رواية فمان الله يا غالي -60
بعـــــــــــد ساعتين..
محمد واقف بالمستشفى...يحس انه مهموم ومتضايق
دايم يشوف بندر تعبان...بس هالمره غير..
حتى شكله كان غير..
تنهد بقوه..
رن موبايله ناظر الرقم .."فارس يتصل بك"
رد بسرعه:هلا فارس..
فارس وهو بالشركه:هلا محمد وينكم انت وبندر من صباح ربي..؟؟
محمد تنهد:بندر بالمستشفى..
فارس بصدمه:شنـــــــو؟؟؟....من متى وليه؟؟؟
محمد:من الفجر..جاني وقومني من النوم..كان مره تعبان والحين حنا بالمستشفى
فارس:شنو قالوله...؟؟
محمد:مدري بس دخلوه العنايه المركزه....يقولون يبيله يوم تحت الملاحظه..
فارس ومازال مصدوم لا حول ولا قوة إلا بالله...يلا يلا بخبر ابوك وبنجيكم
محمد:ماله داعي ...اساسا مابيدخلونكم..
فارس: طيب يلا خل ابلغ اعمامك..فمان الله
محمد:مع السلامه..
بعــــــــــــــد ساعه...الكل كان بالمستشفى..عند بندر..
ابوسلطان ويكلم الدكتور:طيب شالسبب يادكتور
الدكتور:هذا كله نتيجة إهماآل...يعني اللي عرفته انه كان يفوت مراجعات كثير ومواعيد الادويه مو منتظم عليهآ
والاهم أكيد كان يمر بضغط نفسي قوي......وغير كذا...المرات اللي فاتت لما جته الأزمه ماراجعنا...لكذا هالمره كانت قويه
ابوسلطان:لاحول ولا قوة إلا بالله
الدكتور:والله ياعمي..حرام ولد بعز شباب ويكون بداخل العنايه المركزه...يعني لازم يهتم بنفسه كذاآ..
ابوسلطان:الله يشفيه ويقومه بالسلامه يارب
الدكتور:آمين...يلا عن اذنك
ابوسلطان:اذنك معك..
ابوعبد الله:حسب كلام الدكتور قعدتنا هنا ما منها فايده...ورانا شغل كثير ينتظرناآ..
لازم نرجع للشركه
فارس:اي معاك حق...وانشالله بندر مافيه إلا العافيه..أساسا دخلته العنايه بس عشان يراقبون حالته
يعني هو انشالله بخير..
الكل: انشالله
ابوعادل:يلا اجل مشيــنآآ
وطـــلعوا من المستشفى ماظل هنآك غير محمد ونواف..
الكل رجعوا للشركه يكملون اشغالهم..
رجعت من الدوام..تعبانه كالعـــآده...
طلعت غرفتها والإرهاق طاغي عليهآ..
التفكير ذابحهاآ
اللي صار لها امس مع بندر مو راضي يروح من بالهاآ
وهي بالدرج سمعت باسل الللي كان توه داخل وراها يكلم
باسل:يعني الحين هو بالمستشفى؟؟....وليه انا آخر من يعلم...أففففف...والله خوفتوني عليه
يلا ببدل وبجي........ليه اجي؟؟...ابي اشوفه واتطمن عليه مو ولد عمي..؟؟...يلا يلا سلام..
خلود خافت...قلبهاآ نغزهاآ...قالت لباسل بهدوء:منو اللي بالمستشفى؟؟
باسل:بنــــــــدر..تخيلي من الفجر وهو بالعنايه المركزه ولاحد مخبرني...
طلع من الدرج وهو يتحلطم...
خلود واقفه بالدرج ويدهاآ على فمهاآ..
دموعها تنزل.....
ماقدرت تمسك نفسها وانهارت على الدرج...
بكــــت وبكـــــت...
حست انها السبب في اللي صار لبندر..
زاد بكيهاآ..
ماحست إلا بيدين باسل تربت على كتفهاآ:انشالله بيقوم بالسلامه..
ناظرت باسل برجى وعينها مغرقتها الدموع..:بآسل....تكفى...طمني عليه..!!
باسل بإبتسمة ألم:انشالله..
طلع من الفيلا وهو يفكر..."يعني كل تحليله صح..
خلود وبندر يحبون بعض...من قبل..
وبندر ماجا من بريطانيا إلا لما سمع خبر خطبتهاآ..
الله يكون بعونك ياخلود"
ركب سيارته ومشى على المستشفى..
بالليل...طلع بندر من العناآيــــه المركزه..
الكل عنده وقت الزيآره..
ابوسلطان:الله يهديك ياولدي...خوفتنا عليك
بندر مبتسم بهدوء:والله اعذرني ياعمي...بس هذاني بخير ومافيني إلا العافيه
فارس يتريق:من ناحية بخير ماشالله حصان...عفواآ حمار...ولا فخر
بندر ناظر فارس وهو رافع حاجب:انا حمار يالخبل؟؟...مشكوووور ياذوووق وتموون
فارس ابتسم:صدق انك .....ماني قايل..
بندر ويغمز له:احرجتك صح؟؟
فارس ومازال مبتسم:اقول لايكثر..
الكل:هههههههههههههههههههههههههه
محمد:يبــه والله اا من رايي تجيبون لبندر مربيه تهتم فيه مثل الأطفال
هو مايعرف يهتم بعمره
بندر عصب:مالت عليك...اساسا انا اهتم بنفسي بس هم يكبرون المواضيع..
والله يوم يدخلوني العنايه ..طار عقلي من المناظر اللي اشوفها..
حسيت انهم مدخليني ثلاجة اموات مب عنايه
سلطان: انت يالخبل اهتم بنفسك شوي ومن جد بتصير حصان اووو عفوا حمار مثل ماقال فارس
بندر طالع عمه بياأس:عمي شايف عيالك ؟؟..طايحين فيني حش..هذا وانا تعبان..
ابوسلطان بإبتسامه:خلك يمكن يثمر فيك..هع..هع...هع
بآخر الغرفه باسل يكلم خلود بهمس:وربي مافيه إلا العافيه...هذا هو داقها حنك ويا اعمامي ويضحك...
خلود الله يهديك..وشلون اقنعك يعني
اقوووول...انا تعبت معك....انتظري دقايق..
مشى باسل لحد بندر يتهور...بندر خذ هذا واحد يبي يتطمن عليك..
بندر بإبتسمه:منوو؟؟
باسل: راكان اخوووك..خذ بس..
بندر اخذ الموبايل وبتعب:هلا وغلا...
خفق قلبها وهي تسمع صوته: هلافيك
انقلب وجهه وتلعثم وهو يسمع صوتها..
خلود وهي تبكي:بندر...كيفك؟؟
بندر وبيجن لما سمعها تبكي:انا بخير لاتخاف..
خلود عرفت ان اعمامه عنده ومابيقدر يكلمهاآ
بس التعب بصوته يموتها بالثانيه مليون مره
خلود من بين دموعهاآ: أنا...آسفه...والله..مـ..مآ كان..قصـ..قصدي..أضـ..ـايقـ..ـك
بندر ابتسم بهدوء:ومنو قال انك مضاقني..انت اخوي وحبيبي وادري فيك تهمك راحتي اكثر من اي شخص بالدنيا
يلا عاد لاتضايق نفسك ومسح دموع الاطفال هذي لاتوطا ببطنك......سكت شوي....وبهمس:يلااا خوختي..
خلود بصوتها المبحوح بسبب البكي:بندر...والله...احبك
بندر:واللله حتى انت...يلا عاد..اتركك الحين...بعدين بدق عليك....انتبه لنفسك وسلم على امي واخواني
خلود:انشالله
بندر:باي
خلود:فمان الله
قفلت وهي مرتاحه نوعاآ...ماآآ..
مبين بصوته التعب...بس انشالله انه بخير..
هذا اللي كانت تحاول تقنع نفسهآ فيه..
رفعت موبايلها ودقت على لميس..
بالمستشفى...
بندر:يااااخي روح لهم..مااا ابي اجلس هنا...ابي اطلع..
سلطان:بندروووه ياخبل...قسم ان مابطلت حركات البزران هذي لاكون متوطي ببطنك الليله..
بندر:ياخي انا واحد ما اوواااااطن جلسة المستشفيآآت
مهند:انت لو انك مهتم بعمرك كان انت الحين برا هالمكان
عادل:وبعدين انت مايصلح لك إلا مثل هالمكان عشان تمشي عدل
بندر:ياااااربيييي...انتم كيف اقنعكم...ترى والله اهرب...ويحرك حواجبه
ماجد:والله مانستبعدها منك...تسويهاآآ
بندر:ههههههههههههه انتم طلعوني ومابسويها
دخل ابوسلطان:هاه....اسمع طاري طلعه؟؟
فارس ويناظر اخوه:أي والله...هذا بندروه يقول يانطلعه من هنا...يايهرب..
بندر انقلب وجهه ناظر بفارس وعيونه بتطلع وبعدها لف على عمه:ياعمي والله ما اواطن هالمكااان
ابو عبد الله:الله يهداك ياولدي...هذا لمصلحتك..وانشالله بس تصير بخير بيطلعونك..
بندر فقد الامل...لف يكلم عمه..:قول تـــم ياعمي
ابوسلطان:تطلع من هنا لا.....بس آمر ياولدي
بندر:هههههههه تسلم ياعمي مايامر عليك ظالم...بس كنت ابي اقولك ياريت ماتاجلون سفرتكم للدمام بسببي..
ابوسلطان:بس ياولدي انت.....
قاطعه بندر:انا ياعمي بخير ومافيني إلا العافيه...وانشالله بتحسن وبلحق عليكم هناآك...
ابوعبد الله: بندر ياولدي الله يهداك..هي سفره لا راحت ولا جات
بندر:ولو ياعمي يعني ماتسوى عليكم..
فارس ويبي يقهر بندر: والله بندر معاه حق...يعني انشالله كلها يومين وبيطلع من المستشفى وبيلحقنا..
ابوعادل: بس مابنقدر نمشي وانت بالمستشفى..
محمد:انا بجلس معه ونجيكم ويا بعض...بس والله حرام يعني البنات خصوصا مره متعلقين بهالسفره ويعدون الايام لها
ابوسلطان:صح والله...حرام نكسر بخاطرهم...ودام هذا اللي تبيه..مو مشكله..
بنـــدر:يعني تم؟؟
ابوسلطان :تــم ياولدي...الله يقومك بالسلامه ويشفيك..
الكل:آمين..
انتهى وقت الزيآآره والكل رجع لبيته...
في بيت ام خالد..
آلاء:بس يايمه وبندر منو بيجلس معاه؟؟
ام خالد:يقولون محمد ولد خالك عبد الله بيجلس معاه وبيلحقونا بعد كم يوم
حلا:يمه حنا وين بنجلس..
ام خالد: الظاهر بنخيم بالبر..
آلاء:واااااااااااااااااو اكككككشن وربي...احب طلعاااات البر...زمااااان عليهاآ
ام خالد:انتم مجهزين اغراضكم؟؟
حلا:يمــه لنا اسبوعين مجهزينهاآ
ام خالد وهي تطلع غرفتهاآ:انا بطلع انام...خالكم يقول الفجر بنمشي..خبري اخوانك إذا جوا لايسهرون
آلاء:انشالله يمه
ام خالد:وانتو بعد...
آلاء:على امرك يمه..
في بيت ابوسلطان
خلود:طيب وبندر؟؟
باسل:والله انا ماعجبني تفكيرهم...يعني الولد تعبان وهم يبونا نروح نتمشى؟؟
خلود:إي والله..
باسل:بس تدرين؟..هالدب عنده اسلوب يقنعهم مدري كيف يلف فيهم ويدور لحد مايقنعهم
خلود ابتسمت بهدوء..
باسل ويدقها من كتفها:إيووووه...وش صار يوم تكلمينه...اثرك يابنت هيمانه منذ مبطي
خلود:ههههههههههههههه وانت شعرفك؟؟
باسل:والله انا كنت حاس يعني ترى يبين بنظراتكم لبعض...بس بعد ردة فعلك امس تاكدت..
والله حطيت نفسي مكانك..يعني لو حلا بالمستشفى وربي اموت...
خلود:الله لا يحرمنا شوفة غالي..
باسل من قلب:آمين..
دخل محمد:انت وهي...جاهزيييييين؟؟...ترى ابوي يقول بتمشون الفجر؟؟
باسل:بتمشوووون...ياحليلك مابتمشي معانا
محمد:عااادي والله اساسا مو متحمس لهالروحه مرره..وبعدين الجلسه مع بندر ماتنمل
باسل:من هالناحيه صادق والله
محمد:يلا انا مررررهق بروح انام...قبل لاتمشووون قوموووني..
باسل"طيب يلا بس انقلع
محمد:باسل ياحيوان انا اخوك الكبير ..عدل اسلوبك معي لأجي اتوطا ببطنك..
باسل وهو يعطي محمد ظهر: اقول لايكثر بس روح روح انخمد
ماحس إلا بأخوه يمسكه من رقبته ويرميه عالارض ويجلس فوق..
باسل وهو يالله يتنفس:لعن ابو ابليسك قوم صار لوني ازرق....قووووووم
محمد:بتتأدب معاي ولا لا؟؟
باسل:"محمدوووووه بتقتلني تحسب نفسك خفيف؟؟
محمد:رد علي بتتأدب ولا لا؟؟
باسل وبدا يختنق:إلا إلا....بس قوم
محمد:قول لو سمحت ياحمودي ياحبيبي قوم
باسل:تخسى
محمد:اخسى...طييييب..طيب..
باسل:لا لا لا...خلاص خلاص...يامحمد...ياحبيبي...قووووم ...لووو سمحت..
محمد قام من فوق بإبتسامة نصر...وناظر خلود اللي فاطسه ضحك:شايفه كيف؟؟...اخوك قوي
خلود من بين ضحكها:هههههههه لعن ابو ابليسك الولد بغى يموت وانت تقول قوي؟
باسل ويمسك رقبته:مب صاحي اخوك هذا استخف..
محمد: هاه هاه...شكلك تبي تقعد جنب بندر بالمستشفى..
باسل وهو يوقف ويروح لغرفته قال بقهر:لا اسم الله علي..صدق انك ثقيل طينه وماتعرف تمزح
محمد وخلود بعد ماطلع:ههههههههههههههههههههههههههههه
بآآخر الليل....جالسه ع سريرهاآ وتنتظره يدق مثل ما قال لهاآآ..
عينها ع موبآيلهآ..
غلبهاآ النوم وهي على هالوضعيه..
فزت من نومهاآ على موبايلها يهتز بيدينهاآ..
ناظرت الرقم وقلبها تزيد نبضآته..
ردت بصوتها الناعم:هلا والله
بنــدر بهدووء:هلا بهالصوت
خلود:كيفك؟؟
بندر:انتي اللي كيفك الحين؟؟...هديتي؟؟
خلود:إي..
بندر: ما ابيها تنعاد
خلود:شنووو
بندر:دموعك تنزل....ماعاد ابيها تنزل..دامني على الأرض واتنفس...ما ابيها تنزل
خلود وانخنقت:جعل يومي قبل يومك
بندر:اسم الله عليك...
سكتووووا شوي..
بندر: وحشتيني خوختي..
خفق قلبهاآآ...تحس ايامهم رجعت...رجعوا بندر وخلود الللي قبل...
نفس الأسلوب...نفس الوضع....ونفس الإحساس اللي كانت تحسه
همست:مو كثري والله
بندر:سوري على اسلوبي امس....بس من التوتر اللي فيني
خلود تصرف:خلنا من امس....وقولي كيف تحس الحين؟؟
بندر:بخير الحمد لله..
خلود تنفست براحه:جعله دوم يارب..
سكتوا شوي..
قالت بحزن:ماراح تجي ويانا بكرآ؟؟
بندر بنفس نبرتهاآ:لا..
خلود: مو حماس
بندر:صدقيني بتروحين وبتستانسين
خلود:بدون وجودك ما اعتقد..
بندر: يعني تبيني اجي؟؟
خلود بحزن :ياريت لو انك تقدر تكون ويانا
بندر وحطها براسه...: انشالله بتشوفيني معاكم
خلود:شلون؟؟
بندر:لاتفكرين كثير...المهم الحين اتركك تنامين...وراكم سفر بالفجر...ارتاحي..وإذا وصلتهم عطيني خبر
خلود:انشالله
بندر:يلا خوخه فمان الله..وديري بالك على حالك
خلود:من عنوني..وانت بعد..
بندر:اوووك فمان الله
خلود:فمـــــــــآن الله يالغـــــــــــآلي
اليـــــوم الثــــــــــــــآني الفجــــــــر..
الكل يتجهز ويركبون اغراضهم بالسيارآت..
بعدهاآ اجتمعوا عند بيت ابوسلطان عشان يمشــــون سوآ..
لميس تكلم خلود:يعني محمد مابيجي ويانا؟؟
خلود:لا
لميس:يارررربببببي..
خلود:حالنا من بعضه لموووسه..
لميس:كله من الدب بندر.....ماااااالت
خلود بحزن:الله يقومه بالسلامه
ركبـــــوا سياآراتهم ومشوا عالدمام...
اما محمد بدل ملابسه وراح بندر بالمستشفى..
عالظهـــــــر...
الكل كانوا بالبــــــر...وناصبين الخيــــآآم..
الخيمــــه الكبيره للرجاآل..
وخيمتين للحريـــــــم..
الجو كان جناآآآآآآن...والجمعه كانت حلوه..
الكل..مبسوط ومستآآآآنس...ماعدآآ....
خـــــــلود....ولمـــــــيس.. وناستهم ناقصه بدون محمد وبندر..
فـــــي المستشفــــى... بالليل..
محمد وهو يقوم من على الكرسي:انا بروح اجيب لنا شي نتعشآ عليه من الكفيتيريآ
بنــدر:اوكي انتظرك..
محمد:سي يوو
بندر:سي يووو توو..
بعـــد نص ساعه...فتح باب الغرفه ودخل:أحلى عشـــآ لأعبــط مخلوق على.........
سكت وهو يشوف السرير فاضي..
لف بالغرفه:بنـــدر؟؟
راح للحمام وانتوا بكرامه:بندر؟؟.....بندر..!!
فتح الباب لقاه فاضي..
ناظر بالغرفه مافيها اي اغراض..
"هالخبــــــل سوآهاآآآ..."
رفع موبايله ودق رقمــــه...اول ما رد طار فيه..: بندروووووه يالخبل وينك؟؟؟؟ وين هجيييييت؟؟.....تستهبل انت؟؟
بندر واقف بالرسبشن ويبعد الموبايل عن اذنه من صراخ محمد وبهدوء: انا تحت بالرسبشن وقعت على ورقة خروج على مسؤليتي وانا انتظرك
محمد منصدم من تصرفات بندر:افففففففف والله انت مدري كيف تفكر...يلا باي
ونزل عنده...حصله جالس بالرسبشن وينتظره..
راح عنده وبعصبيه:انت تدري لو ابوي درا عنك وش بيسوي؟؟
بنــدر:اتوقع اني انا مسؤول عن نفسي
محمد:والله ان تهزات من تحت راسك يابندروه مايصير خير
بندر ببرود:مابتتهزأ ولا شي...يلا خل نروح الفيلا ناخذ اغراضنا ونمشي عالشرقيه...
محمد ومازال متنرفز:افففف يلا..
وطلعوا من المستشفى ومشوا عالفيلآآ..
بدلوا ملابسهم واخذوا لهم اللي يحتاجون ومسكوا خط الدمام...
فـــــــــــــي الرحـــله...
الرجال تكفلوا بيسوون العشــــآ
بخيــــمة الرجـــآل..
ابوسلطاآن يقطع البصل..وابوعبدالله...يقطع اللحم..
وابو عادل يشب النــــآآآر..
امـــــآ الشبــــــآب يلعبووون كووورهـ..بعــد ما برد الجو وصار مناسب للعب..
البنات كانوا جالسين بخيمتهم...اللي ماسكه صينيه
واللي ماسكه كرتون...واللي ماسكه علبه...وهاتك دق وررررقص..
كانوووا مررررآآآ متحمممسين..
جوا ريماس واسيل...: بنـــآت الشباب يلعبووون كوره...يقولون لكم تعالوا شجعووا
جمانه: سلطان جالس يلعب؟؟
ريماس:إي...هو الكابتن
جمانه:فديييييييته...يلا بنات قمناآ خل نسوي حماس..
ام عبدالله:على وين انتي وهي؟؟
فرح:يمــه حنا جينا هنا نتونس ماجينا نقعد داخل الخيمه...بناخذ طرحنا وبنطلع
وبعدين يمه الدنيا ظلمه يعني مافي مشاكل
لميس:إيه يمه فروحه معاها حق
ام سلطان:بس اعقلوا وخلوا عنكم الهبآل
البنات:انشالله
ام عادل بعد ماطلعوا البنات..:انشالله تتحسن حالة مرام..ويقدرون يطلعونها من اللي هي فيه
ام مهند:والله اللي مرت فيه مو هين...الله يكون بعونهاآ
الكل:آميــن..
طلعوا البنـــات ووقفوا على جنب..
جلسوا يناظرون الشباب وهم يلعبون..
سلطان ومهند وعادل ونواف وباسل بفريق
وفارس وماجد وخالد وفهد وبدر بفريق
البنات كلهم يشجعون فريق "فارس"
ماعـــدآ جمانه وآلاء وحلاآ يشجعون فريق سلطـــــآن
بعــــــز الحمـــــــــآآآس...ووسط صراخ البنـــآت..
ابوسلطـــآن:ياعيال واحد منكم يجي يرد ع هالوموبايل صجناآ
وقفوا العيآل لعــب وراح باسل يشوف اي موبايل يدق..
لف عليهم:مــــــاجد موبــآآآيلك..
ماجد راح بسرعه...ناظر الرقم ورد..:هلاآآآآآ والله وغلآآآآآآ ياااااافديت الصوت والله
عبدالله:ههههههههههههه هلافيك...لهالدرجه مشتااااق لي؟؟؟
ماجد:هههههههه اي والله كثيييييير...وقسم ان شفتك لاطب عليك من الشووق
عبود:هههههههه لا ياشيخ مرتي تبيني
ماجد:مالت على مرتك ..من خذتك ماعاد شفناك...يررررحم امك...3 اسابيع ما اشوووفك حرام عليك..ّ!!
عبود:ههههههههه هذاني الحين بمطار الرياض...تعال خذناآ ولا تخبر احد
ماجد صرخ:بـــــذمتـــــــك...تتكلم من جدك؟؟
عبود:هههههههههههه هذا وانا اقولك لحد يدري الحين الكل درى
ماجد:هههههههههههه لا ماعليك محد فاضيلي..بس ماقلت لي شلون جيت؟؟...والدوره؟؟
عبود: ابد والله هي شهرين مثل ما انت عارف وبين الشهرين راحه اسبوع...قلت يلا خل نجيكم
ماجد:وبي منوووووور السعـــــوديه يادووووب
عبود: ادري....بس يلا بسرعه لا تتأخر عليناآ
ماجد:مالت عليك ...ههههههه اقول حنا مو بالرياض
عبود:اجل وينكم فيه؟؟
ماجد:حنا بالدمام مخيمين بالبر
عبود:يلعن اوم الوناسه....زين اني جيت ولا كنت بحتر بالإمارات وانتم متونسين هناآ
ماجد:ههههههههه طيب شلون بتجي؟؟
عبود:بناخذ لومزين وبروح الفيلا آخذ سيارتي ونجيكم
ماجد: ولا دق على محمد وبندر هم عندك بالرياض
عبود:بندر هنا؟؟
ماجد:إي جا قبل اسبوع
عبود:وش جايبه هالخبل اخبر فيصلووه اللي بيملك مب هوو
ماجد:بلاااااك ماتدري حتى هووو خطب
عبود:اووووكشخ...كل هذا صار بغيابي وانا مدري؟؟
ماجد:يوووو ياعبود ياكثر الاشياء اللي صارت بغيابك انت تعال وانا اقولك كل شي بالتفصيل..
عبود:يلا يلا...بشوف النسيب وبنجيكم ...ولا تنسى لاتخبر احد..
ماجد:انشاااااا الله
عبود:فمان الله
ماجد:فمان الله يالغــــــآلي..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك