رواية مشى و خلاني ما بين نيراني و بين احزني -7
ساره وريماس وغسق واحلام :. هيييييييييييييييييياااااااا
مساعد صار يمشي وغسق تناظر فيه وابتسمت وتوجهت له على طول وبهمس :. مبرووك
مساعد رفع حاجب :. بس مبرووك
غسق قربت منه وباسته بسرعه
مساعد :. يااااااااويل حالي
خالد صرخ من بعيييييييد :. هييييييييييييييي مو وقت غرامياتكم
غسق انحرجت ونزلت راسها
& عند ريم &
معاذ كان شايلها وخايف مهو عارف وش يسوي لكنه سمع صوت " يممممه بنتي "
معاذ التفت عليها بسرعه :. هاذي بنتك
ام نايف وهي خايفه :. ايه وش فيها ريم ياولدي
معاذ :. مدري ياخاله بس تعبت شوي
الكل جاء على صوت ام نايف
ام راكان :. ياولدي حطها خلها ترتاح
معاذ كان مرتبك لان الكل كان موجود وكلهم كبار وجاء بيحطها
ابو عبدالله :. لا وش يحطها دخلها داخل ياولدي خلها ترتاح
معاذ لف وجا بيدخلها داخل الشاليه
ابو نايف بخوف :. ماتشوفون البنت مغمى عليها وش يدخلها ابو عزام ماعليك امر شغل السيارة وانت ياولدي ودها المستشفى وانا بجي معاك
ابو عزام مشى ووراه معاذ الي كان شايل ريم وهو خايف عليها
& عند الشباب &
الشباب جلسوا والبنات جلسوا جنب المرجيحه وريماس وغرام وريناد يلعبون
غسق :. هههههههههههههههههههههههههه وربي بطني خلااااااص مو قادره امسك نفسي
اماني :. رنووووووووووووووووووود بلا غباء شوي شوي والله لو احد يشوفك يصورك بلوتوث اول مره تركب مرجيحة
ريناد ماكانت تسمعهم وتسرع بالمرجيحة بشكل هبالي
البنات :. هههههههههههههههههههههههههههههه
نجد جات وتكتفت جنب مرجيحة ريناد
ريماس :. اقول نجدووووه بعدي لا تطيرك
نجد تحاول تمسك المرجيحة لكنها مو قادره :. مو مبعده ( وصرخت ) قوووووووووووووووووووووووومي المرجيحة هاذي انا جالسه عليها قبلك
ريناد تمد لسانها :. والله لو ترقين السما وتنزلين مو قايمه
البنات :. ههههههههههههههههههههههههههههه
ريناد كانت تلعب ولما تنزل ترمي رمل برجولها على نجد
نجد بعدت :. ليييييييييييييييييييييييه حرام كذا يالدوبه
& عند الشباب &
سعود :. يالله
راكان :. وش فيك
سعود :. امي متصلة علي وجوالي خلصت بطاريته وطفا
نايف :. انا جوالي ما اخذته
الكل :. ولا انا
سعود :. اوكي انا بروح اشوفها وبرجع
مشى سعود وكان يشوف البنات وهم يلعبون وجا بيمر لكنه في احد دزه ووصله عند اخر الحديقة
سعود صرخ :. ااااااااااااااااااااااااااااااه
البنات شهقو
ريناد خافت ورمت نفسها بسرعه من المرجيحة وتوجهت لسعود :. صار لك شئ
سعود طالع فيها بعين وحده وهو يحاول يقوم :. لا بس انكسرت رجلي
ريناد ابتسمت
سعود وهو يتألم :. انتي الي دزيتيني
ريناد هزت راسها يعني ايه
سعود " لا وتعترف بعد " وبعفويه :. الله ياخذك
ريناد شهقت :. ياخذك قبلي
سعود :. هههههههههههههههه ول طلعتي منتي بهينة ام لسانين
ريناد :. مالت عليك وعلى الي جاي يطمن عليك
سعود قام ونظف نفسه من الرمل :. اهم شئ انك معي
ريناد خذت حصى وجات بترميه عليه لكنه انحاش
& عند البنات &
فهد تقدم لهم من غير لايحسون وهمس لـ :. معليش تجين معي ابغى اكلمك بموضوع
....:. اوكي
ومشو بكل هدوء وبعد فترة :. تكلم
فهد :. اممم نجد انتي ليه غامضه
نجد :. غامضه
فهد :. ايه وبالقوه بعد
نجد ابتسمت :. مو غموض لكن تقدر تقول هاديه او حيوية كثير لدرجة اني استحي اتكلم قدام أي شخص
فهد ابتسم :. الله خلق وفرق
نجد :. فهد طيب ممكن اعرف انت ليه مهتم فيني
فهد ارتبك :. لانك بنت عمي ومن حقي اهتم فيك
نجد :. بس عشان كذا ماهو شي ثاني
فهد استغرب :. شي ثاني مثل ايش
نجد :. مثلا تكون حنيت علي او رأفت بحالي لان مافي احد قريب مني
فهد :. ليه احن عليك انتي وش فيك
نجد :. انا دايم لحالي وحتى لما اجي اتقرب من احلام او اتكلم معها تكون دايماً مشغولة بصديقاتها الي هم ريماس وريم وغرام وماتعطيني نص الاهتمام الي تعطيهم اياه وانا احلام رغم انها اصغر مني الا اني استحي اتكلم معها او اقول لها وش فيني فكيف مثلاً اقول لامي.. فانا طول عمري كنت وحيدة على ان الناس الي حولي كثير الا اني ماعندي احد ألجأ له اكثر من مره اتضايق وتصير لي مشاكل واذا جيت ابغى احد يواسيني الكل يتخلى عني واكون لحالي للمره المليون قلي لو انت مكاني وش تسوي اذا تبغى احد ماتلقاه ولا احد يهتم فيك عشان كذا الغموض او الهم هم المصدر الوحيد الدافي بالنسبة لي ( ونزلت راسها ونزلت دموعها )
فهد انكسر خاطره :. انا اسفه ما كنت اقصد اني افتح جروح تحاولين انك تداوينها لحالك
نجد مسحت دموعها :. لاعادي
فهد سكت :...............
نجد سكتت :...............
وبعد فترة دامت بالسكوت
فهد :. تصدقين انا حياتي تشبه حياتك
نجد :. وشلون
فهد نزلت دموعه ولاول مره بحياته
نجد استغربت " فهد عمره مانزلت دموعه لهالدرجه في شئ بحياته صعب لدرجة انه ينزل دموعه " :. فهد فيك شئ
فهد مسح دموعه بسرعه :. لا ابد سلامتك
نجد :. اذا فيك شئ تراني مستعدة اسمعك وقلبي مفتوح لك باي وقت
فهد ابتسم لها :. تسلمين
نجد :. الله يسلمك
& عند الحريم &
سعود :. يمه ناديتيني
ام راكان بسرعه :. لا ياولدي روح للشباب
سعود :. لا اذا تبو
ام مساعد قاطعته :. سعووووووود خلاص مانبغى شي
سعود خاف :. اوكي براحتكم
ومشى ورجع للحديقة وشاف ريناد واقفه مد لها لسانه ومشى
ريناد :. ههههههههههههههههه
اماني :. استخفيتي
ريناد :. ههههههههه ايه
ريماس وغرام واحلام وروان كانو يلعبون وريماس هي الي تصيدهم
ريماس تلحق احلام :. صايدتك والله صايدتك
احلام تركض بسرعه :. مااااااااااتقدرين
ريماس تعبت من احلام ولفت تلحق غرام
احلام تركض :. ههههههههههههه ماصدتيني ( وصدمت بشخص )
بندر بعصبيه :. ياخي مافي غيري تصدمين فيه
احلام ببرود :. انت الي تلاحقني
بندر :. لحقك جني قولي امين
احلام :. طس مناك
بندر عصب :. شنوووووووووووووو قلتي
احلام :. انت شتبي فيني قلت لك طس
بندر " يالله صبرني على هالبنت " :. والله انا شكلي بيجي اليوم وبتقتليني بحركاتك
احلام رفعت اياديها :. امييييييييييييين
بندر بقهر :. اقوووووووول انقلعي عن وجهي لاتنقلب الآيه واذبحك انا
احلام مشت بعد ماتأكدت انها قهرته :. ههههههههههههههههههههههههه
& في المستشفى &
كان بو نايف وبو عزام ومعاذ واقفين عند باب الغرفة الي فيها ريم
معاذ بخوف :. عمي مو كنهم طولو
بو عزام حط ايده على كتفه :. انشالله مافيها شي ادعي ربك انت بس
بونايف ومعاذ :. امين
طلع الدكتور وعلى طول راح له معاذ :. خير بشر يادكتور
الدكتور :. انت شو بتأرب لا ( انت شنو تقرب لها بالسعودي هع )
بوعزام بسرعه :. زوجها بس اخلص علينا وش فيها ريم
معاذ ابتسم رغم خوفه وكانت تتردد عليه كلمة " زوجها "
الدكتور :. اطمنو ريم مابها شي بس دوخه بسيطة وبتروح
بو نايف :. يعني ندخل لها
الدكتور :. هلئ بتأدروا تدخلوا الها وفيكن تطلعوها كمان
بو عزام :. مشكور دكتور ( ودخل بوعزام على طول لها )
بو نايف :. ولدي يا
معاذ ابتسم :. اسمي معاذ عمي
بونايف ابتسم :. والنعم ياولدي
معاذ :. الله ينعم بحالك
بو نايف :. ادخل تطمن عليها والله خوفك عليها يدل على تربيتك الزينة يامعاذ
معاذ :. تسلم عمي بس ياليت تعطيها خبر
& في الحديقة &
غرام كانت تركض وريماس وراها وترمي عليها حصى
غرام :. ااااااااااااه رمووووووووووووس والله حرام عليك
وتخبت ورا شخص بسرعه ريماااااس وقفت :. بسرعه بعد عنها
فيصل :. ماني مبعد وش بتسوين
ريماس :. بعد احسن لك
فيصل :. والي ماراح يبعد وش عندك
ريماس :. هههههههههههههههه ( وركضت ودزت فيصل بأقوى ماعنده وانحاشت وفيصل طاح على غرام وبعد عنه بسرعه والتقت عيونهم بنظرة شوق
فيصل بارتباك :. اا اسف والله
غرام نزلت راسها :. اوكي حصل خير ( وراحت عنه )
& عند الحريم &
ابو راكان :. يا ام راكان بو نايف يقول ان ريم بخير وهم شوي وراجعين
ام نايف :. الحمدلله يارب
ام راكان :. الله يخليك يابو راكان مثل ماريحتنا بهالخبر
& في المستشفى &
بو عزام :. الحمدلله على السلامه يادلوعه انتي
ريم بتعب وهي تحاول تتذكر شنو صار لها لكنها اخر شي تتذكره صرخة فهد قطع تفكيرها صوت ابوها :. خوفتيني عليك يادبه
ريم ابتسمت له :. متى بطلع يبه
بو نايف :. احين يابنتي بس خلينا نخلص اجراءت المستشفى . ايه صح ريم حطي شيلتك على راسك
ريم :. ليه يبه
بو نايف :. معاذ يبغى يدخل
ريم تذكرت انها كانت بحضنه وكيف كان خايف عليها :. معاذ وشلون جا هنا
بونايف :. الله يخليه انشالله هو الي جابك مسكين تعبناه معانا
ريم ابتسمت وعدلت شيلتها
بونايف طلع لمعاذ :. ادخل ياولدي
معاذ دخل وشاف ريم ونزل راسه :. الحمدلله على السلامه
ريم :. الله يسلمك ...
بونايف :. يامعاذ قالو لك متى بتطلع ريم
معاذ :. ايه ياعمي تقدرون تطلعونها احين
بو عزام :. يالله ريومه تبيني اساعدك
ريم :. لا عمي .. اقدر اقوم
& في الحديقة &
احلام تكلم غرام :. امي تقول ان ريم راحت مع عمي يجبون لنا اغراض من السوبر ماركت وللحين مارجعت
غرام كانت سرحانه :..............
احلام تكمل :. انزين واذا راحت تجيب اغراض ليه مغفله جوالها
غرام :.....................
احلام :. انا ناقزني قلبي ان ريومه فيها شي
غرام :.............................
وكان طول هالكلام في شخص كان واقف ويسمع :. الحمدلله والشكر مين تكلمين انتي
احلام التفت :. وانت شدخلك
بندر باستهزاء :. لا بس شفت غرام ماهي بعاطيتك وجه قلت اجي اسمع لك بدل لايجي احد ويقول عنك مجنونه
احلام :. ما المجنون الا انت وغرام كانت تسمعني
بندر رفع حاجب وابتسم :. ايه هين
احلام تبغى تقهره :. غرووومه .. غرووومه
غرام :....................
بندر :. ههههههههههههههههههههههااااااااااي
احلام :. اااا ( وانقهرت وضربت رجلها بالارض ومشت ) مالت
بندر " هين ياحلوم ان ماجننتك " :. ( وشاف غرام وضربها على راسها ومشى )
غرام :. ااااااااااااه
& بالمستشفى &
طلع بونايف وبوعزام وريم وركبو السيارة لكن بونايف انتبه لمعاذ :. معااذ
معاذ التفت :. هلا
بو نايف :. تعال اركب
معاذ :. لا عمي ما احب اتعبكم ابكلم خويي
بونايف :. لا والله ماكلمت احد وانا موجود اركب معاي
معاذ :. تسلم ( وركب السيارة _ وكان هو وريم جالسين ورا وبونايف وبوعزام قدام )
بو عزام :. الا يامعااذ انت سعودي صح
معاذ ابتسم :. صحين
بوعزام :. من ولده يامعاذ
معاذ :. انا ولد ناصر محمد ال .......
بونايف وبوعزام بنفس الوقت :. والنعم
معاذ :. تسلمون
بونايف :. اكيد تعرفنا يامعاذ حنا تجار مع جدك
معاذ :. والله للاسف ما اذكر
بوعزام :. حنا عيال عبدالعزيز ال ........
معاذ بفرح :. جد والله تصدقون جدي دايم يسولف لي عنكم
بونايف ابتسم :. انت جاي مع مين هنا
معاذ :. انا جاي مع اخويائي
ريم كانت طول الوقت سرحانه في معاذ
& عند فهد &
كان يمشي على البحر ومهموم ومتضايق" نجد فتحت لي اوجاعي وانا احاول انساها جروحي وجرحي الاكبر حبيبتي اااااااااااه ماتستاهل هالكلمة خانتني مع اعز اخويائي خلتني ابتعد عنه واتركه وهو ماله ذنب لكن انا عارف بإن كل الناس كلها غدارين وماعندهم أي ذرة وفا ولو كان الشخص معاهم عشرة عمر .. يالله رغم كل الي سويته مو قادر انسى أي شئ حولت حياتي الى ضحك وطنز عشان انسى لكن ماقدرت والله ماقدرت كيف انسى اول من دق لها قلبي اول من حسيت بالحب معها بالحنان اول من بكيت عشانها واشتقت لها مستحيل انسى مشاعر صادقة كانت تجاهها لكني عشان كرامتي
راح اسهل اني اعيش بدونها " ( وتنهد بألم ) وصار يمشي لكنه متضايق من كل شئ
وصار يمشي ويلعب باماي البحر برجوله ويغني :.
تصدق يا بحر انك تشابه بالعطى قلبي
وتصدق يا بحر انك تشابه بالغدر حبي
تشابه منهو حبيته وبديته على نفسي
هذاك اللي توقعته ينور بالوفى دربي
اجيه وشايل همي أدور عنده الراحه
تخيل لمى يلمحني تجيني تركض جراحه
وإذا صديت ناداني وإذا أقبلت خلاني
وإذا قلبي نوى الفرقى يعشم قلبي بأفراحه
ابعرف يا بحر ذنبي وش اللي بعمري سويته
أنا ما اذكر اني فيوم جرحت إنسان وبكيته
جروحي ليه علمني .. عشان اني على النيه
تعب قلبي وتعبني يا ليته يقسى يا ليته
ابسكت يا بحر وامشي وأخلي ضيقتي فيني
ابسكت وابتعد عنك وأدور من يواسيني
مصدق يا بحر اني توقعتك تشيل هموم
ولكن انصدمت انك غربت بدمع من عيني
& عند ريم &
نزلت من السيارة وطالعت معاذ وابتسمت
ام نايف اول ماشافتها قامت وحضنتها :. مافيك شئ يمه
ريم :. لا يمه مافيني شئ احين احسن بس ابي اروح ارتاح
ام نايف :. طيب يابنتي دخلي نامي وارتاحي
ريم هزت براسها وسلمت على خالاتها ودخلت ترتاح
& عند الشياب &
بو راكان :. يا بونايف
بونايف انتبه له وكان عارف الموضوع الي بيتكلم فيه :. سم ياخوي
بو راكان :. يابونايف حنا اخوان وعيالنا ربوا مع بعض يعني انت ياخوي مربي راكان وعارف اخلاقه وانا اقول خير البر عاجلة يعني كان هيفا موافقه ماله داعي تتأخرون واذا هي رافضته فا من البداية عطونا خبر والزواج قسمه ونصيب
بو نايف :. صحيح كلامك ياخوي بس البنت للحين ماعطتنا خبر وانا خايف اذا سألتها تفكرين بغصبها على شئ وبعدين ترى ماخذتو يومين على خطبتها
بو راكان :. انا عارف بس بو مساعد راح يخلي زواج مساعد بعد مانرجع باسبوعين وحنا باكر او الي بعده راح نرجع وراح يتمون البنات مع كم واحد من الشباب الموجودين ويجهزون لزواج غسق وبعدها يرجعون عشان كذا انا حاب مانخلي هيفا تتورط بعدين ونفرح فيها هي وعمتها
بو نايف :. عين العقل كلامك وانا باكر راح اكلمها
& عند ريم &
دخلت وفسخت عبايتها وانسدحت عشان تنام لكنها اشتاقت لصديقتها وخذت جوالها واتصلت
نوف :. هلا والله بعمري وقلبي وحياتي
ريم :. بسك عاد ترى استحي حمرت خدودي
نوف :. ههههه تستحين يالبى خدودك بس
ريم :. هييييييييييي انتي وش بلاك
نوف :. هههههههه لا بس انا بالمول وقدامي واحد حلو فعلى بالي اني اكلمه
ريم :. ههههههههه انا قايله مو معقوله هالكلام لي
نوف :. احسن مافيك انك تفهمينها وهي طايرة
ريم :. طسي مناك هذا وانا توني راجعه من المستشفى
نوف شهقت :. مستشفى ( وبلعت ريقها ) وبخوف :. ليه وش فيك ريوم ترى خوفتيني وش صاير لك د
ريم تذكرت الي صار لها وتضايقت :. لا ولا شئ بس تعبت شوي ورحت وهذا انا رجعت يعني تطمني مافيني شئ
نوف :. ياقلبي انتي والله واحشتني وانا الي مسويه فيها ذكاء قلت اجي الامارات عشان اشوفك وهذا انا بجهه وانتي بجهة
ريم :. ههههه يالله ترى احنا ماراح نطول بالشاليهات عشان نجهز لزواج عمتي من هنا
( وكذا استمرت سوالف ريم ونوف تقريباً ساعتين )
( وانتهى اليوم على الجميع )
في صباح اليوم الثاني الكل كان مجتمع بالشاليه
& عند البنات &
غسق كانت جالسه مع هيفا :. هيوووووووووف تراك طفشتيني لي ساعه وانا انتظر اجابه منك
هيفا :.........................
غسق :. هيفا اذا ماتبينه قولي
هيفا :.........................
غسق :. هيووووووووووووف انتي موافقه
هيفا :.........................
غسق صرخت :. يوووووووووووه
هيفا ارتاعت :. وشفيك
غسق :. شنو شفيني من الساعة ثلاث وانا معك والحين خمس ونص تقريباً وانتي ساكته وربي مو معقول
هيفا :. طيب انا ما احس نفسي فكرت
غسق قامت وتأففت :. اففففف .. اوكي براحتك
هيفا مسكت يدها :. خلااااااااااااص غسق انا ( ونزلت راسها )
غسق ابتسمت وجلست :. انتي شنوو
هيفا ابتسمت لها :. موافقه
& عند الشباب &
راكان يرقص :. ياااااااويلي
سعود :. عاااااااااشوا هلا هلا
فهد كان يكتفي بإبتسامة
عزام :. يمين ( وراكان يروح يمين ) يسار ( وراكان يروح يسار )
الشباب :. هههههههههههههههههههههه
مساعد :. ياخي فشلتنا الي يشوفك يقول خبل
الشباب :. ههههههههه
راكان :. ياخي شتبون فيني انا فرحاااااااان
سعود لف على مساعد :. ايه وش تبي فيه خله فرحان ( وطالع راكان ) عدل ركووون عاشوا ( وصار يغني له ) خاينه وماعاد نصفيك ياللي خاب ظني فيك لازم من بالي نمحيك يالغداره
راكان جلس :. بس اشوف عطيناك وجه
سعود :. مالت عليك وعلى الي يدافع عنك صج مو كفووو
& عند الحريم &
غرام :. يااااااي وناصة صار عندنا عروستينا
ام مساعد :. لا ياغرومه مو عروستين عندنا ثلاث
ام عزام ابتسمت وام مساعد ردت لها الابتسامة
ساره رفعت حاجب :. مين يمه ترى اذا انا موافقه
ام عزام :. عن القلة الحيا يابنت
ام راكان :. الثالثه بنخليها مفاجأه
ريماس :. لا والله مايصير كذا بعدين وش راح تسوي اذا عرفت
ام راكان :. اقول بس عن الهذره الزايده هي تدري وموافقه
البنات :. يووووووووووه
غسق :. مايصير لازم نعرفها
ريم :. مين الي هي تعترف بسرعه
احلام :. والله لو اصيدها ماتفلت من ايدي
البنات :. ههههههههههههههههههههه
روان :. وش بتسوين بتذبحينها
احلام :. ايووووووه بنتقم منها والله احس ان ظهري حاكني ابي اعرفها
( في الليل الكل تعشا والبنات جلسوا مع بعض جلسة استكشاف )
ريم :. اتوووووقع اممممممممم سور انتي
ساره خافت :. هيييييييييي انتي مافي غيري هنا
ريم :. اجل مييييييييييييين
ريماس :. انتي صار لك ساعة تتووقعين رجيتينا ليه مايمكن انتي
ريم شهقت :. اناااااااااااا
& في شاليه بو مساعد &
بو مساعد :. ياخالد وش فيك ماخبري فيك انك كذا
خالد :. طيييييييييييييب انا ما ابيها ما ابيها غصب يعني
بو مساعد :. ياخالد احنا كلمنا ابوها ووافقوا شلون ماتبيها
خالد :. والله هاذي مشكلتكم مو مشكلتي
بو مساعد :. يا خالد انا ودي اشوفكم متزوجين واشوف عيالكم قبل لا اموت
خالد :. لك طول العمر يبه .. طيب هذا طلال ليه ماتزوجونه
بو مساعد :. بس انت الكبير
مساعد وطلال كانوا جالسين لكنهم ساكتين
طلال يهمس لمساعد :. امي مين خطبت له
مساعد :. بنت عمي بو عزام
طلال دق قلبه وبلع ريقه وبتردد :. اي اي ووو وح وحده
مساعد ما انتبه لتوتر طلال :. اماني
طلال تنهد بارتياح :. طيب ليه مايبيها
مساعد :. ما ادري عنه
طلال ضحك بخفه :. ليكون حاط عينه على اندريا
مساعد :. مين اندريا
طلال :. وحده امريكيه كانت صديقتنا يوم كنا ندرس بكندا
مساعد :. يخسي هذا الي ناقص يحط عينه على كفار
طلال :. اعصابك يالحبيب انا قلت يمكن
( طبعا خالد وطلال راحو كندا يدرسون 9 شهور لغة انجليزية ورجعوا )
( ام مساعد دخلت عليهم )
ام مساعد :. ياخالد البنت ماناقصها شئ كامله والكامل الله
خالد بعناد :. ما ابيهاااااااااااااا يعني ما ابيها
ام مساعد ابتسمت ومسكت ايد خالد ودخلته الغرفة
خالد :. يمه فهميني ما ابيها
ام مساعد طلعت له صوره لاماني كانت ناعة كثير فيها وكانت ماسكة ورد ورافعته شوي وكان يبين وجهها بس
ام مساعد :. تعال شوفها
خالد :. ماااااااااابي اشوفها
ام مساعد حطت الصوره قدامه
خالد لما شافها بلع ريقه ومسك الصوره بايده كان يشوف قدامه ملاك مو بشر كانت حلوه بكل معنى الكلمة عيونها جذبته وابتسامتها الناعمة سحرته قال بروقان :. الله تهبل
ام مساعد ارتاحت انه اقتنع :. قايلتلك انا
خالد كان يطالعها :. يمه عادي ابوسها
ام مساعد ضحكت ( خالد قرب الصورة وباسها )
ام مساعد :. استح ياولد توك من شوي ما ابيها
خالد :. احييييييين ابيها يمه يله خلينا نملك
ام مساعد :. ههههههههه الله يهداك اثقل شوي
( طلع خالد لابوه وقاله انه يبغى يكلمه هو وعمه ابو عزام ضروري )
( بو مساعد كلم ابو عزام وقاله انه بيجيه هو وخالد وراحو له شاليه وسلمو عليه وجلسو )
بو مساعد :. يالله يا خالد تكلم ليه تبغانا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك