي تيت خفت اعطيها بلوك تصكني دليت
اوكي انا طالعه ... بااااااي ( وسكرت الاب كله ونامت )
& عند جريكا كتيكا × سعيعو &
سعيعو
انتي كم عمرك
جريكا كتيكا
معجزه لاتخاف علي
سعيعو
أصير شايبك ولا يهمك ( وحط واحد يغمز )
جريكا كتيكا
انا انودي الناعمة انت تصير شايبي
سعيعو
انودي هاذي قبلنها لكن ناعمة من بعد الرفسة وربي غسلت ايدي منك
جريكا كتيكا
هههههههههههههههه
( وكذا استمرت محادثتهم الى اذان الفجر سوالف على ضحك على تعارف )
& في الصباح _ غسق واماني وريم وهيفا وغرام _ وكان معاهم مساعد &
مساعد كان ماسك ايد غسق ويمشون
& في جهة ثانية &
اماني :. ياااااااااااربي والله مو عارفه شنو اخذ
ريم :. شوفي انتي وهيوف روحو اخذو لكم ملابس وانا وغرووم ناخذ لكم ارواب نوم
هيفا :. طيب يالله
( ريم مشت مع غرام ودخلو افخم محلات ملابس النوم )
غرام اخذت روب نوم اسود طويل وفيه فتحات من الجنب ورفعته لريم :. وش رايك
ريم بخبث :. يااثوره لو ابيهم يشترون لنفسهم كذاا كان خليتهم هم يشترون ( وغمزت لها ) ابي اخلع شئ هنا نشتريه لهم
غرام ابتسمت :. والله منتي بهينه ياريموه
ريم :. افا عليك .. واكثر شئ خلينا نشتري لامون عشان نوسع صدرها
غرام :. هههههههه الا نضيقه وانتي الصادقه
( ريم وغرام اخذو اخلع الملابس الداخليه وطلعو )
( ومر اليوم كله في المجمعات والاسواق )
& في يوم ملكة راكان × هيفا .. خالد × اماني .. الساعة 4 العصر &
( طبعا بو راكان وبو مساعد حجزو استراحة كبيرة عشان يحتفلون بالملكة )
احلام :. يبه احنا ماراح نرجع الشاليهات
بو عبدالله وقف لها :. لا وحنا بكرا راح نرجع وانتوا راح تجلسون مع كم واحد من الشباب هنا عشان تجهزون لزواج هيفا وغسق
احلام :. اهااا
بوعبدالله :. احلام ماعليك امر روحي نادي هيفا واماني عشان يملك عليهم الشيخ
احلام :. انشالله يبه .. بس يبه بدري
بوعبدالله :. عشان خالد يسافر لان طيارته الساعة 6
احلام هزت راسها ومشت وراحت للغرفة
احلام :. هاهاهاهاها جاكم الموت ياتاركين الصلاة
هيفا خافت :. لا تت تتقولين ا احين بي بيم بيملكون
احلام :. ههههههههههههههههه ايه يالله
اماني نزلت دموعها :. والله خايفه
روان :. ترى اخوي ماياكل
غسق ضربتها :. وانتي مو فالحه الا بهالجمله
البنات :. هههههههههههههههه
احلام :. يلاااااااااااااااا قوموا
اماني ضمت ريناد وصارت تبكي
ريناد تبكي :. لاتروحين عني
اماني :. خلااااااص ماني رايحه
ام عزام جات وبعدت ريناد وحضنت بنتها :. خلاااص يايمه ذكري الله ويالله امشي معي
اماني صارت في حضن امها ومشت معها وعطت الشيخ موافقتها ووقعت ورجعت بسرعه عشان ترتب اغراضها
غسق :. يالله هيفا
هيفا وقفت بارتياح وصارت تمشي ولما وصلت الى الباب وقفت
نجد :. وش فيك قلبي
هيفا ضمتها :. ابي امييييييي
ام نايف جات وراها ودمعتها بعينها :. هذا انا هنا ياروح امك خلااااص عاد
هيفا صارت تمشي
& عند الرجال &
الشيخ :. هيفا حمد عبدالعزيز ال .....
هيفا بصوت مبحوح :. ايوه ياشيخ
الشيخ :. هل انتي موافقه
هيفا سكتت :..........
ومرت دقايق
الشيخ :. هل انتي موافقه
هيفا من بعد سكوت طويل ماردت
بو نايف بصوت عالي :. هيفاااااااااااا
&عند هيفا &
هيفا ارتاعت من صوت ابوها .. ام نايف :. لاتخافين يابنتي قولي نعم
& داخل المجلس &
الشيخ :. للمره الثالثة والاخيرة هل انتي موافقه
راكان بدا خوفه وحس انه شوي ويبكي " يالله هيفاا "
هيفا بصوت خفيف :. موافقه
الشيخ :. نعم يا ابنتي
& عند هيفا &
ام نايف :. علي صوتك
هيفا بصوت عالي :. موافقه
ام نايف حضنت هيفا وصارو يبكون وبدا صوتهم يرتفع شوي
طلع فهد :. خلااااص يمه ( وبعدها عن هيفا .. وهيفا ضمته وصارت تبكي )
فهد انكسر خاطره :. خلاااص ياقلبي بلا هالدموع ...
هيفا مسحت دموعها وابتسمت
فهد :. ايه كذا خلك مبروووك
& عند البنات &
اماني بخوف :. جهزتو كل شئ
احلام وقفت قدام الشنطه :. ايه
اماني :. طيب خليني اشوف
ريم بسرعه :. لالالالالالا ماله داعي وش دعوه لهالدرجه مو واثقة فينا
اماني :. لا والله خلاااص اوكي
& عند الرجال &
راكان يهمس لنايف :. هيييي انت
نايف :. هلا
راكان :. ابي اشوف هيفاا
نايف رفع حاجب :. دوور ربعك
راكان :. والي يخليك نيووووف
نايف :. طيب اصبر خلنا نودع بو الشباب
طلال حضن خالد ومن بعد فترة نزلت دموع طلال
خالد كان مبسوط كثير لكن دموع اخوه كسرت بخاطره على فراق توأمه وصار يبكي
بو مساعد :. افا ياطلال افا ياخالد ماهقيت الرجال يبكون
خالد وطلال بعدو عن بعض
طلال وهو يمسح دموعه وبصوت خفيف :. مبروو ك خلوود
خالد :. الله يبارك فيك
عزام سلم على خالد :. مبرووك يالنسيب
خالد :. الله يبارك فيك .. ماعليك امر كلم زوجتي وخلها تطلع عشان نمشي
سعود بخبث :. تبغى اوصلك
خالد :. لا مشكور
راكان :. هههههههههههه ياخي شاك فيك الرجال
سعود :. يحصل هو سعيعو بيوصله
الشباب :. هههههههههههههههههه
& عند اماني سلمت عليهم كلهم &
هيفا :. اماااااااااني
اماني التفتت وراها وشافت عيون هيفا المليانه دموع وراحت وضمتها
هيفا وهي تشاهق :. كنت ابغاكي جنبي بزواجي
اماني :. تكفين لاتقطعين قلبي
ام نايف بعدتهم :. بس ياهيفا خلي البنت تروح
هيفا سلمت على اماني :. انتبهي على نفسك
& عند البنات &
غرام :. عقبااااااااااااااااااااااااالي
ريماس:. بس تكلمت هالخبله
غرام :. جب بس جب انتي
ريم :. مالت عليك مدري وش تبين بالزواج مافيه غير عوار الراس
غسق:. حراااااام عليكم سألوني انا مجربته وربي ما احلى منه
احلام صفرت :. اكششششششششخ يامجرب
البنات :. ههههههههههههه
غسق :. اصلن انا شيجلسني معكم بجد مخابيل
& عند اماني &
طلعت من الاستراحة ولقت قدامه شاب كله رجوله هيبته وكأنه ملك اجذبها بسكسوكته السوده وغترته البيضا وريحة عطره الي كانت منتشره بالمكان كله
خالد تقدم لها ومسك ايدها وباسها :. مبروك
اماني ماتت من الحيا وماقدرت تطلع ولا حرف
خالد نادة الهندي عشان يشيل الشناط .. ومسك ايدها وصار يمشي
& في المجلس &
راكان :. يالله رمووووووس
ريماس :. طيب هذي هي جايه ( وطلعت من المجلس )
وبعد دقايق دخلت هيفا
راكان انصدم :.........
& في المطار &
خالد كان جالس جنب اماني ويسولف معها وهي تختصر الإجوبة
خالد :. تبين اجيب لك شئ
اماني هزت راسها يعني لا
خالد كان بيتكلم بس سمع ان جا موعد طيارتهم :. يالله اماني
اماني حست بخوف ان في هاللحظه بتفارق المكان الي فيه اهلها وراح تبتعد عنهم سنتين وراح تروح مع زوجها الي ماتعرف عنه شئ نزلت دموعها لكنها مسحتهم بسرعه :........
خالد لاحظ دموع اماني :. اماني فيك شئ
اماني بهدوء :. لا مافيني شئ يالله مشينا
خالد :. يالله ( ومسكها ومشى معها )
& عند الحريم &
ام راكان :. يا ام نايف شوفي مانسيتي شئ
ريم :. يوووه خالتي بتروحون
ام راكان :. ايه بكرا الصباح بنمشي
ريماس :. يوه يمه اجل برجع معك
ام راكان :. كيفك تبين ترجعين رجعي بس لاتقولين لي مالقيت لي شئ بالسوق
ريماس ابتسمت :. خلااااص مو رايحه
ريم :. ومن قالك اني بخليك تروحين
ريماس :. هههههه مدري
نجد جات ومعها اغراض
احلام نقزت :. بتررررررررووووحين يالدبه
نجد ببرود :. ايه بروح .. تبين شئ
غسق :. لا نجدووووه لا تروحين
نجد ابتسمت :. خلاص هيوف عاد رتبت اغراضي
غرام :. احنا نرجعهم لك
نجد :. لا مشكورين
ريم :. يوووووووه لا تروحين نجووووووووود
( صارو البنات طول الوقت يقنعون نجد لكنها كانت مصممة انها ترجع )
& عند راكان &
هيفا دخلت وكانت لابسة فستان كحلي قصير فوق الركبة بشوي وفتحت الصدر كبيرة ومن تحت الصدر فيه كرستال من قدام لان من ورا ظهرها يبين وفاتحه شعرها وكانت مخليته بشكل عشوائي لانها مطيحته ... وحاطه فاونديشن خفيف وكانت حاطه كحل داخل العين وغلوس احمر مايل للبرتقالي وكان شكلها ناعم كثير
راكان شافها وانصدم :. ليييييييش
هيفا خافت :. شنو الي ليش
راكان يأشر على حمودي :. هذا ليش معك
هيفا شالت حمودي وجلست بعيد عن راكان :. هههههه مايصير ادخلك لحالي
راكان :. انا تدخلين لي ابوك ولا تدخلين هذا
هيفا :. هههههه حرام عليك ( حمودي كان واقف جنب هيفا ويلعب بفستانها )
راكان تنهد . وبعدها طالع هيفا وابتسم :. شخبارك
هيفا " تو الناس " :. بخير
راكان " ليه مبعده اسأله ولا لا قديمه هالحركات " ( قام وجلس جنبها وباس خدها ) :. مبرووك
هيفا انحرجت ونزلت راسها :. الله يبارك فيك
راكان اخذ علبة كبيرة شوي لونها احمر مخملية وشريطة لونها ذهبي ملفوفة عليها وفتحها وكان مكتوب عليها r + h وفيها دبلتين روعه وحده كانت ذهب ومن الوسط كلها كرستال وناعمة ومكتوب في داخلها ( هيفاء + راكان = أحبك ) ودبلة فضية كان شكلها حلو وناعم كانت تنتهي من فوق بمثلثات زي التاج ونفس الشئ في داخلها مكتوب ( راكان + هيفاء = أحبك ) ( راكان اخذ ايد هيفا ولبسها الدبلة وباسها ... وهي اخذت الدبلة وهو مد ايده وكانت ماسكتها باطراف اصابيعها وبتدخلها عشان ماتمسك ايد راكان لكن الخاتم ماكان يدخل " راكان ابتسم بخبث " هيفا اضطرت انها تمسك ايده بالايد الثانيه ودخلت الخاتم وابتسمت ونزلت راسها )
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك