رواية فمان الله يا غالي -62
طيب انا من اليوم الصبح طالعه البر وتوني راااجعه
وشي الثاني النت له يومين خرباااان يعني من فين ادخل بالله؟؟
ولا تسالوني شلون داخله الحين لانوووووو وربي سويت معجزه عشان انزلكم هالبآآآآرت
يعني ياليت تقدروووون ظرووووفي....قسم فيني صيييييحه..
يلآآآآ قرآآآآءه ممتعه...~
-27-
"يشهد الله اني ما احيا ب / دونك ،
ذا شعوري لك
ليتك
[ تفهمينه ] .... !
كان نايم برآ الخيمه لانهم كثيرين والخيمه ماتكفيهم وبحكم ان الجو حلووو نام هو ونواف ومحمد وماجد برآآ
لف عالشباب كلهم بسابع نومـــــــه...
كان نايم وحاط يدينه تحت راسه ويطالع البدر...
الهدوء يعم المكان...
حس بحركه جهة خيمة الحريم....جلس بهدوء وناااظر بجهتهم...وشآآآآفهآآآ....
رآقبها وهي تمشي وتناظر البـــــدر...
ابتســـــــــــــــــــم...
كانت تسمع لأاغنيه بموبايلهاآ...
ومشبكه السماعات وحاطه سماعه وحده بس
عشان تنتبه لأي حركه...
وهي بعز اندماآآىجهاآآ وتفكر...
بـــــــسسسسسس.....بسسسسس...
حست بالصوت
شالت السماعه من اذنهاآ....
بس بس....بسسسسسسس
لفت.....ابتسمت وهي تشوفه يأشر لهآآ بيده...ومبتسم..
وقفت بإحراج..."ياربي هذا وش مصحيه للحين..."
ناظرت جهة خيمة الحريم....وقررت تتهور وتروح له....
عدلت الكاب على راسها ومشت له بحررررص وعينها على خيمتهم..
وبفمها ابتسامه
شافها وهي تجي ومشى هو بعد لجهتهاآ...
وقفوا قدام بعضهم واثنينهم مبتسمين...
بندر:مساء الحب
ردت بهمس:مســـآء الاشواق.....وبنفس الهمس:سويتها وجيت يالدوب
بندر:لعيونك دلوعتي..
توردت خدودهاآ وهمست:تسلم
بندر: خوختي؟؟
خلود وهي ترفع راسها:يالبيه..
بندر:تدرين وش ودي بهاللحظه؟؟
خلود وهي خاقه:همممممممم
بندر: ودي المممممممممممك بقوووووه
انصدمت من جرأته.....كأن احد كاب عليها مويه بارده من الفشيله
نزلت راسهاآآ
وهو مبتسم ومبسوط بإحراجهاآآ
ضحك بهدوء:ههههههه......كلها كم شهر وانتي ملكي وحلالي... وبسويهاآ
انحرجت زيآآده راح صوتها وهي تقول:عن اذنك....
مشت وهي تلعن الساعه اللي تهورت فيها وراحت له....
دخلت الخيمه وشالت الجاكيت وهي تحس بالحر...ورمت الكاب والشال..
وحطت راسهاآآ
ضحكت وهي على فرااشها بصمت...."ههههههههههه لعن ابو ابليسك يابندر رحت وطي..."
ابتسم وهو يشوفها ماشيه بسرعه وهي منحررررجه حدهاآآ
هو تعمد يحرجهاآآ...
شافها وهي تضحك وشافها وهي تبكي..وشافها وهي منحرجه..وهي خايفه
لسا ماشافها وهي معصبه...
ضحك بداخله.."هههههههه هين ياخوختي ناوي ارفع ضغطك واخليك تعصبين.."
بالطريـــق عبود والهنوف..ماشيين..
باقي لهم حوالي ساعه ويوصلوون..
عبود مرررررهق ويحس النوم يطغى عليه..
اليـــــــــــــــوم الثــــــــــــــآآآآني..
بالفجــــــــــر....ابو عبد الله يقوم العيآآل..
كلهم نومهم خفيف وقاموا ما عدا ماجد وسلطان ونواف..
ابوعبد الله تعب وهو يقومهم بس مافي فايده..
دخلت شيخه الخيمه بإبتسامه..:صبحكم الله بالخير..
الكل:صباح النور والسرور..
شيخه عقدت حواجبهاآ وهي تشوفهم باقي نايمين..:ورا ما قومت العيال يابوسلطان
ابوسلطان:والله يمه هذول لو تحطين جنبهم مدافع مايقومون
شيخه:وشوله المدافع...خل عنك بس انا اقومهم..
راحت عند راس ماجد..وتضربه بعصاتها بخفه:ماجد.....ماجد....قوم الله يهديك ياولدي..
ماجد فتح عيونه بكسل:يلا يمه هذاني قمت..
شيخه:اقول فز...ماتستحي الكل قايم وانت باقي تشخر???
ماجد بصوت كله نوم ومو رايق:الله يهديك يمه...وشو اشخر...
جلس بكسل:هذاني قمت..
راحت لنواف...كان متغطي..ومغطي وجهه..
لفت على ابوعبد الله:منو هذا اللي مغطى..؟؟.....رفعت الغطى عن وجهه وهو يشد عليه يبي رجعه
ابو عبدالله:هذا نواف ولد بدور
عصبت..رفعت الغطا عنه بقوه وهي تدقه بعصاتها: نواف...نوافوووه...قسم ان ماتعوذت من ابليس وقمت لا والله بعصاتي
نواف جلس وهو يتأفف:الله يهديك يمه يعني الواحد مايعرف يرتاح؟؟
قالت وهي تضربه بخفه بعصاتها: وشو يرتاح والشمس طالعه..وقت الراحه ولى
نواف:افففففف...يلا هذاني قمت...
وقف وهي مقفله معاااه
لفت على ابو عادل وهي تساله:وهذا منو؟؟
ابوعادل:هذا سلطان ولد محمد..
شيخه بإبتسامة رضا:..خله يرتاح مسيكين..
ماجد ونواف ناظروا بعض وكل واحد رافع حاجب..
طلعوا من الخيمه وهم يتحلطمون..
ماجد:سلطان مسيكين واحنا مب مساكين...
نواف:لاااا سلطانووه غير...هذا الكبير ولد الكبير..
ماجد:قسم بالله ان ماقام لأروح اتوطا ببطنه..
محمد من وراهم:ههههههههههههه والله انكم رهيبين مع الصبح
بندر:ههههههه يعني ماتدرون ان امي شيخه تموت بسلطان تقارنون انفسكم فيه؟؟
فهــد:قسم انه قهر...لو انا مكانهم امووووت من القهر...ههههههه
فارس:ولا تزعلون ياشباب...حنا نتصرف مع سلطانوه...بس خل اخواني ينشغلون شوي وابشروووا
باسل:ما انصحكم تلعبون مع سلطانووه
مهند:والله جمجوم مابتترككم
عادل:ههههههههه قسم انه حرام عليكم...انا اكره ماعلي احد يزعجني وانا نايم
ماجد بقهر:يعني هو على راسه ريشه يوم ينام وكلنا قايمين؟؟
بندر:ههههههههه مجووود مرا موصله معاه
فارس:خلاص اناقلت لكم خلوها علي..
عنــــد البــنــآت..
ام عادل:يلا يابنات قوموا حضروا الفطور
اعمامكم يبون يفطرون
ام سلطان: وينها خالتي؟؟
ام خالد:امي راحت عن اخواني بتفطر معاهم تقول..
ام سلطان:الله يهديها هم كثيرين واكيد عندهم زحمه..
ام عبدالله:خليها براحتها يعني مابيضيق عليهم إلا هي؟
جمانه:طيب خالتي وش رايك حنا يالبنات نطلع نفطر براآ..والعيال يفطرون معكم..
ام عبدالله: بكيفكم..
فرح:اي يمه احسن كذآ...حنا نفطر لحالنا
ام مهند:طيب يلا انتم جهزوا كل شي وبنشوف..
عنــــــد الرجال..
بالخيمه اللي نايم فيهاآ سلطان..
دخل فارس عنده...راح جنبه وسحب البطانيه من فوقه بدفاشه..
قرب من اذنه وصرخ:سلطااااااانووووووووووووووه قم..!!
سلطان فتح عيونه بكسل ونبره متنررررفزه:فارس قسم بالله ان ما انكتمت وضفيت وجهك الحين وحالا لأاكون لاعنك اليوم
فارس بحده: اقول يلا قم....امي مرسلتني تقول قومه
سلطان:ادري هذي حركاتك انت ولا امي شيخه ماتسويهاآ... امي شيخه ارق بشر الكون لاجت تقومك من النوم
فارس: اقول لاتقعد تتغزل بامي...تراها قالت لي العن ابليسه إذا ماقام..
شوي دخلوا الشباب مشغلين دبكه بموبايل محمد وهاتك ررررقص فوق راس سلطان..
ماجد يبي يبرد حرته وبصوت عالي:وطل الصباح ولك علوووووووش
محمد يكمل:سبقوناآ عالحصآآده
نواف:
الشباب بصووت واحد:هييييييييييييييييييييييييييييييه..
وجلسوا فوق راسه يدبكون لحد ماطيروا النوم من راسه...
تأفف وجلس وهو ناوي عليهم اليوم...
وقف وطلع من الخيمه وهي مقفففففله معاااااه....وراح يغسل وجهه
الشباب بعد ما طلع:هههههههههههههههههههههههههههههههههههههههه
راح للمكان اللي جالسين فيه اعمامه:صبحكم الله بالخير..
وباس راس جدته
شيخه:صبحك الله بالنور والسرور ياولدي...عسى ارتحت بنومتك ومحد ازعجك
سلطان:والله يمه اني معصب من عيالك صجوني
شيخه:افا ياذا العلم منو مزعجك؟؟
سلطان:فارس ولدك وعيال عيالك...يقولون انك انتي اللي مرسلتهم يزعجوني..
شيخه:لا والله ماسويتها ياولدي...انا مدري متى بيعقل هالفارس..
لفت على ابوسلطان وابوعبدالله:انا اخوكم هذا مجنني.. ياتعقلونه او تزوجونه..يمكن يعقل..
سلطان ويدري ان فارس دينه ودين طاري الزواج :اي يمــــــه احسن حل تزوجونه...
ابوسلطان:اخاف يستخف زود لا تزوج زي بعض ناس
سلطان طاح وجهه يدري ان ابو يقصده..
ابو عبدالله:لا والله بيعقل...انا اشوف عبدالله ولدي...من تزوج تغيرت حتى طريقته بالحكي..
ابوعادل:إلا على طاري عبدالله وش اخبارهم..؟؟
ابوعبدالله:والله من كم يوم مكلمني يقولي انهم مب جايين إلا بعد شهر..
ابوسلطان:الله يردهم بالسلامه..
الكل:آمين
سلطان مبتسم بداخله ويدري ان فارس والعيال مو طالعين منها بالسهل دام السالفه فيها شيخه..
البنآت جهــــزوا الفطور...
وسووا مثل ماقالت جمانه..
اخذوا فطورهم وراحوا بعيد شوي..وجلسوا لحالهم..
والشباب افطروا مع الحريم.. بعـــــد ما انتقموا من سلطاآن وما يدرون شاللي ينتظرهم..
وهم عالفطور...رن موبايل ماجد...طلع ورد...:هلا عبود...وينكم؟؟
عبود:خلاص وصلنا ....بس اوصف لي مكانكم بالضبط..
ماجد:.................................
وصف لهم المكان وقفل...
بعد 5 دقايق وصل عبود والهنوف...
عنـــــــــــــــد البنات...
شذا: سيارة منو هذي اللي موقفه عند الخيمه؟؟
آلاء:مدري شكلها غريب
خلود:شوفوا نزل منها رجال وحرمه
لميس بصراخ:يؤ كنها سيارة عبود..!!
فرح:أي والله هذولي عبود والهنوف..
قاموووا البنات وهم يصررررررخوووووون...وراحوا لهم جري..
الهنوف بس شافتهم ضحكت:تمضي الايام وانتم لازلتم على هبالكم..
خلود اول وحده وصلت لها...ضمتهاآآ بقوووووووووووووووه
وبعدهاآ سلموا عليها البنات كلهم ...
بعــــد ماسلم عبود على جدته واعمامه وابوه...
شيخه: تونا بطاريك والله...ياحيا الله من جانا
عبود بثقل غير عن العاده:الله يسلمك يمه ويخليك...شخبارك..؟؟
شيخه والفرحه بعيونها:الله يسلمك..انا بخير بشوفتك انت وهنوف..إلا وينها مرتك..؟؟
عبود:ههههههه كاهي هناك...تسلم عالبنات...
شيخه:مسيكينه ياحليلها مشتاقة لهم
عبود ويلف حوالينه:وينهم الشباب؟؟
سلطان :الظاهر يفطرون مع خالاتي..
عبود:اجل عن اذنكم ابروح اسلم عليهم ..وعالوالده
ابوسلطان:اذنك معك ياولدي..
عبود راح ومر من جنب البنات اللي كانوا يسلمون عالهنوف صرخ من بعيد:بالراحه على مرتي..لاتموتونهاآآ
لميس صرخت:عبوووووووووووود...!!
راحت له وضمته بقووووه..:وحشتني يادوب
بعدها جات فرح وسلمت عليه:إزيك ياعريييس...
عبود وهو يسلم عليهاآ: بخير يامدام..إزيك انتي؟؟
فرح: بخير الله يسلمك...الحمد لله ع سلامتكم..
عبود:الله يسلمك..
لف عالبنات ويأشر لهم:كيفكم يابنآت؟؟
البنات من بعيد:بخير ياعرييييس...كيفك انت..
عبود:بخير الحمد لله...اقول مطولين واقفين هنا؟؟...ماودكم توخرون من الطريق وتخلوني اشوف امي وخالاتي
البنات ضحكوا وبعدوا عن الطريق عشان يدخل الخيمه..
دخل وهو يستهبل كعادته: يالله يالله ...ياحرييييييم خذاو طرييييييق...
الشباب لما شافوه:هلآآآآآآآآآآآآآآآآآ وغلآآآآآآآآ بالعرييييييييييس
دخل وسلم على امه وخالاته وبعدها مسك الشباب ويسلم عليهم وسط تعليقاتهم..
ابتسم بفرح صادق..إشتاق لجمعات العيله وهبال الشباب..
بعدها طلّعوا الشباب من الخيمه عشان الهنوف تدخل وتسلم على امها وخالاتهاآ..
جلسوا الرجال والشباب مع بعض وياخذون اخبار بعض..
ولايخفى عليكم غسلة الشراع اللي خذوها من شيخه..عشان سلطان..
وتوعدها بفارس لتزوجه..
والحريم نفس الشي جالسين مع الهنوف وهاتك سوالف وحش بخلق الله
بالظهـــــــــــــــــــــر..
بعـــد صلاآة الظهر..راحوا خالد ومهند وعادل يجيبون مويه واغراض ناقصتهم..
والبقيه بداوا يضبطون الوضع عشان يبدأون بتجهيز الغدا وهالمره كان الغدا مسؤلية الشباب
البنات طالعين يدرجون بالبر..ومارين من عند خيمة الرجال..
شافوا الشباب وهم محتاسين ويجهزون..
ماجد يقطع البصل وكل شوي تدمع عينه
وبندر يصارع الدجاجه ومايعرف شلون يقطعها
محمد وبدر: لهم ساعتين يبون يولعون النار موو قادرين
ونواف عند المواعين يحوس فيها ويدور عالقدور والعده
فهد وباسل..يقطعون الخضار للسلطه..
سلطان متكي مع الشياب هو وفارس وعبود ويسولفون..
مروا البنات من عندهم وهاتك حش..
سمر من بعيد:لا عز الله تغديناآآ دامكم انتم اللي بتسوونه
حلا: والله لو صار لي شي ماني مسامحتكم وبتدفعوني لي تعويض
نواف: لسا تاكلون اصابعكم ورا هالطبخه
خلود:اييييي وخصوصا ان دجاجتكم باقي يطاردها بندر
البنات كلهم:ههههههههههههههههههههههه
بندر ناظرهم بإحراج وهو مبتسم:اقول تراني اول مره بحياتي اقطع دجاج
جمانه:الله يكون بعونك..اتوقع يصير عشا مب غدآ
ماجد ويمسح عينه: اقول انتي مو عشان زوجك مرتز هناك حضرته تمسكينا محشه
فرح:هههههههههههه مجوووود اجي اساعدك؟؟
ماجد:لا مشكوره اخاف تخربين امها
ابوسلطان وهو من اول يسمعهم:اقول يابنات ...تعالوا افزعولهم بالله...اخاف تنقلب صدق عشاآ
الشباب لفوا عليه بحقد..
محمد:يبه الله يهداك مايحتاج..احنا قدها وقدود..
ابوعبد الله:وين قدها وانت واخوك بدر لكم ساعتين عند النار...خلهم يساعدونكم...خلهم
البنات ماصدقوا خبر...
جمانه:طيب ياعمي قولهم يقومون وحنا بنتصرف
سلطان يتميلح:فديت اللي بتتصرف....كذا الحريم السنعات ولا بلاش
ابوسلطان:سلطانوه اعقل..!!
سلطان تفشل:احم...على امرك يبه
ابو عبدالله:قوموا قوموا ياعيال مامنكم رجا...خلوهم يتصرفون..
الشباب تركوا اللي بيدهم معصبين..وقاموا..
فرح وسمر ..اخذوا البصل وجلسوا على جنب يقطعونه
خلود ولميس اخذوا الدجاج من عند بندر...وهم يتريقون عليه
ورهف وآلاء:راحوا يجيبون القدور والأغراض..
حلاآ وديماآ مسكوا السلطه وبدأو يقطعونها..
ومرام..كانت تولع النــــــآآآر..
اما شذا وجمانه والهنوف...بحكم انهم متزوجات رفعوا اياديهم عن كل شي
البنات ضبطوا كل شي وقاموا...
وتركوا الباقي للشباب يكملونه وهم راحوا يمشووون
ويسولفون
بعـــــد ماجهز الغــــدآ تغدوا...والكل ريح لمـــآ وقت العصــــر...
بعــــد العصـــــر..
الطفـــــــــــــش كان طاغي عالبنــــآآآت...
كل وحد متسطحه بمكان واللي تفكر واللي تطقطق بموبايلهاآآ..وحالتهم حاله..
أما الشباب كالعـــآده فالينها...ويلعبون طـــآئره بعد ما ضبطوا شبكتهم بالوسط وانقسموا فريقين..
فارس طفشان وماله خلق يلعب...
يحس انه مزفت ومايعرف السبب..
من جابت له امه طاري الزواج بالصبح وهي مقفله معاه..
حاول يقنع نفسه بالفكره بس صعـــــب
عنده إستعداد يظل عازب ومايتزوج...بس ماياخذغير امل
تافف من تفكير.."انا غبـــي....شلووووون افكر بوحده متزوووووجه.....شلووووون...."
يحس وده يقتل نفسه عشان هالتفكير...بس غصب عنه....غصــــــب عنه..!!
قطع تفكيره موبايل بندر يــدق..
نادى عليه من بعيــــد..:بنــــدروووووه موبايلك يرن
بندر وهو يلعب: رد ياااخي وشوف مين
فارس:ماني راااااد تعال رد ولا بكيفك...
قطع لعبه وراح لموبايله رد وهو ياخذ نفس:هلا..وغلا..
سامي:هلافيك ياقاطع...قسم ان يبيلك طراق مب صاحي
بندر:ههههههههههه ليه
سامي:ولك وجه تسال ليه...شنو هالقطاعه ياريال...يعني بالغلط دق علي..كذا وانت مار ع سجل ارقامك قول بسلم عالريال
بندر:ههههههههههههه اعذرني يالغالي والله اني ما افضى...ومن كم يوم كننت تعبان وبالمستشفى والحين بالبر ومخيمين
سامي:افا....سلامات عسى ماشر يالغالي
بندر:الله يسلمك..والله ياسموووو اني صرت اخاف...بشهر واحد جاتني 3ازمات..آخر وحده طيحتني بالمستشفى
سامي:انت الله يهداك ماتنتبه حق عمرك...مثل اليهال...يبيلك ام ينبك
بندر:مب كذا بس ياخي النفسيه كانت عدم
سامي:طيب والحين؟؟
بندر:لا الحين فــــل
سامي:الحمد لله..
بندر بهمس: خطبتهاآ...ووافقت...وبعد كم يوم بنروح نحلل
سامي بفرح:واخييييييرررآآ...عالبركه يالغالي وقسم اني فرحت لك من قلب
بندر:هههههههه ابشرررك...سمووو..تذكر يوم انا وانت بالكويت ايام زواجك...يوم تدعيلي وانت رايح الفندق.؟؟
سامي:ههههههههههه اييي انا دعواتي مستجااابه
بندر بتريقه: والله من الصلاح اللي فيك ماشالله لا إله إلا الله..
سامي:ههههه شتقصد؟؟
بندر:هههههه لا سلامتك ماقصدناآآ شي...إلا شخبار بندر الصغيروووون
سامي:الله يهداك يابندر ...والله احترت وش اسوي لجل ابين لك كبر المقلب اللي ماخذه بعمرك
بندر:هههههههه افااااااا صاحب السمووووو....ادري ماتغلي بهالبشر احد بغلاتي...يعني مابتلقى لولدك سمي مثلي
سامي بصدق:والله غلاتك بغلاة الروح وما تفارقني غلاتك إلا لا فارقت الروح هالجسد
بندر بحزن:بعد عمر طويل يالغالي جعل يومي قبل يومك فديتك
سامي:هههههه عاد بيبدا الغزل الله يكفيني شرك......لايكثر ولاهنت عطني رقم جاسم إذا انه عندك
بندر:منو جاسم؟؟
سامي:خوينا اللي ببريطانيا ايام زماااان
بندر:ليه وش بغيت منه؟؟
سامي:ياااااارب رحمتك انت وهاللقافه اللي تذبحك...ياخي عطني رقم الريال وبس
بندر: ههههههه طيب...والله مب متاكد انه عندي...بس بشوفله وبرجع ادق عليك
سامي:لا تتاخر وراي دوام
بندر:احلااااا وتداوم بعد
سامي:أي استلمت شغل الوالد الله يطول بعمره
بندر:عالبرررررررركه...ويلا ما اعطلك اشوف الرقم وارجع ادق عليك
سامي:يبارك بعمر...فمان الله
بندر:فمان الله يالغالي...
قفل...جلس ربع ساعه يحوس بموبايله يدور عالرقم...
ولما لقاه رجع يدق على سامي...بس مايمسك معاه الخط...جلس يحاول لما مل عمره..
بالنهايه عطى فارس الموبايل: خذ ....بحكم انك جالس ولا شغل ولا مشغله ...خل نستفيد منك..
دق على سامي لحد مايمسك معاك الخط وعطه هالرقم...انا بروح اكمل لعب
فارس:خدام اهلك انت..؟؟؟....وبعدين مو كنك حشيتني من شوي؟؟
بندر بإبتسامه:يلاااا عااااد....ادري اني امووووون.....وادري انك ماترفض لي طلب
فارس وهو يهز راسه: تتحرر فلسطين وانت ماتبطل هبالك يابندر..هات وامري لله
اخذ الموبايل وبدأ يدق..
وبندر راح يكمل لعب..
فــــي الكويـــــت...
سامي:اففففففف هالخبل لي ساعه من كلمته وهو يستهبل..هذا وانا موصي اقوله ما ابي اتأخر عن دوامي
امل: طيب انت ادخل خذ لك شاور وبدل ولا طلعت دق عليه
سامي:اوكي....
اخذ ملابسه ومنشفته
وقبل يدخل الحمام وانتوا بكرامه لف على امل..: سمعي...لا دق بندر وشفتي رقمه وانا باقي ماطلعت..
ردي عليه وقوليله يرسل الرقم بمسج أو يرجع يدق علي بعد ربع ساعه
امل:انشالله...يلا بس لاتتاخر..
فآآآآآرس له ربع ساعه يدق.....طفــــش...وقرر يدق للمره الأخيره لو ما مسك معاه بيتوطا ببطن بندر
ابتسم وهو يسمعه يدق..
حس الدنيــــآ وقفت وهو يسمـــــع صوتهآآآ......أي اكيد صوتها ...مافي غيرها بيرد على رقم سامي..
الوووو
جف الكلام...وماقدر يحكي...ماقدر ينطق حرف واحد..
الوووووو.....هلا بندر..
هـ....هـ...ـلا..
امل بإبتسامه:شلونك؟؟
فارس ويحس قلبه بيخرج من صدره: بـ..بخير..الله...يسلمــك..
امل ومازالت مبتسمه: معاك امل زوجة سامي....سامي دخل ياخذ له دش..مل وهو ينطرك تدق ..ههههههههههه
فارس يحس انه راح بعالم وهو يسمعها تضحك....
امل بإحراج:يقولك ارسل له الرقم بمسج او دق عليه بعد شوي
فارس ويالله طلع صوته:اووووك
امل:فمان الله
فارس:فمان الكريم
وبعد ماقفلت وهو يمسك على قلبه..."فمــــان الله...يالغـــــآليه"
ابتسم بفرح نابع من قلبه....
يحس تو يومه يبــــدأ......منو كان يصدق انه ممكن يسمع صوتهاآآ...
وقف واخذ نفس عمييييييييييق....
تنهد بفرح...
وراح للشباب..........شاف بندر يلعب...
راح له ووقف قدامه...اشر عليه بإصبعه وبندر يناظره بإستغراب: تدري...انك....اكوس...ولد اخ بالدووونييآآآآآآآآ
بندر ابتسم بغرور:أي ادري ....بس قديمه...
فارس.....ضمه بقووووووه...وصرخ:انت خبببببببببببل....!!
الشباب وقفوا لعب وصاروا يناظرون فارس بإستغراب..
انتبه لعمره وحك راسه بإحراج..: معليش شباب...هههههههههه
مشى وتركهم وهم يناظرون بعض وكل واحد يسأل نفسه وشفيه الولد استخف..
راح للبنات...دخل الخيمه...:مســـآآء الخير..
البنات:هلا فارس...مسآء النور
فارس بإبتسامه وبعيونه لمعه: شكلكم طفشانين مو؟؟
لميس:بقووووووووووه
الهنوف:فروووووس وربي قهر حنا مانقدر نطلع إلا بالظلام عشان ناخذ راحتنا والشباب فالينها ويلعبون
حلاآآ:هنوفه صادقه...يعني وش ذنبنا اننا بنات
فارس ومازال مبتسم:يعني وش ودكم تسوون مثلأآ؟؟
مرام بعفويه:نسوووووق مثلاآآ
الكل لف مستغرب انها تكلمت..
مرام بإحراج:انا ....قلت...مثلا يعني
فارس:وليه لا
خلود بصراخ:فارس من جدك؟؟؟
فارس:إي.....يلاااااا مشيناآآ...بناخذ جيب خالد ونمشي..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك