رواية فمان الله يا غالي -64
فراس: ما ابي شي...انا بناآآم مرررهق ووراي دوام بكــــرآآآ
ام فيصل: طيب قبل تنام برسل لك الخدامه تعقم لك الجرح اللي بوجهك
فراس وهو يطلع الدرج: تسلمين خالتي..
طلع ودخل غرفته..
جلس ع طرف السرير ويحس حيله منهد...
حاط يدينه على راسه وباله منشغل..
بالرغم من الضرب الي تعرض له والألم اللي يحس فيه
إلا ان هذا كله مايجي ذره جنب الخبر اللي سمعه..
كلام مرام يتردد بإذنه..
"مهند يفكر يخطب عهود اول ما يجون للسعوديه...إذا انها تهمك او تبيها لازم تتحرك..ولا بتخسرهاآ.."
بس شلووووون؟؟...شلون يعني يتحرك؟؟
يعني ينذل لهاآ يعني يتنازل لها ويعتذر...
يعني يعدل وضعه معاها بعد ما حلف لها يكسر خشمهاآآ
لا هوووو فراس..مايسويهاآآ..
تنهد....يحس بخنقه..
لازم يتنازل عن واحد من اثنين....
كبريآءه وغروره قدام عهود....او عهود نفسهآآ
ام فيصل نادت الخدامه وقالت لها تاخذ بوكس الإسعافات وتطلع لفرآس
وقبل تمشي الخدامه..
دانه: لحظهـ ...يمه فراس مايواطن الخدامات...خليه انا بطلع البوكس له..
وقفت دانه..واخذت البوكس وطلعت لغرفة فرآس...
وهي بالدرج وقفهاآ صوت عهود..:دآنـــــــه..
لفت دانه...وعهود طلعت عندهاآ
عهود بإحراج وهي تلعب بيدهاآ..: ياريت لو تعرفين شصار له وتطمنيني
دانه ابتسمت بهدوء:اوووك
وطلعت
دقت الباب بهدوووء وشافت فراس على نفس وضعيته..
وقفت فتره تناظره وماتدري شتسوي..
رفع راسه وشآآفهآآ..
همست دانه: سلآمات ماتشوف شر
فراس بتعب:الله يسلمك..
قربت دانه منه وهي تساله:شصار؟؟
فراس سكت فتره وبعدهاآ:.............تضآربت ويا واحد..
دانه وهي تفتح البوكس: ليــــه؟؟
فراس:......بسببهآ..
دانه رفعت راسها وناظرته:منو؟؟
فراس وهو يتنهد:عهــــــود
دانه بإستغراب:وش دخل عهود بالسالفه..
فراس بخنقه: دانه وللي يعافيك ما ابي اتكلم بالموضوع الحين..
دانه ومقدره وضع فراس:اووك براحتك.........ارفع وجهك..خل اعقم جرحك..
عهود طلعت من الدرج ووقفت عند باب غرفته و هي تسمع تأوهاآآآته.....
حطت يدهاآ على صدرها وهي تدعي"الله يستر.."
هي ماسمعت كلام فراس مع دانه بس تحس ان فراس بمشكله كبيره..
تنهدت ومشت على غرفتهاآآ..وهي تحس بخنقـــه...مايهون عليهاآ تشوفه بهالحاله
تمنت ولأاول مره ان وضعهم يكون تمام وتروح تتطمن عليه وتخفف عليه..
بــــــــــــــس بداخلها كبريآآآء اكبر من حنية قلبهاآآ..
قست قلبهاآ وهي تهمس: يستـــــــآآآآآهل....!!
\
فــــــــــــــي غرفة فرآس..
دانه عقمت له جرحه وشالت آثآر الدم من وجهه بمعقم..
وصار تلم الاغراض عشان تطلع...
تفاجأت وهي تسمع فراس بصوت مخنوق:.......ماقدرت اتحكم باعصابي لما عرفت انها ممكن تكون لغيري...بلحظه حسيت انه ما يهمني
وكل اللي يهمني انفذ كلامي اللي قلته لهاآآ..واكسر كبريآءهآآ
دانه رفعت راسهاآ وناظرته:ومنو قال انها بتكون لغيرك؟؟
فراس: مهند ولد خالتي ناوي يخطبهآ لما ترجعون السعوديه..
دانه انصدمت....وسكتت...وبعد فترة صمت..:طيب وش دخله باللي صار لك
فراس:....واحد من دفعتي...جاي عندي وجلس يحارشني وانا مزاجي كان مقفل
وماتحكمت بنفسي قمت تضاربت ويآآه
دانه: الله يهديك فروس..يعني ما تسوى عليك..
فراس سآآكت وواضح انه يفكر وباله منشغـــــل
دانه تككلمت وتبي تطمنه: ما اتوقع عهود توافق
فراس لف عليها وبحده:وش يمنعهاآ ماتوافق؟؟....لأانها تحبني وتموت فيني مثلا؟؟..ولا لأان علاقتنا هالأيام زينه..؟؟
دانه:طيب عدل وضعك معاها...يعني حنا كلها اسبوع ومسافرين عالسعوديه..بتظلون كذا؟؟
فراس:انا ما غلطت معاها...وإذا اني تجاوزت حدودي معاها فهذآ بسبب تصرفاتها اللي تنرفزني
دانه وهي توقف وتهز راسهاآآ:انتم الإثنين ماينفع معاكم الحكي...كل واحد فيكم راسه ايبس من الثاني
ولو ظليتم على هالحال...صدقني بتخسرون بعض...خلوا حبكم اقوى من انكم تخسرونه لاسباب مثل كذآآ كذاآ
وقبل تطلع دانه..
فراس:دآنــه..
لفت دانه:همممم
فراس:لاتخبرينهأآ بأي شي.....بليز
دانه ابتسمت وهي تهز راسهاآ..:تطمن..
طلعت من الغرفه وتركته بدواآآآمه من التفكيـــــر...
وصراع بين قلبه وكبريآآآءه..
عهود طلعت من غرفتها لما حست بخروج دانه من غرفة فرآس..
شافت دانه ماشيه بالسيب سحبتها ودخلتها غرفتهاآآ..:هاآآ بشري....شفيه؟؟
دانه:اممممم حاولت معاآآآه بس ما حكـــآآلي شي...تعرفين فراس..مو من طبعه يحكي لأحد
××فــــــــــــــي السعــــــــــــــوديــــــه..××
بالليل بعـــــــــــــد العشـــــــــــــآآء...كالعاده هذا وقت السواآلف والكل يكون هادي..
الشباب يجلسون لحالهم والرجال لحالهم والبنات والحريم نفس الشي... وتبدأ السوآلف..
عنـــــــــــد الشبـــــآآب.. كانوا احزاب..مجموعه منهم يلعبون بلوت..ومجموعه يلعبون شطرنج
ومحمد وماجد جالسين عند موبايلاتهم ويطقطقوووون..بـــدر وبندر جالسين بصمت وكل واحد باله منشغل
وفهد وبآآآآسل راحوا يمشووون..
ماآجد:اقول ابو حميد...جات ببالي فكره..
محمد:هات...وش عندك...احسن شي آفكآر آخر الليل..
ماجد:البنات قريبين من هنا صح؟؟
محمد:يب....ابتسم بخبث:وش براسك؟؟
ماجد بنفس الإبتسامه:نهبل فيهم انا وانت وبندر وبدر
محمد:لا لا...بلاها بندر وبدر...شكلهم مو رايقين..بس مافهمت نقطة"نهبل فيهم" يعني شلون
ماجد: هذا الله يسلمك فيه اختراع اخترعوه قبل كم سنه...يسمونه (بلوتووووث)...
اخترعووه عشان الشباب السعودي في مثل حالتي انا وانت
اللي لا شغل ولا مشغله وراعيين مهايط...وبس
محمد:احلف بقوه واصدقك..!!...تستهبل انت؟؟..وشوله كل هالشرح..
سكت شوي:بس تصدق؟؟...والله عجبتني
ماجد:انا دايما افكاري تعجبك...بس انت الله يهداك مدري مخك وين مصنع
محمد:ليه مخك انت ش صناعته
ماجد قرب من محمد بإستهبال: ناظر هنا...ماتشوف شي؟؟...ويأشر على طرف جبهته
محمد بجديه:لا
ماجد:المهم هذي مايشوفها إلا اللي نظرهم 6 على 6..
محمد ببلاهه:وشهي؟؟
ماجد: هذا الله يطول عمرك مكتوب هنا..(ميد إن تشاينا..)..يعني بالصين مصنع
محمد ناظره وهو متنرررررفززز:ماجدوووووووووه متى بتبطل هبال انت؟؟؟؟؟
ماجد: تبطل سقاير وابطل هبال
محمد:انا ماااااا اشررررب..!!
ماجد:والله مشكلتك..!!
محمد مسك شعره وصار يشده...:قسم بالله..إذا انجيت انا فهو بسبتك..
ماجد:ههههههههههههههه لا سلامتك من الجنون يابعدهم
محمد بقلة حيله:هه جاني بندر الثاني..
ماجد:ههههههههههههههه طيب يلا خل نبدا ننفذ الفكره قبل يقفلون بلوتوثاتهم البنات
محمد:وش عرفك انهم فاتحينها الحين؟؟
ماجد ويغمز له:يعني ماتعرف حركات البنات؟؟...
مستحيل يجتمعون جمعه ماتحصل بلوتوثاتهم كلهم مفتووحه يقالك من باب الجكاره والتكشخ
محمد:يلا هذاني سويت بحث...
ماجد وانا بعد..جالس اسوي..
محمد: يؤ يؤيؤ...وشذا كله لا إله إلا الله...
ماجد:منو شيخة الحلوين..؟؟
محمد:مدري....بس وشرايك؟؟
ماجد:عليهاآآآ..
محمد:انا برسل لها......هههههههههه شوف شوف وش ابرسل..
ماجد:إقرالي ياخي انا مشغول..
محمد:طيب يالمشغول كتبت..معاآآآك الشيخ مناآآحي..ممكن نتعرف؟؟
ماجد:هههههههاااااي...الشيخ والشيخه هاااا
محمد:اييييييي اش حسبآآآآلك...
بــــدر قطع الصمت وهو يكلم بندر: وشفيهم محمد وماجد مسطحين ضحك؟؟
بندر رفع راسه عن السلسال بيده وهو يناظرهم: تلقى معاهم بلا...ولا مايجتمعون على خير هالإثنين..
بدر:إي والله صادق..
بندر: شكلهم يطقطقون عالبناآآت بلوتوث
بدر ابتسم:اي والله
بندر بخبث:بدر...وش رايك؟؟
بدر:شنوو
بندر:نغير بلوتوثاتنا اسماء بنات ونطقطق عليهم
بدر:ههههههههه يلاآآآ..
بندر:لا عز الله اكتملت
بدر:وشفيك؟؟
بندر:شوف راح لهم نواااااف
بدر:ههههههههه والله من جد اكتملت
غيرووا بلوتوثآآتهم وبيبدون طقطقه
محمد:ههههههههههههههه عطتني رفض...
نواف:ههههههه طلع بلوتوثين جديده...اكيد نشرت الخبر شيخة الحلوين عند البنات
ماجد :ابو حميد لا تتركهاآ...اصر عليها لحد ماتقبل
محمد:اوووووك
عنــــــــد الحريم...
شيخه تنادي عالهنوف:هنوف يمـــه تعالي ابيك..
الهنوف:هلا يمه وش بغيتي..
شيخه وهي تمد موبايلهاآ...شوفي لهذآ...ازعجني...احسبه يدق...اروح ارد مايحكي..
الهنوف ابتسمت وهي تشوفه....عرفت ان الشباب يطقطقوون "حركات امي شيخه جاها اللي يغازلهاآآ.."
شيخه:هاآآ منو يدق
الهنوف:"هاآآآآ...ولا احد يمه..هات ان اصلحه لك..
اخذت الموبايل ورجعت للبناآت وخبرتهم بالسالفه
البنات سدحوا ضحك
حلا:ههههههههههههه اوما يغازلون امي شيخه
خلود:هههههههههههه اي وبعد فاتحه البلوتووووث
لميس:هنوفه شوفي وش اسم بلوتوثهاآآ
الهنوف شافته :هههههههههههههه احلآآآآآ
سمر:هااا وش اسمه
الهنوف:هههههه شيخة الحلوين
البنات كلهم:ههههههههههههههههههههههههههههه
مرام:اكيد هذي حركات فارس الله يهديه
آلاء:بنات وش رايكم نطقطق عليهم
شــذاآ:تخيلوا يطلع خالد
جمانه:ولا سلطان حتى..
شذا وجمانه بنفس الوقت:وربي اذبحه..!!
ناظروا بعض وضحكووا...
الهنوف شهقت: يؤ...يقول انا الشيخ مناحي ممكن نتعرف؟؟
البنات:هههههههههههههههه
لميس:صدقيني هذي حركات اخواني اعرفهم..
آلاء:اكيد نواف معاهم..
خلود:هنوفه ردي عليه..قولي..امممممم
هنوف:بقوله ممكن بعد ماتغير اسمك..برستيجي مايسمح
البنات:ههههههههههههههههههه
لميس:يلا وقسم اني تحمست..
حلا:انا وديما بنقوم نشوف منو اللي يستهبل عشان نحسب حسابناآ يعني مانتمادى
سمر:اي يلا قوموا...بس انتبهوا لحد يشوفكم..
قاموا حلا وديمآ...راحوا من ورآآ خيمة الرجــآآل...وصاروا يمشون بشوييييييييش
صرخوا بقوت واحد وهم يسمعون
شتسووون؟؟
فهد وباسل:هههههههههههههههههههه
ديمآ:وجع انت ويآآآآآه...وش هالحركآآآت
فهد:حنا اللي وش هالحركاآآت؟؟؟؟
باسل يناظر حلا ويبتسم...:شخبار الحلوين
حلا بإحراج:بخير الله يسلمك..
فهد:اقووووول....بتقولون وش اللي مجيبكم هنا ولا لا؟؟
ديما وتبي تطلع نفسها من الموضوع: اممم...جينا عشان..عشان..وتناظر حلا بخوف...:عشان حلا كانت تبي تشوف باسل..
فهد:ههههههههههههههههههه
حلا انحررررررجت وصارت تناظر ديما بحقد وتناظر باسل وهي منحررررجه
باسل فصفصهآآ نظرآآآت وقزها قززز...
فهد ويسحبه من يده:أعصآآآآبك على اختي..خلآآآآص..
حلا بعد ماراحوا حطت يدهآآ على وجهآآآآ وصارت تقول:ياررررربي يالإحررراااج..
تفاجأوا بصوت باسل: من بعيد انا مووووو مدوخني إلا الررررررآء
ديمآآ وفهد:هههههههههههههههه
فهد:امش امش....ياقيس زمانك..
رجعوا ديما وحلا للخيمه بدون مايشوفون منو اللي يطقطق عليهم..
البنات هاا منو..؟؟
ديما:ماقدرنا نعرف...كلهم منشغلين محد ماسك موبايله..
رهف:ياربي منوووووو بيكووون..
حلا:هااا وش صار معاكم؟؟
الهنوف:ههههههههههه رد قال..(لعيونك أغير أسماء العائله كلهم)
قمت قلت له: وش ابغى بالعيله غير اسمك بس والدنيآ بخير
ديما:فشلوووووووه ههههههههه
لميس:الحين انا مشبكه مع واحد...مدري منووو
رهف:وانا بعد...
خلود:والله راحوا فيهآآآ شباب العآئله والبنات ههههههههه
عنــــــد الشباب وقفوا لعب وهم يسمعون.
ابوسلطان:سلطان تعال انت وفارس وخالد ومهند وعادل..
سلطآن من بعيد:آمر يبه بغيت شي؟؟
ابوعبد الله عصب:قم قامت عليك قيااامه..نقولكم تعالوا نبي نسألكم عن كم شغله بالشرركه
تركوا الشباب اللعب وقاموا وهم يتحلطمون
مهند:افففف حتى هنا شركه
خالد: لاقحتناآآ حتى بالبرررر...قال شنو قال تغيرون جووو
عادل:قسم بالله مابقى إلا يسوون شركه متنقله ياخذونها وياهم بكل مكان
سلطان:لا تستبعدووون يسووونهاآ...بس ابي افهم هالعبود ليه مانادووووه؟؟
فارس:هههههههههه والله انكم حااااله...هههههه خلاص روقووا وبعدين عبود عريييييس
خالد:له شهر متزوج من وين صار عريس
فارس:بيظل عريس لحد ماتحمل مرته
ابوعادل لما شافهم:خير انشالله..كأن كلام اعمامكم مب عاجبكم؟؟..
ابوعبدالله:هذولي يعجبهم شي؟؟...ولف عالشباب:إذا مانفعتونا بهالوقت متى بننتفع منكم..هاااا؟؟
ابوسلطان يكمل:ولا بتظلون طول حياتكم لا شغل ولا مشغله....لو مب هالشركه لامتكم كان انتم مثل الحريم بالبيوت الحين
الشباب كل واحد رفع حاجب...مو عاجبهم الكلام...
فارس معاه ضحكه وهوو يشوفهم..
جلسوا وكل واحد يلعن الساعه اللي عرفوا فيها الشركه
عنــــــــــــد البنات...
جمانه:بناآآآآت خلاااص ترى مليت..قفلوا البلوتوثآت..وخلونا نطلع نتمشى...عمي يقول بكرا الفجر بنرجع الرياض
سمر:اومااااا
الهنوف:ياررررربي يعني عشان الجلسه حلوه مابنطول
شذا:عشآآن وراكم دوامات...وبعدين انتم تدرون ان الشركه مايصلح يغيبون عنهاآ اكثر من كذآ
خلود بحزن:بس والله بفقد هالجمعه..
لميس بإبتسامه:يلآآ عاااااد...بعد اسبوع بيجون عيال عمي بووو فيصل...وبعدها باسبوع ملكة فرح واحتمال خلود (وتدقهآآ بكتفهآآ)
الهنوف بإبتسآمه:حرررركااااات خوخه واخيييييرآ
خلود بإحراج: عاد انشالله التحاليل تطلع متطابقه..
آلاء:اللللله وناآآآآآسه بيكون...يعني فيصل وبندر بيملكون بنفس اليوم
فرح:ابوي يقول الملكه بتكون عائليه يعني ماراح يجي ناس كثير من برآ...العائله وبس
رهف:احس احسن كذآ يعني مووو حلوو يجون ناس مانعرفهم وتصير ملكه كبيره مثل جمانه وشذآ
جمانه:اي والله افضل..حتى العرسآن ياخذون راحتهم اكثر..
لميس تهمس لخلود:حركآآت ياحلوه..
البنات قفلوا بلوتوثآتهم وطلعوا من الخيمه بيروحون يمشوون..
محمد وماجد ونواف شافوهم..
ماجد:يووووه شيخة الحلوين قفلت بلوتوثهاآآ
محمد ويحرك حواجبه:لا اللي عندي باقي
نواف:وانا بعد....واللي تعرف البنت تغآآآزل
ماجد وش تقول؟؟
نواف:اقولها منو انتي؟؟...تقول تبي تعرفني تعال ورا خيمتناآآ..
محمد:أما تقولك كذآآ.. طيب تدري انك نواف؟؟
نواف:اي تقول عرفتني من اسلوبي..!!
محمد:والله اللي عندي بااااارده حتى حكي ماتعرف تحكي..
بدر:ههههههههههههههههههه بندر لعن ابو ابليسك وش ناوي عليه
بندر:هههههههههه بروح اقابله مثل ماقلت له..
بدر:اساسا مهبل هالعيال...يعني مو شايفين ان كل البنات طلعوا من الخيمه؟؟
بندر:قلتها مهبل..!!
بدر:طيب يلاقمناآآ على اساس ما ينتبهون...
بندر:يلا..
نواف شهق: شوفوا شباب وش تقول
ماجد:شنو
محمد:لايكون من جدهاآ هذي...اقول شكلهاآ تضحك بعقلك..
ماجد:لا وربي شكل من جدهآآآآ
محمد:خل نقوم نشوف منو وان طلعت وحده من خواتناآآ نتصرف معاها
نواف يلاآآ
قاموا نواف ومحمد وماجد بيروحون يشوفون البنت هذي...
محمد بهمس:نوافوووه
نواف:هااا
محمد:انت روح وانا وماجد بننتظرك هناآآآ وان طلع فيه بنت صدق تكح وحنا نجيك
نواف: خلاص تم..
ماجد يدف نواف من ورآ :يلااا وش فيك خايف؟؟
نواف:لحظه خل استعد نفسيآآآ
ماجد ومحمد عقدوا اياديهم..
لف عليهم نواف:وشفيكم؟؟
ماجد:ننتظرك تستعد نفسيآآ
نواف:لا خلاص...
محمد:استعديت؟؟
نواف:إي..
محمد:يلااا قدآآآم..
مشى نواف بخطوآآآت بطيئه ناظر جهة الخيمه وشاف بالظلام شخص واقف..
قام يكح..
محمد وماجد بس سمعوه يكح ومشوووا جنبه..
قربوا من البنت..
بنــــدر وبدر:ههههههههههههههههههههههههههههههه.....بنت هآآآآ
محمد: انتم يالمهبل؟؟
ماجد:والله اني كنت حاااااااس..
نواف:ياخبل انت ويآآآه تلعبون فينآآآآ هاااا؟؟...هيييين هييييييين
بدر وبندر بس شافوهم معصبين ويحطون ارجولهم وهم يضحكووون
عنـــــد البنات...
خلود ولميس يسولفون وهم يمشووون فجأه شهقت خلود..
البنات لفوا عليها:وشفيك؟؟
خلود بإرتباك:هاه...ولا شي
كملوا البنات مشي..
لميس تهمس لها:خوخه وشفيك..
خلود ويدها على رقبتها:السلسآآآآل..
لميس:اي سلسال..؟؟
خلود:اللي من عند بندر....مو موجود..اكيد طاح علي..!!
لميس:خوخه..تأكدي يمكن انتي شايلته بمكان
خلود:لا لموس..انا اخذت عهد على نفسي ما اشيله إلا لضروره...خلود وتناظر مكان ارجولها:بس اكيد طاح علي
لميس:طيب متى آخر مره شفتيه؟؟
خلود وشوي وبتبكي:مدري يمكن بالعصر قبل نروح مع فارس..
لميس: طيب يلا خل ندور انا وانتي..
حنا ماطلعنا من الخيمه كثير...روحي انتي دوري عليه بخيمتنا وانا بشوف له بسيارة خالد
يمكن طاح عليك بالسياره
خلود:اووك
ومن بعيد:تكفين لميس دوري عليه زين..
عنـــد الشباب...
بندر وبدر وقفوا جري بعد ماحسوا بتعب..
مسكوهم ماجد ومحمد ونواااااف وهاتك ضررب فيهم..
بعدها كلهم رموووا انفسهم عالرمل وقاموا يضحكووون..
وقفوا وهم يسمعون ابوسلطان ينادي عليهم..
راحوا له وهم يشوفون اجتماع زي اجتماعات الشركه تأففوا وهم يدرون ان السالفه فيهآآ شركه
بندر وهم رايحين بدأ يحس بالم بقلبه..
حس انها بداية ازمه..
انسحب من بينهم بدون ماينتبهون له..
راح لأابعد سيآآآره عنهم..
الألم يزداااااااد...
يده على طرف الباب وضاغط عليه بكل قوته
يحاول يقاوم الالم..
مايبي يرجع للمستشفى من جديد..
والأهم مايبي احد يشوفه بهالحآله..
يحاول يلقط انفآآآآآسه...عشان مايفقد الوعي..
جبينه بدآ يرشح
وبدأ يحس بتعب في جسمه...فتوووور لدرجة انه بالغصب يوقف..
سند جسمه على السيآآآره بتعب..
لف بنظره وهو يسمع صوت خطوات تقترب...
غمض عيونه بقوه من شدة الألم وهو يكتم تاوهاآآآته..
شـــــآآفته..!!
خافت كثــــير..
حس الدم وقف بعروقه وهو يسمع: بنـــــــــــدر..!!
فتح عيونه بتعب وشآآفهاآآآ..
لا لا
مو انتي يالميس..موا انتي
اخذ نفس ومن بين آلامه نطق بصعوبه
: لـ...ـمـ..ـيـ..ـس..!!
لميس راحت له بخوف:بندر شفيك؟؟...بندر تعبان؟؟...اناديلك احد؟؟
وقبل تسمع إجآبه مشت..
ماحست غير بيدينه تمسكهآآ..
لفت..
بندر وهو يرفع يدينه عنهاآ:لا...تخبرين...احد..
دمعت عينها وهي تشوفه يضغط ع مكان قلبه ويتألم...تسمع آهاته وتنخنق زيآآده..
دعت من قلب مايمر يوم وتشوفه خلود بهالحاله..
لميس تحس انها شوي وبتنهار...منظر بندر كانه يصارع الموووت..
آخر شي...طاح بندر على ركبته...ماعاد يقدر يوووقف..
لميس نزلت لمستواه بخوف ومن بين دموعهاآ: بندر...خل اناديلك احد..والله لوصار لك شي خلووود تموووت
بندر وعينه بعين لميس: لميس...بذمتك ماتخبرينهاآآ بشي.....
اخذ نفس وهو يحاول ينطق..: ما ابيهاآ تعيش وهي شايله هم انها بتفقدني بيوم..
لميس وتمسح دمعتهاآ:وعد ما اخبرها بشي
بس انت تعبآآن....ليه طلعت من المستشفى...انت تدري ان هالشي مايرضيها صح؟؟
بندر وهو يكح: عشآآآآنهآآ...
ومن بين أنفآسه:طلعت عشانها يالميس...ادري اني لو مو موجود بتظل شايله همي وماراح تستانس
وانا لو ما اشوفها قبالي اموووووت....عشآآن كذآآ طلعت..
لميس وتحاول تهدى: اسم الله عليك...الله يجمعك فيهاآ يابندر قريب....بس انت لازم تشوف لك حل..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك