رواية فمان الله يا غالي -67
محمد يهمس لبندر..:هاااا ياعريس خبرتها؟؟
بندر:لا والله ماقدرت...مووو حلوه اخبرهآآ اليوم
محمد لف عليه بصدمه:اجل متى ناوي تخبرهآ؟؟
بندر:يمكن بكرا وانا ماشي امرهآآ...بآخذ بخاطرهآآآ وبسافر..
محمد:والله ماااالك دااعي...ما اتوقع يعدي الموضوع بالسهل
بندر وهو يتنهد:الله يعين..
ابتسم وهو يشوف موبايله يرن..
راح بعيد وهو يرد:هلا والله بالغــــــــــــــــآآلي
سامي وهو يضحك:هلا بالعريييييس...أوخييررآ مابغيت ياريال..
بندر:هههههههههه ابشرررك...دخلت القفص الذهبي
سامي:الله يوفقك يارب ونشوف سامي الصغيرووون
بندر:هههههههه بحياتك انشالله...طمني عليك سموووو شخبارك وشخبار الاهل
سامي:بخير الله يسلمك..كلهم بخير..
بندر:شخبار بنـــدر...؟؟
سامي:ترى غثيتني بهالبندر ياااااخي صدقني ماني مسميه بندر
بندر:انا ماااني مناديه إلا بندر..!!
سامي:والله خوفي اسميه بندر ويطلع راعي حركات مثلك
بندر:كفووووو والله...انت خله يجي ربعي ويكفي
سامي:بس بس...يابوراس كبر بيتناآآ...مدري منو نافخ راسك...هالأيام كبير بزيآآده
بندر:والله امس مريت بنشر..
سامي ببلاهه: ليه؟؟
بندر:عشان انفخ راسي هههههههههه
سامي:ههههههههههههههههههههههه لعن ابو ابليسك اقول بخاطري وشفيه الريال دش عرض بالسالفه
بندر:ههههههههههههه لزوم ندش عرض
سامي:من يومك يابندر ماتبطل هبالك...انا قلت الولد اعرس اكيد بيعقل...بس الظاهر ماكو امل
بندر:ماتحس انك صاير تجيب طاري امل كثير هالأيام؟؟
سامي:متى جبت طاريها لعن ابو ابليسك؟؟
بندر بجديه:من شوي تقول ماكو امل..
سامي:هههههههههههههههههههههههه الله يصبرني على هبالك بندروووه..
بندر:ويصبرني ع ثقالة طينتك سموووو
سامي:هههههههه بعضنا يكمل بعض يالغالي
بندر:ع قولتك...انا الجسد وانت الروووح
سامي:تسلم فديتك...يلا ياريال...انا استأذنك بروح اودي الاهل المستشفى نتطمن عالصغيروون
بندر:الله وياك يالغالي...والله الله في بندووور...
سامي بفرحه:كلهاآ شهرين وبصير ابووو
بندر:الله يرزقك الذريه الصالحه
سامي:وياك يارب...يلا فمان الله
بندر:فمــــــــــــــــآن الله يالغـــــــــــــآلي
بعـــــــــــــــد ما انتهت الحفله تقريبآآ عالفجر...الكل رجعوا لبيوتهم..
عبدالله والهنوف..مشوا عالإمارات مره ثآنيه..
وخالد وشذى رجعوا للدمـــآآم..
اليــــــــــــــــــــــــوم الثـــــــــــــآآآني..
بعــــــــــــــد ما ودع اهله وودع الكل...دق عليها وخبرهاآآ انه جــــآآآي..
نزل بنـــــدر من سيــــآرته...وقف قدام الفيلاآآآ....تنهـــــد ومو عارف شلون بيتصرف..
دق عليهآآ..وهو يناظر الفيلاآآ
ردت بسرعه:هلا بندر..!!
بندر:يلا..انا عند الباب انزلي افتحيلي
خلود:اوك يلا جايه
فتحت البآآب وهو كان معطي الباب ظهره...لف وشافها مبتسمه...ناظرهآآ لثواني وهو خاااااق ع شكلهآآ
سمى عليها بنفسه...وبإبتسامه:شلونك يالغلآآ
خلود:بخير الله يسلمك شلونك انت؟؟
بندر:الحمد لله..ماشي الحاآل...اممممممم
قرب منهاآآ وهمس:وحشتيني..!!
خلود وتوردت خدودهآآ:وانت اكثر..
بندر:حلفي
خلود ببراءه:والله انت اكثر..
بندر:هههههه طيب بتخليني واقف هناآآ؟؟
خلود بإحراج:هاه؟؟.....لا
بندر:ههههههه وشو هاه لا
خلود مفهيه ع شكله:ادخل مافي احد..
بندر دخل ولف بنظره بالفيلاآ:ليه وينهم؟؟
خلود:راحوا بيت عمي بو عبدالله...بيتغدون هناك
بندر:غريبه؟؟
خلود:امممممم امي شيخه تبي تروح وابوي قال يلا
بندر وهو يجلس عالكنبه:اهاااا..
خلود واقفه بنفس إبتسامتهآ وتحس انها متوتره:شنو تشرب..
بندر تنهد:ولا شي....تعالي اجلسي هناآآ
وشر لها على مكان جنبه
راحت جنبه وجلست بإحراج..
بندر ويناظرهآآ:وش هالحلا دلووعتي طالعه قمر..
خلود:تسلم..
بندر:هاااا كيفك بعد امس...نمتي زين؟؟
خلود وهي تتذكر انتظارها له انه يدق..:يعني..
بندر:شلون يعني...
خلود:يعني نص نوومه...ماشبعت
بندر:يلا الحين بعد ما اطلع تروحين تكملين نومتك وتريحين جسمك
خلود:انشالله
بندر ويناظر الساعه....تأخر كثير...باقي ساعه على موعد الطائره المفروض يكون مشى عالمطاآآر
توتر وهو يستعد يفتح معاها الموضوع...حس انه مبتلش ومو عارف شلون يبــدا..
وقف..وهي تناظره مستغربه..
جلس بركبته عالأرض ومسك يدينها وضمها بين يدينه...
ناظرهآآ وعينه بعينهاآآ..وبنبرته الهاديه:خوختي..
خلود بسرعه:يالبيه
بندر ابتسم:لباك قلبي...بقولك شغله...وياريت تسمعيني زين..
خلود بهدوء:تفضل اسمعك
بندر بجديه:انا كنت ابي اقولك من امس...بس والله ماقدرت اخبرك...يعني ماحبيت انغص عليك وعلى نفسي..
بس الحين لازم اقولك...لأاني تأخرت كثير..
خلود وخافت:تاخرت ع شنو؟؟
بندر:خــلود...مثل مانتي عارفه انا لسا باقيلي ترم بدراستي ماكملته...وببريطآنيآآ يبدأ الترم بعد 3 أيآآآم..
وانا لازم اكمل...لكــذآآ انا اليوم ماشي ع بريطــآنيـــآآ .. عشآن يمديني اتجهز وارتب اموري...
وانشالله لمــــآ ارجع راح نتزوج ونكمل حيآتنا مع بعض للأبد..حسب اتفاقي مع ابوي وعمي..
خلود تناظره بصدمه وبهمس:يعني انت الحين مسافر؟؟
صدمهاآ زيــآده وهو يكمــل: وماراح ارجع إلا بعــد 5 شهــــور..
شد على يدينها بقوه وهو يقول:خوختي..ما ابيك تتضايقين اوتشيلين بخاطرك مني لأني ماخبرتك من بدري
بس صدقيني..هالوقت كان الوقت الوحيد اللي يسمح لي اخبرك..وربي لولا الظروف مافارقتك يوم واحد
ادري5 شهور مو هينه..وصعب علي وعليك نظل بعيدين عن بعض...بس صدقيني انشالله بيمرون بسرعه وماراح نحس فيهم
خلود ببطء:طيب..وزواج اخوك فيصل اللي بعد 3 شهور
بندر بحزن:ما اعرف...يمكن ما احضره..ويمكن اجي بيوم الزواج وارجع..
خلود وهالمره دمعت عينهاآآ..
يعني بتفارق بنـــدر مره ثـــــآآنيه..
يعني بيغيب عن عينهاآ 5شهور ثآآآنيه..
توها امس كانت تحس الدنيا موسايعتها من فرحتها بلقاهم
واليوم تحس الضيق كاسيهاآآ لأنه بيرجع يغييب عن عينهـــآآ
بندر شاف عيونها وهي تغرق بدموعهآآ...مرر اصابعه على خدهآ بحنان وهو يمسح دموعهاآآ
وهمس لهــآآ:اوعــــــــــــــدك..اننا نلتقــــي..
ليه وعدني؟؟....ليه احس من نبرة صوته وطريقته معاي إني ماعاد بشوفه؟؟..
ليــه أحس ان هذي آخر مره اشوف فيهآآ بنــدر..
انخنقت زيآآآده وهي تسال نفسهآآ هالأسئله..
شهقت بدمعتهاآ وإحساسها بإنها راح تفقد بندر للأبد يجتاحهاآآ
بندر متوقع ردة فعلها من قبل...مسكها من كتوفها ووقفهاآآ..وضمهــآآ له..
وإحساسه هووو بعد بإنها آخر مره راح يضم فيهآ هالجســــــد..
حس بإنــــه مخنـــــوق...
انتظرهاآآ حتى هدت شوي..وابعدها عن حضنه وابتسم لها بهدووء وهو يقول:دلوعتي؟؟ وش هالدموع كلهاآآ
خلاااص وعدتك اننا نلتقي...واي فرصه بتجيني راح اجي السعوديه عشــآآآنك..ولا اقول..شرايك اجلس هنا وبلا دراسه بلا هم
خلود بسرعه وهي تمسح دموعهاآ:لا إش اللي بلا دراسه...لازم تكمل...واللي صبرني الـ6شهور اللي فاتوا
كملت وعينها بعينه:يصبرني 6 شهور جايه..
بنــدر ويناآظر ساعته وهو ماشي للباب:اوووك يالغلآآ...انا الحين تأخرت كثير...باقي نص ساعه ع موعد الطيــآآره..
دخل يده بجيبه وطلع منه مفتاح سيارته...امسكي خوختي..هذا مفتاح سيارتي خليه معاك حتى ارجع..
وإذا رجعت بالسلام انشالله بستلمه منك
خلود بعد ماوقفوا عند باب الفيلا وهي تاخذ المفتاح:انشالله....تروح وترجع بالسلامه..
بندر باسهآآ بجبينهاآآ..وهمس لهاآآ:احبـــــك يابعـــدهم..
رجعت عيونها تدمع: وانا بعد...احبــــك
بندر ابتسم ع طريقة نطقهآ لهالكلمه...يعـ...شقـ...هآآآآآآآآ...
قال وهو يشد على يدهاآآ بقوه:فمان الله دلوعتي
خلود بخقنــه:فمـــــــــــــــــآن الله يالغـــــــــــآلي..
طلع بندر وركب لومزين ومشى عالمطـــــآآآر بسرعة البرق عشان ماتفوته الطــــآآآئره
بنــــدر بالمطـــآآآر...شوي وبيركب الطـــآئره...دور رقمهـــآ بسرررعه ..ودق عليهآآ
ردت:هلا بالعريييس هلا هلا
بندر بإبتسامه:هلابك زوود شخبارك
لميس:بخير الله يسلمك
بندر:هااااا كيف العرسان
لميس:بخير لهم ساعتين داخل..وانا مثل ابليس محبوسه بغرفتي
بندر:ههههههههه فيصلوووه؟؟.. احلق لك شنباتي إذا طلع من عندها قبل العصر
لميس:إي والله ماتوقعت فيصلوووه كذآ احسبه رزه
بندر:بنشوف عريس الغفله شنو بيطلع
لميس:بهبل فيه ههههههههههه
بندر: ههههههه الله يكون بعونه....سكت شوي...
وبعدها قال بنبره جاده:انا الحين بالمطــآر...محد يدري عن عمليتي غيرك يالميس..
لا اوصيك على خلود...انا قبل العمليه ماني مكلمها ولا داق عليهآآآ..ماراح اكلمهاآآ إلا لما اضمن اني بكمل معاها حيآآتي
وبحزن:لميس...لا اوصيك على خوختي.. انتبهي لهاآ
لميس ودمعت عينهاآآ: بندر لاتقول كذآآ ...انشالله بتقوم وبترجع لنا بالسلامه وبتنتبه لهآآ بنفسك..
بندر ابتسم:انشالله...وانشالله ما ارجع إلا انتي متزوجه وببطنك ولدك هههههههه
لميس من بين دموعهاآ:هههههههه لا انشالله...تخيل شكلي..ههههههه
بندر:هههههه اقول يالدباآآ...بتفوتني الطائره وانا اتخيل شكلك...يلا فمان الله سلمي على فيصلوووه الخبل...
لميس:انشالله..فمان الله وتوصل بالسلامه انشالله..لاتنسى تطمنهآآ بوصولك..
بندر:انشالله...مع السلامه
قفل...وقفل موبايله...وركب الطيـــــــــــــــآآآره..ومشى على بريــطـــآآآنيــآآ..
"أنت ياللي كبريائي منحنيلك
من غلاك أحيان أضعف لك وأهابك"
الصبـــــــــــآآح
فـــــــــــــــي بريطــــآآآنيـــــآآآ...فراس نآآآزل...بيروح جامعته....وقف وهو يشوف باب غرفتهاآآ..
انخنق...فقدهـــآآآ كثيييييير...ماتوقع انها لهالدرجه ماليه حيآآته وانصدم بالفراغ اللي تركته بغيابهآآ
راح لجهة غرفتهاآآ...حط يدينه على مقبض الباب....فتح بهدوء وهو يحلم ان عهود بداخلهآآ...
فتح وهو يتمنى امنيه مستحيل تصير....يفتح ويلقى عهود بوجهه....فتح ولقى الغرفه خآآآآآليه...مافي اي معالم حيآآه
تنهد بضييييقه واخذ نفس طوييييييل يقاوم الخنقه اللي اجتااااحته..
طلع وقفل الباب وراه وفي حالة ضعف منه فتح موبايله وارسل لهآآ..
بعد ما اخذ رقمها من مرام اخته..
(تعآل ولآ تجي ..
إلآ .. مع آشوآق الهوى ..
تكفى’ .!
صعب حآلي مع الغربة
تعآل آقرب
آنا مآأقدر على الغيبة ولآ آقوى)
بعــــــــد ماودعت بندر رجعت تكمل نومهاآآ
صحت من نومتهآآ على رنة المسج..
فتحت عيونها بكسل...وفتحت المسج وقراته انصدمت وهي تشوف الرقم..
من بريطآآنيــآآ..اكيد..فرآآآس..!!
ابتسمت وهي ترمي راسهآآ عالمخده....."أخيرآآ انكسرت لي يافرآآس"
ماردت ع مسجه ورجعت تكمل نوم والإبتسامه بوجههآآ..
بعد 4 ساعات صحت من نومتها حصلت مسج منه..
(سوري عالمسج ارسلته بالغلط....معليش عالإزعاآآج بس قلت اخبرك قبل ينتفخ راسك...فرآس)
انقهرررررررررررررررررت منه مررره ياربي هو متعمد هالحركه ؟؟...ولا من جد غلطاآآن؟؟
لا انا اعرف فراس....هذي حركاته عشان يستفزني.....ردت عليه..
(عادي حصل خير....بس ع فكره ماوصلني شي...وإذا هذي حركه عشان تحتك فيني...دخيلك ريح اعصابك)
وصلت معاه وقفل موبايله ولا رد عليــــهآآآ
بعـــــــــــــــــد شهــــــر...
"حبيبي ليه متضايق وعلي متغيِّر إسلوبك ..؟
يبيِّن لو سِكت قلبك .., ب أنْهَا ضيقتك مني"
كالعـــــآآآده...كل العآ آئله مجتمعين ببيت ابووو سلطــــآآآن..
خلود تكلم لميس بإنفعال: تخيلي من لما سافر ما كلمني ولا مره..!!...سآآآآآحب علي..!!
لميس:يمكن مشغول بدارسته....
خلود:لميييس...شنوو مشغول بدراسته...انا زوووجته..تفهمين شنو يعني زووجته..!!
لميس:ياربي خوخه...الغايب معاه عذره...يعني تتوقعين مسويها متعمد؟؟...أكيد لا..
خلود بضيقه:والله ماصرت ادري يالميس...المشكله اللي يقهرني انه يكلم الكل صح انه بالنادر بس عالأقل يكلمهم
وانا حتى مايسال عني...بس بالنادر يجيني محمد ويقولي بندر يسلم عليك...والله مو قادره افسر تصرفاته..!!
لميس: والله ما تدرين وش ظروفه انتي...يمكن يبيك تشتاقين له...
وبعدين انا قلت حق مرام تسال فراس عنه..قال انه مايشوفه إلا بالنادر اغلب وقته يابجامعته يانايم
خلود:طيب انا ارسل له..وادق...مع انه المفروض العكس...ادق دايما موبايله مغلق..او مايرد
ارسل....يرد علي بالنادر وبعدها يقولي انا طالع ولا مشغول ولا بنام...احس انها مره موصله معاي
هذا اول شهر ومووو قادره اتحمل...اشلون بتحمل 5 شهور زياده..
لميس سكتت وماعرفت شتقول..
بنفــــس المكـــآآآآن...
عهـــــــــــود بإنفعال:مراموووووه انتي ليه بس تجيبين لي اخباره...ابيك تخبرينه وقوليله انه مااايهمني..!!
مرام عصبت:طيب لييييه؟؟...ابي افهم ليه؟؟
عهود:ليه انتي ماتبين بدر؟؟
مرام ناظرت يدها وبحزن:انا وضعي غير
عهود:لا يامرام...كل واحد وله اسبابه...انتي تحبين بدر بس مستحيل تكملين معاه
وانا احب فراس بس صعب نستمر...إذا هووو فاقدني..او انا اشكل فرق بحياته يتكرم ويقولي بنفسه
اما يقعد يكابر ويسوي نفسه ماتأثر بفراق...فأنا مو مضطره اكمل معاااااه
مرام:المشكله انه ماشكالي...بس انا اعرف اخوي ياعهود
وربي لو يكون فيه بلاوي الدنيا مايشكي لأحد ولا يبين
عهود:هذا انتي قلتيهاآآ...طيب ليه اتعب عمري واهتم...وهو بالنهايه بيذلني..
مرام متصوره؟؟...اخوووك تحدااااااني انه ليذلني...ليه اروح للمذله برجووولي
مرام:خلاص قفلي عالسالفه
سكتووا شوي..
عهود:مرووومه..
مرام:هممم
عهود: متى آخر مره حكيتي انتي وبدر..؟؟
مرام:ماشفته من ايام الرحله اللي قبل ملكة اخوانك
شهقت عهود:ويـــن صبررك..!!
مرام بحده:عهود افهمي..بدر..مو لي...ليه اعلق نفسي فيه...!!
عهود:طيب دامه يحبك وراضي فيك ليه انتي ماترضيييين
مرام:عهووود لو انا بمكاااانه ماراح ارضى آخذ وحده................(وبكت)
عهود ندمت انها فتحت الموضوع...قربت من مرام وبهدوووء:خلاص مرومه وربي آسفه..
مرام رفعت راسها وهي تمسح دموعهاآآ: انا وحده غبيه...وربي ياعهود اكره نفسي...
احس ودي اموووووووت......تخيلي تعشقين شخص لحد الجنون وتحرمين نفسك منه عشانه هوو
وربي صعب...بس صدقيني بدر مااايستاااهل..هو مو ملزووم فيني
عهود وتبي تنهي السالفه...:خلاص مرومه سوي اللي يريحك
بنفس المجلس بس بعــــآآلم ثآآني..
حلاآآ: تخيلي ديمووووه امس كان ميلادي تفأجات انه مرسل لي بوكيه ورد..وعلبة شوكولا..وقاتووه كبيير
ديما وتدقها من كتفهاا:حرركاآآت والله الولد روومانسي
حلا بإبتسامه:اي فديته
ديما:طيب شلون وصلهم لك؟؟
حلا:عطاهم فهـــووود....هالأيام علاقته بفهووود اخووي مررره صايره قويييه
ديما:مصآآآآلح عشان كذآآ
حلا:لا وربي بس شفتي سنهم قريب من بعض يعني بينهم سنه اوسنتين بس..
ديما:تدرين ان فهود يحب سمر؟؟
حلا:إي الكل يدري...ومره قال حق الوالده ع اساس يخطبهآآ...وسووله هي وخالد سوااالف عشان هالشغله
ديما:والله معاهم حق...لما تجين للمنطق..وش يجبر سمر تاخذ اصغر منها ولا هو وش يحده على وحده اكبر منه..
حلا:والله ياديما لو جربتي تحبين ماتقولين كذآآ..
ديما:عساني ما اجربـــه
آآلاء: سمــــر..!!....معقوله تفكرين هالتفكير؟؟
سمر: وش اسوي...احس خلااااص مافي امل انا وهو نكون لبعض..
الكل بيرفض الفكره..
آلاء:بس فهد مصررر عليهاآآ وانتي كذآ بكل بساطه تستسلمييين؟؟
سمر بجديه:آلاء...السالفه موو استسلم او لا...السالفه لما يجيك كل شهر واحد يتقدم لك وترفضين
يسالك اخوك ليه رافضه؟؟....وانتي ماعندك اي سبب
آلاء:صدقيني مصير امي وخالد يقتنعون..وانا وربي بعد اللي قريته بعيون فهد..إنه بيوصلك يعني بيوصلك
سمـر ابتسمت بهدوء..واكتفت بالصمت
جمــــآآنه:سلطانووه الدب...يتريق ع كرشتي واناااا اعصصصب يقوم يضحك علي
شــذا:وربي انها حركات خلووود...نفس الحرررركآآآت...يختي ماتدرين وش يبوون
رهف:مارحتي تشوفين شنو ببطنك؟؟
شذا بإبتسامه:إلا أكيييييد...اممممم يقولون غالبآآ بنت
رهف:يانااااس...يدننون البنات..اونتي جمجوووم
جمانه:لا انا تاكدت خلاص ولد....بس رافع ضغطي سلطان مصر يسميه بإسم عمي..وانا مااا ابي ..
ابي اسميه رآآئد...
رهف:طيب حلووو عبد الله ...ليه مب عاجبك
جمانه:مو مسالة مووو عاجبني....بس...احس رائد احسن...وتاقلمت ان اللي ببطني اسمه رائد
شــذآآ:ههههههههه انا وخالد دايم نتهاوش...انا اقوله انت اختار اسم انت ابوهآآ..
يقول لا انتي امها وانتي اللي تعبتي فيها انتي اختاري
جمانه:كل شي بهالحيــآآه يصير عكس اللي تبين
رهف:ههههههههههههههه صادقه وربي
بمـــكــــآآآن ثـــــآآآني..
ام مهند: انتي كلمي البنت وشوفي راآآيهآآ..وإذآآ هي متقبله الوضع وعادي...بخبر مهند وهو يحاكي خاله
بس هو حاب يعرف رايها قبل
ام فيصل:واللله ما ادري شقولك...بس اختها اللي اكبر منهاآ باقي ما انخطبت..
ام مهند:والله يا ام فيصل دانه ماشالله عروس وماعليهاآآ كلام...بس انا ماصدقت ولدي يقتنع ويومه اقتنع عنده مواصفات معينه
وكلهاآآ ماتنطبق إلا على عهود...هي بتكوون خطوبه بس لحد مايسهل ربي لدانه وتتزوج..عالأقل
ام فيصل:خلاص انشالله إذا قدرت بكرآآ فآتحتهاآآ بالموضوع وخبرتك متى ماجاني رد
ام مهند: تسلمين يالغاليه
في بريطـــآنيآآآ
فراس وبندر جالسين بالصــــآآله..
بندر:فراسوووه؟؟
فراس وهو ياكل شيبس:همممم
بندر:كم بقيلك وتخلص..؟؟
فراس:باقيلي سنه و4 شهور...بس بإمكاني اضغط جدولي حبتين واخذها بـ 10 شهور
بندر:طيب وقولتك بتقدر؟؟
فراس:والله جالس افكر...ما ادري..
بندر: بتحضر زواج فيصلووه
فراس:ما اظن يمديني...والله بودي...بس لو ضغطت جدولي ماراح اقدر..وانت؟؟
بندر:على حسب موعد عمليتي
فراس وعدل جلسته:أي عمليه..؟؟
بندر توه ينتبه ان فراس ماكان عنده خبر....لف عليه بجديه:شوف فراس....بخبرك بشغله بس ياويلك ان احد درى غيرك
انا كنت اراجع بمستشفى هنآآ قبل اسافر للسعوديه..وكانوا مقررين لي عمليه موعدها بالشهر اللي قضيته هناك
ولان الموعد فاتني اجلوهاآآ 3 شهوور...وبسويها انشالله بعد شهرين..
فراس:اهلك مايدروون؟؟
بندر:لا...ناوي اخبر ابوي وفيصل بس مو الحين...قبل الموعد بكم يوم
فراس:وليه ماخبرتهم من بدري
بندر وتنهد: لأان نسبة نجاحهآ 64%
فراس بخوف:والبقيه؟؟؟
بندر:إذا مانجحت غالبآآ وفآه
فراس انفعل:مجنون انت؟؟...وبتسويهآآ؟؟
بندر:بسويها عشان ناس احبهم ويحبوني وماعندي استعداد اخليهم يعيشون بخوف انهم يفقدوني بيوم
فراس:بس يابندر انت كذا تخلي فيه احتمال انهم يفقدونك بهالوقت
بندر:عشان اعيش لازم اغامر...واللي كاتبه ربي بيصير يافراس
فراس:طيب وخلود؟؟
بندر تنهد من قلب:هذا اللي انا شايل همه..ودي اخبرها عشان امهد لها لو صار لي شي لاسمح الله
وماودي عشان ما اخوفها واخليها تقلق وتشيل هم
فراس:والله موقفك صعب حييييل...بس الأفضل ماتخبرهاآآ..
بندر:الظاهر هذا اللي بسويه
فراس:طيب غريبه ماقد سمعتك تحاكيهاآآ...
بندر:انا من لما جيت هنا ما كلمتهاآآ..آخذ اخبارها من اخوها محمد...واوصل لها سلاام
صعب يافراس اعلقها فيني وفجاه اروح واتركهاآآ
فراس: بنـــدر..!!...ليه تقول كذآ وكنك متاكد انك ما راح تعيش..!!
بندر:انا اقول كذا عشان امهد للكل..واهون على نفسي..
فراس: بندر...وربي اقلقتني عليك الله يرجك
بندر:شفت انك تغليني ياخبل
فراس:اي اغليك اكيد
بندر:فديتهم يانااس اللي يغلووووني..واكيد بعد
فراس:اقول قسم بالله ان مابطلت هبالك لأغليك لين يستوي جلدك
بندر:هههههههههههههههههههههههههه بمويه ولا بشنوو؟؟
فراس:لا بويسكي..هاهاها
بندر:هههههههههههههههههههه وربي انك حاله يافراسوووه
فراس:انت حالات مب حاله
بندر:ههههههههههههههههه وقسم لو طق لي عرق فهو من تحت راسك ياخبل
فراس:مشكور ماعليك زود..
بعـــــــــــــــــــــــــــد شهـــــــــــرين..
"قسوتي ماهي بسهلة قسوتي فيها اذيّه
والغلط ماهو بقلبي الغلط مابه مجال"
عهــــــــود بالسياآآره مع ابوهاآآ رايحه للمستشفى عشان تحلل هي ومهند..
إي بعـــــــــــــد صرآآآآآآآع بين قلبهاآآ وكبريــــآآءه للأسف طلعت مثل فراس وانتصر كبريآآءهآآ
ووافقت على مهند عشان تثبت لفرآآس انها تقدر تعيش مع غيره وانه مو قد تحديييه..
غرقت عيونهاآآ دموع..وهي تذكر مكالمتهآآ الاخيره له قبل كم يــوم..
عهود بالم:مهنــــد تقدم لي يافرآآآس
فرآس ومتنرفز:هه عندي خبر من قبل لاتروحون للسعوديه..
عهود انقهررررررت:طيب عندك خبر اني وافقت وبعد كم يوم بروح احلل؟؟
فراس انصدم...رجوله ماتشيله رمى نفسه ع طرف سريره وهو يقول: من جدك؟؟
عهود وحست فيه:اي...هذا اللي بيصير...انا خبرتك بس عشان اثبت لك انك مو قد التحدي...
واثبت لك بعد..ان اللي يتحدى فيني يخسر ومو انا اللي امشي على كيف احد يافراس
فراس بإبتسامة سخريه:هه....آخر همي ياعهود هووو حبك...وع فكره...الحب عندي وبحياتي..مايقدم...ولا يأخر..
وكون اني ارتكبت اغبى شي بحياتي وحبيتك فصدقيني غلطه وبتتصلح...ومن الحين اقولها لك...الله يوفقك مع مهند
بس عسى تكونين متهنيه وراضيه عن قرارك..وصدقيني ياعهود..انا لما اقول انك لي...يعني...انك...لي..!!
عهود:اي راضيه ومبسوووطه..وانشالله تكون دعوتك من قلبك..انا خبرتك عشان ماتضل متعلق بوهم..استاذ فراس..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك