رواية ما رجيت من الفرح إلا رضاك و ما بكيت إلا علشانك قهر -84
فيصل بخير دامك بخير أنا بالمستشفى جيت أوصل أهلي
سحر ابتسمت خالتي جات تزور
فيصل وهو يسلم على صالح اييه
صالح ابتسم سحر يا خي فك شوي حتى بالمستشفى
فيصل ههههههههههه رجع لسحر ايواا
سحر ابتسمت من ذوقها والله أنا الحين جايه
فيصل انتظرك
سحر فيصل...
فيصل عيونه
سحر ترا أنا جايه ازور بنت عمي هاا
فيصل سكت شوي بعدين فهم هههههههههههههههههه اوكيه مو مشكلة يعني ما يصير نشوفك
سحر ابتسمت اوكيه يللا باي
رفع الجوال بتوتر هلا هلا عمي
أبو فارس بهدوء طمني يا هشام
هشام قال بتوتر الحين مدخلينه للعملية دعواتك عمي
أبو فارس بخوف على ولده الله يقومه بالسلامة آميين
خذ خالتك
هشام اوكيه عطني هي
أم فارس ببكى الوو هشاام
هشام قال يطمنها هلا خالتي لا تخافي بيقوم إنشاء الله بالسلامة
أم فارس بخوف وهي تبكي لا أوصيك عليه يا هشام اول ما يخرج تطمنا
هشام ابشري من عيوني يا خالتي
سكر منها وقبل لا يرجع يروح دق الجوال مره ثانيه
رفع هلا أمي هلا بالغالية
أم سامي بشوق وقلق هلا حبيبي كيفكم هناك دخل العملية فارس
هشام ادعي لي يمه بيدخلوه
أم سامي الله يشفيه ويرفع عنه يا رب
هشام قال بهدوء أمي......
أم سامي يا روح أمك أنت آمر
هشام...........أمي دانة أمانتك
أم سامي طالعت بدانة اللي قاعدة تتكلم مع عايشه ابتسمت بحزن إنشاء الله بعيوني أنت بس خليك مع فارس وطمنا اول بأول
هشام تطمن يللا مع السلامة
رجع الجوال وتنهد وراح وقف عند باب الغرفة حقت العمليات صار له ساعة بالغرفة بس ما قال لهم عشان ما يخافوا
وفارس بين الأجهزة والأدوات يا حياة يا موت
أطباء وجراحين كثار كانوا عنده
هشام رفع راسه يا رب ترحمه برحمتك وتشفيه وترد له عافيته
قال بعصبيه وهو واصل حده منها كلمة ورد غطاها الحلال بيتوزع ومالك منه شي كافيك اللي لعبتي فيه
خديجة ببرود وريني شبتسوي مثلا
عم دلال أبو عمر بعصبيه غصب عنك وعن أشكالك يا حرامية
مالت عليك يا شيخه كلك بلاوي
سكر بوجهها التلفون وهو يرجف من العصبية الله ياخذها ما تفهم
ولده الكبير عمر هدي يا بوي بتاخذه غصب عنها
أبو عمر قال وهو يزفر والله سكت لها كثير لكن شكلها ناويه على نفسها
عمر وهو يصب القهوة لأبوه وش بتسوي
أبو عمر اخذ الفنجان مالها إلا المحاكم تربيها
عمر جلس يستغرب منها حرمه وبهالقوة
بس حلال عمه ضاع بين يدينها حتى الزكاة ما تطلعها
طالعت ببنتها والله إني خايفه منهم اش بيسووا
دلال وهي تدخن ما عليك بس ما يقدر يسوي شي هالصعلوك
خديجة بخوف قاعد يهدد والله خايفه توصل الشغله لمحاكم
دلال يوووه أنا اوريك فيه بس خليه يتصل مره ثانية
خديجة طالعت فيها اشصار على فارس
دلال لا تذكريني فيه الله لا يقومه
خديجة ابتسمت بس الله انتقم منه عشانك شفتي أنا أقولك اصبري يا بنتي الله ما يضيع
دلال حاست بوزها اييه بس بس خليني أشوف المسلسل
خديجة قامت بتطلع للسوق تقضي وهي خايفه من اخو زوجها المتوفي
صار لهم مده طويلة يطالبوا بحقهم من الورث وهي أخذته كله وما هي راضيه تعطي احد شي منه
.
