رواية فمان الله يا غالي -61
ماجد:يوووو ياعبود ياكثر الاشياء اللي صارت بغيابك انت تعال وانا اقولك كل شي بالتفصيل..
عبود:يلا يلا...بشوف النسيب وبنجيكم ...ولا تنسى لاتخبر احد..
ماجد:انشاااااا الله
عبود:فمان الله
ماجد:فمان الله يالغــــــآلي..
بعــــد ماقفل من ماجد لف على الهنوف...:تخيلي مخيمين بالبر
الهنوف:اللللله ونااااسه اكيد هذي افكار فرووووس
عبود:والله مدري عنهم...بس من صوت ماجد حسيتهم متونسين..
الهنوف:طيب حنا بنروح لهم؟؟
عبود:انتي شرايك؟؟..تبين نرتاح اول ولا نروح لهم ع طول؟؟
الهنوف:والله من الفرحه ما احس بتعب..ودي اروح لهم على طول..
عبود:والله حتى انا...ماجد يقول ان محمد وبندر هنا بالرياض...خل ادق عليهم يجوناآ
الهنوف:خل انا بدق على محمد..
رفعت موبايلها ودقت..
محمد ناظر الرقم وابتسم:هلا والله...هلا بالعرووووس
الهنوف توردت خدودها:هههههه هلافيك شخبااااارك؟؟
محمد:بخير يالغلآآ...انتي شخبارك...وحشتيييييينآآ
الهنوف:الحمد لله بصحه وعافيه والله وانتوا بعد لكم وحشه..
محمد: اشوفك داقه من موبايلك.؟؟....لاتقولين انكم جيتم
الهنوف:اي ابشرررك..هههههههه
محمد:وانا اقووووول السعوديه نورها زايد اليوم..اثر ست الحسن منورتنا
الهنوف:تسلم فديتك...اقول انا وعبود بالمطار..خذ سيارتك وتعال..ملينا وحنا ننتظر
محمد: والله ياقلبي انا الحين ماسك خط الدمام باقيلنا 80 كيلو ونوصل انا ومعاي بندر
الهنوف:افففففف...وانا فرحت قلت بشوفك...يلا خلاص بخبر عبود وهو يتصرف
محمد:بتجونا هناك؟؟
الهنوف:أي اكييييد مشتاقه لأهلي موت
محمد:يلا ننتظركم
الهنوف:اوووكي....بس لاتخبر احد حنا مسوينها مفآجأه
محمد:خلاص اوكي
الهنوف:فمان الله
محمد:مع السلامه
لفت على عبود:ماسكين خط الدمام...بقيلهم 80 كيلو بس..
عبود:خلاص بناخذ لنا سيارة اجره وبنروح الفيلا ونمشي بسيارتي
الهنوف وتحط يدها بيده:بس مو تعب عليك؟؟
عبود:عادي يالغلآآ...اهم شي مايفوتك من الوناسه شي
الهنوف:فديتك
عبود:فديتك انا..
فــــــي سيارة محمــــــد
بندر: هذا العريس وصل هاااا؟؟
محمد:ابشرك...باين بصوت هنوفه انها مبسوطه الله يهنيها
بنــدر:آمين يارب عقبالك
محمد:ههههه انا باقي بدري ما افكر الحين...بس عقبالك انت
بندر:ههههههههه انا لسا عالويتنق
محمد:اي ويتنق....البنت وافقت
بندر رفع حاجب:وانت وش عرفك؟؟
محمد:سمعت الوالد اليوم الفجر قبل يمشون كان يسالهاآ
بندر:متأكد؟؟
محمد ابتسم:أي متــأكد حتى بتحللون بعد مانرجع من الدمام..
بندر بإبتسامه:اساسا لازم توافق وهي تلقى مثلي؟؟
محمد ناظره بنص عين: عاااد صح انك مملوح والزين ماخذ منك..بس مو ينتفخ راسك على اختي
على فكره تراك جنب حلاها..ولا شي
بندر:دآري...هههههههه
محمد ناظره:وانت وش عرفك؟؟
بندر:هاه.؟؟.....ههههههههههههههههه...وش دخلك
محمد:يعني تقز اختي انت هااا...صدق انك ماني بقايل..
بندر:ههههههههه من زينك انت...اللي يسمعك الحين يقول هذا غاض بصره ماكنك بس تبصبص في لميس
محمد لف عليه مفجوع:لعن ابو ابليسك انت...مايفوتك شي
بندر:ههههههههههههههههههههههه
فـــــي البر...كانوا البنـــــآت في عـــــز الحمآآآس ومندمجين بالتشجيـــع
سلطان سجل قول....جمانه تصرخ....:فديييييييييت القوووول يانااااااس
سلطان يناظرها ويبتسم لها...:حرك فمه لها من بعيد.."فديتك انا.."
انحرجت والبنــآت:ياهووووووو
شــــذآ من الجهه الثـــآنيه...:يلاآآآآ خلوووودي...يلااااآآآآ..
خالد تحمـــس....وسجل قوول...
شــــذا تناظر جمانه:إيوآآآآآآآآآآآآ....عفيه عليك حبيبي...
البنات يصرخوووووون..ويشجعون..
والشباب كل واحد يستعرض مواهبه..
بعــــز العب كان باله منشغل معاها...كل البنات بعالم وهي بعالم...
يشوفها مدنقه وترسم بالرمل..
ذبحه الفضول وكان وده يعرف شتكتب..
رفعت عينهاآ وناظرته...
انتبه لها وماشال عينه....اشتااااااااق لهاآآ..
من بعد اللي صار لها تغيرت نظرتهاآ...
اللمعه اللي كان يشوفها بعيونها صارت باهته..
واللي يناظر بعيونها قبل ويشوفها الحين...يعرف ان نظرتها للحياه تغيرت..
ابعدت عيونها عنه وهي تحتقرهـ..
تفاجاأ...."وشفيها؟؟....امس تعطيني رفض وتقفل موبايلها...والحين تحتقرني...
لا لا...من جد هذي مو مرام....صدقت لميس يوم تقول انها تغيرت.....بس انا رجعك يامرام..انا.."
قربــوا من المكــــآن...
بس مايعرفون وينهم بالضبط..
رفع موبايله ودق على ماجد..
رد ماجد:هلا محمد..
محمد:شخبارك يادوب...وكيف رحلتكم من دوني..
ماجد:ورببببي مااااتسوى..
محمد:هههههه ادري ولكذا رحمتكم وجييييت
ماجد:تكذب علي صح؟؟
محمد:ههههههه لا وربي اني جيت وصرت قريب بس ابي اعرف مكانكم بالضبط
ماجد بصدمه:وبندر؟؟
محمد:الخبل سواها وطلع....مالحقت عليه إلا هو بالرسيبشن طالع
ماجد:صدق انه خبل وربي يا ابوي ليلعن سافله
محمد:والله انا قلت له بس هو بكيفه
ماجد:طيب وينكم الحين؟؟..
محمد:حنــا..............................
قفل ماجد بعد ماوصف لهم المكــآن....
شــــــوي...إلا سيــــآره جـــايه جهتهم...
البنات كانوا جالسين عالرمل ويسولفون انتبهوا للسياره وحطوا طرحهم..
خلود:هذي تشبه سيارة محمد..
لميس جنبهاآ: تخيلي يكون جا..
خلود:وش يجيبه وبندر بالمستشفى..
انصدموا كلهم وهم يشوفون محمد نازل وبندر ورآآآآه
خلود ولميس ناظروا بعـــض وصررررررخوااا...
جمـــانه ابتسمت:كل هذا فرحه بعريس الغفله ياخوخه
خلود توردت خدودها...
شذا:الحين مو على اساس بندر بالمستشفى؟؟
آلاء:والله هذا اللي اعرفه...شلون طلع؟؟
سمــــر: من جد غريبه...مهند يقول انه مره تعبان..
خلود بخاطرها.."الله يستر يابندر...سويتها وطلعت عشآني...".
انصدموا الرجال وهم يشوفون محمد وبندر داخلين..
محمد لما شاف نظراتهم رفع يده وهو يقول:انا ماااالي شغل...هو اللي سواها وطلع..
ابوسلطان: بنــدر ياولدي وش سويت؟؟
بندر:ياعمي الله يهداك هذاني قدامك مافيني إلا العافيه.. واخذت ادويتي وبنتبه حق عمري..
وبصراحه طلعات زي كذا ماتتعوض...وخصوصا اني بالمستشفى..
ابوعبد الله وشبه معصب: انت متى بتعقل وتترك عنك هالهبال؟؟..
محمد يبرر:والله ياعمي مالحقت عليه إلا هو بالرسبشن وموقع ورقة خروجه
ابوعادل:الله يهديك ياولدي...يلا يلا...ادخلوا حياكم
بنــدر ناظر محمد بإبتسامه وقرب منه:هااا شفت....ماخسرنا شي..
محمد يناظره بحقد:والله انت مدري شتسوي بهالشياب ويسكتون عنك..
بندر:انا عندي نظره سحريه..
محمد:اقول لا يكثر بس يالنسيب..
عنـــــــد البنـــــآت..
آلاء:والله اني طرباااااااانه يابنــــــآآت..احس ودي اسمع اغنيه..
خلود:وش رايكم ننادي فارس يدق لنا عود..
شذا:فارس يدق عووود؟؟
لميس:ايييييي من زماااان ماتدرين؟؟
شذا:لا اول مره اعرف وربي..
فرح:ياااااي وصوته لما يغني جنان..والله ماجد جلس يحيكينا عن طلعتهم هذيك الليله يقول
اكثر شي ونسهم العود
جمانه:يلا وحده تروح تناديه...خل نستانس قبل يجي العشـــآآ...ابي رائد يرقص..
حلا:منو رائد هذا
جمانه وتاشر على بطنها:ولدي العزيز
شذا:وخطيب بنتي..
البنات:هههههههههههههههههههههه
سمـــر:انا بروح انادي فارس...
وقفت وراحت عند خيمـــة الرجــآل..
قربت من الخيمه وكان عند رجلها حبال كثيره ما انتبهت لها...مشت وكانت بتطيح فيها...بس قدرت تتوازن قبل تطيح
وانشد الحبل على رجلهاآآ..
حاولت تفكه بس اصوات الرجال القريبه منها تربكهاآ
جلست عالأرض وصارت تحاآول بس مووو قادره من التوتر اللي فيهاآ..
دخلت يدهاآ بجيبها بتطلع موبايلها وتدق على احد يجي يساعدها
..بس ماحصلته"افففففففف يلعن اوم النشبه"
حست نفسها بتبكي...المكان ظلام...والرجال قريبين منهاآ..
حست دموعها بتنزل وبدون شعور:ياربيييييي....شسوي؟؟..إهئ...
كان رايح يجيب المويه من السيـــآره حسب طلب خاله..
خفق قلبه وهو يسمع صوت يعرفه زيــــن..
راح لجهة الصوت...وبكل خطوه يمشيها يحس قلبه بيخرج من صدره
زمااااااااان ماااشافهاآآ..
من قبــــل تنخطب لزيــآد ماشـــآفهاآآ..
غمضت عيونها وهي تسمع خطوات تقترب منها وسط الظلمه..
همست وهي تردد"يارب انه مهند...يارب انه مهند.."
سمــــــــر؟؟
حست قلبها بيوقف وهي تسمع صوته...
"لا لا لا...موووو انت...مووووو انت..."
رفعت راسها بهدوء وفتحت عيونها ببطء وشافته..وبلعثمه:هـ..ـلآ..
فهد بهدوءه اللي تعرفه زين: شفيك جالسه عالأرض؟؟
سمر وتحس اطرافها بارده من الخوف..:ولا...شـ..شـ..ـي
تحس بإحرآآآآآج..دعت من قلب ماينتبه للحبال الملفوفه على رجلهاآ.
فهـــــد ناظر رجلها وفهم..
جمد الدم بعروقها وهي تسمعه يقول:اسآآعدك؟؟
وقبل يسمع منها رد...نزل لمستواآآها...
وبدون مايناظرهآ....قرب يدينه منه الحبل...وبدأ يحاول يفكه..
وهي تحس بيغمى عليها من الإحراج...
بعـــد 3 دقايق مرت كأنها دهر...قدر يخلص رجلهامن الحبال الملفوفه حولهاآ..
وقف وهي مازالت جالسه عالأرض ومنزله راسها من الإحراج..
فهـــد ابتسم وهو يقزهاآ..:مابتقومين؟؟؟....ولا عاجبتك الجلسه بالأرض؟؟
سمر انحرجت زياده:إلا بقوم...بس....روووح
فهد ضحك ضحكه هاديه:هههه....طيب...من عنوني..
ومشـــــى..
تنهد بفـــــرح..."الله يجمعني فيك قريب.."
طلع مهند وشاف سمر واقف عند خيمتهم..:هلا سمر بغيتي شي..
سمر ومنحرررررجه من اللي صاري:....اي.....لا...مدري...
مهند:ههههههههههه شاللي اي لا مدري...هههههه...وش تبين؟؟
سمر:البنات يبون فارس يجي يدق لنا عود
مهند:لا لا سوري..حقوق الطبع محفوظه للشباب فقط
سمــر:اقول خبره ولا يكثر..
مهند:هههههههه طيب...أي اوامر ثانيه يآ آنسه؟؟
سمر:لا تسلم..
مهند: يلا بقوله...
سمـــــر رجعت عند البنـــآت..
رهف:ها سموووره شقال..
سمر:انا قلت لمهند وقالي انه بيخبره
لميس:والله احس اني متحمممممسه..
شوي إلا فــــآرس جاي وجايب معاه العود...
البنات جالسين حول النار مسوين دائره..
وفارس معاهم..
جلس: شلونكم ياحلوين..
الكل:بخيييييييير..
فارس:جمجووووم شـــــذآ...كيفكم...وش مسوين؟؟
جمانه شذا:بخير الله يسلمك..
فارس:كيف حبايب عموووو فارس
خلود:عموووو؟؟...قصدك جدوووو فارس..
فارس:لااااا وعععععع وش جدووو احس اني شايب..
آلاء:أي شايب وش تحسب عمرك
فارس:افااااااا...هذا وانتم تبوني ادق لكم عود واونسكم..
سمر:يلا يلا فروووووس...
فارس:بس ترى ما راح اغني...انا علي بس ادق لكم...
صوتي تعبان شوي..
حلا: مــرآآآآم بتغني لنــــآ..
الكل لف على حلاآآ..
وبعدهاآ ناظروا مرام يشوفون ردة الفعل..
مرام ناظرتهم ببرود..:اوكي....بغنيلكم....
الكل ساكتين ومصدومين...من لما جوا ماسمعوها تحكي..
بـــدات تغني وفارس يدق بالعود
الله لا يحرمني منك ياعسى عمرك طويل
ياللي كل الناس عندي مايساويهاآ غلاااك
والله لووو اعطيك عمري كله مايوفي الجميل
لو ابوفي ما اقدر اوفي ياكثر والله عطآآآآك
يكفي لا جيتك تهلي...يكفي لا جيتك عليل
متضايق من همومي والحزن من همي جاك
يكفي متحمل قساتي والصبر اكبر دليل
صابر وساكت حياتي..ومالي عيوني بوفاك
أدري والله ياحبيبي..وقتي لك دايم قليل
حيل انا مقصر ولكن..قلبي مالحظه نسآك
شنهي الدنيا بدونك..وبالبشر مالك مثيل
الله لايحرمني منك لا ولايكتب جفــآآآك
وقفت وهي تمسح دموعهــآآآ رحت بعيـــــد عنهم..
تحس انها مخنووووقه...
راحت بعيد...حصلت صخره وجلست عليهاآ...
جلست تبكي...تطلع اللي فيهاآ...اللي كتمته اسبوع كامل...
قبل كانت تتحمل اكثر من كذآ...كانت تكتم شهوووور...
بس الحين اسبوع واحد ومووو قادره..
خــــآفت وهي تسمع صوته من وراها....: مــــاشبعتي دمــــــوع؟؟
مسحت دموعها ووقفت بدون ماتناظره....وجات بتمشي وبتتعدآه
وقفها صوته:ليـــــــه تتهربين مني؟؟
لفت وبعيونها القوه:وش اللي يجبرني اتكلم ويـــآآآك..
قال بصدمه:هه....وش يجبرك؟؟؟....يعني انتي حاسه انه مافي شي يجبرك؟؟
ماكان بيننا شي؟؟
ناظرته وعينها بعينه: هذا انت قلتهاآ....كآآآآن....كان يابدر
بدر بصرآخ:مـــرآآآم....شاللي تغير؟؟...ابي افهم....شاللي تغير؟؟
مرام بصوت كله انكسار وتقاوم دمعتها: كثير اشيــــآء تغيرت يابدر..
بـــدر بحده:غلطــــآنه..!! ...مافي شي تغير...انتي اللي تغيرتي...انتي يامرام..!!
مرام ولمعت عيونهآ: انا كان لازم اتغير....لأازم اصير اقوى عشان اقدر اعيش...ضعفي مانفعني بشي..
"لا لا...هذي مو مرام..من جد هذي مو مرام.."
قرب منهاآ....وبصوت كله حنيه: مرام........انا ماحبيتك انتي.......انا حبيت مرام الأولى...مرام الضعيفه بنظرك..
مرام اللي قدرت تغيرني من بين بشر هالكون....اللي مسكت بيدي وورتني من وين الناس تناظر الحياه...
بس هذي مــــو انتي....مــــو انتي يامرام..
مرام بصوت عالي شوي :بـــدر لووووو سمحــــت....!!
مرام اللي حبيتها اعتبرها ماتت...اختفت....تبخرت....اي شي...
لانها ماراح تررررجع...تفهم؟؟ (وببطء وهي تقرب منه)....ما..راح...ترجع
بـــــدر بتحدي وبعيونه اصرآر وعينه بعينهآ: إلا بترجع...وباقي اذكرك...هي عايشه بداخلك....
وهذا اللي انتي تسوينه بس قناآآآع....ومصير هالقناع يطيح وترجعين لي....
لف وجا بيمشي ..مشى خطوتين ورجع لف عليها...
وبحـــــده هزتها وهو يمد اصبعه عليهاآ..: إذا انتي حاسه ان هالكون اسود ورمادي وان هالحياه مالها معنى وان انتي مالك وجود
تراك غلطـــآنه....لأن فيه ناس.......(سكت شوي)...ماتشوف شروق الشمس وغروبها إلا بعيونك...ومعاك...
ومشـــــى وتركـــــهـــــآآ..
جلست على ركبتهاآ وهي منهاره بكي....
تحس بضعف...
كل ماحاولت تصير اقوى تضعف زيآآآده...
كل ماحاولت تبعد نفسها عنه..تتعلق فيه زياده
كل ماحاولت تقنع نفسها بغنه يستاهل وحده احسن منهاآ
تحس بسكين تقطع قلبهآآ
بس هو فعلاآ يستاهل وحده احسن منهاآآ
حرام تظلمه معاها..
حرام تعطيه فرصه يحبها وهو بيده يحب وحده بوضع افضل من وضعهاآ
هــــــــــــذآ اللي كانت تفكر فيــــــــــــــه..
بعـــــــــــــــــــد ماتعشوا الرجــــــآل والحريم...
الكل رآآآح يرتاح وينـــــآم لانهم قايمين من بــــدري..
كلهم قــــــــــــدروا ينامون إلا هي...
بالها منشغل عليه....
ودها تدق وتتطمن عليه ...بس تحس انها لازم تثقل شوي..
تذكرت ابوها يوم يسألها الصبـــــح عن رآيهآآآآ...
ابتسمت...
اول ماا يرجعون من الدمام بيروحون يحللون..
انشالله تطلع تحاليلهم تمام ويجمعهم القدر ببعض...
تنهدت....بتطلع تشم هوآ....اليوم 14 بالشهر يعني البدر مكتمل...
وقفت بهدوء عشان ماتزعج اللي نايمين..
اخذت لها آآ جاكيت ولبست عليه كاب صوف..وأخذت شال
طلعت من الخيمه وهي تلفه حول رقبتهاآ...
مشت مسآآآفه..وهي تناظر البــــدر...
ابتسمت..
كان نايم برآ الخيمه لانهم كثيرين والخيمه ماتكفيهم وبحكم ان الجو حلووو نام هو ونواف ومحمد وماجد برآآ
لف عالشباب كلهم بسابع نومـــــــه...
كان نايم وحاط يدينه تحت راسه ويطالع البدر...
الهدوء يعم المكان...
حس بحركه جهة خيمة الحريم....جلس بهدوء وناااظر بجهتهم...وشآآآآفهآآآ....
رآقبها وهي تمشي وتناظر البـــــدر...
ابتســـــــــــــــــــم...
كانت تسمع لأاغنيه بموبايلهاآ...
ومشبكه السماعات وحاطه سماعه وحده بس
عشان تنتبه لأي حركه...
وهي بعز اندماآآىجهاآآ وتفكر...
بـــــــسسسسسس.....بسسسسس...
حست بالصوت
شالت السماعه من اذنهاآ....
بسسس بس....بسسسسسسس
لفت.....ابتسمت وهي تشوفه يأشر لهآآ بيده...ومبتسم..
نهـــــــــــــــــــــــــــــآآآآآآآآآآآآآآية البــــــــــــــــــآآآآآآآرت
ياربي قسم بالله وترتوووووني وانا اقرأ ردودكم..
احس فيني صيحه..~
يااااا حلوين شفتم ليه ما احب احدد يوووم عشآآآن هالشي...!!
يعني انا ما ااعرف ظرووووووفي اش تكون بالايام الجايه
شوفوا مثلا انا حددت لكم يوم الجمعه
طيب انا من اليوم الصبح طالعه البر وتوني راااجعه
وشي الثاني النت له يومين خرباااان يعني من فين ادخل بالله؟؟
ولا تسالوني شلون داخله الحين لانوووووو وربي سويت معجزه عشان انزلكم هالبآآآآرت
يعني ياليت تقدروووون ظرووووفي....قسم فيني صيييييحه..
يلآآآآ قرآآآآءه ممتعه...~
-27-
"يشهد الله اني ما احيا ب / دونك ،
ذا شعوري لك
ليتك
[ تفهمينه ] .... !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك