رواية ورود الامل برائحة الالم -7
وصلوا للقصر طلعت رؤى بعبايتها نزل لها الوليد بسرعه وعواد ومهند بقوا في السياره
الوليد مسك رؤى:رؤى شفيه؟؟
رؤى وهي تبكي صرخت:بدر يا الوليد بدر
عواد سمعها لأنها كانت تصرخ حس إنه انطعن في قلبه كل هذا عشان بدر شد على شعره بقهر
الوليد صرخ:شفيه؟؟
رؤى طلعت جوالها البلاك بيري وشغلت رساله صوتيه كانت بنت تقول بصوت مدلع:
هاي رورو أكيد مستغربه من أنا كان ودي أنقل لك الخبر بنفسي وأكلمك بس مارديتي..حبيبك بدوري ألحين بين أحضاني في إستراحه ال.................
الوليد فتح عيونه على الأخر وردد ببلاهه:استراحة ال........
رؤى مسكته:ودني هناك
الوليد مارد عليها وركب السياره وحرك بسرعه مهند وعواد ماسمعوا الرساله بس دروا انه شي يخص بدر لأنهم سمعوا رؤى تصرخ باسمه فضلوا السكوت بعد ربع ساعه عوادماقدر يمسك نفسه سال:على وين؟؟
الوليد بهدوء يخوف:إستراحة ال...................
مهند وعواد فتحوا عيونهم على أخر شي بس سكتوا لأن الوليد مايعصب بسرعه لكن اذا عصب مايعرفه أمه من أبوه نص ساعه ووصلوا للإستراحه ودقوا الباب فتحت الباب بنت كانت لبس الله المستعان عليه
البنت:كنت متوقعه....................
سكتت أول ماشافت الثلاث شباب الوسيمين ابتسمت باغرا وقالت بدلع:أهلين
دفها الوليد وهو يصرخ:وينه ال### ال#### وينه؟
انتشروا في الشتراحه يدورونه فجأه صرخ عواد:يال####
ركضوا الوليد ومهند له وانصدموا أول ماشافوا عواد يضرب بدر بدون رحمه وهو يصرخ بكل عبارات السب والشتم اللي يعرفها كانوا أول مره يشوفون عواد بهالشكل ركضوا له بسرعه وهم خايفي يموت بين ايديه
الوليد يسحب عواد:تعوذ من لشيطان ياعواد هذا مايستاهل تنجس ايك بضربه
مهند:اتركه ياعواد ترا بيموت بين ايدك
:اتركه ياعواد
التفتوا كلهم للصوت الأنوثي
عواد همس:رؤى
الوليد مشى لها ومسك ايده زقال بين اسنانه:وش جابك؟؟
رؤى سحبت ايدها بخشونه ومشت لبدر:جابني زوجي الخاين..جابني زوجي اللي كان يقول انتي كل شي بحياتي وهو حياته مليانه قذاره ونجاسه وقفت قدام بدر المصدوم ووجهت له كف حمرت ايدها من قوته وتفلت عليه:تفووو عليك يالقذر_صرخت_طلقني
بدر ابتسم بسخريه:بأطلقك بس شوفي من بيرضى فيك يابنت السجيدي المطلقه
رؤى نزلت دموعها غصب:طلقني يال###
بدر:انتي طالق
رؤى صرخت بحرقه:بالثلاث
بدر:انتي طالق طالق طالق
رؤى حطت ايدها على فمها تمنع شهقتها تطلع ووجهت له كف ثاني:يال###
راحت للبنت الشبه عاريه وجالسه على السرير وتناظر بصدمه ووجهت لها كف من قوته طاحت من السرير بكره وطلعت وهي تمشي بغرور وكأن ماهمها شي وهي من داخل بتحترق
بدر صرخ:نشوف من بيرضى بك يابنت السجيدي وانتي مطلقه و.......
سكته عواد بكف من قوته طاح على الأرض ورفسه وقال باشمئزاز:أنت تطول بنت السجيدي
الوليد:خلاص ياعواد كلم الهيئه وبلغ وأنا بأروح أشوف رؤى
عواد طلع جواله:مايبيلها كلام
بدر من سمع الهيئه ركض للوليد:لالا الله يخليك الا الهيئه_طلع دفتر شيكاته_كم تبي أختك رد كرامه
الوليد دف دفتر الشيكات بايده ودف بدر معها:تحسب كل الناس مثلك كرامتهم ترجع بالفلوس_ضم ايديه لصدره وقال بغرور_بعدين من قالك انك مسيت كرامة رؤى بشي بالعكس الحمد الله ان رؤى عرفت حقيقتك قبل ماتتزوجك
عواد كلم الهيئه دقايق الا الوليد راجع ناظر فيه عواد بقلق:........................
الوليد بضيق:راحت مع السايق
مهند:الحقها لا يصير لها شي
الوليد بقلة حيله:لا ماراح يصير لها شي...اصلا أنا لازم أكون معكم عشان هالحقير
البارت السادس عشر
ساعتين والوليد واقف مع عواد ومهند قدام مركز الهيئه
الوليد ابتسم:مشكورين وماتقصرون بصراحه مادري شلون أرد لكم جميلكم
عواد ضربه على كتفه:يارجال حق وواجب_بلع ريقه_رؤى أختنا مثل ماهي أختك_بقلق ماقدر يخفيه_رح شفها وهون عليها
ركبوا السياره ووصلوا عواد لبته وراحوا للقصر
مهند:على وين؟؟
الوليد:على القصر
مهند أشر بايده:وقف..وقف
الوليد وقف على جنب والفتف عليه:خير!!
مهند:أنا أبي شقه مر................
قاطعه الوليد وهو يشغل السياره:يارجال على بالي عندك سالفه
مهند بحرج:لابجد ولود أحس اني مصختها لي ثلاث شهور عندك وثلاث شهور عند عواد ماصارت حتى الضيف ثلاي أيام
الوليد وهو يلف بالسياره:ومن قال لك انك ضيف؟؟أنت من أهل البيت
مهند:مستحيل أنسى لك جميلك هذا وان شا الله أقدر أرده لك
وش راح يصير لرؤى وطلاقها؟؟
عواد بيخطبها؟؟وأصلا رؤى بيسمح لها غرورها توافق عليه؟؟
الوليد وش راح يصير عليه ومعقوله يكمل حياته بدون العنود حبيبته؟؟
مهند وعبير وش راح يصير على حبهم اللي كل ماله يكبر؟؟
كل عام وأنتم بخير
قبل الأحداث بربع ساعه
السعوديه_الرياض
قصر السجيدي
رجعت رؤى للبيت وهي تمشي رافعه خشمها لفوق وكأن ماهمها شي أول مادخلت كانت أم الوليد في وجهها سألتها بقلق:هاه وش صار؟؟
رؤى بهدوء:طلقني
أم الوليد شهقت وضربت صدرها:طلقك!!
رؤى ابتسمت وكأن الوضع عادي:إيوووووووووووووووووووه_نطقتها حرف حرف وهي تتعذب من جوا مع كل حرف_ط ل ق نييييييي
أم الوليد:لييييييييييييييييه؟؟
رؤى ناظرت أمها بغيض:وتبيني أجلس معه بعد اللي شفته
أم الوليد:طيب..................
رؤى قاطعتها بغرور:أنا بنت عبدالله السجيدي وكل(ن) يتمناني ماني مضطره أجلس مع واحد مايعرف النعمه اللي بين ايديه وطلعت لفوق وتتمخطر بغرور
أم الوليد ناظرت بنتها تنهدت:ماراح يضيعك يابنتي إلا ذا الغرور اللي فيك
الوليد دخل وهو يسرع في مشيته وسأل أمه:يمه وين رؤى
أم الوليد ناظرت الوليد وعينها مليانه دموع:ماأمداني أفرح بأنك رجعت الوليد القديم الا وتطلع لي رؤى بطلاقها
الوليد(ياالله شكثر أنا أناني لهدرجه مضيق صدرها) ابتسم:الحمد الله يمه إنا عرفنا حقيقته قبل ماتتزوجه ورؤى ألف من يتمناها
أم الوليد ودموعها على خدها:بس هي ألحين مطلقه من........................
الوليد قاطعها بنرفزه:يمه الله يهديك لا تخلين تفكيرك رجعي كذا بعدين رؤى بكر
أم الوليد ابتسمت:هذا الوليد اللي أعرفه
الوليد باس راس أمه:يلا يمه تصبحين على خير
أم الوليد:وين ماتعشيت
الوليد:انسدت نفسي
أم الوليد:لا ياحبيبي لازم تتعشى
الوليد وقف:أوكي خلي الشغاله تطلعه فوق في غرفة رؤى وتحسب حساب لرؤى
أم الوليد:أوكي
الوليد طلع لرؤى وأم الوليد راحت للمطبخ
عند رؤى
دخلت الغرفه وقفلت عليها فصخت عبايتها ورمت نفسها على السرير وانفجرت بالبكي بدون صوت مسكت صورة بدر وتأملت ملا محه العريضه كان كاشخ بالبشت وماسك بذراعها كان مبتسم ابتسامه صفرا ورؤى بجنبه فاكه الكشره كلها بفستانها الذهبي العاري والقصير مع شريطه خضرا تحت الصدر ابتسمت من بين دموعها باستهزاء:شلون..........................
دق الباب قطع عليها كلامها ردت بثبات وهدوء:مين؟؟
وصلها صوت الوليد:أنا
رؤى:دقيقه بس
الوليد:انتظرك في الصاله
قامت رؤى ركض وغسلت وجهها ومسحت وحطت على وجهها كريم عشان ماتبين أثارالدموع طلعت للصاله وشافت الوليد جالس منزل راسه وقدامه العشا مشت على أطراف اصابعها:بووووووووووووووووو
الوليد رفع راسه وابتسم:داري عنك
رؤى ضحكت عشان تبين انها عادي:هههههههههههه حسافه كان ودي أخرعك
جلست بجنبه الوليد(واضح انك تكابرين يارؤى واضح):...................
رؤى قالت بمرح:بتطول تناظرني!!
الوليد ابتسم:تعشي معي من زمان ماتعشيتي معي
رؤى ابتسمت وبدت تاكل بصمت مع ان نفسها منسده بس عشان تبين انها عادي:..................
الوليد بدا ياكل بصمت كان الجو هدوء قبل مايقطعه الوليد:رؤى مابي اللي صار يأثر عليك انت...............
قاطعته عبير وهي تأشر بايدها بدون اهتمام:ومن قال لك انه مأثر علي أنا أصلا أنا من زمان ودي أنفصل عنه لأنه مادخل مزاجي موحلو
الوليد رفع حاجبه(شلون تفكر هذي):....................
رؤى:لا تناظرني كذا_بحماس_أنا سمعت عهود بنت خالي يوم ملكتك.....................
سكتت لأنها حست أن اللي قالته غلط
الوليد تغير وجهه وحس بغصه وقف:الحمد لله شبعت دخل غرفته
رؤى(ياالله أنا شلون نسيت.................)
قطع أفكارها صوت عبير المزمجر واللي سمعت أخر الحكي وهي تقول بعصبيه:ابي أفهم انتي شلون تفكرين؟؟
رؤى حطت رجل على رجل وسندت ظهرها براحه وقالت ببرود:والله أنا ماني مستعده أحاسب على كل كلمه أقولها
عبير مشت لها وهي تحرك ايدها بعصبيه:هيه انتي أنا ماصدقنا ينسى تجين انتي تذكرينه!!
رؤى تنرفزت من طريقة كلامها وقفت وقالت بعصبيه:أنا مو أصغر عيالك تحاكيني بهالطريقه
ناظرتها باحتقار ودخلت غرفتها وصفقت بالباب:طرااااااااااااااااااااااااخ
عبير عصبت مررررره وركضت وراها وفتحت الباب عليها وطلعت كل اللي في قلبها وهي تصرخ بعصبيه:حتى وأنتي مطلقه شرك فيك..انتي ماتستحين على وجهك_نزلت دموعها وهي تحكي بقهر_متى بتعقلين انتي زوجة أخوك متوفيه وأخوك منهار وليلة طلاقك وتتمشكلين مع الناس انتي اصلا تكابرين انتي منهاره بداخلك لكن تكابرين أنا أكثر وحده أعرفك انتي تحبين بدر ومعجبك من زمان لأنه صغير وبطران وهذا اللي يتماشى مع بنت السجيدي على قولتك بس غرورك مايسمح لك تقولين اني انا حزينه وندمانه وطلعتي كل قهرك في الوليد_صرخت بهستيريا_انتي أصلا من أول ماخطب الوليد العنود وانتي ترمين عليها مثل السم وسكتنا سبيتها وهي متوفيه وسكتنا حطيتي كل اللوم عليها لما دخل أخوك غيبوبه وسكتنا بس خلاص للصبر حدود انك تمشين وتتكلمين وماتراعين شعور أخوك الكبير لاوألف لا.._حركت ايدها باحتقار_عالجي نفسك اللي فيك مرض نفسي تصرفاتك موتصرفات_ميلت فمها وقالت باستهزاء_مطلقه
ساد الهدوء المكان بعد كلام عبير رؤى انصدمت من الكلام وعبير كانت معصبه قطع الصمت كف من رؤى:طرااااااااااااااااااااااااااااااااخ
عبير مسكت خدها وقال بين أسنانها:تضربيني يارؤى تضربيني
رؤى نزلت دموعها بس قالت بثبات:وأكسر راسك بعد أنا أكبر منك تقولين لي هالكلام
عبير:هه زعلانه من الكلام والا زعلانه لأني أظهرتك على حقيقتك و........................
رؤى صرخت:خلاااااااااااااااااااااااااااااااااااااااص غطت وجهها بكت بحرقه
عبير:أحسن تستاهلين كل اللي يصير لك
رؤى وجهت لها كف وهي تصرخ:أسكتي..أسكتي مابي أسمع صوتك
عبير شدت من شعرها:عطيتك وجه بزياده
دفتها رؤى بخشونه وبدا الضرب على أصول
:خلاااااااااااااااااااااااااااااااااااااااااص
وقفوا عن الضرب والتفتوا للباب كان الوليد واقف واللي سمع كل الحوار مشى الوليد لهم وهو ماسك دموعه وبعدهم عن بعض وقال بهدوووووء:خلاص كفايه لاتنبشون في الماضي إنا عيال اليوم
سحب عبير وطلعها معه وقفت عبير عند الباب والتفت على رؤى الصامته وقالت بحزن ودموعها على خدها:لا تتوقعين إن معجبني حالنا وإنا بعاد عن بعض ولا كأن خوات..ولا تتوقعين إن معجبني حالك والكل يبتعد عنك من غرورك اللي ينرفز_أشرت على نفسها_أنا أحبك يارؤى بس انتي اللي تبعديني عنك بغرورك وكبريائك وتبعدين كل الناس عنك
طلعت وطلع وراخا الوليد وسكروا الباب أول ماتسكر الباب انفجرت رؤى بالبكي بعد فتره هدت بس ماتدري كم جلست وهي تبكي وتنحب وتشاهق تأملت غرفتها الفخمه في جناحها الأفخم واللي يحسدها الكل عليه وقفت قدام المرايه وقالت بغرورها العتاد وهي نافخه صدرها:بس أنا يحق لي الغرور أنا مااغتريت على الفاضي_أشرت على نفسها_أنا بنت عبدالله السجيدي وألف يتمناني ماراح يهمني بدر أو غيره
تروشت ولبست لها تنوره قصيره وبلوزه وعطرت عبايتها اللي أقرب مانقول لها فستان وحطت لها مكياج روج فوشي صارخ ومسكرا وبلاشر وفكت شعرها الأشقر القصير الناعم وزينت ايديها بمناكير فوشيه زادت ايديها بياض ونعومه لبست عبايتها ولفت الطرحه وبينت خصله من شعرها الأشقر لفت لثمتها السفاف اللي بينت عيونها الواسعه أحلى وبان الروج الفوشي الصارخ من تحت اللثمه وخذت شنطتها الكبيره القوتشي وطلعت أول ماطلعت شافت عبير جالسه على الأريكه وتشرب عصير وهي سرحانه رفعت عبير راسها وهي دايخه من ريحة العطر القوي ناظرتها عبيرباحتقار وطلعت وهي تمشي بغرور حركت عبير راسها:مافي فايده..مافي فايده
البارت السابع عشر
بيت عواد
رجع للبيت وهو معه وجبات من ماكدونالدز استقبلته أخته أفنان وهي تصرخ:ماشا الله وشهالرضى جايب لنا وجبات
عواد ابتسم:.............................
أفنان:ماقدر على الرايق
عواد مد لها الوجبات:أقول خذي بس وين أمي؟؟
أفنان خذت الوجات:داخل مع خواتي لسى مانامت
دخلوا عواد وأفنان صرخ عواد:السلااااااااااااااااااااام عليكم دار قوم مؤمنين أنتم السابقون ونحن الاحقون
نقزوا خواته من الروعه أم عواد حطت ايدها على صدرها:بسم الله الرحمن الرحيم_التفتت عليه وهي تحرك ايدها بعصبيه_متى بتترك طبعك الخايب؟؟
عواد باس راسها وابتسم:مسا الخير ياأم عواد
أم عواد ابتسمت وراحت عصبيتها من شافت ابتسامة ولدها:مسا النور
مناهل:عويد جعلك السباه تفاول علينا
عواد التفت لها:أوه انتي هنا انتي ودبتك!!
مناهل حطت ايدها لى بطنها:يووووو ياعواد لاتذكرني
عواد:مابعد بان ولد أو بنت؟؟
مناهل ابتسمت:لا تونا
أفنان وفمها مليان أكل:أقول عواد أخبارخويك الحليوه؟؟
عواد تذكر رؤى وابتسم لاارادي:الحمد لله بخير
أفنان:لا الوضع مشكوك فيه وش عندك من اليوم تبسم لي!!
عواد بضيق:والله مادري ياوخيتي افرح ولا احزن
أم عواد عقدت حواجبها:وش فيك ياولدي؟؟
عواد زفر:رؤى تطلقت..
بدت الشهقات تتعالى وتخبيط الصدور
عواد ضحك على أشكالهم:ههههههههههه أفا يمه غيرت المذهب!!
أم عواد ضربت على كتفه:بسم الله علي ياولد
بشاير وهي للحين مصدومه:ليه؟؟وكيف؟؟وشلون؟؟
عواد:تطلقت وبس الله يستر عليها
مناهل بتردد:وانت بتخطبها
عواد بثقه:أكيييييد
أم عواد عصبت:وانت وش ناقصك تاخذ مطلقه؟؟
عواد:يمه هي بكر وزوجها هو السبب في طلاقهم والا البنت ماعليها كلام
أم عواد:ولو ماتاخذمطلقه
بشاير بعقلانيه:يمه خلي عنك هالتفكير الرجعي إذا كانت البنت ماعليها كلام وعارفينها وعارفين أخلا قها خلاص ليش نفكر في مطلقه وهالخرابيط؟؟_بتردد_وكلنا نعرف إن عواد يبيها من زمان
أم عواد تجمعت الدموع في عيونها:وتكسر كلمة أبوك؟؟
عواد نزل راسه:....................
بشاير:يمه شفيك كلنا نعرف إن الوالد الله يرحمه غلطان
أم عواد:بنت لا.................
بشاير قاطعت أمها بأدب:العذر والسموحه يمه بس الحق ينقال كلنا نعرف إن الوالد غلطان وانتي أول وحده وقفت في وجهه ذاك الوقت
أم عواد تفكر:.........................
عواد منزل راسه:.......................
بشاير تكمل:بعدين عواد يحبها وماتزوج غيرها عشانها ولما تطلقت وامصدق تجين توقفين في وجهه مثل أبوييمه لاتحطمين ولدك بعدين تندمين
أم عواد باستسلام:اللي تشوفونه بس البنت مانعرفها زين
مناهل ابتسمت:هذي عبير ماشا الله عليها مافيه أحسن منها أخلاق وحيا وخفة دم وأكيد البنت مثل أختها دامهم نفس الأم اللي ربتهم
أم عواد التفتت لعواد ورفعت راسه والدموع على خدها:ألف مبروك
عواد ابتسم:الله يبارك فيك_التفت لأخته وبئر أسراره بشاير وابتسم لها بفخر_مشكوره يابشاير
بشاير عدلت نظارتها الطبيه وابتسمت بخجل:ولو كم عواد عندي
:ترررررررررررن
قامت أفنان وهي تصرخ وأم عواد تقول بعصبيه:مادري متى يعقل هالولد كم مره أقوله لاتعلق على الجرس
دخلت أفنان وهي ماسكه أذن توأمها نواف وتصرخ عليه بعصبيه صرخت عليه أم عواد:وانتوا كل له طبعه عواد ماغير يخرعنا وانت مذينا بهالجرس جعله يكسر على راسك
نواف ابتسم لأمه:أهون عليك ينه تطقني أفنانونه
أم عواد تغير المود حقها180درجه وصرخت على أفنان:أفنانوه اتركي أخوك جعلك اللي مانيب قايله
انفجر المجلس ضحك على أم عواد اللي ناتقوى على دلع نواف:ههههههههههههههههههه
وكملوا السهره ضحك وسوالف وعواد مبسوط عايلة عواد كانت عايله مثاليه في تعاونهم وحبهم لبعض والكل كان يحسدهم على لمتهم الحلوه
اليوم الثاني
السعوديه_قصر السجيدي
صحى الوليد من النوم وهو متضايق وكل المشاكل على راسه رؤى وطلاقها من جهه ومهند وأهله من جهه وأكبر مشاكله العنود حبيبته وزوجته من جهه رفع جواله ودق على مهند خمس رنات ووصله صوت مهند كله نوم:آلوو
الوليد:يلا قم بابدل وباجيك عشان نروح لأهلك
مهند طق بلسانه علامة الطفش:بعدين ياالوليد أنا فيني....................
قاطعه الوليد:قم وأنت ساكت وسكر في وجهه وجلس على السريرناظر في صورة العنود يوم ملكتهم بفستانها الأزرق وهي ماسكه ذراعه وتبتسم بفرح والوليد جنبها بالبشت يبتسم كان اللي يشوفهم يعرف من ابتسامتهم وعيونهم اللي تشع حب انهم بيعشون في سعاده أبديه وامراح يفكر بينهم شي لكن الموت فرق بينهم رفع الصوره وهو يتذكر((العنود:ههههههههههههههه
الوليد:فديت هالضحكه
العنود سكتت ونزلت راسها وحمر وجهها:..................
الوليد:هههههههه كل هذا مستحيه؟؟
العنود:ياالله ياالوليد كل مااندمجت معك أحرجتني
الوليد مسك ايدها:عنودي لازم تتعودين أنا زوجك
العنود حمر وجهها زياده من كلمة زوجك:يقالك الحين بتكحلها ترا عميتها
الوليد:هههههههههههههه_باس ايدها_يلا عاد عنودي استحي من الكل الا أنا
العنود تأملته بحب(أحبه ياناس أحببببببببببببببببببببببه)قالت من قلب:الله لايحرمني منك
الوليد شد على ايدها:ولامنك يابعدعمري وهلي وناسي
العنود حمر وجهها:الوليييييييييد
الوليد:هههههههه عيونه
العنود:اسكت
الوليد:ههههههههههههههههههههههه))
الوليد عض شفايفها وغمض عيونه ونزلت دموعه بسرعه وحده ورا الثانيه ضم الصوره لصدره:بس انا انحرمت منك ياالعنود..ليه؟؟ليه رحتي وخلتيني؟؟حياتي بدونك ماتسوى باس الصوره وتروش ونزل لمهند
السعوديه_جده
لبست وكشخت وجلست تطل من فتحة الباب بان لها تركي وهو يطلع ويقفل الشقه ابتسمت:فديته يهبل ياناس
فتحت باب الشقه وهي تبتسم لتركي اللي ناظرها باحتقار وتوجه للاصنصير انتظرت بدور لحد ماتسكر الاصنصير وركضت وضغطت عليه انفتح وركبت بسرعه وسكرته لأنها عارفه ان تركي بينزل مع الدرج عشان مايجلس معها في نفس المكان ناظرها تركي باحتقار بدور مدت ايدها:السلام عليكم
تركي ناظرها باحتقار وصد عنها بدورسحبت ايده:السلام لله
تركي سحب ايده وقال بدون نفس:وعليكم السلام
انفتح الاصنصير وطلع تركي بسرعه وطلعت وراه بدور تركي طلع من العماره وابتسم لآخوياه اللي ينتظرونه مشى لهم وقال ببشاشه:السلام عليكم
لكن محد رد عليه كانت عيونهم على العماره التفت وشاف بدور تبتسم له كشر في وجهه وصد عنها صفر ناصر باعجاب:بنت ال### وشهالجمال وشهالرشاقه_التفت لتركي وغمزله_من ورانا
تركي عصب:ناصر الزم حدودك انت تعرفيني ماأحب هالحركات
الكل استغرب من عصبيته لكن ماعلقوا ركبوا السياره وحركوا ناظر ناصر في المرايه:شتبي ذي واقفه تناظر
تركي:حقيره
ابراهيم:بس ملكة جمال الصراحه سعوديه؟؟
تركي:ايه
صرخوا الشباب وهم مصدومين من ملكة الجمال كلهم لفوا يناظونها بعد ماعرفوا انها سعوديه وبدوا يعلقون باعجاب تركي كان مقهور بس سكت
عند بدور كانت تتأمل تركي(فديته حتى أصحابه كشخه ورزه مثله)ركبت السياره الفخمه بعد مااختفوا عن عينها
السعوديه_الرياض
قصر السجيدي
نزل الوليد لمهند اللي ينتظره ابتسم:السلااااااام
مهند ابتسم:وعليكم السلام
الوليد:أولشي بنروح للمستشفى أوريك مكتبي وتنتظرني شوي عندي كم شغله باخلصها عشان استلم الشغل من جديد والظهر نروح لأهلك
مهند حط ايده على خصره:ألحين رايح تزوطلني معك ليه؟؟جيت الظهر ونروح مع بعض
الوليد:هههههههههه حلوه هذي تزوطلني
مهند ابتسم:هذي من قاموس عواد
الوليد:أنا مصحيك من الصباح عشان تتعود على القومه لأن من بكره بتستلم الدوام الصباحي
مهند:ليه صباحي؟؟
الوليد ببرود:باختصار لأن دوامي صباحي وبطفش إذا جلست في الليل لوحدي كلمت الوالد وحولكم صباحي
مهند بقهر:ماتاخذ راينا؟؟
الوليد أشر على راسه:كيفي شركة أبوي
مهند:العن أبو المذله
الوليد طق بلسانه:دوت..دوت هذا جزاي ألحين الناس يدورون الصباحي وأنت ماتبيه..بعدين لاتلعن حرااام
مهند:استغفر الله..بس بيني وبينك أحسن عشان أسهر في الليل وأفلها
الوليد سحبه:أقول شكل الجلسه تحت هالشمس جازت لك
مهند مشى معه للسياره:ههههههههههه أول مره أشوف سعودي ماتعود على الحر
الوليد صرخ:ماأطيق الحر أتنرفز إذا جلست في الحر
في نفس القصر لكن داخل وبالتحديد عند الشباك كانت عبير واقفه تتأمل مهند وهويضحك وهو عاقد حواجبه وهومقهور(ياحلوه طالع يهبل باللحيه الخليجيه الخفيفه والسبايكي واضح انه يهتم بمظهره)لما اختفى عن عينها نزلت دموعها وسندت جسمها على الجدار:لازم أنساه..لازم أنساه مستحيل أرتبط فيه لو ايش_خللت ايدها في شعرها_بس مااقدر أحبه أحبه مااقدر أقاوم في شعور بداخلي يحركني له عشان أشوفه
مسحت دموعها ولبست عبايتها ولثمتها السودا ساده وطلعت أول ماطلعت شافت مهند ماسك الوليد ولاف ايده على راس الوليد ومنزله ويضحك بصوت عالي والوليد يحاول يبتعد عنه فز قلبها من أول ماسمعت ضحكته الرنانه العاليه ونزلت دموعها من جديد ابتسمت من بين دموعها على شكله وهوماسك الوليد زغمزاته واضح
مهند أول مارفع راسه شافها وعرفها على طول فك الوليد ووقف يتأملها وهو يحس بدقات قلبه تسرع وتنفسه يزيد(يالبيه فديت هالعيون)الوليد ناظر وين مايناظر مهند وشاف عبير واقفه تناظرهم حس بشي موطبيعي في الموضوع مهند تدارك الموقف وركب السياره وقال بحرج:الله يفشلك ألحين وش بتقول أختك عني؟؟
الوليد حس انه ارتاح لأن تفكيره راح بعيد:هههههههههه ماقدر على اللي يستحون
راح لعبير وابتسم لها:عبور شفيك؟؟
عبير انتبهت على نفسها:قاعده أناظرك أنت وإياد مادري مهند وش حركات البزران هذي؟؟
عبير حز في خاطرها انها تقول عن مهند بزر بس وش تسوي
الوليد:هههههههه روحي لجامعتك بس بعدين أقولك السالفه
عبير:أنت اللي رح لدوامك أبرك لك
لفت للسيارة السايق
الوليد حس ان عبير فيها شي مو عادتها ماتنكت:عبور فيك شي؟؟
عبير نزلت دموعها:كل اللي في رؤى وتسأل فيني شي!!
الوليد بدون اهتمام:أهيه على بالي فيك شي لاتخافين رؤى مايأثر فيها شي
عبير ارتاحت أنه ماشك ومشت السالفه
مهند كان يتأمل عبير من بعيد وهي تتكلم مع الوليد وهو يحسد الوليد انه جالس يسولف معها(ياترى ياعبير تحسين بنفس الشي اللي أحسه تجاهك والا ماجبتي خبري_تنهد_أحبك ياعبير أحبك) رجع الوليد للسياره وركبها وهويضحك بعد ماركبت عبير السياره وحركت السياره التزم مهند الصمت والوليد توقعه فيه النوم وتوجهوا للمستشفى
البارت الثامن عشر
الظهر طلعوا الوليد ومهند من المستشفى بعد مااستلم الوليد شغله من جديد ركبوا السياره التفت الوليد لمهند:هاه وين بيتكم فيه؟؟
مهند التفت للوليد:ضروري؟؟
الوليد ضحك على ملامحه:هههههههههههههه أكيد ضروري
مهند التفت قدام:مادري أحسن اني مااستعديت نفسيا
الوليد:.....................
ساد صمت للمكان الا من توصيف مهند لبيته وصلوا للبيت وانصدم الوليد بيته كان كبير وفخموواضح انه من طبقه فوق المتوسطه لكنه ماكان يقارن بقصر السجيدي الكبييييييييييير نزل الوليد ومهند ودخلوا بعد مافتح لهم السايق اللي عرف مهند أول مادخلوا كانت في استقبالهم بنت شقرا نحيفه وطويله لابسه فستان قصير للركبه وسيور كان فيها ملامح من مهند صرخت البنت بلغه مكسره:موهناد(مهند)
التفت الوليد لمهند اللي تغير وجهه ركضت البنت لمهند وحضنته وهي تبكي
"بعد الترجمه"
قالت:أسفه حبيبي أعلم جيداً اني مقصره لكني كماتعرف أنا اسبانيه ولاأعرف لهذه الأمور جيداً هنا اعذرني كنت افتقدك كثيراً
بادلها مهند الحضن:لابأس أمي أنا أعرف جيداً شعورك وأعرف أنه ليس بيدك
بعدت أم مهند عن ولدها وناظرته:لم أعرفك إلا حين سمعت صوتك لقد تغيرت كثيراً
مهند ابتسم:وتعالجت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك