رواية فمان الله يا غالي -68
فراس بإبتسامة سخريه:هه....آخر همي ياعهود هووو حبك...وع فكره...الحب عندي وبحياتي..مايقدم...ولا يأخر..
وكون اني ارتكبت اغبى شي بحياتي وحبيتك فصدقيني غلطه وبتتصلح...ومن الحين اقولها لك...الله يوفقك مع مهند
بس عسى تكونين متهنيه وراضيه عن قرارك..وصدقيني ياعهود..انا لما اقول انك لي...يعني...انك...لي..!!
عهود:اي راضيه ومبسوووطه..وانشالله تكون دعوتك من قلبك..انا خبرتك عشان ماتضل متعلق بوهم..استاذ فراس..
سبق وقلت لك...انا فوق النجوم ولاتناظر فوق..تنكسر رقبتك..
فراس:خوفي تنكسر رقبتك وانتي تناظري فيني ياعهود..!!
مافهمت عليه...بس خافت..وماحبت تتحدى كثير...قالت وهي تقاوم دموعهاآآ عشان ماتنزل: طيب يلا باي
فراس بكل برود:باي..
تحس بضيييييقه فضيييعه تعرف سببهاآآ زين وهي انها بتربط مصيرهاآآ بإنسآآن غير اللي يعشقه قلبهآآ
ابتسمت بإنتصار من ورا قلبهآآ وهي تتخيل شكل فراس لما عرف..
قبل تنزل للمستشفى....فتحت موبايلهاآآ وارسلت مسج لمرام...(انا رايحه احلل)
تنهدت مرام وهي تقرآ المسج...وبخاطرهآآ..."الله يكون بعونك يافرآآس..."
بــــــدر:يعني قولتك اكلم ابووي؟؟
ماجد:أي وإذا جابلك طاري ماجد وزواج ماجد وخطوبته فانا مخبره من قبل اني ابي دانه بنت عمي بوفيصل...بس مومستعجل
بدر:طيب تتوقع يتقبل السالفه؟؟
ماجد:وليه مايتقبلهاآآ
بدر بتردد:يعني بعد اللي صار لمرام ما ادري شنو ممكن تكون ردة فعله
ماجد:لا صدقني ماراح يقول شي .....بسرعه بسرعه هذا هو طلع من غرفته
بدر ويطلع من غرفة ماجد...اشر له بيده:دعواتك
ماجد بإبتسامه:الله يوفقك..!!
يبـــــــــــه..!!
لف على ولده قبل ينزل من الدرج...:هلا بدر
بدر بتردد:يبه بغيتك بموضوع إذا انك فاضي الحين
ابوعبدالله:الحين انا رايح لمشوار إذا بتخاويني ونتكلم بالطريق ماعندي مانع
بدر:اي يبه مو مشكله
فــــــــــي السيــــــآآره..
بعد مامشوا شوي...ابوعبدالله لف على بدر:خير ياولدي...وش بغيت؟؟
بدر بتردد واضح عليه:بصرآحه....يبه....انا يعني من زمان ابي افاتحك بالموضوع بس مو عارف كيف ابدأ...بس بجيبها لك من الآخر
ابوعبدالله:اي احسن..ما احب شغل المقدمات ومالي بالطويله...هات اللي عندك
بدر:يبه بصرآحه انا ابي اخطب مرام بنت عمتي موضي..
ابوعبدالله لف عليه بصدمه وهو معقد حواجبه....وبعد فترة سكوت حرقت اعصاب بدر: خير انشالله...انا بكلم عمك بو عادل وبنشووف
وإذا اخوك بعد يبينا نخلص له موضوعه معاك...فخير البر عاجله..
بدر تنفس براحه:مشكور يبه الله يطولي بعمرك..
ابوعبدالله: يوم المنى اللي ازوجكم فيه واشوف عيالكم...بس ياولدي بغيت اقولك شغله...
يعني انت عارف وضع بنت عمتك..واكيد مانسيت اللي صار...وإذا انك بتاخذهآ يعني من باب انك....
قاطعه بدر:السموحه يبه....بس صدقني انت فاهمني غلط...انا طلبتها بالإسم لأني فعلا أبيها ...
ومو للاسباب اللي تحسبهاآآ
ابوعبدالله بإبتسامه:عز الله انك ماخيبت ظني ياولدي..
خلود تكلم الهنوف..: كلمي عبود وخبريه يجيبك عندناآآ...انااا من جد مخنووووقه وابي احكي وياااك
هنوفه لازم اشوووفك
الهنوف وحاسه بحالة اختهاآآ: انشالله والله بحاول اجيكم...مع ان عبود مرآآ مشغول...بس لو وافق...بدق ع بسول يمرني
خلود بضيقه:تعملين فيني خير..
قفلت من اختهاآآ ودقت على لميس..
لميس:يعني فيصل خبرك بعملية بندر انها بكرآ؟؟
فرح:إي...والله مبين عليه مره متضايق وشايل هم...بس انتي وش عرفك دام خلود ماعندها خبر؟؟
لميس:بندر خبرني؟؟
فرح:متى وشلون؟؟
لميس:تذكرين يوم الرحله يوم.......قطع كلامها صوت موبايلها يرن..
ناظرت الرقم ولفت على فرح:هذي خلود...اششششش قفلي عالموضوع..
ردت:هلا خوخه
خلود:هلا لموس...شلونك؟؟
لميس:بخير الله يسلمك...شلونك انتي؟؟..وشفيه صوتك؟؟..
خلود:بندر يالميس..!!
لميس عورها بطنهاآ وخافت ان خلود تكون عرفت..:شفيه بندر
خلود من بين دموعهاآ:مدري شفيييه...لميس.....انا لازم اكلمه...!!
احس ان فيه شي صاير...مو معقوله 3 شهور ما ادري عنه شي..مو معقوله بندر يعمل فيني كذآ
لميس بحزن:قبل طاوعك قلبك وتركتيه مو 3 شهور 6 ياخلود..لا تلومينه الحين
خلود ببكى:انا لي اسبابي..!!....بس هوو ماله عذر...انا مرته الحين...اقلهاآآ يسأل عني...
اقلهاآ بمسج..مو يغيب ويختفي فجأه...انا خوفي يكون صاير له شي وانا ما ادري..
وربي من خوفي اخذت رقم فراس من مرام وقصدي بدق عليه بس خفت يوصله خبر ويزعل
لميس ومن داخلهاآآ حزينه ع حالة خلود:هونيهاآ وتهون...انشالله مافيه إلا العافيه...يعني وشوله تقعدين تفاولين عالولد
يعني هو لوفيه شي كان اهله عندهم خبر..بعدين مو انتي تقولين انه دايم يكلم محمد؟؟..معناه هو بخير ومافي شي..
خلود:وربي يالميس...انا دائما إحساسي مايخيب....وخوفي انه يصيب هالمره مثل كل مره..
لميس:تعوذي من ابليس واتركي عنك هالأفكار...
وعشان تهرب من الموضوع:خوخه امي تنادي علي...بعدين اكلمك باي
خلود:باي
"مثل ما هانت العشره ترا نفسك علي تهون
مثل ما بعتها الأيام انا مثلك ترى بايع..!!.."
فــــــــــراس بإنفعال: مرام...من جــــدك؟؟....يعني عهود من جد سوتهاآآ؟؟؟....يعني طاوعهآ قلبهاآآ؟؟
مرام وخايفه من عصبية اخوها: فراس انت بعد قلت لها كلام مو هين ..وش اللي يجبرها تفكر فيك او تشيل همك حتى
فراس ببحه وصوت مخنوق:وربي من ورى قلبي يامرام...وربي من ورا قلبي وهي تدري
مرام:خلاص فراس...لازم تشيلها من راسك...انشالله لو طلعت تحاليلهم تمام..احتمال يملكون بعد 3 شهور..
فراس بحده: مرام...دقي عليها وخبريهآآ...قوليلها فراس يقولك راجعي حساباتك....خوفي يجي يوم وتندم..!!
مرام:صدقني يافراس...انا اكثر وحده اعرف عهود شقد فكرت بالموضوع...وشقد اخذ منها هالتفكير..
وادري انها ماقررت إلا عن قنااعه
فراس:لاااا مستحيل تكون مقتنعه..!!..انا اعرف عهود زين...!!..صدقيني هي وافقت عشان تطلعني خسران قدامها
مرام عصبت:فراسوووه وش تطلعك خسرآن...ترا زواج مو لعبه..!!
فراس بنبره هاديه وحاده:بس عهود كانت تلعب...ولعبتها صح يامرام..!!....بس واللي يفقدك اعز انسان يامرام..توصلين لهاآآ كلامي
مرام:انشالله ...بحاول
عهــــود:اي توني راجعه..
مرام:يلا عالبركه مقدماآآ
عهود:يبارك فيك وعقبالك
مرام:عهود لاتقلبين المواجع ولاتفتحين جروح ماتت من زمان
عهود:مرومه صدقيني بيجي يوم وتغيرين كلامك هذآآ
مرام:ما اعتقد...المهم انا عندي امانه لك من شخص ولازم اوصلهاآآ
عهود وعارفه انه فراس: وشنو الامانه؟؟
مرام وحست ان عهود فاهمتها: هي كلمتين...يقولك راجعي حساباتك يخاف يجي يوم وتندمين..!!
عهود:هه....قوليله يرتاااح مراجعتها مليون مره...وماقررت إلا وانا قدر قراري يامرام
مرام:قلت له...بس مارضى يقتنع
عهود:مصير الأيام تقنعه..
قفلت من مرام وارسلت له مسج..
(صِحِ آلگلآمٍ آليً سِمٍعُتِهُ وٍ وٍصِلنٍـيً .. !
سِـآگتِ .. !
... عُنٍ أحِزٍآنٍـگ ..
وٍنٍفٍسِــگ تِلـوٍمٍگ .. ؟)
ناظر المسج وانقهر مثل ماتوقع...فسرت جملته بإنها ضعف...رد عليها بمسج كتب فيه
(مصدرٍ حيِّآتيِّ عزتيِّ وٍآعذرٍيِّنيِّ
مقدرٍ آوٍآصل بآلهوٍى حآنيِّ آلرٍآِسَ)
مـــــــــــــــــن هنـــــــــــــــــآآ كانت النهــــــــــــــــــآآآيه...في علاقة عهود وفراس..
اثنينهم اختاروا خسارة الحب...ولا خسارة الكبريآآآآآء..
اليـــــــــــــــــوم الثــــــــــــــــــآآني...
بندر بالمستشفى...بعــــــــــــــد ســـــآآآعه بيدخل العمليــــــه...
فرآس:بندر...انت استخرت؟؟....بندر وربي احس اني مره متوتر
بندر ويكابر:هههههههه ليه متوتر...قلت لك ..اللي الله كاتبه بيصير..
فراس :بس انت........قطع عليه صوت موبايله يرن...ناظر الرقم: هذا ابوك..
رد:هلا خالي.....الحمدلله بخير...لا باقي...بعد ساعه بيدخل....تبي تكلمه؟؟...اوك هذا هو معك..
عطى بندر الموبايل...
بندر بإبتسامه:هلا يبه....بخير الله يسلمك.....يبه الله يهداك وشوله هالحكي...اللي كاتبه الله بيصير..
اهم شي الوالده والاهل مايدرون.....يلا يبه هد اعصابك..ودعواااتك.......اللهم آمين
ما امداه يقفل إلا فيصل يدق...ناظر الرقم ورد: هلا هلا...هلا فيصلووووه..هلا بالعريييس
فيصل:يوووووه يابندر يابرود اعصابك..الحين هذا اسلوب واحد بعد ساعه بيدخل عمليه فيها حياه او موت؟؟
بندر:قل اعوذ برب الفلق...ياخي سم علي...قول لا إاله إلا الله
فيصل:اسم الله عليك ماشالله لا إاله إلا الله..
بندر:هههههههه...اسمع فيصلووووه...ان صار لي شي بالله لا تعطي راكان سيارتي..هو من اول حاط عينه عليها
فيصل:بندر ياخبل وش هالحكي....وربي انا لو فيني خير كان ماطاوعتك وكان انا الحين عندك
بندر:وربي لو ادري انك بتسويها ما اخبرك...لكذا ماخبرتك إلا قبل امس...اعرفك..!!
فيصل:حرام عليك وربي الوالد خايف..وكل شوي مكلم دكتور يسأله عن خطورة عمليتك..!!
بندر:انت طالع بالجانب المشرق...يعني لو نجحت عمليتي...ماعاد بآخذ ادويه..ماعاد بيجيني ازمات...يعني برتااااح
وبعدين نسبة النجاح كبيره...وانا املي بالله كبير...
فيصل:والله اني مو متطمن وقلبي ناغزني..
بندر:اقول انت وقلبك...خلوكم على جنب..انا احس اني مرتاح وانشالله بقوم لكم بالسلامه..وبغثك انت وعيالك..
وبعلم عيالك المغازل انشالله
فيصل:هههههههههه الله يرجك يابندر...ويقومك بالسلامه ههههههه
بندر:ههههه آمين
فيصل:بندر...فروحه هنا تدعيلك ..وتقول شد حيلك عشان العروس..
بندر:يااا هالفروحه..ما قد كلمتني إلا وانت عندهاآآ...شكلك تنام عندهم بعد
فيصل:هههههههههههه لا وربي بس صدفه..وبعدين هذي آخر مره اشوفهاآ قبل الزواج..
بندر:يلعن اوم الصدف بس...المهم ياحلو...انا بقفل الحين..بروح اكلم صاحب السمووو واتطمن على بندر الصغيروون
فيصل:اااييييي صح بارك له بالمولود الجديد...
بندر:بدري؟؟...الولد له شهر من جا وانت توك تبارك...الله لا يفضحناآآ
فيصل:ههههههههه وربي نسيت..واساسا رقمه مو عندي..
بندر:خلاص بخبره...وقبل يقفل...بنبرة حزن وجديه:فيصل....لا اوصيك على خلود
فيصل بنفس الحزن:الله يهداك يابندر...وربي تقول كذا اخاف
بندر:يعني بس عشان اكون متطمن
فيصل:تطمن...ولاتشيل هم انت بس قوم لنا بالسلامه ...وتعال نزوجك
بندر:هههههههه تسلم ...يلا فمان الله
فيصل:فمان الله
قفل وكلم سامي...وخبره بدخوله بعد نص ساعه للعمليه وبعدها قفل..
باقي ع وقت دخلوه ربع ساعه...تردد يكلمهاآآ ولا لا...
مشتآآآآآآآآآآآآآآآآآآآآآآآآآآآق لهآآآ حييييييل...
ضغط على نفسه كثيييييير بالشهور اللي فاتت
بوده يكلمهاآآ ويسمع صوتهاآآ...بس مايبي يسمع عتاب او لوم بهالوقت بالذات..
قسى قلبه وهو يقول..."لازم تتعود على غيابي....وبعدين خلها تجرب ربع اللي جربته انا.."
بآآآخر لحظه...وهو ع وشك يدخل...دق عليهـــآآآ....يحس نفسه متوتر ويبي يهدا
يسمع الرنات ومع كل رنه يزيد توتره...
جلس يردد بداخله..."ردي....ردي ياخلود..محتاااجك...!!..."
انصدم وهو يقرأ ..لايوجد رد..
تضايق..عطى فراس موبايله..وحط راسه عالسرير وهم ينقلونه لغرفة العمليـــآآت..
فراس وهو يضغط ع يد بندر:شد حيلك وقوم لنا بالسلامه..!!
بندر ابتسم من ورآ توتره..: صدقني...بقوم..!!
دخــــــل غرفة العمليـــآآآت...
تنهد بضيقه..بدا الخوف من انه مايقوم مره ثانيه يتسلل لداخله..
تذكر خلود.....هو لازم يقووووم بالسلامه عشان خلود....مايبيهاآآ تعاني من بعــده
عطوه المخدر وطلبوا منه يعد...عشان يتاكدون انه تخدر تماما..
1
2
3
4
5
6
7
بدا يحس بثقل وهو ينطق:8
وغاب عن الوعي قبل ينطق:9
ابوفيصل وفيصل...محترقين بالسعوديه..
ولميس نفس الشي...
رن موبايل فراس للمره المليون:هلا عمي...لا لسا ماطلع...الله يهديك ياعمي قلت لك لو طلع ع طول بخبرك..الحين له 3 ساعات من دخلوه...فمان الله
ما مداه يقفل إلا لميس تدق: هلا لميس...بخير الله يسلمك...لا والله لسا ماطلع....الظاهر بيتاخر شوي...انشالله...فمان الله
خـــلود لما شافت اتصاله فز قلبهآآ...استغربت...اول مره تشوف رقمه من لما سافر..
تحس بضيقه من الصبح...والحين هو داق...لا يكون فيه شي..!!
دقت رقمه تبي تطمن نفسهآآ وهي متاكده انه ماراح يرد...
رن لما فصل...بس مافيه رد...تاففت وهي ترمي الموبايل ع سريرهآآ..
"زي العاده....انا مو من ناسك يابندر..!!.."
تقريبا تعودت ع هالحال...كل اللي قدرت تفسره انه يبي يدفعها ثمن اللي سوته قبل..
تحس انه مو من حقه ينتقم منها على شي ماكان بيدهاآآ بس بنفس الوقت عاذرته..
وتقول مصيره يرد بندر اللي حبيته..
دقت على لميس..
لميس ومبين بصوتها التوتر:هلا خلود
خلود بملل:شخبارك؟؟
لميس:الحمد لله بخير..وانتي شخبارك؟؟
خلود:ابد لا جديد....غير اني اليوم لقيت اتصال لبندر
لميس:من جد؟؟...ورديتي؟؟
خلود:ماكنت عند الموبايل..بس دقيت عليه وما رد
لميس:اهاا
خلود:لميس؟؟..وشفيك؟؟
لميس:هاه؟؟...لا ولاشي...وشفيني يعني
خلود:مدري احسك متوتره او مرتبكه...انتي تخبين علي شي؟؟
لميس:لا..
خلود:والله مايندرى عنك...عموما حاولي تجيني اليوم..احس اعصابي تلفانه مدري ليه
إحساسي بيصير شي اليوم مو زين
لميس خافت:لا فال الله ولا فالك..خلود لاتقعدين تفاولين...انشالله مو صاير شي
خلود:اووووك اهم شي حاولي تجيني وكلمي بقة البنات وخلونا نجتمع..
لميس:انتي دريتي عن عهود انها اليوم راحت تحلل؟؟
خلود بإبتسامه:من جد؟؟؟
لميس:إي..وربي هي قالت لي....لا وعندي خبر ثاني بعد
خلود:شنووو
لميس:بس الكلام لا يطلع حتى يتم الموضوع
خلود:شنووو حمستيني..!!
لميس:بــدر...ناوري يخطب مرام
خلود شهقت:بذمتك..!!
لميس:وربي..
خلود:وقولتك بتوافق؟؟
لميس:لا ما اظن...بس الله يستر..
بهاللحظه دخل محمد..:منو تكلمين..؟؟
خلود:افففف يالقافتكم يالأولاد انت وش خصك منو اكلم؟؟
محمد:يوووه ياخلود إذا كانت لميس ابي اقول لها شغله..
خلود:اي لميس شتبي منهاآآ..
ابتسم محمد بخبث:قوليلهاآآ النيلي طالع عليهاآآ جنآآآآآآن
لميس صرخت لما سمعته..وبعدها:خلود بعدين اكلمك باي
وقفلت
خلود:هههههههههه الله يرجك يامحمد.... احرجت البنت وقفلت..
وانت ماشالله متى قزيتهآآ؟؟...
محمد ويحرك حواجبه:يوم ملكتك...شفتهاآ صدفه وفصفصتها وهي ماتدري
خلود:لا وتعترف بعــد..!!
محمد بثقه:ههههههههه حنا عندنا قانون ان القز مسموح في حالات الصدف..
خلود:ومن وين جايبين هالقانون...ولا تقولي ان كل الشباب يطبقونه..!!
محمد:اكيـــــد...!!
خلود:لا والله رحنا فيها حناآآ
محمد:هههههههههه يعني انتوا اللي ماتقزووون؟؟...والله انكم تقزون احسن منناآآ..
الوحده فيكم اخوها وابوها يمهاآآ وهي تقز بعيال خلق الله
خلود:ههههههااااي...ليه مجرب؟؟
محمد:اي دايم البنات يناظروووني...لأني ابومليح
خلود: ياقلبي يامحمد وربي تحزني انت مع ذا الخشه يوم تحسب نفسك مملوح..بس ماعليه معذووور
محمد وهو يطلع من غرفتها:وجع وجع....منتفخ راسها مع هالبندر...
وعشان يقهرهاآ:ترا الحين كل بنات بريطانيا خاقين معه...يعني لاتحسبينه شي زين
خلود بثقه من بعيد:انا اعرفه زين...مايناظرررر غيري...وواثقه فيه
محمد:شوفي ثقتك وين بتوصلك..
اررررررتفع ضغطهاآآ وهي تتخيل الكلام اللي قاله محمد...
مسكت موبايلهاآآ ورجعت تدق عليه..بس نفس الشي..مافي رد...
دقت عالبنات وخبرتهم يجتمعووون عندهاآآ..
بعــــــد ســــآآآآعه...
كانوا كلهم ببيت ابوسلــطــــآآآن...
وفي عز السوالف وإندماج البنات...رن موبايلهاآآ...
ناظرت الرقم وحست بقلبهاآ بيخرج من صدرها وهي تشوف رقمه..
ردت وكأنها المره الاولى اللي تكلمه فيهاآآ: الوووووو
بعـــــد ربع سآعه...حست لميس بإن خلود تأخرت...
دخلت عليهآ وانصدمت بشكلهاآآ..
جالسه بغرفتها وتشاهق بكــي....
خــــــــــــــــــآآآآآآآآفت..
ع طول جا ببالهـــآآآآ "بنــــــــــــــــــــدر..!!.."
راحت لها بسرعه ومسكتها من كتفهاآآ...:خلود....بندر فيه شي..؟؟
خلود رفعت راسهآآ ناظرت بلميــــس لثواني..وبصوت مخنوووووق:بندرسوى عمليه..!!
تنفست لميس براحه ويدها على صدرهاآآ:لعن ابو ابليسك خوفتيني...حسبت صاير له شي؟؟..
منو مخبرك؟؟
خلود: هو نفسه...بنــــدر..!!
لميس بصدمه:بندر اللي مكلمك؟؟
خلود:إيه
لميس:يعني طلع من العمليه؟؟
خلود وهي تمسح دموعها: انتي كان عندك خبر؟؟
لميس:هاه؟؟.....اي....هو خبرني...
خلود بصدمه:وانتي كنتي عارفه ولا خبرتيني؟؟؟.....ليه يالميس؟؟؟
لميس:واعرف ليه ماكان يكلمك...ولا كان يرد عليك....بندر كان حاسب حساب لو صار له شي لاقدر الله
شلون بتتحملين غيابه....حب يعودك ع غيابه لوقت مايسوي العمليه وإذا قام بالسلامه يبين لك الموضوع ويعتذر لك
بس الحممممممد لله انه بخير...وربي لوشفتي حالة فيصل اخوه لتبكين
عهود اللي كانت واقفه عند الباب ودموعها على خدهاآ:شفيه بندر؟؟
لميس لفت لها وبإبتسامه:تطمني...مافيه إلا العافيه.....اليوم سوى عمليه وماخبر احد...ومن شوي هو داق على خلود وبخير
عهود ويدهآآ على فمها تمنع شهقتهاآآ..:عشان كذا كان يوصي فيك ياخلود قبل يسافر
لميس بنفس الإبتسامه:بندر موصي الكل على خلود
خلود دمعت عينها وهي تتذكر صوته.....كان تعبان ولسانه ثقيل من البنج..
بعدها كلمها فراس وطمهاآآ على بندر...بس صدمتها من اللي صار خلتها تنهار بكي..
يعني بندر ماكان قاصد انه يطنشهاآآ...كان يفكر فيها وشايل همها...وغير كذا موصي الكل عليهاآآ..
يحق لها لو تعشق تراب الارض الي يمشي عليها وماتنلام لو تموت بانفاسه اللي تنفسهــآآ...
من هاللحظــــــــــه...بنــــــــدر صار بالنسبه لها الحيـــــــــــآآه..
بعـــــــد اسبــــــوع...
بندر طالع للجامعه ويكلم خلود: وش مصحيك يادوبا لهالوقت؟؟
خلود:اممممممممم يعني لما قلت لي انك بتداوم اليوم حبيت اتطمن عليك قبل تداوم
بندر:ماعليك هذاني مثل الحصآآن...
تنهد وهو مبتسم:خوختي هانت...كلها كم شهر وبكون عنـــدك...!!
خلوود بإبتسامه:اي....الله يصبرني بهالكم شهر..
بندر:خوخه بعدين ابيك بموضوع...بدق عليك اليوم بالليل ونحكي....ضروووووري نحكي..
خلود:اووووك بنتظرك..
بندر: انتي ماعندك محاضره الحين؟؟
خلود:لا...بعد ساعه محاضرتي..
بندر:اهاااا طيب قلبووو يلا انا وصلت الجاااامعه...انتبهي ع نفسك واسمع صوتك بالليل
خلود:اوووك..وانت بعد...
بندر:من عنوني الفوشيه...
خلود:ههههههههه طيب يا أبو عيون فوشيه..يلا باي
بندر بعربجه:هيييي هييي...على وين
خلود ببراءه مو تقول وصلت جامعتك؟؟
بندر:اي وصلت ماقلنا شي...بس مو كنك بتقفلين وانا ماكملت كلامي؟؟
خلود:طيب اسمعك قول
بندر:لا انا اللي ابي اسمعك
خلود مافهمت:شنوووو
بندر:قولي حبيبي
خلود:هاه؟؟
بندر:هههههههههه يلاااا خوختي وربي امنيتي اسمعها منك..
خلود:حبيبي
بندر:بعد مره
خلود:خلاآآآآص
بندر:هههههههههه اوووك....سكت شوي وبهدوء:خلود؟؟
خلود:همممممم
بندر باعلى صوت:احبـــــــــــــــــــــــك
خلود:هههههههه وانا بعد احبك
بندر:يلا باي
خلود:فمان الله
قفل بندر وتفأجأ بإن كل اللي حوله واقفين يناظرونه...
حك راسه بإحراج ومشى...
فــــــــــــي نفس اليــــــــــــــــوم
مرام ببكي: مـــــــــــــآ ابي...يبــــه وربي ما ابي ارتبط باحد..
عــــــادل: مرام....ابوي ما يبي يجبرك عالسالفه...يبيك توافقين برضاك...بس صدقيني لو عندتي راح توافقين غصب
مرام بصوتها المبحوح:طيب ليه؟؟.....ليه ماتحسون فيني..؟؟...انتم عارفين شاللي مريت فيه انا..!!
ابوعادل:يابنتي الله يهداك....يعني انتي مو اول وحده يصير فيهاآآ كذآآ....وبعدين دام ولد خالك يبيك وراضي انتي ليه ترفضين؟؟؟
مرام:لأان وحده بوضعي المفروض ماتفكر تتزوج..
عادل:مراموووه لاتجننيني..!!...نقولك الولد يبيك وشاريك...!!...مالك مبرر ترفضين..!!
ابوعادل:اخوك معاه حق...مرام...ماكان بودي اقولها لك...بس صدقيني اللي بسويه لمصلحتك انا بعطي خالك الموافقه..
ومصيرك بتقتنعين...جهزي نفسك...يمكن بعد كم يوم تروحون تحللون..
طلع ابوعادل وطلع عادل ورآآه..
مرام جلست عالأرض وبكـــت من قلب....رفعت موبايلهاآآ ودقت رقمه وهي معصصصصبه...
رد عليها ومتوقع شبتقول..
مرام بإنفعال:انت لييييه تسوي كذا؟؟....ماااا ابيييك....ياخي ما ابيييك...حرام عليك وربي حرام...
بدربهدوء:مرام....انا ابيك من قبل وانتي عارفه...وكنتي راضيه...اش معنى الحين رافضه وماتبيني
مرام ببحه:لان كل شي اختلف الحين....حتى انا يابدر تغيرت...ماصرت مرام الأولى..
بدر بحده:سبق وقلت لك مرام الأولى انا برجعها بنفسي...وبحنيه:مرام...ساعديني...وربي اشتقت لهاآآ
مرام ودموعها على خدهاآ: بدر...وربي ماصرت اشوف الحياه بالوانها...وربي تغيرت يابدر....صدقني مافي امل ارجع
لاتحاول...وربي بتندم
بدر:مرام...طيب عطيني فرصه..!!.....بس فرصه وحده..!!
مرام سكتت شوي..:طيب ...بس بشرط..!!...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك