رواية فمان الله يا غالي -57
قرب منهاآآ بنظره وآآآآآثقه...وهو يقول:الايام بيننا ياعهود...ومصيرك لي..انتي تحديتيني....(ابتسم بتحدي) وتحملي اللي يجيك
اخذ كتبه وملازمه وقبل لايطلع سمعها تقول:كل شي بحسابه يافراس...مافي شي يعدي علي ببساطه...
ومدة اليد هذي...بدفعك ثمنهاااا غاااااااالي...غاااالي
لف عليها بإبتســـآآآمة سخريه:هه....لما نشووووف...
اول ماطلع قفلت الباب وراااه بقووووووه...
سندت نفسها عالباب وصارت تبكي...
يقهرهاآآ....دايم يهزهآآ...داااايم يضعفهاآآ...ودايم لما تدخل بحرب معاه تطلع خسرااانه قدام نفسهاآ
ماكانت تبي السالفه تنقلب تحدي بينهم...
هي ماصدقت ان وضعهم رجع تمام...بس هوووو ينرررررفز
مغروووور وشايف نفسه ويحس محد قده..
يقهررررر يقهرررررررر
مسحت دموعها من جديد و قالت بنفسهــآ..."دامك تحديتني والله هالمره لأاطلعك انت الخسرآآآن...وربي ابكيك يافراس
وربي ما انسالك كل حركه سويتها..إلا لما اشوف دمعتك يا ابن امك.."
بمــــكــآآن ثاني
في عز اللعب والصراخ سمع رنة الموبايل ناظر الرقم.."بدر يتصل بك"
بدر بخاطره"الخبل هذا يكلم ع حسابي هو مع وجهه"رد:هلا مجوووود
ماجد ولسانه ثقيييييل:إلــ...ـحـ..ـق..عـ..لـ..ي.
بدروهو معقد حواجبه وبخوف:مجود شفيك؟؟
الشباب لفوا يشوفون شالسالفه..
ماجد:قــ...ر..صـ..ـتـ..ني...حـ..يـه
بدر وقف..بيطلع من الخيمه:انت وينك فيه؟؟
ماجد:............................................. ..............
بدر:الووووووو.........الووووو...ماجد تسمعني؟؟
قفل الخط ..
فارس:شفيه ماجد؟؟
بدر وهو ياخذ جاكيته باستعجال:ما ادري يقول قرصته حيه...الظاهر انه غاب عن الوعي
مهند بخوف:طيب هو وينه؟؟
بدر ومحتاااااس:مدري اقولك الظاهر غاب عن الوعي
عادل:بسرعه خل نلحق عليه..
طلعوا كلهم يدورون
سلطان يصرخ ع بدر من بعيد:موبايله معاه؟؟
بدر من بعيد:لا موبايلي اللي معاه
فهــــد:طيب دقوا عليه...عشان نشوف النور ونعرف وينه...شلون بنلقاه بهالظلمه
دق بدر ع موبايله..
والكل يلف ويدووور....
محمد من بعيد:شبـــآآآآآب هنــآآآآ....تعالوا بسرعه..
راحوا له كلهم..
شالوه سلطان وفارس وعالمستشفى..
بعــــــــــــــد نص ســـــآآآآعه...
الشباب واقفين بالممر يبون يعرفون شفيه ماجد..
محمد اكثر واحد محتاآآآس...كان يلف ويدور ويروح ويجي...والكل هادي وينتظر طلعة الدكتور إلا هو
بالنهايه عصب سلطان:ابو حميد...انثبر عالكرسي لأاجي افقعك...قسم راسي افتر منك..
محمد:انشالله
جلس عالكرسي..
بنــدر:وينهم فارس ومهند وعادل وخالد؟
لف عليه نواف:فارس ومهند راحوا يلمون الاغراض وبيروحونها للبيت..وعادل وخالد راحوا يدورون عالحيه اللي قرصته
يقولون لازم يعرفون عالاقل مواصفاتها
الشباب جالسين على اعصابهم..
رن موبايل بدر...ناظر الرقم...كان طويييل وغريب...عرف ع طول انه من بريطانيا..وانها دانه..
"ياربيييييي شلون نسيت انه راح يكلمهاآآ.."
ناظر بندر...وبعدها وقف ورااااح بعيد..
رد:الووو
دانه بخوف ومن بين دموعها:الووووو ماجد شفيك؟؟
بدر:احم...انا بدر...
دانه بإحراج والخوف بصوتها:ماجد وينه؟؟...شفيه؟؟..
بدر حس انه لازم يقولها..لأانه ماراح يعرف يصرف:..دانه....ماجد...قرصته حيه واغمى عليه وهو يكلمك.. والحين حنا بالمستشفى
دانه شهقت...وبدأت تبكي..
بدر انخبص مايدري شيسوي"انا وش خلاني اقول لها؟؟":دانه الله يهديك..اهدي انشالله مافيه إلا العافيه..
الحين حنا بالمستشفى وننتظر الدكتور يطلع عشان يطمنا عليه..وانشالله انهابسيطه
دانه من بين دموعها:.....بـــدر...واللي يعافيكـ...اول ماتشوفه طمني عليه..
بــدر ويحاول يهديها:انشالله...صدقيني هو بيكلمك بنفسه..وبعدين هو رجال ماينخاف عليه صدقيني بسيطه
دانه مو قادره تتكلم من البكي
بدر:يلا اتركك الحين...انتي ارتاحي وصدقيني كلها ساعه بالكثير وهو يكلمك وبخير
وقفل..
رجع...لقى الشباب مو بالممر عرف انهم دخلوا عندهـ..
دخل الغرفه بلهفه..
بنـــدر ياشر له:شششششش
بدر قرب وشاف اخوه...نايم ومبين انه مرتاح..
نواف يهمس له:الدكتور يقول انه بخير اقل من ساعه وهو صاحي..وصلنا بوقت مناسب
بــدر:طيب شلون وهم مايعرفون الحيه اللي قرصته؟؟
نواف:هم دكاتره وافهم مني ومنك
رن موبايل سلطان وطلع من الغرفه يكلم..
رد وهو بالممر:هلا جمانه
حست بالتعب في صوته:هلا حبيبي..وينك؟؟...شفيه صوتك؟؟
سلطان وهو يتنهد:ابد يالغلآآ سلامتك انتي كيفك؟؟
جمانه:كويسه الحمد لله
سلطان:كيف ظهرك لسا يالمك؟؟...اجي اوديك؟؟
جمانه:لا حبيبي عادي..احس اني احسن..
سلطان:انشالله دوم
جمانه:سلطان من جد مافيك شي؟؟
سلطان:اي قلبووو لاتخافين
جمانه:طيب ....اممممممممم....بطلبك طلب..
سلطان:عيوني لك
جمانه:تسلملي عيونك....ابي انام اليوم عند اهلي..
سلطان سكت شوي:.......بس جمجوم حنا تكلمنا قبل بهالموضوع
جمانه:سلطان تكفاااا...شوف انتو بترجعون متأخرين...وبتصحى الصبح وتروح الدوام وانا كل هالوقت بكون لحالي
سلطان وهو يتنهد:خلاص...براحتك
جمانه:لا ما ابي راحتي...ابيك توافق برضاك
سلطان ومو رايق:جمانه خلاص...قلت براحتك..!!
جمانه حست انه فيه شي انخنقت وهي تقول:تيب يلا باي
سلطان:مع السلامه....
وقفل..
رجع دخل عند الشباب....حصل ماجد توه يصحى..
ابتسم:سلآآآآآآماااات ابووو الشبـــآآآب...ماتشوووف شر
ماجد بإبتسامة تعب:الله يسلمك...الشر مايجيك
سلطان:هاااا كيف تحس الحين؟؟
ماجد:لا الحمد لله احسن
محمد:يا ابن الذين حراااام عليك طيحت قلبي وربي مت من خوفي عليك
ماجد:سلامة قلبك...احسن خل اشوف غلاتي
بدر:والله غالي مايحتااااج....بس من جد خوفتنا عليك...انا يوم سمعت صوتك وانت تكلمني ماعرفتك..
ماجد:والله ما اذكر كيف كلمتك...أساسا كنت مو بوعيي
بدر:بس زين دقيت ولا الحين بخبر كان
ماجد:ههههههههههههههههههه
بندر:شباب دقوا على فارس ومهند والشباب قولوا لهم يجون..
نواف:وليه حضرتك ماتدق ولا مافيك النفعه
بندر:اقول نوافووووه ...لايكثر ودق وانت سااكت...انا ماعندي ارقامهم..!!
نواف:احسن لك يادوووووب...تكلم زين لأاكفخك
بندر بإستهبال عشان يقهر الشباب:انا كلي فدا عيونك..
نواف يكمل وهو يشوف بندر يغمز له:يالبى عيونك والله
باسل منقهر:افففففففف....بدوا الغزلنجيه
....الحين وش يسكتهم
فهد ويأشر لباسل بإهتمام:اششش خلنا نتعلم..
سلطان:أي والله كووورسات عالهواآآآ
الشباب:ههههههههههههههههههههههههههههه
رن موبايل بــــدر...ناظر الرقم:هذي لموووس..
محمد لف بإهتمام
ماجد:اهلي دروا؟؟
بدر:لا
ماجد:خلاص لاتخبرهم مانبي قلق
بدر وهو يطلع من الغرفه:انشالله مايكون فارس خبرهم
طلع....ورد:هلا لموووس
لميس:هلا بدر شخبارك؟؟
بدر:اخلصي شعندك؟؟
لميس:مااالت عليك انت والذوق اعدآء
بـدر هنا ضحك:هههههههههههه...تيب آآآمري يالغلآآ وش تبين
لميس:لا لا لا بدوووور تكفىآ كذا اشك انه انت...
بدر:هههههههه وربي احترت معك....لا من جد لموس وش تبين
لميس:انت وينك الحين؟؟
بدر:ليه
لميس:افففففف انت واحد تنرفز الحين اسألك تجاوبني بسؤال...ليه مادقيت.؟؟..قال ايش قال بعد ساعه..
بدر:خلينا من هذي وقوليلي ليه داقه الحين؟؟
لميس:عشان ابيك بسااااالفه ضرووووريييييه
بدر حس انها تخص مرام:تخص منو؟؟
لميس:تخصك
بدر:انا لوحدي ولا معاي احد؟؟
لميس ابتسمت بخبث:أكيد معاك احد..!!
بدر:اهااااااا....وبهدوء وجديه:مرام فيها شي؟؟
لميس بنفس الجديه:لا ....بس السالفه تخصهاآآ
بدر:شنووو؟؟
لميس:مو الحين....احسك مو فاضي...بس لما اشوفك بخبرك
بدر بحده:لميس شنوووو؟؟
لميس وهي مرتبكه: مــرآآآم مــآتتكلم..
بدر:شلون يعني؟؟
لميس:يعني مو مرام هذي اللي هنا....وحده ثانيه يابدر...
متغيره كثير...يعني صاير...مثل.....مثل.....اممممممم
بــدر:مثل شنووو؟؟..
لميس بهدوء: مثلك قبل......يعني ماتحتك باحد...ولا تكلم احد...وربي من لما جينا..
ماترد إلا على كيفك؟؟..تقول عايشه
هذا اللي نسمعه منها
بــدر تنهد بقووووه:لميس ليه دقيتي وقلتي لي هالكلام؟؟
لميس بثقه:لاني ادري محد يقدر يطلعها من اللي هي فيه إلا انت..وع فكره...ترى اللي عرفته ان عادل اخوها مايكلمها
وخالي ابو عادل...تقريبا مايحتك فيهآآ..
احس ينقصها كثيييييير وهالنقص ما راح يعضوه غيركـ....بدر مرام لو ضلت على هالحاله...صدقني مابنقدر نطلعها منها مره ثانيه
وبخنقــه:بـــدر...اشتقت لمرام الأولى..
بدر ويحس همه زاد همووووم: لميس...انا اعرف شسوي....بس ابيك تساعديني...
واوعدك ارجع مــرآآآم....نفسها مرام اللي تعرفينهاآ
لميس والدمعه بعيونها:يــآآريت
بدر:يلا اتركك الحين...انا مشغول شوي..
لميس:اوووكي...يلا باي
بدر:فمان الله
قفل وتنهد..
جلس شوي يفكر...
قطع تفكيره فارس ومهند وخالد وعادل وهم جايين من آخر الممر..
فارس:سلطان دق علي يقول انه قام
بدر:اأي قام وهو بخير ونبي نطلعه من هنا عشان الاهل مايسوون سالفه..!!
خالد:اي والله خصوصا ابوك لو عرف بيغسل شراعنا..
مهند:طيب الحين الاهل كلهم ببيت خالي بو عادل..ومن شوي دقت امي تقول يبون احد يروحهم...
لازم كلنا نرجع...
خالد:انا وانت نروح...انا برجع اهلي وانت بعد وفارس ياخذ عيال خالي بوسلطان..ويروحهم..
بدر:وانا باخذ ماجد ونرجع البيت..
فارس:طيب وابوك إذا شافه شنو بيقول..
بدر:والله مدري بس بيغسل شراعنا اكيد....وقتها بنخبره بالسالفه كلهاآ..
فارس:الله يكون بعونك..يلا اجل...خل ندخل نتطمن عليه وانت يابدر روح طلعه..
بــدر وهو يمشي :طيب...
دخلوا الشباب ماعدا عادل...
عادل وهو يشوف بدر يمشي:بدر لحظــــه..
بدر لف عليه بإهتمام:آمرني
عادل بتردد:بس احب اشكرك ع وقفتك معاي بموقف مرام..
بدر:افا ياعادل حنا اخوااان ومرام مثل ....................اختي..
وبإحراج:انا ادري ضايقك الموقف اللي صار...وعارف مالها داعي الحركه...بس صدقني ياعادل..
لو كنت بمكاني وقدامك شخص تغليه...بتتصرف كــذآآ...اتمنى تكون فاهمني وماتفسر كلامي غلط
عادل مستغرب..."شخص تغليه؟؟"....
تخيل لو ان آلاء بهالموقف...خفق قلبه...والله يلمممممهاآآ بقووووه
بس معنى كلام بدر انه يحمل شي لمرام....بس شلون يقولي....ليه يخبرني؟؟.. يعني كمبرر.؟؟
بدر ويدري شيفكر فيه عادل..:
...ادري اللي قلته مايبرر تصرفي...بس عشان اريحك...انا انشالله كلها فتره وابطلب يدها رسمي..
ولا تحسب ان اللي بسويه عشان اصحح غلطتي...انا حاطها براسي من قبل...وبعـــد اللي صار زاد إصراري آخذهاآ
عادل ويحس كل ماله ينصدم ببدر زيــآآده...وبنفس الوقت يكبر بعينه زيـآده...ماعرف شيرد او شيقووول..
حط يده على كتف بــدر وابتسم وهو يشد عليه...
بدر رد له الإبتسامه... وهو يقول:عن اذنك يالنسيب...اروح اخلص اوراق ماجد واطلعه..
عادل اتسعت ابتسامته:اذنك معك..
راحوا الشباب...كل واحد اخذ اهله..
خالد اخذ شذآ واهله وراحوا بيتهم..
ومهند نفس الشي..واخذ جمانه معـــآآآه...وهم بالسيــآره
مهند:هلا والله يالله انك تحيي اختي..
جمانه بإبتسامه:الله يبقيك ياخوي
مهند:هاااااا كيف حبيب خاله عساه بخير
جمانه ويدهاآ على بطنــهآآ..:بخير ويسلم عليك..
مهند: يااااا حبي لللبزرآآآآن....احس اني بموووووت عليه...
ام مهند ابتسمت:دامك تحبهم هالكثر فرحنا فيك وخل نخطب لك
مهند لف على امه وهو رافع حاجب:واحد قايل لك لاتخطبين لي
ام مهند بفرحه:تحكي من جدك؟؟
مهند:والله إذا عندك بنت سنعه وتصلح لي ما بقول لا
ام مهند وزادت فرحتها:ابشــر ياولدي والله ازوجك شيخة البنات اللي تعيشك ملك
مهند ومستغرب من نفسه:تسلمين يالغلآآ..
ام مهند: انت ببالك احد معين؟؟
مهند وتذكر الهنوف وهو يتنهد:لا يمـــــه.... ابي بنت سنعه تعرف قيمتك ووقدرك وتقدر خواتي...وخير وبركه
رهــف: يآآآآآآآرب انك ماتاخذ إلا وحده تعشق ترااااابك ياهنوووود
سمـــر:انشالله ما تاخذ إلا اللي تستاااهلك يارب
الكل:آآآآآآآآمين
مهند ابتسم وبعدها ضحك:ههههههههههههههه احسكم متحمسين اكثر مني
ديمــآآ:وربي هنود بزواجك لاررررررقص رقص ماحصلش
مهند ويناظرها من المرايه: انتي هذا اللي هامك الرررقص
ديمآآ:اكييييييد...هذا طبعا من فرحتي فيك..
مهند:فديتكم والله
جمانه:هنود وصلني بيتي إذا ماعليك امر
ام مهند:مو على اساس بتنامين عندنا؟؟
سمر:جمجووووووم وربي اذبحك تحمسيني وبالنهايه تقولين بروح بيتي؟؟
جمانه:والله احس قلقانه على سلطان يوم كلمته ماعجبني صوته
مهند:هو بس لانه كان قلقان على ماجد ولد خالي محمد
ام مهند:ليه وش فيه ماجد؟؟
مهند:هاه؟؟.....ابد يمــه وحنا بالبر قرصته حيه ووديناه المستشفى وهو بخير الحين وماعليه
ام مهند:وليه ماخبرتووونا
مهند:الله يهديك يمه وليه نخبركم عشان تنفجعون زياده؟؟
ام مهند:طيب متاكد الولد بخير ومافيه شي؟؟
مهند وهو يلف عند بيت جمانه:اي والله حنا ماتحركنا من عنده إلا يوم تطمنا عليه والحين اكيد هو ببيتهم وما فيه إلا العافيه..
ام مهند:انشالله..
وقف ونزلت جمــآآآنه..وودعت اهلها واخواتها اللي هزأوووها عشان هالحركه...
بس هي ماطاوعها قلبها تترك سلطان خصوصا لما حست انه مووو راضي
فـــــي بيت ابوووو عبدالله..
بــــدر ومــآآجد توهـــم داخلين البيت..
ماجد متكي على كتف بدر وداخلين البيت بهدوووء..
بدر:الظاهر اهلي لسا ماجوا
ماجد:ومنو بيجيبهم يالفالح..
بدر:مدري فارس قالي هو بيجيبهم..
ماجد: طيب ساعدني خل نطلع غرفتي قبل يجي ابوي..
ما امداه يكمل إلا ابوه داخل...:السلام عليكم
لفوا ماجد وبدر:وعليكم السلام
ابو عبد الله وهو معقد حواجبه ويناظر رجل ماجد:سلامات عسى ماشر؟؟...وشفيها رجلك؟؟
ماجد ومرتبك:هاه...الله يسلمك...ابد بس وحنا بالبر قرصتني حيه..
ابو عبدالله بدأ يهزئ: انا قااااايل روحات البر هذي مامنها فايده...وبعدين لو فيكم نفعه ماتروحون والشركه الشغل فيها اكواام
ماجد جا بيتكلم:بس حنا يايبـ..................
قاطعه ابوه: وليه كلكم مقفلين موبايلاتكم...ادق عليكم واحد واحد كلكم مغلقه....الحين لو صار لكم شي بالبر شلون كنا بنتطمن عليكم
انتم مدري شلون تفكرون...واللي مجنني ان فارس رايح وياكم هو لو فيه خير كان اول واحد عارضكم ع هالأفكآآر.....
....ورجلك هذي اللي ماتقدر تمشي عليها...شلون بتروح فيها الشركه بكره وحنا عندنا شغل قد الدنيــآآ؟؟
والله ان ماتعدلتم لأاكون موريكم و...................................إلخ
تهزيئه طوييييييييييله ماخلصت إلا بعد ربع ساعه
طلع ابو عبد الله بعد ماكمل كلامه الطويل العريض...
ماجد وهو منقهر: تقول اننا مسوين جريمه...هالشياب ماتدري وش يبون...يعني شغلنا وخلصنا ويقولون شغل قد الدنيا
شنو هالشغل اللي مايخلص....افففففف
بدر ابتسم وبعدها ضحك:ههههههههههه والله انك نسخة ابوك وانت تهزئ
ماجد ابتسم غصب عنه:وانا صادق..
بدر:اقول اخلص خل اوديك غرفتك....ولا تنسى تدق على احم احم...ترى بغوا يموتون من خوفهم عليك
ماجد ابتسم على طاريها:اسم الله عليهم..
بدر وهو يطلع الدرج:إلا كيف الاوضاع ماقلت لي..
ماجد:وهو امداه يصير فيه اوضاع مامدانا بدينا إلا جت حية النحس هذي
بدر:ههههههههههههه
ماجد:بس انشالله انها تمام
بدر:انشالله خلك تفكنا من هالخشه اللي لها كم شهر مبوزه..
ماجد:علم عمرك يا استاذ..
بدر:اقول قدامي بس..!!
في بيت ام عــــــآدل..
دخل عادل البيت..تنهد...يحس بضيقه لما يتذكر مرام واللي صار لهاآآ
البيت هآآآآدي..
دخل الصالون وجلس عالكنب..
مسك موبايله ودق على واحد من اخوياه..
الووو....هلا ابو العز...شخبارك؟؟.....الحمد لله بخير....هااا بشر مافي جديد؟؟....
طيب بمرك اليوم بالمركز...وربي لو اشوفه احس بذبحه....خلاص على خير انشالله....اكيد بنسفره..وش نبي فيه..
.....انشالله.....فمان الله
قفل بعد ما أخذ اأخبار عن السايق..وعرف انه متفق مع ناس عشان يسوون هالحركه..
فااااااااار دمه....يعني هو ظلم اخته....عشان ناس ماعندها دين تعرضت لهاآ..
نسى انها بنت وماراح تقدر لهم...صحيح كان المفروض ماتطلع مع السايق وحدهاآ
بس اللي صار ربي كاتبه ويمكن ابتلاء لها ولهم...
اكيد نفسيتها الحين دماااار...وهو مزووود عليهاآآ....من لما شافها ماسمع صوتها ابد
يتمنى ترجع اوضاع العيله مثل اول...جمعتهم...ولمتهم..
فراس...وحركاته
شذا...والجو اللي كانت تسويه بالبيت
اسيل وريماس...براءتهم
مرآآآم:روحها المرحه...وعربجتها الممزوجه بانوثه فطريه
ابوه وامه ....فرحتهم بلمة عيالهم حولهم
تنهد من قللللب....كل هذا فقده...واللي راح ما يرجع..
بس هو بيده يعدل الوضع...
لازم يشيل الغيمه السودا الطاغيه على هالبيت..
صحى من تفكيره على دخلة ابوه..
شافه ابو عادل:السلام عليكم
عادل وقف وهو يبوس راس ابوه:وعليكم السلام ورحمة الله
ابو عادل:وشفيك جالس هنا؟؟...ووينهم اهلك
عادل:ابد والله توني راجع...وباقي ماشفت احد...اتوقع نايمين
ابو عادل:صدق اللي سمعته عن ولد خالك؟؟...يقولون قرصته حيه
عادل:اي وحنا هناك كان بوسط الظلمه وما انتبه...بس الحمد لله جت سليمه الحين هو ببيتهم..
ابوعادل:يلا الحمد لله.....تردد وهو يقول:إلا مافي اخبار عن محسن؟؟
عادل:توني مكلم عبدالعزيز خويي....ابوه ضابط...يقولي انهم بيسلمونه للسفاره وهي تتولى امره
اللي قدروا ياخذونه منه...انه متفق مع واحد عشان يسوون هالحركه...يعني...مرام مالها ذنب يبه..
ابو عادل يحاول يكتم غيظه: انا ادري ان اختك مالها ذنب ياعادل ...هذي تربيتي وانا عارفهاآآ..
بس عرضي يابووك...عرضي راآح...الحين اجلس بين اعمامك واحس ان راسي بالتراب...ما اقد ارفع عيني واناظر الناس
قاطعهم صوت يعرفونه زين..مميز ببحته الجذابه..:ماعاش اللي ينزل هالراس يبـــــه...وعساني الموت إذا حنيت راسك بسبتي..!!
تفاجأو وهم يشوفونها واقفه وتقول هالكلام...كلام اكبر من سنها...وصعب يقوله احد بوضعهاآ..
دمعتها مغرقه عيونهاآ...والالم واضح بصوتهاآ....
قربت منهم وسط ذهولهم..
جلست عند رجل ابوهاآ...: راسك بيظل مرفووووع وإذا انا اللي بوطيه...عساني اعدم حيآتي...
هذاني قدامك يبه...وربي لو تقتلني الحين محد بيلووومك...
رفعت راسها وناظرت عادل..:وانت ياخوي......إن كان موتي بيريحك وبيشفي جزء من اللي جواتك..
هذاني قدامك واقتلني.....بكت وهي تقولهم: يلآآ....اش تنتظرووون...؟؟...انا ابي اموووت..!!
واحد منكم يتكرم ويقتلني.....انا ما استاهل اعيش....خساره فيني كل ذرة هوا اتنفسهآآ بعد اللي صار
صــــــــــــدمــــــه...واقفين بصدمـــــــه....
كلامها صدمهم...سمعت كل الحكي اللي داربينهم...
والحين جايه تطلب انهم يعاقبونها بشي هي مالها ذنب فيه...
موقف صعب... الكل يمر فيه..
ابو عادل نزل لمستوى بنته...مسك كتفها...ورفع راسهاآ.. وبصوت كله حنان:انتي بنتي..جزء مني يامرام..
احد يستغني عن جزء منه؟؟....والله ياهالبيت بدونك مايكون...بس اعذريني...ابوك صدمته باللي صار اجبرته يتصرف بدون وعي
صدقيني هي ازمه وبتعدي..انا واثق فيك...واعرف اللي صار غصب عنك....وانتي مالك ذنب..
غلطتك الوحيده انك طلعتي مع السايق وحدك..والباقي مالك ذنب فيه...
مرام بكت...لحد هنا وخلاص... تحس بضعف ...انكسار...بس تلوم بنفسهآآ...موقادره تسامح نفسهآآ
وكلامهم اللي سمعته عورها بقلبهاآآ..آلمهاآ...ماتقدر تطنشه...
كون انها تكون سبب في ذل لأبوها او اخوها هذا اللي يذبحهاآ...
قالت بصوت كله دموع وياس:بـــــس والله ابـــي امـــوت...يبه ليه ماذبحتوووني..!!....لـــيه؟؟
عادل انصدم زياده...يآئسه لدرجة انها تبي الموت....!!!
قرب من اخته...:مرام ناظريني..!!
رفعت راسها ودموعها ماخذه مجراها..
قرب يدينه ومسح دموعهاآ...:
تحسبيني يوم اجلس اسبوع ما احاكيك... وما اكلمك...إني اكرهك ولا ما ابيك
لا يامرام...صدقيني غلطانه...اللي صار طبيعي لاي واحد بمكاني...
صعب امر بهالموقف واتصرف ولا كأن شي صار
بس بقولك شغله....اللي صار دررس لنا كلناآ...وابتلاء لك ولنا..وحنا بهالحاله مالنا إلا نصبر..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك