رواية ورود الامل برائحة الالم -57
مهند ابتسم وارتمى بحضنها بسرعه وبلهفه مثل الطفل وبكى لكن هالمره غير هالمره دموع فرح ،، عبير كانت بتطيح من قوة حضنه لكنها تماسكت ،، ضمته لصدرها وهي تبكي معاه فرحانه
الصبـــــاح
طيـــــارة السجيـــــدي الخاصـــــه
الوليـــــد § العنـــــود بعد ما ودعوا أهلهم وحبابيهم ركبوا الطياره الخاصه متوجهين لجزر المالديف ؛ لأن العنود ما قد زارتها وتتمنى تزورها في شهر عسلها لأنها باختصار (جنة الله في أرضه)
وصلوا لجزر المالديف وكانوا مستأجرين لهم في منتجع الفورسيسون (أفخم منتجعات جزر المالديف)
العنود تناظر البحر من الشباك الكبيييير وكان لونه أزرق زاهي مثل ما هو معروف عن بحر جزر المالديف ، ضمت إيديها تحت دقنها:جنان البحر مره رووعه
الوليد وقف بجنبها وحط إيديه على أكتافها:شرايك؟؟
العنود والفرحه بعيونها:مره روعه كنت أتمنى أزورها من زمااان والجزر كثيره مررره
الوليد أشر بإيده على جزيره:هذي جزيرتنا
العنود ناظرته وهي رافعه راسها:والله!!
الوليد هز راسه بالإيجاب:يب استأجرتها مفتوح يعني اجلسي إلى أن تطفشين
العنود:بس وحدنا؟؟
الوليد:إيه وحدنا_ناظر الجزيره وقال بحزن_هذي الجزيره نفسها استأجرناها مع الوالد الله يرحمه
العنود بحزن:الله يرحمه_ناظرته_فاقده؟؟
الوليد وهو ماسك دموعه:أكيد أتعس أيام حياتي كانت أيام عزاه
العنود:في الجنه إن شا الله
الوليد:إن شا الله_ناظرها وابتسم_بس الدنيا بقد ما تعذبك بقد ما تفرحك وزواجي منك كان أعظم هديه قدمتها الدنيا لي
العنود ابتسمت بحب:ألحين عرفت إن الدنيا حلوه
الوليد تنهد ومشى معها للصاله:الدنيا حلوه إذا كان فيه أحباب نقاسمهم النفس اللي نتنفسه
العنود:صادق
الوليد مسك جاكيتها القصير اللي لابسته على البودي:الجو حار ليه لابسه جاكيت؟؟
العنود كانت لابسته عشان يخفي بهاقها ، نزلت راسها وقالت بضعف:الواحد يستر عيوبه
الوليد فصخ الجاكيت ورماه بعيد وناظرها:البهاق مو عيب ولا حرام عشان تخفيه ، بالعكس المفروض تفرحين إن ربك اختارك من بين الناس وابتلاك به تكفير لذنوبك
العنود وهي ماسكه دموعها رفعت راسها وناظرته بعيون غرقانه وصوت يرجف:وليد
الوليد بهيام:لبيه
العنود ودقنها يرتجف:أنت ما تتضايق أو تقرف إذا شفت منظر البهاق بهـ....
الوليد حط إيده على فمها:أووش مابغى أسمع هالحكي_ابعد إيده وابتسم_بالعكس بهاقك أكثر شي يعجبني فيك_زاد ابتسامته_بهاقك يميزك
العنود مو قادره تتحمل حنانه معاها وصوتها يزيد رجفه:طيب يمكن يجون أولادنا بهاقين!!
الوليد:طيب_رفع إيده يدعي_يارب يجون أولادنا بهاقين مادام بيصرون مثل أمهم
العنود ناظرته وعضت شفايفها ودموعها نزلت ، بعدها حطت راسها على صدره وغمضت عيونها:أحبك
الوليد ضمها ودخل وجهه بشعرها وغمض عيونه:..
العنود نزلت دموعها بهدوء على خدها الناعم وبدون صوت مهما صرخت وصيحت من اليوم لبكره (أحبـــــك وأعشقـــــك) ماتوفيه ذره من حبها له
انتهتــــ كلــــ الجملــــ مـا بقــــى غيــــر الأملــــ
الجفــــا مـا يحتملــــ كلــــ شيــــ قسمــــه ونصيبــــ
الأملــ مـا هــــو أمانيــــ الأملــــ مرقــــى صعيبــــ
لـو أعانــــي ما أعانيــــ ظنيــــ بالله مـا يخيبــــ
الأملــــ ســــر الحياهــــ لليــــ مولاهــــ ابتلاهــــ يرفعــــ الكفــــ بدعاهــــ ياإلهيــــ يـا مجيبــــ
يـا هليــــ و إنابتيــــ يـا ذرايــــ وعزوتيــــ يـا بقايــــا دنيتيــــ حالنــــا والله غريبــــ
>>يسدل الستـــــار معلـــــنا نهايـــــة قصـــــه انثنيـــــن مـــــن أبطالنـــــا
عـــــاش أحدهـــــم أسيـــــر مرضـــــه وهمـــــه يائســـــا معتقـــــدا أنها نهايـــــة الدنيـــــا لكـــــن شخصـــــا دق قلبـــــه
بحبـــــه كـــــان هـــو من أوضـــــح بأن الدنيـــــا جميلـــــة بحبنـــــا وعشقنـــــا وابتسامتنـــــا وتعاوننـــــا<<
واضحكـ للدنيا تضحكـ لكـ ^_^
في مثل هالوقت وفي السعوديه بلاد الأمن والأمان والخير والتعاون وكل شي فديتها
:طن طن على ركاب الرحله رقم ١٥٨ المتجه لجنوب أفريقيا الـ........
عبير:كلللللللللوش وأخيرا
مهند:هههههههه
عبير:وربي الطياره الخاصه نعمه
مهند رفع شنطته ومد إيده لها:يلا
عبير ما تعرف لنفسها مره تستحي ومره تتجرأ ، مسكت إيده ومشت معه:...
ركبوا الطياره وربط مهند الحزام وعبير ساكته:...
مهند:شفيك سكتي؟؟توك شحليلك تسولفين
عبير ناظرته:قضت سوالفي
مهند:أوكي أنا بأحكي_أسند رقبته وناظر قدام_تذكرين أول مره شفتك؟؟
عبير تذكرت لما كانت بالمطبخ وراجعه من ملكة الوليد ، ابتسمت:إيه كنت عند الثلاجه ههههههههه
مهند:هههههههههههه
عبير:وتذكر لما.....
مهند قاطعها وهو يقرب بوجهه قدام وجهها ويقول بهدوء:من بعد هاليوم صرت ما أفكر إلا فيك وأنام وصورتك ببالي وقلبي يدق لشوفتك
عبير نفسها تقوله حتى أنا كنت أحبك وذايبه بهواك بس فيه شي يمنعها ، اكتفت بإبتسامه صغيره:...
مهند:هبلتي فيني يابنت عبدالله
عبير مدت بوزها:لا تقول كذا تحسسني بالذنب
مهند:ههههههههههه
عبير ابتسمت لضحكته(أحبك):...
>>يســــدل الستــــار معلنــــا نهايــــة اثنيــن من أبطالنـــا
عـــاش أحدهـــم ينتظــــر الأخـــر والأخــــر بالمقــــابل بسبــــب شهــــوة أقــــرب النــــاس لـه (والدهـ) أصابــــته عقــــدهـ
جعلتــــه يتــــردد فــي مصارحــــة مــن يحــــب
لكــــن شخصــــا ثالثــــا كــان لا يملــــك إلا حــــب الخيــــر لهــــم فكــــان سببــــا فــي اجتمــــاع قلــوبهم<<
وياحوووبــــي لهم كلهم ^_^
بعـــــد خمـــــس سنيـــــن
عصــــام متمدد على كنب صالة بيته وجامع إيديه ورا راسه (ياربي ليه حظي كذا ؟؟ تزوجت وحده حلوه ومعجبتني أخر شي طلع عندها بهاق وألحين تزوجت وطلعت مغروره وشايفه نفسها)
وفــاء (زوجته) نزلت وعليها عبايتها الفستان المخصره على جسمها النحيف ولافه الطرحه باهمال على وجهها الجميل ، وقفت عنده وقالت بغرورها:بأروح لأهلي
عصام ناظرها:استحي على وجهك مو على كل خلاف بسيط تروحين لأهلك
وفاء ناظرتها:بسيط!!_ضمت إيديها لصدرها_من قالك إنه بسيط ، أنا أبغى شغاله ما أقدر على شغل البيت وحدي
عصام وقف قدامه وأشر بإيدها:بس مافيه شغل كثير حتى طبخ ماتطبخين نجيبه من المطعم
وفاء صرخت وأشرت عليه:شفت شفت أنت اللي تغلط يعني أنا مالي فايده
عصام (يارب صبرك):يالله أنا ماقلت كذا بس أقول مافيه شغل كثير
وفاء:ماأبغى ، أبغى شغاله يعني أبغى شغاله
عصام تنهد:أوكي شغاله شغاله بس أهدي
وفاء ابتسمت بغرور (من أول ياأخي):...
عصام (حتى شكرا مافيه ، آه يازين العنود):...
>>وبيظل عصام على هالحال ، في خناق وهواش لأنه اهتم بالمظهر وبس
يمكن مايصبر ويطلقها ويمكن يموت من الهم<<
فلـــــة عـــــواد
رؤى صرخت:عبوود لاااا
عبود وهو ماسك العصير بقوه إلى أن وصخ ملابسه ، ضحك بطفوليه:ههههههه
رؤى شوي وتبكي:حرام عليك خمس مرات بدلت ملابسك
عبود (٥ سنين ونص) ميت ضحك على شكلها:هههههه
عواد طالع من الحمام وهو رافع لوجين وعليها الروب بعد ما روشها:شفيكم؟؟
رؤى أشرت على عبود وهي ماسكه دموعها:شوف ولدك خمس مرات بدلت ملابسه
عواد:عادي ياعمري أهم شي يوسع صدره
رؤى:يوسع صدره على حسابي!!
عواد جلس على ركبه وفتح إيده:عبودي حبيب بابا تعال
عبود راح يركض له وعواد رفعه مع لوجين:أوبا
رؤى قالت:وربي ماخربهم إلا دلعك
عواد أشر على كتفه وكان فيه أثر مشخ (ذكرتوه رؤى لما جات تطلق بعبود ومسكت عواد مع كتفه ^_^):عالأقل هم ما شوهوني
رؤى ضحكت بإحراج وتوها بتنطق لكن لوجين (سنتين) سبقتها و هي تدف عبود بغيره:وحر عن بابا (ابعد عن بابا)
عبود بالمقابل أعطاها كف خلاها تنفجر بكي << ماعنده وقت ، وبدوا يتضاربون ويضربون عواد معاهم
عواد:رؤؤ إلحقيني
رؤى ضحكت:خلهم يوسعون صدرهم أنا بأروح أجهز أغراض الطلعه وراحت تضحك تاركه عواد بلشان بعياله
قصـــــر السجيـــــدي
أم الوليد والشيب بدا يطلع في شعرها تتأمل ديم حفيدتها عيونها الكبار الواسعه أنفها الصغير شفايفها الصغار الورديه وشعرها الأشقر الكيرلي:ديمو حبيبتي تعالي عندي
ديم الوليد (سنتين) جت تركض ورمت نفسها بحضنها بقوه وهي تضحك:ههههههه
أم الوليد:ههههههه عورتيني
ديم:دده بنلوح البل (جده بنروح البر)؟؟<<يادينووه ياناس تدنن
أم الوليد وهي تلعب بشعر ديم الكيرلي الأشقر:إيه ياقلب جده
ديم:فيه ألعاب؟؟
أم الوليد:لا مافيه بس خذي ألعابك معك
الوليد يصرخ من فوق:عنوووودي
ديم تصرخ معاه:عنووووودي
العنود جت تركض من المطبخ لأنها تجهز الأغراض:خير اسمي ماما مو عنودي
ديم بإبتسامه طفوليه:بابا يقول
العنود تنهدت ورفعت راسها للوليد:لبيه
الوليد ابتسم لها من يشوف وجهها يبتسم:تعالي اربطي كوتشي
العنود رجعت للمطبخ:ما فيه أربطه بنفسك
الوليد يناديها:عنودي العنود
لكن العنود طنشته وهي ترجع للمطبخ وهي ماسكه ضحكتها الوليد بيجيه أحفاد وهو مو قادر يربط كوتشه
ديم ناظرت جدتها:بابا كسلان يقول عنودي
أم الوليد ابتسمت:...
الوليد من فوق:بنت استحي أنا بابا
ديم رفعت راسها برقبتها الصغيره:إلا أنت كسلان
الوليد نزل يركض:جيتك
ديم راحت تركض لأمها وهي تضحك والوليد يركض وراها ، ديم تعثرت وطاحت عند باب المطبخ ،، العنود بخوف:باسم الله عليك
الوليد مسكها:مسكتك
ديم:ههههههه
الوليد جلس عندها و ضمها و باسها بقوووه:أنا كسلان هاه_عض خدودها المليانه على خفيف_كسلان بابا وإلا لا؟؟
ديم:هههههه نا (لا)
الوليد تركها:إيوه كذا
ديم راحت تركض:إلا بابا كسلان
الوليد:كأنك أمك تحكين من بعيد
العنود حطت إيدها على خصرها:شفيها أمها؟؟
الوليد قرب منها وقال بشاعريه:أمها قلب الوليد
العنود ابتسمت بحب:ولبى من سكن قلب قلب الوليد
<<((ما عندهم وقت يخشون جو بسرعه حتى بالمطبخ خخخ))
الوليد ناظر في عيونها مباشره:وربي ما قد حبيت أحد مثلك
العنود ابتسمت:...
ديم تبغى تلفت انتباههم لأنهم نسوا وجودها:وماما كسلانه
الوليد والعنود نسوها ودخلوا جو ،، الوليد ناظرها وقال بضحكه:والله نسيناها
ديم تبغاه يركض وراها<<ياشين حركات المبزره:ودده (جده) بعد كسلانه
الوليد:لا تحاولين ماراح أركض وراك هههههههههه
ديم مدت بوزها:بألوح لده أحثن منكم (بأروح لجده أحسن منكم) وراحت
العنود بابتسامه تناظر ظهرها:ياربي هالبنت أحبها
الوليد وهو يناظر ديم:حتى أنا أحبها_التفت للعنود وابتسم_لأنك أمها
العنود دفته على خفيف وقالت بضحكه:روح بس عطيتك وجه اتركني أجهز الأغراض
الوليد:انتي اللي تبغين الشقا الشغالات مالين البيت خليهم يجهزونها هم
العنود:لا أحب أجهز شيي بنفسي
الوليد رفعها:بس مو قبل ماتربطين كوتشي
العنود وهي في حضنه:ههههه وليد نزلني
الوليد مشى بها:لا أول اربطي كوتش زوجك والشغل لاحقه عليه
العنود من بين أسنانها:وليد خالتي بالصاله
الوليد:عادي أنا شايل زوجتي
طلعوا في الصاله وأول ماشفتهم ديم جت ركض وهي تنقز:أنا بعد أنا بعد
الوليد طلع بها:لا أنا أبغاها بشغله
العنود ميته إحراج:...
أم الوليد مبتسمه ماعمرها شافت الوليد مبسوط مثل أيام زواجه:...
فلـــــة ياســـــر
ياسر:لمو وين كيس الرز؟؟
لمياء وهي تمشط شعر رزان بنتها(٣ سنين):عندك
ياسر وهي يدور:مافيه شي
لمياء نزلت رزان من حضنها وراحت وشافت كيس الرز فوق الطاوله ، رفعته:هذا ايش؟؟
ياسر التفت وطق جبهته:يوه وأنا أدوره بالدرج
لمياء:اللي ماخذ عقلك يتهنا به
ياسر قرب منها:دايم أنانيه وفيه غيرك بياخذ عقلي
لمياء بثقه:أكيد مو زوجتك
ياسر:زوجتي لكن لي ثلاث أيام ما اجتمعت أنا وياها
لمياء ضربته على خفيف:بكاش هذا مكتوب لكل بنت
ياسر:هههههههه_رن جواله وطلعه_هذا عواد شكلهم عند الباب بسرعه اجهزي
لمياء راحت تجهز وياسر رد على عواد
فلـــــة مهنـــــد
عبير وبطنها كبييير وحركتها بطيئه ، قالت بعناد:مالي شغل بأروح
مهند يفهمها:عبور حبي انتي حامل مايصلح تروحين البر
عبير ناظرته:مالي شغل أترك روحة البر وأجلس بالبيت مجنونه أنا!!
مهند:بس انتي حامل وهذا شهرك
عبير بعناد:ماابغى ماابغى بأروح_برجاء_هنودي خلني أروح_بدلع_أهون عليك تروح البر وتخليني وحدي
مهند تنهد:لا طبعا مايهون علي
عبير بحماس:أجل بأروح
مهند:عنيده وعارفه نقطة ضعفي
عبير باست خده:وأحبك
مهند:يابنت اعقلي لأكنسل الطلعه بكبرها
عبير:ههههههههه لا خلاص
مهند مسك إيدها وقال بشاعريه:Thank you God to give me like this wife
عبير ابتسمت وناظرت في عيونه بحب:يا بعد قلبي والله
فلـــــة زيـــــد
زيد واقف ورنا تسكر له أزارير قميصه
زيد يناظر شعرها الحريري اللي قصته فكتوريا لحد أذنها (لوك جديد) يطيح على وجهها وتحرك راسها عشان يرجع ورا ، قال بابتسامه:يجنن شعرك
رنا بعد ماسكرت أزاريره ابتعدت عنه وخللت شعرها بإيديها:خامس مره تقولها
زيد قرب منها:لأنك تجنين
رنا حطت إيدها على وجهه وإيدها الثانيه على وجهها(حركتها إذا استحت):أحرجتني ههههههههه
زيد باس إيدها اللي وجهه وبعد عنها ورفع شنطة الرحلات:يلا تأخرنا
رنا رفعت نواف النايم(٨ شهور):يلا
زيد مسك إيدها ونزلوا
تحــــت
أم العنـــــود تلعب مع فواز (٥ سنين) اللي تموت عليه<<أكيد عشان اسمه فواز
أبو العنـــــود جالس قدام اللاب بنظارته الطبيه
زيد نزل مع رنا اللي شايله نواف:يبه ياحبك للشغل والتعب خلاص اترك الشغل شوي
أبوالعنود وهو مندمج بشغله:أنا عندي حلال مو مثلك موظف وراتبي يجيني كل شهر
زيد:الله وذا الحلال ، الوليد وعنده مليارات ومشاريع وأسهم وشركات عالميه ما انشغل مثلك
أبوالعنود:الوليد معتمد على أسامه مدير أعماله لكن أنا ماعندي مدير أعمال
رنا:خل زيد يصير مدير أعمالك
زيد ناظرها:لا والله فاضي أنا
أبوالعنود:أصلا أنا مابغى مدير أعمال
أم العنود:شفت أنت اللي جايب الشقا بنفسك
أبوالعنود:...(ما يقدر يجادلها ^_*)
زيد أخذ فواز:ماغيرتي رايك يمه وتجين معانا؟؟
أم العنود ابتسمت:لا بأروح مع أبوك مسوي لي مفاجأه
زيد:والله مادري عنه هو ومفاجأته
أبوالعنود:اذكر الله وتوكل
زيد ضحك وطلع مع رنا
فـــــلة أبوعبدالكريـــــم
ســـــاره متمدده على سريرها ورافعه شعرها باهمال ووجهها مليان وخدودها صارت حمرا وبجنبها سرير بنتها ريتاج ،، فـــــارس جالس بجنبها عالسرير ورافع ريتاج:يادينوه يادينوه_باسها وناظر ساره_تشبه مين؟؟
ساره ابتسمت بتعب:ماما واخواتي يقولون ماتشبه أحد
فارس:صادقين ماتشبه أحد_ناظرها_يلا عاد متى عاد يحن قلبك وترجعين لبيتك؟؟ترا البيت ولا شي من دونك
ساره:الحمدلله فارس توني نفاس!!تبغاني أجي أغثك؟؟
فارس:انتي تغثيني!!أنتي عسل على قلبي ياشيخه أصير لعيونك شغاله بس تعالي
ساره ابتسمت:لا مشكور ماأبغى أتعبك
فارس:مو أقولك عسل يعني تعبك راحه
ساره:تسلم
فارس:راح يطلعون اليوم الوليد ومهند وعواد وياسر وصافي للبر
ساره:كان نفسي أكون معاهم
فارس:انتي تقومين بالسلامه بس وعندي لك مفاجأه يحبها قلبك
ساره بفرحه:جد!!ايش؟؟
فارس:هههه لو قلتلك ما صارت مفاجأه
ساره:الله يسامحك شوقتني تعرفني مافيني صبر
فارس:تعالي البيت وأقولك
ساره بضحكه:لا
فارس:أجل اصبري ههههههه
فلــــة أبـو صافــــي (اللي صارت ألحين لصافي وزوجته أفنان)
وافي جالس مع وافي ولد أخوه:أنت رجال لا تبكي على أي شي مثل الخكري
وافي (٤ سنين) ماسكه دموعه بالقوه:أنا ما بكيت
وافي:إيه خلك رجال
أفنان جت من المطبخ:وافي خله يبكي شعليك فيه ؟؟
وافي قام ياخذ جواله:أحسن خله يصير خكري مثل رجلك
صافي نازل من فوق:شفيه رجلها ؟؟
وافي رن جواله:هذا خالي ناصر بنطلع قنص يلا سلام وطلع
صافي يناظر أفنان:هالولد بيهبل بي
أفنان ابتسمت:بس ما شا الله عليه رجال ماتعطيه عمره
صافي:طالع على أخوه
أفنان:ما أتخيل شكلي أتغطى عنه هههههه
صافي:لا تلمحين بتتغطين عنه السنه الجايه
أفنان أشرت على عيونها:من عيوني ولايهمك
صافي:تسلم لي عيونك_رفع وافي_يلا الأغراض جاهزه
أفنان:إيه الشغاله تصفها بالسياره
صافي:ورزان بتروح ؟؟
أفنان:لا تقول بيجي إبراهيم
صافي:أوكي براحتها يلا
أفنان:دقايق ألبس عبايتي وأجي
صافي:أوكي وطلع
فــي البـــــر
عبير:أنا متوحمه بتراب هههههه
الكل انفجر ضحك عليها:ههههههههه
العنود:لا أنا كنت متوحمه بزيود كنت ماأطيقه_ناظرت رنا وقالت بضحكه_تذكرين
رنا تنهدت:وذي الأيام تنسي كانت كل ما جات يطلع زيد من البيت طول أيام وحمها حتى زيد يقول شكلي بأستاجر شقه إلى أن تخلص وحمها
العنود والكل:هههههههه
عبير مسكت خدود ديم:هالبنت ماعمري شفت أدلع منها
الوليد قاط أذنه معاهم لأنهم قريبين منهم لكن معطينهم ظهرهم:اللهم لا حسد
مهند ضرب كتفه:شقصدك؟؟
الوليد ناظره:يااخي شدخلك أنا وأختي نمزح مع بعض؟؟
مهند:أختك تصير زوجتي_رفع صوته_وإلا؟؟
عبير:إلا إلا _خفضت صوتها_فديتك
الحريم انفجروا ضحك:ههههههههههههه
عبود جا يمشي ويهمس لعواد:بابا وصخت ملابسي
عبير:أنا متوحمه بتراب هههههه
الكل انفجر ضحك عليها:ههههههههه
العنود:لا أنا كنت متوحمه بزيود كنت ماأطيقه_ناظرت رنا وقالت بضحكه_تذكرين
رنا تنهدت:وذي الأيام تنسي كانت كل ما جات يطلع زيد من البيت طول أيام وحمها حتى زيد يقول شكلي بأستاجر شقه إلى أن تخلص وحمها
العنود والكل:هههههههه
عبير مسكت خدود ديم:هالبنت ماعمري شفت أدلع منها
الوليد قاط أذنه معاهم لأنهم قريبين منهم لكن معطينهم ظهرهم:اللهم لا حسد
مهند ضرب كتفه:شقصدك؟؟
الوليد ناظره:يااخي شدخلك أنا وأختي نمزح مع بعض؟؟
مهند:أختك تصير زوجتي_رفع صوته_وإلا؟؟
عبير:إلا إلا _خفضت صوتها_فديتك
الحريم انفجروا ضحك:ههههههههههههه
عبود جا يمشي ويهمس لعواد:بابا وصخت ملابسي
عواد:أشوف
عبود ابعد ايديه عن صدره وكان تيشيرته مليان تراب وحط إيده على فمه:خخخ
عواد يقلده:خخخ_ضربه على خفيف وهو ماسك ضحكته_مبسوط مع وجهك عيب توصخ ملابسك
عبود أشر عليه:اضحك اضحك
عواد انفجر ضحك:ههههههههه هالولد كاشفني
رؤى:من اللي وصخ ملابسه؟؟
عواد+عبود:...
صافي:عبووود
رؤى غطت وجهها:لا ياربي
أفنان:عادي يااختي الشغاله تبدل له
رؤى:لا الشغاله ماتقرب عيالي
لمياء وفي حضنها رزان:عادي مو لدرجة ماتقربهم
مهند صرخ:رزاااان تعالي
رزان راحت تركض له مبسوطه ورمت نفسها بحضنه ومهند ضمها:ههههههه_طلع كيس_شوفي شجايب لك؟؟
ياسر:ليه متعب نفسك كل ما شفتها جبت لها شي
مهند حضنها:أحبها هالبنت مادري ليه؟؟
عواد:فيه ناس يغلون(يقصد عبير)
مهند:وهالناس محد واصل لغلاهم
عبير ابتسمت بغرور:....
الكل:هههههههههههههه
زيد وقف:رنا يلا نتمشى شوي
رنا وقفت فرحانه:إن شا الله
الوليد وقف:العنود
عواد وقف:رؤى
صافي وقف:أفنان
ياسر:ياسلام_وقف_لمو
الكل ناظره دايم ياسر يدلع زوجته ويتغزل فيها ويشوف هالشي عادي لكن هم لا يمكن لأنه خالط بنات الـ####
كل واحد راح من زوجته يتمشى وتركوا أولادهم مع الشغالات وأولهم رؤى<<هذي اللي تقول ماأحط عيالي مع شغالات (لكن عشان الرجل كل شي يهون ^_*)
العنـــــود & الوليـــــد = ديـــــم
مهنـــــد & عبيـــــر = عبير حامل وينتظرون ولدهم اللي قرروا يسمونه (الوليد) على خاله أخو أمه وجده أبو أبوه<<شلون تجي؟؟
رؤى & عـــــواد = عبــــود ولجــــون (لوجيــــن)
زيـــــد & رنـــــا = فـــــواز ونـــــواف
ياســـــر & لميـــــاء = رزان (مغوليه) لكن يحبونها لدرجة الجنون وماهمهم ومهند يموت عليها مايدري ليه؟؟
غيـــــداء & فيصـــــل = نجـــــود وجـــــود وينتظرون مولودهم صالح (على إسم أبو فيصل)
بشايـــــر & سطـــــام = لسى ماحملت بشاير لأن عندها تكيسات وخرابيط وتعالج وسطام منتظرها لأنه يعشقها
فـــــارس & ســـــارهـ = ريتـــــاج
صافـــــي & أفنـــــان = وافــــي<<غثهم وافي إلى أن سموا عليهم وأفنان أصلا تعشق وافي لأنه بدوي وعربجي وهي تحب هالنوعيه
رزان متملكه على إبراهيم صديق صافي وزواجهم قرب
جمانـــــه جاها نقل للكويت بلدها وعند زوجها وزوجها ماصدق وخلاها تحمل
فـــــزاع تملك وأخيرا على وحده أختارتها عبير له خصيصا لأنها مستحيل تنسى معروفه مع مهند
أم مهنـــــد تزوجت من اللي تحبه وعايشه بالأردن مكان شغل زوجها
فــي أحـــــد مستشفيـــــات الريـــــاض
قســم الولادهـ
بطل من أبطالنا جالس بملامحه الهاديه وهدوئه اللي اعتاد عليه الكل من بعد مارجع من جده
تـــــركي جالس بجنب زوج أخته (نسيبه) وعلى أعصابهم أول ولاده لأخته بعد انتظار ثمان سنين
الممرضه جات بلبس العمليات وبإيديها المولود وهي تقول بإبتسامه:مبرووك بنت
زوج أخته (بسام) بفرحه:الحمدلله يارب
تركي ابتسم بهدوء فرحان لبسام:..
بسام أخذها وباسها و ناظر تركي:والله مايسيمها إلا أنت
تركي بسرعه وكأنه ماصدق:بدور بأسميها بدور
بسام:بدور حلو_مدها له_سلم على بدور
تركي أخذها وتأملها مبتسم:بدور_حضنها لصدره وهو يحس إنه يضم بدور ونزلت دمعه وشقت خده ، بعد فتره رجعها لأبوها_مبروك
بسام فرحاااان:الله يبارك فيك
تركي ابتسم وطلع وشغل سيارته وحرك بهدوء كل شي بحياته يسويه بهدوء وملامح الحزن تكتسيه ، لكن هالمره مبتسم بدور جديده طلعت في حياته وبيشوف فيها بدور حبيبته اللي اشتاااااقلها مووووت ، شغلت الإشاره حمرا وماانتبه لها ومشى ،، سياره مسرعه جات من بعيييد واصطدمت فيه وأصدرت صوت مزعج وعالي
تركـــــي بداخل السياره جالس بدون حراك والدم مغطي وجهه خالطه بعض الدموع ، كتب بدمه على حطام السياره (بـــــدور أحبـــــكـ) ونطق الشهاده وغمض عيونه بسلام بعد فتره شهق شهقه قويه وبدا يطلع من فمه دم وفارق الحياه وهو مبتسم رغم كل الألام والأحزان اللي بداخله
>>يســــدل الستــــار معلنــــا نهايــــة قصــــة (مأساويه) لاثنيــــن مـن أبطالنــــا
عاش أحدهــــم فــي ألـــم وظلــم بسبــــب شهــــوة اثنــــين انتــــزع الله مــن قلوبــــهم الإيمــــان والرحمــــه فعاشــــت
عالــــه على المجتمــــع ليـــس لديــــها من يمسكـ بيدهــــا إلــى الطريــــق الصحيــــح لكــــن الحــــب لا يعــــرف عاقــــل أو
طائــــش فوقعــــت فــي حــــب من يحتقرهــــا لكنــــه اكتشــــف متأخــــرا بأنــــه قـــد أحبهــــا أكثـــر مما أحبتــــه
فأصبــــح حزينــــا يائســــا فكانــــت نهايتــــه مثــل حبيبتــــه )المــــوت(<<
أنـا مــن أشـــد المعارضيـــن لكلمـــة النهايـــه فــي أخـــر الروايـــه لأن النهايــه الحقيقيـــه هــي ::
)المـــــــــوت(
والراويه مستمرهـ بحلوهـا ومرهـا وأحزانهــا وأفراحهــا
1_أحبابـــــــــي ::
الوليـــــد : بگرمہ وحنانہ وشہامتہ ووفائہ وعشقہ ..
العنـــــــود : بيأسہا ونظارتہا السوداء وجمالہا ورقتہا وعشقہا ..
مہنــــــد : بعقدتہ ومرضہ وعزلتہ وعشقہ ..
عبيــــــــر : بخفة دمها وإبتسامتہا وأخلاقہا ونظرتہا الآملہ وعشقہا ..
عــــــواد : بخفة دمہ وأخلاقہ وبرهـ لأمہ وأهلہ وعشقہ ..
رؤى : بغرورها و سمنتہا وعشقہا المتأخر ..
بـــــدور : بجرأتہا وعيناها الخضروان وطيشہا وعشقہا ..
ترگـــــي : بحميتہ وندرتہ ممن يحمي عرضہ ويخاف ربہ وعشقہ المتأخر ..
زيــــــد : بسرهـ وغموضہ وهدوئہ ورزانتہ وعشقہ ..
هم گانوا أصحابي وأخواني بالفترة السابقہ .. هم من گنت أبيح لہم بأسراري .. هم من گنت أضع نصب
أعينہم أملي .. هم من آنسوني بالفترة السابقہ .. فشگراً لہم
2_رسالــــة شگــــر ::
شگــــراً لگم .. شگــــراً لگل من تابعني وشجعني .. شـگــــراً لگل من وقف بجانبي
من أخوات فاضلات .. شگـــــراً لگل من وقف معي خلف الگواليس وقد يگونوا
لا يعرفوا حجم الدعم الذي أعطوني إياهـ حين قرؤوا روايتي [فقط] فہذا بحد
ذاتہ دعم لي .. ولو أگتب عبارات الشگروالعرفان بماء الذهب على أحجار گريمہ
وأزخرفہا بقطع الألماس لا ماوافتگم نصف حقگم وحقہم واللہ .. فرحہ لگل ضحگہ أو
إبتسامہ ارتسمت على شفاهگم لأجل رواي .. شگــــراً على وقتگم الثمين الذي
أعطيتموني إياهـ لقراءة روايتي المتواضعہ
3_رســــالة اعتـــــذار ::
.. آسفــــــہ على گل دمعہ ذرفتہا أعينگم تفاعلاً مع أبطال روايتي ..
.. آسفـــــہ على گل گلمہ خرجت مني دون قصد وآذتگم ..
.. آسفـــــہ على وقتگم الثمين الذي أستغرقتموهـ في قراءة روايتي ..
.. آسفــــــہ على گل صرخہ أطلقتموها قہراً على بعض الأحداث ..
ولــــگـــن وجب علي أن انبہكم بالواقع فليس گل نہايہ سعيدهـ وليس گل
حب أخرهـ ارتباط وسعادهـ وليس كل زواج ناجح وليس كل من أحب
أحبه حبيبہ وليس كل من أذنب تاب وليس گل من عمل نال مرادهـ وليس
گل سر يحگى به ويشگى .. هذا ليس يائساً ولگن هذهـ هي الحياة وهذا هو
الواقع وأحببت في روايتي هذهـ أن أبين لگم حقيقہ الحب وجانبہ الحسن و
جانبہ السيء .. وجانب الأمل وجانب اليأس
لگـــــــــــــــــــــــــــــــن
,,
4_رسالــــــة أمـــــــل ::
مہما واجہت في حياتگ من صعوبات ..
ومہما ابتعد عنگ من يحبگ وترگوگ وحيداً ..
ومہما لسعتگ الدنيا بأسواطها الحارهـ على جلدگ الگسير ..
ومہما بگيت في أنصاف الليالي ألماً حسياً أو معنوياً ..
فـــــلا تيــــــــأيــــــسـ/ـي
فمـــــــــا زال هنــــــاگ أمـــــــــــل
لا تيـــــــــأيـــــسـ/ـي
فما زالت الشمس تشع بأشعتہا الذهبيہ لتداعب وريقات الزهر الجميل
,,
ومازال القمر يداعب مياهـ البحار والأنهار ليعگس عليہا أسمى معاني الجمال
,,
ومازال نسيم الہواء يحرگ الأقحوان لينشر شذاهـ العطر في حديقہ غنا
,,
ومازال المطر يتساقط ليسقي أوراق الشجر الذابلہ ليجعلہا مزرعہ خضراء
,,
ومازالت حبات الندى تلمع فوق أغصان الريحان في شتلاتہا المورقہ
لا تيـــــأيـــــسـ/ـي
فہناگ شمس تشـــــــــرق .. وقمر ينيــــــر .. ومطر يہطـــــل
وسمـــاء صافيــــہ .. وحديقہ خضــــراء ..ونجـــوم تتـــلالأ
وزهــــر يتفتـــــح .. وإبتسامـــہ جميلــــہ .. وأنـــاس يحبونــــگ
وأمـــل يتجـــدد .. ورب معـــــــــــــگ
لا تيـــــأيـــــسـ/ـي
فمــــا زال فـــــي الحيـــــاة أمــــــل
لا تيـــــأيـــــسـ/ـي
فأنتـ/ـي وردة أمل رغم الألــم
أنتـ/ـي
وردهـ برائحــــة اليـــاسميــــــن
ملاحظه ::
كان لدي الكثير من الأفكار والمشاهد والقصص في روايتي
لكني لم أحب أن أكتبها كونها روايتي الأولى وأعدكم في
روايتي القادمه بأن أكثر من القصص والأحداث والشخصيات المتنوعه
وأن تكون أفضل وأطول فانتظروني في روايتي القادمه بإذن الله تعالى[............] (أحتفظ بإسمها لنفسي حفاظاً على حقوقي) وأعيد ::
(لا أعلم إن كنت من هواة الكتابه أو إنسانه متطفله ليس إلا لكن أنتم من يقيمني)
//
16/5/1431هـ
أكثر ما أزعجكم في روايتي ؟؟؟
أكثر ما أعجبكم براويتي ؟؟؟
أكثر ما تكرهونه وتتمنون أن أتجنبه بروايتي القادمه ؟؟؟
((أتمنى إجابتكم وأرائكم لنجاح روايتي القادمه))
.
.
.
تجميع ورد جوري
اللهم لك الحمد حتى ترضى وإذا رضيت وبعد الرضى ,,, اضف تعليقك