.
بتنجح عملية فارس ورنا كيف بتكون ردة فعلها؟؟؟
.
.
.
أخطاء الآخرين هي دائماَ لمعاناَ لأخطائنا . ( مثل روسي ) .
الجزء الخمسون
حبنا لشخص لجماله ليس حبا ، ولكن عندما نحبه رغم عيوبه .. فهذا هو الحب بكل تأكيد
** أحبك تعني .. أحب أن أساعدك في كل شيء... **
اوكيه انتهى لكن في ظروف خاصة تمنع افتتاحه الآن
بهذي الجملة أنهت مكالمتها
طالعت بصالح اللي دخل توني راجعه من عند رنا
صالح وهو يجلس جنبها هاا كيفها اليوم
لنى بحزن نفس ما هي
صالح رفع راسها لنى لا تستسلمي للحزن إذا تحبيها ادعي لها وتصدقي عنها
الصدقة هي دوا المرضى
لنى نزلت عينها بحزن إنشاء الله
صالح ابتسم يلطف الجو اش مسويه لنا غدا اليوم
لنى بابتسامة امم رز ودجاج
صالح ابتسم لنى كم مره سويتي هالأكلة إلى الآن
لنى ههههههههههه ضحكت بإحراج عاد اش أسوي ما اعرف غيرها
صالح وهو يوقف لو إني ما ابغا آكل من يدينك كان قلت للطباخات يطبخوا
لنى ابتسمت هو كذا بس تغيير شوي
صالح وهو يطلع معها لغرفة الطعام كلمت هشام اليوم
لنى باهتمام ايواا
صالح يقول فارس بدا العلاج
لنى الله يشفيه ويرجعه سالم
صالح وهو ياخذ الصحن آميين
طالع فيه بضيق ولف وجهه
فارس وهم يغيروا له المغذي بعد العملية بيومين توه يفوق من البنج
طالع بهشام وقال وين رنا لكن صوته ما طلع
هشام طالع فيه ابتسم يطمنه لازم تكون نفسيته زينه عشان يستجيب للعلاج
لا تخاف رنا بالخبر تنتظرك ترجع لها
فارس غمض عيونه بألم ما يقدر يتكلم ع الأقل خلال يومين
هشام خاف عليه فارس تحتاج شي أنادي الممرض
فارس هز راسه واشر له خليك
دخل الدكتور بعد ما دق الباب
قام هشام هلا دكتور
الدكتور ابتسم كيف فارس اليوم
هشام بابتسامة حزن تحمل الكثير من الألم على خوي عمره انتظرك تخبرني دكتور
الدكتور وهو يكشف عليه ما تكلم
هشام كان يتابعه
غطا مكان الجرح مره ثانيه اوكيه اخوي فارس شيين لازم يرافقوك الحين
فارس رفع عيونه له بيأس
الدكتور ابتسم بأمل نبدا الكيماوي اليوم لكن زي ما قلت لك لازم الغذاء والنفسية
ارتاح خليك مرتاح إنشاء الله بتتحسن وتصير أحسن من اول وترجع لأهلك وناسك
هشام ابتسم يأيده
الدكتور كمل الغذاء التغذية لها دور رئيسي بسرعة العلاج
طالع بهشام قبل لا يخرج واشر له تعال
انتبه على فارس سرحان
طلع لمكتب الدكتور وهو متوتر بعرف الدكتور مستحيل يتكلم قدام فارس
وقف عند راسها وهي نايمه تنهد بهم الله يكون بعونك يا بنتي
انتبه بمويه عند عينها
جا يمسحها
لكنها طاحت كانت دمعة منها
وبعدها لحقها سيل من الدموع بصمت
فتحت عيونها ........فااااارس
أبو سامي باس راسها بفرح الحمد لله ع السلامة حبيبتي
رنا أشرت له وصوتها رايح
أبو سامي شربها من المويه
رنا رجعت راسها بابا وين فارس - بكيت - شصار عليه
أبو سامي قال برقة فارس بخير ادعي له أنتي
رنا قالت بعناد ودموعها ما جفت بابا فارس وينه ليه ما جا
أبو سامي طالع بأم سامي وسعود وسامي اللي دخلوا فارس يتعالج مع هشام مسافر
رنا بكيت
أبو سامي لف عنها بضيق ما يحب يشوف دموع بنته
أنا خارج
سامي يوصله للسيارة مع السواق الله معك
سعود قرب منها رنوو حبيبتي كيفك اليوم
رنا هزت راسها وهي تبكي ما ني بخير اللين أشوف فارس
أم سامي تهديها ما يصير يا رنا استغفر الله هذا قضاء وقدر
رنا من بين دموعها استغفر الله يا ربي بس ابغا أروح لفارس خذوني له
سعود تنهد رنا فارس بالمانيا مو هنا
رنا شهقت متى سافر
سعود يطمنها سافر مع هشام يتعالج صار له أسبوع اليوم
رنا هزت راسها بقلة حيله وهي تبكي ما اقدر أروح له
سعود بحنان لو رحتي ما بتستفيدي
رنا وهي تبكي ليه
سعود يفهمها لأنه فارس الحين لازم تكون نفسيته زينه وقت العلاج إذا كنتي معه بيحس بالنقص والضعف قدامك وما بيقدر يكمل العلاج وبينتكس العلاج اللي راح له
رنا وهي تمسح دموعها اللي مو راضيه توقف شبه اقتنعت كلامه منطقي اوكيه ابغا أروح بيتي
أم سامي وهي تمسح على شعرها انتظري حبيبتي اللين يكشف عليك الدكتور
سامي دخل باس راسها وابتسم كيفك اليوم
رنا ساكته بس كل شوي تشهق بالبكى ما هي متخيله نفسها بدون فارس قالت بهمس الحمد لله
الريم وهي تفتح الباب هلا هلا تفضل عبوود
دخل عبد الإله بابتسامة ومعه هند
الريم ابتسمت شهالمفاجأة الحلوة
عبد الإله ابتسم مرينا على رنا هند زارتها مو قامت
الريم بمفاجأة بالله قامت الحمد لله يا ربي أكيد منهارة
هند بحزن تنهدت والله لو تشوفيها ما كأنها رنا للي تعرفيها مسكينة
الريم بحزن الله يكون بعونها
عبد الإله بجدية قلنا نمر عليك عندي خبر غريب عجيب
الريم ابتسم قول يا بو العجايب
طالع بهند وابتسم
الريم طالعت فيهم بفرح ليكووون حامل
عبد الإله ههههههههههههههههه يا هالنونو اللي الكل يبغاه وهو مو راضي يجي
هند ضحكت بحيا ههههههه لا خبر اغرب بصراحة اول مره تمر علي قصة كذا
الريم شوقتوني
عبد الإله قال وهو يرجع شماغه على كتوفه العريضة
تذكري عبد الرحمن أخوي
الريم قالت بعد صمت اييه اذكره
عبد الإله قال بجدية.......
وهو رافع أكمام قميصه ومرجع الكاب على ورا
اشر للعامل حط هذا هنا
وهذا شيلوه ما ابغاه
كانوا يركبوا المطبخ ببيته
رفع جواله واتصل عليها
أشر للعامل هذي هنا حطوها
رفع الجوال لأذنه لما ردت بابتسامة هلا
سمر ابتسمت وهي توقف عند الباب آهليين
خالد ابتسم كيف الحلوين
سمر بهمس خالد أنا عند رنا
خالد اووه كيفها قامت
سمر بحزن ايواا والله مره تحزن
خالد تنهد اوكيه مو مشكلة أنا بجيك اليوم بالليل
سمر فرحت لكن بنفس الوقت مره كاسره خاطرها رنا اوكيه انتظرك
خالد قبل لا يسكر قال سمر
سمر يالبيه
خالد ابتسم لا تحزني قدامها تكلمي وكأنه ما صار شي عشان ما تظل تعبانه
كافيها للي فيها
سمر هزت راسها وكأنه قدامه اوكيه
ابتسم باي
لف وجهه بسرعة عنهم وهم يعطوه الكيماوي
أول ما حط الدكتور الإبرة كانت ردت فعله كأنه رجع كل اللي بمعدته لكن دم!!
شكله فضيع
ما تخيل انه بيجي اليوم اللي يشوف أعز إنسان عنده بهالشكل
فارس كان شي واحد يوصف حاله كان ضعيف بالمرض
الكيماوي علاجه قوي وجسمه ما تقبله بالبداية
كانت ردت فعل الجسم قويه
طلع برا ينتظره ما يقدر يشوفه وهو بهذا الشكل
رجع راسه بتعب أول ما عطوه المهدئ
دخل هشام شافهم يخرجوا من عنده
ابتسم وهو يجلس فارس وش ودك تتغدا اليوم
فارس هز راسه بتعب لا تجيب لي شي
هشام طالع فيه وش قالك الدكتور أبو الفوارس لازم تتغذا زين
فارس رفع راسه بتعب الحين مو مشتهي شي مسك راسه بس خليني أنام
هشام وقف اوكيه بروح انادي لك الممرض يعطيك شي
ناداه ورجع كان فارس نايم
اخذها فرصة يرجع الشقة اللي مستأجرها عشان يجيب له بدل و يتروش ويجي
دخل الشقة الهادية
ما جلس فيها للآن غير يوم العملية نام فيها لأنه عملية فارس طولت
فتح المويه وراح يطلع له ملابس
جات بباله دانة لما كان يجي يتروش وتكون مجهزة له ملابسه
رفع الجوال بيدق عليها يسمع صوتها ورجعه
تنهد بأمل وهو يتذكر لما سعود كلمه قال له انه رنا فاقت
وهو جالس بأمان الله في مجلس أبو رائد
كان ماسك جواله يمسح بعض الأرقام فيه
انتبه على ريحة عطر نسائي قويه
رفع عينه ورجع نزلها بهدوء هو متعود يشوف حريم لما كان بأمريكا لكن ما تعود يجلس معهم
وهذي........ بايعتها
وقفت قدامه بابتسامة وراها شي مدت يدها هلا بشار
بشار ارتبك وعينه ع الجوال
ما رد عليها
عهود وهي واقفة بميله السلام عليكم
بشار بهدوء وعليكم السلام
عهود جلست جنبه
بشار استغرب من وقاحتها سبحانك ربي الفرق بينك وبين أخوك وقف بيطلع
عهود قالت بسرعة بشااار
بشار وهو بيطلع وقف عاطيها ظهره نعم
عهود اسمع طيب بس بسولف معك ما فيها شي
بشار طالع فيها باحتقار ما فيها شي لو دخل أبوك وإلا أخوك ما فيها شي
عهود نزلت عيونها ليدها وهي تلعب بالشيلة الخفيفة اللي لابستها انزين أنا اطلع كذا بالشارع وقفت عليك أنت
بشار بحده اييه وقفت علي أنا .....أنا ما التفت لبنت راميه نفسها علي
تركها وطلع
تأففت اوفف معقد هالولد بس بجلس اللين أجيب راسك وأنا عهود
دخلت قصرها بهدوء
إلى الآن كانت ماسكة نفسها
سعود ابتسم رنوو أنا مضطر حبيبتي أروح هلو بطريقها جايتك
رنا لفت عليه وهي منكسرة .....سعود الله يخليك ابغا أظل لحالي لا حاد يجيني
سعود احتار بس لازمـ..
رنا رفعت عينها له وهي تقرب منه سعود دخيلك خليني لحالي كذا أريح لي
سعود تنهد اوكيه إذا احتجتي شي ما يردك إلا التلفون
رنا بهدوء إنشاء الله
سعود وهو طالع طبعا بمر أجيبك بيت أبوي تنامي فيه
رنا بقوة ما اخرج من بيتي من غير فارس رفعت عينها له سعود أنا قلت لك وقول لأمي لأني ما بخرج من بيتي لو على موتي
سعود طالع فيها عنيدة يا ربي من حقك مخاويه هشام اوكيه ع راحتك
طلع وخلاها
طلعت بالاصنصيل وحجابها على كتوفها ولابسة عبايتها
انفتح الاصنصيل على جناحها طلعت جنبه كان دخل مكتب فارس
لفت انتباهها المدخل وقفت قدامه
طالعت بالبرواز المحطوط عليه صورتها مع فارس بأسبانيا وجنبه برواز صغير مكتوب عليه كلمات اول مره تقراها
......
يا روض عشب زاهي بالنواير.هيضت قلب المهتوي للأغاني
وأحرقت قلبي مني تالي عصير .وذكرتني باللي غلاه احتواني
راعي الرموش الناعسات المفاتير
ولاني, ولاني منكر إنه ولاني
يومه قبالي يمسح الدمع ويشير.صوب المغيب وقال: اسمع تراني
أخاف من بكره لو يصير ما يصير
إن غبت عنك غصب تنسى حناني
وأقوله غير هالحكي وش غير .ويقول ما غيره ولا شي ثاني
وأرخى هدب عينه وهلت محادير
نهيت القلب عنك وعصاني
حاول يداري دمعته صاحبي مير .أخنقته العبرة وصد وبكاني
.......
ضمت البرواز لصدرها
نزلت دموعها بصمت غمضت عيونها بألم وينك يا فارس البيت من دونك ما يسوى
كتم صرخة كانت بتطلع منه من الألم
حرك راسه بألم وهو مغمض عيونه
هشام لف وجهه عنه بحزن الله يشفيك
الدكتور بعد ما اعطاه العلاج اشر للمرض انتبه بتكون ردة فعل جسمه سريعة
طلع
هشام غمض عيونه وهو يسمع صوت فارس وهو يرجع الدم
سند راسه على قزاز الغرفة
فارس صرخ بالممرض ابعد عني
الممرض يا ما مرت عليه حالات زيه بعد عنه شوي
فارس اخذ المنديل بضعف ومسح فمه
طالع بهشام الواقف هشاام
هشام رفع عينه له آمر
فارس بألم اتصل على رنا خلني اسمع صوتها
هشام طالع فيه بحزن اوكيه فارس بس مو تعب عليك الحين
فارس ويحس روحه بتطلع رفع عيونه بعتاب عمرها ما كانت رنا تعب علي
هشام جلس جنبه اوكيه دقايق
رنا كانت لساها واقفة عند المدخل ما هي قادرة تدخل جناحها كل شي يذكرها فيه
فاقدته
دق الجوال بشنطتها تذكرت الجوال صار لها مده تاركته
مدت يدها للشنطة وهي ناويه ما ترد
شافت الرقم خارجي
رفعته على طول وبصوت كله بكى الوو
هشام طالع بفارس هلا هلا برناي شلونك حبيبتي
رنا بكيت هشااام
هشام قطعت قلبه قال بهدوء عيونه آمري
رنا وهي تبكي هشام دخيلك تعال خذني لفارس مو راضيين يودوني له
هشام نزل عيونه عن فارس اللي يراقبه بتعب وهو مسند راسه ع السرير
اوكيه حبيبتي هذا فارس يبغاك
عطاه التلفون
فارس بصوت مبحوح الوو
طلع هشام وخلاه براحته
رنا من يوم سمعت صوته شهقت بالبكى فااارس
فارس عيونه دمعت بألم يالبيه يا رنا فاقدك حيل
رنا وهي تبكي من قلب هزت راسها مو قادره استحمل الله يخليك يا فارس
فارس غمض عيونه والألم يزيد راجع لك يا رنا راجع لك حبيبتي
رنا صوت بكاها هو اللي طلع
رجع السماعة ع الطاولة اللي قدامه وهو يحط المنديل على فمه بسرعة
حط راسه قدام السلة اللي جنبه ورمى المنديل المغرق فيها
جسمه فقد كمية من الدم مو هينه
دخل هشام شافه ضرب جرس السستر بسرعة
قرب منه وهو يساعده فارس ارتاح يا خوي رجعه ع السرير
اخذ الجوال كانت رنا قفلت بعد ما ترك السماعة فارس
دخلت الغرفة كانت أشياء فارس موجودة روبه الديشانبور ع السرير لسى
رمت نفسها ع السرير وهي تشم ريحته وتبكي بحرقه
دانة طالعت بأبوها وهو يجلس قالت بهدوء وعيونها من البكى صارت ذابلة يغلفها الحزن على طول كلمت فارس
أبو فارس طالع فيها وهو يفتح قلاب ثوبه كلمت هشام يقول فارس يتلقى العلاج بس بيتعب تنهد الحمد لله على كل حال
دانة من سيرة هشام عيونها دمعت لفت عن أبوها
سرحت فيه
مسحت دمعه طاحت من عينها اشتاقت له
ولهواشه
ونظراته الحاده
اشتاقت لصينية الفطور اللي يا ما تضاربوا عليها
أم فارس دخلت تنهدت وهي تجلس دانة اشفيه وجهك صاير اصفر
أبو فارس طالع فيها من الهم يا بنتي لازم تاكلي
دانة بحزن والله مو مشتهيه شي يا بابا
أم فارس طالعت فيها بشك ليكون حامل
دانة ارتبكت لا
وقفت بروح أسوي لي كوب نسكافيه أريح أعصابي فيه
أم فارس روحي يا بنتي والله صايره زي الريشه من الهم
يا قلبي عليها
أبو فارس طلعت رنا
أم فارس يا عمري عليها هذي الثانية طلعت وهي فبيتها مو راضيه تروح لبيت أبوها بدون فارس
أبو فارس تنهد بهم الله يكون بعونها هالمسكينة
أم فارس آمييين
طالع فيه بحزم أنا بكره لازم أكون بالخبر
رائد اوكيه أنا بحجز لك اجل
بشار اوكيه مو مشكلة
طالع فيه رائد
رائد رفع عيونه عن الجهاز نعم
بشار بشرود أختك عهود كم عمرها
رائد طالع فيه ليه تسأل عمرها امم خمس وعشرين
بشار بباله قلة الحيا مو مستحيه على وجهها بهالسن وتسوي هالحركات
كم مرة حاولت فيه انه يكلمها بس هو مو عاطيها وجه
رائد ما جاوبتني ليه تسأل ليكون ناوي تخطبها
بشار ابتسم بمجاملة لا ما أفكر اتزوج الحين أصلا
رائد ترك الجهاز ما قلت لي أنت اش ناوي عليه الحين
بشار بهم زي مانت شايف بفتح محل صغير أشوف رزقي فيه
رائد بعد صمت من فين بتجيب المبلغ
بشار قام يحلها ربك مع إني مصفي ع الحديده
رائد تنهد وهو يقوم من السرير خلني اطلع أسوي لك الحجز
بشار أنا بنام شوي قفل الباب وراك
طلع وقفل الباب
بشار فتح المحفظة الله يستر فاضيه طلع بطاقة محمد اللي عطاه هي ما يذكر انه بقى فيها شي
تنهد يبغا يرجع الخبر اول الأشياء اللي بيشوفها بيشوف المسجد وبيخليه باسم محمد الشهيد
ابتسم بحزن اييه يا محمد الله يتغمدك برحمته
خالد ابتسم باس يدها أشوفك على خير بتوحشيني والله
سمر بحيا حتى أنت
خالد بابتسامة لا أوصيك على نفسك
سمر هزت راسها بابتسامة إنشاء الله
طلع ورجعت هي ع الصالة
سحر لابسه عبايتها يللا سمر تأخرنا
سمر أخذت عبايتها اوكيه يللا
طلعوا رايحين بيت رنا
سمر بالسيارة رجعت راسها ع الكنب الله يعينها
سحر تنهدت الله يسمع منك
نزلوا
اول ما دخلت القصر كانت أنواره مطفيه
وهادي
سمر بحزن يا عمري عليها تلاقيها مقطعة نفسها بكى
شافت الخدامة سحر وين مدام رنا
الخدامة فوق بغرفتها
سحر طالعت بسمر امشي
طلعوا فوق
دقت الباب سمر وهي تقول بهمس من حقها والله فارس خلاها تشرب اسمه مع المويه
سحر اول ما انفتح الباب ضمتها
كانت رنا لابسة روب نوم وعليه روب حرير ديشانبور ومخليه شعرها بحريتي
وجهها لو في شعار يحطوه للحزن هو
كانت دموعها بعينها اول ما سلمت على سمر وسحر بكيت بصمت
سمر أخذتها من يدها وجلستها تحت في الصالة وهي تفتح الأنوار عشان ما تحسسها بجو الحزن
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك